حب اهل الجنوب

البارت 15

#حب_اهل_الجنوب
ايمان
قررب زواج اختي ماطولت يمكن ٣اشهر خطوبه وبدت مشاكل تزيد هيه طبعا بيت لوحده ياجر اهلي ماقصرررو وياها اشتروله ذهب وهدايا لبيته وجهزته امي احله جهاز ماخلت شي بعد مهم رحنه حجزناله صالون اني وامي وامي اخذته تكمل شغل صالون صبغ وحفافه ورجعت بليل وراها بيومين جانت الحنه عزمنه بس الناس القريبين علينه كللش ماكو احد غريب تجنن صارت الحفله والعرس اني حجزت فستان قصير كللش ابوي انطاني فلوس جانت امي ماتقبل تكله جاي اطلع عينه انته كاللهه عوفيهه مالج شغل بيهه ورحت اني وياها وخالتي وبنت خالتي للصالون طبعا قبل لااروح كملت كلشي البيت اني ومرت اخوي المهم رحنه ساعه ١٢للصالون وجان بيومها ١٠ عرايس اختي قبل الاخيره طبعا كل عروس تحجيلج قصه شكل
بهاالاثناء ضل يتصل زوج اختي عليهه كاللهه يله يمته ترجعين ماخلصتي كالتله بعد اتاخر عرايس هواي عدهه اني وخالتي وبنت خالتي كملنه مكياج لان مكيجتنه بنيه  اختصاص مدعوات بحيث طلعت جمال شكلي غير تفاجات بشكلي احنه  موعدنه نطلع منه ساعه ٤ العصر هيه اتاخرت مهم حركوها حرك تلفون زفه راح تطلع وانتي ماكو حجايه منه حجايه منه تعاركت هيه وياه وكومي مسحي المكياج
طبعا طلعت اختي جمال لعابه لان هيه نواعم واول مره تحف وتصبغ وبدلتهه عبالك اميره طلعت المهم تخبلت ظلت تبجي كوومي ومسحي المكياج هنا احنه ضجنه عليها وكلنالها خليوولي عوفي كالت شووفو حركني حرك كامت ام الصالون تحجي كالت صلو عالنبي شدعوه عليهم ينتظرون ساعه شنو راح اطير كامت خطيه عادت مكياج من جديد كالت موشغلي بس احترك كلبي عليج المهم هو صايره مشكله وي عمامه متعاركين ولاعبين بي لعب وزوج خالتي خطيه هواللي اخذنه للصالون ورجعنه بس دخلنه للبيت ماكو 10 دقايق وهما فوكانه مرت اخوي جانت جايبه بنته اله 20 يوم مهم مثل ناكعدو دخلت زفه وراها طلعت اني وي خالتي وزوجه سياره نزلت للمصور اخذت صور جماعيه وياهم ورحنه كملنه الزفه لبيته طبعا غراضها وملابسه وديناهن قبل الحنه بيوم رتبنه كنتورها بس ترتيب البيت هما سوو اهل الولد
المهم بقينه شويه بيتها ورجعنه بقو اهل الولد وامي بقت وياها بس كملت شغلتهه اختي رجعت امي والله رجعت اني قبلها صدك ضليت ابجي جان وجودها مالي البيت علينه حته اخواني يبجون ثاري من رحنه للصالون هوصاير بجي امي واخواني اجت امي كالت هاي هيه رجعت من وكت هنا بعد اني ظليت لوحدي ظلت تتصل عليه من تحتاج شي وامي تروح عليهه عصريه وترجع

صار وكت السابع عزمناها وبيت جدي اللي يمنه هم عزمناهم وبيت خالتي وبيبي ام امي هم مهم ظلت يمنه للعشه وراحت هيه وزوجه طبعا صارت عدنه بنوته بنت اخوي جيهان ملت علينه دنيه ماعدنه طفل صارت كلشي حلوو بيتنه ام عباس دزت هديه لااختي مناسبه زواجه واتصلت ع امي تباركتله وعباس،هم تباركله وراها بفتره اتصل بي كال اكلج بنت حيدر اخوج اريداشتريله هديه بس ماعرف شنو ماتكدرين طلعين واشوفين شنو كتله اكو متطقتنه مكتبه بيهه العاب كال خوش كون بعيده موقريبه من اهلج كتله ااي اكو نطيته عنوان كال روحي قبلي واني اجي وراج اختاري انتي واني ادفع الحساب رحت والله ودخلت دخل وراي شفت بطه حلوه جبيره عجبتني سال هو عالسعر طبعا ابو مكتبه جان رجال جبير متفاجئ بس عرف شنو الفلم سكت حاسب هوو واني اخذتها وطلعت جبتها انطيتها لمرت اخوي كتلها هاي هديه دزها عباس لبنتج كالت مشكور عليمن هلتكلفه كتلها لاشسالفه شنو جايب هوو
ضليت اروح لبيت بيبي ومناك اروح لمرت عمي يمهم نفس البيت بس بانين جوه كلمن بيت بس الباب واحد مهم حجيتلهه قصه الحمدلله العراق كله عررف والله هيه خطيه متعاطفه وياي كالت اني هم بلكي احاجي عمج واخلي اياثر ع ابوج بس شغلة صبر كتله صبررر شصبر بعد دخلت سنه ٧ كالت ميخالف بعده العمر كدامكم كتله هم صدك عالعكازه نتزوج ضلت تضحك عاد كمت اروح يمهه بين فتره وفتره واتصل بي جانت تسلم عليه من اتصل بي
مرات حته جهازي اغلقه واخلي يمهه اضمه هيه امان وفقيره كالت بالج واياج عماتج يسمعن هنا تتصلين ترره يكلبن الدنيه عليه وتصير مشاكل كتلها لامحد يعرف اامني رجعت كلت لاامي كالتلي اكلج والله اطلعي الشرقيه بعد واحجي القصه كتلها ليش كالت العراق كله سولفتيله كتلها وشنو يعني سمعوو شمسويه اني كالت لاكلشي مامسويه ماادري كالت تاليه شلون كتله رب العالمين مانعرف شنو بعد ضام النه نشوفه
مشت الايام اجت عمتي خطار النه الوسطانيه ومن طلعت كالتلي اكلج بعدج وي هذاالشخص اني سكتت شجاوب مثلا شكللهه كالت اريدج تنطيني عهد ان انتي عفتي وراح لسبيل حاله ساكته اني كالت مايطوج اله ليش تعذبين نفسج وتعذبينه وياج يجي اي احد اقبلي وشووفي حياتج ماكدرت دموعي نزلت تكول ليش هيج عمه محد يسوه تنزلين دمعتج عليه وخلت وراحت هيه سهله الكلام عووفي وخليروح وشوفي حياتج بس الفعل شلوون كلبي اللي يتحكم بيه مو عقلي هو اللي يقودني اله زين هو ماضحك عليه لو استغلني بشي ابدا صح نطلع ويشوفني بس كلشي بحدود محترمني صح هو جان عصبي نار كبره ماينحمل بس ماكو اطيب من كلبه بساع ينسه مااذاني بشي شلون ابتعد شلون انساه مااكدر شي صعب

المهم بدو يتحضرون يردون يزوجون عمي راحو شافوها البنيه اللي جان رايدهه اهلها رجعو موافقه قابلين يشوفها وتشوفه زين صفنت واحجي وي نفسي عليهم حلال وعليه حرام ليش موبشر عندي مشاعر واحاسيس وتعبت واتاذيت وشنو النهايه ماعرف ماكو اي خيط امل مجرد بس اضحك ع نفسي واصبر واشوف تالي الصبر بس ماكو شي اللي ينطيني الاامل

زين هو هم خطيه باقي ينتظر هيج مجرد يمشي سنين من العمر اصبر وانتظر عاد كلت لازم اسوي حل والله خابرته بليل وقت متاخر
ايمان/اكلك انته شنو اللي مبقيك وياي روح شوف حياتك هواي احسن
عباس/ هاااشتحجين انتي هذاالصار كله تجين تحجيه عادي بكل برود اعصاب
ايمان/ماكو اي اامل طريقنه اني وياك مسدود وحرامات انته باقي منتظر ومتحطم لواكو فد شي يبقي الامل عندي جان كتلك نكمل سوه
عباس/لاوالله هذالحجي مايمشي عليه اكوشي صاير ليش هيج وقت حجيتي بعد ماكملت وياج وانتظر يوم ع يوم ادعي الله واهل البيت ننجمع سوه تجين هسه تكولين ابتعد بابا انتي مخبله عقلج وين
ايمان/لامخبله ولابيه شي ليش يمشي العمر بيك وتاليهه تكول ياحيف سنين عمري الراحت وماكو اي شي
مااسمع الاشي يمه انكسر كال ولي وسداه ماعرفت شنو الصار اتصل مره مرتين ماكو غلقه كلت هواني شورطني وحجيت هيج شي ليش استعجلت

ثاني يوم اتصل ماكو ضليت ٣ايام ماكو مغلق من كد مامليت تركته والله للعصر كلت خل اتصل فتح خط
عباس/شنو شتردين
ايمان/شبيك ظل بالي
عباس/ لاوالله صدك ع شنو ظل بالج متصله ليش شنو تردين مو واحد يعوف الثاني هاي هيه اللي تردينه ابالج سووي بعد
ايمان/اني سمعت هيج ظليت ابجي
عباس/ ليش تبجين مو هذالشي يريحج اني اريدج ترتاحين خاف تعبتي ومليتي مني
ايمان/لوين نضل موماكو طرريق ابد
عباس/ لااكو كتلج بس خلي كلبج ع كلبي ومالج اي غررض بعد دووم اكلج اكوو الله
ايمان/ والله تعبت من الصبر مليت
عباس/لاليش تعبتي شنو عندج كافي روحي غسلي وجهج وكتلج هلموضوع هذاانسي يله تمام باي سديته

بدو بيت جدي يتحضرون لزواج عمي اختي طبعا صارت حامل وبيهه ولد وتم الزواج وجان حلوو وهو احله منها هو ملامحه ناعمه عمي شكله هيه ضخمه اضخم منه كمل كلشي كلمن رجع لبيته

مشت الايام واحنه واحد متعلق بالثاني وبديت اتحضر للامتحانات لان مبقالي هواي  كاعدين اني وامي ومرت اخوي ويجي خالي الجبير هو بحياته ابد مايجي علينه نادرا مايذكر عنده اخت عكس اخوانه الباقين
اجه حجه وي امي كالله اكو ولد صديقنه خوش ولد وابن عائله وحالته ماديه زينه بيته لوحده شايفه ايمان مدري وين وسال عليهه واريد يخطبها  يتوسل بيه صارله جم يوم واني عندي شغل كتله اتفرغلك ع يوم وسهله
كال مايحتاج حته يشوفها شايفها ومقتنع شافني كالي خالي اللي ابالج انسي هنا اني بحالة صدمه يررربي يوميه اطلع من سالفه ادخل بسالفه زين امنت بالله تعرف يعني اني بعدني احب هذاالشخص ويحجيهه ويكول كالتله امي الحجي لاابوها وعمامها مابيدي شي اني كالله يكول احله عرس اسويلها اخلي الناس تحجي بي اني كلت مخطط لكلشي شنوهاي شو بكيفه يحجي ومهيئ كلشي
زين المقابل ماعرفتهه تريدك لا لو هيج كبل تحضيرات وتجهيزات
لنوب امي تخبلت عليه اي كافي اقبلي وهذا نصيبج ومايطوج للي ابالج
يبووو يرربي اللي جاي يصير بيه موقليل شنو اللي احجي هم راح يسمعون عمامي وابوي واكييد اذا شخص معروف ويسالون عنه كبل يكولون شنو الاعذار العدج واني هيج اضل والله الله ياخذ،عمري ولاهاي معاناة يوميه زين تمام هو من منطقة خالي وتقريبا منطقة خالي كله تعرف ان هذاالشخص يحبني ليش محد كال اله او ماسمع من احد بقيت افكر بالسالفه الجديده الي طلعتلي
......................
الكاتبه ام زيزو