اخترت ان اكون بمفردي

البارت الاول

بارت تعريفي

مرحبا اسمي سلسبيل عمري ٢٠
طالبة جامعية طب اسنان مرحلة ثالثة
شكلي كلش عادي كأي بنية شعري اسود طويل وبشرتي حنطية وعيوني سود بسواد الليل و كبار عندي ٢ خوات وأخ واحد وامي وابوية الله يحفظهم

اعرفكم عن عائلتي

بابا( محمد )موظف بالتربية عمرة ٤٤ سنة
هادى وصبور وطيب حيل بس بوكت ما يعصب كلش ينفجر بالعصبية😂

ماما (فاطمة )ربة بيت العمر ٤٢ حيل عصبية وما تتحمل بس بنفس الوقت حنينة وطيبة الله يحفظها

وبعدها اني البنت الكبرى سلسبيل عصبية حيل ومن كلمة انغث وكلمتي وحدة ما تتغير راسي يابس بس امي تكدر تقنعني بس بنفس الوقت انحب بسرعة واجتماعية

وبعدها اختي قمر طالبة سادس ادبي العمر ١٨ سنة
يومية متخربطة وراكضين للمستشفيات من الضغط النفسي مالت السادس وتخاف من الامتحان😂😂😂😂
اغششكم امي تسميها( مبلبدة )
وراها أخوية عباس العمر ١٥ نجح للرابع العلمي
اللي دائما يسمعني حجاية تغثني لان يدري بية اتنفرز بسرعة فيحب يضوجني بس عندة كلب فطير على كولة أهلنا طيب 😚

وبعدها اختي رانيا نجحت لل خامس ابتدائي هههههه وحبستهم دراسة بالعطلة فتضوج هية واخوية لان حتى بالعطلة نلكطهم بالدراسة 😀😀 جيل هل الوكت ميحبون الدراسة 🤣🤣
وعندي عمام ٦ وعمات ٤
وخالات ٤ خوال ماعندي

قصتي بدت قبل ١٢ سنة تقريبا
جنت بالابتدائية!!!!

جنت حيل تعبانة جوة عيوني وشفايفي تصير ازرك وتشكك وتضل تذب دم

بابا ماخلة طبيب ولا مستشفى اذا ماوداني

للأسف مجان يفيد بشي
ومعالم وجهي صارت تخووووف
بعدني طفلة بعمر الورد
ونسوان عمامي ماخلن بحالي حال

شنو ذنبي
وشسويت

ليش هيجي وياي