"أحب التأكيد وأحب مَن يُعبّر لي عن ما يشعره نحوي دائمًا أحب الذي لا يبخل بتذكيري أنني مازلت كما أنا مُميز في أيامه وكثير في قلبه"
سلسبيل ) ثاني يوم الخطبة كعدت ساعة 10 امي ماموجودة رايحة للسوك وابوية للدوام وخواتي واخوية نايمين خليت حمرة برتقالي على حني لونها طبيعي وحلو وخليت ايلاينر وضفرت شعري رحت
فتحت التلفزيون اتفرج على اي شي اخر شي استقريت على فلم مددت جان اغفى ماحسيت لل١١ تلفوني سمعتة يرن كمت اشوفة لكيت رقم غريب ما رديت انطيت صامت رحت سويت اشتهيت اكل دولمة لكيت سلك كمت ألفها جان تجي ماما كالت تا اتصل عليج ليش متردين كتلها مادري يمة خليتة صامت لان رقم غريب تيتصل
كالت لج رجلج هذا واتصل علية كتلة بالسوك روحي شوفي كمت غسلت ايدي لكيت ٧ مكالمات و٣ رسائل الووو اني علي افتحي خط
صحت يمة علي شمعرفة رقمي
كالت يمكن ماخذة من ابوج
كتبتلة رسالة الوو كال ياهلا يامرحبا وين جنتي
كتلة الف دولمة
كال حبي ضميلي جايج نتغدة سوية
كتلة علي والله استحي نكعد كبال اهلي ناكل
كال حبيبتي خليها علية نكعد وحدنة ولا تنسين الخبزة الناكعة جوة ماعوني
رديت
) ههه ادلل من عيوني
كال سالمة عيونج ام بيتي
صارت ساعة ١٢ ونص كمت صليت وخليت حمرة ماروني ورسمت ايلاينر ومشطت حاجبي وشلت شعري بقراصة
وصبيت لأهلي وعزلت لعلي ما اعرف شوكت يجي ويحل من دوامة كلت من يجي اسئلة عن هل التفاصيل
عزلت غرفتي وعطرتها بنفس عطري
ب ١ وربع اندكت الباب وسمعت صوتة باوعت من الشباك لكيتة يسلم على ابوية بزي عسكري لايك عليه وصاير اسمر من ضربة الشمس نزلت اتلكاه باسني براسي كتلة الله يساعدك بصوت ناصي
كال جوعان وحيل تعبان
كتلة جان ارتاحيت ونام والعصر تعالي ليش اتعب نفسك
كال يهون لخاطر عيونج
ابتسمت
فوتة بابا للاستقبال
كمت حميت الدولمة العازلتها آلة والي لان متغديت انتظرتة
وسويت خيار وطماطة وبصل شياف
وخبطتلة لبن وخليت ثلج يبرد كلبة من هل الحر وطلعت خبزة حارة
صييتهم بصينية ورحت آلة
كال اريد اغسل
وديتة للمغسلة وجبتلة خاولي ووكفت بصفة غسل ونشف ايدة ووجها وفك من دكم قميصة وكعد عل الكاع
كال تعالي كعدي يمي
اجيت كعدت خلة لكمة بحلكة وباوعلي وابتسم كال
عاشت ايدج كلش طيبة
جاوبته) بالعافية عيوني
أنت تقرأ
اخترت ان اكون بمفردي
Romansaطالبة طب اسنان تقع في حب الضابط فتبلش قصة حبهم بسرعة ويطلبها من والدها لكن الوالد يرفض ويحاول اقناعه تابعو القصة للنهاية
