فمتى اللِقاءُ، و كم يطول تساؤلي
هل في الحياة بقية لأراكَ؟
إن كان عُمري قد تصرَم و انقضى
فالعُمرُ، يبدأ حينما ألقاكَ.♥️
صباح الخير .
...............................
رنا ...........
بالفتره الاخيره حياتي مو تمام و مشاعري خارج عن السيطره و بس احد يحجي وياي اتعصب و اتعارك ويا .
اكثر شي روان ع اقل شي اني وياها تنعارك احاول اتجنبها ع گد ما اگدر رغم ثقتي ب جعفر و صدقه بس تبقى نظرة الانكسار الي بعيوني تؤامي تاذيني و تخليني احسب الف حساب لل الشي الي اريد اسوي .
الحمد لله اتخرجت يعني بقت بس النتيجه و اصير محلله حتى هذا الحلم لو ما هو چان ما حلمت بي و لافكرت احلمه كولشي بحياته هو علموده و ل اجله و اني نفسي عايشه علموده .
حب الطفوله كلمه كولش چبيره و الها تاثير بالنفس يمكن اني و فدك منصابين بنفس المرض بس الفرق هي ياسر ما حبها و اني جعفر حبني و وعدني اكون اله و من نصيبه .
الرجال افعال و هو لازم يگون گد كلامه و يحقق كُل الوعود .
اربع سنوات بالجامعه و اني اتمنى ما تخلص و لا اتخرج و لا يتقدم لخطبتي هو نفسي احسه متوتر بس خطوة المواجهه لازم نمر بيها لهذا حاول يتحمس و يحمسني ويا بس اني ابد ولا اتحمست من صدوك ما ردت اتخرج و اتوجع من اهلي يرفضوا صعب هذا الشي .
من يكون الواقع ما يوسع احلامنا نبنيها ب الخيال و هذا الي صار وياي الواقع ما تقبل احلامي الي كولها چانت بوجود جعفر ف اضطريت ابنيها ب الخيال و استمرت هاي الاحلام خمس سنين و هسه صارت لحظه الحقيقه يا اما احققها بالواقع او اهدمها و اعيد ترتيب حياتي من جديد .
الكلام سهل مو مثل الافعال اخاف من اتقبل عدم وجود جعفر ب حياتي هوايه اعتبارات حاطتها و اولها هو موقف روان و موقف ماما هذا غير يحيى شايله همه كولش ما اعرف شنو راح يگول او شلون يتصرف من يعرف اني ع تواصل ويه جعفر الله يستر .
اليوم من الصبح جعفر مصر احجي ويه ماما علمود اهله يجون و اني اعرف ماما كولش زين مراح توافق و هوايه لح عليه بحيث ضليت اسده بوجهه خفت اخلي صامت و يروح يتصل ع ماما لو يسوي شي .
لحد ما ماما عاطت علمود الاتصالات و عفتهم و صعدت لغرفتي من الاعصاب ما انتبهت روان جايه وراي بس دخلت للغرفه فتحت خط و عطت بي :
شتررريد جعفر شتريد ؟؟؟
: حجيتي ويه امج ؟
: تشوف الوضع مناسب احجي علمود خطوبنتا ...
ويه كلمة خطوبتنا انفتح الباب و دخلت روان و الدموع تارسه عيونها اخر شخص ردته يعرف بالموضوع هو روان .
أنت تقرأ
عيناك والماضي
قصص عامةبينما الماضي يلاحقها ويدمر حياتها لم تر ان دمارا جديدا قد اتى ليكون بعنوان عيناك والماضي .
