اخترت ان اكون بمفردي

بارت ٦

"يكفيني من العالم
يدٌ دافئة تتمسك
بيداي المرتعشتان
وتطمئنها."

اكل كيكتي باس ايدي وكال عاشت هالأيد الطيبة ابتسمت كال عبسي مو حلو دبدوبتي وضحكتها احلى بقة لل ١٠ وراح

مر الاسبوع
يوم الاحد ساعة ٨ الصبح بدلت ملابسي ومكيجت حتى اروح للمستشفى بس مالي واهس علي البارحة التحق لدوامة وكال احتمال اليوم ما اتصل يغلقون موبايلاتهم او يبقوها صامت رحت للمستشفى صارت ب٩
وب ١٠
وب ١١
١١ ونص اتصل علية رقم وشفت رسالة مز علي من فوك الشاشة كاتبلي افتحي خط والف عافية

فتحت خط لكيت توصيل من المطعم علي دازة كنتاكي وببسي وبقلاوة استلمتهم وابتسامة على وجهي نرسمت دزيتلة

شمدريك جوعانة؟؟

كال ؟ كم زوجة ودبدوب عندي

ضحكت كلتلة بس اني😛
كال ولج تعيبين طالعة عينج
جاوبتة )) لا حبيبي والله متا اعيب بس احب هل السمايل يعبر انو فرحانة

علي)) اشتعلوووو ام كرش

ضحكت وكلت ) زوجي وجايبلي عمية انتة شعليك؟

كال خلي انزل من الدوام ونشوف منو شعلية هلنزول نزوج

رديت ) حبيبي شبيك مستعجل بعد وكت

كال )) اشتعلوو

كتلة منو
كال كل عشيرتج

ضحكت كتلة من الضحك الكادر يباوعون علية

كال ولج لا تضحكين علعلتيني

كتلة انس شعلية انتة ضحكتني

كال حصل خير لازم اروح اكمل شغلي اتغدي عمري

كتلة ماشي ☺

ما اكلت كملت شغلي ورجعت للبيت جبت صينية وكعدت اكل وانضمو وياي خواتي

مر الاسبوع اعتيادي بس حيل اشتاقيتلة لسوالفة وشقاه وضحكتة وحتى ضوجتة وتعبة اتصل علية
رديت ابن الحلال من تذكرة يجي شلونك كلبي

كال زين كلبي شلونج انتي كتلة مشتاقتلك

كال اليوم انزل واروح للبيت اسبح واتغطى واكسرها بنومة حيل حيل تعبان

حبيبي واني ما تجيني ؟

كال بليل اجيب الوالدة الوالد ونجيكم

كتلة اهلا وسهلا بيك وباهلك
اترخص مني وراح كلت حقة تعبان
بس شسوي مشتاقلة
كمت سويت كيكة ودزيت على ببسي وسويت محلبي وخليت جوز عليه

رحت لبست دشداشة فستقية منقشة وخليت كحل فستقي على خضار جوة رموشي السفلية وخليت مسكارة وحمرة ماروني
صارت ب ٨ ونص اجوي بابا دخلهم للاستقبال رحت سلمت على عمي وعمتي وبستهم من رأسهم وسلمت على علي هم
قدمت الضيافة جان عمي يكول لبابا وماما والله احنة جايين حتى نفض سالفة علي
اني راسن باوعت بعيونة ابتسامة رجعت اركز بكلام عمي
كال خلي نزوجهم ونجمعهم صارلهم مدة كافية يتعرفون على بعض