Sunbae [JaemRen]

Episode 16

Unicode

'Jaem' ကားလမ်းတစ်ဖက်မှာ ရပ်စောင့်နေတဲ့ သူ့ကို လှမ်းအော်ခေါ်ပြီးလက်လှမ်းပြနေတဲ့ Renjun ကို Jaemin ပြုံးရင်းကြည့်မိသည်။ သူ့ကို လက်လှမ်းပြပြီးတော့တစ်ခါ ဘေးနားက Haechan နဲ့ စကားပြောနေပြန်သည်။

Haechan နဲ့ Renjun နှစ်ယောက်သား မီးစိမ်းလို့ လမ်းကူးတဲ့အခါ ရုတ်တရက် မောင်းချလာတဲ့ အိမ်စီးကားတစ်စီးက အမှတ်မထင် Renjun ကို တိုက်မိသွားခဲ့သည်။

ရုတ်တရက်ဆန်လွန်းတဲ့ အဖြစ်အပျက်ကြောင့် Jaemin တင်မက ဘေးနားက အတူတူ လမ်းကူးနေသူ Haechan ပါ အံ့သြနေမိသည်။ ရုတ်တရက် တစ်စွန်းတစ်စ မြင်နေရတဲ့ ကားထဲက အရိပ်ကြောင့် Jaemin ဒေါသများ ဗလောင်ဆူသွားခဲ့သည်။

သို့သော် လမ်းမပေါ်မှာ သွေးတွေထဲက သူ့ကောင်လေးငယ်က ပိုအရေးကြီးသည်မို့ Renjun အနားကို Jaemin အမြန်ဆုံးပြေးသွားလိုက်သည်။ Jaemin သွေးအိုင်ထဲက သူ့ကောင်လေးကို အကြိမ်ကြိမ် ခေါ်နေမိပေမဲ့ သတိလည်မလာခဲ့။ Haechan နဲ့ အနီးနားကသူတွေက လူနာတင်ယာဉ် ခေါ်ထားပြီမို့ မကြာခင် ရောက်လာခဲ့ပြီး ဆေးရုံသို့ ရောက်လာခဲ့သည်။

သားဖြစ်သူ သတင်းကြားကြားချင်း အပြေးလိုက်တာတဲ့ Renjun မိဘတွေက Emergency room အရှေ့နားက ထိုင်ခုံမှာ ထိုင်နေတဲ့ Jaemin နဲ့ Haechan ကို မြင်တော့ အပြေးရောက်လာပြီး အကျိုးအကြောင်း မေးမြန်းတော့ Haechan က အကျိုးအကြောင်း ပြောပြလေသည်။

ဆေးရုံလာရာ လမ်းတစ်လျှောက်လုံး Renjun လက်ကို ဆုပ်ကိုင်ပြီး ဘယ်သူမှ စကားမပြောခဲ့တဲ့ Jaemin က အခုလည်း Renjun မိဘတွေကို မြင်တော့ ခေါင်းညိတ်နှုတ်ဆက်ပြီးသာ အခန်းတံခါးရှေ့မှာ သွားထိုင်လေသည်။

နာရီဝက်မျှ ကြာပြီးမှ ခွဲစိတ်တံခါးပွင့်လာတော့ အသည်းအသန် မေးကြပေမဲ့ ဆရာဝန်ရဲ့ 70% - 30% အခြေအနေကြောင့် Renjun မိဘတွေရော Jaemin သာမက Haechan တို့ပါ မျက်ရည်ကျမိကြသည်။

ခွဲစိတ်ခန်းထဲကနေ အထူးခန်းကို ပြောင်းလာသော ပတ်တီးဖွေးဖွေးနှင့် ကုတင်ပေါ် လဲနေတဲ့ Renjun ကို  Jaemin ငေးကြည့်နေမိသည်။ လချီကြာပြီမို့ သူစိတ်ချလိုက်တာက Renjun အပေါ် သက်ရောက်မှု အများကြီး ဖြစ်သွားခဲ့သည်။