حب اهل الجنوب

البارت الاخير

#حب_اهل_الجنوب
ايمان
مصطفى اخويه مويروح مشايه ويستضيفونه اهل الديوانيه اجو للناصريه عدهم شغله ولازم اله كفيل حته يدخلون خابرو يروح يكفلهم جان رايح دراجه هوواخوي ضربه واحد بسيارته وذبه وراح خله مسبح بدمه واخوي الوياه فقد الوعي ومن كعدو كالوله روح صيح اهلك اجه وحيله مهدود ع اخيه عمت عيني كاللهم مصطفئ مات
الف رحمه ونور ع روحه بهذااليوم وبكل يوم وربي يرحم جميع شهداؤنا وشبابنا المهم صار بيت اهلي عباره عن بواجي ونواعي امي وابوي من عكب عينه عافيتهم راحت يكول ابوي شكد احجي عليه واهينه بحياته ماجاوبني لو رفع صوته عليه عمامي فرفحو يكولون ماكو مثله وين مايشوفنه يحضنه اهلي باعو بيتهم وشالو عن بيت جدي المهم اني عبدالله صارعمره 6سنوات صرت حامل وتمنيت ودعيت يطلع ولد حته اسمي ع اسم اخوي وفعلا رحت للسونار وبشرني دكتور سونار كال بيج ولد وجان عباس كللش يحبه لااخوي لحد هذااليوم من نروح للمقبره كبل بوجهنه عليه وبعدين نروح لااهله صار عندي مصطفئ صح مايجي لمعزة اخوي ابد بس ميخالف المهم سميته ع اسمه من كد ماينطيني كلبي اصيح باسمه دلعناه كتكوت وابد مااكدر اصيحه بااسمه اخوي هم صار عنده ولد وراي 3سنوات مرته صارت حامل سموو هم مصطفئ هسه ابني جبير شهر العاشر يدخل 11سنه ومصطفئ زغير 6سنوات وعلاقة عباس صارت قويه بااهلي وعمامي يحترمونه ويحبونه ويتواصل وياهم

من جان عبودي زغير رجعت قدمت عالخارجي سادس وامتحنت ونجحت الحمدلله طلعلي معهد ماكدرت اكمل بعد بس هو لحد هذاليوم يكلي كملي ليش كاعده مااكدر لان هويروح للدوام 10 ايام واني ابقه بشقتي طبعا شتريت شقه بعد 7سنوات ايجار الحمدلله استقرينه ملك اختي اشترت هم يمي شقه صارت جارتي طبعا صارو عده اطفال ثنين وبيبي هم ماتت  ربي يرحمها هم خذت قطعه من كلبي من ماتت وجنت اروح وارجع عليهه وفرحانه جهالي عكب عينها بعد ولادخلت البيت تواصلي وي عماتي وعمامي ع كد الواجبات بس تلفون دوم نتصل ومرت عمي هم
ابوي جان كاره عباس هسه صديقه يحبه ويحترمه رغم هذالصار كله بس ابد مافديوم عباس حجه شي عنهم يكول ابوج وعمامج رفعة راس احترمهم واحبهم ولحد هسه بنفسي البدله والصور دوم اكله اتمنه كال صار سهله كتله شوكت من نمشي عالعكازه كال لاشسالفه كتله نشوف مرات نتزاعل وابد مااقبل احجي وياه وحته الاكل مااكل وياه يتخبل عقله يوكف يكول كلشي سووي بس لاتصرفين هيج تصرفات طفوليه وحبه الي يوم عن يوم يزيد مرات يكول كلبي يكرصني يتصل عليه يكلي بيج شي كتله بس اني هيج يحوز امك كال لااانتي كلبي مايخيب ظنه بيج ودوم يفاجاني بعيد ميلاد يسويلي من النوع اللي يحب يذكرني مناسبات والاعياد
وصديقاتي ديار ورسل لحد هــًـًســًه تواصلي وياهم مستمر
ومنالمن كتبت القصه وكملته هو اكل كلبي وقتج مو اللي هملتيتي وبالج مو يمي كلتله ابددوالله ماكو هيج شي مرات مااكمل كتابه مايقبل يكلي من تطلع اتفرغي للقصه كتله موالبنات ينتظرون

جنت قبل اسمع قصص عن الحب والتضحيه جنت اضحك اكول هيج صدك  لمن عشت وشفت الحب وعذابه بس لذته حلوه من انجمعنه سوويه ومحد فررط الثاني طبعا اشكركم من كل كلبي ع تعليقاتكم وياي وتفاعلكم وربي يجمع كل اثنين يحبون بعض  اني اتابع تعليقاتجن كل ماينزل بارت وربي ينطيكم بالمثل اللي تتمنونه والحمدلله انتهت قصتنه بعد صبر وضيم ومعاناة

دائما جنت اكول الشي المكتوب الك مايصير لغيرك وفعلا حكمة رب العالمين فوق الكل 😘😘😘

طبعا وماانسه الف شكر لاام زين زيزو وربي يرحمه اخوانها برحمته الواسعه 😘😘
ايمان❤️

......................
الكاتبه ام زيزو
الحمدالله تم اكمال القصه بـﺨـيـﺮّ وسلامه
تحياتي وحبي الكم دمتم سالمين بحفظ الله ورعايته