Sunbae [JaemRen]

Episode 10

Renjun နိုးလာတော့ Jaemin ရင်ခွင်ထဲ ရောက်နေသည်။ Jaemin ကို မော့ကြည့်လိုက်တော့ သူ့နဖူးကို နမ်းရင်း 'နိုးပြီလား' ဟု မေးလေသည်။ RenJun ခေါင်းညိတ်ပြရင်း ရင်ခွင်ထဲက ထွက်ကာ မွေ့ရာပေါ် ထိုင်တော့ Jaemin ပါ ထထိုင်လာသည်။

'ဘယ်နှစ်နာရီ ထိုးပြီလဲ'

RenJun, Jaemin ကို ကြည့်ရင်း မေးလိုက်သည်။

'၈နာရီခွဲ'

'အင်း'ဟု ပြန်ဖြေကာ ရင်ဘတ်ကိုပွတ်ရင်း Jaemin ကို ပုခုံးကို မှီထားလေသည်။

'ဘာလဲ ရင်ပြည့်နေလို့လား'

Jaemin မေးတော့ မျက်လုံးမှိတ်၊ မှီရင်းကနေ ခေါင်းညိတ်ပြလေသည်။

'ကိုယ်ပြောသားပဲ အစာကြေဆေးသောက်ထားပါဆို။ ခဏလေး ပြန်လှဲနေ။ ကားထဲက ဆေးသွားယူလိုက်ဦးမယ်'

'ဝယ်လာတာလား'

'အင်း ဝယ်လာတယ်။ ဒီအစားပုတ်လေး ဖြစ်တော့မှာ သိလို့ ကြိုဝယ်လာတယ်'

Jaemin, RenJun နှုတ်ခမ်းလေးကို ဖျတ်ခနဲ နမ်းရင်း ပြောတော့ နှုတ်ခမ်းဆူပြလေသည်။
Jaemin, RenJun ကို ခေါင်းအုံးပေါ် ပြန်သိပ်ပြီး ကားထဲက ဆေးကို သွားယူလိုက်သည်။

ဆေးယူပြီးတာနဲ့ ဆေးသောက်ဖို့ ရေပါ တစ်ခါတည်း ခပ်ရင်း အခန်းထဲ ပြန်လာခဲ့လိုက်သည်။ ခုနက လှဲနေတဲ့သူက Jaemin အခန်းထဲ ပြန်ဝင်လာတော့ ဖုန်းကို ကြည့်နေသည်။

'ရော့ ဆေးသောက်ဦး'

Jaemin ဆေးကို လက်ဝါးပေါ် တင်ပေးရင်း တစ်ဖက်က ရေခွက်ပါ ပေးတော့ ခေါင်းညိတ်ယူပြီး သောက်လေသည်။ ပြီးတော့ Jaemin ရင်ခွင်ကို မှီပြီး ဖုန်းထဲက သီချင်းကို ကြည့်နေလေသည်။

နာရီဝက်လောက်နေတော့ Jaemin ရေချိုးဖို့ တွေးရင်း ရင်ခွင်ထဲက RenJun ကို စကားပြောဖို့ ကြည့်လိုက်သည်။

'သက်သာရဲ့လား'

'အင်း သက်သာသွားပြီ'

'ရေမချိုးဘူးလား'

'ချိုးမယ် ခဏနေရင်'

'ဒါဆို ကိုယ် အရင်ချိုးလိုက်ဦးမယ်"

'ဟုတ်'

RenJun ပြောပြီးတာနဲ့ ရင်ခွင်ထဲကနေ ထွက်လိုက်ပြီး ခေါင်းအုံးကို မှီကာ Game ဆော့လိုက်သည်။ Jaemin ရေချိုးပြီး ထွက်လာတော့ ဖုန်းအားသွင်းပြီး RenJun ရေချိုးလိုက်သည်။