اخترت ان اكون بمفردي

بارت ٣

عجيب الإنسان من يمر بوكت عصيب كل اللي حواليه يختفون مع تقديم الاعذار المابيها

مرت السنوات والايام يوم بعد يوم نكبر وتكبر آمالنا بأن نكون أقوى ونكون سند لأهلنا بكبرتهم

كل البشر تتغير نفوسها الحياة صعبة بس احنة أقوى

سلسبيل / صرت صف رابع ودخلت الفرع العلمي جنت شاطرة ومعدلي بالثالث متوسط ٨٥.٢٥ بالمية
ووصلت لنصف السنة واني مكافحة انو اطلع من اوائل المدرسة فالمديرة قبل نصف السنة طلعت البنات الشاطرات بالساحة متت قهر وبجي ما طلعوني عل الرغم اكو بنية اشطر منها اني باضعاف طلعت شنو هل التفرقة صح جانت عندي درجة قليلة بالعربي ٣٥ من ٥٠ بس هاي اقل درجة الباقي كلهن فوك ٤٥ من ٥٠ والبنية جانت ٣٣ وطلعوها متت بجي لان تعبت حيل بالدراسة وصراحة كلت ما اريد بوسة المديرة كلها ريحة😂😅😅من حركة كلبي والقهر

المهم مرت امتحانات نصف السنة وطلعت معدل عالي وكنت من ضمن المشمولين بالتكريم وكرمتني المديرة 😒 شهادة تقديرية ومرت الاشهر وخلصت السنة الدراسية بمعدل ٩٤.٧٧
وصرت خامس وقررت اعوف كلشي وراي واغير المدرسة لمدرسة ثانية صح ابعد من مدرستي بس أفضل نفسيا ودراسيا

ورحت لمدرسة.....وبلشت بيها بكل قوة ومرت السنة بمعدل ٩٧.١٧
واجت
٢٠١٩

شهر السادس بلشت بدروس تقوية وخلصت السادس وطلعت معدل ٩٩.١٧ جانت فرحة كلش جبيرة 

وطبعا معدلي اهلني ادخل طب اسنان وخلصت سنتين وهسة بالثالثة وصرت اداوم مرتين بالأسبوع بمستوصف قريب على بيتنا اتعلم بي ونكدر نكول جو المستوصف (مركز صحي) او ممكن تسموه مستشفى غيرت نفسيتي واصلا اني تغيرت جذريا صرت ما اهتم وانسانة بلا قلب وقاسية وصرت اعامل الناس بنفس الطينة التستحقها

شرايكم بالقصة ؟!!
الكاتبة #سيدة المزاج
الاحداث من هسة حتبدي المغامرات
#رجاءا بدون تجاوز القصة بيها عبرة وصاحبة القصة حبت تطرح قصتها حتى تنبه البنات
صاحبة القصة تتابع الأحداث ويانة

#سوو مشاركة ولايك وتعليق للقصة بنصيحة تنصحون بيها البنات