حب هجرسي (مكتمله)

14

بارت١٤

ﻓﺘﺤﺖ ﻋﻴﻮﻧﻲ ﻟﻜﻴﺖ ﻧﻔﺴﻲ ﺑﺤﻀﻦ ﻫﺠﺮﺱ ﻭﻭﺟﻬﻲ ﺑﺼﺪﺭﻩ ﻋﺰﻩ ﺷﻜﺪ ﻋﻴﺐ ﻫﺴﻪ ﺷﻴﻜﻮﻝ ﻋﻠﻴﻪ
ﺍﺭﻳﺪ ﺍﻭﺧﺮ ﻣﺎ ﺍﻛﺪﺭ ﻛﺎﻥ ﻣﺤﺎﻭﻃﻨﻲ ﺑﺄﻳﺪﻳﻪ ﺍﺭﻳﺪ ﺍﺑﻌﺪ ﺍﻳﺪﻳﻪ ﻣﺎ ﺍﻛﺪﺭ
ﻓﺘﺢ ﻋﻴﻮﻧﻪ ﺟﻤﺪﺕ ﺑﻤﻜﺎﻧﻲ ﺑﺎﺱ ﻛﺼﺘﻲ ﻭﺣﻀﻨﻨﻲ ﺍﻗﻮﻩ ﻣﺎ ﺣﺠﻪ ﻭﻻ ﻛﻠﻤﻪ ﺍﻧﻲ ﻫﻢ ﻭﺟﻬﻲ ﻣﺪﻓﻮﻥ ﺑﺼﺪﺭﻩ ﻭﺍﺷﻢ ﺑﻌﻄﺮﻩ ﺍﻟﻜﺘﻠﻨﻲ
ﻛﺘﻠﻪ
.. ﻫﺠﺮﺱ ﺍﺭﻳﺪ ﺍﻛﻮﻡ
.. ﺍﺷﺸﺶ ﺧﻠﻴﺞ ﺷﻮﻳﻪ ﺣﺒﺎﺑﻪ
ﻣﺎﻛﺪﺭﺕ ﺍﻋﺎﺭﺿﻪ ﺑﺲ ﻣﺎ ﺍﻋﺮﻑ ﻟﻴﺶ ﺣﺴﻴﺖ ﺑﺮﺍﺣﻪ ﺑﺤﻀﻨﻪ ﻭﺭﺟﻌﺖ ﻏﻔﻴﺖ * ﻣﺮﻳﻢ ﺍﻟﻤﻮﺳﻮﻱ *
ﻛﻌﺪﺕ ﻟﻜﻴﺖ ﻫﺠﺮﺱ ﻣﺎ ﻣﻮﺟﻮﺩ ﺑﺎﻭﻋﺖ ﻟﻠﺴﺎﻋﻪ ﺏ٧ ... ﻏﺴﻠﺖ ﻭﺟﻬﻲ ﻭﻓﺮﺷﺖ ﺍﺳﻨﺎﻧﻲ ﻭﺑﺪﻟﺖ ﺩﺷﺪﺍﺷﺘﻲ ﻭﺷﺎﻟﻲ ﻭﻧﺰﻟﺖ
ﻟﻜﻴﺖ ﻫﺠﺮﺱ ﺩﺍ ﻳﺘﺮﻳﻚ ﻭﺍﻟﻜﻞ ﻛﺎﻋﺪ ﻋﺪﺍ ﻓﻄﻮﻡ ﻭﺑﺎﺑﺎ ﻛﻠﺖ
.. ﺻﺒﺎﺡ ﺍﻟﺨﻴﺮ
ﺍﻟﻜﻞ
.. ﺻﺒﺎﺡ ﺍﻟﻨﻮﺭ
ﻛﺎﻝ ﻫﺠﺮﺱ
.. ﺗﻌﺎﻱ ﻛَﻌﺪﻱ ﻳﻤﻲ ﺗﺮﻳﻜَﻲ
ﻛﺎﻟﺖ ﻋﻤﺘﻲ
.. ﺑﻌﺪ ﻭﻛﺖ ﻣﺎ ﺑﻘﻴﺖ ﻧﺎﻳﻤﻪ ﻳﺎ ﺍﻻﻣﻴﺮﻩ
ﺻﺎﺡ ﺑﻴﻬﺎ ﻋﻤﻮ
.. ﺳﻌﺪﻳﻪ !!!
.. ﻭﺍﻟﻠﻪ ﻣﺮﻩ ﻏﻴﺮ ﺗﻜﻌﺪ ﻣﻦ ﺍﻟﺼﺒﺢ ﺗﺮﻳﻚَ ﺭﺟﻠﻬﺎ ﺗﺸﻮﻓﻠﻪ ﻏﺮﻳﻀﺎﺗﻪ ﻣﻦ ﺷﻮﻛﺖ ﺍﻟﺮﺟﺎﻝ ﻳﻜﻌﺪ ﻗﺒﻞ ﺍﻟﻤﺮﻩ
ﻛﺎﻟﻠﻬﺎ ﻫﺠﺮﺱ
.. ﻳﻤﻪ ﻫﻲ ﺭﺍﺩﺕ ﺗﻜﻌﺪ ﻭﺍﻧﻲ ﻣﺎ ﺧﻠﻴﺘﻬﺎ ﻛﻠﺖ ﺧﻄﻴﻪ ﻋﻠﻰ ﺷﻨﻮ ﺗﻜﻌﺪ ﻫﻲ ﺑﻴﻀﻪ ﺭﻳﻮﻙ ﺣﺎﻟﻲ ﺣﺎﻟﻜﻢ ﻣﺜﻞ ﻗﺒﻞ ﺍﻛﻠﻬﺎ ﻭﺍﻃﻠﻊ ﻭﻫﻲ ﺷﻮﻳﻪ ﺷﻮﻳﻪ ﺗﺘﻌﻠﻢ ﻭﺍﺫﺍ ﻉ ﺍﻟﺮﻳﻮﻙ ﻫﺎﻱ ﻫﻲ ﺷﺒﻌﺖ ﻭﺭﺣﻤﻪ ﺍﻟﻠﻪ ﻭﺍﻟﺪﻳﺞ
ﻋﺎﻓﻬﺎ ﻭﻛﺎﻡ ﻟﻠﻐﺮﻓﻪ ﻛﺎﻟﺘﻠﻬﺎ ﺑﻴﺒﻲ
.. ﺍﺭﺗﺎﺣﻴﺘﻲ ﻫﺴﻪ ﻳﺎ ﺍﻟﻌﺮﻣﻪ ﺍﻻ ﺗﻜﺮﻫﻴﻦ ﺍﺑﻨﺞ ﺑﻴﺞ ؟ ... ﻓﺮﺧﻪ ﺑﻌﺪﻫﻲ ﻋﻈﻤﻬﺎ ﺭﺧﻲ ﻭﻣﺎ ﻣﺘﻌﻠﻤﻪ ﻋﻠﻰ ﺷﻐﻠﻨﻪ ﺷﻴﺼﻴﺮ ﻟﻮ ﺗﻌﻠﻤﻴﻬﺎ ﻭﺗﺎﺧﺬﻳﻬﺎ ﺗﺤﺖ ﺍﺑﺎﻃﺞ ﻣﺜﻞ ﺍﺑﻨﻴﺎﺗﺞ ... ﺳﻠﻴﻤﻪ ﺍﻟﺘﻄﻤﺞ ﻛﻮﻥ .... ﻛﻮﻣﻲ ﺣﺒﻮﺑﻪ ﻛﻮﻣﻲ ﺷﻮﻓﻲ ﺭﺟﻠﺞ ﺷﻴﺮﻳﺪ
ﻫﺰﻳﺖ ﺭﺍﺳﻲ ﻭﻛﻤﺖ ﺳﻤﻌﺖ ﻫﺎﺷﻢ ﻳﻜﻠﻠﻬﺎ
.. ﺑﺪﻥ ﺳﻮﺍﻟﻒ ﺍﻟﻌﻤﻪ ﻭﺍﻟﺠﻨﻪ ﻣﺎ ﺗﺨﻠﺺ ﻫﺎﻱ ﺿﺎﻭﻳﻪ
ﺻﻌﺪﺕ ﺍﻟﺪﺭﺝ ﺻﺪﻙ ﺑﺴﺎﻋﺘﻬﺎ ﻓﺮﺣﺖ ﺍﻧﻪ ﺩﺍﻓﻊ ﻋﻨﻲ ﻛﺪﺍﻡ ﺍﻟﻜﻞ ﻭﻣﺎ ﺍﻧﻄﻪ ﺑﻴﻪ ﺍﻭ ﺳﻜﺖ
ﺭﺣﺖ ﻟﻠﻐﺮﻓﻪ ﻟﻜﻴﺘﻪ ﻳﺒﺪﻝ ﺑﺪﺷﺪﺍﺷﺘﻪ ﻭﻳﺪﻛَﻢ ﺑﺮﺩﺍﻧﻬﺎ ﺗﻘﺮﺑﺖ ﻣﻨﻪ ﻭﻛَﻤﺖ ﺍﺩﻛَﻢ ﺑﺪﻛَﻢ ﺍﻟﺼﺪﺭ ﻣﺎﻝ ﺍﻟﺪﺷﺪﺍﺷﻪ
ﻫﻮ ﺑﺎﻭﻋﻠﻲ ﻭﻏﻤﺰﻟﻲ ﻭﻫﺰ ﺭﺍﺳﻪ ﺑﺘﺴﺎﺅﻝ ﺑﻤﻌﻨﻰ ﺷﻜﻮ
ﻛﺘﻠﻪ
.. ﺷﻜﺮﺍ ﻫﺠﺮﺱ ﻻﻥ ﻣﺎ ﺍﻧﻄﻴﺖ ﺑﻴﻪ ﻛﺪﺍﻡ ﺍﻫﻠﻚ
.. ﺷﻮﻓﻲ ﺟﻴﻼﻥ ﺍﻧﺘﻲ ﻣﻌﺰﺗﺞ ﺑﻜَﻠﺒﻲ ﺑﺲ ﺍﻟﻠﻪ ﺍﻟﻴﺪﺭﻱ ﺑﻴﻬﺎ .. ﻭﺍﻣﻲ ﻣﻌﺰﺗﻬﺎ ﺑﺎﻟﻜﻔﻪ ﺍﻟﺜﺎﻧﻴﻪ .. ﻓﺮﺟﺎﺀﺍ ﺍﻃﻠﺒﻪ ﻃﻠﺐ ﻣﻨﺞ ﺍﻱ ﺷﻲ ﺗﺤﺠﻴﻪ ﺍﻣﻲ ﺍﻭ ﺗﻐﺜﺞ ﺑﻴﻪ ﻻ ﺗﺠﺎﻭﺑﻴﻬﺎ ﺍﺣﺴﺒﻴﻬﺎ ﻣﺜﻞ ﺍﻣﺞ ﺍﻟﻠﻪ ﻳﺮﺣﻤﻬﺎ ﻭﺍﺫﺍ ﺳﻮﺕ ﺷﻲ ﻭﻳﺎﺝ ﺿﺎﻳﻘﺞ ﺗﻌﺎﻱ ﻛَﻠﻴﻠﻲ ﺍﻧﻲ ﻻ ﺗﺤﺠﻴﻦ ﻭﻳﺎﻫﺎ ﺍﻱ ﺷﻲ ﻣﻤﻜﻦ ؟
ﻫﺰﻳﺘﻠﻪ ﺭﺍﺳﻲ ﻭﺍﺑﺘﺴﻤﺘﻠﻪ ﻭﻛﺘﻠﻪ
.. ﺻﺎﺭ
ﺍﺑﺘﺴﻤﻠﻲ ﻭﺑﺎﺱ ﺧﺪﻱ ﺍﻧﻲ ﺣﺴﻴﺖ ﺑﺮﺟﻔﻪ ﺑﻘﻠﺒﻲ ﻛﺎﻝ
.. ﺷﻜﺮﺍ
ﺍﺭﺗﺒﻜﺖ ﻣﻦ ﺍﻟﺴﻮﺍﻩ ﺭﺣﺖ ﺍﺧﺬﺕ ﺍﻟﻌﻄﺮ ﻣﺎﻟﺘﻪ ﻗﺮﻳﺖ ﺍﺳﻤﻪ ‏( tomford ‏) ﻭﺭﺷﻴﺖ ﻉ ﻣﻼﺑﺴﻪ ﺷﻮﻳﻪ ﻛﺘﻠﻪ
.. ﺑﺎﻟﻤﻨﺎﺳﺒﻪ ﻳﺨﺒﻞ ﻋﻄﺮﻙ
ﺍﺧﺬ ﺍﻟﺸﻤﺎﻍ ﻣﺎﻟﺘﻪ ﻭﺍﻟﻌﻜﺎﻝ ﻟﺒﺴﻬﻢ ﻭﺿﺤﻚ ﻭﻛﺎﻝ
.. ﺗﺪﺭﻳﻦ ﻫﺬﺍ ﺳﻌﺮﻩ ﻛﻠﻪ ﺑﺎﻟﺪﻭﻻﺭ ﺍﺟﻴﺒﻪ ﺍﻗﻄﺮ ﺑﻴﻪ ﺗﻘﻄﺮ ﻋﻠﻰ ﻣﻼﺑﺴﻲ ﺣﺘﻰ ﻣﺎ ﻳﺨﻠﺺ
.. ﻟﻮ ﺍﺩﺭﻱ ﺑﻴﻪ ﺑﺎﻟﺪﻭﻻﺭ ﺟﺎﻥ ﺳﺒﺤﺘﻚ ﺑﻴﻪ
ﺑﺎﻭﻋﻠﻲ ﻭﺿﺤﻚ ﺿﺤﻜﺘﻪ ﺍﻟﺤﻠﻮﻩ
.. ﺍﻧﺘﻲ ﺍﻟﻈﺎﻫﺮ ﻃﻠﻌﺖ ﻋﻴﻨﺞ ﺗﻌﺎﻱ ﻳﻤﻲ
ﺍﻧﻲ ﺷﺮﺩﺕ ﻭﺿﺤﻜﺖ ﻭﻫﻮ ﺭﻛﺾ ﻭﺭﺍﻱ ﺭﺩﺕ ﺍﻃﻠﻊ ﻣﻦ ﺑﺎﺏ ﺍﻟﻐﺮﻓﻪ ﺳﺪﻫﺎ ﻭﻗﻔﻞ ﺍﻟﺒﺎﺏ ﺻﻌﺪﺕ ﻉ ﺍﻟﺠﺮﺑﺎﻳﻪ ﻛﺘﻠﻪ
.. ﺍﺫﺍ ﻣﺎ ﺍﻧﻄﻴﺘﻨﻲ ﺍﻟﻤﻔﺘﺎﺡ ﺍﺭﺷﻪ ﻛﻠﻪ ﺑﺎﻟﻐﺮﻓﻪ ﻭﺍﻟﻠﻪ
.. ﺭﺷﻲ ﻭﺷﻮﻓﻲ ﺷﺄﺳﻮﻱ ﺑﻴﺞ ﺷﻮﻓﻲ ﻫﺬﺍ ﻣﻮﺑﺎﻳﻠﺞ ‏( ﺍﺧﺬ ﻣﻮﺑﺎﻳﻠﻲ ‏) ﺍﻣﺴﺢ ﻛﻞ ﺍﻟﺼﻮﺭ ﻭﺍﻟﺮﺳﺎﺋﻞ ﺍﻟﺒﻴﻪ
.. ﻣﺎ ﺗﻌﺮﻑ ﺍﻟﺮﻣﺰ
.. ﺍﻛﻮ ﺷﻲ ﻳﺨﻔﻰ ﻋﻠﻴﻪ
ﺷﻔﺘﻪ ﺩﻙ ﺍﺭﻗﺎﻡ ﻭﻓﺘﺢ ﺟﻬﺎﺯﻱ ﻭﺍﻧﻲ ﺗﺨﺒﻠﺖ ﻧﺰﻟﺖ ﻣﻦ ﺍﻟﺠﺮﺑﺎﻳﻪ ﺭﻛﺾ
.. ﻻ ﻻ ﻻ ﺣﺒﺎﺏ .. ﻫﺬﺍ ﺍﺧﺬﻩ ﻭﺍﻟﻠﻪ ﻣﺎﻟﻲ ﻋﻼﻗﻪ ﺑﻴﻪ ﻛﻠﺸﻲ ﻭﻻ ﺟﻬﺎﺯﻱ
ﺿﺤﻚ ﺿﺤﻜﻪ ﻗﻮﻳﻪ ﻭﻟﺰﻣﻨﻲ ﻣﻦ ﺯﻧﺪﻱ ﻭﺳﻨﺪ ﻇﻬﺮﻱ ﻉ ﺍﻟﻜﻨﺘﻮﺭ ﻭﺗﻘﺮﺏ ﻣﻨﻲ ﻭﻫﻮ ﻳﺨﻔﻒ ﺿﺤﻜﺘﻪ ﻭﻳﺒﺎﻭﻋﻠﻲ ﺑﻨﻈﺮﺍﺕ ﻏﺮﻳﺒﻪ
ﺣﺠﻴﺖ ﺑﺼﻮﺕ ﻳﺮﺟﻒ
.. ﻩ .. ﻫﺠﺮﺱ
.. ﻋﻴﻮﻧﻪ ﻟﻬﺠﺮﺱ
.. ﺣﺒﺎﺏ
ﻣﺪ ﺍﺻﺎﺑﻴﻌﻪ ﻋﻠﻰ ﺧﺪﻱ ﻭﻋﻠﻰ ﺷﻔﺘﻲ ﻏﻤﻀﺖ ﻋﻴﻮﻧﻲ ﻣﺎ ﺍﻋﺮﻑ ﺷﻨﻮ ﺟﻨﺖ ﺍﺭﻳﺪ ﺑﺲ ﺟﻨﺖ ﺍﺣﺲ ﺑﺨﻮﻑ ﺑﺴﺎﻋﺘﻬﺎ
ﺗﻘﺮﺏ ﻭﺍﺧﺬ ﺷﻔﺘﻲ ﺑﻴﻦ ﺷﻔﺎﻳﻔﻪ ﺍﻭﻝ ﻣﺮﻩ ﺍﺣﺲ ﺑﻄﻌﻢ ﻫﻴﺞ ﺣﻠﻮ ﻭﻏﺮﻳﺐ ﻛﺎﻧﺖ ﺑﻮﺳﻪ ﻣﺜﻞ ﺍﻟﺒﻨﺞ ﺍﻟﻌﺎﻡ ﻣﺨﺪﺭﻩ
ﺍﻻﺣﺴﺎﺱ ﺍﻟﻠﻲ ﺣﺴﻴﺘﻪ ﺑﺴﺎﻋﺘﻬﺎ ﺭﺟﻔﻪ ﺑﻘﻠﺒﻲ ﻭﺩﻛﺎﺗﻪ ﺗﺴﺎﺭﻋﺖ ﻭﺣﺮﺍﺭﻩ ﺑﺠﺴﻤﻲ ﺣﺴﻴﺖ ﺑﻨﻔﺴﻲ ﻓﻘﺪﺕ ﺍﻟﺘﻮﺍﺯﻥ ﺭﺩﺕ ﺍﻭﻛﻊ ﻗﻄﻌﻬﺎ ﻭ ﻟﺰﻣﻨﻲ ﺑﺨﻮﻑ ﻭﻛﺎﻝ
.. ﺍﻟﻠﻪ .. ﺍﻟﻠﻪ
ﺩﻓﻌﺘﻪ ﻭﺍﻧﻲ ﻛَﻠﺒﻲ ﻳﺪﻙ ﺍﻟﻒ ﺩﻛَﻪ
.. ﻫﺠﺮﺱ ﺷﺘﻔﻘﻨﻪ ؟
ﻋﺪﻝ ﻧﻔﺴﻪ ﻭﺑﺎﻭﻋﻠﻲ ﺑﺤﺪﻩ ﻛﺎﻝ
.. ﺟﻴﻼﻥ ﻻ ﺗﻠﻮﻣﻴﻨﻲ ﻋﻠﻰ ﺷﻲ ﻣﻮ ﺑﺄﻳﺪﻱ ... ﻛﻠﺸﻲ ﺑﻴﺞ ﺣﻠﻮ ﻋﻄﺮﺝ ﻭﺟﺴﻤﺞ ﻭﻋﻴﻮﻧﺞ ﻭﻭﺟﻬﺞ ﻭ ......
.. ﻛﺎﺍﺍﺍﺍﺍﺍﺍﺍﻓﻲ ﻫﺠﺮﺱ
ﻛﻤﺖ ﺍﻟﻬﺚ ﻛﻨﺖ ﺧﺎﻳﻔﻪ ﻛﻠﺶ ﻣﻮ ﻣﻨﻪ ﺑﺲ ﺍﻛﻮ ﺷﻲ ﻣﺨﻮﻓﻨﻲ ﻫﻮ ﻫﻢ ﺳﻜﺖ ﻭﺍﺧﺬ ﻣﻔﺎﺗﻴﺢ ﺍﻟﺴﻴﺎﺭﻩ ﻭﻋﺎﻓﻨﻲ ﻭﻃﻠﻊ
Mariam_almusawi
ﻛﻌﺪﺕ ﻭﻧﺰﻟﺖ ﺩﻣﻌﺘﻲ ﻳﺎ ﺭﺑﻲ ﻟﻴﺶ ﻫﻴﺠﻲ ﺩﺍ ﻳﺼﻴﺮ ﻭﻳﺎﻱ ﺍﻧﻲ ﺩﺍ ﺍﺣﺎﻭﻝ ﺍﺗﻘﺒﻠﻪ ﺑﺤﻴﺎﺗﻲ ﻭﻫﺴﺘﻮﻫﺎ ﺟﺎﻱ ﺗﻨﺼﻠﺢ ﺍﺣﻮﺍﻟﻨﻪ ﺍﻧﻲ ﻭﻳﺎﻩ ﻭﻫﺬﺍ ﺣﻘﻪ ﺍﻟﺸﺮﻋﻲ ﻻﺯﻡ ﻣﺎ ﺍﻣﻨﻌﻪ ﻋﻨﻪ ﺷﺴﻮﻳﺖ ﺍﻧﻲ ؟
ﻛﻤﺖ ﻏﺴﻠﺖ ﻭﺟﻬﻲ ﻭﺍﺧﺬﺕ ﺍﻟﻤﻼﺑﺲ ﺍﻟﻮﺻﺨﻪ ﻭﻧﺰﻟﺖ ﻟﻐﺮﻓﺔ ﺑﺎﺑﺎ ﻟﻜﻴﺘﻪ ﺑﻌﺪﻩ ﻧﺎﻳﻢ ﺭﺣﺖ ﻳﻤﻪ ﺗﻘﺮﺑﺖ ﺷﻔﺘﻪ ﻳﺘﻨﻔﺲ ﺍﺭﺗﺎﺣﻴﺖ
ﺍﺧﺬﺕ ﻣﻼﺑﺴﻪ ﺍﻟﻮﺻﺨﻪ ﻭﻃﻠﻌﺖ ﺫﺑﻴﺘﻬﻦ ﺑﺎﻟﻐﺴﺎﻟﻪ ﻭﺭﺣﺖ ﺳﻮﻳﺖ ﺭﻳﻮﻙ ﻭﻛﻌﺪﺕ ﺍﺗﺮﻳﻚ ﻳﻢ ﺑﻴﺒﻲ ﻛﺎﻟﺖ
.. ﻫﺎ ﺟﻮﻳﻠﻪ ﻟﺴﻪ ﻣﺎ ﺗﺮﻳﻜَﺘﻲ ﺣﺒﻮﺑﻪ
.. ﻻ ﺑﻴﺒﻲ ﻭﺩﻳﺖ ﻫﺠﺮﺱ ﻟﻠﺸﻐﻞ ﻭﻫﺴﺘﻮﻧﻲ ﻧﺰﻟﺖ ﺷﻔﺖ ﺑﺎﺑﺎ ﻭﺍﺟﻴﺖ ﺍﻛﻞ
.. ﺷﻠﻮﻧﻪ ﺍﺑﻴﺞ ﺑﻌﺪﻩ ﻧﺎﻳﻢ
.. ﺍﻱ ﺑﻴﺒﻲ ﺑﻌﺪﻩ
.. ﻋﻤﺔ ﻋﻴﻨﻲ ﻋﻠﻴﻚ ﻳﻤﻪ .. ﺍﻛﻠﺞ ﺣﺒﻮﺑﻪ ﺗﻌﺎﻱ ﺣﺬﺍﻱ
ﺍﺩﻧﻴﺖ ﻳﻤﻬﺎ ﻛﺎﻟﺖ
.. ﻫﺬﺍ ﺍﻟﻤﺴﻮﺩﻥ ﺷﻠﻮﻧﻪ ﻭﻳﺎﺝ
ﺍﺑﺘﺴﻤﺖ ﻭﻛﺘﻠﻬﺎ
.. ﺯﻳﻦ ﺑﻴﺒﻲ ﺣﺒﺎﺏ ﻭﻳﺎﻱ
.. ﺧﻮ ﻣﺎ ﺗﺪﻧﺎﻟﺞ ﺑﻌﺪ ؟
.. ﻻ ﺑﻴﺒﻲ ﺑﻌﺪﻧﻲ ﻣﺘﺄﺫﻳﻪ ﻭﻳﻨﻲ ﻭﻳﻦ ﻳﺘﺪﻧﺎﻟﻲ
.. ﺍﻱ ﻋﻔﻴﻪ .... ﺷﻮﻓﻲ ﺣﺒﻮﺑﻪ ﺍﻧﺘﻮ ﺑﻌﺪﻛﻢ ﺑﺪﺍﻳﺔ ﺯﻭﺍﺟﻜﻢ ﺗﺼﻴﺮ ﺑﻴﻨﻜﻢ ﻣﺸﺎﻛﻞ ﺑﺲ ﺍﻥ ﺷﺎﺀ ﺍﻟﻠﻪ ﺗﻌﺪﻱ ﻻﻥ ﻫﺠﺮﺱ ﻛَﻠﺒﻪ ﭼﺒﻴﺮ ﻭﺍﺭﻳﺪﻧﭻ ﺍﻧﺘﻲ ﻫﻢ ﻳﺼﻴﺮ ﻛَﻠﺒﺞ ﺣﻨﻴﻦ ﻋﻠﻴﻪ .. ﺑﺎﻋﻲ ﺣﺒﻮﺑﻪ ﺻﻴﺮﻱ ﻣﺮﻩ ﻧﺎﺩﺭﻩ ﻭﻟﻤﻲ ﺭﺟﻠﺞ .... ﺍﻛﻌﺪﻱ ﻣﻦ ﻏﺒﺸﻪ ﻛَﺒﻠﻪ ﺣﻀﺮﻳﻠﻪ ﻟﻜَﻴﻤﻪ ﺣﻀﺮﻳﻠﻪ ﻫﺪﻳﻤﺎﺗﻪ ﻣﻦ ﺗﻜًﻌﺪﻳﻪ ﺍﺧﺬﻳﻠﺞ ﻣﻄﻜَﻪ ﻣﻨﻪ ‏( ﺑﻮﺳﻪ ‏) ﻣﻦ ﻳﻄﻠﻊ ﻭﺻﻠﻴﻪ ﻟﺒﺎﺏ ﺍﻟﺤﻮﺵ ﻣﻦ ﻳﺮﺟﻊ ﻣﻦ ﺷﻐﻠﻪ ﺗﻌﺒﺎﻥ ﺗﺰﻭﻛَﻲ ‏( ﺗﻤﻜﻴﺠﻲ ‏) ﻭﺑﺪﻟﻲ ﻣﻼﺑﺲ ﺗﺸﺮﺡ ﺍﻟﻜَﻠﺐ ﻣﻮﺵ ﻻﺑﺴﺘﻠﻲ ﺩﺷﺪﺍﺷﻪ ﭼﻨﭻ ﻣﺠﺒﻞ ‏( ﻭﺍﺣﺪ ﺑﺎﻟﻤﻨﻄﻘﻪ ﻣﺨﺒﻞ ‏) ﺍﻧﺘﻲ ﺑﻌﺪﺝ ﺣﺪﻳﺜﻪ ﻭﻋﺮﻭﺱ ﺟﺎ ﻫﺎﻱ ﺍﻟﻤﻼﺑﺲ ﺍﻟﻨﺎﺿﺪﺗﻬﻦ ﺑﺎﻟﻜﻨﺘﻮﺭ ﺍﻟﻤﻦ ﺟﺎﻳﺒﺘﻬﻦ ﻟﺸﻴﺐ ﺍﺑﻮﻱ .. ﺗﻠﻜَﻴﻪ ﻟﺮﺟﻠﺞ ﺷﻤﻴﻪ ﺑﻮﺳﻴﻪ ﺩﻟﻠﻴﻪ ﺷﻤﺎﻟﺠﻦ ﻳﺎ ﺣﻈﻲ ﺑﻨﺎﻭﻳﺖ ﻫﺎﻟﻮﻛﺖ
ﺑﻬﺎﻻﺛﻨﺎﺀ ﺩﺧﻠﺖ ﻓﻄﻮﻣﻪ
.. ﺻﺒﺎﺡ ﺍﻟﺨﻴﺮ
.. ﺻﺒﺎﺡ ﺍﻟﻨﻮﺭ ﺍﻛﻌﺪﻱ ﺍﺗﺮﻳﻜﻲ ﻭﻳﺎﻱ ..
ﺍﻧﺪﺍﺭﻳﺖ ﻉ ﺑﻴﺒﻲ
.. ﺑﻴﺒﻲ ﺷﻠﻮﻥ ﺟﻨﺘﻲ ﺗﺪﻟﻠﻴﻦ ﺯﻟﻤﻜﻢ ﻗﺒﻞ ﺧﻠﻲ ﻧﺘﻌﻠﻢ ﻣﻨﺞ
ﻭﻛﺮﺻﺖ ﻓﻄﻮﻡ ﻛﺮﺻﻪ ﺧﻔﻴﻔﻪ ﺑﻤﻌﻨﻰ ﺍﻧﺘﺒﻬﻲ
ﻛﺎﻟﺖ ﺑﻴﺒﻲ
.. ﭼﻨﻨﻪ ﻗﺒﻞ ﻧﻜَﻌﺪ ﻣﻦ ﺻﺒﺎﺣﻴﺔ ﺍﻟﻠﻪ ﻭﺍﺳﻮﻱ ﻟﻜَﻴﻤﻪ ﻟﺠﺪﺝ ﻭﻧﻄﻠﻊ ﺍﻧﻲ ﻭﻳﺎﻩ ﻟﻠﻜَﺎﻉ ﻧﺰﺭﻉ ﻟﻮ ﻧﺤﺼﺪ ﻧﻜَﻀﻴﻬﺎ ﺿﺤﻚ ﻭﺳﻮﺍﻟﻒ ﻭﻣﺮﺍﺕ ﺍﺫﺍ ﻭﺣﺪﻧﻪ ﺑﺎﻟﻜَﺎﻉ ﺟﺪﺝ ﻳﺎﺧﺬﻟﻪ ﻣﺠﻌﻪ ﻣﻨﻲ ‏( ﻳﻌﻨﻲ ﺑﻮﺳﻪ ‏) ﻧﺨﻠﺺ ﺷﻐﻠﻨﻪ ﺍﺟﻲ ﺍﺷﻮﻑ ﺍﻟﻤﻔﺮﺧﻪ ﻣﺎﻟﺘﻲ ﺷﻤﺤﺘﺎﺟﻴﻦ ﻭﺍﺭﻭﺡ ﺍﻛَﻌﺪ ﻳﻤﻪ ﻟﻮ ﺷﺎﻳﻔﻪ ﺑﺎﻟﻠﻴﻞ ﺷﺄﻟﺒﺴﻠﻪ .. ﻛﻠﻪ ﻟﺒﺴﺎﻥ ﺑﺎﺯﻩ ......
ﻣﺎ ﺍﺣﺲ ﻏﻴﺮ ﺍﻟﻠﻜَﻤﻪ ﻃﺎﺭﺕ ﻣﻦ ﺣﻠﻚَ ﻓﻄﻮﻡ ﻭﻛَﺎﻡ ﺗﻜَﺢ ﺍﻧﻲ ﺍﺭﻳﺪ ﺍﺳﻜﺖ ﻣﺎ ﺍﻛَﺪﺭ ﻣﻦ ﺍﻟﻀﺤﻚ ﺑﻴﺒﻲ ﻛﺎﻟﺘﻠﻬﺎ
.. ﺍﻭﻭﻭ ﻭﺟﻌﺔ ﺍﺑﻴﻲ ﻛﻮﻥ ﺷﻤﺎﻟﺞ ﻛﻤﺖ ﺗﺘﻔﻠﻴﻦ ﺯﻭﺍﻉ
ﻛﺎﻟﺘﻠﻬﺎ ﻓﻄﻮﻣﻪ
.. ﺑﺸﺮﻓﺞ ﺑﻴﺒﻲ ﺟﻨﺘﻲ ﺗﻠﺒﺴﻴﻦ ﻟﺠﺪﻱ ﻟﺒﺴﺎﻥ ﺑﺎﺯﻩ
.. ﻫﺎﻱ ﺍﻟﻠﺒﺴﺎﻥ ﺍﻟﺒﺎﺯﻩ ﺍﻟﻤﺎ ﻋﺎﺟﺒﺘﺞ ﺟﺎﻧﺖ ﺗﺨﻠﻒ ﺯﻟﻢ ﻭﻧﺴﻮﺍﻥ ﺣﻮﻙ ... ﻣﻮ ﻣﺜﻞ ﻣﻔﺮﺧﺔ ﻫﺎﻟﻮﻛﺖ ﺑﺲ ﺍﻛﻞ ﻭﻧﻮﻡ ﻣﺜﻞ ﺷﻜﻮﻟﺞ ﺿﺎﻟﻪ ﺑﺎﻳﺮﻩ ﻋﻠﻰ ﻛَﻠﺒﻲ
.. ﻭﺍﻟﻌﺒﺎﺱ ﻟﻮ ﺍﺩﺭﻱ ﺑﺮﻭﺣﻲ ﻃﺎﻟﻌﻪ ﻣﻦ ﻟﺒﺎﺱ ﺑﺎﺯﻩ ﺍﻻ ﺍﺑﻘﻰ ﺑﺮﺣﻢ ﺍﻣﻲ ﻭﻣﺎ ﺍﻃﻠﻊ ﻳﺒﻮﻭ ﺳﻮﺩﻩ ﺑﻮﺟﻬﻲ
ﺿﺮﺑﺘﻬﺎ ﺑﺎﻟﻌﺼﺎ ﻋﻠﻰ ﺭﺟﻠﻬﺎ ﻭﺫﻳﺞ ﺻﺎﺣﺖ
.. ﺍﺍﺍﺍﺍﺍﺍﺍﺥ ﺭﺟﻠﻴﻪ ﺍﺣﺘﺮﻛﺖ ﻓﺎﻃﻤﻪ
.. ﺑﺖ ﺍﻟﻤﻄﻲ ﻛَﻮﻣﻲ ﻣﻦ ﺟﺪﺍﻣﻲ ﻻ ﺍﻛَﻀﻲ ﺑﻴﺞ ﺍﻟﺘﻮﺑﻪ ﻭﺍﻟﻌﺒﺎﺱ ﻛَﻮﻣﻲ
ﻛﺎﻣﺖ ﻓﺎﻃﻤﻪ ﻭﻫﻲ ﺗﻌﺮﺝ ﻭﺗﺪﺭﺩﻡ ﻋﻠﻰ ﺑﻴﺒﻲ ‏( ﺍﻡ ﺍﻟﻠﺒﺴﺎﻥ ﺍﻟﺒﺎﺯﻩ ‏) ﺑﺲ ﻫﻤﺰﻳﻦ ﺑﻴﺒﻲ ﻣﺎ ﺳﻤﻌﺘﻬﺎ ﻭﺍﻧﻲ ﺧﺮﺑﺎﻧﻪ ﺿﺤﻚ
ﻛﻤﺖ ﺷﻠﺖ ﺍﻟﺼﻴﻨﻴﻪ ﻭﺭﺣﺖ ﻟﻠﻤﻄﺒﺦ ﻧﻈﻔﺖ ﺍﻟﻤﻄﺒﺦ ﻭﺭﺣﺖ ﻟﻐﺮﻓﺘﻨﻪ ﻧﻈﻔﺘﻬﺎ ﻭﻃﻠﻌﺖ ﺍﻟﻬﺪﻭﻡ ﻣﻦ ﺍﻟﻐﺴﺎﻟﻪ ﺷﺮﻳﺘﻬﻦ ﻭﺭﺟﻌﺖ ﻟﻐﺮﻓﺔ ﺑﻴﺒﻲ ﻧﻈﻔﺘﻬﺎ ﻭﺭﺣﺖ ﻟﻐﺮﻓﺔ ﺑﺎﺑﺎ ﻛﻌﺪﺗﻪ
Mariam-almusawi
.. ﺻﺒﺎﺡ ﺍﻟﺨﻴﺮ ﺣﺒﻴﺒﻲ
.. ﺻﺒﺎﺡ ﺍﻟﻌﺎﻓﻴﻪ ﺑﺎﺑﺎﺗﻲ ﺷﻨﻮ ﺑﻴﺶ ﺍﻟﺴﺎﻋﻪ ﻫﺴﻪ ؟
.. ﺏ١٠
.. ﺣﻴﻴﻴﻞ ﻏﻴﺮ ﺗﻜﻌﺪﻳﻨﻲ ﻳﺎ ﺑﺎﺑﺎ
.. ﺿﻞ ﺑﺎﻟﻲ ﻳﻤﻚ ﻣﻮ ﻣﻦ ﻋﻮﺍﻳﺪﻙ ﺗﻨﺎﻡ ﻟﻬﻴﺞ ﻭﻛﺖ ﺑﺲ ﻛَﻠﺖ ﺧﻠﻲ ﻳﺮﺗﺎﺡ ﺧﻄﻴﻪ ﺧﺎﻑ ﺗﻌﺒﺎﻥ
.. ﺍﻱ ﻭﺍﻟﻠﻪ ﺑﺎﺑﺎ ﺻﻠﻴﺖ ﺻﻼﺓ ﺍﻟﻠﻴﻞ ﻭﺑﻘﻴﺖ ﻛﺎﻋﺪ
.. ﻳﻠﻪ ﺍﻛﻌﺪ ﺗﺮﻳﻚَ
ﻛﺎﻡ ﺭﺍﺩ ﻳﻮﻛَﻊ ﻟﺰﻣﺘﻪ ﺑﺨﻮﻑ
.. ﺍﺳﻢ ﺍﻟﻠﻪ ﺣﺒﻴﺒﻲ .. ﺷﺒﻴﻚ ؟
.. ﻣﺎ ﺍﻋﺮﻑ ﺷﺒﻴﻪ ﺩﺧﺖ ﺷﻮﻳﻪ
.. ﻳﺠﻮﺯ ﻻﻥ ﻣﺎ ﻣﺎﻛﻞ ﻛﻮﻡ ﺭﺍﺡ ﺍﺳﻮﻳﻠﻚ ﺑﻴﺾ ﻭﻃﻤﺎﻃﻪ ﻭﺯﻳﺘﻮﻥ ﻭﺟﺎﻱ ﻟﻮ ﻣﺸﺘﻬﻲ ﻏﻴﺮ ﺷﻲ ؟
.. ﻻ ﺣﺒﻴﺒﺘﻲ ﻫﺬﺍ ﻫﻮ ﻛﻠﺸﻲ ﻣﻦ ﺍﻳﺪﺝ ﻃﻴﺐ
ﺗﺮﻛﻨﻲ ﻭﺭﺍﺡ ﻳﻐﺴﻞ ﺍﻧﻲ ﺍﺷﻴﻞ ﺑﻔﺮﺍﺷﻪ ﻭﺍﺑﺠﻲ ﻳﺎ ﺭﺑﻲ ﻻ ﺗﺨﺘﺒﺮ ﺻﺒﺮﻱ ﺑﺄﺑﻮﻱ ﺑﺠﺎﻩ ﺍﺳﻤﺎﺀﻙ ﺍﻟﺘﺎﻣﺎﺕ ﺷﺎﻓﻴﻪ ﺭﺍﺿﻴﻪ ﺑﻜﻞ ﺣﻜﻤﻚ ﺑﺲ ﻻ ﺗﺤﻜﻢ ﻋﻠﻴﻪ ﺑﺄﺑﻮﻱ ﻣﻦ ﻋﻤﺮﻱ ﻋﻠﻰ ﻋﻤﺮﻩ
ﺭﺣﺖ ﺳﻮﻳﺘﻠﻪ ﺭﻳﻮﻙَ ﻣﺮﺓ ﻋﻤﻲ ﻛَﺎﻟﺘﻠﻲ
.. ﺧﻠﺼﻲ ﻭﻏﺴﻠﻲ ﺍﻟﺤﻮﺵ ﻭﻳﺎﺝ
.. ﺻﺎﺭ ﻋﻤﻪ
ﺩﺧﻞ ﻋﻤﻲ ﺷﺎﻳﻞ ﺍﻟﻤﺴﻮﺍﻙ ﻛﺎﻟﺘﻠﻲ ﻋﻤﺘﻲ
.. ﺭﺗﺒﻲ ﺍﻟﻤﺴﻮﺍﻙَ ﺑﺎﻟﺜﻼﺟﻪ
.. ﺻﺎﺭ
ﺭﺗﺒﺖ ﺍﻟﻤﺴﻮﺍﻙ ﻭﺻﺒﻴﺖ ﻟﺒﺎﺑﺎ ﺍﻟﺮﻳﻮﻙ ﻳﻢ ﺑﻴﺒﻲ ﻭﺻﻌﺪﺕ ﻟﻐﺮﻓﺘﻲ ﻛﻠﺖ ﻻﺯﻡ ﺍﺧﺎﺑﺮ ﻫﺠﺮﺱ ﺧﻄﻴﻪ ﺍﻟﻴﻮﻡ ﻗﻬﺮﺗﻪ ﺑﺪﻭﻥ ﻗﺼﺪ
ﺩﻛﻴﺖ ﺑﻌﺪﻳﻦ ﻛﻠﺖ ﻓﺸﻠﻪ ﻫﺴﻪ ﺷﻴﻜَﻮﻝ ﻋﻠﻴﻪ ﺭﺩﺕ ﺍﻓﺼﻠﻪ ﺍﻧﻄﺎﻧﻲ ﺭﻓﺾ ﻭﺧﺎﺑﺮﻧﻲ ﺑﺎﻟﺒﺪﺍﻳﻪ ﺗﺮﺩﺩﺕ ﺍﻓﺘﺢ ﺧﻂ ﺑﻌﺪﻳﻦ ﻓﺘﺤﺖ ﺧﻂ ﻋﻠﻴﻪ
.. ﺍﻟﻮ
.. ﺍﻟﻮ .. ﻫﺎ ﻫﺠﺮﺱ
.. ﻫﺎ ﺟﻴﻼﻥ ﻛًﻮﻟﻲ .. ﺍﻱ ﺍﻱ ﺧﻮﻳﻪ
.. ﻭﻳﺎﻣﻦ ﺧﻮﻳﻪ
.. ﻣﻮ ﻭﻳﺎﺝ ﺍﺣﺘﺮﻙَ ﻫﺒﻞ
.. ﻋﺒﺎﻟﻲ ﻭﻳﺎﻱ
.. ﻟﻴﺶ ﺍﻟﺼﺎﺭ ﺍﻟﺼﺒﺢ ﺧﻠﻪ ﺧﻮﻩ ﺑﻴﻨﺎﺗﻨﻪ
ﻋﺰﻩ ﺷﻜﺪ ﻋﻴﺐ ﻫﺬﺍ ﺷﺪﺍ ﻳﺤﺠﻲ ﺑﺴﺮﻋﻪ ﻏﻴﺮﺕ ﺍﻟﻤﻮﺿﻮﻉ ﻛﺘﻠﻪ
.. ﺍﺍﺍﺍﺍ .. ﻫﺠﺮﺱ .. ﻣﺤﺘﺎﺟﻪ ﻛﻢ ﺷﻐﻠﻪ ﻣﻨﻚ ﻭﺍﺳﺘﺤﻲ ﺍﻛﻮﻟﻚ
.. ﻟﻴﺶ ﺗﺴﺘﺤﻲ ﻳﺎ ﻋﺴﻞ ﺍﻧﺖ ﺗﺄﻣﺮ ﺍﻣﺮ
ﻋﺰﻩ ﻭﺍﻟﻠﻪ ﻛﻼﻣﻪ ﻳﺨﺠﻞ ﻭﻳﺨﻠﻲ ﺍﻟﻮﺍﺣﺪ ﺑﻌﺪ ﻣﺎ ﻳﻌﺮﻑ ﻳﺤﺠﻲ
ﻛﺎﻝ
.. ﺍﻟﻮ .. ﻭﻳﻦ ﺻﺮﺗﻲ
.. ﺍﻣﻤﻢ .. ﺭﺍﻳﺪﻩ ﺣﺒﺸﻜﻼﺕ
.. ﺷﻨﻮ ﻫﺎﻱ ﺍﻟﺤﺒﺸﻜﻼﺕ ﺗﻨﻠﺒﺲ ﺗﻨﻮﻛﻞ
.. ﻻ ﺗﺼﻴﺮ ﺳﻔﻴﻪ .... ﻳﻌﻨﻲ ﺟﺒﺲ ﻋﻠﻰ ﻋﺼﺎﻳﺮ ﻋﻠﻰ ﻛﺮﺯﺍﺕ ﻫﻴﺞ ﺷﻐﻠﻪ ﺧﻤﺴﺘﺎﻻﻑ ﺍﻭ ﻋﺸﺮﻩ ﻣﻮ ﻫﻮﺍﻱ
.. ﻫﻬﻬﻬﻬﻪ ﺻﺎﺭ ﻳﺪﻟﻞ ﺍﻟﺤﻠﻮ ﺑﻌﺪ ﺷﺘﺄﻣﺮﻳﻦ
.. ﻣﺎ ﻳﺄﻣﺮ ﻋﻠﻴﻚ ﻇﺎﻟﻢ ﺑﺲ ﻫﺎﻱ
.. ﻣﻦ ﻋﻴﻮﻧﻲ
.. ﻳﻠﻪ ﺑﺎﻱ
.. ﺑﺎﻳﺎﺕ
ﺳﺪﻳﺘﻪ ﻭﺣﺴﻴﺖ ﺑﻔﺮﺣﻪ ﺑﻘﻠﺒﻲ ﻣﺎ ﺍﻋﺮﻑ ﻟﻴﺶ ﺍﺣﺲ ﻛﻠﻤﺎﺗﻪ ﻃﻴﺮﺗﻨﻲ ﻣﻦ ﺍﻟﻔﺮﺡ ﺯﻳﻦ ﻟﻴﺶ ﺍﻓﺮﺡ ﻫﻲ ﻭﺻﻴﺘﻪ ﻋﻠﻰ ﺣﺒﺸﻜﻼﺕ ﻗﺎﺑﻞ ﻣﻮﺻﻴﺘﻪ ﻋﻠﻰ ﺫﻫﺐ ﺑﺲ ﺍﻟﻠﻲ ﻓﺮﺣﻨﻲ ﻛﻼﻣﻪ ﻭﺍﻧﻪ ﻫﻮ ﻣﺎ ﺯﻋﻞ ﻣﻨﻲ ﺍﻟﺼﺒﺢ ﺍﺭﺗﺎﺣﻴﺖ ﺷﻮﻳﻪ
ﻧﺰﻟﺖ ﻟﻜﻴﺖ ﻋﻤﺘﻲ ﺷﺎﻳﻄﻪ ﻧﺎﺭ ﺑﺎﻟﻤﻄﺒﺦ ﺷﺎﻓﺘﻨﻲ ﻭﺻﺎﺣﺖ
.. ﺍﻧﺘﻲ ﻭﻳﻦ ﻭﻟﻴﺘﻲ ﻣﻮ ﻛَﺘﻠﺞ ﺍﻏﺴﻠﻲ ﺍﻟﻄﺎﺭﻣﻪ
.. ﻋﻤﻪ ﺧﺎﺑﺮﺕ ﻫﺠﺮﺱ ﻭﻧﺰﻟﺖ ﻫﺴﻪ ﺍﻏﺴﻠﻬﺎ
.. ﻻ ﻭﺍﻟﻠﻪ ﺍﻧﻄﻴﺞ ﺑﺲ ﻃﻴﺤﺎﻥ ﺍﻟﺤﻆ ﻣﺎ ﺑﻴﺞ ﻛﻞ ﻧﻔﻊ ﻟﻮ ﺟﺎﻳﺒﺘﻠﻪ ﻭﺣﺪﻩ ﻣﻦ ﺍﻟﻬﻮﺵ ﺍﺷﺮﻓﻠﻲ
.. ﻣﺎ ﺟﺒﺘﻴﻠﻪ ﻭﺣﺪﻩ ﺍﻛﻮ ﺍﺣﺪ ﻟﺰﻣﺞ ؟ﺿﺮﺑﺘﺞ ﻋﻠﻰ ﺍﻳﺪﺝ ﻭﻛﺘﻠﺞ ﺍﺧﺬﻳﻨﻲ ؟
.. ﺍﻱ ﻟﺰﻛﻮﺝ ﻻﺑﻨﻲ ﻭﺍﻧﻲ ﻣﺎ ﺭﺍﺿﻴﻪ ﻋﻠﻰ ﻫﺎﻟﺰﻭﺍﺝ ﻭﻻ ﺭﺍﺡ ﺍﺭﺿﻪ ﻋﻠﻴﺞ
.. ﺷﻨﻮ ﺍﺑﻨﺞ ﻣﺎ ﻋﻨﺪﻩ ﺷﺨﺼﻴﻪ ﻣﺎ ﻳﻌﺮﻑ ﻳﺨﺘﺎﺭ ﻟﻮ ﺍﻟﻈﺎﻫﺮ ﺗﺮﺩﻳﻪ ﺧﺮﻛَﻪ ﺑﺄﻳﺪﺝ
ﺻﺎﺡ ﺑﺎﺑﺎ ﺑﻴﻪ ﻣﻦ ﻭﺭﻩ
.. ﺟﻴﻼﺍﺍﺍﺍﺍﺍﺍﺍﺍﻥ
ﺗﻔﺎﺟﺄﺕ ﺑﺒﺎﺑﺎ ﺑﺲ ﺑﺴﺒﺐ ﻋﺼﺒﻴﺘﻲ ﻭﻋﻨﺎﺩﻱ ﺷﻔﺖ ﻧﻔﺴﻲ ﺗﻤﺎﺩﻳﺖ ﺑﺎﻟﻜﻼﻡ ﻛﺎﻝ ﺑﺤﺪﻩ
.. ﺍﻣﺸﻲ ﺷﻴﻠﻲ ﺍﻟﺼﻴﻨﻴﻪ ﻭﻟﺤﻜًﻴﻨﻲ ﻉ ﺍﻟﻐﺮﻓﻪ
ﺍﻧﻲ ﺍﺣﺲ ﺭﻭﺣﻲ ﺻﺎﺭﺕ ﺑﺮﺟﻠﻴﻪ ﺷﻠﺖ ﺍﻟﺼﻴﻨﻴﻪ ﻭﺩﻳﺘﻬﺎ ﻟﻠﻤﻄﺒﺦ ﻭﺭﺣﺖ ﻟﻐﺮﻓﺘﻪ ﺳﺤﺒﻨﻲ ﻣﻦ ﺍﻳﺪﻱ ﻭﺿﺮﺑﻨﻲ ﺭﺍﺷﺪﻱ ﺍﻭﻝ ﻣﺮﻩ ﺑﺤﻴﺎﺗﻪ ﺑﺎﺑﺎ ﻳﻤﺪ ﻋﻠﻴﻪ
ﻛﺎﻝ ﺑﻌﺼﺒﻴﻪ
.. ﺍﻧﻲ ﺑﻌﻤﺮﻱ ﻣﺎ ﻣﺎﺩ ﺍﻳﺪﻱ ﻋﻠﻴﺞ ﻻﻥ ﻋﺒﺎﻟﻲ ﺑﻨﺘﻲ ﺗﻌﻠﻤﺖ ﺍﻟﺘﺮﺑﻴﻪ ﺑﺲ ﺍﻟﻈﺎﻫﺮ ﺟﻨﺖ ﻏﻠﻄﺎﻥ ﻭﻳﺮﺍﺩﻟﺞ ﺗﺮﺑﻴﻪ ﻣﻦ ﺟﺪﻳﺪ ﻻ ﻋﺒﺎﻟﺞ ﺭﺑﻴﺘﺞ ﻉ ﺍﻟﻘﻮﻩ ﻭﺍﻟﺠﺮﺃﻩ ﺣﺘﻰ ﺗﺘﻤﺎﺩﻳﻦ ﻉ ﺍﻻﻛﺒﺮ ﻣﻨﺞ ﺍﻛﻮ ﺷﻲ ﺍﺳﻢ ﺍﺣﺘﺮﺍﻡ ﺍﻟﺠﺒﻴﺮ ﺗﺮﺩﻳﻦ ﺍﻣﻮﺕ ﻭﻳﻜﻮﻟﻮﻥ ﻋﺪﻧﺎﻥ ﻣﺎ ﻋﺮﻑ ﻳﺮﺑﻲ
ﻫﻮ ﻳﺤﺠﻲ ﻭﺍﻧﻲ ﺩﻣﻮﻋﻲ ﺗﺼﺐ ﺍﺣﺲ ﻧﻔﺴﻲ ﺻﺪﻙ ﺗﺴﺮﻋﺖ ﺑﺎﻟﺤﺠﻲ ﻭﻳﻪ ﻣﺮﺓ ﻋﻤﻲ ﺑﺲ ﻭﺍﻟﻠﻪ ﻣﺎ ﻛﺎﻥ ﻗﺼﺪﻱ ﺍﺣﺠﻲ ﻫﺎﻟﻜﻼﻡ
ﻛﺎﻝ
.. ﻫﺴﻪ ﺗﺮﺣﻴﻦ ﺗﻮﻛﻌﻴﻦ ﻉ ﻣﺮﺓ ﻋﻤﺞ ﻭﺗﻌﺘﺬﺭﻳﻦ ﻣﻨﻬﺎ ﻛﺪﺍﻣﻲ
.. ﺑﺎﺑﺎ ﻭﺍﻟﻠﻪ .....
.. ﻭﻻ ﻛﻠﻤﻪ ﺑﺴﺮﻋﻪ
ﻃﻠﻌﺖ ﺍﺑﺠﻲ ﺷﻔﺘﻬﺎ ﻛﺎﻋﺪﻩ ﺗﻠﻜﻂ ﺗﻤﻦ ﺭﺣﺖ ﻉ ﺭﺍﺳﻬﺎ ﺑﺴﺘﻪ ﻭﻛﺘﻠﻬﺎ
.. ﺍﺳﻔﻪ ﻋﻤﻪ ﻭﺍﻟﻠﻪ ﻣﺎ ﻛﺎﻡ ﻗﺼﺪﻱ ﺍﺣﺠﻲ ﻫﺎﻟﺤﺠﻲ ﻓﻠﺖ ﻟﺴﺎﻧﻲ ﺑﺪﻭﻥ ﻗﺼﺪ .. ﺍﻋﺘﺬﺭ ﻣﻨﺞ ﻣﺮﻩ ﺛﺎﻧﻴﻪ
ﻛﺎﻟﺖ ﻣﻦ ﻭﺭﻩ ﺧﺸﻤﻬﺎ
.. ﻣﺎ ﺻﺎﺭ ﺷﻲ ﺑﺲ ﺑﻌﺪ ﻻ ﺗﻌﻴﺪﻳﻦ ﻫﺎﻟﺤﺠﻲ
.. ﺻﺎﺭ ﻋﻤﻪ
ﺑﺎﻭﻋﺖ ﻟﺒﺎﺑﺎ ﻋﺎﻓﻨﻪ ﻭﺭﺍﺡ ﻟﻐﺮﻓﺘﻪ
Mariam-almusawi
ﺍﻧﻲ ﺭﺣﺖ ﺍﻏﺴﻞ ﺑﺎﻟﻄﺎﺭﻣﻪ ﻭﺍﺑﺠﻲ ﻣﺎ ﻛﺪﺭﺕ ﺍﻛﻤﻠﻬﺎ ﺭﺣﺖ ﻟﻔﻄﻮﻣﻪ ﻛﺎﻧﺖ ﻣﺨﻠﺼﻪ ﺷﻐﻠﻬﺎ ﻭﻛﺎﻋﺪﻩ ﺗﻜﻨﻚ ﻛﺘﻠﻬﺎ
.. ﻓﻄﻮﻣﻪ .. ﺣﺒﺎﺑﻪ ﺩﺧﺖ ﺷﻮﻳﻪ ﺗﻜﺪﺭﻳﻦ ﺗﻜﻤﻠﻴﻦ ﺍﻟﻄﺎﺭﻣﻪ ﺑﻤﻜﺎﻧﻲ
ﻫﻲ ﺗﻔﺎﺟﺄﺕ ﺑﺪﻣﻮﻋﻲ ﻛﻤﺰﺕ ﻭﺳﺎﻟﺘﻨﻲ ﺑﺨﻮﻑ
.. ﻋﻮﻓﻴﻬﺎ ﺍﻧﻲ ﺍﻏﺴﻠﻬﺎ ﺑﺲ ﺷﺒﻴﺞ ﺣﺒﻴﺒﺘﻲ
.. ﻣﺎ ﺑﻴﻪ ﺷﻲ ﺗﻌﺒﺎﻧﻪ
ﻋﻔﺘﻬﺎ ﻭﺭﺣﺖ ﺑﻔﺮﺍﺷﻲ ﻓﺤﻄﺖ ﺑﺠﻲ ﺍﻭﻝ ﻣﺮﻩ ﺑﺎﺑﺎ ﻳﻤﺪ ﺍﻳﺪﻩ ﻋﻠﻴﻪ ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ ﻣﻦ ﺍﻟﻘﻬﺮ ﻭﺭﻩ ﺷﻮﻳﻪ ﺍﺟﺖ ﻓﻄﻮﻣﻪ ﺗﺮﻛﺾ ﻛﺎﻟﺖ
.. ﻭﻟﺞ ﺟﻮﻟﻲ ﻋﻤﻲ ﺗﺨﺮﺑﻂ
.. ﻋﺰﻩ ﺑﻌﻴﻨﻲ
ﺭﻛﻀﺖ ﺍﻧﺰﻝ ﻣﻦ ﺍﻟﺪﺭﺝ ﺷﻔﺘﻪ ﺑﺎﺑﺎ ﻭﺍﻛﻊ ﺑﺎﻟﻐﺮﻓﻪ ﻭﻳﻤﻪ ﻋﻤﻲ ﻳﺮﻳﺪ ﻳﺸﻴﻠﻪ ﻣﺎ ﻳﻜﺪﺭ ﻭﺍﻧﻲ ﻛﻤﺖ ﺍﺻﻴﺢ ﻭﺍﺩﻙ ﻋﻠﻰ ﻭﺟﻬﻲ
ﺻﺎﺡ ﺑﻴﻪ ﺟﺪﻭ
.. ﻛﺎﻓﻲ ﻻ ﺗﻔﺎﻭﻟﻴﻦ ﻋﻠﻰ ﺍﺑﻮﺝ ﻫﺬﺍ ﺟﺎﻱ ﻳﻮﻥ ﻣﺎ ﺑﻴﻪ ﺷﻲ
ﺍﺑﺎﻭﻉ ﻟﺒﺎﺑﺎ ﻭﻧﻴﻨﻪ ﻣﺮﺩ ﻛَﻠﺒﻲ ﻛﺘﻠﻪ
.. ﺑﺎﺑﺎ ﺣﺒﻴﺒﻲ ﺟﺎﻭﺑﻨﻲ ﺷﺒﻴﻚ
.. ﺭﺍﺳﻲ .. ﺭﺍﺳﻲ
ﺭﻛﺾ ﻋﻤﻲ ﺟﺎﺏ ﺟﻬﺎﺯ ﺍﻟﻀﻐﻂ ﻭﺑﻴﺒﻲ ﻛﺎﻋﺪﻩ ﻳﻤﻪ ﻭﺗﺪﻙ ﻋﻠﻰ ﺭﺟﻠﻬﺎ ﻭﺟﺪﻱ ﺣﺎﻁ ﺭﺍﺳﻪ ﺑﺤﻀﻨﻪ ﻗﺎﺱ ﺿﻐﻄﻪ ﻟﻜﺎﺍﻩ ﻣﺮﺗﻔﻊ ﺷﻔﺖ ﻗﻄﺮﺍﺕ ﺩﻡ ﻣﻦ ﺧﺸﻤﻪ ﻛﺎﻡ ﺗﻨﺰﻝ ﻛﻤﺖ ﺍﺑﺠﻲ ﻭﺍﻣﺴﺢ ﺍﻟﺪﻡ ﺑﺪﺷﺪﺍﺷﺘﻲ ﻭﺍﺑﻮﺱ ﺑﺄﻳﺪﻩ ﻭﺧﺪﻩ
ﻭﻛﺘﻠﻪ
.. ﺍﺳﻔﻪ .. ﺍﺳﻔﻪ .. ﻳﺎ ﺭﻭﺣﻲ ﺍﺳﻔﻪ .. ﻭﺍﻟﻠﻪ ﻣﺎ ﺗﺘﻜﺮﺭ
ﻫﻮ ﺑﺲ ﻳﻮﻥ ﻭﺑﻴﺒﻲ ﺗﻜﻠﻲ
.. ﻭﻟﺞ ﺷﻤﻔﻴﻨﻪ ﻭﺧﻠﻴﺘﻲ ﺍﺑﻴﺞ ﻫﻴﺞ ﻳﻮﻛﻊ
ﺳﻜﺘﺖ ﻣﺎ ﺟﺎﻭﺑﺘﻬﺎ
ﺭﺍﺡ ﻋﻤﻲ ﺳﻮﺍﻟﻪ ﻟﻴﻤﻮﻥ ﻭﻣﻲ ﻭﺍﻧﻄﺎﻩ ﺣﺒﺎﻳﺔ ﺍﻟﻀﻐﻂ ﻣﺎﻟﺘﻪ ﺷﺮﺑﻬﻦ ﻭﺣﻂ ﺭﺍﺳﻪ ﻉ ﺍﻟﻤﺨﺪﻩ ﺟﺪﻱ ﻛﻠﻪ
.. ﺑﻮﻳﻪ ﻋﺪﻧﺎﻥ ﻧﺎﺧﺬﻙ ﻟﻠﻄﺒﻴﺐ ﺣﺒﻴﺐ
ﺑﺼﻮﺕ ﺿﻌﻴﻒ ﻭﻳﻮﻥ
.. ﻻ ﻳﺎﺑﻪ ....... ﺑﺲ ﺍﺭﻳﺪ ﺍﻧﺎﻡ
.. ﺍﻃﻠﻌﻮﺍ ﺧﻠﻮﻩ ﻳﻨﺎﻡ
ﻛﺘﻠﻪ ﻭﺍﻧﻲ ﺍﺑﺠﻲ
.. ﺟﺪﻱ ﺧﻠﻴﻨﻲ ﻳﻤﻪ ﺍﺑﻮﺱ ﺍﻳﺪﻙ
.. ﺟﺪﻱ ﺧﻠﻲ ﻳﺮﺗﺎﺡ ﺍﻣﺸﻲ ﺍﻃﻠﻌﻲ
.. ﺍﺑﻮﺱ ﺍﻳﺪﻙ ﻭﺍﻟﻠﻪ ﻣﺎ ﺍﻃﻠﻊ ﺻﻮﺕ
ﺳﻜﺖ ﻭﻃﻠﻊ ﺍﻟﺒﻘﻴﻪ ﻭﻛﺎﻝ
.. ﺟﻴﻼﻥ ﺟﺪﻳﺪﻱ ﺍﺫﺍ ﺗﺨﺮﺑﻂ ﺻﺎﻳﺤﻴﻨﻲ
ﻫﺰﻳﺖ ﺭﺍﺳﻲ ﺑﺄﻱ ﺳﺪ ﺍﻟﺒﺎﺏ ﺍﻧﻲ ﺑﻘﻴﺖ ﻳﻤﻪ ﺍﺑﺠﻲ ﺑﺼﻤﺖ ﻭﺍﺑﻮﺱ ﺑﻴﻪ ﻫﻮ ﺣﺲ ﻋﻠﻴﻪ ﺑﺎﻭﻋﻠﻲ ﺑﺤﻨﻴﻪ ﻭﻛﺎﻝ
.. ﻻ ﺗﻀﻮﺟﻴﻦ ﻣﻨﻲ ﺧﺎﻑ ﺍﻣﻮﺕ ... ﺍﻧﻲ ﺍﺣﺒﺞ
.. ﺍﺷﺸﺸﺸﺸﺸﺶ ﺍﻧﺖ ﺗﻤﻮﺗﻨﻲ ﻭﺗﺨﻠﺺ ﻋﻠﻴﻪ ﻭﻣﺎ ﺍﺯﻋﻞ ﻣﻨﻚ ﺍﻧﺖ ﺭﻭﺣﻲ ﺍﻧﺖ ﺍﺑﻮﻱ ﻭﺗﺎﺝ ﺭﺍﺳﻲ
ﻏﻤﺾ ﻋﻴﻮﻧﻪ ﻭﻧﺎﻡ ﺑﻘﻴﺖ ﺍﻗﺮﺍﻟﻪ ﺍﻳﺎﺕ ﻭﺍﻣﺴﺢ ﻋﻠﻰ ﺭﺍﺳﻪ ﺷﻮﻳﻪ ﺷﻮﻳﻪ ﻫﺪﺃ ﻭﺍﺳﺘﻘﺮ ﻧﻮﻣﻪ
ﻭﺭﻩ ﻧﺺ ﺳﺎﻋﻪ ﺍﻧﻲ ﻛﺎﻋﺪﻩ ﻳﻤﻪ ﻣﺎ ﺍﻛﺪﺭ ﺍﻋﻮﻓﻪ ﻓﺘﺢ ﺍﻟﺒﺎﺏ ﻫﺠﺮﺱ ﻭﺑﻮﺟﻬﻪ ﻧﻈﺮﺓ ﺍﻟﻢ ﻭﻗﻬﺮ ﻋﻠﻴﻪ ﻭﺗﻘﺪﻡ ﻭﻗﺮﻓﺺ ﻳﻤﻲ ﻭﺣﻂ ﺍﻳﺪﻩ ﻉ ﺭﺍﺳﻲ
ﺣﺠﻪ ﻭﻳﺎﻱ ﺑﻬﻤﺲ
.. ﺷﻠﻮﻥ ﺻﺎﺭ ؟
ﺍﻧﻲ ﻧﺰﻟﺖ ﺩﻣﻌﺘﻲ ﻛﺄﻧﻪ ﻛﻨﺖ ﻣﺤﺘﺎﺟﻪ ﺍﺣﺪ ﺍﺷﻜﻴﻠﻪ ﺿﻤﻨﻲ ﻟﺤﻀﻨﻪ ﻭﻛﺎﻝ ﺑﺼﻮﺕ ﻫﺎﻣﺲ
.. ﺍﺷﺸﺸﺶ ﻣﺎ ﺑﻴﻪ ﺷﻲ ﻻ ﺗﺨﺎﻓﻴﻦ
.. ﻫﺠﺮﺱ ﺧﺎﻳﻔﻪ ﻋﻠﻴﻪ ﻛﻠﺶ
.. ﻻ ﺗﺨﺎﻓﻴﻦ ﺧﻠﻲ ﺍﻣﻠﺞ ﺑﺮﺏ ﺍﻟﻌﺎﻟﻤﻴﻦ ﺟﺒﻴﺮ ﺍﻥ ﺷﺎﺀ ﺍﻟﻠﻪ ﻋﻤﻲ ﻗﻮﻱ ﻭﻳﻜﺪﺭ ﻳﺘﻐﻠﺐ ﻋﻠﻴﻪ
.. ﺍﻥ ﺷﺎﺀ ﺍﻟﻠﻪ
.. ﻳﻠﻪ ﻛﻮﻣﻲ ﻋﻮﻓﻴﻪ ﺧﻠﻲ ﻳﺮﺗﺎﺡ ﺧﺎﻑ ﻳﻜﻌﺪ
ﻛﻮﻣﻨﻲ ﻭﻃﻠﻌﻨﻪ ﻛﺎﻝ
.. ﺍﻧﻲ ﺭﺍﻳﺢ ﺍﻗﻔﻞ ﺍﻟﺴﻴﺎﺭﻩ ﻭﺍﺟﻲ
ﻫﺰﻳﺘﻠﻪ ﺭﺍﺳﻲ ﻭﺻﻌﺪﺕ ﺍﺧﺬﺕ ﻣﻼﺑﺴﻲ ﻭﺩﺧﻠﺖ ﺍﺳﺒﺢ ﻣﺎ ﺗﺄﺧﺮﺕ ﻻﻥ ﻻﺯﻡ ﺍﺻﺐ ﺍﻟﻐﺪﻩ ﻭﻳﺎﻫﻢ
* ﻣﺮﻳﻢ ﺍﻟﻤﻮﺳﻮﻱ *
ﻃﻠﻌﺖ ﻟﻜﻴﺖ ﻫﺠﺮ ﺩﺍ ﻳﺒﺪﻝ ﺑﻤﻼﺑﺴﻪ ﻫﺴﺘﻮﻩ ﻭﺷﻔﺖ ﻋﻼﻛﻪ ﺟﺒﻴﺮﻩ ﺑﺎﻭﻋﺘﻠﻪ ﺑﺘﺴﺎﺅﻝ ﻭﺍﺑﺘﺴﻤﺖ ﺑﺘﻌﺐ
.. ﻳﻌﻨﻲ ﻣﺎ ﻧﺴﻴﺖ
ﺍﺑﺘﺴﻢ ﻭﻛﺎﻝ
.. ﻭﻟﻴﺶ ﺍﻧﺴﻰ ؟ ﻣﺮﻳﺘﻲ ﻭﻃﻠﺒﺖ ﻣﻨﻲ ﺷﻲ ﻏﻴﺮ ﺍﺟﻴﺒﻠﻬﺎ ﺍﻟﺪﻧﻴﺎ ﻛﻠﻬﺎ
ﺧﺠﻠﺖ ﻭﺩﻧﻜﺖ ﺍﻭﻝ ﻣﺮﻩ ﺍﺣﺲ ﻭﺍﺣﺪ ﻳﻌﺎﻣﻠﻨﻲ ﻣﺜﻞ ﺑﺎﺑﺎ ﻛﺎﻝ
.. ﺟﻮﻟﻲ ﺻﺒﻴﻠﻲ ﻣﻴﺖ ﺟﻮﻉ ﻋﻠﻰ ﻣﺎ ﺍﺻﻠﻲ
.. ﻣﻦ ﻋﻴﻮﻧﻲ
ﺍﺑﺘﺴﻢ ﻭﺑﺎﺳﻨﻲ ﺑﻮﺳﻪ ﻫﻮﺍﺋﻴﻪ ﻋﺰﻩ ﻫﺬﺍ ﺻﺎﻳﺮ ﻛﻠﺶ ﺟﺮﺉ ﺑﺲ ﺍﻧﻄﻴﺘﻪ ﻋﻴﻦ ﺷﻮﻳﻪ
ﺣﺘﻰ ﻣﺎ ﻣﺸﻄﺖ ﺷﻌﺮﻱ ﻟﺒﺴﺖ ﺷﺎﻟﻲ ﻭﻧﺰﻟﺖ ﻟﻜﻴﺖ ﻣﺮﺓ ﻋﻤﻲ ﺗﺼﺐ
ﺭﺣﺖ ﺣﻤﻴﺖ ﺍﻻﻛﻞ ﻭﺣﻀﺮﺕ ﺍﻟﻤﻮﺍﻋﻴﻦ ﻭﺻﺒﻴﺖ ﻭﺭﻩ ﺷﻮﻳﻪ ﻧﺰﻝ ﻫﺠﺮﺱ ﻭﻛﻌﺪ ﻳﻤﻬﻢ ﺑﺎﻟﺼﺎﻟﻪ ﺍﺧﺬﺕ ﺍﻟﺴﻔﺮﻩ ﺩﻧﻜﺖ ﺍﺭﻳﺪ ﺍﻓﺮﺷﻬﺎ ﻛﺎﻡ ﻭﺍﺧﺬﻫﺎ ﻣﻨﻲ
ﻭﻛﺎﻝ
.. ﺭﻭﺣﻲ ﺟﻴﺒﻲ ﺍﻟﻤﻮﺍﻋﻴﻦ ﺍﻟﺒﻘﻴﻪ
ﻧﻘﻠﺖ ﺍﻟﻤﻮﺍﻋﻴﻦ ﻭﻫﻮ ﻳﺎﺧﺬ ﻣﻨﻲ ﻭﻳﺤﻂ ﺑﺎﻟﺴﻔﺮﻩ ﻛﺎﻟﺖ ﺑﻴﺒﻲ
.. ﺣﺒﻮﺑﻪ ﻣﺎ ﺗﻜﻌﺪﻳﻦ ﺍﺑﻴﺞ ﺧﻞ ﻳﺎﻛﻠﻪ ﻟﻜَﻴﻤﻪ
ﻛﺎﻟﻠﻬﺎ ﺟﺪﻭ
.. ﻋﻮﻓﻴﻪ ﺧﻄﻴﻪ ﺗﻌﺒﺎﻥ ﺧﻠﻲ ﻳﺮﺗﺎﺡ
ﺩﺧﻞ ﻫﺎﺷﻢ
.. ﺳﻼﻣﻦ ﻣﻦ ﻋﻠﻴﻜﻢ
ﻛﺎﻟﺘﻠﻪ ﺑﻴﺒﻲ
.. ﺧﻔﻪ ﻟﻬﺎﻟﺤﻠﻜﻪ ﺣﺘﻰ ﺍﻟﺴﻼﻡ ﻋﻮﺟﺘﻪ ﺍﻧﺘﻲ ﻣﺎ ﺑﻴﻚ ﺷﻲ ﻋﺪﻝ ﻛﻠﻚ ﺍﻋﻮﺝ
.. ﺿﺎﻭﻳﻪ ﻭﺩﺍﻋﺘﺞ ﺍﻟﻠﻲ ﻳﻤﺸﻲ ﻋﺪﻝ ﻫﺎﻱ ﺍﻻﻳﺎﻡ ﻣﺎ ﻳﻌﻴﺶ ﻻﺯﻡ ﻧﻤﺸﻲ ﺍﻋﻮﺝ ﺣﺘﻰ ﻧﻌﺮﻑ ﻭﺍﺩﻣﻨﻪ
.. ﺍﻛﻠﻚ ﺗﻌﺎﻟﻠﻲ ﺍﻧﻲ ﺍﻟﺒﺎﺭﺣﻪ ﺭﺣﻴﻲ ﻛﺎﻡ ﻳﺼﻠﻦ ﻋﻠﻴﻪ ﺗﻌﺎﻝ
ﺷﻮﻓﻬﻦ ﺷﺒﻴﻬﻦ
.. ﺍﻓﺘﺤﻲ ﺣﻠﻜﺞ ﺣﺒﻮﺑﻪ
ﻓﺘﺤﺖ ﺻﺎﺡ
.. ﻳﻤﻪ ﻫﺬﺍ ﺷﻨﻮ ﺑﺤﻠﻜﺞ ﺿﺎﻭﻳﻪ
.. ﺷﻨﻬﻲ ﻭﻟﻚ
.. ﺻﺨﺎﻡ ﺻﺨﻞ ﺷﻜﺒﺮﻩ ﺟﺎﻱ ﻳﺎﻛﻞ ﺗﺒﻦ
ﺑﻴﺒﻲ ﻫﻢ ﺷﺎﻟﺖ ﺍﻟﻌﺼﺎ ﻭﻫﻮ ﺷﺮﺩ ﻳﻢ ﺍﻟﺒﺎﺏ ﻛﺎﻟﻠﻬﺎ
.. ﺑﺸﺮﻓﺞ ﺿﺎﻭﻳﻪ ﺭﺟﻠﻴﺞ ﻣﺪﻧﺪﻻﺕ ﺑﺎﻟﻜَﺒﺮ ﻭﺗﺪﻭﺭﻳﻦ ﺳﻨﻮﻥ ﻫﻮ ﺍﻧﻲ ﻃﺒﻴﺐ ﻭﺳﻨﻮﻧﻲ ﻛﻠﻬﻦ ﻃﺎﻳﺤﺎﺕ ﺍﻧﺘﻲ ﺑﺲ ﺑﻄﻠﻲ ﺗﺎﻛﻠﻴﻦ ﺟﺎﻣﺪ ﻭﻫﻦ ﻳﺼﺤﻦ
.. ﺧﻔﻪ ﻟﻬﺎﻟﺤﻠﻚ ﺍﻣﺸﻲ ﻭﻟﻲ ﻣﻦ ﺟﺪﺍﻣﻲ
ﻛﻌﺪﺕ ﻳﻢ ﻫﺠﺮﺱ ﺍﻛﻠﺖ ﻟﻜﻤﺘﻴﻦ ﺭﺩﺕ ﺍﻛﻮﻡ ﻣﺎ ﻗﺒﻞ ﻛﺎﻡ ﻳﻔﻠﺲ ﺩﺟﺎﺝ ﻭﻳﺤﻂ ﻛﺪﺍﻣﻲ ﻣﺎ ﺭﺩﺕ ﺍﻛﺴﺮ ﺑﺨﺎﻃﺮﻩ ﺑﻘﻴﺖ ﺍﻧﻘﺶ ﺑﺎﻻﻛﻞ ﻋﻠﻰ ﻭﺍﻫﺴﻪ
ﺧﻠﺼﻨﻪ ﻏﺪﻩ ﻭﻏﺴﻠﺖ ﺍﻟﻤﻮﺍﻋﻴﻦ ﻭﺷﺮﺑﻮﺍ ﺟﺎﻱ .. ﺍﻧﻲ ﺭﺣﺖ ﺍﺷﻮﻑ ﺑﺎﺑﺎ ﻟﻜﻴﺘﻪ ﺑﻌﺪﻩ ﻧﺎﻳﻢ ﻋﻔﺘﻪ ﻭﺻﻌﺪﺕ ﻟﻐﺮﻓﺘﻲ ﻭﻣﺸﻄﺖ ﺷﻌﺮﻱ ﻭﻛﻌﺪﺕ ﺍﻛﻠﺐ ﺑﺎﻟﻔﻴﺴﺒﻮﻙ ﺩﺧﻞ ﻫﺠﺮﺱ ﻭﻗﻔﻞ ﺍﻟﺒﺎﺏ
ﻧﺰﻉ ﺗﺮﺍﻛﻪ ﻭﺑﻘﻪ ﺑﺎﻟﺒﺠﺎﻣﻪ ﻭﺍﻟﻔﺎﻧﻴﻠﻪ ﻭﻛﻌﺪ ﻳﻤﻲ ﻉ ﺍﻟﺠﺮﺑﺎﻳﻪ ﻭﺣﻂ ﺍﻳﺪﻩ ﻭﺭﻩ ﻣﺘﻨﻲ ﻭﺑﺪﻩ ﻳﺒﺎﻭﻉ ﻭﻳﺎﻱ ﺍﻧﻲ ﻛﻤﺖ ﻣﺎ ﺍﺭﻛﺰ ﺑﺎﻟﻤﻨﺸﻮﺭﺍﺕ ﺑﺴﺒﺐ ﻗﺮﺑﻪ ﻣﻨﻲ ﻛﻤﺖ ﺍﻛَﻠﺐ ﻓﺠﺄﻩ ﻗﺮﺏ ﺷﻔﺘﻪ ﻣﻦ ﺭﻛَﺒﺘﻲ ﻭﺑﺎﺳﻬﺎ ﺍﻧﻲ ﺟﺴﻤﻲ ﻛﺰﺑﺮ ﺍﺧﺬ ﺍﻟﻤﻮﺑﺎﻳﻞ ﻣﻦ ﺍﻳﺪﻱ ﻭﺣﻄﻪ ﻉ ﺍﻟﻤﻴﺰ ﻭﺭﺍﺩ ﻳﺼﻴﺮ ﻓﻮﻛﺎﻱ ﺩﻓﻌﺘﻪ .....