يأتي المساء فتضم الزهرة أوراقها وتنام معانقة شوقها، وعندما يأتي الصباح تفتح شفتيها لاقتبال قبلة الشمس، فحياة الأزهار شوق ووصال .
صباح الخير .
.....................
حور ..........
سمعت صرخه ميمي حسيت حيلي كله باد ما اگدر امشي خطوه وحده صرخه مو مجرد شي عاد لاء چانت گانوا صاير وياها شي مؤذي و هنوب صرخه نوف گلبي زين ما وگف .
ع صرخه نوف كلها ركضت للغرفه اني يا دوب طلعت من المطبخ و وگفت بالباب اجالي حاتم مفرفح من البجي يكولي ماما ميمي واوا متاذيه ماي وخرته من دربي و رحت امشي ع كيف .
قبل لا ادخل الغرفه طلع ابوها شايلها ع ايده و عيونه دم مغطيها ما گدرت اشوفها شبيها و ياريتني رحت و شفتها شبيها ما بيها .
اخذها و طلع و اني حضنت حاتم و گعدت ب باب المطبخ ما عندي قوه اسال شكو شبيها .
بقيت ع نفس الكعده من الظهر ل لليل ماما مياده اجت حضنتني و تحاول تهون عليه ما اتذكر شنو او شنو تحجي بس شي واحد اثار انتباهي هي نوف توكف قريب عليه و تخاف توصل يمي و ترجع لغرفتها ما اهتميت هواي بنتي و صحتها اهم .
البنات يتصلون محد يرد لحد ما دگ موبايل ماما مياده هي فتحت خط و ردت و ماما دخلت من باب البيت تصرخ .
گلبي صار يدگ قوي ما عندي قوه اگوم او ابحي او اي شي بس اريد بنتي .
لحظات و انگلب البيت عزا ..... عزا منو ....عزا بنتي طفلتي ألي عمرها ٢٢ يوم ماتتت ..........
مسار ........
دخلت للبيت لگيت روان تنتظرني باوعت عليها و ما رديت بحرف صعدت ركض للشقه فتحت الباب و دخلت بعدها فتحت باب الغرفه و دخلت نزعت حجابي وبدلت ملابس ما دا اصدك ألي صار باوعت ع المرايه و ضحكت بصوت عالي .
معقوله ألي صار ضليت اضحك بصوت عالي و بقوه مو مصدگه اني حامل سبحانك ربي .
سمعت رنه الموبايل ركضت فتحت بس شفته يحيى ما گلت و لا حرف بس صوت انفاسي العاليه هو الواضح لحد ما سئل :
صدك ألي سمعته ؟
: شنو سمعت ؟
: راح تجيني بنوته مثلج ؟
ضحكت بصوت و رديت :
ويمكن ولد بس هم يشبهني .
ضحك بهدوء و رد :
مسار انتي سعيده بهذا الخبر ؟
استغربت :
ليش انت مو سعيد؟
: اكيد بس خايف عليج اكثر من اي شي .
انتهدت بصوت و رديت :
تمام اذا سعيد لتخلي شي ببالك .
أنت تقرأ
عيناك والماضي
Ficción Generalبينما الماضي يلاحقها ويدمر حياتها لم تر ان دمارا جديدا قد اتى ليكون بعنوان عيناك والماضي .
