اخترت ان اكون بمفردي

بارت ٢

سلسبيل ) حيل تعبت تعبت اريد احد يفهم تعبي شوكت اعيش براحة مشاكل مشاكل مشاكل لا خلصت من حجي الكرايب ولا خلصت من مشاكل البيت

مرت ١٢ سنة بين احزانا وافراحنا

٢٠١٧

سنة سودة مرت علينة
ماما رجعت تبجي من الطبيب

الصدمة؟!!!!!!!!
ماما شبيج ماما

فاطمة (الام) ماما طلع عندي ورم أكياس من المبيض وعددهم ٤

وراح اسوي عملية

دكتورة كالت نسبة فشل العملية ٩٠ بالمية

يعني اذا اقل خطأ ينتشر المرض لان كانت الأكياس بيهن نسبة مرض الخبيث

بوكتها دنية مغرب والحزن عام عالبيت

واسمع امي تحجي وي خالتها وتبجي وتوصيها بينة احنة البنات أمانة بركبتها

ماما جانت الدرع اليحمينا من اقاربنا
التارسه كلوبهم الحقد والانانية عالرغم همة بيوت وسيارات ورواتب قوية وماشاء الله
بس
لان احنة متميزين بمدارسنا
وابوية وامي تعبانين حيل علينة وهمة ولدهم وبناتهم يتركون الدارسة وبناتهم يفضلن الزواج عل الشهادة
واحنة حالتنا بسيطة على كد حالنا

محد دك علينا الباب من اقاربنا وكال تكاليف العملية علينا ويدرون بينة حالتنا بسيطة بس واحد من عمامي اللي اكبر من والدي انتة ١٠٠ الف لبابا بس مقبل ياخذهم
مردنا اي شي من احد

اهل ماما هواي ساعدونا سوولنا لمة بسيطة تساعدنا ووحدة من خالات ماما اتبرعت بمبلغ مليون ونص لان كان المفروض والدتي تخضع للكيمياوي

بعد خروج ماما من العملية سوة الدكتور زرع للاكياس وطلع بيهن نسبة مرض خبيث ولازم اما انو تشيل الرحم والمبيض او تخضع للكيمياوي
اما تضل بدون اي شي واذا رجعن مرة لخ تسوي عملية واللي المفروض كل سنتين ترجع نفس الحالة
امي مرت بحالة تهسترت واحنة بنات بنص الغابة منو النا
وخصوصا ابوية يسمع كلام عمامي واللي اول شي يزرعون كلامهم انو ميذب افلوس مدرسين علينة .

بنظرهم البنت اول تالي تتزوج وتروح للرجال
امي بعد فترة ٤٠ يوم ضبط خضعت لعملية ثانية وبابا كان عندة كم فلس وي الواجبات والمليون ونص سوت عملية ثانية وشالت الرحم والمبيض
بس جانو الصدمة اكبر

جان اكو اجتماع لعدد من الدكاترة واللي بضمنهم دكتور الأورام رحيم ودكاترة أخرى اللي يناقشون حالة ماما والتبين انو
الرحم والمبيض كانت نظيفات تماما ..؟!!

الحالة كانت صدمة للدكاترة انو امي طلعت بسلامة واعضائها سليمة تماما

التبين بعدين انو ماما شربت فدشي مسحور واللي قدمتة الها وحدة من نسوان عمامي على هيئة عصيررررر واللي ولد عدها المرض
لان السحر اما يموت او يمرض مرض مؤذي نفسها المرة اللي شدت وياي وكانت عيوني وشفايفي تقطر دم بسببها
كل ألم وكل حسرة وكل دمعة مريت بيها كانت هي السبب
وكل أذية ومشكلة كانت هي السبب حيل تضوج مني وتكرهني لان شفتها لازمة بطل وترشة بغرفتنا وأخذت ملابس من امي وابوية وولدت بينهم مشاكل وصلت لحد الطلاق