هذا غرامك في عيونك قد بدا
قل لي احبك لا تكن مترددا
كل الزهور تقولها بعبيرها
ويقولها العصفور ان هو غردا
قلها لآعرف ان حبك لم يكن
حلمًا ان طلع الصباح تبددا
قلها فأن المسحيل على يدي
سيكون في إمكانه ان يوجدا
قلها صباح الخير او سلم بها
ليضل حبك في دمي متوقدا
صباح الخير .
.............................
ايمان .........
طول الطريق ساكت و ما حجى شي انهم بقيت ساكته و هادئه .
وصلنه للبيت لكينا ماما لابسه عبايتها و تريد تطلع من شافتني دخلت و دخل ورايه امجد و بايده الجنطه استغربت .
ما نطيتها مجال تسال فورا ركضت لحضنها و فرغت كل حزني و خيبتي باختياري الغلط .
ماما بقت تطبطب عليه و ما حجت شي من سكتت ابتسمت و حجت بهدوء :
روحي امي ارتاحي بغرفتج انه رايحه للسوگ و بدربي اجيب سمر .
هزيت راسي بدون ما انطق اي حرف و دخلت نمت .
ما گعدت الا العصر باللحظه الي فتحت عيوني بيها سمعت صرخت اميره :
كعددددددت .
بحيث طفرت فورا و سئلت بخوف :
شنو منو ؟؟؟
سمر الي جانت گاعده ورايه شمرت عليها مخده و رزلتها :
ثول خرعتي البت اهدي امون تقصد عليج گعدتي الخبله مشتاقتلج و ما صدگت اجيتي .
ابتسمت لاميره و اشرتلها تجي تحضني هي ما صدگت خبر شمرت نفسها بحضني درت عيوني ع سمر و صحتلها :
تعالي .
اجت حضنتني يمكن لو باقيه يمكم احسن الي بهوايه
حجت اميره بهدوء :
تصدكين عاد اشتاقينالج هوايه ليش متجين ها ؟
: حبيبتي هاي انه اجيت و ضاله يمج .
الاثنين و خروا من حضني اميرة سئلت باستغراب :
ها ؟؟ شنو باقيه يمي ؟ صدك ماما گالت امجد جابج شنو صاير .
ابتسمت بهدوء و رديت :
ماكو بس اكلت كم ضربه و اجيت .
اميره صاحت :
الله يكسر ايده ان شاء الله كولوا امين .
رديت بقهر :
امين .
سمر سئلت بذكاء :
اوكفي مرمر امون حبيبتي اكيد مراح يضربج هيج بدون سبب شنو صاير .
ابتسمت الها و رديت :
قصدج شمسويه .
: شمسويه ؟؟!
أنت تقرأ
عيناك والماضي
General Fictionبينما الماضي يلاحقها ويدمر حياتها لم تر ان دمارا جديدا قد اتى ليكون بعنوان عيناك والماضي .
