حب اهل الجنوب

البارت العاشر

#حب_اهل_الجنوب
ايمان

مرور الايام ضلت امي تخاف وماتريد مشاكل والصاراله موقليل فمره من المرات سمعت اقاربنه راجعين مخابرين ع اقارب ابوي وكايليله بلكي تتوسط النه وتقنعون ابوها المهم اجوو على ابوي وفتحو الموضوع وياه وكالوله ليش ماتنطيهه ومو غريب صح بغير محافظه بس نعرفه للولد وانته بنتك بعد وبكيفك كاللهم ابوي انطوني وقت افكر ضل يفكر اسمعه يسولف هو امي شدكولين كالتله بكيفك هم تروح تحجيلهه حجايه تبتلي على عمرها عاد ثاني يوم حجيت وي امي كتلهه شنو تحجون صدك والله ولااقبل لواموت مااخذه تردون بس تخلصون مني كالت ذاك البالج كطنه واشلعيهه مايطوج يكول ابوج اموتها ولاتاخذه هنا بس البجي ماعندي وسيله غيرها رحت على بيت جدي بيبي وياي زينه كعدت ضليت بس ابجي كتله شلون والله مااكدر هم بغير محافظه وهم شخص ماعرفه بعيد كالت ليش يردون يطوج كتلهه اي سمعت هيج شي كالت موبكيفهم كالتلي لاتبجين والكاتبه ربج راح يصير هم ضليت للمغرب رجعت لااهلي صار موضوع سكته وراها جم يوم كالو عمامي وابوي خليخطبها وخلص بعد هيه لاداوم ولاشي المن كعدته زين تلفون انسحب مني كالت امي جيبي بعد شكو ضامته لو ترديهم يلزمونج  بعد كافي الصار بينه يرربي شسووي بس ابجي وحته الاكل كطعته اكل يجوز وجبه اليوم زين كلت لاامي اني عفته وماعرفت شصار بي بعد ليش تريدون تحطموني وتكسرون ركبتي والله ماارجعله بس لاتزوجوني مااريد كالت ابوج كاعد وي عمامج وخلص بعد انطو كلمه وره جم يوم راح يجون الولد واهله زين الولد قبل جم سنه طاكه عليه عبوه ناسفه ومحترك وجهه مبين وحته اديه معوجات هنا بعد فقدت كتلهم غير محافظه ومحترك واني مارايدته شلووون يرربي والله اكتل روحي ولااخذه كالومايفيد الحجي بعد زين امي جانت وياي هسه ضدي وين انطي وجهي زين بقه عندي واحد من عمامي هذا زين ويحبني كلت بس هو اكيد راح يساندني  بس شلون راح افتح موضوع وياه وافهمه المهم خذتلي يومين كتله راح اروح لبيت جدي وكعدت يم عمي وضليت ابجي كتله والله مااريد ازوج هواني مال زواج والمن لهذاالشخص صعبه ماجاي اتصور
عمي/ منو كلج
ايمان/ انطو كلمه
عمي/ شنو
ايمان/ والله
عمي/خل افهم من ابوج وان شالله خيير

حسيت اكو شوية امل بان هلشي ماراح يصير والله ثاني يوم تحاجو عمي وابوي كاله شلون تنطيهه وانته تعرفه كذا وكذا كاله خلاص احنه كعدنه واطينه كلمه كال اتراجع كلامك وكلهم ماكو قسمه يمنه كال لاخلي تزوج احسن كال بس هيج انتم راح تسوون اني مااحضر ولااريد
اشوف وجهم من يجون كاله هما حته جيتهم مو طويله يكملون ويرجعون وخلص ننطيه ختولي تعبتنه زين اني اسمع خاف جان عندي امل بعد خلاص كل املي انتهئ ماكو مفر كلت بس والله مااعديهه الهم وكلساع وارجع لاامي شون هيج تحطموني وتكسرون ركبتي ومحروك لاتطوني وانه نسيت الحبيته ولاافكر ارجعله بيوم كالت هاي هيه بعد مااكدر لاابوج وعمامج تعرفينه وين اروح النار بكلبي والله قهر كتلني بس دموعي تصب يم اختي وهيه هم تبجي قهر عليه تكول بلكي اكو حل اي حل هذاوهما راح يجوون يعني راح تصير صدك جانت قبل سوالف هسه لابعد ماكو اي مفر من هذالشي والله بعد ايست ماكو شنو اللي اسووي بمنو اتوسل منو ينقهر عليه ثاني يوم نايمه وكعدت وكارهه حياتي واتمنه اموت ولااتخله بهيج شي والله ضهر ساعه 4العصر سمعت جايين كرايبنه وبيت جدي اجو كالو قبل شويه وصلوو اني بعد شسوووي تخبلت ضليت اصييح اسودنت ابجي شنو موبكيفكم والله مايصير هلشي البالكم وتشوفون بعينكم بعد صوتي عالي وبيت جدي يمنه اجه عمي الزغير كال شكو كالتله تخبلت ماتقبل تكول والله مايصير التردونه كال شنو احجي خل اسمع شدكولين اني كتله مااريد ازوج والله مومال زواج وابجي كال هاا ماجريتي عدل
ماكعدتي وسكتي كتله غلطه وغلطت ليش تصححون الغلط بالغلط كال موضوع انتهئ وااي صوت مااسمع خلص شغله انتهت ضليت ابجي لليل اجت امه اسلم علينه وابوه والولد انه لابسه دشداشه عاديه وكاعده سلمت عليهم بس من وره خشمي شويه وعفتهم رحت للغرفه ضلو يحجون ماعرف شنو شصار اتفقو شنو مدري عفت كلشي وراي كلت هما اللي انطوني لشخص محترك وغير محافظه يله هاي هيه يصير خير كالو متفقين وابوي ماقبل خطوبه هوسه كال مايحتاج مشية زلم وخبصه بيناتنه ومدري منو من اقاربنه وخلص هاي هيه ثاني يوم صار مثل مارادو قراءة فاتحه وراها كالو يجيب شيخ يعقد جابو سيد عقدنه شيخ تم كلشي مثل مارادو ماكو هما اصلا ماضلو بس كملو راحو رجعو لمحافظتهم هنا عود صدك اني مقتنعين قابله وانطيتهم ع مايهم وسكتت من لاحوله ولاقوه
ضليت اتخبل من بيت اهلي عقلي يطير اجت خالتي خطار النه وتعرف بيه كالت تعالي يمنه ابقي غيري جوو جم يوم وارجعج كالت امي لاابوي رحت وياها ضليت يمهم تقريبا 10 ايام احس نفسيتي شويه تغييرت ارتاحيت رغم ماعدهم احد خالتي وزوجها وبنت خالتي وولد خالتي ثنين زغار مو كبار بس جان زوج خالتي شلون ابوي حباب ومابي اي اذيه ويحبنه اني واختي