الحدِيث معَك يُقبل قلبِي بلُطف.
مر يومين اليوم جمعة والخميس البعد هالخميس عرسنا مارحت للمستشفى اريد اشبع من اهلي
يوم الأربعاء يوم الحنة الساعة ٤ عصر توني جيت من الصالون ابدلتي الملكية شعري كلة مرفوع تسريحة
كاعدة عل الكرسي واباوع امي وخواتي يركضن المعازيم بدت توصل احس نفسي خايفة متوترة
رجعت للماضي الله عوضني بشخص نساني كل تعبي وحزني
ونعم الرجل ونعم الزوج ونعم الحبيب
حنوني وسديت ايدي وكوموني اركص وي البنات
خلصت الحفلة رحت نزعت البدلة ولبست تراك واجيت كعدت يم امي وابوية يبوسوني ويكولون باجر هيج وكت بنيتنا يم زوجها اني ابتسمت وكلت ما ابجي عادي من اشتاقلهم اجي بس رحت للغرفة دمعت عيوني وبجيت راح اترك اهلي وبيتي وغرفتي وكل شي اهنا واروح لبيت ثاني نمت راسن كعدت راسي صاير طبل ونعسانة حيل نزلت تريكت ورحنا للصالون طبعا البارحة اتصل علية علي كتبتلة مسج انو شوية تعبانة وراح انام
ما كال شي يمكن ضاج
بس شسوي هم حقي ذولي اهلي وكبروني وربوني وعشت وياهم ٢٠ سنة اليوم راح اتركهم
خلصت صالون ساعة ٣ ونص علي دز سيارة اخو ترجعني اني واخت علي ويانة واختي وياي وصلوني وراحو لبيت الوالد
ب ٤ وعشرة وصلت بيت اهلي
كالو قبل ال ٥ نوصل
صارت ٥ آلة ربع سمعت صوت طلق وهوسة بالباب كل اقاربنا وعمامي معكلين بالباب واكفين
دخلن خواتة يهوسن اخونا خوش اخو يستاهل الهوسة
اخونا خوش اخو يستاهل الهوسة ودخلن نسوان كرايبهم يسلمن علية وجتي اختة كالت علكيفجن وي جنتنا راح مكياجها على كيفجن
دخل على بهل الاثناء باوعتلة مبتسم لابس قاط نيلي اتقرب باسني والنسوان تهلهل امي انتبهت الها مدمعة عيونها اتقربت علية وكالت ابوها يريد يدخل دخل بابا اخذ من ماما كلادة ذهب لبسنياها كبال الناس ورجع اخذ سوار ولبسنياه وباسني من كصتي وكال لعلي هاي جبيرتي وربيت على دلالي ديربالك عليها
كال علي)) بالحفظ والصون عمي بنص عيوني اخليها بابا
بستة من ايدة واخذ ايدي خلاها بيد علي وامي وخوات علي لبسني بركع سترني بي دخل عمي كال لعلي يلة باستني امي ورجعت كالت دربالك عليها بنتي ذمة بركبتك ليوم الدين
كاللها هاي روحي وهاي الردتها أشر على عيونة وكال ابنص عيني اخليها اخذني والنسوان تهلهل وصوت الاغاني عالي نشكر من كال اخذوها نشكر من عمها وابوها وكرروها
اخذني وطلعنا واصدقاءة واخوتة يهوسون وصار رمي لزمت ايدة حيل كتلة علي لايضربون طلقات الله عليك
اشرلهم ما يضربون ومت ضربو طول الطريق يكول انتي بأمانتي انتي حبيبتي ومسكني وأماني وروحي
ابتسمت وعيوني كلها دموع
أنت تقرأ
اخترت ان اكون بمفردي
Romanceطالبة طب اسنان تقع في حب الضابط فتبلش قصة حبهم بسرعة ويطلبها من والدها لكن الوالد يرفض ويحاول اقناعه تابعو القصة للنهاية
