حب اهل الجنوب

البارت الاول

#حب_اهل_الجنوب

اما بعد...
فلن احب احد بعدك
اما قبل...
فأنا اساس لم اعرف الحب الأ بك

نبدي القصه بسم الله تعالى

القصه حقيقيه ‎%‎100
عن لسان صاحبه القصه

تبدي القصه في سنه 2003

اسمي ايمان مواليد 1986
عمري في سنه 2003 17سنه
من سكنة محافضه ذي قار(الناصريه)
مواصفاتي اني بيضه وطولي 162 وزني 65 عيوني سود كبار حلكي وخشمي نواعم طالبة خامس علمي وعندي صديقاتي مقربات عليه كلش ثنين اللي هنه ديار ورسل بدت قصتي حالي حال اي طالبه اروح للدوام وارجع دروس وقرايه وجنت من النوع اللي اضحك 24ساعه وخاصة اني وديار جانو يسمونه الثنائي المررح حته مدرساتنه جانو مايبقون ابد نكعد سويه الرحله لان نضحك باستمرار فدائما يفرقونه صديقتي جانت تحب ابن عمه ومتعلقه بي وهيه يعني محجوزه اله لان ابن عمه طبعا احنه ساكنين يم بيت اهل ابوي بيتنه حايط عالحايط وجان عندي عمام 4غير ابويه و3عمات مزوجات جان ابويه هو جبير بس هما تحكمهم بينه جان كللش هواي عائلتنه تتكون من 7ولد وبنات 2
اخويه جبير واني بعده وبعدي اختي والباقي اخواني الولد فرق تقريب بيناتنه كله سنتين

جنت بالعطله اروح لبيت جدي اهل امي مرات ابات يمهم ومرات ارجع
بيت جدي يتكون من
خوالي 4وخاله مزوجه وبيبي وجدي متوفي
عندي خوال ثنين مزوجين وثالث واحد متزوج بس منفصل وواحد جان ممزوج بوكتها

خالي الجبير عنده 5 اولاد وبنت
والثاني عنده بنت
والثالث عنده ولد
خوالي صنعتهم نجاجير

مره جانو جاين يتغدون وطبعاًاصدقائهم الي وياهم بالشغل يجون يتغدون وياهم بالبيت

مره من المرات دخل واحد من اصدقاوهم كلت لمرت خالي وبنات خوالي شنو هذااشكد اكره واكره شكله شيسووي هنا يجيكم باستمرار مرت خالي كالت لاوالله خوش ولد وانتي لو معاشرته فدمره تحبينه
بوقتها اجه اخذ غراض من البيت وراح دازينه خوالي

مشت لايام ورا فتره خوالي اثنين خطبو خالي المنفصل وخالي الصغير وقررو العرس يصير بنفس اليوم

مهم حددو موعد لزواجهم ورحنه احنه بيوم الحنه بس مابقيت رجعت وي امي واختي بقت يمهم طبعا هاابلمناسبه جانن بنات خالة امي ممزوجات ثنين اكبر مني وحده بعمري اجو لبيت جدي قبل العرس جم يوم يساعدوهم وهو موجود صديق خوالي يحبونه ويثقون بي كللش هواي وخوالي معتمدي عليه بكلشي

فجان يشتغل وياهم ويجهز كلشي المهم سوو حنه بوكتهه فرقه جابو وجانت تجنن الاجواء ثاني يوم الزواج طبعا زفه اني وامي رحنه ع خالتي من وكت لان تروح عالصالون هيه وامي واني وياهن ساعه 12رحنه عالصالون صادف زواجهم شهر العاشر من سنه 2003 جان جو حلو كللش لاحار ولابارد المهم جهزنه من صالون طبعا اتاخرنه صالون لان جان عدهه عرايس بس رجعنه ماكو دخلنه للبيت كالو راح نطلع نجيب العرايس طلعنه الزفه وجانت تجنن سيارات هواي وجان بوكتهه رمي يرمون الاعراس شفته حرك الجو حرك بالرمي فرحان اصدقائه اثنينهم متزوجين رحنه جبنه العروسات ثنينهن من بيت اهلهن ورجعنه لبيت جدو وراها زفوهن كلمن الغرفتها