جزء بسيط من البارت ٩
مره من المرات كان سلطان يكلم صيته وبشرها انه بجي الديره نهايه الأسبوع ويشوف لهم طريقه عشان يتقابلون
قفل منها وراح المطبخ يشرب ماء وهو راجع سمع صوت من غرفة صالح وقف عند باب الغرفه وسمع ذاك الصوت الجذاب الي يرد الروح
) وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ (135) أُولَٰئِكَ جَزَاؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ وَنِعْمَ أَجْرُ الْعَامِلِينَ (136) قَدْ خَلَتْ مِن قَبْلِكُمْ سُنَنٌ فَسِيرُوا فِي الْأَرْضِ فَانظُرُوا كَيْفَ كَانَ عَاقِبَةُ الْمُكَذِّبِينَ (137) هَٰذَا بَيَانٌ لِّلنَّاسِ وَهُدًى وَمَوْعِظَةٌ لِّلْمُتَّقِينَ (138) وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ
(139)
حس بالضياع عارف الي يسويه غلط بس خلص تعلق فيها لو تكون نهايته على يدها هو راضي
راح غرفته جلس يفكر وحاس بتأنيب الضمير لانه جالس يغضب ربي ومافي احد يعلمه بالي صار لن لو علم مطلق بينقد عليه
قالها بينه وبين ربه :
يارب يارب الناس اجمع بيني وبين صيته حبيبت قلبي
عند مطلق
جالس يفكر كيف يصارح ابوه انه يبي بيتزوج أديم
ولا سلطان الي متغير مره صار انسان ثاني معد يرد عليه إلا متأخر واذ رد قام يتهرب
حاول يعذره بطبيعة شغله لاكن مو كل مره مشغول
قرر لما يجي سلطان على الديره يتكلم معه ويشوف وش وراه
ونام وهو يفكر
واخر مره كلمه فيها علمه انه بيخطب أديم وسلطان كان مبسوط مره عشان اخوه وقاله :
الف مبروك ي خوي واخيرا واحد فينا بتزوج حب حياته
مطلق بضيق على كلام اخوه : الله يبارك فيك و عقبالك ي خوي
سلطان : ان شاءالله على حبيبت قلبي صيته
مطلق بزعل على اخوه : يخوي لا تجلس تتعلق بشي ماهو لك بعد الي صار حتى بالاحلام ماراح تقدر تتزوجها ، ادعي ربك انه يطلعها من قلبك ويعوضك عوض خير ي خوي ترا انا واقف معك على الحلوه والمره انا اقولك هذا الكلام لأنك اخوي و لاني سمعت ابوي يقول لابو نجد والله ما يتزوجها مادامني حي وراسي يشم الهوا
سلطان : والله لو اجلس عمري كله من دون ماتزوج كله فداها ، والحين بنام عندي دوام بكره
