Sunbae [JaemRen]

Episode 4

Kai hyung ပြောတဲ့ နည်းလမ်းကို အသုံးပြုဖို့အတွက် Jaeminတစ်ယောက် စဉ်းစားခန်းတွေ ဝင်နေရသည်။ အတွေးနဲ့ဆို အခက်အခဲသိပ်မရှိတဲ့ နည်းလမ်းဆိုပေမယ့် တကယ်တမ်း လက်တွေ့ လုပ်ရမည်ဆိုတော့မှ ဘယ်လိုလုပ်ရမလဲ တွေးရခက်နေသည်။

Jaemin ကုတင်ပေါ် ဟိုဟိုဒီဒီ လှိမ့်လိုက်ရင်း တွေးမိတော့မှ သူမေ့နေတာတစ်ခုကို သတိရမိသည်။ သူတို့တွေ ခရီးထွက်ဖို့ လုပ်ထားတာ ရှိသည်။ အဲ့ခရီးမှာ Renjun ပါ လိုက်မယ်လို့ကြားသည်ဆိုတော့ ခရီးသွားရင်းမှ စမ်းသပ်ကြည့်ရမည်ဟု Jaemin ဆုံးဖြတ်လိုက်သည်။

အဲ့လိုဆုံးဖြတ်ချက်ချပြီးတဲ့နောက်မှာ အတွေးတစ်ခုကလည်း ဝင်လာသည်။ Renjunက ကိုယ့်ရဲ့ Soul mate သာဆို ကောင်းမှာပဲ ဆိုတဲ့ အတွေး။ အဲ့အတွေးလေးကို အမှန်ဖြစ်ပါစေဆိုပြီး ထပ်ပြီး ဆုတောင်းမိပြန်သည်။ What's wrong with me ???

>>>>>>>>>>>> Sunbae  <<<<<<<<<<<<

Renjun တို့ ပထမနှစ်ဝက် စာမေးပွဲဖြေပြီးတော့ ခရီးထွက်ဖို့ အစီအစဉ် ဆွဲထားကြပြီး ဂျယ်ဂျူကျွန်းဘက် သွားဖို့ စီစဉ်ထားသည်။ စီနီယာတချို့ပါ လိုက်ကြမည်လို့လည်း ကြားထားသည်။ ခရီးက ယောကျာ်းလေး သီးသန့်ပင်။ ထိုခရီးထဲတွင် Hyungလည်း လိုက်မည်ပြောသည်။

Hyungနဲ့တူတူ ခရီးသွားရမည်ဆိုတော့ ပျော်လေသည်။ Hyungကို ကျွန်တော် သဘောကျသည်။ သဘောကျသည်ဆိုတာထက် ချစ်တာဆို ပိုမှန်လိမ့်မည်။ ဘာလိုလိုနဲ့ ၃လလောက်တောင်ရှိသွားပြီပဲ သူ့hyungကို ချစ်နေတာ။ တကယ်တမ်း ဒီလောက် ရှိလာပေမယ့် စိတ်ထဲမှာတော့ သဘောကျတာ မနေ့တစ်နေ့ကလို့ ထင်နေတုန်းပင်ဖြစ်သည်။

ဒီနေ့က RenJun တို့ ဂျယ်ဂျူ သွားမယ့်နေ့ ဖြစ်သည်။ ကားထွက်ဖို့ စုရပ်မှာ လူတွေစုံပြီဆိုတာနဲ့ ကားပေါ်တက်ကာ လူတိုင်း အသီးသီးနေရာယူလိုက်ကြသည်။ Haechan က သူ့ကိုကို Mark hyungနဲ့ အတူတူထိုင်မည်တဲ့။ အင်းပေါ့ ချစ်သူတွေဆိုတော့လည်း တူတူထိုင်ချင်ရှာမပေါ့။

RenJun လည်း အချစ်ငှက်နှစ်ယောက်ကို ကျော်ပြီး ကားနောက်ဆုံးပိုင်းကို သွားထိုင်လိုက်သည်။ ပြတင်းပေါက်ဘေးလေးကို ဝင်ထိုင်ပြီး ဝတ်လာတဲ့ hoodieက ခေါင်းစွပ်ကိုစွပ် နားကြပ်လေးတပ်၊ မျက်လုံးလေးမှိတ်လို့ အေးဆေးထိုင်နေလိုက်သည်။