"ليت الذي بيني و بينك شرفة
تقولين منها: صباح الخير..
و أقول لكِ: الصباح يسكن في عينيكِ يا جميلة".☺️♥️
صباح الخير .
.....................
سمر .......
مر عرس امون بهدوء و جمال جانت كولش فرحانه و ما سايعتها الدنيا بعكس خاله الي ابد مو مرتاحه لهاي الزواجه .
مو بس خاله كولنا مو مرتاحين ليوسف امه من اول لقاء عرفنا ابن امه لان كلمه و الثانيه و كالت يوسف كال براحتج و ع رايج ف الكتاب مبين من عنوانه بس ما حبينا نحجي گدام امون خطيه لتزعل .
فتحت عيوني ع صوت ورد :
سمر سمر مو دا احجي وياج دتسمعين ؟
هزيت راسي اطرد الذكريات هروبي ، لقاء خاله ، حياتي وياهم ، رجعه امجد ، شغلي هنا ، معاناة انوار ، واخر شي زواج امون .
ابتسمت ورديت :
اسفه حبيبتي ما سمعت شنو تردين .
اتافاف و ردت :
شنو اريد مثلا ليش هو شنو عدنا غير ست انوار كل يوم مسويه مصيبه .
انتهدت بقهر و رديت :
شبيها بعد شكو مو امس اخذت المناوبه عنها .
: ي وشنو يعني حسبالج يجي وياها هذا الكلام لج هاي الشيطان يتعلم منها .
: اعرف ما گلتي شبيها ؟
: شعدها غير اليوم اجت للبيت تشوف ماما ف ماما كالت كومي سوي چاي گمت اسوي ابحدي حطيت القوري ع النار و رجعت لكيتها تحجي عليج تكول لامي بعدي بنتج عنها سمعت ام ارشد تحجي ويه صديقتها تگلها مسويه مكسوره وشارده من اهلها وين اوديها اخاف ارجعها لبيتي و انه عندي ولد .
فتحت عيوني ع كلامها هاي انوار ما اعرف شتريد مني كل يوم شي مره تكول اني عندي علاقه ويه امجد مره شارده و هسه طلعتني مسويه مكسوره .
فريت عيوني ورديت :
وامج اكيد صدكت .
نصت عيونها بخجل وردت :
اسفه بس ي ماما صدگت و حتى منعتني عنج .
ابتسمت :
ي و حضرتج شتسوين يمي .
: سمسم بعيدا عن موضوع امجد بس والله اني حبيتج و اعتبرج صديقتي و اكثر اعزج مثل ما اعز ود فلا تتخلين اتخلى عنج بس علمود كلام ماما .
: اعرف ماله داعي تبررين بس انتي تشوفين اختج ما تحبني و كوه تبلعني و من صرنه صديقات زاد حقدها اكثر و اكثر هسه من تشوفج يمي تگول لامج و امج ما تقصر خوش تكرمج .
ضحكت بصوت و ردت :
لتخافين گلت لماما سمر صديقتي و معليكم بيها اخر شي اقتنعت بس هددت اي شي غلط اسوي تمنعني عنج و عن الشغل اصلا تسويلي حضر تجوال و تگعدني بالبيت .
أنت تقرأ
عيناك والماضي
General Fictionبينما الماضي يلاحقها ويدمر حياتها لم تر ان دمارا جديدا قد اتى ليكون بعنوان عيناك والماضي .
