حب اهل الجنوب

البارت الرابع

#حب_اهل_الجنوب
ايمان/
بهاالاثناء كامو عمامي اتصلو ع خوالي كالوللهم لازم تجون صارت شغله واجو خوالي هو قبل هاي عباس جانت صايره مشكله وي خوالي ومايحجي وياهم مزاعلين واجو خوالي سولفولهم عمامي كبل خالي جبير ضرب امي كاللهه كل هاي من وراج انتي انطيتي مجال لبنتج المهم ابويه ضل يغلط ويحجي على امي يعني بيتنه صار جحيم
خوالي علاقتهم خربت باامي بسببي وضلت ماتروح عليهم وبقت تسمع انواع الغلط والاهاين من ابوي من يدخل ومن يطلع يغلط عليها اكو جيرانه بعيدين شكم شارع عنه بس جانت علاقتنه قويه بيهم بيت ام خالد جانت المره امهم ابد ماتفارك امي كللش تحب امي ويتواصلن سويه
يعني حته عرفت بعلاقتي بعباس لان جانت تحجيلنه كلشي عن بناته واسرارهن المهم حته عباس تعرفه هيه وطلع من نفس عشيرته حبته كالت مبين خوش ولد مره من مرات هما قريبين عالمدرسه بنتهم اعرفها جانت ويانه طالبه كتلهه خل اتصل من عدكم على رقم عباس كالت خل اشوف منو بالبيت طبت مالكت احد بالبيت اخوانها طالعين عاد اتصلت قبل لايلزموني اهلي فظل الرقم هو حافظه ويعرف امي تتردد عليهم وهما هم يجون علينه فما عرف بعد هو شنو اللي صار وياي والله ومتصل ع جوارينه ودزو بتهم الصغيره كالت خلتجي امكم على امي تريدهه بشغله امي راحت وهما اصلا ماجانو يعرفون مسولفتلهم امي بهاالاثناء اتصلت بي امي وضال يحجي وياها
عباس/شنو صار كلبي يوجعني ومن يكرصني معناها صاير شي بيهه
امي/لزمهه عمها وضربها وبطلوها،من مدرسه ومن حاجاها اعترفتله

عباس/صدك تحجين شون تحجي هيج

امي/ بعد اخذهه سياسه واعتبريني صديقج وحته اخواني اجو لعبو لعب وضربوني

عباس/عادي اجي اتقدم اله ماعدي مانع

امي/لااكعد واسكت لاتزيد الطين بله بيتنه هسه مشاكل ومالنه خلك وماينطوها يتخبلون وانته تحاول تبتعد وابد لاتوصل للمنطقه دوم راح يراقبونك لان

عباس/ سلميلي عليهه وكليلها كلشي يصير لادير بال ومااعوفها وثيمالا سدو تلفون

اجت امي سولفت انه كلت بعد هذا اريد اشوف بله رده شنو راح يكون كلت شي اكييد من راح يسمع لزموني يخاف على نفسه بس لاثبتلي العكس طلع مايكدر يستغنه عني والهوى اللي يشمه ومتمسك بيه

عباس/
اخر مره من اتصلت عليها وضليت احجي وياها بوقتها بتفس الوقت الي لزمها عمها

عباس/صدك حلمت بيج ابوس واشم بيج وفزيت من النوم لكيت نفسي اشبك المخده احساس وشعور مااكدر اوصفه الج تعلقت بيج ودخلتي بكلبي من صدك بديت احبج واتعلق بيج احس كلبي يدك بس الج

صارت مشكله وي خوالها اصدقائي وبعد ابتعدت عنهم ودزو عليه ورادوني ارجع وياهم بس اني اذا شخص يطعن بيه بعد مستحيل ارجعله لو احًـجي وياه

ضليت جم يوم ماكو منها لااتصال ولاترميشه كلبي نار عليها واحس اكو فد غصه بكلبي وكلبي من يعصرني معناها الشخص العزيز عليه بي شي ضليت ماانام الليل تخبلت شون راح اتواصل وياها لااكدر اتصل خاف صاير شي وماعندي بعد اي علاقه وي خوالها تخبلت من تفكير باستمرار افكر بس ماجاي اوصل لنتيجه من تفكيري مهن صافن مانايم ابد وكلبي نار ضليت استرجع الاحداث واذكرت جيرانهم رقمهم يمي وامهم تعرفني كلت باجر من اكعد اتصل واشوف شنو صاير واذا مايعرفون عسى ولعل يكدرون يساعدوني بشي نمت كعدت من وكت علما سبحت وتريكت بس اصفن شون راح اتصل عليهم اخاف يطلعون ولدهم الي وشون تاذيت هواي من تفكير كلت ماكو غيرها العصر اتصل والله كريم المهم تقريب ساعه 5العصر اتصلت وردو عليه سمعت صوت مره كبل اني اعرفه للصوت ميزته كتله ام خالد كالت ااي تفضل