Sunbae [JaemRen]

Episode 17

Unicode

ဆရာဝန်နဲ့ သူနာပြုတွေ မိနစ်ပိုင်းမျှ ကြိုးစားပြီးတဲ့နောက် Renjun ရဲ့ နှလုံးခုန်နှုန်းပြန်တက်လာခဲ့သည်။ Jaemin ဘေးနားမှာ အရမ်းငိုနေတဲ့ Renjun မာမားကို ပါပါးက ခေါ်ပြီး အခန်းထဲက ထိုင်ခုံတစ်ခုံတွင် ထိုင်စေသည်။ Jaemin ကတော့ ကုတင်ပေါ်က Renjun မျက်နှာကိုသာ မလှုပ်မယှက် ငေးကြည့်နေမိသည်။

ခဏအကြာတွင်လည်း Renjun မားမား ငိုနေရင်းက သတိလစ်သွားသည်မို့ မားမားကိုပါ ဆေးရုံတင်လိုက်ရပြန်သည်။ သားစိတ်နဲ့ လချီ စားမဝင်၊ အိပ်မပျော်တဲ့ဒဏ်တွေက အခုမှစုဖြစ်ပုံရသည်။ မားမားကုတင်ဘေးမှာ ထိုင်ပြီး မားမားကို ငေးကြည့်နေတဲ့ ပါးပါးရှိနေသလို ကုတင်ပေါ်မှာ အိပ်စက်နေတဲ့ ဖြူဖျော့ဖျော့ကောင်လေးဘေးမှာလည်း ကျွန်တော်ရှိသည်။

မလွှတ်တမ်း ဆုပ်ကိုင်ထားချင်ခဲ့တဲ့ လက်ဖဝါးသေးသေးလေးကို လက်တစ်ဖက်က ဆုပ်ကိုင်ရင်း တစ်ဖက်က မျက်နှာလေးပေါ် ထိတွေ့မိတော့ မျက်ဝန်းထဲက မျက်ရည်တို့က ပါးပြင်ပေါ်သို့ စီးဆင်းလာခဲ့သည်။

အချိန်အကြာကြီး အိပ်နေတဲ့ကောင်လေးက သူ့ကို ထားသွားမည့်အဖြစ်မျိုးကို Jaemin လက်မခံ။ ဒီညနေလို အဖြစ်မျိုး ထပ်ကြုံဖို့မပြောနှင့် အတွေးနှင့်တောင် မတွေးရဲလောက်တဲ့အထိ Jaemin ကြောက်မိသည်။

Jaemin ဘယ်ချိန်ထိ ငေးနေမိလဲမသိ။ ဘေးနားမှာ Kai hyung နဲ့ Kun hyung ရောက်လာသည်ကိုပင် သတိမထားမိ။ ချောင်းဟန့်တော့မှ အသိစိတ်ပြန်ဝင်ပြီး ကြည့်မိမှ hyung နှစ်ယောက်ကို တွေ့သည်။ Hyung နှစ်ယောက်ကိုတွေ့တော့ Jaemin ပိုတိုးလို့ ဝမ်းနည်းမိသည်။ တစ်ခါမှ အခုလို မပြိုလဲဖူးတဲ့ ညီဖြစ်သူကို ကြည့်ရင်း Kun hyung နဲ့ Kai hyung လည်း စိတ်မကောင်းဖြစ်မိရုံမှအပ ...

××××××××××××××××Sunbae×××××××××××××××××

'Jaem' သူ့ပါးပြင်ကို ကိုင်တွယ်ရင်း ပြောလာခဲ့တဲ့ သူ့ကလေးငယ်

Jaemin အံ့သြစွာ မျက်ရည်တွေနဲ့ ပြုံးမိတော့ သူ့ကောင်လေးက မျက်နှာလေးမဲ့ပြီး မငိုဖို့ ခေါင်းခါပြလေသည်။

'ကိုယ့်ဆီ ပြန်လာပြီလား Baby' Jaemin ဝမ်းသာအားရစွာမေးတော့ ကောင်လေးက သူ့ကို ခေါင်းခါပြလေသည်။