حب اهل الجنوب

البارت الثاني

#حب_اهل_الجنوب

اعرفكم عن نفسي عباس مواليد 1983
من سكنه محافضه ذي قار (الناصريه)
خريج متوسطه

مواصفاتي اسمر طولي 175جسمي وسط لاسمين ولاضعيف شعري سرح وكثيف بيه شبه من شاروخان الممثل الهندي عيوني نرجسيات  وكبار ملامحي خشنه

اهلي عندي 6اخوه و2خوات للعلم والدي مزوج ثنين نسوان

بديت حياتي جنت اشتغل صباغ اخشاب وي خوال ايمان وعلاقتي بيهم جدا قويه وثقتهم بيه جبيره ادخل لبيتهم واكل وياهم يعني اهل ثنين من خوالها اصدقائي كللش بحكم شغلي جنت وياهم

يوم من الايام فكرو يزوجون ثنينهم خطبو وكملو كلشي واني جنت وياهم بكلشي غرف نومهم من اشترو من سوو ترتيبات بيتهم صبغ وتعديل

صار موعد زواجهم
يوم الحنه رتبنه وفرقه وعزمو كل اصدقاوهم وكلشي اني مسوول عنه يستشيروني بأي شي صارت حنتهم حلوه ولمه بين الاصدقاء ومن تعب رجعت لبيت اهلي سبحت ونمت ثاني يوم صبح اتصلو عليه من وكت حته اروح عليهم واجيت عليهم كلشي كملنه مابقه شي بس موعد الزفه وحضرنه السيارات وزيناهن للعرس لان اخوان اثنين يزوجون نفس اليوم اول ماطلعت زفه بيهه نسوان وشباب يعني سيارات هوايه اول ماانطلقنه نجيب مرت اللي منفصل لان بيتهم بعيد واغاني وفرحانين حته رمي طلق رميت من كد مافرحان بيهم اقرب من اخواني احسهم اهلي كملنه طلعنه ورحنه عالثانيه وهم رمي وجان عرسهم فدشي خراافي وصلوو لبيت اهلهم ذبحو ع رجلين العرسان خرفان. ودخلوهن وياهم نسوان بعد ضلينه برره احنه
وصلت للزفه زفوو العرسان رحت جبتلهم عشه وحلويات للعرسان

بيوم العرس لمحت بنيه حلوه بس شفت شكله طفوولي وبريئ وسالت عنه مرت خالها كلتله البنيه هاي منو كالت هذي دووم لاتتقرب عليهه ابد انسه لان اهله تعبانين عليهه كللش وتدرس شوف وحده غيرها بس هلابنيه ظلت ابالي

رحت يم اصدقائي واللي هما خوالها هم شفته وياها بنات كاعده عالدرج من ضمن هاي البنات وحده جانت معجبه بيه صح ضحكت وسولفت وياها بس هيج يعني مجرد ضحك ردت اصعد عالدرج وجانت بيدي مفرقعات ردت اتحارش بيهه واشوفها تنطي مجال لو صعبه راسن وي صعدت الدرج للعلم غرفة خالها فوك طلعته من ايدي مفرقعات وشعلتهه وذبيتهه بحضنها ردت اشوف ردت فعله كبل صاحت بوجهي اياادبسز صدك ماتستحي انته ونزلت بهاي اللحظه كبرت بعيني كللش وعجبتني كللش بس شون اوصل اله صعبه وهيه بيتهم يم بيت جدهم وعدهه عمام كومه وناس معروفين ومثقفين ومودبين مهم كلت لازم اتقرب لااخوها جبير تقريبا نفس عمري وبديت التقي بي دوم بيت خواله قوت علاقتي بي حته عزمته بيتنه في سبيل اوصل اله راحت ايام واجت ايام صار سابع خوالها بس ابد موابالي تجي واشوفها لان هيه مو دوم تجي لحدالان اني كلشي مااعرف عنه لااسمه ولاعمرها ولا اي شي مجرد عجبتني المهم اخوها صار صديقي انطاني عنوانهم وكال اذا تحتاج شي تعال عليه السابع شفته التقيت بيهه نظراتي كله حب واعجاب اله بس هيه ابد مويمي ولاعبالك تشوفني كلت يرربي هاي شون اجيبه للطريق اريد بس فرصه احجي وياها
راحو رجعو هما وراها خالها تعرض لحادث كصو رجله ظليت بالمستشفى وياه اداري بي واجت هيه شفته مرتين يمكن ظل فتره مستشفئ وراها طلعو ظليت يمه موبس اني اداري بي لاهم اخوانه واصدقاء عنده يعني مسوين مناوبه عليه