حب هجرسي (مكتمله)

1*2*3*4*5*6*7*8*

1

ﻛﺎﻥ ﻳﻮﻡ ﺍﺣﺪ 10 ﺷﻬﺮ ﻛﺎﻧﻮﻥ ﺍﻟﺜﺎﻧﻲ ﺳﻨﺔ 2015 ﻭﺍﻟﺠﻮ ﻛﺎﻥ ﺑﺎﺭﺩ ﺑﺲ ﺍﻟﺸﻤﺲ ﻗﻮﻳﻪ ﻣﺪﻓﻴﻪ ﺍﻟﺠﻮ ﻓﺼﺎﻳﺮ ﺍﻟﻄﻘﺲ ﻛﻠﺶ ﺩﺍﻓﻲ ﻭﺣﻠﻮ ﺍﻟﻈﻬﺮ ﻓﺎﺗﺤﻪ ﺷﺒﺎﺝ ﺍﻟﻤﻄﺒﺦ ﻭﺭﻳﺤﺔ ﺍﻟﺴﻤﺞ ﺍﻟﻠﻲ ﺩﺍ ﺍﺷﻮﻳﻪ ﻭﺍﺻﻠﻪ ﻟﺒﺎﺏ ﺍﻟﺒﻴﺖ ﺍﺟﻪ ﺑﺎﺑﺎ ﻣﻦ ﺍﻟﺪﻭﺍﻡ ﻃﺐ ﻭﻛﺎﻝ
.. ﺍﻓﻴﻴﻴﻴﻴﺶ ﺷﻨﻮ ﻫﺎﻟﺮﻳﺤﻪ ﺍﻟﻄﻴﺒﻪ
ﺿﺤﻜﺖ ﻭﺭﺣﺖ ﺑﺴﺘﻪ
.. ﺍﻟﻠﻪ ﻳﺴﺎﻋﺪﻙ ﺣﺒﻴﺒﻲ ... ﺑﺴﺮﻋﻪ ﺑﺪﻝ ﻭﺗﻌﺎﻝ ﻣﺎ ﺩﺍﻡ ﺍﻻﻛﻞ ﺣﺎﺭ ﺧﻠﻲ ﻧﺘﻐﺪﻩ
.. ﻳﻤﻪ ﺍﺭﻭﺡ ﻓﺪﻭﻩ ﻟﻬﺎﻻﻳﺪﻳﻦ ﺍﻟﻠﻲ ﻳﻄﺒﺨﻦ
ﺿﺤﻜﺖ ﻭﻛﺘﻠﻪ
.. ﺷﻌﺠﺐ ﺭﺍﺟﻊ ﻣﻦ ﻭﻛﺖ ؟
.. ﻣﺎ ﻋﻨﺪﻱ ﺷﻲ ﺣﺒﻴﺒﻲ ﻫﻴﺞ ﻃﻠﻌﻨﻪ ﻣﻦ ﻭﻛﺖ ﺍﻟﻴﻮﻡ
ﻭﺭﺍﺡ ﻫﻮ ﻳﺒﺪﻝ ﻏﺴﻞ ﻭﺍﺟﻪ ﻓﺮﺷﺖ ﺍﻟﺴﻔﺮﻩ ﻭﺍﻧﻲ ﻭﻳﺎﻩ ﻧﻨﻘﻞ ﺑﺎﻻﻛﻞ ﻭﺍﻟﻤﻮﺍﻋﻴﻦ * ﻣﺮﻳﻢ ﺍﻟﻤﻮﺳﻮﻱ * ﻛﻌﺪﻧﻪ ﺳﻤﻴﻨﻪ ﻭﺑﺪﻳﻨﻪ ﻧﺎﻛﻞ ﻛﺎﻝ
.. ﺍﻣﻤﻤﻤﻤﻢ ﻭﻟﺞ ﺍﻧﺘﻲ ﺷﻨﻮ ﻫﺎﻟﻨﺪﺍﺭﻩ ﻣﻨﻴﻦ ﻣﺘﻌﻠﻤﻪ ﺍﻟﻄﺒﺦ
ﺿﺤﻜﺖ ﻭﻛﺘﻠﻪ
.. ﻭﺩﺍﻋﺘﻚ ﺑﺎﺑﺎ ﺍﻧﻲ ﺑﻮﺧﻪ ﺑﺲ ﺧﻠﻔﻠﻪ ﻋﻠﻰ ﻛﺘﺐ ﺍﻟﻄﺒﺦ ﺍﻟﻠﻲ ﺍﺷﺘﺮﻳﺘﻬﻦ ﻣﻦ ﺍﻟﻜﻠﻴﻪ ﻫﻮﺍﻱ ﻓﺎﺩﻧﻲ
.. ﻫﻬﻬﻬﻬﻪ ﻳﻠﻪ ﺍﻫﻢ ﺷﻲ ﺗﻌﻠﻤﺘﻲ ﻟﻌﺪ ﺷﻠﻮﻥ ﺑﻴﻪ ﺍﺫﺍ ﺗﺰﻭﺟﺘﻲ ﻭﻋﻔﺘﻴﻨﻲ ﻣﻦ ﻳﺴﻮﻳﻠﻲ ﻫﻴﺞ ﺍﻛﻞ ﻃﻴﺐ
ﺣﻄﻴﺖ ﺭﺍﺳﻲ ﻉ ﺟﺘﻔﻪ
.. ﻭﺍﻟﻠﻪ ﻣﺎ ﺍﻋﻮﻓﻚ ﻭﻻ ﺍﺗﺰﻭﺝ .. ﻟﻴﺶ ﺍﺳﻢ ﺍﻟﻠﻪ ﺍﻻﺗﺰﻭﺟﻪ ﺑﺸﻨﻮ ﺍﺣﻠﻰ ﻣﻨﻚ ﻭﺍﻋﻮﻓﻚ
ﺿﺤﻜﻨﻪ ﺍﺛﻨﻴﻨﻪ ﻭﺭﺟﻌﻨﻪ ﻧﺎﻛﻞ ﻛﺘﻠﻪ
.. ﺻﺪﻙ ﺑﺎﺑﺎ ﻣﺎ ﻛﺘﻠﻲ ﺷﻌﺠﺐ ﺟﺎﻱ ﻣﻦ ﻭﻛﺖ ﺍﻟﻴﻮﻡ
.. ﻭﺍﻟﻠﻪ ﺑﺎﺑﺎ ﺍﺷﻮ ﺗﺨﺮﺑﻄﺖ ﺍﻟﻴﻮﻡ
ﺍﻧﻲ ﺫﺑﻴﺖ ﺍﻟﺨﺒﺰ ﻣﻦ ﺍﻳﺪﻱ ﻭﺗﺒﺎﻭﻋﺘﻠﻪ ﺑﺨﻮﻑ ﺷﻔﺘﻪ ﺍﺭﺗﺒﻚ ﻣﻦ ﺧﻮﻓﻲ
.. ﺷﺒﻴﻚ ﺣﺒﻴﺒﻲ
.. ﻻ ﺗﺨﺎﻓﻴﻦ ﺷﺒﻴﺞ ﻣﺎ ﺑﻴﻪ ﺷﻲ ﺑﺲ ﺍﻟﻈﺎﻫﺮ ﺍﻟﺸﻐﻞ ﻣﺘﻌﺐ ﻫﺎﻱ ﺍﻻﻳﺎﻡ ﻷﻥ ﺩﺍ ﺗﺠﻴﻨﻪ ﻟﺠﺎﻥ ﻓﺤﺺ ﻭﻟﺠﺎﻥ ﺗﻘﻴﻴﻢ ﻣﺎ ﺍﻋﺮﻑ ﺷﻌﺪﻫﺎ ﻣﺴﻮﻱ ﺣﻤﻠﻪ ﻋﻠﻰ ﺍﻟﻤﻨﺸﺂﺕ ﻭﺍﻟﻤﻌﺎﻣﻞ
.. ﺣﺒﻴﺒﻲ ﺑﺎﺑﺎ ﻻ ﺗﺨﻮﻓﻨﻲ ﺍﻧﻌﻞ ﺍﺑﻮ ﺍﻟﺸﻐﻞ ﺍﻫﻢ ﺷﻲ ﺻﺤﺘﻚ
.. ﻻ ﺗﺨﺎﻓﻴﻦ ﻳﺎ ﺭﻭﺣﻲ ﻣﺎ ﻋﻨﺪﻱ ﺷﻲ ... ﻳﻠﻪ ﺍﻛﻠﻲ
ﺟﻨﺖ ﺍﻛﻞ ﻭﻋﻴﻮﻧﻪ ﻛﻠﻬﺎ ﺧﻮﻑ ﻋﻠﻴﻪ .. ﻣﺎ ﻓﻜﺮﺕ ﻭﻻ ﺭﺍﺡ ﺍﻓﻜﺮ ﺍﺗﺨﻴﻞ ﺣﻴﺎﺗﻲ ﺑﺪﻭﻧﻪ ﻫﻮ ﻛﻠﺸﻲ ﺍﻟﻲ ﺑﻬﺎﻟﺪﻧﻴﺎ
ﺗﺒﺎﻭﻋﻠﻲ ﺷﺎﻑ ﻧﻈﺮﺓ ﺍﻟﺨﻮﻑ ﺑﻌﺪﻫﺎ ﺑﻌﻴﻨﻲ ﻛﺎﻝ
.. ﺍﺫﺍ ﻣﺎ ﺑﻄﻠﺖ ﻋﻴﻮﻧﺞ ﻫﺎﻟﻨﻈﺮﻩ ﺍﻋﻮﻓﻠﺞ ﺍﻻﻛﻞ ﻭﺍﻛﻮﻡ ﺩﺍ ﺍﻛﻮﻟﺞ ﻣﺎ ﺑﻴﻪ ﺷﻲ
.. ﻣﺎﺷﻲ ﺣﺒﻴﺒﻲ ﻻ ﺗﻀﻮﺝ
ﺑﻘﻴﻨﻪ ﻧﺴﻮﻟﻒ ﻭﻧﻀﺤﻚ ﻋﻠﻰ ﺟﻤﺎﻋﺘﻪ ﺍﻟﻠﻲ ﺑﺎﻟﺸﻐﻞ * ﻣﺮﻳﻢ ﺍﻟﻤﻮﺳﻮﻱ * ﺍﻧﻲ ﻭﻳﺎﻩ ﻭﺍﺣﺪ ﻳﺴﻮﻟﻒ ﻟﻠﺜﺎﻧﻲ ﻭﺍﺣﺪ ﻣﺎ ﻳﻀﻢ ﻉ ﺍﻟﺜﺎﻧﻲ ﻭﻫﻮ ﻳﻌﺮﻑ ﻛﻞ ﺻﺪﻳﻘﺎﺗﻲ ﻭﺩﻭﻡ ﻧﻄﻠﻊ ﺳﻔﺮﺍﺕ ﺍﻭ ﻧﺘﻮﻧﺲ ﺍﻧﻲ ﻭﻳﺎﻩ
ﻛﻤﻠﻨﻪ ﻏﺴﻞ ﻭﺳﻮﻳﺘﻠﻪ ﺟﺎﻱ ﺷﺮﺑﻪ ﻭﻛﺎﻡ ﻛﺎﻝ
.. ﺑﺎﺑﺎ ﺭﺍﺡ ﺍﻧﺎﻣﻠﻲ ﺷﻮﻳﻪ .. ﺑﺎﻝ٤ ﻛﻌﺪﻳﻨﻲ ﺍﺭﻳﺪ ﺍﺭﻭﺡ ﻭﻳﻪ ﻋﻤﺞ ﻧﺰﺍﺭ ﻟﻠﻘﻬﻮﻩ ‏( ﻧﺰﺍﺭ ﻫﻮ ﺻﺪﻳﻖ ﺑﺎﺑﺎ ﺍﻟﺮﻭﺡ ﺑﺎﻟﺮﻭﺡ ﻣﻦ ﺳﻨﻴﻦ ‏)
.. ﻣﺎﺷﻲ ﺣﺒﻴﺒﻲ
ﻏﺴﻠﺖ ﺍﻟﻤﻮﺍﻋﻴﻦ ﻭﻧﻈﻔﺖ ﺍﻟﻤﻄﺒﺦ ﻭﻃﺒﻴﺖ ﺳﺒﺤﺖ ﻭﺑﺪﻟﺖ ﻭﻣﺸﻄﺖ ﻭﺍﻧﻄﺮﺣﺖ ﻋﻠﻰ ﻓﺮﺍﺷﻲ ﺑﻐﺮﻓﺘﻲ
ﺧﻠﻲ ﺍﺣﺠﻴﻠﻜﻢ ﺷﻮﻳﻪ ﻋﻠﻰ ﺣﻴﺎﺗﻲ ﻭﻋﻠﻰ ﺑﺎﺑﺎ ﻋﻠﻰ ﻣﺎ ﻳﻜﻌﺪ
♡............................................ .
ﺍﻧﻲ ﺟﻴﻼﻥ ﻣﻮﺍﻟﻴﺪ 93 ﺧﺮﻳﺠﺔ ﻛﻠﻴﺔ ﺗﻘﻨﻴﻪ ﻗﺴﻢ ﻓﺤﺺ ﺍﻟﺒﺼﺮ ﺗﺨﺮﺟﺖ ﻭﻛﻌﺪﺕ ﺑﺎﻟﺒﻴﺖ ﺣﺎﻟﻲ ﺣﺎﻝ ﻫﺎﻟﺨﺮﻳﺠﻴﻦ ﺑﺪﻭﻥ ﺗﻌﻴﻴﻦ
ﺑﺎﺑﺎ ﻭﻣﺎﻣﺎ ﻛﻞ ﻭﺍﺣﺪ ﻣﻦ ﻃﺎﺋﻔﻪ ﺑﺎﺑﺎ ﻛﺎﻥ ﻣﻦ ﺍﻫﻞ ﺍﻟﺠﻨﻮﺏ ‏( ﺍﻟﻌﻤﺎﺭﻩ ‏) ﻭﻣﺎﻣﺎ ﻣﻦ ﺍﺻﻞ ﺗﺮﻛﻤﺎﻧﻲ ﺗﻌﺮﻓﻮﺍ ﻋﻠﻰ ﺑﻌﺾ ﺑﺎﻟﻜﻠﻴﻪ
ﻛﺎﻧﻮﺍ ﺍﺛﻨﻴﻨﻬﻢ ﻳﺪﺭﺳﻮﻥ ﺑﺎﻟﺠﺎﻣﻌﻪ ﺍﻟﻤﺴﺘﻨﺼﺮﻳﻪ * ﻣﺮﻳﻢ ﺍﻟﻤﻮﺳﻮﻱ * ﻭﺍﺛﻨﻴﻨﻬﻢ ﻛﻠﻴﺔ ﻫﻨﺪﺳﻪ ﺑﺲ ﺑﺎﺑﺎ ﻗﺴﻢ ﻣﻴﻜﺎﻧﻴﻚ ﻭﻣﺎﻣﺎ ﻗﺴﻢ ﻛﻬﺮﺑﺎﺀ
ﺑﺎﺑﺎ ﻛﺎﻥ ﺍﺳﻤﺮ ﻭﺣﻠﻮ ﻛﺎﻧﺖ ﺍﻣﻲ ﺗﺴﻤﻴﻪ ﺍﻟﻤﻠﻴﺢ ﻣﻦ ﻛﺜﺮ ﻣﺎ ﻣﻤﻠﻮﺡ ... ﻛﺎﻥ ﻭﻻ ﺯﺍﻝ ﺟﺮﺉ ﻭﻭﻛﺢ ﻭﻋﻨﻴﺪ ﻭﻣﺎ ﻳﺴﻜﺖ ﻋﻦ ﺣﻘﻪ ﺑﺎﻟﺤﻴﻠﻪ ﺑﺎﻟﻤﻜﺮ ﺑﺎﻟﻀﺮﺏ ﺍﻟﻤﻬﻢ ﻳﺎﺧﺬﻩ ﻳﻌﻨﻲ ﺑﻴﻦ ﻗﻮﺳﻴﻦ ﻋﻤﺎﺭﭼﻲ ﺍﺑﺎ ﻋﻦ ﺟﺪ
ﺍﻣﺎ ﻣﺎﻣﺎ ﻋﻜﺲ ﺑﺎﺑﺎ ﻛﺎﻧﺖ ﺑﻴﻀﻪ ﻭﺣﻠﻮﻩ ﻭﺑﻴﻬﺎ ﺷﻘﺎﺭ ﻛﺮﺩﻱ ﻭﻛﺎﻧﺖ ﻃﻴﺒﻪ ﻭﺧﺠﻮﻟﻪ ﻛﻠﺶ ﺑﺲ ﻧﺎﺩﺭﻩ ﻭﻣﺮﺗﺒﻪ ﺣﻴﻞ
ﺑﺎﺑﺎ ﻋﺸﻚَ ﻣﺎﻣﺎ ﻭﻫﺎﻡ ﺑﺤﺒﻬﺎ ﺑﺎﻟﻜﻠﻴﻪ ﺑﺲ ﻣﺎﻣﺎ ﻛﺎﻧﺖ ﺑﻄﺒﻌﻬﺎ ﺧﺠﻮﻟﻪ ﻛﻠﺶ ﻣﺜﻞ ﻣﺎ ﻛﻠﺖ .... ﺑﺎﺑﺎ ﻣﻦ ﺍﻭﻝ ﻧﻈﺮﻩ ﺍﻧﻌﺠﺐ ﺑﻴﻬﺎ ﻭﺑﺎﺧﻼﻗﻬﺎ ﻭﺑﺸﻜﻠﻬﺎ ﻭﻣﺎ ﻫﻤﻪ ﺗﻘﺎﻟﻴﺪﻩ ﻭﻋﺎﺋﻠﺘﻪ ﺷﺘﺮﻳﺪ ... ﻛﺎﻥ ﻫﻤﻪ ﻣﺎﻣﺎ ﻭﺍﻧﻪ ﺗﻘﺒﻞ ﺑﺤﺒﻪ ﻭﻛﺎﻥ ﻣﺘﺎﻛﺪ ﺍﻧﻪ ﻫﻲ ﺭﺍﺡ ﺗﻨﺠﺬﺑﻠﻪ ﻣﺎ ﺍﻋﺮﻑ ﻣﻨﻴﻦ ﺟﺎﻳﺐ ﻫﺎﻱ ﺍﻟﺜﻘﻪ
ﺛﺎﻧﻲ ﻳﻮﻡ ﺩﺯﻟﻬﺎ ﻭﺭﻗﻪ ﻛﺎﺗﺐ ﺑﻴﻬﺎ ﻛﻞ ﻣﺸﺎﻋﺮﻩ ﻭﻣﺎ ﻣﺨﻠﻲ ﺫﺭﻩ ﻣﻦ ﻣﺸﺎﻋﺮﻩ ﻣﺎ ﻛﺎﺗﺒﻬﺎ ﻋﺒﺎﻟﻚ ﻛﺎﻥ ﻳﺴﻮﻟﻒ ﻭﻳﻪ ﻧﻔﺴﻪ ﺑﺎﻟﺒﺪﺍﻳﻪ ﺭﻓﻀﺘﻪ ﻭﻛﺎﻟﺘﻠﻪ ﺍﻧﻲ ﺟﺎﻳﻪ ﻫﻨﺎ ﻟﻠﺪﺭﺍﺳﻪ ﺑﺲ ﺑﺎﺑﺎ ﻣﺎ ﺳﻜﺖ ﺛﺎﻧﻲ ﻣﺮﻩ ﻫﻢ ﺩﺯﻟﻬﺎ ﻧﻔﺲ ﺍﻟﻜﻼﻡ
ﻫﻢ ﺭﺟﻌﺖ ﺭﻓﻀﺘﻪ ﺑﻘﻪ ﻳﻮﻣﻴﻪ ﻳﺪﺯﻟﻬﺎ ﻭﺭﻗﻪ ﺑﻴﻬﺎ ﻧﻔﺲ ﺍﻟﻜﻼﻡ ﻭﻳﻀﻴﻒ ﻓﻮﻛﺎﻩ ﺣﺒﺔ ﻣﺴﻚ ﻣﺜﻞ ﻣﺎ ﻳﻜﻮﻟﻮﻥ ﻭﻫﻲ ﺍﺑﺪ ﻭﻻ ﺍﻗﺘﻨﻌﺖ ﺍﻭ ﺑﺎﻻﺣﺮﻯ ﻛﺎﻧﺖ ﺗﺴﺘﺤﻲ ﻛﻠﺶ * ﻣﺮﻳﻢ ﺍﻟﻤﻮﺳﻮﻱ * ﻟﺤﺪ ﻣﺎ ﻓﺪ ﻳﻮﻡ ﺟﺎﻱ ﻭﺍﺣﺪ ﻣﻌﺘﺮﻓﻠﻬﺎ ﺑﺤﺒﻪ ﺑﺎﺑﺎ ﺳﻤﻌﺎﻥ ﺑﺎﻟﻮﻟﺪ ﻣﺘﻘﺪﻣﻠﻬﺎ ﺑﻨﺺ ﺍﻟﻜﻠﻴﻪ ﻛَﻄﻌﻪ ﺗﻜَﻄﻊ ﺧﻠﻪ ﺍﻟﻮﻟﺪ ﻋﺒﺎﺭﻩ ﻋﻦ ﻛﺘﻠﻪ ﻣﻦ ﺍﻟﺪﻡ ﻭﺻﺎﺡ ﺑﻨﺺ ﺍﻟﻜﻠﻴﻪ ﺧﻠﻲ ﺍﺷﻮﻑ ﻭﺍﺣﺪ ﻣﻘﺘﺮﺏ ﻣﻦ ﻫﺎﻱ ﺍﻟﺒﻨﻴﻪ ﻭﺍﺷﺮ ﻋﻠﻰ ﻣﺎﻣﺎ
ﻫﻲ ﺷﺎﻓﺘﻪ ﻭﻫﻲ ﺍﺧﺘﺮﻋﺖ ﻭﻣﺎﻋﺖ ﺭﻭﺣﻬﺎ ﻧﻘﻠﻮﻫﺎ ﻟﻠﻤﺴﺘﺸﻔﻰ ﻭﺑﺎﺑﺎ ﺍﺧﺬﻭﻩ ﺍﻣﻦ ﺍﻟﺠﺎﻣﻌﻪ ﻭﺑﻮﻛﺘﻬﺎ ﻓﺼﻠﻮﻩ ﻣﻦ ﺍﻟﻜﻠﻴﻪ ﺑﻌﺪﻳﻦ ﺳﺎﻣﻊ ﺟﺪﻭ ‏( ﻛﺎﻇﻢ ‏) ﺍﻟﻠﻲ ﻛﺎﻧﺖ ﻋﻼﻗﺎﺗﻪ ﻛﻠﺶ ﻗﻮﻳﻪ ﺑﻮﺍﺣﺪ ﻣﻦ ﻣﺨﺎﺑﺮﺍﺕ ﺍﻟﺪﺍﺧﻠﻴﻪ ﺩﺍﺯﻩ ﻋﻠﻰ ﺭﺋﻴﺲ ﺍﻟﺠﺎﻣﻌﻪ ﻭﻋﺎﺯﻣﻬﻢ ﻳﻤﻪ ﻋﻠﻰ ﺍﻟﻐﺪﻩ
ﺑﻮﻛﺘﻬﺎ ﺫﺑﺤﻠﻬﻢ ﺫﺑﻴﺤﻪ ﻭﺍﺟﻮﻱ ﺍﺛﻨﻴﻨﻬﻢ ﻭﺟﺪﻭ ﺣﺎﺟﺎﻩ ﻭﻛﻠﻪ ﻃﻴﺶ ﺷﺒﺎﺏ ﻭﺍﺑﻨﻲ ﻣﺎ ﻳﻘﺼﺪ ﺑﺲ ﺍﻧﺪﻓﻊ ﻭﺍﻣﺴﺤﻬﺎ ﺑﻴﻨﻪ ﻭﺍﻥ ﺷﺎﺀ ﺍﻟﻠﻪ ﻣﺎ ﺗﺘﻜﺮﺭ ﺑﺲ ﺧﻠﻲ ﻳﻜﻤﻞ ﺍﻟﺠﺎﻣﻌﻪ ﻭﺍﻓﻖ ﻭﺟﺪﻭ ﻣﺎ ﻗﺼﺮ ﺑﺎﻟﻜﺮﻡ ﻭﻳﺎﻫﻢ
ﺟﺪﻭ ‏( ﻛﺎﻇﻢ ‏) ﻛﺎﻥ ﻛﻠﺶ ﻳﺤﺐ ﺑﺎﺑﺎ ﻻﻥ ﻫﻮ ﻣﺘﺰﻭﺝ ﺍﺛﻨﻴﻦ ﺍﻻﻭﻟﻰ ﺑﻨﺖ ﺧﺎﻟﻪ ‏( ﺷﻤﻴﺴﻪ ‏) ﻭﻛﺎﻥ ﻳﺤﺒﻬﺎ ﻛﻠﺶ ﻭﺟﺎﺑﺘﻠﻪ ﺑﺲ ﺑﺎﺑﺎ ‏( ﻋﺪﻧﺎﻥ ‏) ﻭﺭﺍﻫﺎ ﻏﺮﻛﺖ ﺑﺎﻟﺸﻂ ﻭﻣﺎﺗﺖ ﺑﻮﻛﺘﻬﺎ ﺟﺪﻭ ﺣﺰﻥ ﻋﻠﻴﻬﺎ ﺣﺰﻥ ﻣﻮ ﻃﺒﻴﻌﻲ ﺍﺿﻄﺮ ﻭﺭﻩ ﻭﻓﺎﺗﻬﺎ ﻳﺎﺧﺬ ﺍﺧﺘﻬﺎ ‏( ﺿﺎﻭﻳﻪ ‏) ﻋﻠﻤﻮﺩ ﺗﺮﺑﻲ ﺑﺎﺑﺎ ﻛﺎﻝ ﺗﺒﻘﻰ ﺧﺎﻟﺘﻪ ﻭﻫﻲ ﺍﺣﻦ ﻋﻠﻴﻪ ﻣﻦ ﺍﻱ ﻭﺣﺪﻩ ﺛﺎﻧﻴﻪ
ﺗﺰﻭﺟﻬﺎ ﻭﺻﺪﻙ ﺭﺑﺖ ﺑﺎﺑﺎ ﻣﺜﻞ ﺍﻣﻪ ﻭﻛﺎﻧﺖ ﺗﺤﺒﻪ ﻛﻠﺶ ﻻﻥ ﻣﻦ ﺭﻳﺤﺔ ﺍﺧﺘﻬﺎ ﻭﺧﻠﻔﺖ ﻟﺠﺪﻭ 3 ﺑﻨﺎﺕ ‏( ﻛﻮﺍﻛﺐ ﻭﺣﺴﻨﻪ ﻭﺍﻣﻞ ‏) ﻭﻭﻟﺪ ﻭﺍﺣﺪ ‏( ﺣﺴﻦ ‏) ... ﻛﺎﻥ ﻋﻤﻮ ‏( ﺣﺴﻦ ‏) ﺍﻟﻠﻲ ﻣﻦ ﻏﻴﺮ ﺍﻡ ﺑﻤﺜﺎﺑﺔ ﺭﻭﺡ ﻭﺻﺪﻳﻖ ﺑﺎﻟﻨﺴﺒﻪ ﻟﺒﺎﺑﺎ ﻛﺎﻧﻮ ﺍﻛﺜﺮ ﻣﻦ ﺍﺻﺪﻗﺎﺀ ﺣﺘﻰ ﺳﺮﻫﻢ ﺳﻮﻩ
ﺍﻟﻤﻬﻢ ﻧﺮﺟﻊ ﻟﺒﺎﺑﺎ ﺑﻮﻛﺘﻬﺎ ﺑﺎﺑﺎ ﻛﺎﻝ ﻟﺠﺪﻭ ﺗﻌﺎﺭﻛﻮﺍ ﻻﻥ ﻏﻠﻂ ﻋﻠﻴﻪ ﻭﺳﺒﻪ ﻭﺟﺪﻭ ﻣﺎ ﺍﻗﺘﻨﻊ ﺑﺲ ﺍﺿﻄﺮ ﻳﺼﺪﻛﻪ ﻭﻭﻋﺪﻩ ﺑﺎﺑﺎ ﺑﻌﺪ ﻣﺎ ﻳﺴﻮﻳﻬﺎ * ﻣﺮﻳﻢ ﺍﻟﻤﻮﺳﻮﻱ * ﺭﺟﻊ ﻟﻠﻜﻠﻴﻪ ﻭﻗﻠﺒﻪ ﻭﺭﻭﺣﻪ ﻛﻠﻪ ﻳﻢ ﻣﺎﻣﺎ ﻣﻦ ﺭﺟﻊ ﺷﺎﻓﻬﺎ ﻣﻮ ﺫﻳﺞ ﺍﻟﺒﻨﻴﻪ ﺍﻟﻮﺍﺛﻘﻪ ﻣﻦ ﻧﻔﺴﻬﺎ ﻭﺧﺠﻮﻟﻪ ﺷﺎﻑ ﺑﻌﻴﻮﻧﻬﺎ ﻧﻈﺮﺍﺕ ﺧﻮﻑ ﻭﺭﻋﺐ ﻭﺗﺸﺮﺩ ﻣﻨﻪ
ﺑﺎﺑﺎ ﻋﺮﻑ ﺍﻧﻪ ﻫﻮ ﺍﻟﺴﺒﺐ ﺭﺍﺩ ﻳﺤﻤﻴﻬﺎ ﻭﻳﻘﺮﺑﻬﺎ ﻣﻨﻪ ﺑﺲ ﺻﺎﺭ ﺍﻟﻌﻜﺲ ﺧﻼﻫﺎ ﺗﺒﺘﻌﺪ ﻭﺗﻨﻔﺮ ﻣﻨﻪ
ﺑﺲ ﺑﺎﺑﺎ ﻣﺎ ﺳﻜﺖ ﻭﺭﺍﺡ ﻟﺼﺪﻳﻘﻪ ﻛﻠﻪ ‏( ﻃﺶ ﺧﺒﺮ ﺑﺎﻟﻜﻠﻴﻪ ﺍﻧﻪ ﺍﻧﻲ ﻣﺘﺖ ﻭﺷﻮﻓﻠﻲ ﺭﺩﺓ ﻓﻌﻞ ﺍﺯﺍﺩﻱ ‏) ﻭﺻﺪﻳﻘﻪ ﻫﻢ ﻣﺎ ﻗﺼﺮ ﻓﻮﻙ ﻣﺎ ﻃﺶ ﺍﻟﺨﺒﺮ ﻛﻌﺪ ﻳﺒﺠﻲ ﻭﻳﻌﺰﻡ ﻋﻠﻰ ﻓﺎﺗﺤﺘﻪ
ﺑﻴﻮﻣﻬﺎ ﻣﺎ ﺭﺟﻊ ﻟﻠﻘﺴﻢ ﺣﺘﻰ ﺟﻤﺎﻋﺘﻪ ﻣﺎ ﻳﺸﻜﻮﻥ ﺑﻴﻪ ﻭﻋﺒﺎﻟﻬﻢ ﺻﺪﻙ ﻣﻴﺖ ﺭﺍﺡ ﺑﺎﺕ ﻳﻢ ﺻﺪﻳﻖ ﺍﻟﻪ ﺑﺒﻐﺪﺍﺩ ﻭﻛﻠﻪ ﻋﻨﺪﻱ ﺷﻐﻠﻪ ﺍﺭﻳﺪ ﺑﺲ ﺍﻟﻠﻴﻠﻪ ﻳﻤﻚ ﻭﺍﻟﻮﻟﺪ ﺻﺪﻙ ﻣﺎ ﻗﺼﺮ ﻭﻳﺎﻩ
ﺑﺎﺕ ﻳﻢ ﺍﻟﻮﻟﺪ ﺑﺲ ﺻﺪﻳﻘﻪ ﺍﻟﻠﻲ ﻃﺶ ﺍﻟﺨﺒﺮ ﻛﺎﻥ ﻳﻨﺪﻝ ﻣﻜﺎﻧﻪ ﺍﺟﻪ ﻟﺒﺎﺑﺎ ﻭﻛﻠﻪ ﻋﻠﻰ ﺣﺎﻝ ﻣﺎﻣﺎ ﻛﻠﻪ :
‏( ﻣﻦ ﺳﻤﻌﺖ ﺑﺎﻟﺨﺒﺮ ﺭﺣﺖ ﻋﻠﻴﻬﺎ ﺑﺪﻭﻥ ﻣﺎ ﺗﺪﺭﻱ ﻭﺑﺎﻭﻋﺘﻠﻬﺎ ﺣﺘﻰ ﺍﺷﻮﻓﻬﺎ ﺷﺘﺴﻮﻱ ﻟﻜﻴﺘﻬﺎ ﻛﺎﻋﺪﻩ ﺗﺒﺠﻲ ﻭﺻﺪﻳﻘﺎﺗﻬﺎ ﺩﺍﻳﺮ ﻣﺪﺍﻳﺮﻫﺎ ﻭﻳﻮﺍﺳﻦ ﺑﻴﻬﺎ ﻭﻫﻲ ﺗﻜﻮﻟﻬﻦ ﺧﻄﻴﻪ ﻛﺎﻥ ﻳﺤﺒﻨﻲ ﻟﻮ ﺍﺩﺭﻱ ﻫﻴﺠﻲ ﻳﺼﻴﺮ ﺑﻴﻪ ﻣﺎ ﺍﺭﻓﻀﻪ ﻛﺎﻥ ﺍﻧﻄﻴﺘﻪ ﻓﺮﺻﻪ ﺣﺘﻰ ﺗﻌﺎﺭﻙ ﻋﻠﻤﻮﺩﻱ ﺧﻄﻴﻪ ﺑﺲ ﺍﻧﻲ ﻣﺎ ﺑﻴﻪ ﺣﻆ ﻣﺎ ﺍﻋﺮﻑ ﺍﺗﺼﺮﻑ ‏)
ﺑﺎﺑﺎ ﺑﻠﺤﻈﺘﻬﺎ ﺗﺄﻛﺪ ﺍﻧﻪ ﻫﻲ ﺣﺒﺘﻪ ﺑﺲ ﻣﻜﺎﺑﺮﻩ ﻭﻣﺎ ﺗﻘﺒﻞ ﺗﻌﺘﺮﻑ ﺑﺤﺒﻬﺎ
ﺛﺎﻧﻲ ﻳﻮﻡ ﺍﺟﺎﻫﺎ ﻭﺍﻟﻜﻠﻴﻪ ﻛﻠﻬﺎ ﻣﺘﻌﺠﺒﻪ ﻫﺬﺍ ﻣﻮ ﻣﻴﺖ ﺷﺮﺟﻌﻪ ﺍﺟﻮ ﺟﻤﺎﻋﺘﻪ ﺗﺤﻤﺪﻭﻟﻪ ﺑﺎﻟﺴﻼﻣﻪ ﻫﻮ ﺳﻠﻢ ﻋﻠﻴﻬﻢ ﻉ ﺍﻟﺴﺮﻳﻊ ﻭﺍﺗﺠﻪ ﻟﻤﺎﻣﺎ ‏( ﺁﺯﺍﺩﻱ ‏) * ﻣﺮﻳﻢ ﺍﻟﻤﻮﺳﻮﻱ * ﻫﻲ ﻛﺎﻧﺖ ﺷﺎﺭﺩﻩ ﻣﺎ ﻣﻨﺘﺒﻬﺘﻠﻪ ﻛﺎﻟﻠﻬﺎ
.. ﻫﺎ ﺁﺯﺍﺩﻱ ﻳﻌﻨﻲ ﺍﺳﺘﺎﻫﻞ ﺍﻟﻔﺮﺻﻪ ﻫﺴﻪ؟
ﺑﻮﻛﺘﻬﺎ ﻣﺎﻣﺎ ﻣﺸﺎﻋﺮﻫﺎ ﺗﻀﺎﺭﺑﺖ ﺻﺪﻣﻪ ﻋﻠﻰ ﻓﺮﺣﻪ ﻋﻠﻰ ﺗﻌﺠﺐ ﻭﺧﺠﻞ ﻛﺎﻣﺖ ﺗﺒﺠﻲ ﻭﻛﺎﻟﺘﻠﻪ
.. ﺷﺘﺮﻳﺪ ﻣﻦ ﻓﺮﺻﻪ ﺍﺧﺬ ﺑﺲ ﻻ ﺗﻤﻮﺕ
ﻭﻣﻨﺎ ﺑﺪﺕ ﻗﺼﺔ ﺣﺒﻬﻢ ﺍﻟﻠﻲ ﺑﻘﺖ ٤ ﺳﻨﻴﻦ ﻭﻫﻢ ﻋﺸﻜﻬﻢ ﻭﺻﻞ ﺫﺭﻭﺗﻪ ﻭﻧﻔﺴﻬﻢ ﻭﺍﺣﺪ ﻭﻗﻠﺒﻬﻢ ﻳﻨﺒﺾ ﺳﻮﻩ
ﻣﺎ ﻓﺪ ﻳﻮﻡ ﺑﺎﺑﺎ ﺯﻋﻞ ﻣﺎﻣﺎ ﻭﺣﺘﻰ ﻟﻮ ﺯﻋﻠﺖ ﺑﻨﻔﺲ ﺍﻟﻮﻗﺖ ﻳﺮﺍﺿﻴﻬﺎ
ﻻﻥ ﺑﺎﺑﺎ ﺑﻴﻪ ﻃﺒﻊ ﻋﺼﺒﻲ ﻛﻠﺶ ﻓﻜَﺎﻳﻞ ﻟﻤﺎﻣﺎ ﺍﺫﺍ ﺗﻌﺼﺒﺖ ﻻ ﺗﺒﻘﻴﻦ ﻳﻤﻲ ﺑﺴﺮﻋﻪ ﻛﻮﻣﻲ ﻭﻣﺎﻣﺎ ﻣﻦ ﻧﻮﻉ ﺗﺴﻤﻊ ﺍﻟﻜﻼﻡ ﻫﻮ ﻭﺭﻩ ﻧﺺ ﺳﺎﻉ ﻳﻬﺪﺃ ﻭﻳﺮﻭﺡ ﻳﺮﺍﺿﻴﻬﺎ
ﺧﻼﻝ ﺍﻟﺴﻨﻪ ﺍﻻﻭﻟﻰ ﻣﻦ ﺣﺒﻬﻢ ﻣﺤﺪ ﻋﺮﻑ ﻣﻦ ﺍﻫﻠﻪ ﺍﻧﻪ ﻋﺪﻧﺎﻥ ﻋﻨﺪﻩ ﻋﻼﻗﻪ ﺑﻮﺣﺪﻩ ﺑﺎﻟﺠﺎﻣﻌﻪ ﺑﺲ ﺣﺴﻦ ﻻﻥ ﻛﺎﻥ ﺑﻴﺮ ﺍﻻﺳﺮﺍﺭ ﻣﺎﻝ ﺑﺎﺑﺎ
ﻭﺑﻌﻄﻠﺔ ﺍﺧﻴﺮ ﺍﻟﺴﻨﻪ ﺍﺟﻮ ﺧﻄﺎﺑﻪ ﻉ ﺑﻨﺖ ﻋﻤﻪ ﻟﺒﺎﺑﺎ ‏( ﺳﻌﺪﻳﻪ ‏) ..... ﻭﺟﺪﻭ ﻛﺎﻥ ﻛﻠﺶ ﻳﺤﺒﻬﺎ ﻣﺎ ﺭﺍﺩ ﺟﺪﻭ ﻳﻨﻄﻴﻬﺎ ﻟﻠﻐﺮﻳﺐ ﻓﺨﻄﺒﻬﺎ ﻣﻦ ﺍﺧﻮﻩ ﻟﺒﺎﺑﺎ ‏( ﻳﻌﻨﻲ ﺑﻨﺖ ﻋﻤﻪ ﻟﺒﺎﺑﺎ ‏) ﺑﺪﻭﻥ ﻋﻠﻤﻪ ﻋﻠﻰ ﺍﻋﺘﺒﺎﺭ ﺑﺎﺑﺎ ﻛﺎﻥ ﻳﺴﻤﻊ ﻛﻼﻣﻪ ﻟﺠﺪﻭ ﻭﻣﺎ ﻳﺮﻓﻀﻠﻪ ﻃﻠﺐ
ﻛﺎﻧﺖ ﺑﻨﺖ ﻋﻤﻪ ﻛﻠﺶ ﺣﻠﻮﻩ ﻭﻧﺎﺩﺭﻩ ﻭﺟﺪﻭ ﻛﺎﻥ ﻛﻠﺶ ﻳﺤﺐ ﺑﺎﺑﺎ ﻓﺄﺧﺘﺎﺭﻫﺎ ﺍﻟﻪ ﻭﻫﻢ ﺭﺍﺩ ﻳﻔﺮﺡ ﺑﺄﺑﻨﻪ ﺍﻟﺠﺒﻴﺮ
ﺑﺲ ﺑﺎﺑﺎ ﻭﺭﻩ ﻣﺎ ﻋﺮﻑ ﻗﻠﺐ ﺍﻟﺪﻧﻴﺎ ﻛﻠﻬﻢ ﺍﻧﻲ ﺍﺣﺐ ﻭﺣﺪﻩ ﻭﺍﺭﻳﺪ ﺍﺗﺰﻭﺟﻬﺎ ﻟﻮ ﻫﻲ ﻟﻮ ﻣﺎ ﺍﺗﺰﻭﺝ ﺑﺎﻟﺒﺪﺍﻳﻪ ﺟﺪﻭ ﻋﺎﺭﺽ ﻭﻛﺎﻟﻪ ﺗﻨﺠﺐ ﻭﺗﺰﻭﺟﻬﺎ ﻋﻴﺐ ﺍﻧﻄﻴﺖ ﺣﺠﺎﻳﻪ ﻟﻌﻤﻚ ﻛﻠﻪ ﻭﺍﻟﻠﻪ ﺍﻋﻮﻓﻠﻜﻢ ﺍﻟﻤﻨﻄﻘﻪ ﻭﺍﻫﺞ ﻭﻣﺎ ﺗﻠﻜﻮﻟﻲ ﺍﺛﺮ ﻭﺍﺧﻠﻴﻜﻢ ﺑﺴﻮﺍﺩ ﺍﻟﻮﺟﻪ
ﺟﺪﻱ ﻣﻦ ﺳﻤﻊ ﻫﺎﻟﻜﻼﻡ ﺿﺮﺏ ﺑﺎﺑﺎ * ﻣﺮﻳﻢ ﺍﻟﻤﻮﺳﻮﻱ * ﻭﻫﺎﻱ ﺍﻭﻝ ﻣﺮﻩ ﻳﻤﺪ ﺍﻳﺪﻩ ﻋﻠﻴﻪ ﻭﺑﺎﺑﺎ ﺭﺟﻊ ﺯﻋﻼﻥ ﻟﺒﻐﺪﺍﺩ ﻟﻼﻗﺴﺎﻡ ﻭﺑﻘﻮﺍ ﺗﻘﺮﻳﺒﺎ 3 ﺍﺷﻬﺮ ﻣﺎ ﻳﺘﺤﺎﺟﻮﻥ ﺑﺲ ﻣﺼﺮﻑ ﺑﺎﺑﺎ ﻣﻦ ﺟﺪﻭ ﻣﺎﺷﻲ
ﻭﺭﺍﻫﺎ ﺭﺟﻊ ﺑﺎﺑﺎ ﻭﻃﺎﺡ ﻋﻠﻰ ﺟﺪﻭ ﻭﺑﺎﺱ ﺭﺍﺳﻪ ﻭﺍﻳﺪﻩ ﻭﺭﺟﻠﻪ ﻭﻛﻠﻪ ﺍﻧﻲ ﻗﻠﺒﻲ ﻳﻬﻮﻯ ﻏﻴﺮﻫﺎ ﻭﻻ ﺗﺤﺮﻣﻨﻲ ﻣﻨﻬﺎ ﻭﻣﻮ ﻗﺼﺪﻱ ﺍﻋﺼﻴﻚ ... ﺟﺪﻭ ﻣﺎ ﻫﺎﻥ ﻋﻠﻴﻪ ﺯﻋﻞ ﺍﺑﻨﻪ ﻋﺪﻧﺎﻥ ﻻﻥ ﻛﻠﺶ ﻳﺤﺒﻪ ﻛﻠﻪ ﻫﺬﺍ ﻫﻮ ﺍﺫﺍ ﺍﻧﺖ ﻣﺎ ﺗﺮﻳﺪﻫﺎ ﺍﻧﻲ ﻓﺸﻠﻪ ﻣﻦ ﺍﺧﻮﻱ ﺍﻧﻄﻴﺘﻪ ﺣﺠﺎﻳﻪ ﻭﻣﺎ ﺍﻛﺪﺭ ﺍﻛﺴﺮ ﺑﺒﺨﺖ ﺑﻨﺘﻪ ﺭﺍﺡ ﺍﺧﺬﻫﺎ ﻻﺧﻮﻙ ﺣﺴﻦ
ﻋﻤﻮ ﺣﺴﻦ ﻣﺎ ﻋﺎﺭﺽ ﻭﺗﺰﻭﺟﻬﺎ ﻟﺒﻨﺖ ﻋﻤﻪ ﺳﻌﺪﻳﻪ ﻭﺟﺎﺑﺘﻠﻪ 2 ﻭﻟﺪ ‏( ﻫﺠﺮﺱ ﻭﻫﺎﺷﻢ ‏) ﻭ 3 ﺑﻨﺎﺕ ‏( ﺑﺸﺮﻯ ﻭ ﻓﺎﻃﻤﻪ ﻭ ﺯﻳﻨﺐ ‏)
ﻭﺭﻩ ﻣﺎ ﺧﻠﺺ ﺑﺎﺑﺎ ﻛﻠﻴﻪ ﺧﻄﺐ ﻣﺎﻣﺎ ﻭﻣﻦ ﺭﺍﺩ ﻳﺘﺰﻭﺝ ﻛﻠﻪ ﻟﺠﺪﻭ ﺭﺍﺡ ﺍﺗﺰﻭﺟﻬﺎ ﻭﺍﺟﻴﺒﻬﺎ ﻫﻨﺎ ﻻﻥ ﻣﺎ ﻋﻨﺪﻱ ﻣﻜﺎﻥ ﺍﻭﺩﻳﻬﺎ ﺍﻟﻪ ﻛﻠﻪ ﺟﺪﻱ ﻫﺎﻱ ﺍﻟﻤﻔﺮﻋﻪ ﻣﺎ ﺗﺪﺧﻞ ﺩﻳﺮﺗﻲ ﻭﺗﻌﻴﺶ ﺑﻴﻬﺎ ﺑﻴﻦ ﺧﻠﻚ ﺍﻟﻠﻪ
ﺑﺎﺑﺎ ﻫﻢ ﻟﺒﻰ ﺭﻏﺒﺘﻪ ﻟﺠﺪﻭ ﻭﺍﺧﺬ ﻣﻦ ﺟﺪﻭ ﻓﻠﻮﺱ ﻭﺍﺷﺘﺮﻯ ﺑﻴﺖ ﺑﺒﻐﺪﺍﺩ ﺑﺎﻟﺸﻌﻠﻪ ﻭﺗﺰﻭﺟﻮﺍ ﻫﻨﺎﻙ
ﺑﺎﺑﺎ ﺩﻟﻞ ﻣﺎﻣﺎ ﺩﻻﻝ ﺣﺎﺭ ﺷﻴﺴﻮﻳﻠﻬﺎ ﻭﺷﻴﺠﻴﺒﻠﻬﺎ ﺭﻏﻢ ﺍﻟﻈﺮﻭﻑ ﻛﺎﻧﺖ ﺻﻌﺒﻪ ﺑﻮﻛﺘﻬﺎ ﺻﺢ ﻫﻮ ﺗﻌﻴﻦ ﺑﻤﻨﺸﺄﺓ ﺍﻟﻴﺮﻣﻮﻙ * ﻣﺮﻳﻢ ﺍﻟﻤﻮﺳﻮﻱ * ﺑﺲ ﻛﺎﻥ ﺍﻟﺮﺍﺗﺐ ﻗﻠﻴﻞ ﻳﺎ ﺩﻭﺏ ﻳﻜﻔﻲ ﺑﺲ ﺭﻏﻢ ﻫﺬﺍ ﻣﺎ ﻗﺼﺮ ﻭﻳﺎﻫﺎ
ﺍﻭﻝ ﺳﻨﻪ ﻣﺎﻣﺎ ﺣﺒﻠﺖ ﻭﺻﺎﺭ ﻋﺪﻫﺎ ﺍﺳﻘﺎﻁ ﻭﺑﻮﻛﺘﻬﺎ ﻭﺻﻠﺖ ﺍﻟﻤﻮﺕ ﻣﻦ ﻭﺭﻩ ﺍﻟﻨﺰﻑ ﻻﻥ ﻣﺎﻣﺎ ﻛﺎﻧﺖ ﻛﻠﺶ ﺿﻌﻴﻔﻪ ﻭﺑﺎﺑﺎ ﺗﺨﺒﻞ ﻋﻠﻴﻬﺎ ﻛﻠﻬﺎ ﺑﻌﺪ ﻣﺎ ﺗﺤﺒﻠﻴﻦ ﻭﺭﺍﻫﺎ ﻣﺎﻣﺎ ﺑﻘﺖ ﺗﻘﺮﻳﺒﺎ ﺳﻨﺘﻴﻦ ﻛﻠﻤﺎ ﻳﺼﻴﺮ ﻋﺪﻫﺎ ﻃﻔﻞ ﻳﻮﻛﻊ ﺑﺎﻟﺴﻨﻪ ﺍﻟﺜﺎﻟﺜﻪ ﺭﺍﺣﺖ ﻟﺪﻛﺘﻮﺭﻩ ﻛﺎﻟﺘﻠﻬﺎ ﻇﻬﺮﺝ ﻣﺎ ﻳﺘﺤﻤﻞ ﺣﺒﺎﻟﻪ ﺭﺍﺡ ﺍﻛﺘﺒﻠﺞ ﻋﻠﻰ ﻣﺜﺒﺘﺎﺕ ﺑﺲ ﻣﺎ ﺍﻧﺼﺤﺞ ﺑﺎﻟﺤﻤﻞ
ﻣﺎ ﻛﺎﻟﺖ ﻫﺎﻟﺤﺠﻲ ﻟﺒﺎﺑﺎ ﻗﺒﻞ ﺍﻟﺤﻤﻞ .... ﺑﻌﺪ ﺍﻟﺤﻤﻞ ﻳﻠﻪ ﻛﺎﻟﺘﻠﻪ ﻭﻫﻮ ﺗﺨﺒﻞ ﻭﺣﺘﻰ ﺑﻘﻪ ﺍﺳﺎﺑﻴﻊ ﻣﺎ ﻳﺤﺠﻲ ﻭﻳﺎﻫﺎ ﺑﺲ ﺑﻌﺪ ﺻﺎﺭ ﺍﻟﻠﻲ ﺻﺎﺭ
ﺣﺒﻠﺖ ﺑﻴﻪ ﻭﺑﺎﺑﺎ ﻛﺎﻥ ﻣﺪﺍﺭﻳﻬﺎ ﻣﺜﻞ ﺍﻟﻤﻲ ﺑﺎﻟﺼﻴﻨﻴﻪ ﻭﻳﺠﻲ ﻣﻦ ﺍﻟﺪﻭﺍﻡ ﻛَﺒﻞ ﻳﺴﺎﻋﺪﻫﺎ ﻻﻥ ﻳﺪﺭﻱ ﺑﻴﻬﺎ ﺗﻌﺒﺎﻧﻪ ﻫﻲ ﻛﺎﻧﺖ ﻓﺮﺣﺎﻧﻪ ﺑﺎﻟﺤﻤﻞ ﻭﻋﺒﺎﻟﻬﺎ ﺍﻧﻲ ﻭﻟﺪ ﺩﻭﻡ ﺗﺪﻋﻲ ﺍﻧﻪ ﻳﺠﻴﻬﺎ ﻭﻟﺪ ﻋﻠﻤﻮﺩ ﺑﺎﺑﺎ ﺑﺲ ﻫﻮ ﻛﺎﻥ ﻳﻜﻮﻟﻬﺎ ﻛﻠﺸﻲ ﻣﻨﺞ ﻧﻌﻤﻪ ﺍﻫﻢ ﺷﻲ ﺗﻄﻠﻌﻮﻥ ﺑﺎﻟﺴﻼﻣﻪ ﻻ ﺗﺒﻘﻴﻦ ﺗﻔﻜﺮﻳﻦ
ﻣﺎﻣﺎ ﻋﺪﻫﺎ ﺍﺥ ﻭﺍﺣﺪ ﻭﺍﻣﻬﺎ ﻭﺍﺑﻮﻫﺎ ﻛﺎﻧﻮ ﻋﺎﻳﺸﻴﻦ ﺑﺪﻫﻮﻙ ﺑﺲ ﻣﻦ ﺗﺰﻭﺟﺖ ﻣﺎﻣﺎ ﻭﺻﺎﺭﺕ ﺍﺣﺪﺍﺙ ﺍﻝ٩١ ﺍﻫﻠﻬﺎ ﺳﺎﻓﺮﻭﺍ ﻟﻼﺭﺩﻥ ﻭﻳﻪ ﺍﺧﻮﻫﺎ * ﻣﺮﻳﻢ ﺍﻟﻤﻮﺳﻮﻱ * ﺑﻮﻛﺘﻬﺎ ﻣﺎﻣﺎ ﻛﻠﺶ ﺗﺎﺫﺕ ﻋﻠﻰ ﻓﺮﺍﻗﻬﻢ ﺑﺲ ﺑﺎﺑﺎ ﺑﺤﻨﻴﺘﻪ ﻭﻣﺤﺒﺘﻪ ﻛﺪﺭ ﻳﺨﻠﻲ ﺍﻟﺤﻴﺎﺓ ﺗﺮﺟﻌﻠﻬﺎ ﻭﺑﻘﺖ ﺑﺲ ﺍﻟﺮﺳﺎﺋﻞ ﺑﻴﻨﻬﺎ ﻭﺑﻴﻨﻬﻢ
ﻭﺑﻴﻮﻡ ١٠ ﺑﺸﻬﺮ ﻧﻴﺴﺎﻥ ﺳﻨﺔ ١٩٩٣ ﻳﻮﻡ ﺍﻟﺨﻤﻴﺲ ﺍﻟﺴﺎﻋﻪ ﺏ٩ ﺍﻟﺼﺒﺢ ﻣﺎﻣﺎ ﺍﺟﺘﻬﺎ ﺍﻟﻄﻠﻮﻛﻪ ﻭﺑﺎﺑﺎ ﻛﺎﻥ ﻣﺎ ﻣﻮﺟﻮﺩ ﺑﺎﻟﺸﻐﻞ .... ﺑﻘﺖ ﺗﻔﺘﺮ ﻭﺗﺒﺠﻲ ﻭﺗﺼﻴﺢ ﻭﺣﺪﻫﻲ ﺑﺎﻟﺒﻴﺖ ﻟﺤﺪ ﻣﺎ ﺍﻟﻈﺎﻫﺮ ﺑﻌﺪ ﻣﺎ ﻛﺪﺭﺕ ﺗﺘﺤﻤﻞ ﺍﻛﺜﺮ ﺭﺍﺣﺖ ﻋﻠﻰ ﺑﻴﺖ ﺟﻴﺮﺍﻧﻬﻢ ﺑﻴﺖ ﺍﺑﻮ ﺻﻬﻴﺐ
ﺧﻄﻴﻪ ﺍﻟﻤﺮﻩ ﻫﻢ ﺷﺎﻓﺘﻬﺎ ﻫﻴﺞ ﻉ ﺍﻟﺴﺮﻳﻊ ﺧﺎﺑﺮﺕ ﻉ ﺍﻻﺭﺿﻲ ﻋﻠﻰ ﺑﺎﺑﺎ ﻭﺭﻛﻀﺖ ﻟﺒﻴﺘﻨﻪ ﺟﺎﺑﺖ ﺟﻨﻄﺔ ﺍﻟﻤﻼﺑﺲ ﻣﺎﻝ ﻣﺎﻣﺎ ﺍﻟﻠﻲ ﻣﺠﻬﺰﺗﻬﻦ ﻭﺍﺧﺬﻭﻫﺎ ﻟﻠﻤﺴﺘﺸﻔﻰ ﺑﺎﺑﺎ ﻛﺎﻥ ﻭﺍﺻﻞ ﻗﺒﻠﻬﻢ ﻧﺰﻟﻬﺎ ﻣﻦ ﺳﻴﺎﺭﺗﻬﻢ ﻭﺷﺎﻟﻬﺎ ﺣﻄﻬﺎ ﻋﻠﻰ ﺍﻟﺴﺪﻳﻪ ﻭﻫﻮ ﻳﺒﺠﻲ
ﺑﺤﻴﺚ ﺍﻟﺪﻣﻮﻉ ﺗﺠﺮﻱ ﻣﻦ ﻗﻠﺒﻪ ﻣﻮ ﻣﻦ ﻋﻴﻮﻧﻪ ﻭﻣﻦ ﻳﺴﻤﻊ ﺍﻧﻴﻦ ﺻﻮﺗﻬﺎ ﻭﻃﻠﻮﻛﻬﺎ ﻳﻜﻮﻝ ﺟﻨﺖ ﺍﺣﺲ ﺳﺠﺎﺟﻴﻦ ﺗﻜﻄﻊ ﺑﻘﻠﺒﻲ ﻟﺤﺪ ﻣﺎ ﺏ١١ ﺗﻘﺮﻳﺒﺎ ﺍﺟﻴﺖ ﻟﻠﺪﻧﻴﺎ
ﺻﺢ ﺍﺟﻴﺖ ﻟﻠﺪﻧﻴﺎ ﺑﺲ ﺧﻠﻴﺖ ﺍﻏﻠﻰ ﺑﺸﺮ ﺑﺎﻟﻌﺎﻟﻢ ﻳﺨﺴﺮ ﺣﻴﺎﺗﻪ ﻭﺍﻟﻠﻲ ﻫﻲ ﺍﻣﻲ * ﻣﺮﻳﻢ ﺍﻟﻤﻮﺳﻮﻱ *
ﻛﻠﻤﺎ ﺍﺳﺎﻝ ﺑﺎﺑﺎ ﺷﻨﻮ ﺷﻌﻮﺭﻙ ﻣﻦ ﻣﺎﺗﺖ ﺍﻣﻲ ﺷﺴﻮﻳﺖ ﻣﺎ ﻳﺠﺎﻭﺑﻨﻲ ﻭﻳﻌﻮﻓﻨﻲ ﻭﻳﻜﻮﻡ ﻭﻳﺮﻭﺡ ﻟﻠﻐﺮﻓﻪ ﻓﻠﺬﻟﻚ ﻣﺎ ﺍﻛﺪﺭ ﺍﻛﻮﻟﻠﻜﻢ ﺷﻌﻮﺭﻩ ﺷﻨﻮ ﻛﺎﻥ ﻣﻦ ﺍﺟﺖ ﺑﻨﺘﻪ ﻉ ﺍﻟﺪﻧﻴﺎ ﻭﺭﺍﺣﺖ ﺭﻭﺣﻪ ﻣﻦ ﻫﺎﻱ ﺍﻟﺪﻧﻴﺎ
ﻃﺒﻌﺎ ﺍﻟﺤﺰﻥ ﻋﻨﺪ ﺑﺎﺑﺎ ﺍﻛﻴﺪ ﻣﺎ ﺍﻛﺪﺭ ﺍﻭﺻﻔﻪ ﺍﻟﻜﻢ ﻟﺬﻟﻚ ﺭﺍﺡ ﺍﺗﺮﻙ ﻫﺎﻟﻔﻘﺮﻩ ﺍﻟﻜﻢ ﺍﻧﺘﻮ ﺗﺨﻴﻠﻮﻩ ﺣﺰﻧﻪ ﺍﻟﻠﻲ ﻫﺪ ﺍﻟﺠﺒﺎﻝ
ﺑﺎﺑﺎ ﺳﻤﺎﻧﻲ ﺟﻴﻼﻥ ﻻﻥ ﻛﻨﺖ ﻛﻠﺶ ﺣﻠﻮﻩ ﻛﺎﻥ ﻳﺸﺒﻬﻨﻲ ﺑﺎﻟﻐﺰﺍﻝ ﻣﻦ ﺍﻟﺠﻤﺎﻝ ﺍﻟﺸﺎﻳﻠﺘﻪ .... ﻛﻨﺖ ﻣﺎﺧﺬﻩ ﺟﻤﺎﻝ ﻣﺎﻣﺎ ﺍﻟﺘﺮﻛﻤﺎﻧﻲ ﻭﺑﻴﺎﺿﻬﺎ ﻭﻣﻠﺢ ﺑﺎﺑﺎ
ﺑﺎﺑﺎ ﻫﻮ ﺍﻟﻠﻲ ﺗﻜﻔﻞ ﺑﺘﺮﺑﻴﺘﻲ ﻭﻣﺎ ﺧﻼﻧﻲ ﺍﻋﺘﺎﺯ ﺍﺣﺪ ﺭﻏﻢ ﺣﺰﻧﻪ ﻋﻠﻰ ﻣﺎﻣﺎ ..... ﻛﺎﻥ ﻳﺠﻴﺒﻠﻲ ﺍﺣﺴﻦ ﺍﻻﻛﻞ ﻛﻠﻪ ﻗﻮﺍﻃﻲ ﺣﻠﻴﺐ ﻧﻴﺪﻭ ﻭﻳﻠﺒﺴﻨﻲ ﻭﻳﺤﻔﻈﻨﻲ ﻭﻳﺴﻬﺮ ﻋﻠﻰ ﺭﺍﺣﺘﻲ ﺑﺲ ﻣﻦ ﻳﺮﻭﺡ ﻟﻠﺸﻐﻞ ﻳﺨﻠﻴﻨﻲ ﻳﻢ ﺑﻴﺖ ﺍﺑﻮ ﺻﻬﻴﺐ ﺑﺲ ﺭﺍﺱ ﺍﻟﺸﻬﺮ ﻳﻨﻄﻴﻬﻢ ﻓﻠﻮﺱ ﻳﻌﺘﺒﺮﻫﺎ ﻣﺜﻞ ﺍﻟﺤﻀﺎﻧﻪ ﺭﻏﻢ ﻣﻌﺎﺭﺿﺔ ﺍﻟﻨﺎﺱ ﻭﻛﺎﻟﻮﻟﻪ ﻧﻌﺘﺒﺮﻫﺎ ﺷﻐﻠﻪ ﺍﻧﺴﺎﻧﻴﻪ ﺑﺲ ﺑﺎﺑﺎ ﻣﺎ ﻳﻘﺒﻞ
ﻭﺭﻩ ﻭﻓﺎﺓ ﻣﺎﻣﺎ ﺑﺎﺑﺎ ﻣﺎ ﻗﺒﻞ ﻳﺘﺰﻭﺝ ﻏﻴﺮﻫﺎ ﻳﻜﻮﻝ ﻫﻲ ﺍﻟﻨﻔﺲ ﺍﻟﻴﺼﻌﺪ ﻭﻳﻨﺰﻝ ﺍﻟﻤﺎﺗﺖ ﺍﻭ ﻋﺎﺷﺖ ﺑﺲ ﻫﻲ ﻣﻠﻜﺖ ﻗﻠﺒﻲ ﻣﺎ ﺍﺑﺪﻟﻬﺎ ﺑﻨﺴﻮﺍﻥ ﺍﻟﺪﻧﻴﺎ ﻛﻠﻬﺎ ﺍﻧﻲ ﺑﻴﻮﻡ ﺍﻟﻤﺎﺗﺖ ﺍﻣﺞ ﻗﻠﺒﻲ ﻣﺎﺕ ﻣﺎﻟﻲ ﻧﻔﺲ ﺑﺄﻱ ﻣﺮﻩ ﺛﺎﻧﻴﻪ ﻭﻻ ﺍﺭﻳﺪ ﺍﺟﻴﺒﻠﺞ ﻣﺮﺓ ﺍﺏ ﺗﻬﻀﻤﺞ ﻳﻮﻡ ﺍﻧﻲ ﻛﺮﺳﺖ ﺣﻴﺎﺗﻲ ﺍﻟﺞ .... ﺑﺄﺧﺘﺼﺎﺭ ﺑﺎﺑﺎ ﺿﺤﻰ ﺑﺤﻴﺎﺗﻪ ﻭﺳﻌﺎﺩﺗﻪ ﻻﺟﻠﻲ
ﻛﺒﺮﺕ ﻭﺍﺧﺬﺕ ﻛﻞ ﺟﻤﺎﻝ ﻭﺗﺼﺮﻓﺎﺕ ﻭﻃﻴﺒﺔ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﺑﺲ ﺍﺧﺬﺕ ﻋﻨﺎﺩ ﺑﺎﺑﺎ
ﺑﺎﺑﺎ ﺻﺢ ﻣﺎ ﺿﻐﻂ ﻋﻠﻰ ﻣﺎﻣﺎ ﺑﺎﻟﺤﺠﺎﺏ ﻟﺤﺪ ﻣﺎ ﻣﺎﺗﺖ ﺑﺲ ﺍﻧﻲ ﻗﻨﻌﻨﻲ ﺍﻟﺒﺴﻪ ﺑﺲ ﻣﺎ ﺿﻐﻂ ﻋﻠﻴﻪ ﻭﻓﻌﻼ ﺻﺮﺕ ﻣﺎ ﺍﻛﺪﺭ ﺑﺪﻭﻧﻪ
ﺑﺎﺑﺎ ﻣﻦ ﺗﺰﻭﺝ ﻟﺤﺪ ﻫﺬﺍ ﺍﻟﻴﻮﻡ ﻣﺎ ﺗﺮﻙ ﺍﻫﻠﻪ ﻳﺮﻭﺣﻠﻬﻢ ﺑﺲ ﻣﺎ ﻳﺎﺧﺬ ﻣﺎﻣﺎ ﻭﻳﺎﻩ ﻻﻥ ﺍﺑﻮﻩ ﻣﺎ ﻳﻘﺒﻞ ﻳﺸﻮﻓﻬﺎ ﺻﺢ ﺑﺎﻟﺒﺪﺍﻳﻪ ﺣﺎﻭﻝ ﻭﻳﺎﻩ ﻛﻢ ﻣﺮﻩ ﺍﻧﻪ ﻳﺠﻴﺐ ﻣﺎﻣﺎ ﻭﻳﻌﺮﻓﻬﺎ ﻋﻠﻴﻬﻢ ﺑﺲ ﻣﻦ ﺷﺎﻑ ﺟﺪﻭ ﻣﻌﺎﺭﺽ ﻣﺎ ﺿﻐﻂ ﻋﻠﻴﻪ ﺍﻛﺜﺮ ﻛﺎﻝ ﻳﻜﻔﻲ ﺍﻧﻪ ﻭﺍﻓﻖ ﻋﻠﻰ ﺯﻭﺍﺟﻲ ﻣﺎ ﺍﺭﻳﺪ ﺍﻗﻬﺮﻩ ﻭﺍﻋﺼﻴﻪ ﺍﻛﺜﺮ
ﺑﺲ ﻫﻮ ﻛﺎﻥ ﻳﺎﺧﺬﻧﻲ ﻭﻳﺎﻩ ﻣﻦ ﺍﻟﺼﻐﺮ ﻟﺤﺪ ﻫﺬﺍ ﺍﻟﻴﻮﻡ ﺟﺪﻱ ﻛﺎﻥ ﻛﻠﺶ ﻳﺤﺒﻨﻲ ﻻﻥ ﻫﻢ ﺣﻠﻮﻩ ﻭﻫﻢ ﺑﻨﺖ ﻋﺪﻧﺎﻥ ﻋﺰﻳﺰ ﻗﻠﺒﻪ .... ﻭﺍﻣﻪ ﻟﺒﺎﺑﺎ ‏( ﺧﺎﻟﺘﻪ ﻭﺑﻴﺒﺘﻲ ﺑﻨﻔﺲ ﺍﻟﻮﻗﺖ ‏) ﻫﻢ ﻛﻨﺖ ﻛﻠﻤﺎ ﺍﺭﻭﺡ ﻳﻤﻬﺎ ﺗﻜﻮﻟﻲ ﺍﻧﺘﻲ ﺷﺎﻳﻠﻪ ﺣِﺴِﻦ ﻛﺮﺩﻱ ﻭﻋﻴﻮﻧﺞ ﻋﻴﻮﻥ ﺯﺭﻛﻲ
ﺍﻧﻲ ﻣﻦ ﻛﻨﺖ ﺍﺭﻭﺣﻠﻬﻢ ﺩﺍﺋﻤﺎ ﻟﻌﺒﻲ ﻭﺳﻮﺍﻟﻔﻲ ﻭﺿﺤﻜﻲ ﻭﻳﻪ ﻓﺎﻃﻤﻪ ﻻﻥ ﻛﺎﻧﺖ ﻧﻔﺲ ﻣﻮﺍﻟﻴﺪﻱ ﻭﺣﺒﺎﺑﻪ ﻛﻠﺶ ﻭﻃﻴﺒﻪ ﻫﻢ ﺧﻠﺼﺖ ﻣﻌﻬﺪ ﻣﻌﻠﻤﺎﺕ ﻭﻛﻌﺪﺕ ﺑﺎﻟﺒﻴﺖ ﺣﺎﻟﻬﺎ ﺣﺎﻟﻲ .. ﻫﻮﺍﻱ ﻳﺠﻮﻫﺎ ﺧﻄﺎﺑﻪ ﺑﺲ ﻫﻲ ﺗﺮﻓﻀﻬﻢ ﻭﺗﻜﻮﻝ ﺍﻧﻲ ﺍﺭﻳﺪ ﻭﺍﺣﺪ ﻧﻔﺲ ﺍﻓﻜﺎﺭﻱ ﻭﻣﺎ ﻳﻘﻴﺪﻧﻲ ﻭﻛﻮﻥ ﺍﺣﺒﻪ ﻣﻦ ﺍﻭﻝ ﻧﻈﺮﻩ ﻭﺍﻣﻬﺎ ﺩﻭﻡ ﺗﺤﺠﻲ ﻋﻠﻴﻬﺎ ﻭﺑﻴﺒﻲ ﺗﺴﻤﻴﻬﺎ ﺍﻟﺒﺎﻳﺮﻩ 😂😂😂
ﺍﻣﺎ ﺑﺸﺮﻯ ﻛﺎﻧﺖ ﻣﻮﺍﻟﻴﺪ ١٩٩١ ﻣﺘﺰﻭﺟﻪ ﻭﻋﺪﻫﺎ ﻭﻟﺪ ﻓﻘﻠﻴﻞ ﻧﺸﻮﻓﻬﺎ ﻭﺯﻳﻨﺐ ﻛﺎﻧﺖ ﻣﻦ ﻣﻮﺍﻟﻴﺪ 2002 ﻳﻌﻨﻲ ﺗﺪﺭﺱ ﺑﺎﻟﻤﺘﻮﺳﻄﻪ ﻓﻤﺎ ﺗﻜﻌﺪ ﻭﻳﺎﻧﻪ ﻃﺒﻌﻬﺎ ﻫﺎﺩﺋﻪ ﻛﻠﺶ
ﺍﻣﺎ ﻫﺎﺷﻢ ﻛﺎﻥ ﻧﻔﺲ ﻣﻮﺍﻟﻴﺪﻱ ﻻﻥ ﻫﻮ ﻭﻓﺎﻃﻤﻪ ﺗﻮﻡ ... ﺑﺲ ﻫﻮ ﺭﺍﺳﺐ ﺳﻨﻪ ﺑﺎﻟﺜﺎﻟﺚ ﻣﺘﻮﺳﻂ ﻟﺬﻟﻚ ﻣﺘﺄﺧﺮ ﺑﺎﻟﻤﺮﺍﺣﻞ ﺍﻟﺪﺭﺍﺳﻴﻪ ﻛﺎﻥ ﻣﺮﺣﻠﻪ ﺍﺧﻴﺮﻩ ﻃﺐ ﺍﺳﻨﺎﻥ ﻭ ﻛﺎﻥ ﻣﻦ ﻧﻮﻉ ﻳﺤﺸﺶ ﻭ ﻳﻬﺰﻝ ﻭﺩﻭﻡ ﻣﻌﺎﺭﻙ ﻭﻣﻔﺎﺭﺱ ﻫﻮ ﻭﻓﺎﻃﻤﻪ ﻳﻌﻨﻲ ﺻﺪﻙ ﺍﺗﻮﻧﺲ ﻋﻠﻰ ﻋﺮﻛﺎﺗﻬﻢ
ﺍﻣﺎ ﻫﺠﺮﺱ ﺍﻟﻠﻲ ﻛﺎﻥ ﺍﻛﺒﺮ ﻣﻨﻲ ﺑﺴﺒﻊ ﺳﻨﻴﻦ * ﻣﺮﻳﻢ ﺍﻟﻤﻮﺳﻮﻱ * ﻛﺎﻧﻮ ﻳﺸﺒﻬﻮﻩ ﺑﻌﻤﻪ ﻋﺪﻧﺎﻥ ‏( ﺑﺎﺑﺎ ‏) ﻣﻦ ﺣﻴﺚ ﺍﻟﺠﻤﺎﻝ ﻭﺍﻟﻤﻠﺢ ﻭﺍﻻﻧﺎﻗﻪ .. ﺑﺲ ﺍﻧﻲ ﺍﺷﻮ ﻣﺎ ﻛﻨﺖ ﺍﺷﻮﻓﻪ ﻏﻴﺮ ﻭﺍﺣﺪ ﻣﻐﺮﻭﺭ ﻭﺷﺎﻳﻒ ﻧﻔﺴﻪ 🤔 ﺍﻟﻤﻬﻢ .... ﻫﻮ ﻛﺎﻥ ﻻﺯﻡ ﻣﺤﻼﺕ ﻋﻤﻮ ﻋﺪﻫﻢ ﻣﺤﻞ ﺻﻴﺎﻏﻪ ﺟﺒﻴﺮ ﺑﺎﻟﺴﻮﻙ ﻭﻭﺍﺣﺪ ﻣﺎﻝ ﺻﻴﺮﻓﻪ
ﺟﺪﻭ ﻫﻮ ﺍﻟﻠﻲ ﺳﻤﺎﻩ ﻫﺠﺮﺱ ﻉ ﺍﺳﻢ ﺍﺑﻮﻩ ﻭﻋﻤﻮ ﺣﺴﻦ ﻣﺎ ﻋﺎﺭﺽ ﻟﺬﻟﻚ ﻣﻌﺰﺓ ﻫﺠﺮﺱ ﻋﻨﺪ ﺟﺪﻭ ﺗﺨﺘﻠﻒ ﻋﻦ ﺑﻘﻴﺔ ﺍﺣﻔﺎﺩﻩ ﻫﻮ ﺍﻟﺮﺑﺎﻩ ﻉ ﺍﻳﺪﻩ
ﻛﺎﻥ ﻳﻜﻮﻟﻮﻥ ﻋﻨﻪ ﻣﺜﻞ ﺑﺎﺑﺎ ﻭﻛﺢ ﻭﻣﺎ ﻳﺴﻜﺖ ﻋﻦ ﺍﻟﺤﻖ ﻭﻣﺎ ﻳﺴﺘﺤﻲ ﻣﻦ ﺍﺣﺪ ﺑﺲ ﺷﺎﻳﻞ ﺣﻨﻴﺔ ﺍﻟﺪﻧﻴﺎ ﺑﻘﻠﺒﻪ ﻣﺜﻞ ﻋﺪﻧﺎﻥ ....
ﺍﻧﻲ ﻭﻳﺎﻩ ﻣﺎ ﻧﺘﻮﺍﻟﻢ ﺍﺑﺪ ﺩﻭﻡ ﻧﺘﻌﺎﺭﻙ ﻛﻨﺖ ﺩﻭﻡ ﺑﻌﺮﻛﺎﺗﻨﻪ ﻣﺎ ﺍﻛﺪﺭﻟﻪ ﺍﺣﺲ ﺑﻴﻪ ﺍﻭﻛﺢ ﻣﻨﻲ ﻭﻳﻐﻠﺒﻨﻲ ﻟﺬﻟﻚ ﻛﻨﺖ ﻛﻠﺶ ﺍﺿﻮﺝ ﻣﻨﻪ ﺑﺎﻻﺿﺎﻓﻪ ﻟﻬﺎﻱ ﺳﻮﺍﻟﻔﻪ ﻛﺎﻥ ﺩﺍﺋﻤﺎ ﻳﻀﺮﺑﻨﻲ ﻣﻦ ﻛﻨﺖ ﺻﻐﻴﺮﻩ ﻭﺩﻭﻡ ﺍﺭﻭﺡ ﺍﺑﺠﻲ ﻟﺠﺪﻭ ﻭﺑﻴﺒﻲ ﻭﻳﺴﻜﺘﻮﻧﻲ ﺑﺎﻟﻔﻠﻮﺱ ﻭﻣﺎ ﻳﺤﺎﺟﻮﻩ ﻟﺬﻟﻚ ﻛﺒﺮ ﻭﺍﻛﺘﺴﺐ ﻃﺎﺑﻊ ﺍﻟﺘﻤﺮﺩ ﻋﻠﻴﻪ
ﻛﺒﺮﺕ ﻭﻣﺎ ﻓﺎﺕ ﺣﺎﻟﻲ ﻛﻠﻤﺎ ﺍﺭﻭﺣﻠﻬﻢ ﻳﻀﺎﻳﻘﻨﻲ ﻭﻳﻀﻮﺟﻨﻲ ﺑﺎﻟﻜﻼﻡ ﻻﻥ ﺍﻧﻲ ﺍﻋﺎﻧﺪﻩ ﺑﻜﻠﺸﻲ ﻭﻣﺎ ﺍﻣﺸﻲ ﺑﻜﻼﻣﻪ ﺍﺑﺪ ﻣﺎ ﺍﺣﺐ ﺍﺣﺪ ﻳﻤﺸﻲ ﻛﻼﻣﻪ ﻋﻠﻴﻪ ﻏﻴﺮ ﺑﺎﺑﺎ ﻭﻫﻮ ﻛﻠﺸﻲ ﻭﻻ ﻭﺍﺣﺪ ﻳﻌﺎﻧﺪﻩ ﻳﺘﺨﺒﻞ ﻭﻳﺘﻬﺴﺘﺮ
ﻭﺑﺎﻻﺧﺺ ﻋﺮﻛﺎﺗﻨﻪ ﺩﻭﻡ ﻻﻥ ﻣﺎ ﺍﻟﺒﺲ ﻋﺒﺎﻳﻪ ﻭﻛﻢ ﻣﺮﻩ ﺣﺠﻪ ﻭﻳﻪ ﺑﻴﺒﺘﻲ ﺗﻘﻨﻌﻨﻲ ﻣﻦ ﺍﺟﻲ ﺍﻟﻬﻢ ﺍﻟﺒﺲ ﻋﺒﺎﻳﻪ ﺑﺲ ﺑﻴﺒﻲ ﺗﻜﻮﻟﻪ ﻣﺎ ﺍﻟﻚ ﺷﻐﻞ ﺍﺑﻮﻫﺎ ﻣﻮﺟﻮﺩ ﻭﻫﻮ ﻳﺸﻜﻤﻬﺎ ‏( ﻳﻠﻤﻬﺎ ‏) ﺑﺲ ﺍﻧﻲ ﻣﻦ ﻧﻮﻉ ﺍﻟﻠﻲ ﻋﻨﻮﺩﻳﻪ ﺷﻨﻮ ﺍﻟﻠﻲ ﻳﻀﻮﺝ ﻣﻨﻪ ﺍﺳﻮﻳﻪ ﻋﻠﻰ ﻋﻨﺎﺩﻩ ﻭﻫﻮ ﻳﺘﺨﺒﻞ
ﺍﻣﺎ ﺍﺑﻮﻫﻢ ﻋﻤﻮ ﺣﺴﻦ ﻭﺭﺩﻩ ﻣﺎﻝ ﺍﻟﻠﻪ ﻭ ﻣﺮﺓ ﻋﻤﻲ ﺳﻌﺪﻳﻪ ﻓﻜﺎﻧﺖ ﻣﺎ ﺗﻄﻴﻘﻴﻨﻲ ﻻﻥ ﺍﻧﻲ ﺑﻨﺖ ﺁﺯﺍﺩﻱ ﺍﻟﻠﻲ ﺍﺧﺬﺕ ﻋﺪﻧﺎﻥ ﻣﻨﻬﺎ ﺑﺲ ﻫﻲ ﻛﺎﻧﺖ ﺗﺘﺤﻤﻠﻨﻲ ﻻﻥ ﺗﺨﺎﻑ ﻣﻦ ﺑﻴﺒﻲ ﻭﺟﺪﻭ
ﻃﺒﻌﺎ ﻫﺎﻱ ﺍﻟﺴﻮﺍﻟﻒ ﻛﻠﻬﺎ ﺑﺎﺑﺎ ﻣﻦ ﻧﻜﻌﺪ ﻳﺴﻮﻟﻔﻬﺎ ﺍﻟﻲ ﻛﻠﺶ ﺍﺣﺐ ﺳﻮﺍﻟﻔﻪ
........................
ﺑﺎﻭﻋﺖ ﻟﻠﺴﺎﻋﻪ ﺏ٤ ﻭ١٠ ﻋﺰﺯﺯﺯﺯﻩ ﺑﺎﺑﺎ ﻛﺎﻝ ﻛﻌﺪﻳﻨﻲ * ﻣﺮﻳﻢ ﺍﻟﻤﻮﺳﻮﻱ * ﺭﻛﻀﺖ ﻟﻐﺮﻓﺘﻪ ﺩﻛﻴﺖ ﺍﻟﺒﺎﺏ
.. ﺑﺎﺑﺎ ... ﺣﺒﻴﺒﻲ
.. ﻫﺎ ﺑﺎﺑﺎ
.. ﻳﻠﻪ ﺍﻛﻌﺪ ﺏ٤ ﻭ١٠
.. ﺍﻱ ﺑﺎﺑﺎ ﻛﻌﺪﺕ
ﺭﺣﺖ ﺳﻮﻳﺘﻠﻪ ﻋﺼﺮﻭﻧﻴﻪ ﻓﺎﻛﻬﻪ ﻛﻌﺪ ﻏﺴﻞ ﻭﺟﻬﻪ ﻭﺑﺪﻝ ﻭﺍﺟﻪ ﻛﺘﻠﻪ
.. ﺍﺳﻮﻳﻠﻚ ﺟﺎﻱ
.. ﻻ ﺣﺒﻴﺒﺘﻲ ﺍﺭﻳﺪ ﺍﻃﻠﻊ
.. ﺧﻴﺮ ﺑﺎﺑﺎ ﺧﻮ ﻣﺎﻛﻮ ﺷﻲ ﺍﻧﺖ ﻭﻋﻤﻮ ﻧﺰﺍﺭ ﻻﻥ ﻛﻞ ﻣﺮﻩ ﺗﺮﻭﺣﻠﻪ ﺍﻱ ﻭﻗﺖ
.. ﻻ ﺣﺒﻴﺒﺘﻲ ﻫﻮ ﺧﺎﺑﺮﻧﻲ ﺍﻟﻴﻮﻡ ﻭﻛﺎﻝ ﺧﻠﻲ ﻧﺮﻭﺡ ﻣﻦ ﻭﻛﺖ ﻻﻥ ﻋﺎﺯﻡ ﺟﻤﺎﻋﺘﻪ ﻭﺭﺍﺩ ﻳﻌﺮﻓﻨﻲ ﻋﻠﻴﻬﻢ
.. ﻫﺎ ﻳﻌﻨﻲ ﺗﺘﺎﺧﺮ ؟
.. ﻻ ﺣﺒﻴﺒﺘﻲ ﻗﺒﻞ ﺍﻟﻤﻐﺮﺏ ﺍﻥ ﺷﺎﺀ ﺍﻟﻠﻪ ﻫﻨﺎ
.. ﻉ ﺭﺍﺣﺘﻚ
ﺑﺎﺳﻨﻲ ﻭﻃﻠﻊ ﻭﺍﻧﻲ ﻏﺴﻠﺖ ﺍﻟﻤﻮﺍﻋﻴﻦ ﻭﺭﺣﺖ ﺍﻗﻠﺐ ﺑﺎﻟﻔﻴﺴﺒﻮﻙ ﻭﺍﻟﻴﻮﺗﻴﻮﺏ ﻧﻔﺲ ﺭﻭﺗﻴﻨﻲ ﺍﻟﻴﻮﻣﻲ
ﺳﻮﻳﺖ ﻋﺸﻪ ﺭﺟﻊ ﺑﺎﻟﻠﻴﻞ ﻭﺟﻬﻪ ﻣﻜﺪﺭ ﻛﻠﺶ ﻭﺍﻟﺤﺰﻥ ﺍﻟﺸﺎﻳﻠﻪ ﺑﻌﻤﺮﻱ ﻣﺎ ﺷﺎﻳﻔﺘﻪ..