حب هجرسي (مكتمله)

13

بارت١٣
ﺣﻮﺭﻳﻪ
ﺑﻌﺪ ﺍﻟﻠﻲ ﺻﺎﺭ ﻣﺎ ﺣﺠﻴﺖ ﻭﻳﻪ ﻫﺎﺷﻢ ﻛﻮﻣﻪ ﺍﻟﻜﺎﻩ ﺩﺍﻙ ﻋﻠﻴﻪ ﺑﺲ ﻣﺎ ﺍﺟﺎﻭﺑﻪ ﻭﻻ ﺍﺭﺩ ﻋﻠﻴﻪ
ﻭﺍﻟﻜﻪ ﺭﺳﺎﺋﻞ ﻛﻠﺶ ﻫﻮﺍﻱ ﻣﻨﻪ ﺑﺲ ﺍﻣﺴﺤﻬﻦ ﺑﺴﺮﻋﻪ ﺣﺘﻰ ﻣﺎ ﺍﻗﺮﺍﻫﻦ
ﻫﻮﺍﻱ ﺍﺟﻪ ﻟﻠﺒﻴﺖ ﻭﺣﺎﻭﻝ ﻳﺸﻮﻓﻨﻲ ﺑﺲ ﻣﺎ ﺍﻗﺒﻞ ﻭﺷﻜﺪ ﻣﺎﻣﺎ ﺣﺎﻭﻟﺖ ﺗﻌﺮﻑ ﺍﻟﺒﻴﻨﻨﺎ ﺑﺲ ﻛﺎﻧﺖ ﺩﻣﻌﺘﻲ ﻫﻲ ﺍﻟﺠﻮﺍﺏ
ﻛﻢ ﻣﺮﻩ ﺍﻟﻜﻪ ﺑﻴﺒﻲ ﻣﺨﺎﺑﺮﺗﻨﻲ ﺑﺲ ﻣﺎ ﺍﺭﺟﻊ ﺍﺩﻙ ﻋﻠﻴﻬﺎ ﻟﻜﻴﺖ ﺭﺳﺎﺋﻞ ﻣﻦ ﻓﻄﻮﻡ ﺗﻜﻮﻝ ﻫﺎﺷﻢ ﺗﻌﺒﺎﻥ ﻭﺻﺎﻳﺮ ﻋﺼﺒﻲ ﻭﻣﺎ ﻳﻘﺒﻞ ﻳﺤﺠﻲ ﻭﻳﻪ ﺍﺣﺪ ﺷﺴﻮﻳﺘﻴﻠﻪ ﺑﺲ ﻣﺎ ﺍﺟﺎﻭﺑﻬﺎ
ﻛﺎﻥ ﺟﺮﺣﻲ ﻣﻨﻪ ﺑﻘﻠﺒﻲ ﻛﻠﺶ ﺟﺒﻴﺮ ﺣﺒﻴﺘﻪ ﺣﺐ ﻓﻄﺮﻱ ﻣﻦ ﺍﻟﺼﻐﺮ ﻣﺎ ﺷﻔﺖ ﺍﺣﺪ ﻏﻴﺮﻩ ﻭﻭﻋﻴﺖ ﻋﻠﻰ ﻭﺟﻬﻪ ﻭﺿﺤﻜﺘﻪ ﻭﺷﻘﺎﻩ
ﺟﻨﺖ ﺍﺣﺐ ﻛﻠﺸﻲ ﺑﻴﻪ ﻟﺒﺴﻪ ﻋﻄﺮﻩ ﺣﻀﻨﻪ ﺿﺤﻜﺘﻪ ﺳﻮﺍﻟﻔﻪ ﻭﺍﻏﺎﺭ ﻋﻠﻴﻪ ﻣﻦ ﺍﻟﻬﻮﻩ ﻭﻣﻦ ﺍﻟﻘﻠﻢ ﺍﻟﻠﻲ ﻳﻠﺰﻣﻪ ﻣﻦ ﻧﻔﺴﻲ ﺍﻏﺎﺭ ﻋﻠﻴﻪ
ﻭﻓﺠﺄﻩ ﺍﻧﺼﺪﻡ ﺻﺪﻣﺔ ﻋﻤﺮﻱ ﺑﺒﻨﻴﻪ ﻣﺮﺍﺳﻠﺘﻪ ﻭﻏﺮﺍﻣﻴﺎﺕ ﻫﻮ ﻭﻳﺎﻫﺎ ﻣﺎ ﺍﻛﺪﺭ ﺍﻭﺻﻒ ﺷﻌﻮﺭﻱ ﺑﺲ ﺍﻧﺎﻡ ﻻ ﺍﻛﻞ ﻭﻻ ﺷﺮﺏ ﺣﺘﻰ ﺍﻣﻲ ﺧﺎﻓﺖ ﻋﻠﻴﻪ ﻭﺗﺒﺠﻲ ﻋﻠﻴﻪ ﺑﺲ ﻣﺎ ﺑﺤﺎﻟﻬﺎ ﻭﻣﻜﻈﻴﺘﻬﺎ ﺑﺲ ﺑﺠﻲ mariam-almusawi
ﺳﻤﻌﺖ ﺑﻴﺒﻲ ﺧﺎﺑﺮﺕ ﺍﻣﻲ ﻭﺗﻜﻮﻟﻬﺎ ﺗﻌﺎﻱ ﺟﻴﻼﻥ ﻣﺘﺨﺮﺑﻄﻪ ﺭﺍﺡ ﺗﻤﻮﺕ
ﺍﻣﻲ ﻫﻢ ﻟﺒﺴﺘﻪ ﻋﺒﺎﻳﺘﻬﺎ ﻭﺭﺍﺩﺕ ﺗﻄﻠﻊ . ﺍﻧﻲ ﻗﻠﺒﻲ ﺍﻧﺨﻤﻂ ﻭ ﻛﺘﻠﻬﺎ
.. ﻳﻤﻪ ﺷﺒﻴﻬﺎ ﺟﻴﻼﻥ؟
.. ﻳﻤﻪ ﺷﻤﺪﺭﻳﻨﻲ ﺑﻴﻴﺘﺞ ﺗﻜﻮﻝ ﺭﺍﺡ ﺗﻤﻮﺕ ﻭﺑﺸﺮﻯ ﻣﺎﻫﻲ ﻭﻣﺮﺓ ﺧﺎﻟﺞ ﺣﺴﻦ ﻣﺎ ﺗﻘﺒﻞ ﺗﺮﻭﺡ ﻭﻳﺎﻫﺎ
.. ﻋﺰﻩ ﺷﺒﻴﻬﺎ ﺧﻄﻴﻪ
.. ﺗﻤﺸﻴﻦ ﻭﻳﺎﻱ
.. ﺍﺍﺍ ... ﻫﺎﺍ .. ﻻ .. ﺑﺲ ﻃﻤﻨﻴﻨﻲ ﻋﻨﻬﺎ
.. ﻳﻠﻪ ﺍﻧﻲ ﻣﺎﺷﻴﻪ ﺳﻮﻱ ﻏﺪﻩ ﻻﺑﻮﺝ ﻭﺍﺧﻮﺗﺞ ﺧﺎﻑ ﺍﺗﺎﺧﺮ
.. ﻣﺎﺷﻲ ﻳﻤﻪ
ﺑﻘﻪ ﺑﺎﻟﻲ ﻳﻤﻬﺎ ﺧﻄﻴﻪ ﺷﺒﻴﻬﺎ ﺟﻴﻼﻥ ﺷﻠﻮﻥ ﻗﻠﺒﻲ ﻳﻤﻬﺎ ﻣﺎ ﺍﻛﺪﺭ ﺍﺩﻙ ﻋﻠﻴﻬﺎ
ﻛﻤﺖ ﻧﻈﻔﺖ ﺍﻟﺒﻴﺖ ﻭﺳﻮﻳﺖ ﻏﺪﻩ ﺑﺎﺑﺎ ﻭﺍﺧﻮﺗﻲ ﻳﺠﻮﻥ ﺏ١ ﺗﻘﺮﻳﺒﺎ ﺑﺲ ﺣﻤﺰﻩ ﻳﻤﻲ ﻃﺎﻟﻊ ﻳﻠﻌﺐ ﻭﻳﻪ ﺍﻟﺠﻬﺎﻝ
ﺧﻠﺼﺖ ﺷﻐﻠﻲ ﻭﺭﺣﺖ ﺩﺧﻠﺖ ﻟﻐﺮﻓﺘﻲ ﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ
ﺳﻤﻌﺖ ﺻﻮﺕ ﺍﻣﻲ ﺭﺣﺘﻠﻬﺎ ﻟﻠﻤﻄﺒﺦ ﺍﺭﻛﺾ
.. ﻫﺎ ﻳﻤﻪ ﺑﺸﺮﻱ ﺷﻠﻮﻧﻬﺎ ﺟﻮﻟﻲ
ﺍﻣﻲ ﻓﺰﺕ ﻭﺑﻘﺖ ﺗﺘﺒﺎﻭﻉ ﻟﻠﺒﺎﺏ ﺍﻟﻮﺭﺍﻱ ﻛﺎﻟﺖ
.. ﺍﻧﺘﻲ ﻭﻳﻦ ﺟﻨﺘﻲ
.. ﺑﺎﻟﺤﻤﺎﻡ .. ﺷﺒﻴﺞ ﻳﻤﻪ ﺷﺒﻴﻬﺎ ﺟﻮﻟﻲ
.. ﻫﻴﺞ ﺍﻟﺪﻭﺭﻩ ﻋﻠﻴﻬﺎ ﻭﺑﻄﻨﻬﺎ ﺍﺫﺗﻬﺎ .. ﺭﻭﺣﻲ ﻟﻐﺮﻓﺘﺞ ﻳﻠﻪ
.. ﻟﻴﺶ ؟
.. ﺷﻨﻬﻲ ﻟﻴﺶ ﺷﻌﺮﺝ ﻣﺒﻠﻞ ﺳﺎﻋﻪ ﻭﺗﻤﺮﺿﺘﻲ
.. ﻳﻤﻪ ﺍﻟﺪﻧﻴﺎ ﺣﺎﺭﻩ
.. ﺍﻭﻫﻮ ﻻ ﺗﻌﺎﻧﺪﻳﻦ ﺍﻣﺸﻲ ﺭﻭﺣﻲ ﺟﺪﺍﻣﻲ ﻳﻠﻪ ﺭﻭﺣﻲ ﻃﺎﻟﻌﻪ
ﻋﻔﺘﻬﺎ ﻭﻣﺸﻴﺖ ﻭﺍﻧﻲ ﻣﺴﺘﻐﺮﺑﻪ ﻣﻦ ﺗﺼﺮﻓﺎﺕ ﺍﻣﻲ ﺧﺎﻑ ﺟﻴﻼﻥ ﺑﻴﻬﺎ ﺷﻲ ﺧﻠﻲ ﺍﺭﻭﺡ ﺍﺧﺎﺑﺮﻫﺎ
ﻃﺒﻴﺖ ﻟﻠﻐﺮﻓﻪ ﻭﺭﺣﺖ ﻟﺘﻠﻔﻮﻧﻲ ﺳﻤﻌﺖ ﺑﺎﺏ ﻏﺮﻓﺘﻲ ﺍﻧﺴﺪ ﺑﺎﻭﻋﺖ ﺷﻔﺖ ﻫﺎﺷﻢ ﺩﺍ ﻳﻘﻔﻞ ﺑﺎﻟﺒﺎﺏ
ﺍﻧﻲ ﻟﺴﺎﻧﻲ ﺍﻧﺮﺑﻂ ﻟﻠﺤﻈﺎﺕ ﻫﺬﺍ ﺷﺪﺍ ﻳﺴﻮﻱ ﻫﻨﺎ ﺑﺎﻭﻋﻠﻲ ﺟﺎﻥ ﻭﺟﻬﻪ ﺫﺑﻼﻥ ﻭﺍﺻﻔﺮ
ﺭﺩﺕ ﺍﺻﻴﺢ ﻟﺰﻡ ﺣﻠﻜﻲ ﺑﺴﺮﻋﻪ ﻭﺣﻀﻨﻨﻲ
.. ﺍﺷﺶ .. ﺣﻮﺭﻳﺘﻲ ﻣﺎ ﺍﺫﻳﺞ ﻭﺍﻟﻠﻪ .. ﺗﻮﺳﻠﺖ ﺑﺄﻣﺞ ﺍﺩﺧﻞ ﻟﻬﻨﺎ ﻭﺍﺷﻮﻓﺞ
ﺭﺩﺕ ﺍﺩﻓﻌﻪ ﻣﺎ ﺍﻛﺪﺭ ﻛﺎﻥ ﺣﺎﻛﻢ ﻗﺒﻀﺘﻪ ﻋﻠﻴﻪ ﻛﺎﻝ
.. ﻣﺎ ﺍﻫﺪﺝ ﺍﻻ ﺗﻮﻋﺪﻳﻨﻲ ﻣﺎ ﺗﺼﻴﺤﻴﻦ
ﺳﻜﺘﺖ ﻣﺎ ﺟﺎﻭﺑﺘﻪ ﻣﺎ ﺭﺩﺕ ﺍﺳﻮﻱ ﻣﺸﺎﻛﻞ ﺍﻛﺜﺮ ﻫﺰﻳﺘﻠﻪ ﺭﺍﺳﻲ ﺑﻤﻌﻨﻰ ﻭﺍﻓﻘﺖ ﺗﺮﻛﻨﻲ ﺩﻓﻌﺘﻪ ﻛﺘﻠﻪ
.. ﺍﻧﺖ ﻣﻨﻮ ﺳﻤﺤﻠﻚ ﺗﺪﺧﻞ ﻫﻨﺎ ؟
.. ﺗﻮﺳﻠﺖ ﺑﺄﻣﺞ ﻭﺷﺮﺣﺘﻠﻬﺎ ﺍﻟﺴﺎﻟﻔﻪ ﺣﺠﺖ ﻋﻠﻴﻪ ﻭﺭﺯﻟﺘﻨﻲ ﻭﺗﻘﺒﻠﺖ ﻛﻞ ﺍﻻﻫﺎﻳﻦ ﺑﺲ ﻣﻘﺎﺑﻞ ﺍﺷﻮﻓﺞ ﻭﺍﺣﺠﻲ ﻭﻳﺎﺝ
.. ﻭﺍﻧﻲ ﻣﺎ ﻋﻨﺪﻱ ﺣﺠﻲ ﻭﻳﺎﻙ ﻫﺎﺷﻢ .. ﺍﻃﻠﻊ ﺑﺮﻩ
.. ﺣﻮﺭﻳﻪ ﻭﺍﻟﻌﺒﺎﺱ ﻣﺎ ﻋﻨﺪﻱ ﺷﻲ ﻭﻳﺎﻫﺎ ﻭﺩﺍﻋﺔ ﺣﺒﻨﻪ ﺑﺲ ﻫﻲ ﻟﺰﻛﺘﻠﻲ ﻛﻠﺖ ﺧﻠﻲ ﺍﺟﺮﺟﺮﻫﺎ ﻟﻠﺪﺭﺏ ﺍﺷﻮﻓﻬﺎ ﺷﺘﺮﻳﺪ ﻣﻨﻲ ﻣﺎ ﺻﺎﺭﻟﻬﺎ ﻳﻮﻣﻴﻦ ﻣﻦ ﺩﺯﺗﻠﻲ ﺍﻟﺮﺳﺎﺋﻞ
.. ﻭﻫﺬﺍ ﻣﺒﺮﺭ ﻳﺨﻠﻴﻚ ﺗﺮﺩ ﻋﻠﻴﻬﺎ ؟ !
.. ﺑﺎﻭﻋﻲ
ﻓﺘﺢ ﺟﻬﺎﺯﻩ ﻭﺭﺍﻭﻧﻲ ﺍﻟﻮﺍﺗﺲ ﺍﺏ
.. ﺍﻧﻜﺴﺮ ﺟﻬﺎﺯﻱ ﺑﻴﻮﻡ ﺍﻟﺮﻛﻌﺘﻲ ﺑﺎﻟﺤﺎﻳﻂ ﻭﺍﺧﺬﺕ ﻭﺍﺣﺪ ﺟﺪﻳﺪ ﻭﻓﺘﺤﺖ ﺍﻟﻮﺍﺗﺲ ﺍﺏ ﻭﺭﺟﻌﺖ ﻧﻔﺲ ﺍﻟﻤﺤﺎﺩﺛﺎﺕ ﺷﻮﻓﻲ ﺍﺫﺍ ﺍﻧﻲ ﺣﺎﺟﻲ ﺣﺠﺎﻳﻪ ﺣﺐ ﻟﻮ ﻏﺰﻝ ﻭﻳﺎﻫﺎ ﻭﺍﻟﻠﻪ ﺑﺲ ﺍﺳﺘﻬﺰﻱ ﺑﻴﻬﺎ ﺑﺲ ﺭﺩﺕ ﺍﻋﺮﻑ ﻣﻨﻮ ﺩﺍﺯﻫﺎ ﻋﻠﻴﻪ ﺍﻟﻠﻪ ﺷﺎﻫﺪ ﻋﻠﻴﻪ
ﺑﺎﻭﻋﺖ ﻟﻠﺮﺳﺎﺋﻞ ﻓﻌﻼ ﺣﺘﻰ ﻣﺎ ﻣﺎﺳﺢ ﻣﻨﻬﻦ ﻛﺎﻧﺖ ﻣﺠﺮﺩ ﺍﺳﺄﻟﻪ ﻋﺎﺩﻳﻪ ﺍﻧﺘﻲ ﻣﻦ ﻭﻳﻦ ﻭﺷﻠﻮﻥ ﺗﻌﺮﻓﻴﻨﻲ ﻭﻫﻲ ﻻﺯﻛﺘﻠﻪ ﺑﺎﻟﺤﺠﻲ ﺍﺣﺒﻚ ﻣﺎ ﺍﺣﺒﻚ ﻭﻫﻮ ﺑﺲ ﻳﻀﺤﻚ ﻋﻠﻴﻬﺎ
ﺑﺲ ﻣﻊ ﻛﻞ ﻫﺬﺍ ﺍﻧﻘﻬﺮﺕ ﻛﻠﺶ ﻣﻦ ﺷﻔﺖ ﻭﺣﺪﻩ ﺛﺎﻧﻴﻪ ﺗﺘﻐﺰﻝ ﺑﻴﻪ ﻛﺘﻠﻪ
.. ﻫﺎﺷﻢ ﺍﺳﺎﻟﻚ ﺳﺆﺍﻝ ﻫﺎﻱ ﻟﻮ ﺍﻧﻲ ﻭﺍﺣﺪ ﻣﺮﺍﺳﻠﻨﻲ ﻭﺟﺮﺭﺗﻪ ﺑﺎﻟﺤﺠﻲ ﻭﺳﻮﻟﻔﺖ ﻭﻳﺎﻩ ﺕ ......
ﺣﻂ ﺍﺻﺒﻌﻪ ﻉ ﺷﻔﺘﻲ ﺣﻴﻞ ﻭﻛﺎﻝ
.. ﺍﺷﺸﺸﺸﺸﺶ ﻭﺍﻟﺤﻤﺰﻩ ﺍﺫﺑﺤﺞ ﺍﻧﺘﻲ ﻭﻳﺎﻩ
ﻭﺧﺮﺕ ﺍﻳﺪﻩ ﺑﻌﺼﺒﻴﻪ
.. ﺷﻔﺖ ﺣﺘﻰ ﺗﻌﺮﻑ ﻭﻳﺎﻱ ﺣﻖ ﻣﻦ ﺍﺯﻋﻞ ﻭﺍﺿﻮﺝ ﻭﺍﻧﻘﻬﺮ
ﺗﻘﺮﺏ ﻣﻨﻲ
.. ﺑﺲ ﺯﻋﻠﺞ ﺛﻜَﻴﻞ ﻛﻠﺶ ﻭﻗﻠﺒﻲ ﻣﺎ ﺍﺗﺤﻤﻠﻪ ..... ﺍﻟﺪﻧﻴﺎ ﻛﻠﻬﺎ ﺗﺰﻋﻞ ﻋﻠﻴﻪ ﻭﻻ ﺍﻧﺘﻲ
ﺳﻜﺘﺖ ﻣﺎ ﺟﺎﻭﺑﺘﻪ ﺷﻔﺘﻪ ﺑﺎﻭﻉ ﻳﻤﻨﻰ ﻳﺴﺮﻯ ﺷﺎﻑ ﺍﻟﻘﺮﺍﻥ ﻉ ﺍﻟﻤﻴﺰ ﺍﻟﻠﻲ ﻳﻢ ﺍﻟﺠﺮﺑﺎﻳﻪ ﻣﺎﻟﺘﻲ ﺍﺧﺬﻩ ﻭﻛﺎﻝ
.. ﺭﺍﺡ ﺍﺣﻠﻔﻠﺞ ﻉ ﻛﻼﻡ ﺍﻟﻠﻪ ﺍﻧﻪ ﻫﺎﻱ ﺍﺧﺮ ﻣﺮﻩ ﺍﺭﺍﺳﻞ ﺑﻴﻬﺎ ﺑﻨﻴﻪ ﻋﺪﺍ ﺍﻫﻠﻲ ﻭﺍﺧﻮﺍﺗﻲ ﻭﺣﻖ ﻫﺬﺍ ﻛﻼﻡ ﺍﻟﻠﻪ .......
ﻣﺎ ﺧﻠﻴﺘﻪ ﻳﻜﻤﻞ ﺍﺧﺬﺕ ﺍﻟﻘﺮﺍﻥ ﻣﻦ ﺍﻳﺪﻩ ﺑﺴﺘﻪ ﻭﺭﺟﻌﺘﻪ ﻟﻤﻜﺎﻧﻪ ﻭﺣﻀﻨﺘﻪ ﻫﻮ ﻫﻢ ﺣﻀﻨﻨﻲ ﺑﻘﻮﻩ ﻭﺑﺎﺱ ﺭﺍﺳﻲ
.. ﺍﺳﻒ .. ﺍﺳﻒ ﻳﺎ ﻧﺒﻌﺔ ﺍﻟﺮﻳﺤﺎﻥ .. ﻭﺍﻟﻠﻪ ﺍﺳﻮﺩ ﺍﻳﺎﻡ ﺑﺤﻴﺎﺗﻲ ﻣﺮﻥ ﺫﻳﺞ ﺍﻻﻳﺎﻡ ﻛﻤﺖ ﻣﺎ ﺍﻋﺮﻑ ﻟﻴﻠﻲ ﻣﻦ ﻧﻬﺎﺭﻱ ﺍﻣﺸﻲ ﺑﺎﻟﺸﺎﺭﻉ ﻣﺜﻞ ﺍﻟﻤﺨﺒﻞ ﻭﺍﻱ ﻭﺍﺣﺪ ﻳﺤﺎﺟﻴﻨﻲ ﺍﻋﻴﻂ ﺑﻮﺟﻬﻪ ﺣﺘﻰ ﻛﻠﻴﺘﻲ ﻣﺎ ﺭﺣﺘﻠﻬﺎ ﺑﻌﺪ ﻻ ﺗﻌﻮﻓﻴﻨﻲ ﺑﻌﺪ ﺣﻮﺭﻳﺘﻲ ﺍﻧﺘﻲ ﺍﻟﻬﻮﺍ ﺍﻻﺷﻤﻪ ﺑﺪﻭﻧﺞ ﻳﻨﻜﻄﻊ ﺍﻟﻨﻔﺲ ﻭﺍﻣﻮﺕ
.. ﺍﺳﻢ ﺍﻟﻠﻪ ﻋﻠﻴﻚ ﺣﺒﻴﺒﻲ ﻳﻮﻣﻲ ﻗﺒﻞ ﻳﻮﻣﻚ .. ﺑﺲ ﻋﻠﻴﻚ ﺍﻟﻌﺒﺎﺱ ﺍﺫﺍ ﺗﺤﺠﻲ ﻭﻳﺎﻫﺎ ﻛﻠﻤﻪ
.. ﺍﻧﺘﻬﺖ ﻭﺍﻟﻌﺒﺎﺱ ﻭﻳﺎﻫﺎ ﻭﻭﻳﻪ ﺍﻱ ﺑﻨﻴﻪ ﺛﺎﻧﻴﻪ ... ﻟﺞ ﺣﺒﺞ ﺫﺑﺠﻨﻲ ﺣﻮﺭﻳﺘﻲ
ﺍﻗﺘﺮﺏ ﻉ ﺷﻔﺘﻲ ﺭﺍﺩ ﻳﺒﻮﺳﻨﻲ ﺍﺑﺘﻌﺪﺕ ﻋﻨﻪ ﺿﺤﻚ ﻭﺣﻀﻨﻨﻲ
.. ﻭﺗﺎﻟﻲ ﻭﻳﺎﺝ ﺷﻠﻮﻥ ﺍﺑﻘﻰ ﺻﺎﻳﻢ
.. ﺗﻌﺮﻑ ﺷﻮﻛﺖ ﺗﻔﻄﺮ
ﻭﺍﺑﺘﺴﻤﺖ ﺿﺤﻚ ﻭﺑﺎﺱ ﺭﺍﺳﻲ ﻭﻛﺎﻝ
.. ﻫﺎﻧﺖ ﻣﺎ ﺑﻘﻪ ﺷﻲ ... ﻻﺯﻡ ﺍﻃﻠﻊ ﻫﺎﻱ ﻣﺎ ﺗﺴﻤﻪ ﺷﻮﻓﻪ ﻻﻥ ﻭﻋﺪﺕ ﺍﻣﺞ ﻣﺎ ﺍﺗﺎﺧﺮ ﻫﻨﺎ ﺑﻐﺮﻓﺘﺞ ﺑﺎﺟﺮ ﺗﻌﺎﻱ ﻻﻫﻠﻲ ﺑﺤﺠﺔ ﺗﺸﻮﻓﻴﻦ ﺟﻴﻼﻥ ﻣﻨﺘﻈﺮﺝ ﻣﺎﺷﻲ ؟
.. ﻣﺎﺷﻲ
.. ﺍﺣﺒﺞ
.. ﺍﻣﻮﺕ ﻋﻠﻴﻚ
ﻋﺎﻓﻨﻲ ﻭﻃﻠﻊ ﻭﺍﻧﻲ ﻛﻌﺪﺕ ﺑﻤﻜﺎﻧﻲ ﺍﻻﺑﺘﺴﺎﻣﻪ ﺗﺎﺭﺳﻪ ﻭﺟﻬﻲ ﺍﺣﺲ ﺑﺮﺍﺣﻪ ﺑﻨﻔﺴﻴﻪ ﺍﺳﺒﻮﻉ ﺷﻔﺖ ﺍﻟﺪﻧﻴﺎ ﻇﻠﻤﻪ ﺑﺪﻭﻧﻪ ﻋﺮﻓﺖ ﺑﻴﻪ ﻃﻮﻝ ﻫﺎﻻﻳﺎﻡ ﺷﻜﺪ ﻳﺤﺒﻨﻲ ﻭﺍﻧﻪ ﺍﻧﻲ ﺑﺪﻭﻧﻪ ﻣﺎ ﺍﺳﻮﻩ ﻛﻠﺸﻲ
Mariam-almusawi
ﺟﻴﻼﻥ
ﻣﺮﻥ ﻳﻮﻣﻴﻦ ﺟﻨﺖ ﻣﻘﻔﻠﻪ ﻛﻠﺶ ﻭﺍﻻﻧﻔﻠﻮﺍﻧﺰﺍ ﻧﺰﻟﺖ ﻟﺒﻼﻋﻴﻤﻲ ﻭﺻﺪﺭﻱ ﻭﺑﺲ ﺍﻛﺢ ﺣﺘﻰ ﻧﻔﺴﻴﺘﻲ ﺗﻌﺒﺖ
ﻣﻦ ﺟﻬﻪ ﺍﺷﻮﻑ ﺑﺎﺑﺎ ﺗﻌﺒﺎﻥ ﻭﻣﻦ ﺟﻬﻪ ﺍﻻﻣﺮﺍﺽ ﻧﺤﻠﺖ ﺟﺴﻤﻲ .. ﺑﺎﺑﺎ ﻛﻞ ﺷﻮﻳﻪ ﻳﺼﻌﺪﻟﻲ ﻟﻮ ﻳﺪﺯﻟﻲ ﻓﻄﻮﻣﻪ ﺗﺴﺄﻝ ﻋﻨﻲ ﻭﻫﺠﺮﺱ ﻣﺎ ﺧﻠﻪ ﺩﻭﻩ ﻳﻌﺘﺐ ﻋﻠﻴﻪ ﻣﺎ ﺟﺎﺑﻪ ﺍﻟﻲ ﻏﻴﺮ ﺳﻬﺮﻩ ﻭﻳﺎﻱ ﺧﻄﻴﻪ
ﻣﺮ ٣ ﺍﻳﺎﻡ ﻉ ﺍﻟﺼﺎﺭ ﻭﻳﺎﻱ ﻛﺎﻥ ﺟﺴﻤﻲ ﻧﺤﻼﻥ ﻭﺑﺲ ﻧﺎﻳﻤﻪ ﺫﻳﺞ ﺍﻻﻳﺎﻡ
ﺟﻨﺖ ﺑﻐﺮﻓﺘﻲ ﺍﻟﻌﺼﺮ ﻭﺍﺑﺠﻲ ﺍﺣﺲ ﺍﻟﺪﻧﻴﺎ ﻣﺨﺘﻨﻜﻪ ﺑﺼﺪﺭﻱ ﺩﻙ ﺟﻬﺎﺯﻱ ﺷﻔﺖ ﺍﻟﻤﺘﺼﻞ ﻫﺠﺮﺱ ﺷﻠﺘﻪ ﻭﺣﺠﻴﺖ ﺑﺼﻮﺕ ﺿﻌﻴﻒ
.. ﺍﻟﻮ
.. ﺍﻟﻮ ﻫﺎ ﺟﻴﻼﻥ ﺷﻠﻮﻥ ﺻﺮﺗﻲ
ﺍﻧﻲ ﺍﻧﻬﺪﺕ ﺩﻣﻮﻋﻲ ﻣﻦ ﺳﺄﻟﻨﻲ ﻣﺎ ﺍﻋﺮﻑ ﺷﺒﻴﻪ ﺟﻨﺖ ﻛﻠﺶ ﻣﺨﺘﻨﻜَﻪ ﻭﻣﺘﻀﺎﻳﻘﻪ ﻭﻛﻤﺖ ﺍﺑﺠﻲ
ﺻﺎﺡ ﺑﺤﺪﻩ
.. ﺷﺒﻴﺞ ﺟﻴﻼﻥ .. ﺍﻟﻮﻭﻭﻭ ... ﻭﻳﻨﺞ .. ﻟﻴﺶ ﻣﺎ ﺗﺠﺎﻭﺑﻴﻦ
ﺟﻨﺖ ﺳﺎﻛﺘﻪ ﻭﺍﺑﺠﻲ ﻣﺎ ﺍﻛﺪﺭ ﺍﺭﺩ ﻋﻠﻴﻪ ﺳﺪ ﺍﻟﺘﻠﻔﻮﻥ ﻫﺬﺍ ﺷﺒﻴﻪ ﻟﻴﺶ ﺳﺪﻩ ﺑﻮﺟﻬﻲ ﺣﺘﻰ ﻣﺎ ﺍﻧﺘﻈﺮ ﺍﺧﺬ ﻧﻔﺲ ﻭﺍﺑﺮﺭﻟﻪ
ﺑﻘﻴﺖ ﺍﺑﺠﻲ ﺑﻔﺮﺍﺷﻲ ﺗﻘﺮﻳﺒﺎ ﻧﺺ ﺳﺎﻋﻪ ﻭﺍﻟﺪﻧﻴﺎ ﺿﺎﻛﺖ ﺑﻴﻪ ﺍﻛﺜﺮ
ﻭﺭﺍﻫﺎ ﺳﻤﻌﺖ ﺧﻄﻮﺍﺕ ﺳﺮﻳﻌﻪ ﻉ ﺍﻟﺪﺭﺝ ﺍﻧﻔﺘﺢ ﺍﻟﺒﺎﺏ ﺑﺎﻭﻋﺖ ﻫﺬﺍ ﻫﺠﺮﺱ ﺗﻔﺎﺟﺄﺕ ﺑﻮﺟﻮﺩﻩ ﺻﺮﺍﺣﻪ ﻻﻥ ﻣﺎ ﻛﻠﻲ ﺭﺍﺡ ﺍﺟﻲ ﻛﺎﻝ
.. ﺷﺒﻴﺞ ﺟﻴﻼﻥ ﺷﺼﺎﻳﺮ ؟
.. ﻣﺎ ﺑﻴﻪ ﺷﻲ
.. ﺷﻨﻮ ﻣﺎ ﺑﻴﺞ ﺷﻲ .. ﻟﻌﺪ ﺷﻨﻮ ﻫﺎﻱ ﺍﻟﺪﻣﻮﻉ ؟
ﺑﺠﻴﺖ ﺍﻛﺜﺮ ﺍﺟﻪ ﺣﺎﻭﻁ ﻛﺘﻔﻲ ﺑﺄﻳﺪﻳﻪ ﻭﻛﺎﻝ
.. ﺟﺎﻭﺑﻴﻨﻲ ﻟﻴﺶ ﺗﺒﺠﻴﻦ ﻣﻮ ﺣﺮﻛًﺘﻲ ﻛًﻠﺒﻲ
.. ﻣﺘﻀﺎﻳﻘﻪ ﻫﺠﺮﺱ .... ﻣﺘﻀﺎﻳﻘﻪ ﺣﻴﻞ .. ﺍﺣﺲ ﺭﻭﺣﻲ ﻣﺨﺘﻨﻜًﻪ .. ﻭﺭﻭﺣﻲ ﺗﺮﻳﺪ ﺗﻄﻠﻊ
ﺣﻀﻨﻨﻲ ﻭﻛﺎﻝ
.. ﺍﺷﺸﺶ ﺷﻨﻮ ﻫﺎﻟﺤﺠﻲ .. ﻛﻮﻣﻲ ﺍﻟﺒﺴﻲ ﺧﻞ ﻧﻄﻠﻊ
ﺑﺎﻭﻋﺘﻠﻪ ﻭﺍﻣﺴﺢ ﺑﺪﻣﻮﻋﻲ
.. ﻭﻳﻦ ﻧﻄﻠﻊ ؟
.. ﻭﻳﻦ ﻣﺎ ﺗﺤﺒﻴﻦ ﻧﺮﻭﺡ ﻧﻄﻠﻊ .. ﻛﻮﻣﻲ ﺧﻠﻲ ﻧﺘﻌﺸﻪ ﺑﺮﻩ .. ﺍﻧﺘﻲ ﻟﻮ ﻣﺎ ﻋﻠﻴﺞ ﻫﺎﻱ .... ﺟﺎﻥ ﺭﺍﺡ ﻟﺒﻐﺪﺍﺩ ﻭﺯﺭﻧﻪ .. ﺑﺲ ﺍﻥ ﺷﺎﺀ ﺍﻟﻠﻪ ﺑﺲ ﺗﻄﻴﺒﻴﻦ ﻧﺴﻮﻳﻠﻨﻪ ﺭﻭﺣﻪ ﻟﻬﻨﺎﻙ
ﺳﻜﺘﺖ ﻣﺎ ﺟﺎﻭﺑﺘﻪ ﻛﺎﻝ
.. ﻳﻠﻪ ﻛﻮﻣﻲ ﺑﺪﻟﻲ
.. ﻭﺍﻟﻤﺤﻞ ﺷﻠﻮﻥ ﻋﻔﺘﻪ
.. ﻋﻠﻤﻮﺩﺝ ﺍﻋﻮﻑ ﺍﻟﺪﻧﻴﺎ
ﺳﻜﺘﺖ ﺑﺲ ﺍﺣﺲ ﻛَﻠﺒﻲ ﺭﺟﻒ ﻣﻦ ﻛﻠﻤﺘﻪ ﻫﺎﻱ ﻋﻔﺘﻪ ﻭﺭﺣﺖ ﺍﻏﺴﻞ ﻭﺟﻬﻲ ﻭﺍﻧﻲ ﺍﻓﻜﺮ ﺑﻜﻠﻤﺎﺗﻪ ﻳﺎ ﺭﺑﻲ ﻫﺬﺍ ﺣﺒﻪ ﻋﻠﻨﻲ ﺷﻠﻮﻥ ﺭﺍﺡ ﺍﺗﻘﺒﻠﻪ ﺑﺤﻴﺎﺗﻲ ﻭﺷﻠﻮﻥ ﺭﺍﺡ ﺍﻛﺪﺭ ﺍﺣﺒﻪ
* ﻣﺮﻳﻢ ﺍﻟﻤﻮﺳﻮﻱ *
ﻫﻮ ﻧﺰﻝ ﺟﻮﻩ ﺑﺪﻟﺖ ﻭﺣﻄﻴﺖ ﻣﻜﻴﺎﺝ ﺧﻔﻴﻒ ﻭﺍﺧﺬﺕ ﻋﺒﺎﺗﻲ ﺑﺄﻳﺪﻱ ﻭﻧﺰﻟﺖ ﺭﺣﺖ ﻟﻐﺮﻓﺔ ﺑﺎﺑﺎ ﺍﺷﻮﻓﻪ ﻟﻜﻴﺘﻪ ﻛﺎﻋﺪﻩ ﻳﻘﺮﻩ ﻗﺮﺍﻥ ﺷﺎﻓﻨﻲ ﺻﺪﻕ ﻭﺑﺎﻭﻋﻠﻲ ﻛﺎﻝ
.. ﻫﺎﻱ ﻭﻳﻦ ﺭﺍﻳﺤﻪ ﺑﺎﺑﺎ ؟
ﻃﺎﻟﻌﻴﻦ ﺍﻧﻲ ﻭﻫﺠﺮﺱ ﺷﻮﻳﻪ ﻣﺘﻀﺎﻳﻘﻪ ﻻﻥ ﻣﻦ ﺯﻣﺎﻥ ﻣﺎ ﻃﺎﻟﻌﻪ
.. ﺍﻱ ﺑﺎﺑﺎ ﻃﻠﻌﻲ ﻭﺗﻮﻧﺴﻲ ﻻ ﺗﻀﻠﻴﻦ ﺣﺎﺑﺴﻪ ﺭﻭﺣﺞ ﺑﺎﻟﻐﺮﻓﻪ ﻭﻳﻪ ﺍﻟﻤﺮﺽ
.. ﻛﻮﻡ ﺍﻃﻠﻊ ﻭﻳﺎﻧﻪ ﺍﻧﺖ ﻫﻢ ﺑﺎﺑﺎ
.. ﻻ ﺑﺎﺑﺎﺗﻲ ﺭﻭﺣﻲ ﻫﺴﻪ ﺍﻧﺘﻲ ﻭﺯﻭﺟﺞ ﻭﻓﺪ ﻳﻮﻡ ﻧﻄﻠﻊ ﺍﻧﻲ ﻭﻳﺎﺝ
.. ﻣﺎﺷﻲ ﺣﺒﻴﺒﻲ
ﺭﺩﺕ ﺍﻃﻠﻊ ﺻﺎﺣﻠﻲ
.. ﺟﻴﻼﻥ .. ﻋﻨﺪﺝ ﻓﻠﻮﺱ ؟
ﺍﺑﺘﺴﻤﺘﻠﻪ ﻭﺭﺣﺖ ﺣﻀﻨﺘﻪ
.. ﺍﻧﺘﻲ ﻛﻞ ﻣﺎﻟﻲ ﻭﺣﻼﻟﻲ ﺑﻬﺎﻟﺪﻧﻴﺎ .. ﺍﺭﻳﺪ ﺳﻼﻣﺘﻚ ﻳﺎ ﺭﻭﺣﻲ
ﺑﺎﺱ ﺍﻳﺪﻱ ﻭﻛﺎﻝ
.. ﻳﻠﻪ ﺭﻭﺣﻲ ﻓﺸﻠﻪ ﺭﺟﻠﺞ ﻳﻨﺘﻈﺮﺝ
ﻫﺰﻳﺖ ﺭﺍﺳﻲ ﻭﻛﻤﺖ ﻃﻠﻌﺖ
ﻟﻜﻴﺖ ﻫﺠﺮﺱ ﺩﺍ ﻳﻤﺴﺢ ﺑﺠﺎﻡ ﺍﻟﺴﻴﺎﺭﻩ ﺷﺎﻓﻨﻲ ﻓﺘﺢ ﺑﺎﺏ ﺍﻟﺼﺪﺭ ﺻﻌﺪﺕ ﻭﺳﺪﻫﺎ ﻭﺍﺟﻪ ﻫﻮ ﻫﻢ ﺻﻌﺪ ﻭﻣﺸﻴﻨﻪ ﻛﺎﻥ ﺍﻟﺠﻮ ﺣﻠﻮ ﺍﻟﻌﺼﺮ ﻭﺍﻟﺸﻤﺲ ﻗﺮﻳﺐ ﺍﻟﻠﻲ ﺑﺪﺕ ﺗﻐﻴﺐ
ﻛﺎﻝ
.. ﻭﻳﻦ ﺗﺤﺒﻴﻦ ﻧﺮﻭﺡ
ﻫﺰﻳﺘﻠﻪ ﺭﺍﺳﻲ ﺑﻤﻌﻨﻰ ﺑﻜﻴﻔﻚ
.. ﺟﻴﻼﻥ ﻣﺎ ﺩﺍﻡ ﺍﻟﺠﻮ ﺣﻠﻮ ﻭﺍﻧﺘﻲ ﻭﺍﻧﻲ ﻣﺎ ﻋﺪﻧﻪ ﺷﻲ ﺧﻠﻲ ﻧﻜﻌﺪ ﺑﻤﻜﺎﻥ ﻭﻧﺴﻮﻟﻒ ﺷﻮﻳﻪ
ﺳﻜﺘﺖ ﻣﺎ ﺟﺎﻭﺑﺘﻪ ﻛﺎﻝ
.. ﻻ ﺗﺴﻜﺘﻴﻦ ﺣﺎﻭﻟﻲ ﺗﺤﺠﻴﻦ ﺍﻱ ﺷﻲ ﻭﻳﺎﻱ ﺗﺮﻩ ﺍﻧﻲ ﺯﻭﺟﺞ ﻭﺍﺑﻦ ﻋﻤﺞ ﻣﻮ ﻋﺪﻭﺝ
.. ﺑﻜﻴﻔﻚ
.. ﻣﺎﺷﻲ ﺧﻠﻲ ﺍﺧﺬﺝ ﻟﻤﻄﻌﻢ ﺍﻛﻠﻪ ﻃﻴﺐ ﻛﻠﻤﺎ ﻧﺮﻭﺡ ﺍﻧﻲ ﻭﺟﻤﺎﻋﺘﻲ ﻧﺎﻛﻞ ﺑﻴﻪ .. ﺍﻛﻠﻪ ﻛﻠﺶ ﻃﻴﺐ
.. ﻣﺎﺷﻲ
ﺍﺑﺘﺴﻢ ﻭﺷﻐﻞ ﻗﺮﺁﻥ ﻻﻥ ﻛﺎﻧﺖ ﺍﻟﺪﻧﻴﺎ ﻣﻐﺮﺏ ﻭﻫﺎﻟﻮﻗﺖ ﺍﻟﻤﺴﺎﺟﺪ ﻛﻠﻬﺎ ﻋﺎﻟﻜَﻪ ﻗﺮﺁﻥ ﻭﺩﻋﺎﺀ ﺑﻴﻪ ﻃﺒﻊ ﺣﻠﻮ ﻳﺤﺘﺮﻡ ﺍﻻﻭﻗﺎﺕ ﺍﻟﻤﻐﺮﺏ ﺍﻭ ﺍﻟﺼﺒﺢ ﻳﻌﺘﺒﺮﻫﺎ ﺍﻭﻗﺎﺕ ﺭﺯﻕ ﻭﺑﺮﻛﻪ ﻭﺍﻧﻪ ﺑﻬﺎﻱ ﺍﻻﻭﻗﺎﺕ ﺍﻟﺴﻤﺎﺀ ﺗﻔﺘﺢ ﺍﺑﻮﺍﺑﻬﺎ
ﺑﻘﻴﻨﻪ ﺳﺎﻛﺘﻴﻦ ﻃﻮﻝ ﺍﻟﻄﺮﻳﻖ ﺍﻟﻠﻲ ﻛﺎﻥ ﺗﻘﺮﻳﺒﺎ ﻧﺺ ﺳﺎﻋﻪ ﻃﻮﻟﻪ ﻭﺻﻠﻨﻪ ﻟﻤﻄﻌﻢ ﻓﺨﻢ ﻧﺰﻟﻨﻪ ﻛﺎﻥ ﺑﻴﻪ ﻏﺮﻓﺔ ﺻﻼﻩ .. ﻓﺼﻠﻪ ﺍﻟﻤﻐﺮﺏ ﻭﺍﻟﻌﺸﺎ ﺍﻧﻲ ﺟﻨﺖ ﻣﻮ ﻧﻈﻴﻔﻪ ﻓﻤﺎ ﺻﻠﻴﺖ
ﺧﻠﺺ ﻭﺍﺟﻪ ﻛﻌﺪ ﻳﻤﻲ ﻉ ﺍﻟﻄﺎﻭﻟﻪ ﺍﺟﻪ ﺍﻟﻜﺎﺑﺘﻦ ﻣﺎﻝ ﺍﻟﻤﻄﻌﻢ ﻛﺎﻝ ﻫﺠﺮﺱ
.. ﺷﺘﺮﺩﻳﻦ ؟
.. ﺑﻜﻴﻔﺞ
ﺷﻔﺘﻪ ﺧﺰﺭﻧﻲ ﻭﻛﺎﻝ
.. ﺟﻴﻼﻥ !!!
ﻋﺮﻓﺘﻪ ﺿﺎﺝ ﻣﻦ ﻛﻠﻤﺔ ﺑﻜﻴﻔﻚ ﻛﺘﻠﻪ
.. ﻫﺠﺮﺱ ﻭﺍﻟﻠﻪ ﻣﺎ ﺍﺷﺘﻬﻲ
ﺑﺎﻭﻉ ﻟﻠﻜﺎﺑﺘﻦ ﻭﻛﻠﻪ
.. ﻧﺰﻟﻠﻨﺎ ﻣﻄﺒﻚ ﺩﺟﺎﺝ ﻭﺑﻴﺘﺰﺍ ﻭﺻﺎﺝ ﻭﺑﺒﺴﻲ ﻭﻣﻘﺒﻼﺕ
ﻋﺎﻓﻨﻪ ﻭﺭﺍﺡ ﻛﺎﻝ
.. ﺟﻴﻼﻥ ﻟﻴﺶ ﻫﻴﺠﻲ ﺗﺴﻮﻳﻦ ؟
.. ﻫﺠﺮﺱ ﻻ ﺗﺠﺒﺮﻧﻲ ﻋﻠﻰ ﺷﻲ ﻣﺎ ﺍﺭﻳﺪﻩ
ﺳﻜﺖ ﻭﻏﻤﺾ ﻋﻴﻮﻧﻪ ﻭﻃﻠﻊ ﻣﻦ ﺟﻴﺒﻪ ﻫﺪﻳﻪ ﺻﻐﻴﺮﻩ ﺑﺎﻭﻋﺘﻠﻪ ﺑﺘﺴﺎﺅﻝ
.. ﺷﻨﻮ ﻫﺎﻱ ؟
.. ﻫﺎﻱ ﺍﻋﺘﺬﺍﺭ ﺑﺴﻴﻂ ﻋﻦ ﺍﻟﻠﻲ ﺳﻮﻳﺘﻪ ﻭﻳﺎﺝ ﺫﺍﻙ ﺍﻟﻴﻮﻡ ﻏﺼﺐ ﻋﻨﺞ
ﺳﻜﺘﺖ ﻣﺎ ﺟﺎﻭﺑﺘﻪ ﺑﺲ ﺍﺣﺲ ﺍﻟﺤﺮﺍﺭﻩ ﺻﻌﺪﺕ ﻟﻮﺟﻬﻲ ﻣﻦ ﺍﻟﺨﺠﻞ ﻣﻦ ﺫﻛﺮ ﺫﻳﺞ ﺍﻟﻠﻴﻠﻪ mariam-almusawi
ﻓﺘﺤﺖ ﺍﻟﻌﻠﺒﻪ ﻛﺎﻥ ﺑﻴﻬﺎ ﺧﻠﺨﺎﻝ ﻳﺨﺒﻞ ﺑﺎﻭﻋﺘﻪ ﺍﺑﺘﺴﻢ ﻭﻛﺎﻝ
.. ﺟﻴﻼﻥ ﺧﻠﻲ ﻧﻔﺘﺢ ﺻﻔﺤﻪ ﺟﺪﻳﺪﻩ .. ﺍﻋﺘﺒﺮﻳﻨﻲ ﺻﺪﻳﻖ ... ﻻ ﺗﻌﺘﺒﺮﻳﻨﻲ ﺯﻭﺝ .. ﺧﻠﻲ ﻧﻨﺴﻰ ﻋﺮﻛﺎﺗﻨﻪ ﻭﻣﺎﺿﻴﻨﻪ ﻭﻧﺒﺪﻱ ﻣﻦ ﺟﺪﻳﺪ ﺣﺎﻭﻟﻲ ﺗﻔﺘﺤﻴﻠﻲ ﻗﻠﺒﺞ ﺍﻱ ﺷﻲ ﻳﻀﺎﻳﻘﺞ ﺍﻭ ﺗﺤﺘﺎﺟﻴﻪ ﺗﺠﻴﻨﻲ ﺍﻟﻲ .. ﺍﺗﻤﻨﻰ ﻧﻜﻌﺪ ﻭﻧﺴﻮﻟﻒ ﻭﻧﻀﺤﻚ ﻣﺜﻞ ﺍﻱ ﺯﻭﺝ ﻭﺯﻭﺟﺘﻪ ﺍﺫﺍ ﻣﺎ ﺗﻘﺒﻠﺘﻴﻨﻲ ﻛﺰﻭﺝ ... ﺣﺎﻭﻟﻲ ﺗﺘﻘﺒﻠﻴﻨﻲ ﻛﺼﺪﻳﻖ
ﺍﻋﺘﺒﺮﻳﻨﻲ ﺍﺑﻮﺝ
ﻗﺎﻃﻌﺘﻪ
.. ﻣﺤﺪ ﻳﺠﻲ ﺑﻤﻜﺎﻥ ﺑﺎﺑﺎ
ﺍﺑﺘﺴﻢ ﻭﺑﺎﻭﻋﻠﻲ
.. ﺍﺳﻒ ﻣﺎ ﻗﺼﺪﻱ ﺍﺗﺠﺎﻭﺯ ﻋﻠﻰ ﻋﻼﻗﺘﺞ ﺑﻌﻤﻲ .. ﺑﺲ ﻗﺼﺪﻱ ﺍﻋﺘﺒﺮﻳﻨﻲ ﻭﻛﺖ ﺍﻟﻀﻴﻖ ﻣﺜﻞ ﺍﺑﻮﺝ ﻳﻌﻨﻲ ﺍﻓﺘﺤﻴﻠﻲ ﻗﻠﺒﺞ ﻭﺳﻮﻟﻔﻴﻠﻲ ﻣﺜﻞ ﻣﺎ ﺗﺴﻮﻟﻔﻴﻦ ﻭﻳﻪ ﻋﻤﻲ
ﺩﻧﻜﺖ ﻭﻛﺘﻠﻪ
.. ﻣﺎ ﺍﻛﺪﺭ
.. ﻟﻴﺶ ؟
.. ﺍﻧﺖ ﺗﺄﺫﻳﻨﻲ ﺩﺍﺋﻤﺎ ﻭﺗﺠﺒﺮﻧﻲ ﻋﻠﻰ ﺷﻐﻼﺕ ﻣﺎ ﺍﺣﺒﻬﺎ ﻭﻣﺎ ﺍﺭﻳﺪﻫﺎ
.. ﺍﺫﺍ ﻉ ﺍﻟﺼﺎﺭ ﻓﺄﻋﺘﺬﺭﺗﻠﺞ ﻭﺍﺫﺍ ﺗﺮﺩﻳﻦ ﺍﻛﺮﺭ ﺍﻋﺘﺬﺍﺭﻱ ﻣﺎ ﻋﻨﺪﻱ ﻣﺎﻧﻊ
.. ﻣﻮ ﺑﺲ ﻫﺎﻱ ﺍﻧﺖ ﺟﺒﺮﺗﻨﻲ ﻋﻠﻰ ﻫﻮﺍﻱ ﺷﻐﻼﺕ ﻣﺎ ﺍﺭﻳﺪﻫﺎ ﻣﺜﻞ ﺍﻟﻌﺒﺎﻳﻪ ﻭﺍﻟﻨﻮﻣﻪ ﻭﺍﻟﺰﻭﺍﺝ ﻣﻦ ﻭﻛﺖ ﻭﻛﻠﺸﻲ ﺍﻧﺖ ﺗﻘﺮﺭﻩ
.. ﺗﻌﺮﻓﻴﻦ ﻟﻴﺶ؟؟ ﻻﻥ ﺍﻧﺘﻲ ﻋﻨﻴﺪﻩ ﻣﺎ ﺗﺘﻔﺎﻫﻤﻴﻦ ﻣﺎ ﺗﺤﺒﻴﻦ ﻧﺘﺸﺎﻭﺭ ﻭﻧﺘﺨﺬ ﻗﺮﺍﺭﺗﻨﻪ ﺳﻮﻩ ﺗﺮﺩﻳﻦ ﺗﻤﺸﻴﻦ ﺑﺲ ﻛﻼﻣﺞ ﻭﻫﺬﺍ ﻫﻮ .. ﺍﻭﻝ ﺷﻲ ﺍﻟﻌﺒﺎﻳﻪ ﺟﺎﻥ ﻻﺯﻡ ﺗﻠﺒﺴﻴﻬﺎ ﺑﻬﺬﻩ ﺍﻟﻤﺤﺎﻓﻈﻪ ﻻﻥ ﺍﻧﺘﻲ ﻋﺮﺿﻲ ﻭﻣﺮﺗﻲ ﻣﺎ ﻳﺼﻴﺮ ﺍﻟﻐﺮﻳﺐ ﻳﺘﺒﺎﻭﻉ ﻟﺘﻘﺎﺳﻴﻢ ﺟﺴﻤﺞ ﻭﺻﺪﺭﺝ ﻭﺧﺼﺮﺝ ﻫﺬﺍ ﺣﻼﻟﻲ ﺍﻧﻲ ﻭﻣﺎ ﺍﻗﺒﻞ ﺍﺣﺪ ﻳﺸﻮﻓﻪ ﻭﻋﺎﻟﻢ ﻫﻨﺎ ﻣﻮ ﻣﺜﻞ ﻋﺎﻟﻢ ﺑﻐﺪﺍﺩ ﻫﻨﺎ ﺍﺫﺍ ﺷﺎﻓﻮﺍ ﻣﺮﻩ ﺑﺪﻭﻥ ﻋﺒﺎﻳﻪ ﺍﻭ ﺣﺠﺎﺏ ﺗﺼﻴﺮ ﺍﻟﻌﻴﻦ ﻋﻠﻴﻬﺎ ﻭﺗﺼﻴﺮ ﻣﻄﻤﻊ ﺳﻬﻞ ﻟﻨﺰﻭﺍﺗﻬﻢ .. ﺛﺎﻧﻲ ﺷﻲ ﺍﻟﻨﻮﻣﻪ ﺻﺎﺭﺕ ﺑﺤﺎﻟﻪ ﻫﺴﺘﻴﺮﻳﻪ ﻭﺑﺴﺒﺐ ﻋﻨﺎﺩﺝ ﺗﻨﺮﻓﺰﺕ ﻭﺍﺧﺬﺗﺞ ﻭﺍﻋﺘﺬﺭﺗﻠﺞ ﻭﺍﺭﺟﻊ ﺍﻛﺮﺭ ﺍﺳﻔﻲ ﻭﺍﻋﺘﺬﺍﺭﻱ ﻉ ﺍﻟﺼﺎﺭ ﺻﺢ ﻫﻲ ﺻﺎﺭﺕ ﺑﻮﺿﻌﻴﻪ ﻣﻮ ﺣﻠﻮﻩ ﺑﺲ ﺗﺒﻘﻴﻦ ﺍﻧﺘﻲ ﺯﻭﺟﺘﻲ ﻣﺎ ﻣﺴﻮﻱ ﻭﻳﺎﺝ ﺷﻲ ﺣﺮﺍﻡ .. ﻭﺍﻟﺰﻭﺍﺝ ﺍﻧﻲ ﺭﺩﺗﻪ ﻣﻦ ﻭﻛﺖ ﺣﺘﻰ ﻋﻤﻲ ﻣﻦ ﻳﺸﻮﻓﺞ ﻣﺴﺘﻘﺮﻩ ﻳﺮﺗﺎﺡ ﻧﻔﺴﻴﺎ ﻭﻳﺘﺸﺎﻓﻰ ﻣﺎ ﺗﺪﺭﻳﻦ ﺍﻟﺤﺎﻟﻪ ﺍﻟﻨﻔﺴﻴﻪ ﺷﻜﺪ ﺍﻟﻬﺎ ﺗﺄﺛﻴﺮ ﺑﺎﻟﻌﻼﺝ
ﺳﻜﺘﺖ ﻣﺎ ﺟﺎﻭﺑﺘﻪ ﺗﻘﺮﻳﺒﺎ ﻗﻨﻌﻨﻲ ﺑﻜﻼﻣﻪ ﻛَﺘﻠﻪ
.. ﻭﺷﻠﻮﻥ ﻧﻔﺘﺢ ﺻﻔﺤﻪ ﺟﺪﻳﺪﻩ
ﺑﻬﺎﻻﺛﻨﺎﺀ ﺍﺟﻪ ﺍﻟﻨﺎﺩﻝ ﺟﺎﺏ ﺍﻻﻛﻞ ﺣﻄﻪ ﻛَﺪﺍﻣﻨﻪ ﻭﺭﺍﺡ ﻛَﺎﻝ
.. ﻗﺒﻞ ﻻ ﻧﺎﻛﻞ ﺗﺤﺒﻴﻦ ﺗﻌﺮﻓﻴﻦ ﺷﻠﻮﻥ ﻧﻔﺘﺢ ﺻﻔﺤﻪ ﺟﺪﻳﺪﻩ ؟
ﺟﻴﻼﻥ ﺧﻠﻲ ﺣﻴﺎﺗﻨﻪ ﻃﺒﻴﻌﻴﻪ ﻻ ﺗﺘﻘﻴﺪﻳﻦ ﻣﻨﻲ ﺍﻭ ﺗﺘﺠﻨﺒﻴﻨﻲ ﺍﺫﺍ ﺿﺎﻳﻘﺘﺞ ﺑﺸﻲ ﻛَﻮﻟﻴﻠﻲ ﻻ ﺗﻀﻤﻴﻦ ﻋﻨﻲ ... ﻭﺍﺣﺎﻭﻝ ﻣﺎ ﺍﺟﺒﺮﺝ ﻋﻠﻰ ﺷﻲ ... ﻣﻦ ﺍﻛﻮﻟﺞ ﻉ ﺷﻲ ﺗﺴﻮﻳﻪ ﻻﻥ ﻟﻮ ﻣﺎ ﺍﺷﻮﻓﻪ ﻟﻤﺼﻠﺤﺘﺞ ﻣﺎ ﺍﻛﻮﻟﺞ ﺳﻮﻳﻪ
.. ﺑﺲ ﺍﻧﺖ ﺗﺠﺒﺮﻧﻲ ﺑﺎﻟﻐﺼﺐ ﺍﺳﻮﻳﻪ
.. ﻫﺬﺍ ﻫﻮ ﻣﻨﺎ ﻭﻫﻴﺞ ﺍﻃﻠﺐ ﻣﻨﺞ ﺍﻟﺸﻲ ﻃﻠﺐ ﺗﺴﻮﻳﻪ ... ﺑﺲ ﺍﺫﺍ ﺭﻓﻀﺘﻲ ﺍﻛﻄﻊ ﻫﺎﻱ ﺍﻟﺴﺒﺤﻪ ﻋﻠﻴﺞ
ﻛﺎﻝ ﻫﺎﻟﻜﻼﻡ ﺑﺄﺑﺘﺴﺎﻣﻪ ... ﺍﺑﺘﺴﻤﺖ ﺑﺨﺠﻞ ﺳﻜﺘﺖ ﻛﺎﻝ
.. ﺍﺗﺸﺎﻗﻪ ﻭﻳﺎﺝ .... ﺟﺎﻭﺑﻲ ﺧﻠﻲ ﻧﻄﻮﻱ ﻫﺎﻟﺼﻔﺤﻪ ﻭﻧﺮﺗﺎﺡ
ﺍﺑﺘﺴﻤﺖ ﻭﻛﺘﻠﻪ
.. ﻣﺎﺷﻲ
ﻫﻮ ﺿﺤﻚ ﻭﻛﺎﻝ
.. ﻳﻠﻪ ﺑﻠﺸﻲ ... ﺍﻻﻛﻞ ﻳﺨﺒﻞ ﻳﻔﻮﺗﺞ
ﺍﻛﻠﺖ ﺻﺪﻙ ﻛﺎﻥ ﺍﻟﻄﻌﻢ ﻳﺨﺒﻞ ﻛﺘﻠﻪ
.. ﻫﺠﺮﺱ ﺷﺘﺴﻮﻭﻥ ﺗﺠﻮﻥ ﻫﻨﺎ ﻟﻠﻤﻄﻌﻢ ﺍﻧﺖ ﻭﺟﻤﺎﻋﺘﻚ
.. ﻧﺠﻲ ﻧﺮﻛﺺ ﻫﻨﺎ
ﺑﺎﻭﻋﺘﻠﻪ ﺿﺤﻚ ﻛﺎﻝ
.. ﺑﺸﺮﻓﺞ ﺍﻟﻠﻲ ﻳﺠﻲ ﻫﻨﺎ ﺷﻴﺴﻮﻱ ﻏﻴﺮ ﻳﺎﻛﻞ
Mariam-almusawi
ﺿﺤﻜﻨﻪ ﻭﺑﻘﻪ ﻳﺴﻮﻟﻔﻠﻲ ﻉ ﺷﻐﻠﻪ ﻭﻉ ﺍﻟﺬﻫﺐ ﻭﻣﻨﻴﻦ ﻳﺠﻴﺒﻪ ﻭﺍﻧﻪ ﻫﻮ ﻣﺎ ﻳﺄﻣﻦ ﺑﺄﻱ ﺍﺣﺪ ﺑﺎﻟﻤﺤﻞ ﻏﻴﺮ ﺏ ﺍﺑﻮ ﻋﻠﻲ ﻭﻟﺪ ﺷﺎﺏ ﺑﻜﺪﻩ ﺻﺎﺭﻟﻪ ﻭﻳﺎﻫﻢ ﻓﻮﻙ ﺍﻝ٦ ﺳﻨﻴﻦ ﻳﻜﻮﻝ ﺣﺘﻰ ﻣﺮﺍﺕ ﺗﺎﺧﺬﻧﻲ ﺍﻟﻨﻮﻣﻪ ﻟﻮ ﺍﺗﻤﺮﺽ ﻣﺎ ﺍﺧﺎﺑﺮﻩ ﺍﻟﻜﺎﻩ ﻣﻔﺘﺢ ﺍﻟﻤﺤﻞ ﻭﻳﺒﻴﻊ ﻭﻛﻠﺶ ﺍﻣﻴﻦ ﻭﺣﺠﺎﻟﻲ ﺷﻮﻳﻪ ﻉ ﺳﻮﺍﻟﻒ ﺑﻴﺒﻲ ﻭﺣﺪﻩ ﻣﻦ ﺍﻟﻤﻮﺍﻗﻒ ﻛﺎﻝ
.. ﻣﺮﻩ ﻛﺎﻟﺘﻠﻲ ﺍﺧﺬﻧﻲ ﻟﻌﻤﺎﺗﻚ ﺍﻣﻞ ﻭﺣﺴﻨﻪ ﺍﺭﻳﺪ ﺍﺷﻮﻓﻬﻦ ﺟﺎﻥ ﻣﺎ ﻋﺪﻧﻪ ﺳﻴﺎﺭﻩ ﻭﻫﻲ ﺑﻴﻬﺎ ﺣﻴﻞ ﺷﻮﻳﻪ .. ﺍﻟﻤﻬﻢ ﻃﻠﻌﻨﻪ ﻟﺮﺍﺱ ﺍﻟﺸﺎﺭﻉ ﻭﻛﻔﺖ ﺳﻴﺎﺭﻩ ﻳﺎﺑﻪ ﻧﺮﻳﺪ ﻝ ‏( ........ ‏) ﺷﻜﺪ ﺗﺄﻣﺮ ؟ ﺑﻮﻛﺘﻬﺎ ﺟﺎﻧﺖ ﺍﻻﻟﻒ ﺟﺒﻴﺮﻩ ﻓﻜﺎﻝ ﺍﺻﻌﺪﻭﺍ ﺑﺎﻟﻒ ﺍﺷﻮ ﻣﺎ ﺍﺣﺲ ﻏﻴﺮ ﺍﺟﺘﻨﻲ ﺩﻓﻌﻪ ﻣﻦ ﺿﺎﻭﻳﻪ ﻛﺎﻟﺘﻠﻪ ﺍﻛﻒ ﺍﻛﻒ ﺷﻨﻬﻲ ﺍﻟﻒ ﻭﻳﻦ ﺭﺍﻳﺤﻴﻦ ﻻﻣﺮﻳﻜﺎ .. ﻫﻮﺍﻱ ﺍﻟﻒ ﺭﺍﺡ ﺍﻧﻄﻴﻚ ١٠ ﻣﻴﺎﻳﻪ ‏( ١٠ ﻣﺌﺎﺕ ‏) ﻭﺍﻣﺸﻴﻨﻪ .... ﻃﺒﻌﺎ ﻫﻲ ﻧﻔﺲ ﺍﻟﺸﻲ ﺍﻟﺮﺟﺎﻝ ﻫﻢ ﻛﻴﻒ ﻛﺎﻟﻠﻬﺎ ﺍﺻﻌﺪﻱ ﻳﻤﻪ ﺍﻧﻲ ﻫﻢ ﺗﺨﻮﺭﺳﺖ ﻭﺻﻌﺪﺕ ﺷﺤﺠﻲ ﺑﻌﺪ .. ﻋﻮﺩ ﺻﺎﺭﺕ ﻧﺎﺩﺭﻩ
ﻫﻮ ﻳﺤﺠﻲ ﻭﺍﻧﻲ ﻭﻳﺎﻩ ﺧﺮﺑﺎﻧﻴﻦ ﺿﺤﻚ ﺍﻭﻝ ﻣﺮﻩ ﻧﻨﺪﻣﺞ ﻫﺎﻟﺸﻜﻞ ﻭﻧﻨﺴﻰ ﻛﻞ ﻣﺸﺎﻛﻠﻨﻪ ﺍﻭﻝ ﻣﺮﻩ ﺍﺣﺲ ﻧﻔﺴﻲ ﻣﺮﺗﺎﺣﻪ ﻭﻳﺎﻩ
ﺍﺑﺎﻭﻋﻠﻪ ﺷﻜﻠﻪ ﺍﻟﺠﺎﺩ ﻳﺘﻐﻴﺮ ﻛﻠﻪ ﻣﻦ ﻳﻀﺤﻚ ﻳﻄﻠﻊ ﻏﻴﺮ ﺑﺸﺮ
ﺍﺗﻤﻨﻰ ﻧﺒﻘﻰ ﻫﻴﺞ ﻭﻣﺎﻛﻮ ﺷﻲ ﻳﻌﻜﺮ ﻣﺰﺍﺟﻨﻪ ﻭﺣﻴﺎﺗﻨﻪ
ﺭﺟﻌﻨﻪ ﺑﺎﻟﻠﻴﻞ ﻭﻛﺎﻋﺪﻳﻦ ﺑﺎﻟﺴﻴﺎﺭﻩ ﻋﻠﻚَ ﺍﻏﻨﻴﺔ ﺗﺴﺄﻟﻴﻨﻲ ﻟﻴﺶ ﺍﺣﺒﺞ ﻭﻛﺎﻧﺖ ﺍﻻﻏﻨﻴﻪ ﻫﺎﺩﺋﻪ ﻭﺣﻠﻮﻩ ﻭﺍﻟﺠﺎﻣﻪ ﻣﻔﺘﻮﺣﻪ ﻭﺍﻟﻬﻮﺍ ﻃﻴﺐ
ﺍﺳﻤﺎﻋﻴﻞ ﺍﻟﻔﺮﻭﺟﻲ . . . . ﺗﺴﺎﻟﻴﻨﻲ ﻟﻴﺶ ﺍﺣﺒﺞ
ﻭﺍﻧﻲ ﻛﺎﻥ ﺟﺴﻤﻲ ﺑﻌﺪﻩ ﺗﻌﺒﺎﻥ ﺣﺴﻴﺖ ﺑﺠﺴﻤﻲ ﻧﺤﻞ ﻭﻏﻔﻴﺖ * ﻣﺮﻳﻢ ﺍﻟﻤﻮﺳﻮﻱ *
ﺑﻌﺪ ﻣﺪﻩ ﻃﻮﻳﻠﻪ ﻛﻌﺪﺕ ﻟﻜﻴﺖ ﺭﻭﺣﻲ ﻛَﺒﺎﻝ ﺍﻟﺒﻴﺖ ﻣﺎﻟﺘﻨﻪ ﻭﺍﻟﺴﻴﺎﺭﻩ ﻭﺍﻛَﻔﻪ ﺑﺎﻟﺒﺎﺏ
ﺑﺎﻭﻋﺖ ﻟﻠﺠﻬﻪ ﺍﻟﺜﺎﻧﻴﻪ ﻟﻜﻴﺖ ﻫﺠﺮﺱ ﻋﻴﻮﻧﻪ ﻋﻠﻴﻪ ﻭﻛﺼﺘﻪ ﻋﺮﻛَﺎﻧﻪ ﻭﻓﺎﺗﺢ ﺩﻛَﻢ ﺍﻟﺪﺷﺪﺍﺷﻪ ﻣﺎﻟﺘﻪ
ﻛﺘﻠﻪ
.. ﻫﺎﻱ ﻟﻴﺶ ﻭﺍﻛَﻒ ﻫﻨﺎ .. ﻟﻴﺶ ﻣﺎ ﻛَﻌﺪﺗﻨﻲ ؟
.. ﺟﻨﺘﻲ ﻧﺎﻳﻤﻪ ﻭﻣﺎ ﻫﺎﻥ ﻋﻠﻴﻪ ﺍﻛَﻌﺪﺝ .... ﺭﺩﺕ ﺍﺷﻴﻠﺞ ﺧﻔﺖ ﻻ ﺍﻫﻠﻲ ﻭﺍﺑﻮﺝ ﻳﺨﺘﺮﻋﻮﻥ ﻋﺒﺎﻟﻬﻢ ﺑﻴﺞ ﺷﻲ ﺍﺿﻄﺮﻳﺖ ﺍﻭﻛَﻒ ﻫﻨﺎ ﻟﻤﻦ ﺗﻜَﻌﺪﻳﻦ
ﺍﺑﺘﺴﻤﺘﻠﻪ ﻭﻋﺪﻟﺖ ﻧﻔﺴﻲ ﻛَﺘﻠﻪ
.. ﺷﻜﺮﺍ .... ﻳﻠﻪ ﺧﻠﻲ ﻧﻨﺰﻝ
ﻧﺰﻟﻨﻪ ﻟﻜﻴﻨﻪ ﺍﻟﻜﻞ ﺑﺎﻟﺼﺎﻟﻪ ﻉ ﺍﻟﺘﻠﻔﺰﻳﻮﻥ ﻋﺪﺍ ﺟﺪﻭ ﺍﻟﻠﻲ ﻳﻨﺎﻡ ﻣﻦ ﻭﻛﺖ ﻭﺯﻧﻮﺑﻪ ﺗﻘﺮﻩ ﻓﻮﻙ ﻛﺎﻟﺖ ﺑﻴﺒﻲ
.. ﻫﺎ ﺣﺒﻮﺑﻪ ﺟﻴﺘﻮﺍ ؟
ﻛﺎﻝ ﻫﺎﺷﻢ
.. ﻻ ﺑﻴﺒﻲ ﺑﻌﺪﻫﻢ
ﺿﺤﻜﻨﻪ ﻛﺎﻟﺖ ﺑﻴﺒﻲ
.. ﺗﺼﻨﻒ ﻋﻠﻴﻪ ﻣﻮ ﻳﺎ ﺍﻟﻤﺼﻮﻣﺦ؟
.. ﺿﺎﻭﻳﻪ ﺑﺮﻭﺡ ﺟﺪﺝ ﺍﺷﻮ ﻫﺎﻻﻳﺎﻡ ﺻﺎﻳﺮﻩ ﻣﺎ ﺗﺘﺤﻤﻠﻴﻦ ﺷﻘﻪ ﻛﻮﻟﻴﻠﻲ ﺍﺫﺍ ﻣﺎ ﺗﺘﺤﻤﻠﻴﻦ ﺣﺘﻰ ﺍﺷﻮﻓﻠﻲ ﻭﺣﺪﻩ ﺣﻠﻴﻮﻩ ﺑﻜﺪﺝ ﺍﺷﺎﻗﻴﻬﺎ ﺗﺮﻩ ﺍﻟﺪﻧﻴﺎ ﻣﺎ ﺗﻮﻛَﻒ ﻋﻠﻰ ﻭﺍﺣﺪ
ﻛﺎﻟﺘﻠﻪ ﻓﻄﻮﻡ
.. ﺍﻱ ﺍﻱ ﻫﺎﺷﻢ ﺿﺎﻭﻳﻪ ﺧﺮﺑﺖ ﻣﻮﺵ ﺍﻻﻭﻟﻴﻪ ﺑﺸﺮﻓﻚ ﺷﻮﻓﻠﻨﻪ ﻭﺣﺪﻩ ﺣﻠﻴﻮﻩ ﺗﻠﺒﺲ ﻉ ﺍﻟﻤﻮﺩﻩ ﻭﻣﺎ ﻋﺪﻫﺎ ﻋﺼﺎ ﺍﻫﻢ ﺷﻲ
ﻣﺎ ﻧﺤﺲ ﻏﻴﺮ ﺍﻟﻌﺼﺎ ﻋﻠﻰ ﺭﺟﻠﻴﻦ ﻓﻄﻮﻡ ﻭﻫﻲ ﺗﺼﻴﺢ
.. ﻟﻜﻜﻜﻜﻚ ﺍﺍﺍﺍﺍﺍﺥ ﺷﺒﻴﺞ ﺑﻴﺒﻲ ﺻﺪﻙ ﺗﺤﺠﻴﻦ
.. ﻭﺣﻤﺲ .... ﻭﺣﻠﻴﺐ ﺍﻣﻲ ﺍﺫﺍ ﻣﺎ ﺗﺠﻮﺯﻭﻥ ﻣﻦ ﻫﺎﻱ ﺳﻮﺍﻟﻔﻜﻢ ﺍﻧﻌﻨﻊ ﺿﻠﻮﻋﻜﻢ ﺑﻬﺎﻱ ﺍﻟﻌﺼﻪ
.. ﻭﺍﻟﻠﻪ ﺍﺫﺍ ﻣﺎ ﺍﺧﺬﺗﻬﺎ ﻣﻨﺞ ﻓﺪ ﻳﻮﻡ ﻭﺣﺮﻛﺘﻬﺎ ﻣﺎ ﺍﺗﺴﻤﻪ ﻓﻄﻮﻡ
.. ﺟﺎ ﺍﺫﺍ ﺍﻧﺘﻲ ﺑﻴﺞ ﺣﻆ ﺳﻮﻳﻬﺎ
ﺍﺣﻨﻪ ﺧﺮﺑﺎﻧﻴﻦ ﺿﺤﻚ ﻋﻠﻴﻬﻢ ﺭﺣﺖ ﻟﺒﺎﺑﺎ ﺑﺴﺘﻪ ﻛﺘﻠﻪ
.. ﺷﻠﻮﻥ ﺻﺮﺕ ﺑﺎﺑﺎﺗﻲ
.. ﺍﻧﻲ ﺑﺨﻴﺮ ﻣﻦ ﺍﺷﻮﻑ ﻫﺎﻟﻀﺤﻜﻪ ﺑﻮﺟﻬﺞ
.. ﺍﺧﺬﺕ ﺩﻭﺍﻙ
.. ﺍﻱ ﺍﺧﺬﺗﻪ
ﻛﻌﺪﻧﻪ ﻳﻤﻬﻢ ﺍﻧﻲ ﻭﻫﺠﺮﺱ ﺍﻧﻲ ﺟﻨﺖ ﻣﺴﻄﻮﺭﻩ ﻭﺩﺍﻳﺨﻪ ﺍﺣﺲ ﺭﻭﺣﻲ ﺑﻌﺪﻧﻲ ﻧﻌﺴﺎﻧﻪ ﻛﺎﻝ ﻋﻤﻮ
.. ﺷﻠﻮﻥ ﺻﺮﺗﻲ ﻋﻤﻲ ؟
.. ﺍﻟﺤﻤﺪ ﻟﻠﻪ ﻋﻤﻮ
ﻛﺎﻟﺘﻠﻪ ﻋﻤﺘﻲ
.. ﻣﺎ ﺗﺸﻮﻓﻬﺎ ﺟﻨﻬﺎ ﺣﺼﺎﻥ ﺷﻤﺎﻟﻬﺎ ﻻ ﻣﺮﻳﻀﻪ ﻭﻻ ﺑﻄﻴﺨﻪ ﺍﻧﻄﻴﻬﺎ ﺑﺲ ﺳﻔﺎﻓﻪ
ﺻﺎﺡ ﺑﻴﻬﺎ ﻋﻤﻮ
.. ﺳﻌﺪﻳﻪ ؟؟؟ !!!!
ﺳﻜﺘﺖ ﻣﺮﺓ ﻋﻤﻲ ﻛﻌﺪﻧﻪ ﻧﺸﻮﻑ ﻭﻳﺎﻫﻢ ﻣﺴﻠﺴﻞ ﺍﻟﺤﻘﻴﻘﻪ ﻭﺍﻟﺴﺮﺍﺏ ﻛﺎﻧﺖ ﺍﻟﺤﻠﻘﺎﺕ ﺍﻻﺧﻴﺮﻩ ﺗﻘﺮﻳﺒﺎ ﻛﺎﻧﺖ ﺍﻟﻘﺼﻪ ﻣﻲ ﻋﺰ ﺍﻟﺪﻳﻦ ﺑﻨﺖ ﻓﻴﻔﻲ ﻋﺒﺪﻩ ﻭﺍﺣﺪ ﺿﺤﻚ ﻋﻠﻴﻬﺎ ﻭﺗﺰﻭﺟﻬﺎ ﺑﺎﻟﺴﺮ ﻭﻋﺎﻓﻬﺎ
ﺍﻟﻤﻬﻢ ﺑﻴﺒﻲ ﻛﺎﻟﺖ
.. ﺍﻭﻭﻭ ﺍﻟﻐﺴﻞ ﺷﺘﺴﻮﺍﻟﺞ ﺿﻠﻴﺘﻲ ﻣﺤﺪ ﻳﻜَﻠﺒﺞ ﺍﻧﺘﻲ ﻟﻮ ﻣﺴﺘﭽﻨﻪ ﻭﻣﺎ ﻣﺨﻠﻴﺘﻪ ﻳﻠﻌﺐ ﺑﻴﺞ ﭼﺎ ﻣﺎ ﺻﺎﺭ ﺑﻴﺞ ﻫﻴﺞ ﺍﻭ ﺍﻟﻐﺴﻞ ﺍﻟﻤﺎ ﻳﺴﻮﻛَﻪ ﻣﺮﺿﻌﻪ ﺳﻮﻙَ ﺍﻟﻌﺼﺎ ﻣﺎ ﻳﻨﻔﻌﻪ
ﺿﺤﻜﻨﻪ ﺍﺑﺎﻭﻉ ﻟﻬﺠﺮﺱ ﻣﺪﻧﻚ ﻭﺣﺎﻁ ﺍﻳﺪﻩ ﻉ ﺷﺎﺭﺑﻪ ﻭﻛﻮﻩ ﻻﺯﻡ ﻧﻔﺴﻪ ﻣﺎ ﻳﻀﺤﻚ ﺍﻧﻲ ﺍﺣﺲ ﺍﻟﻨﻌﺴﻪ ﺑﻌﺪﻫﻲ ﺑﻴﻪ ﻭﻛﻮﻩ ﻣﻔﺘﺤﻪ ﻋﻴﻮﻧﻲ ﻛﺘﻠﻪ
.. ﺑﺎﺑﺎ ﺭﺍﺡ ﺍﺭﻭﺡ ﺍﻧﺎﻡ ﻣﺤﺘﺎﺝ ﻣﻨﻲ ﺷﻲ ﻗﺒﻞ ﻻ ﺍﺭﻭﺡ
.. ﺷﻨﻮ ﺗﻌﺒﺎﻧﻪ ﻣﻦ ﺷﻲ ﺍﺷﻮ ﻭﺟﻬﺞ ﺫﺑﻼﻥ ؟
.. ﻻ ﻭﺍﻟﻠﻪ ﺑﺲ ﺍﻟﻨﺸﻠﻪ ﺑﻌﺪﻫﻲ ﻭﺷﻮﻳﻪ ﺍﻟﻔﻠﻮﻧﺰﺍ ﺗﻌﺮﻑ ﺷﺘﺴﻮﻱ ﺑﺎﻟﺠﺴﻢ
ﻛﺎﻟﺖ ﺑﻴﺒﻲ
.. ﺣﻘﺞ ﻭﺍﻟﻠﻪ ﺣﺒﻮﺑﻪ ﻫﺬﺍ ﻛﻠﻪ ﻣﻦ ﻭﺭﻩ ﺍﻟﺴﺒﺢ ﻛﻞ ﻋﺮﻭﺱ ﺟﺪﻳﺪﻩ ﻫﻴﺞ ﻳﺼﻴﺮ ﻭﻳﺎﻫﺎ
ﻛﺎﻟﻠﻬﺎ ﻫﺠﺮﺱ
.. ﺑﻴﺒﻲ
ﺧﺰﺭﻫﺎ ﺑﺎﻭﻋﺘﻠﻪ
.. ﺍﻭﻭ ﻭﺟﻌﺔ ﺍﺑﻴﻲ ﺷﺒﻴﻚ ﺷﺤﺠﻴﺖ ﺍﻧﻪ
ﻛﺎﻝ ﺑﺎﺑﺎ
.. ﺑﺎﺑﺎ ﺳﻼﻣﺘﺞ ﻣﺎ ﺭﺍﻳﺪ ﺷﻲ ﺭﻭﺣﻲ ﻧﺎﻣﻲ
ﻛﻤﺖ ﻛﺎﻟﺖ ﺑﻴﺒﻲ
.. ﺗﻌﺎﻟﻲ ﻋﻨﺪﻱ ﺑﺼﻴﺮﻩ ‏( ﺣﺠﺎﻳﻪ ‏) ﻭﻳﺎﺝ
ﺍﺟﻴﺖ ﻳﻤﻬﺎ ﻛﺎﻟﺖ ﺑﺼﻮﺕ ﻧﺎﺻﻲ
.. ﺣﺒﻮﺑﻪ ﺑﻌﺪ ﺭﻭﻳﺤﺘﻲ ﻫﺎﻱ ﻋﻤﺘﺞ ﺟﺎﻳﺸﻪ ﺍﻟﺠﻮﺍﻳﺶ ﻣﺘﺎﻧﻴﻪ ﺷﻮﻛﺖ ﺗﺨﻠﺺ ﺍﻟﺴﺒﻌﻪ ﻭﺗﻜﺮﺏ ﻋﻠﻴﺞ ﺑﺎﺟﺮ ﺍﻛﻌﺪﻱ ﻣﻦ ﺍﻟﺼﺒﺢ ﻋﺎﻭﻧﻴﻬﺎ ﻭﺍﻧﻲ ﺍﺧﻠﻲ ﻓﻄﻴﻢ ﺗﻌﺎﻭﻧﺞ ﺧﻮﺵ ﺣﺒﻮﺑﻪ ؟
.. ﺻﺎﺭ ﺑﻴﺒﻲ
.. ﺍﻱ ﻳﺒﻌﺪ ﺑﻴﺘﻲ ﺗﺮﻭﺣﻠﺞ ﻓﺪﻭﻩ ﺳﻌﺪﻳﻪ .. ﺭﻭﺣﻲ ﺗﺼﺒﺤﻴﻦ ﻋﻠﻰ ﻋﺎﻓﻴﻪ
.. ﻭﺍﻧﺘﻲ ﻣﻦ ﺍﻫﻠﻪ ﺑﻴﺒﻲ
ﻋﻔﺘﻬﻢ ﻭﺭﺣﺖ ﻟﻠﻐﺮﻓﻪ ﺣﺘﻰ ﻣﺎ ﺳﺒﺤﺖ ﺟﻨﺖ ﻛﻠﺶ ﺗﻌﺒﺎﻧﻪ ﺑﺪﻟﺖ ﻣﻼﺑﺴﻲ ﻭﻟﺒﺴﺖ ﺩﺷﺪﺍﺷﻪ ﺭﺑﻊ ﺭﺩﺍﻥ ﻗﺼﻴﺮﻩ ﻭﻧﻤﺖ ... ﻭﺭﻩ ﻣﺪﻩ ﻣﻦ ﺍﻟﺰﻣﻦ ﺣﺴﻴﺖ ﺑﺄﻳﺪ ﺣﺎﻭﻃﺘﻨﻲ ﻣﻦ ﺧﺼﺮﻱ ﺟﻨﺖ ﻧﻌﺴﺎﻧﻪ ﻛﻠﺶ ﺑﺲ ﻛﻮﻩ ﻓﺘﺤﺖ ﻋﻴﻮﻧﻲ ﺑﺎﻭﻋﺖ ﻫﺎﻱ ﺍﻳﺪ ﻫﺠﺮﺱ ﻋﺮﻓﺘﻬﺎ ﻣﻦ ﻣﺤﺎﺑﺴﻪ ﺍﻟﻠﻲ ﺑﺄﻳﺪﻩ ﻭﺣﻂ ﻭﺟﻬﻪ ﺑﺸﻌﺮﻱ ... ﻣﺎ ﻛﺪﺭﺕ ﺍﺣﺮﻙ ﺳﺎﻛﻦ ﺟﻨﺖ ﻛﻠﺶ ﻧﻌﺴﺎﻧﻪ ﺭﺟﻌﺖ ﻏﻔﻴﺖ ﻭﻣﺎ ﺣﺴﻴﺖ ﺑﺸﻲ ﻟﻠﺼﺒﺢ
# mariam-almusawi