اخترت ان اكون بمفردي

توضيح

بخصوص الوشم
هذا تاريخ اللي خطب بي وحدة بس مادامت خطوبتهم والبنية انفصلت عنه عالرغم حتى وشم خطوبتهم ناقشة وبعد زواجه من سلسبيل صارت مشكلة وخلته يمسحه وينقش نقش عليه حتى لا يبقى اي اثر او علامة
بخصوص ليش ما مسحه قبل الزواج؟؟
جان زواجهم سريع ومشغول بالدوام  ووي أصدقاءه مجان متوقع يحب سلسبيل ويتزوجها بسرعة

وبنت خالته بعد ما دخلت البيت لان سلسبيل اتصلت عليها ورزلتها وكالتلها بس تحاولين محاولة انو تباوعين لزوجي او تخطين بيتنا اكول لابوج ولاخوتج على كل تصرفاتج وكل الرسائل عندي وهية مخابرة على علي فورا وحاضرها كاللها هذا الموجود ابتعدي عنه
بس صارت مشكلة من رجع للبيت لان سلسبيل اتصرفت بكيفها بدون متاخذ رأيه وداها لأهلها علي حتى تتوب انو تصرف بكيفها من جهة حقة لان من خابرته بنت خالته جان مصدوم مو شغلة انو يخاف على مشاعر بنت خالته وإنما ماعندة علم لا اكثر
وسلسبيل جانت كلش كلش عصبية وفلشت البيت مخلت شي سالم اخذها لأهلها هاي بفترة الحمل الأول صارت
من رجع من الجيش رجعها واتصالحو
وكاللها بس انطيني خبر لا تخليني بالواجهة كلشي مادري

بخصوص ليش اتزوجو بسرعة علي راد هالشي جان ميريد يخسرها او تصير فد حدث ويفترقون
وهو مو زغير عمرة ٢٨ سنة ومأسس نفسه وقادر يتحمل مسؤولية فليش التأخير 

بعد؟؟😂😂اي سؤال؟

سلسبيل تكول فد مرة زعلني جان جاي من الاجازة وتخيلو امتحانات عندي و٥ جهال شو اكل ونام والعصر طلع وي اصدقاءه للحظة حسيت اني رجل الي او ينكلادشية نومت الجهال وقفلت البيبان دزيتلة رسالة كتلة نام اليوم يم اصدقاءك خلي يفيدوك مو اني العايفني وحدي وقفلت التلفون ونمت كعدت ساعة ١ بليل على صوت يريد يفتح الباب مالت الغرفة ماكدر نايم بالهول فتحت الباب طلعت تفاحة اكل بيها رفع راسه باوعلي خزرني درت وجهي ومشيت صاحني كتلة نعم؟؟
كال شبيج تخبلتي عليه شمسويلج
باوعتلة بضوجه  اني شمسويتلك بنغلادشية عندك ما تعرفني صاير؟؟؟ متكول خطية ٥ جهال بركبتها وامتحانات خلي اضل بالبيت يمها اساعدها لو بس تعرف اصدقاءك
خليك خليك بعد معلية بيك ومعليك بيه وباجر توديني لأهلي ما ابقى يمك
وطبيت للغرفة وقفلتها ونمت
كعدت الصبح راسن طلعت جنطة جبيرة قبل لا افتح الباب حتى
لميت ملابسي وملابس الجهال
كمت سبحت وبدلت وبدلت للجهال وكل هذا يباوعلي بقهر 
وكفت كدامة كتلة وديني
كال متطلعين
كتلة معليك بيه وديني لأهلي بس تعرفني هسة صار ١٥ يوم ناسيني
اريد افرغلك الجو حتى تجيبهم للبيت وتجيبون النسوان الطالعين خوش بيت عدنا

كال يا نسوان رحمة لاهلج شبيج تخبلتي تلبسج جني شبيجج
كتلة لا تصيح عليه وديني لأهلي
كال متطلعين والله تسويلج زعلة لوحدج تطنكرين وتردين ترحين لاهلج وانوب تبجين وتزيدين الطين بلة
كتلة توديني يعني توديني
كال ما ترحين لمشي اتريكي وكعدي حبابة وعاقلة احسلج من تهدين نحجي

شمرت الجنطة بلكاع رحت جبت الجهال خمستهم خليتهم يمة ورحت قفلت الباب على نفسي اسمع صوته وياهم يسولف يكوللهم امكم شدت حزامها عليه الله اليستر ويلعب وياهم وكلساع اسمع شي يوكع كال ولج حبيبي تعالي عيني الجهال طالعين عليج والله شبيكم محملين عليه بالقران ماعندي غيركم لا مرة ولا شي
تعالي عيني تعالي والله بس انتي بكلبي ماعندي وحدة وبعد حتى طلعة ماطلع من البيت بس اهدي ورجعي حبابة ولج طلعي

عاد تصالحنا ٠😂😂✅