وقاسمته روحي فصار خليلهـا ♥️،
كعدت ساعة ٩ سمعت صوت جهال حماي علاء
كمت غسلت وطلعت
لكيت مرت علاء اخذتها على صفحة وكتلها اريد جهاز منزلي للحمل
ضحكت وكالت هسة اجيبة راحت جابتة وانطتنياه علمتني عليه
دخلت سويت اللي كالتة ما طلعت من الحمام ضليت منتظرة وخوف وقلق عالي عندي
انرسم خط ثاني كمزت وصحت فااااااطمةةةةةةة
جان تجي تركض مرت علاء(فاطمة )
كالت ها بشري كتلها حامل والله واكمز فرحت حيل ٠٠٠٠٠رحت كلت لعمتي باركتلي وكالت لا تكولين الاحد بس اني ومرت علاء لحد ما نتأكد العصر كتلها ماشي عمة تغدينا وغسلت المواعين ٠
العصر اخذتني عمتي وعمو راح ويانة لان وحدنا نسوان ويخاف علينا رحنا للعيادة أخذنا تحليل نص ساعة
طلع التحليل عمو آخذة من المحلل
اجة وجهة مبتسم يضحك كال مبروك بوية حيجينة حفيد جديد رجعنا عمتي كالت لعمي بالطريق انزل جيبلنا بقلاوة وكرزات وكيك كال تدللين حجية
نزل من السيارة عمو يسوقها جاب الحبشكلات وجكليت رجعنا للبيت عمة كالت ماكدرت اهلهل بنص العيادة وكامت تهلهل واطش الجكليت علية
كلش فرحت انو كدرت اسعدهم واجتي مرت علاء وحماتي باركلي
طبعا وصتني عمتي انو مانكول لعلي نسويها مفاجأة من يرجع من الدوام يوم خلص بقة ١٤ يوم
ب يوم ال ١٣
عمة كالت العصر توديني لدكتورة نسائية جانت تشرف على حالة فاطمة مرت علاء خوش دكتورة
وافقت بس اخذت من مرة علاء ١٠٠ الف وي العندي ٧٥ الف مصرفي علما يجي علي وارجعهم
رحت العصر وهم عمو وعمة اخذتني
رحنا للدكتورة سوت تحليل وفحص دم وسونار
وسألتها عمتي شلونة الطفل واوضاعة
كالتها يحتاج تشرب سوائل هواي وتتغذة زين
وكالتلها حامل بتوأم
كامت عمتي تهلهل وتصلي على محمد والاحلى من هيج طلعو ٣ مو ٢ انوب عمتي كامت هلهولة تجر هلهولة عمي واكف يم الباب يسمع صوت عمتي
الحمل صارلة تقريبا شهر
طلعت اني وعمتي من الدكتورة دفعت حسابهم عمتي رادت تدفع بس اني مقبلت كتلها عندي شنو ذنبها تدفع مصروفها
طلعنا وعمي باركلي طول الطريق يسولفون على علي
وشلون نفاجأة باجر يجي علي
السونارات والتحاليل ضميتها والكل باركلي ولحد هسة علي كلشي ميدري
ههه حيل مشتاقتلة ومتحمسه اشوف ردة فعلة
حماي علاء راح جاب عشة البنات متجمعات ونسولف لل ٢ بليل ضلينا بما انو اخر يوم وباجر ارجع لبيتي حيل تونست وحبابات حيل الله يخليهن
الصبح سمعت صوت الباب اندك وسمعت حماي علاء فتحلة الباب ووصيتهم محد يكول
عمتي محضرة الهلاهل والجكليت
اول ميطب كالت اعلكها علك
أنت تقرأ
اخترت ان اكون بمفردي
Roman d'amourطالبة طب اسنان تقع في حب الضابط فتبلش قصة حبهم بسرعة ويطلبها من والدها لكن الوالد يرفض ويحاول اقناعه تابعو القصة للنهاية
