سلسبيل ) كعدت الصبح كلي نشاط احس energy طاقة عالية مكيجت وبدلت ملابسي كيلوت (بنطلون واسع ) وردي وقميص سمائي وحذاء وجنطة بيضة وربطة مشجرة وردي
واكلت لكمة عل السريع وطلعت للمستشفى
بدينا نستلم مراجعين اني تحت التدريب بس اباوع طب مريض يشكي من سنة فالدكتور المختص بدة يشتغلة حشوة واني اباوع رفعت عيني لكيت شخص يم الباب يخزر بية اني خفت كلت هذا شبي باوعت على نفسي حجابي ضابط ولبسي مستور هاي شبي ؟
درت وجهي باستنفار وعصبية
الرجل جايب اختة هم سنها يأذيها المهم اشتغلو سنها وطول الفترة الرجل يباوع علية وادير وجهي وترني حيل اخذ اختة وراحو ورة فترة نص ساعة انتبهت اكو بنية يطلع عمرها ١٠ سنين تلتقطلي صور 🥲 حيل خفت والف فكرة جتي أبالي رحتلها كتلها ليش تصورين نكررت كالت تا اصور بالبنية ذيج (بنية ثانية )
بس كذب!!!!!
متاكدة اخذتلي صورة أو صورتين
كتلها مسحيها لان اذا دروا الكادر انو مصورة بنت يسوولج مشكلة شو البنية خلي وفلتي من المستشفى كلة
مر الوقت ونسيت السالفة رجعت للبيت وانطيت خبر لأهلي انو اكو بنت كانت تاخذ صور المن ما ادري وقعت بين الشك الصور الي لو لا
داومت يوم الاثنين وما داومت بعدها للاحد البعدة
نفس الشخص رجع وهالمرة اسنانة هوة متأذية
لزم سرة واجة دورة بس هالمرة ما خزر بس يباوع واني بكل مرة اتوتر وانزعج اضوج
كلت هذا شبي مشبه علية؟؟
وصل دورة وصعد عل الchair كرسي الاسنان لبست الكلوفز ولزمت ابرة التخدير دا اريد انطي بنج كال الله بلاني بجمال عيونج
اني اصابتني قشعريرة وخوف احس كلبي تيطلع من مكانة عفت ابرة التخدير ونزعت الكفوف وكلت لطبيب ثاني ينطي البنج وطلعت من غرفة الاسنان فورا حاولت قدر الإمكان اكون بعيدة لحد ما يخلص سن ه ويطلع
فترة ٢٠ دقيقة طلع بس اكو بعيونة الف تساؤل
جنت بعقلي افكر هذا شخص الله يعلم منو وشيريد مني
خليتة يطلع ورجعت ضليت اتفرج على المرضى وشلون نتعامل وياهم تقريبا هواي تعلمت القلع حشوة الاملكم (حشوة السمنت االي لونها رصاصي) وحشوة ضوئية وشلون نعطي للطفل فلورايد يعني تقريبا ٧٠ بالمية
مر اليوم ورجعت للبيت والف فكرة براسي اتناسيت الموضوع وداومت يوم الاثنين ونفس الشخص رجع شفتة بممر المستشفى مدري شصارلي دنكت عيوني راسن ومشيت سمعتة وراية يكول انتظري اريد احاجيج
التفتت بصوت ناصي كلت ماعندي حجاية وي شخص غريب
كال والجاي يريد يتزوج بسنة الله ورسوله شلون نحل سالفتة
كلت باب أهلها مفتوح ومشيت كبل لقسم الاسنان
مشينا كم مراجع طلعت من الغرفة شوية لكيتة كاعد بكراسي الانتظار
كلت بكلبي هذا شيسوي كاعد هنا غلست ومشيت شربت مي لان احس فحطت و جعت ضل منتظر للساعة ١٢ لبست جنطتي تا اريد ارجع للبيت شفتة نهض من الكرسي الجان كاعد علية من ٩ الصبح
اتجاهلت ومشيت سمعتة بصوت ناصي يكول لا تخافين راح امشي وراج لحد باب بيتج اندلة والعصر ادز امي وخواتي عليج جهزي نفسج
أنت تقرأ
اخترت ان اكون بمفردي
Romanceطالبة طب اسنان تقع في حب الضابط فتبلش قصة حبهم بسرعة ويطلبها من والدها لكن الوالد يرفض ويحاول اقناعه تابعو القصة للنهاية
