حب اهل الجنوب

البارت السادس

#حب_اهل_الجنوب
ايمان/
امي راحت لاامه للفاتحه وامه مره طيبه فقيره خذت من خاطرها ورجعت من اجت امي كالت عباس يسولفن اهله من خلصت الفاتحه كالن راح للكراج يجيب بنات خالاته جايات علمود خالهن وهو من هاي اللحظه بده يتغيير عليه اخذتلي اسبوع اتصل عليه مايررد ادز رسايل مايجاوب ويشوفهن يوصلن ردت اعرف شنو اللي صار ليش هيج يسووي كلت خلي جم يوم اذا اتصلت عليه وماجاوب اشوف شلون احاول اتواصل وياه

عباس/
بديت اتعلق بيهه وشفتهه وياي ذهب صافي وفقيره وحته كلام ماتعرف تحجي دخلت بكلبي بس من حبي كمت اغار عليهه زغيره وحلوه ولبسهه عالجسم مفصل من تطلع واشوفها اتخبل احس شي خاص اللي مااحب احد يشوفه فتحت وياها موضوع عاللبس اشو تخبلت هاي شنو لاتحاسبني اني عمامي خبلوني كلشي الالبسي اني لهنا وانسحب وماافيدك كتله هاي هيه خلاص نشوف حجي منو الراح اليمشي سديت تلفون كلت ابد ولااخابرها ولااطخله راس اخليهه براحتها والله صدك صارت ابد لااتصلت ولاحته رساله كالت هذي يجوز صدك ابتعدت علمود هيج حجيت وياها والله وره جم يوم اتصلت عليه طبعا اني مامصدك بس كلت خل اكابر ولااجاملها واشوف حجيها واني بكلبي بس اريد اسمع صوتها متلهف عليها شلون شي فاقده وتلكاه هيج شعوري سالتها شكو مخابره كالت اشتاقيتلك صدك كلبي ارتاح وكمت احجي عليهه كالت يله هاي هيه خوش حسيت رادت تسده بعد مااكدر اصدهه ماصدكت تخابر رجعت اسولف وياها وكلت مادام هلشي تضوج منه خليهه ع راحتهه منا لمن هيه لوحدهه تقتنع وتغيير لبسها
رجعت اتصالاتي وياها وحبي الها يزيد مايقل بس احساسي يكلي هيه تعلقت بيه كلش هواي لان نوعها مو مثل باقي البنات اول مره هيج تحجي وي شخص

المهم خالي مريض ومات والتهينه بالفاتحه وناس رايحه وجايه بهاالاثناء اتصلو عليه كالو بنات خالتك بالكراج روح جيبهن اني هم رحت جبتهن واجيت جايات من بغداد
صح هملته وضليت ماارد عليهه وحته جهازي غلقته
ذيج الايام ومرات اشوفها مراسلتني ولاارد عليه يعني تركته والتهيت بغير شي

ايمان/
اني هنا عايشه بصدمه مامصدكه بس اصفن ودموعي تنزل جان يتمنه بس يسمع صوتي هسه لو اعرف اتغيير ليش ماجاي عقلي يجمع تخبلت الاكل كطعته بس ردت شي او احد يفهمني كلت اليوم اتصل بي واريد افهم شنو فلمه والله وصارلي مجال تقريب بليل ساعه 10اتصلت عليه جاوبتني وحده كلت شعجب هو بي طبع مستحيل احد يتقرب لشغلاته الخاصه شنو هاي جاوبتني المهم كلت الوووو

كالت الووو
ايمان/منو حضرتج
كالت انتي متصله موانه
ايمان/ صح بس هذا مو رقم عباس شيسووي يمج
كالت اي
ايمان/منو انتي انطينياه اريد احجي وياه وافهم
كالت شنو ماسمعت

اني هنا صارت عدي ردة فعل كلت شنو دايخه اني

كتله منو انتي
كالت اني حبيبته نرجس لازم محاجيلج عني
ايمان/سابقا صح وازوجتي وتركتي وجهال عندج اعرف