Sunbae [JaemRen]

Episode 2

Unicode

'ဟျောင့် မင်းSunbaeကို ဒီတစ်သက် ဖွင့်ပြောဦးမှာလား'

Haechan သူ့ရှေ့ခုံမှာ ထိုင်နေတဲ့ Renjun ပုခုံးကို အသာလှမ်းပုတ်ရင်း မေးလိုက်သည်။

'မပြောတော့ဘူး'

Renjun သက်ပြင်းတစ်ချက်ချရင်း Haechan ထိုင်နေတဲ့ နောက်ဘက်ကို လှည့်ပြီး ပြောလိုက်သည်။

'ဘာဖြစ်လို့လဲကွ'

'မပြောချင်တော့လို့'

'မင်းကလည်း အဆန်း ဒီလောက်ထိ သဘောကျနေပြီးတော့ တကယ်ရော မပြောချင်လို့ ဟုတ်ရဲ့လား ဘာကိစ္စရှိလို့လဲ'

Renjun ပုံစံကြည့်ရသည်မှာ မပြောချင်လို့ မဟုတ်ဘဲ မပြောသင့်လို့ မပြောဘဲ ထိန်းချုပ်ထားသည့် ပုံစံပေါက်နေ၍ Haechan စူးစိုက်ကြည့်ကာ မေးလိုက်တော့ တွေးတွေးဆဆလေးနှင့် Renjun က ပြန်ပြောလေသည်။

'Seniorမှာက ရည်းစားရှိတယ် ငါကြားတယ်။ ပြီးတော့ ခုတစ်ယောက်က သူတွဲခဲ့သမျှထဲမှာ အကြာဆုံးပဲတဲ့ ငါ သူများအတွဲကို မဖျက်ဆီးချင်ပါဘူးကွာ သူတို့ဘာသာ ပျော်နေတာကို'

'အဲတော့ မင်းက ဘယ်လိုဆက်လုပ်မလဲ'

'တိတ်တိတ်လေးပဲ သဘောကျတာပေါ့လေ'

အလေးအနက်ထားကာ ပြောနေသော သူငယ်ချင်းကို မစချင်ပေမယ့် နည်းနည်းလောက်တော့ စလိုက်မှ Haechan ပီသမည်မို့ စလိုက်သေးသည်။

'Huang Renjunလည်း ကောင်မလေးတွေကို အီပြီး တွဲလာသမျှ Seniorနဲ့မှပဲ ပြန်ပြီး ဝဋ်လည်တော့မယ် ထင်တယ်။'

'မင်းပြောလည်း ငါခံရမှာပဲလေ ငါကိုက သူ့ကို အရင်က ကောင်မလေးတွေလို မဟုတ်ဘဲ ချစ်မိသွားတာကို'

တကယ်ပဲ ကျွန်တော်ဆိုတဲ့ Renjunက Haechan ပြောသလိုပဲ အလယ်တန်းတည်းက ကောင်မလေးတွေနဲ့ အီလာတဲ့သူ။ ပြောရရင်တော့ ကိုယ်က အေးဆေးနေပြန်တော့ ကောင်မလေးတွေက လာကပ်ပြန် အဲ့လိုနဲ့ ရည်းစားတွေ များကုန်တာပါပဲ။ ရည်းစား အင်း ရည်းစား အမည်ခံ ရည်းစားပေါ့။

တက္ကသိုလ်ရောက်လို့ ကိုယ်တကယ် ချစ်တဲ့သူတွေ့ပြန်လို့ ဖွင့်ပြောချင်ပေမယ့် ချစ်သူရှိနေပြန်တယ်တဲ့လား။ Renjun အတွေးကောင်းတာ အခန်းထဲ ဆရာဝင်လာကြောင်း Haechan ပြောမှ ကိုယ့်ထိုင်ခုံဘက် ပြန်လှည့်ထိုင်လိုက်သည်။