في جده بالتحديد في ملكة عزام ( ولد عمتهم )
سلطان الي كان مبسوط في ملكة ولد عمته كان يستقبل الضيوف ويرحب فيهم و يقهويهم وكان كل تركيزه ع ابوها والي جالس يسولف مع ابو نجد
وبدات العراضه وكان سلطان متوسطه ماسك الرايه
وبدا يبارك ل عزام وكان سلطان معروف بلعبه
وبعد ماخلصو رقص
دخل عزام عند الحريم ينزف مع بحب حياته والي حارب الكثير عشان يحصل عليها وربي حقق له شي توقعه مستحيل
نرجع عند قسم الرجال
كانو الشباب جالسين يسلفون وكان من ضمن الجالسين ابو صيته وابو سلطان
قطع سالفة سلطان
وقال ابو صيته : اسمع ي سلطان انت رجال طيب واخلاقك الزينه وسمعتك انت وابوك عندنا ماتقدر بثمن
ابو نجد: وانا اشهد
ابو صيته : ي سلطان انا اشتري الرجال باخلاقه وكرمه مو بفلوسه وانا قدام الحاضرين ابيك تكون ولد لي وزوج لبنتي على سنه الله ورسوله
تجمد سلطان من كلام ابو صيته وحس كل جسمه قشعر من الفرحه لان صيته حب طفولته الي كان يتمناها تصير من نصيبه
قطع جموده صوت ابوه
ابو سلطان : حنا لنا الشرف بنسبك يبو صيته
وان شاء الله ل رجعنا الديره بنتفق وبتصير كل الأمور رسميه
وبدوا الشباب يباركو ل سلطان والفرحه مسيطره على قلبه
راح يدور على نصه الثاني يده اليمين وسره اخوه وسنده مطلق
لقاه داخل من الباب الرئيسي راح له بخطوات سريعه ومسكه من اكتافه وقال : اخيرا ي مطلق بتصير من نصيبي
مطلق مصدوم وبراسه الف سوال بس اكتافه بأنه يبارك لاخوه
وانتهت الليله بفرحت عزام لانه خطب حب حياته ملاذ
وسلطان الي انتظر هاذي اللحظه من زمان و الفرحه غامره قلبه
اليوم الثاني بدايه جديده
نجد تقهوي ابوها وهو يعلمهم بالي صار امس
ام نجد : والله سلطان يستاهل كل خير وصيته بتسعده
نجد المصدومه اكتفت بقولها الله يوفقه وراحت غرفتها
حطت يدها ع قلبها و حست بشعور غريب كأنها فقدت شي غالي عليها دمعت عيونها واستوعبت بالي جالسه تمر فيه مسحت دموعها
قالت لنفسها بسخريه وش بلاك ي نجد ليكون حلي بعينك لما راح لغيرك
طلعه من غرفتها و راحت تكمل شغلها في البيت و هي تفكره بالشعور الغريب الي جاها فجأه
عند ابو سلطان
الي قوم عياله من فجر الله عشان يجهزوا أغراضهم وتجهوا لديره
يتبع...
نجمه ، تعليق ، نشر
حسابي في الإنستا :
ii.126xe
● اعطوني رايكم في طريقة السرد
● توقعاتكم نجد راح تحب سلطان وتكون طرف ثالت ؟
● توقعاتكم ابو صيته راح يغير كلامه ؟
