عيناك والماضي

بارت 16

سكّينُ غدرِكَ في الحشا تتربَّعُ
‏سلمتْ يداكَ بقدر ما أتوّجَعُ

‏كم ذا أقول لمهجتي لا تعشقي
‏فالعشق من دمعاتنا يترصَّعُ

‏حذّرت قلبي من هواك وناره
‏لكن قلبي لا يرى أو يسمعُ

‏يا من لحبِّكَ قد رهنتُ مشاعري
‏فخسرتُ عمراً لا أظنُّهُ يرجعُ

صباح الخير .

..................................

فدك ..........

اتصلت ع آسر بدلت ملابسي و نزلت جوا شفت ماما امل گاعده بالصاله و مهمومه اتقربت گعدت يمها انتهدت و حجت :

شايله هم كولش هوايه ل يحيى .

: مو انتي تكولين هذا قضاء و قدر الله كريم ماما لتشيلي هم يحيى مؤمن صح راح يزعل بس هذا قضاء و قدر .

: اعرف يا امي بس هذا ابنه و مرته صحتها مو تمام و الله شايله هم بكد الجبال .

: گولي يا الله صح آسر حيجي عليه ترحين  .

: و البنات ؟

: ميرحون ماعليهم شي يضلون سوا .

: ي اروح .

: تمام .

دقايق و وصل أسر اتوجهنا لمسار و اني طول الطريق افكر و محتاره بيها ما اعرف شنو ردة فعلها چانت كولش فرحانه بالبيبي و ممصدگه يمته تشوفه و بلحظه وحده خسرت كولشي .

الاصعب هو شلون حتتقبل انها بعد متگدر تخلف ياربي و الله صعبه الله يساعدها ويصبرها يارب اربط ع گلبها و ساعدها .

وصلنه دخلنه لمسار لگيناها هستوا گاعده و تون من الالم اني گلبي انكسر عليها ما گدرت اتحمل و ردت اطلع بس ماما امل ما خلتني و اصرت ابقى .

شويه شوي بلشت توعى و انتبهت النا اول حركه سوتها هي حطت ايدها ع بطنها و من حست ماكو شي باوعت ع خاله ريم .

خاله دارت وجهها و مسار انجنت :

لا.......لا ...... لتگول....ين ....اب...ني .....ابني ووووووووين ؟؟؟؟؟

مسحت دموعي بقوه و اتقدمت عليها حضنتها ماما امل حجت وياها تحاول تهديها :

قل لن يصيبكم الا ما كتب الله لكم كولي يا الله بنتي انتي مؤمنه وهذا قضاء الله وقدره خليح قويه .

مسار صرخت بصوت و انتفضت :

بس هذا ابني چنت انتظره يوم يوم و الله دايره بالي ع نفسي و ما اتحرك و ما اكل اي شي يأذي اخاف علي قبل لا ينولد انتظره يكون سند و اهل ووو يحيى اذا سال عنه شنو اگله ما گدرت احافظ ع ابنه ....

ماما حجت بهدوء :

كولي يا الله بنتي الله يعو.....

رادت تگول يعوضج بس ما گدرت غصت بالكلمه .