حب اهل الجنوب

البارت 18

#حب_اهل_الجنوب
ايمان
مرت الايام عادي ماكو اي شي بس اجتنه مرت عمي صدفه كالت عندي حجي وياج كتله شكو كالت اليوم اجاني للدائره عباس وضل يسولف وياي وكال انتي صرتي اكبال عيني اريد منج حل شي بس كون شي نحصل نتيجه خوما نضل هيج كالتله اني اريد موضوع وي عمه واشوف بله بلكي الله يهديهم واذا شفت رد منه ايجابي انطيك خبر بس انته لتصرف من يمك ابد انتظرني كالت ششوفين ابوج يقتنع كتله والله مااعرف يعني خذاالصار كله بلكي الله يهدي ويغير قراره كالت راح احاول والله كريم مهم راحت هيه بعد ماعرف شنو الصار والله خذت جم يوم كالت الكلام بده عمج يقتنع كتله يجوز هيه مقسومه اله شفت شكد صارت مشاكل انطو فرصه مادام هو رايدهه وشاريهه ليش هيج تضلون قافلين عليه كايللهه انتي ادافعين عنه شنو تكول كتله لا موادافع بس لوين تبقه هيج هم تنخطب بعد ويروح يخربها انطوها وحطو عليه شروط تعجيزيه وشوفو هو يوافق لا يجوز ينسحب بعددانتم ماخسرانين شي كالله افكر انطيني مجال كالتله براحتك بس ياريت تفكيررك يكون شي ايجابي كالت احس اكو بصيص امل اذا اقتنع عمج راح يعرف شلون يقنعه لاابوج وذيج الساعه الله كريم بس انتي اثبتي لاتتصلين بي ولاتسوين اي شي خنشوف وين تصفه كتلها خوش حجي هاي هيه وامي هم كالت احنه شنريد تعبنه من المشاكل خلياخذهه ويفضها بعد كالت الله كريم زين اذا وافقو شون هو يعرف كالت خطيه مايعرف اسكتي حبابه شلج بالافلام هاي خطيه منو دزه عليه للدوام ضحكت
بدت الاحداث تطور ودز عمي ع ابوي مسولف وياه وكايله خلنطي فرصه ونخلي عليه شروط ويجيب ناس من اهله يتعهدون كايله البدايه هلشخص هذا مستحيل مفكر انطي ولاابالي بيوم كايله ميخالف احسن مايصير غير شي ونعض اصابعنه ندم وهو خاف هم يتقدملها احد بعد ويروح يخرب عليهه وحته هيه نكللهه وحد ثنين تلاثه رضت واقتنعت هاي هيه مارضت بعد هذاالموجود ابوي رجع عيونه بكصته وعصبي نار كبره عرفنه الفلم بس يصيح دخلت انذاركلت هم راح ترجع مشاكل لثاني يوم محاجي بس امي كالت عمج حاجي وياه ومقنعه بس كال عدي شروط عليهه اليوم احاجيهه هيه موزغيره ولاطفله واريد اشوف بله هيه كالت هيج خفت الزايد كالت موتردينه اتحملي الراح يصير كتلها واكضي عمري هم اعاني والله تعبت للضهراجه من الدوام ابوي اتغده وراد ينام مانام صاحني كعد يسولف وياي كال هذاالشخص اتقدملج اكثر من مره ورفضناه وجان الرفض لمصلحتج باجررعكبه يصير شي من هسه اكلج لاتجين وتكولين تتحملين اللي راح يصير ولاتصورين احنه من تجين نصير وياج لان هذااختيارج وراح تتحملين النتائج شمايصير وشمايكون واني عد كلمتي
كال موهين عليه حجيت وياج مره ومرتين و3وردتج تتغيرين بس انتي مصره ع هذا القرار هذاالعندي حجيته وياج وبكيفج بعد
وراح نام اني فرحانه مامصدكه كلت الله وانجمع وياه بيت واحديلمنه وعكب هذاالصبر والعذاب الشفته راح رب العالمين يعوضني صح من ابوي حجه وياي جان مقهور كللش بس اني ماافكر بعقلي بكلبي ويوم يوم احسب حته انجمع بي حلم العمر
هنانسيت الدنيه والعالم عشت غير عالم فرحانه زين شلون راح ينطونه خبر هاي ضليت افكر بيهه
محاجي امي ابوي كايللهه اني ع عمات عيني راح انطيه بس خليكون اباله كلشي ماكو خطوبه يجيب اهله وعدنه شروط صارت موافقه بين طرفين يكمل تجهيزات وياخذهه لاعرس ولااريد اشوف اي بشر كلت لاامي حلمي اللبس البدله كالت اسكتي وسدي حلكج زين وقبلوو بعدين البسيهه وره زواج وين بساعتهت وفرحتها وين بعدين كالت ترديهم يرفضون كتلج هاي هيه سدي موضوع
مهم ضليت اروح وارجع شلون اخابره لومااخابره كلت خل ابشره واشوف بله من جهاز امي اتصلت انطاني رفض واتصل وراها
ايمان/ هلوو حبيبي شخبارك
عباس/ زين حبيبتي وانتي
ايمان/ كلش زينه وين انته
عباس/جنت اصلي وهسه طلعت من جامع ليش
ايمان/ هيج اسال راح اكلك شي
عباس/شنو بعد مابيه حيل للصدمات تره كلبي خلصان ايمان/زين واذا اكلك
عباس/ ااي شنو
ايمان/ابوي وافق عليك
عباس/ماسمعت زين
ايمان/ ابوي وافق نتزوج
عباس/جذابه لاتلعبين اعصابي ترره والله طالعه روحي حبابه
ايمان/وداعتك ابوي وافق
عباس/ ولج كلبي راح يوكف
ضل يبجي
ايمان/شبيك بعدنه اول طريق
عباس/ ولج ياطريق ماجنت اتوقع بيوم يوافقون بس رب العالمين فوق الكل
ايمان/يله باي
عباس/وين
ايمان/لايجي احد خليهه تعدي ع خير مادام وصلت للنهايه

كلت لاامي زين منو يرجعلهم خبر كالت ماادري نشوف شلون تصفه كتلها اني كتله بس غير لازم احد يكللهم وافقنه كالت ابوج وعمامج يكعدون ويشوفون

مارجعوله خبر الابعد اسبوع كالو خلي يجيب اهله ويجي وهنا اني فرحانه كلت ماضل شي واصير ملكه وبعد اي شخص مايكدر يدخل بينه
حددو اليوم والوقت اليجون بي جاب اهله. واصدقائه ناس هواي المهم استقبلوهم وياهم سيد علمود عقد شيخ وماجان احد امي وعماتي وخالتي وبيبياتي ونسوان عمي اختي يعني مقربين كللش ماكو اي احد غريب لان ماكو لاحفله ولاشي مجرد خطوبه وخلاص هنا بدو يسولفون وخلوو شروط موافق ماكو اي اعتراض مايصدك اصير هوتلزمه شروط المهم هنا بده سيد يعقد ويحجي واني كل مااريد اكول موافقه يصيحن بيه اثكلي شويه كتلهن شنوو جاغير موافقه كالن شويه صبر عاد مرتين تلاثه كالن احجي وهوهم اسمعه كال نعم هنا بده احله يوم بعمري وبدايه جديده لحياتي اللي عشتها معاناة وقهر وضيم انتهئ كلشي بعد كامو سلمو وكملو وراحو حته ماخلوني اشوفه كالن ميخالف صرتيله هاي هيه تباركولي بس ماكو فرحه لاكعد يمي لاحفله لاصور كله هاي ويكولن ميخالف كلشي يهون مادام صرتو لبعض
المهم ابوي سلمت عليه وع عمامي صح فرحتهم الي موذيج الفرحه شي عادي بس ميخالف كلت كلشي يهون عمري وهنا احنه دخلنه سنه 9 ع حبنه وعذاب والحمدلله لكل بدايه نهايه هذالحجي بسنه 2010 شهر 9 بدايته
المغرب اتصل ع امي كالت ردي عليه استحيت رحت للغرفه
عباس/ الووو هم ماتكدرين تحجين بعد
ايمان/ضحكت
عباس/ مبرروك حبيبتي مامصددك صررتي حلالي
ايمان/ ربي يبارك بيك حبيبي ومبروك الك هم
عباس/صدك ليش ولج يسالج السيد شلعتي كلبي يله كلتي نعم
ايمان/ردت اول شي ارد عليه ماقبلن يكللي ثكلي
عباس/جسمي كله يرجف حب مشاعر خوف شي مستحيل جنت اتوقعه تصيرلي لمن صارت صددك هنا حسيت كلبي راد يطلع مني بهاللحظه هاي من سمعت صوتج تمنيت بس اني وانتي واحضنج
ايمان/يله ماضل شي وننجمع بعد
عباس/ بس اروح اخذ اجازه واجي ماعندي شي ايام واكمل كلشي
ايمان/شونه شروط الكالولك بيهه خوما فوك طاقتك
عباس/ تحجين صدك لويكلولي الدنيه كله مااهتم ولج عكب الصبر والضيم هذا توكفني شروط

ضل يتصل باستمرار عليه رحنه كملنه اجراءات عقد محكمه وعقدنه بعد صرت شرعا وقانونا زوجته ضل هو بعد مشغول اجر بيت وبده ياثث بي واني هم انشغلت تجهيز وهيج شغلات كمل يمكن خلال اسبوع ماعنده شي بعد بس الزواج انطه خبر لاامي كالله هيج يوم هويعرف الوضع كلشي ماكو لابدله ولازفه ولاشي كال ميخالف صيري يمي وراها فتره تلبسيهه وناخذ صور هسه احنه تحملنه وصبرنه عالاصعب من هذا الشي كلشي يهون ويتعوض انتي يمي
حددو يوم كال نروح لكربله نذرت الله واهل البيت واني ع وعدي المهم ودو غراضي للبيت ماثث كلشي هوو بيت زغير بس مرتب وثاني يوم الفجر نروح طبعا كملت كلشي ماعندي ومن الفرحه مانمت ابد ظليت كاعده منتظره اتصل كال جاهزه كتله ماعندي شي كال جاي سلمت امي وابوي وطلعت صارت شون الغصه بكلبي شما صار وشما دار تبقه ذكرياتي وي اهلي وبيتنه واشياء حلوه ومره عشت كلشي بي نزلت دمعتي اجه هو سلم ع اهلي وشافني كاله ابوي هذي امانه واتمنه تكون كدهه ماتخيب ضني بيك كال ان شالله هنا دموعي ماوكفت كال كولي ياالله شبيج كتله موشي هين كال يله حبيبتي مااريداشوف دموعج بعد اليوم بدينه اول شي حلو بحياتنه
هنا صعدنه سياره للكراج متوجهين لكربله وصلنه بوجهنه للفندق دخلنه للغرفه وسد الباب
...................
الكاتبه ام زيزو