#حب_اهل_الجنوب
عباس
اجاني اتصال شِفـٍـت رقم غريب فتحت خط بــَس محد يحجي
كلت الووو منوو وياي متحجون
ايمان/الوو
عباس/والله عرفتج كلبي كال هيه ماكو غيرها ليش هيج سويتي بيه ليش موكتلج اطيني فرصه
ايمان/ سمعت صوته حسيته كام يبجي صوته كوه يطلع كتله ردتك تتالم مثل مااني اتالمت
عباس/اذيتج وجرحتج بس اجيتج نادم وانتي الرفضتي
ايمان/بعديش
عباس/وهسه بعدج زعلانه عليه خلي نبدي صفحه جديده والله اعوضج عن كل دمعه نزلت من عينج وتشوفين بعينج غلطه ودفعت ثمنه غالي
ايمان/خاف هم بعد جم شهر لوسنه تجيكم ويصير غير شي
عباس/لاامني
بقيت اسولف وياها لوقت متاخر
ايمان/
رجعت علاقتنه تلفون واتصالات ومن يروح لدوامه يخابرني اثناء الواجب يعني رجع حبه مثل قبل واكثر تعلق بيه
اني واختي بالبيت بس انظف نغسل مواعين اما طبخ ابد مانعرف حته غسل ملابس على امي اذكر بنت خالي يمنه خطار وكاعدين نسولف ونضحك لمة بنات بعد وامي خطيه غسلت ملابس وكملت رادت تشرهن مانسمع الاصوت صياح عالي احنه طفرنه مكانه نريد نعرف شنو الصار كلوبتنه وكفت اجينه لكينه امي سودة عليه نايمه بالكاع وتصررخ شكوو يمه شبيج نريد نكومها مانكدر بوكته خطيه كالت زلكت وكعت ورجلي مااكدر اتحرك بعد مااعرف شبيهه كوه شلناها نيمناها ورفعنه رجله اللي اتاذيهه ضلت تبجي ابويه جان مموجود طالع بليل ساعه 9جان جو صيف دزينه على بيت جدي اخذوها عمامي خطيه صبو رجلها واجت وانطوها مسكن وضلت للصبح منايمه من الالم
الصبح اجيت يمهه سويتلهه ريوك ابد ماتكدر تتحرك للعصر اخذناها للدكتور كال لازم عمليه وبلاتين يخلون لرجله لان عظم مكسور كوه كدرنه نزلناها من السياره انطاها موعد دكتور كال باجر ادخلين دخلت خالتي وياها وسووت عمليه بقت يوم كامل بالمستشفئ وثاني يوم طلعوها
هنا اني واختي لازم نتعلم طبخ المهم ضلت تجي عمتي خطار تعلمني هيج سووي وهيج ومرت عمي يمنه جيرانه هم تجي تساعدني اوكف يمهه وهم ماقصرت تعلمت بــَس مرات الطبخه مره تنجح مره تخرب شويه شويه اني لزمت الغده ونجوان اختي العشه لان سهل هيه اسوي
وضلت ناس تجينه علمود امي اقاربنه اما اتصالاتي ويه عباس صارت قليله لان ماكو وقت مافارغه مرات اتصل بي شويه صبح مااطول وياه وجان يكلي جاي اشتاقلج خصصيلي وقت احجي وياج كتله ماجاي اللحك وبساع اكله يله راح اروح اسوي الغده جان يستهزا بي يكلي مسويه نفسج منال العالم شتعرفين انتي بيضه ماامن بيج كتله والله طباخه يضل يضحك يكلي ااي صدك يله روحي واسده
الدكتور كال اضل تقريب 6اشهر تتحرك بس حركه قليله اني ضليت تقريب شهرين مشايفته ابد وحته اتصالي وياه مو مثل قبل مره اتصل بيه كال
عباس/ماحن كلبج عليه
ايمان/ والله حن بس مااكدر اشلون اطلع
عباس/ دبري اي عذر بس خل اشوفج
ايمان/ اشوف الوضع البيت واتاكد ماكو اي شي وارجعلك خبر
عباس/شوكت السنه الجايه
ايمان/لايابه شسالفه
أنت تقرأ
حب اهل الجنوب
Romantizmتدور احداث القصه بين شاب وفتاة مٰـن جنوب العراق محافضه ذي قار احبو بعضهم وواجهو المصاعب والحواجز في طريقهم.
