يُقبّل جروحي ندبة
تلو الأخرى كأنهُ يعتذر
لي نيابةً عِن العالم.
صباح الخير .
....................
مسار ........
چان الشارع ضجه وصادف بيومها ازدحام كلش .
اصدقاء يحيى وصولنه للتصور وراها راحوا دخلنه صورنه واني چنت طول فترة التصوير متشنجه واحس الدم تيبس بعروقي من القلق والتوتر .
خلصنه تصور وطلعنه بالسياره هو چان دا يسوق اخذنه لفندق كولش مرتب وانيق هو حاجز غرفه چانت طابق ثالث صعدنه بالمصعد وهو فتح باب الغرفه ودخلنه اني چان البرنص مغطيني من فوك ليجورا هذا اجه ويه البدله هو والماسكه دخلت جوا وكعدت هو كال اخذي راحتج وطلع واني احتاريت بعمري شسوي ووين اروح بقيت صافنه لحد ما سمعت الباب انفتح ودخل يحيى شافني ع نفس كعدتي عفس وجه وحجى :
هاي ليش ع نفس گعدتج شنو تنتظرين خلصينه كومي بدلي خل نتسمم ونخمد اني عندي شغل باحر لازم من الصبح اروح .
بقيت صافنه بوجه يحيى شنو عنده شغل وشنو نتسمم شنو وضعه هذا .
فززني من صفتني وهو يكول :
ليمته هاي الصفنه ان شاء الله خلصينه كومي بدلي ما اكدر اخمد والضوا مفتوح .
كمت واتقدمت ع الحمام واني ارد علي :
ان شاء الله رايحه .
وفعلا بدلت لبست برمود بيتي ولافه شعري بالمنشفه لكيته نازع الستره وشامرها وفاتح اول دكم من القميص وكاعد ياكل چان شكله كولش هادئ وحلو وهو ياكل بترتيب مشطت شعري واجيت كعدت يمه هو كام يسبح واني احس ميته جوع من الصبح مو ماكله اصلا صارلي ثلاث ايام مو ماكله شي من التوتر والخوف واخذتها فرصه هو بالحمام فاكلت من طلع من الحمام شلت ايدي من الاكل ورحت غسلت رجعت لكيته شايل الاكل و جاي يشمط شعره واني بقيت صافنه علي وافكر وبعدين هو ما اهتم ألي خلص تمشيط وطفا الضوا وراح نام اني هنا من صدوك فلتت ملامحي شسوي و وين اروح بقيت متوتره وما اعرف شسوي لحد ما هو حس ع دمه وكال :
شبيج صافنه تعاي خمدي لو ما تردين تخمدين ترا انه اكره الناس الماتكعد من وقت فنامي وقت حتى تكعدين وقت .
رديت علي واني اتقدم للسرير :
ان شاء الله .
اتمددت يمه هو شكد هادئ كولش هادئ بحيث چان متمدد ع ظهره ونايم وهو ع نفس الحاله ما اتحرك اني ما كدرت انام لان غرفه جديده علي ووضع جديد بقيت صافنه علي شلون نام كعدت افكر انو عديم الاحساس عافني ونام واني ع صفنتي ما حسيت ع شي ونمت كعدت ع صوته وهو يحجي بهدوئ :
مسار مسار كعدي يلا .
فتحت عيوني وطفرت كعدت ع حيلي وصفت علي هو چان فارش سجاده وشكله يريد يصلي او مخلص صلاة واني ما اعرف شنو وضع من امس لليوم بس اصفن علي چنت فاتحه نص عين واباوعله وهو هم صافن علي بعدين ابتسم بخفه و ابتعد عن السجاده وشالها واتقرب علي چانت خصلات شعري نازله ع وجهي هو اقترب مني وهو مبتسم بعد الخصلات خلاها ورا ذاني وحجى بهدوء :
أنت تقرأ
عيناك والماضي
Fiksi Umumبينما الماضي يلاحقها ويدمر حياتها لم تر ان دمارا جديدا قد اتى ليكون بعنوان عيناك والماضي .
