حب اهل الجنوب

البارت الثالث

البارت الثالث
#حب_اهل_الجنوب
ايمان/

مشت الايام التهيت امتحانات نصف السنه جانت بوكتهه وراها خلصت امتحانات واجت العطله اشو تمرضت ضليت ابجي من الم راسي الم موطبيعي اخذوني لدكتور كال عدهه شقيقه وانطاني علاج ظليت اخذ العلاج مايفيد ابد بهاي الاثناء هو سامع بيه متمرضه بس شلون يتواصل وياي مايكدر طبعا ظل يجي لااخوي بحجة يشوفه اخوي جان بوكته يداوم بالجيش هذاالحجي 2004دك الباب وطلعوله اخواني كالوله مموجود اخوي جبير للعلم اخوي اكبر مني بسنه وحده المهم كايللهم اريد صيحولي امكم موجوده كالوله اي طلعتله امي سال عن اخوي وبعدها سال عني كالتله مريضه كايللهه شون احاجيه بس اريد اسمع صوتها امي كالتله ماادري اشوف شلون بله امي كلش حبته وكالت مبين خوش ولد لان وي خوالي صارله عمر مهم راح اجت كالتلي هيج
امي اعتبرها صديقه الي وكلشي احجيله مااضم عليها شي

امي/اتصلي من تلفون البيت عليه واحجي وياه
ايمان/اني خفت كلتلها وعمامي
امي/ من يطلعون للدوام
ايمان/
جانو 3موظفين وعمي زغير متخرج بس مامتعين ويشتغل محل عنده ونعرف وقته شوكت يطلع المهم اتصلت عليه
الوو شلونك

عباس/ هلا شلونج شلون صرتي

ايمان/والله مريضه مالي خلك

عباس/بيه ولابيج

ايمان/لااسم الله عليك

عباس/مشتاقلج وطك كلبي عليج اريد اشوفج

ايمان/تشوفني وين تشوفني مااكدر اطلع اني مريضه

عباس/ لوحته 5دقايق

ايمان/مااكدر
واني احجي وبالي كله يم التلفون اللي يم عمامي لايلزموني الايموتوني

كتله باي مااكدر بعد
عباس/ شبيج بس شويه

ايمان/والله مااكدر

عباس/زين من تصيرلج فرصه بعد اتصلي عليه

ايمان/ماشي سديته الخط

والله ضلت حالتي تسوء يوم بعد يوم اخذوني لدكتور ثاني كال عدهه تيفؤ اي والحل كال تدخل مستشفئ اني ظليت ابجي اكره مستشفئ اتخبل منه كال جم يوم ونطلعج والله دخلوني مستشفئ وصادف وي بداية دوامي ضلو اهلي ياخذولي اجايز لان وضعي مايسمح اداوم اوكع بساع مهم ضل يتواصل وي اختي تتصل عليه وتنطي الاخبار
وسامع بيه دخلت مستشفى و اجاني بليل هو واخوه اندك الباب طبعا الغرفه بيهه ويانه 3بنات مرضه واهلهن وياهن

من دخل عليه ضليت متفاجئ انصدمت ﺸنـٌٍـٍوﯛ هاي منو كاله وشلون اجه وماخاف لااحد يجيني

عباس/من عرفت بيها مريضه ماتحملت مااروح واشوفها بقت اختها تتواصل وياي وتنطيني اخبارها كالت نيموها مستشفى اخذت منها عنوان المستشفى وكلتلها منو يمها كالت بــَس امي هنا اطمنت اكدر اروح اخذت اخوي ورحت للمستشفى سالت على اسمها كلتلهم اقاربي وجاي ازورها نطوني رقم الردها الي نايمه بيها هي ورحت دكيت الباب وطبيت صارت بوجهي شفتها بقت صافنه بوجهي متفاجئه حبيبتي شصاير بيها وجهه اصفر وتعبانه بقيت صافن عليها بدي اروح اخذها بحضني واحضنها كلبي طاك عليها
كلتلها الحمدلله عالسلامه شلون صرتي