Sunbae [JaemRen]

Episode 3

ဘာလိုလိုနဲ့ Renjun တို့ ကျောင်းရဲ့ Fresher Welcome နေ့ရောက်လာခဲ့သည်။ Jaemin နဲ့လည်း ခုတလောအတွင်းတွင် အရင်ကထက် ပိုခင်လာခဲ့သည်။ ဒီနေ့ လုပ်မယ့် Fresher welcomeမှာ ကိုယ်သဘောကျသူကို ဖွင့်မပြောရဲသူတွေအတွက် ဉာဏ်ဆင်ပုံးဆိုတဲ့ အစီအစဥ်  လုပ်ထားပေးသည်။

Haechanက ကျွန်တော့်ကို hyungကို ဖွင့်မပြောရဲရင် ဒီကနေ ထည့်ပေးလိုက်ပေါ့ ဆိုပြီး အကြံပေးလေရဲ့။ အကြံလေးက မဆိုးဘူးဘဲ လုပ်ရင် ကောင်းမလားလို့ တွေးနေစဥ် Fresher Welcome လုပ်မယ့် အခန်းထဲကို Jaemin hyung ဝင်လာသည်။

Hyungကို ပြုံးပြဖို့လုပ်နေရင်းမှ နောက်မှ ပါလာသော hyungကောင်မလေးဆိုသူကြောင့်  တစ်ဖက်ကို မျက်နှာလွှဲကာ နေလိုက်သည်။ ထို့အတူ ဉာဏ်ဆင်ပုံးထဲ စာထည့်ဖို့ ကြိုးစားမည့် အစီအစဉ်ကိုလည်း ပယ်ဖျက်ခဲ့သည်။

Hyungနဲ့ အရင်ကထက် ခင်မင်လာလို့ အဆင့်တွေ တက်ချင်နေတဲ့ ကျွန်တော့်ကို ကိုယ်အခြေအနေကို ကိုယ်သိပြီး ကိုယ့်အနေအထားနဲ့ကိုယ်နေဖို့အတွက် ခုမြင်ကွင်းက သတိပေးလိုက်သလိုပါပဲလားလို့ Renjun တွေးမိလေသည်။  Renjun ရေကိုသာ မသောက်ချင်သောက်ချင်နှင့် တစ်ငုံ မော့သောက်လိုက်သည်။

Renjun သီချင်းဆိုတော့ Hyungက ပန်းလက်ဆောင် လာပေးသည်။ Hyung ကို ကျေးဇူးတင်ကြောင်း ပြုံးပြ ဦးညွှတ်ရင်းသာ သီချင်းဆက်ဆိုလိုက်သည်။

F.w ပွဲဆုံးတဲ့ထိ ကျွန်တော်မနေဘဲ အိမ်ပြန်ခဲ့သည်။ ကျွန်တော်က လူစည်ကားတဲ့ နေရာသွားရင် အများဆုံး ၃နာရီလောက်ထိပဲ နေလို့ရသည်။ ဒါကလည်း ငယ်ငယ်တည်းက ရောဂါပုံစံဖြစ်နေတတ်တဲ့ အကျင့်တစ်ခု။

ပွဲတွေထဲ တက်ကြွစွာ ပါဝင်တတ်သူဖြစ်ပေမယ့် လူများလာလျှင် ၃နာရီထက် ပိုပြီးနေလို့ မရတဲ့သူ။ မိဘတွေကြောင့်လား ဆိုတော့လည်း မဟုတ်။ အဲ့ချိန်ထက် ပိုနေလိုက်လျှင် ခေါင်းမူးပြီ နေမကောင်းဖြစ်တတ်သည်။ တစ်ခါတစ်လေ ဖျားပါဖျားတတ်သေးသည် ဒါကလည်း ခုနက ပြောသလိုပေါ့ ရောဂါပုံစံ ဖြစ်နေတဲ့ အကျင့်တစ်ခု။

Renjun ကားပေါ်မှာတည်းက အိပ်ချင်နေသည်မို့ အိမ်ပြန်ရောက်တာနဲ့ အခန်းထဲဝင် တန်းအိပ်တော့သည်။ နိုးလာတော့ ညနေပိုင်း ဖြစ်နေပြီမို့ ရေချိုးကာ ထမင်းစားလိုက်သည်။ ထမင်းစားပြီးတော့ အချိုစားချင်တာနဲ့ အိမ်နားက 24hours mart ဆီ ရေခဲမုန့် ဝယ်စားရန် ထွက်လာခဲ့သည်။