Sunbae [JaemRen]

Episode 14

Renjun မနက်နိုးလာတော့ Jaemin ရင်ခွင်ထဲမှာ ဖြစ်သည်။ RenJun အဖျားကျသွားပေမယ့် ငိုထားတဲ့ အရှိန်ကြောင့် မျက်လုံးတွေ ဖောင်းမို့နေပြီး ခေါင်းမူးနေသည်။

'Baby သက်သာရဲ့လား'

'အင်း ဒါပေမယ့် မျက်လုံးနည်းနည်းအောင့်ပြီး ခေါင်းကိုက်နေသေးတယ်'

'အင်း မနက်စာ ဘာစားချင်လဲ'

Jaemin မေးပြီးတဲ့နောက် Renjun နဖူးလေးကို နမ်းလိုက်သည်။

'တကယ် လုပ်ကျွေးမှာလား'

Jaemin မေးရင်း ငေးကြည့်လာတဲ့ Renjun က ကလေးလေးလိုပင်။

'အင်း ဘာစားချင်လို့လဲ'

'ကင်မ်ချီထမင်းကြော်'

'အင်း ကိုယ် ကြော်ပေးမယ်။ ကိုယ်သွားကြော်နေတုန်း ထပ်အိပ်နေဦးမလား။'

'ဟင့်အင်း တူတူလိုက်မယ်'

RenJun , Jaemin လည်ပင်းကို ဖက်ကာ ပြောလိုက်သည်။ Jaemin လည်း နောက်ထပ် RenJun နဖူးလေးကို နမ်းလိုက်ရင်း

'ဒါဆို မျက်နှာသစ်ကြရအောင်လေ'

'အင်း Jaem ချီ'

Jaemin, RenJun ကို ချီပြီး ရေချိုးခန်းထဲ ခေါ်သွားလိုက်သည်။ မျက်နှာသစ်ပြီး Jaemin ထမင်းကြော် ကြော်ဖို့ လုပ်နေတုန်းမှာပဲ ကျောကို ဖက်ကာ ကပ်နေပြန်သည်။

'Baby က ဖားပျံလား တောက်တဲ့လား'

'ဖားပျံလည်း မဟုတ်ဘူး။ တောက်တဲ့လည်း မဟုတ်ဘူး။ Jaem ကို ကပ်မယ့် Jaem ရဲ့ Baby'

RenJun ပြောသည်ကို Jaemin သဘောတကျ ရယ်လိုက်မိသည်။

'အဟမ်း အဟမ်း'

မီးဖိုချောင်ထဲ ချောင်းဟန့်ရင်း ဝင်လာသော Kai နဲ့ Kun။ Hyung နှစ်ယောက်ကို တွေ့တော့ RenJun, Jaemin ကို ဖက်ထားရာက လွှတ်လိုက်သည်။

'Aigoo အတွဲတွေ အတွဲတွေ'

'Kai hyung တို့တွေ မနက်စာ အပြင်မှာပဲ စားကြမလား'

'အဲ့လို လုပ်ကြမလား'

Kai hyung နဲ့ Kun hyung စနောက်မှုကြောင့် RenJun မျက်နှာနီရဲလာလေသည်။ Jaemin ကတော့ RenJun ကို ပြုံးပြီးသာ ငေးကြည့်နေသည်။

'တစ်ယောက်သောသူရဲ့ မျက်နှာက စတော်ဘယ်ရီခင်း ကြနေရောပဲ။ တစ်ယောက်ကလည်း ငေးကြည့်နေတာ မျက်လုံးတောင် ကျွတ်ကြတော့မယ်'