ඉතින් එහෙනම් මෙතනින් පටන් ගන්නෙ එයාලගෙ ✨ අතීත කතාව ✨
So...
_____________________________________________
"ඔලුව විකාර වෙලාද කන්ජූ?! ඒ ඉන්නෙ මගෙ පුතා!!" තමාගෙ පුතාවත් පපුවට තුරුල් කරන් පාර්ක් හින්ජේ එයාගෙ හස්බන්ඩ්ට කෑ ගැහුවෙ ඇස් වලින් එක දිගටම කඳුළු ගලා යද්දි.
"ඔයාගෙ විතරක් නෙවෙයි එයාගෙ මගෙත් පුතා!! අපිට වෙන කරන්න කිසිම දෙයක් ඇත්තෙ නෑ හින්ජේයාහ්!!" පාර්ක් කන්ජු ත් ආපස්සට කෑ ගැහුවා.
එයාට එයාගෙම කඳුළු නවත්ත ගන්න බැරි තත්වෙටම දෛවය එයාලව ඒ තැනට පත් කරා, වෙන කරන්න කිසි දෙයක් නැතිකමට එයාට අද කරන්න වෙලා තියෙන දේ...
"ඒකෙන් කියන්නෙ නෑ මගෙ පුතාව විකුණලා දාන්න ඔයාට කිසිම අයිතියක් තියනව කියල!! අපිට හරියකට කන්න බොන්න දෙන්න බැරි වෙන එක, ඒක තමුසෙගෙ ප්රශ්නයක්!!! මං කීපාරක් කියල ඇතිද ඒ පිස්සු යක්කුන් ගෙන් සල්ලි ණයට ගන්න එපා කියල!! උන් ඔක්කොම දැන් අපිව හොයනවා, එතකොට අපි- අපි සතියක් තිස්සෙම මේ කුණු උමගක් අස්සෙ හැංගිලා!! මගෙ දරුවො මෙහෙම ඉන්න ඕනෙ අය නෙවෙයි!! කොහොමටවත් නෑ!! එයාල මේ ලෝකෙට ඇවිත් තාම හරියටම සතියයි කන්ජු!! එක සතියයි!! එතකොට ඔහේගෙ වැඩ නිසා දැනටමත් අපි මේ උමගක් අස්සෙ බඩගින්නෙ!!" හින්ජේ කෑ ගැහුවෙ එයාගෙ ඉවසීමෙ අන්තෙටම ඇවිත්.
එයා, එයාට ආදරේ නැතුව නෙමෙයි. මේ ලෝකෙ වෙන කිසි දේකට වඩා එයාල, එයාලට ආදරේ කරා, හැමදාමත්. එකිනෙකාගෙ ජීවිත වලට එයාල කඩා වැටෙන්න නොදී හැමදාම ශක්තිය දෙන හයිය ගල් කණු දෙකක් වගේ හිටියා, එයාල මේ වෙනකන් ගෙවපු හැම අමාරු කාලෙකදිම. කන්ජුට හැමදාමත් ඕනෙ උනේ එයාගෙම බිස්නස් එකක්, එයා ලෝන් ගත්තා, ඒත් ඒ හැම වෙලාවකම, ඒ හැම දෙයක්ම වැරදුනා. වාසනාව නම් තිබුනෙ එයාලගෙ පැත්තෙ නෙවෙයි, කොහොමටවත් නෑ. කන්ජුට ගෙවන්න නම් ණය ඕන තරම් තිබුනා, ඒත් එයාට තාමත් ඕනෙ උනේ එයාගෙම බිස්නස් එකක් පටන් අරන් දියුණු වෙන්න, ඒකෙන් හැම ප්රශ්නයක්ම විසදලා දාන්න, ඒ නිසා එයා ණයකාරයන් හැංගිලා එයාගෙ ජීවිතේ ගෙවන්න වග බලා ගත්තා. ඒත්, මීට සතියකට කලින්, එයාගෙ වයිෆ් එයාගෙම නිවුන් දරුවො දෙන්නෙක්ට උපත දෙද්දි, ණයකාරයො කොහොමහරි එයාලව හොයා ගත්තා, මුලු ගේම එයාලගෙ ඇස් ඉස්සරහම විනාස කරල දැම්මා. කන්ජුට ආයෙත් එයාගෙ පවුලෙ අයව අරන් යන්න ගෙදරක් නෑ, එයාට අනිත් අයගෙන් උදවු ඉල්ලනව ඇරෙන්න වෙන කරන්න දෙයක තිබ්බෙ නැති උනත්, එයාල හිටපු පුංචි ගමේ එයා ගැන දැනන් හිටපු කවුරුවත්ම එයාට උදවු කරන්න කැමති උනේ නෑ. ඉතින්, එයා වෙන මොනව කරන්නද? එයාට, එයාගෙ වයිෆ්ව වගේම අලුත උපන් පුංචි දරු පැටව් දෙන්නත් අරන් අතෑරල දාපු උමගක ඉන්න උනා.
YOU ARE READING
ᴛʜᴇ sᴘᴏɪʟᴇᴅ ʙᴇᴀᴜᴛʏ // ᴊ.ᴊ.ᴋ + ᴘ.ᴊ.ᴍ ᶜᵒᵐᵖˡᵉᵗᵉᵈ
Fanfiction✨️නැහැදිච්ච කොල්ලෙකුගෙයි, හැදිච්ච මහත්මයෙකුගෙයි අමුතු ම විදිහෙ ආදර කතාවක්...✨️