حب هجرسي (مكتمله)

18

بارت١٨

ﻃﻠﻊ ﻫﺎﺷﻢ ﻳﺮﻛﺾ ﻭﻃﻠﻊ ﻭﺭﺍﻩ ﻫﺠﺮﺱ ﻳﺮﻛﺾ ﻭﺭﺍﻩ
ﻭﺟﺪﻱ ﻭﻋﻤﻲ ﻃﻠﻌﻮﺍ ﻭﺭﺍﻫﻢ ﻭﺑﺎﺑﺎ ﺣﻀﻦ ﺣﻮﺭﻳﻪ ﺍﻟﻠﻲ ﺑﻘﺖ ﺗﺒﺠﻲ ﻭﺑﻴﺒﻲ ﻛﺎﻡ ﺗﺪﻙ ﻋﻠﻰ ﺭﺟﻠﻬﺎ ﻭﺗﺼﻴﺢ
.. ﻳﻤﻪ ﻭﻟﻴﺪﺍﺗﻲ ... ﻳﺎ ﺭﺏ ﺳﺘﺮﻙ ... ﺍﺳﺘﺮ ﻋﻠﻰ ﻭﻳﻼﺩﻧﻪ
ﻭﻓﺎﻃﻤﻪ ﻛﺎﻋﺪﻩ ﻳﻢ ﺣﻮﺭﻳﻪ ﻭﻳﺒﺠﻦ
ﺍﻧﻲ ﺍﺣﺲ ﺭﺟﻠﻴﻪ ﻣﺎﺗﻦ ﻣﻦ ﺍﻟﺨﻮﻑ ﻟﺰﻣﺖ ﺍﻟﻤﺤﺠﺮ ﻣﺎﻝ ﺍﻟﺪﺭﺝ ﻭﻛﻌﺪﺕ .. ﺍﻟﺒﻴﺖ ﺩﺧﻞ ﺍﻧﺬﺍﺭ ﻓﻮﻙ ﺍﻟﺜﻠﺚ ﺳﺎﻋﻪ ﻣﺎ ﻧﻌﺮﻑ ﻭﻳﻨﻬﻢ ﻭﺷﺼﺎﺭ
ﺍﻟﻰ ﺍﻧﺪﻛﺖ ﺍﻟﺒﺎﺏ ﺣﻴﻞ ﻛﻞ ﺍﺣﻨﻪ ﺭﻛﻀﻨﻪ ﻟﻠﺒﺎﺏ ﻭﺍﻧﻲ ﻗﺒﻠﻬﻢ
ﻓﺘﺤﺘﻪ ﻃﻠﻊ ﺍﺑﻦ ﺍﻟﺠﻴﺮﺍﻥ ﺻﻐﻴﺮ ﻋﻤﺮﻩ ١٠ ﺳﻨﻮﺍﺕ ﻛﺎﻝ
.. ﺧﺎﻟﻪ ﺍﺑﻨﻜﻢ ﻫﺠﺮﺱ ﻣﺎﺕ
ﺍﻧﻲ ﻫﻨﺎ ﺍﻧﻌﻜَﺪ ﻟﺴﺎﻧﻲ ﺍﺭﻳﺪ ﺍﺣﺠﻲ ﻣﺎ ﺍﻛﺪﺭ ﺣﺘﻰ ﺍﻭﻛﻒ ﺑﻴﺒﻲ ﻛﺎﻡ ﺗﺼﻴﺢ ﻳﺒﻮﻭﻭﻭ ﻣﻦ ﻭﺭﺍﻱ
ﻭﻓﻄﻮﻣﻪ ﺗﺒﺠﻲ ﻭﺗﻠﻄﻢ ﻭﺷﺎﺑﻜﺘﻬﺎ ﺣﻮﺭﻳﻪ ﻭﺗﺼﺮﺥ ﺑﺠﻲ ﻭﺻﻴﺎﺡ ﻫﺰ ﺍﻟﺒﻴﺖ ﺣﺘﻰ ﺑﺎﺑﺎ ﺣﻂ ﺍﻳﺪﻩ ﻋﻠﻰ ﻋﻴﻮﻧﻪ ﻭﻛﺎﻡ ﻳﺒﺠﻲ
ﺍﺣﺲ ﺍﻟﻜﻮﻥ ﻛﻠﻪ ﻭﻛﻒ ﻛﺪﺍﻣﻲ ﻛﻠﺸﻲ ﺑﻌﺪ ﻣﺎ ﻳﺘﺤﺮﻙ ﺳﻨﺪﺕ ﻧﻔﺴﻲ ﻉ ﺍﻟﺒﺎﺏ
ﻻ ﻫﺠﺮﺱ ﻣﺎ ﻳﻌﻮﻓﻨﻲ ﻣﺎ ﻳﻤﻮﺕ ﺟﺬﺍﺏ ﻫﺠﺮﺱ ﻃﻮﻝ ﺍﻟﻌﻤﺮ ﻳﻨﺘﻈﺮﻧﻲ ﻭﻣﻦ ﻛﻤﺖ ﺍﺣﺒﻪ ﻋﺎﻓﻨﻲ ﻣﺴﺘﺤﻴﻞ
ﻻﺯﻡ ﺍﺗﺄﻛﺪ ﻫﺬﺍ ﻃﻔﻞ ﻛﻠﺸﻲ ﻣﻤﻜﻦ ﻳﻜﻮﻝ ﻳﺠﻮﺯ ﺟﺬﺏ ﻻ ﻳﺎ ﺭﺑﻲ ﺩﺧﻴﻠﻚ ﻛﻠﺸﻲ ﻭﻻ ﻫﺠﺮﺱ ﻭﺍﻟﻠﻪ ﺍﻣﻮﺕ ﺑﺪﻭﻧﻪ ﻳﺎ ﺭﺑﻲ ﻻ ﺗﺤﺮﻣﻨﻲ ﺩﺧﻴﻠﻚ
ﺍﺑﺎﻭﻉ ﺑﺎﻟﻄﺎﺭﻣﻪ ﺗﺘﻤﺎﻳﻞ ﺩﺧﺖ ﻛﻠﺶ ﺑﺲ ﺗﻤﺎﺳﻜﺖ ﺍﺣﺲ ﺭﺏ ﺍﻟﻌﺎﻟﻤﻴﻦ ﺍﻧﻄﺎﻧﻲ ﺍﻟﻘﻮﻩ ﺑﺴﺎﻋﺘﻬﺎ
ﺭﺣﺖ ﻭﺭﺟﻠﻴﻪ ﻣﻦ ﺍﻟﺨﻮﻑ ﻭﺍﻟﺨﺮﻋﻪ ﻭﺣﺪﻩ ﺗﻄﻚ ﺑﺎﻟﺜﺎﻧﻴﻪ ﻭﺍﺳﻨﺪ ﺑﻨﻔﺴﻲ ﻋﻠﻰ ﺍﻟﺤﺎﻳﻂ ﻭﺩﺧﻠﺖ ﻟﻠﺒﻴﺖ ﺍﺧﺬﺕ ﺟﻬﺎﺯﻱ ﺩﻛﻴﺖ ﺑﺄﻳﺪﻳﻦ ﻳﺮﺟﻔﻦ ﻭﺩﻣﻮﻋﻲ ﺗﺼﺐ
ﺩﻛﻴﺖ ﻋﻠﻰ ﻛﻞ ﺍﻟﺘﻠﻔﻮﻧﺎﺕ ﻭﺍﻟﻌﻴﻮﻥ ﺗﺼﺐ ﻭﺍﻻﻳﺪ ﺗﺮﺟﻒ ﻣﺎﻛﻮ ﺍﺣﺪ ﻳﺠﺎﻭﺏ ﺍﺧﺮ ﺷﻲ ﻛﻠﺖ ﺧﻠﻲ ﺍﺩﻙ ﻋﻠﻰ ﻫﺠﺮﺱ
ﺩﻛﻴﺖ ﻃﻠﻊ ﻭﺍﺣﺪ
.. ﺍﻟﻮ
ﻛﺘﻠﻪ ﺑﺼﻮﺕ ﻳﺮﺟﻒ
.. ﺍﻟﻮ .. ﺧﻮﻳﻪ ﻫﺠﺮﺱ ﻭﻳﻦ
.. ﺧﻮﻳﻪ ﺻﺎﺣﺐ ﻫﺎﻟﻤﻮﺑﺎ ......
ﺳﻤﻌﺖ ﺻﻮﺕ ﻫﻮﺳﻪ ﻳﻤﻪ ﻭﺻﻮﺕ ﺯﻟﻢ ﺻﺤﺖ
.. ﺍﻟﻮﻭﻭﻭ ... ﺍﻟﻮﻭﻭﻭﻭﻭ
ﺍﻧﺴﺪ ﺍﻟﺘﻠﻔﻮﻥ ﺩﻛﻴﺖ ﻣﺎ ﺟﺎﻭﺑﻮﻧﻲ .. ﺭﺟﻌﺖ ﺩﻛﻴﺖ ﻳﻤﻜﻦ ٣٠ ﻣﺮﻩ ﻗﻠﻴﻠﻪ
ﺟﺎﻭﺑﻨﻲ ﻫﺎﺷﻢ ﻭﺻﺎﺡ
.. ﺍﻟﻮﻭﻭ .. ﻫﺎﺟﻴﻼﻥ ﺷﺒﻴﺞ ﺧﺒﺼﺘﻴﻨﻪ
ﺻﺤﺖ ﺑﻴﻪ ﻭﺍﻧﻲ ﺍﺑﺠﻲ
.. ﻫﺠﺮﺱ ﻭﻳﻦ .. ﻫﺎﺷﻢ ؟
.. ﻫﺠﺮﺱ ﺿﺮﺑﻮﻩ ﺑﺮﺍﺳﻪ ﻭﻫﺴﻪ ﺟﺒﻨﺎﻩ ﻟﻠﻄﻮﺍﺭﺉ
ﻟﻄﻤﺖ ﻋﻠﻰ ﺻﺪﺭﻱ ﻭﺻﺤﺖ
.. ﻳﻤﻪ ﻫﺠﺮﺱ ... ﺷﺒﻴﻪ ﻫﺎﺷﻢ؟
.. ﺿﺮﺑﻮﻩ ﺟﻤﺎﻋﺔ ﻫﺬﺍ ﺍﻟﻌﺎﺭ ﺑﺮﺍﺳﻪ ﺑﺨﺸﺒﻪ ﺛﻜًﻴﻠﻪ ﻭﻭﻛَﻊ
.. ﺍﺣﻠﻔﻚ ﺑﻌﺎﻓﻴﺘﻚ ﻣﺎ ﻣﺎﺕ ؟
ﺻﺎﺡ ﺑﻴﻪ ﻭﻫﻮ ﻳﺒﺠﻲ
.. ﺍﻧﺠﺒﻲ ﺟﻴﻼﻥ ﻟﻮ ﻣﻴﺖ ﺍﺳﻮﻟﻒ ﻭﻳﺎﺝ
ﻭﺳﺪﻩ ﻋﻨﻲ ﺍﻧﻲ ﻭﻛﻌﺖ ﺑﺎﻟﻜﺎﻉ ﻭﺍﺑﺠﻲ ﻭﺍﺻﺮﺥ ... ﺍﺟﻪ ﺑﺎﺑﺎ ﻟﻤﻨﻲ ﻟﺤﻀﻨﻪ ﺻﺤﺖ ﻭﺍﻧﻲ ﺍﺑﺠﻲ
.. ﺑﺎﺑﺎ ﻫﺠﺮﺱ ﻣﺎﻣﻴﺖ .. ﻫﺠﺮﺱ ﻋﺎﻳﺶ
.. ﺑﺎﺑﺎ ﻛﻮﻟﻲ ﺍﻟﻠﻪ ﻳﺮﺣﻤﻪ
.. ﺑﺎﺑﺎ ﻭﺍﻟﻠﻪ ﻫﺴﺘﻮﻧﻲ ﺧﺎﺑﺮﺕ ﻫﺎﺷﻢ ﻛﺎﻝ ﺑﺲ ﺿﺮﺑﻪ ﺑﺮﺍﺳﻪ ﺣﺒﺎﺏ ﺍﺧﺬﻧﻲ ﺍﺷﻮﻓﻪ ﺍﺑﻮﺱ ﺍﻳﺪﻙ
ﺑﺎﺑﺎ ﻭﻳﻦ ﺍﻧﺪﻟﻪ ﺍﻧﻌﻠﻲ ﺍﻟﺸﻴﻄﺎﻥ
.. ﺧﺎﺑﺮ ﻫﺎﺷﻢ ﻭﺷﻮﻓﻪ ﺣﺒﺎﺏ
ﺍﺧﺬ ﺗﻠﻔﻮﻧﻲ ﺩﻙ ﻋﻠﻴﻪ ﻫﻮﺍﻱ ﻣﺎ ﺟﺎﻭﺏ ﻛﺎﻝ ﻛﻮﻣﻲ ﻟﺒﺴﻲ ﻃﻠﻊ ﻛﺪﺍﻣﻲ ﻳﻬﺪﺃ ﺑﻴﺒﻲ ﺍﻟﻠﻲ ﺧﺒﺼﺖ ﺍﻛﻮﻥ ﺑﺎﻟﺼﻴﺎﺡ ﺍﻧﻪ ﻫﺠﺮﺱ ﻣﺎ ﻣﺎﺕ
ﺭﺣﺖ ﻟﺒﺴﺖ ﺷﺎﻟﻲ ﻭﺍﻟﻈﺎﻫﺮ ﻛﻞ ﻟﺒﻴﺒﻲ ﻛﺎﻟﺘﻠﻪ
.. ﻳﻤﻪ ﻋﺪﻧﺎﻥ .. ﺧﺎﺑﺮﻧﻲ ﻻ ﺗﺨﻠﻲ ﻛَﻠﺒﻲ ﻫﻨﺎ ﻣﻮﺟﺮ
.. ﺻﺎﺭ ﻳﻤﻪ
ﺍﺧﺬﻧﻲ ﻭﺭﻛﺐ ﺳﻴﺎﺭﺓ ﻋﻤﻲ ﺑﺲ ﻛﻮﻩ ﻳﻤﺸﻲ ﺑﻴﻬﺎ ﻻﻥ ﺑﺎﺑﺎ ﺗﻌﺒﺎﻥ ﻣﻮ ﺑﺼﺤﺘﻪ ... ﺭﺣﻨﻪ ﻉ ﺍﻟﻤﺴﺘﺸﻔﻰ ﺍﻟﻘﺮﻳﺒﻪ ﻋﻠﻰ ﻣﻨﻄﻘﺘﻬﻢ ﻭﻧﺰﻟﻨﻪ ﻧﺮﻛﺾ
ﺩﺧﻠﻨﻪ ﻟﻠﻤﺴﺘﺸﻔﻰ ﻛﺎﻝ ﺑﺎﺑﺎ
.. ﺍﻛﻌﺪﻱ ﻫﻨﺎ ﺧﻠﻲ ﺍﺷﻮﻓﻪ ﻣﻮﺟﻮﺩ ﻫﻨﺎ ﻟﻮ ﻻ
ﻫﺰﻳﺖ ﺭﺍﺳﻲ ﻭﻛﻌﺪﺕ ﻛﻤﺖ ﺍﺑﺠﻲ ﺍﻟﺪﻣﻮﻉ ﻣﺎ ﺍﻋﺮﻑ ﻣﻨﻴﻦ ﺩﺍ ﺗﺠﻲ ﺍﺣﺲ ﺭﻭﺣﻲ ﺍﻟﺘﺄﺫﺕ ﻣﻮ ﻫﺠﺮﺱ
ﺭﺑﻲ ﺗﻌﺒﺖ ﻟﻴﺶ ﺍﻋﺰ ﻧﺎﺳﻲ ﺩﺍ ﺗﺘﺄﺫﻩ ﻭﺗﺮﻭﺡ ﻳﺼﻴﺮ ﺍﻧﻲ ﻣﻨﻔﻮﺳﻪ ﻳﺼﻴﺮ ﺍﻧﻲ ﺑﻮﻣﻪ ﻳﺼﻴﺮ ﺍﻧﻲ ﻣﺎ ﺍﺳﺘﺎﻫﻞ ﺍﻟﻠﻲ ﻳﺤﺒﻮﻧﻲ
ﺍﺑﺠﻲ ﻭﺍﺩﻋﻲ ﻟﻬﺠﺮﺱ ﻛﻮﻥ ﻣﺎ ﻳﺼﻴﺮ ﺑﻴﻪ ﻳﺎ ﺭﺑﻲ ﺑﻴﻪ ﻭﻻ ﺑﻬﺠﺮﺱ .. ﻫﺴﻪ ﻋﺮﻓﺖ ﺍﻧﻲ ﺣﺒﻴﺘﻪ ﻭﻣﺎ ﺍﻛﺪﺭ ﺑﺪﻭﻧﻪ .. ﻫﺴﻪ ﻋﺮﻓﺖ ﺍﻧﻲ ﺷﻜﺪ ﺍﺫﻳﺘﻪ .. ﻫﺴﻪ ﻋﺮﻓﺖ ﻫﻮ ﺷﻜﺪ ﺗﺤﻤﻠﻨﻲ ﻭﺻﺒﺮ ﻋﻠﻴﻪ ﻭﻣﺎ ﺷﻜﻰ ﻣﻨﻲ ﻳﻮﻡ
ﺍﺟﻪ ﺑﺎﺑﺎ ﻛﺎﻝ
.. ﻛﻮﻣﻲ ﻣﻮﺟﻮﺩﻳﻦ ﺑﺎﻟﻄﻮﺍﺭﺉ
ﺍﻣﺸﻲ ﻭﻳﺎﻩ ﻭﺍﺗﻌﺜﺮ ﺑﻌﺒﺎﺗﻲ ﻭﺍﺑﺠﻲ ﺷﻔﺖ ﻫﺎﺷﻢ ﻣﻦ ﺑﻌﻴﺪ ﻭﺍﻛﻒ ﻭﻭﺟﻬﻪ ﺍﺻﻔﺮ ﻭﺑﻴﻪ ﺩﻡ ﻣﻦ ﻳﻢ ﺍﻟﺤﺎﺟﺐ ﻣﺸﻜﻮﻙ ﻭﺩﻡ ﻳﺠﺮﻱ
ﻭﺟﺪﻱ ﻛﺎﻋﺪ ﻉ ﺍﻟﻜﺮﺳﻲ ﻭﻋﻤﻲ ﺑﺎﻟﻜﺎﻉ ﻭﺩﺷﺪﺍﺷﺘﻪ ﻣﺸﻜﻮﻛﻪ ﻳﺒﺠﻲ ﺍﺭﻳﺪ ﺍﻭﺻﻞ ﻣﺎ ﺍﻛﺪﺭ ﺭﺟﻠﺒﻪ ﻣﺎ ﻳﺸﻴﻠﻨﻲ ﻣﻦ ﺍﻟﺨﻮﻑ ﻭﺍﻟﺮﺟﻔﻪ ﻟﺤﻈﺎﺕ ﻣﺎ ﺍﺗﻤﻨﺎﻫﺎ ﻟﻌﺪﻭﻱ
ﺷﺎﻓﻨﻲ ﻫﺎﺷﻢ ﺍﺟﻪ ﻳﺮﻛﺾ ﻛﻠﻪ
.. ﻋﻤﻲ ﻭﻳﻦ ﺟﺎﻳﺒﻬﺎ ﻭﺍﺩﻡ ﻫﻮﺍﻱ ﻫﻨﺎ ﻭﺷﺮﻃﻪ ﻭﺍﻟﺪﻧﻴﺎ ﻣﺤﺘﺮﻛﻪ
ﺟﺎﻥ ﻛﻠﺒﻲ ﻣﻮﺭﻡ ﻣﻨﻪ ﺭﺣﺖ ﻋﻠﻴﻪ ﺿﺮﺑﺖ ﺭﺍﺷﺪﻱ ﻗﻮﻱ ﻭﺍﻧﻲ ﺍﺑﺠﻲ ﻭﺍﺻﻴﺢ
.. ﺍﻧﺠﺐ ﺣﻘﻴﺮ ... ﻟﻴﺶ ﻫﻴﺠﻲ ﺳﻮﻳﺖ ﺑﺄﺧﻮﻙ
ﻫﻮ ﺍﻧﺼﺪﻡ ﻣﻦ ﺍﻟﺴﻮﻳﺘﻪ ﻋﻔﺘﻪ ﻭﺭﺩﺕ ﺍﺭﻭﺣﻠﻪ ﻟﺰﻣﻨﻲ ﺑﺎﺑﺎ ﻛﺎﻝ
.. ﺗﻌﺎﻱ ﺑﺎﺑﺎ ﺍﻧﻲ ﺭﺍﻳﺢ ﺍﺷﻮﻓﻪ ﻭﺍﺟﻴﺞ .. ﻛﻌﺪﻱ ﻫﻨﺎ
ﻋﺎﻓﻨﻲ ﺑﺎﺑﺎ ﻛﻌﺪﺕ ﺑﺎﻟﻜﺎﻉ ﻛﻤﺖ ﺍﻧﻮﺡ ﻭﺍﺑﺠﻲ ﻫﺎﺷﻢ ﻛﻌﺪ ﻳﻤﻲ ﻭﺩﻣﻮﻋﻪ ﺗﺠﺮﻱ ﻭﺍﺧﺬﻧﻲ ﻟﺤﻀﻨﻪ ﻭﺩﻣﻮﻋﻪ ﺟﺮﺕ ﻛﺎﻝ ﻭﻫﻮ ﻳﻨﺎﺷﻎ
.. ﺍﻧﻲ ﺍﺳﻒ ... ﻻ ﺗﺒﺠﻴﻦ ... ﺍﻧﻲ ﺍﺳﻒ .. ﺍﻧﻲ ﺍﻻﺳﺘﺎﻫﻞ ﺍﻟﻀﺮﺑﻪ ﻣﻮ ﻫﻮ ... ﻫﻮ ﺭﺍﺩ ﻳﺤﻤﻴﻨﻲ ﺑﺲ ﺍﺫﻩ ﻛَﻠﺒﻲ
ﺍﺟﻪ ﺭﺟﺎﻝ ﻣﻌﻜﻞ ﻭﻭﻳﺎﻩ ﺭﺟﺎﻝ ﺑﻜﺪ ﺑﺎﺑﺎ ﻛﺎﻡ ﻳﺘﻬﺪﺩﻭﻥ ﻭﻳﻪ ﻫﺎﺷﻢ
.. ﺷﻨﻮ ﺗﺸﺘﻜﻲ ﻋﻠﻴﻪ ﻭﺗﺬﺑﻪ ﺣﺒﺲ ... ﻭﺍﻧﺖ ﺍﻟﻤﺘﻬﺠﻢ .. ﻭﺍﺣﻨﻪ ﺍﻟﻠﻲ ﻻﺯﻡ ﻧﺸﺘﻜﻲ .. ﻭ ........
ﻣﺎ ﻓﻬﻤﺖ ﻣﻦ ﻛﻼﻣﻬﻢ ﺷﻲ ﺑﺲ ﻫﻮﺳﻪ ﺑﺲ ﻫﺎﺷﻢ ﻛﺎﻣﻠﻬﻢ ﻭﻛﺎﻡ ﻳﺼﻴﺢ ﻛﺎﻟﻠﻬﻢ
.. ﻣﺎ ﺩﺍﻡ ﺍﻟﻬﻮﺳﻪ ﻣﺎ ﺻﺎﺭﺕ ﺑﺒﻴﺘﻜﻢ ﺗﺤﻄﻮﻥ ﻟﺴﺎﻧﻜﻢ ﺑﺤﻠﻜﻜﻢ ﻭﺗﺴﻜﺘﻮﻥ ﺍﻧﻲ ﺍﻋﺮﻑ ﺷﻠﻮﻥ ﺍﺧﺬﻱ ﺣﻜَﻲ ﻣﻨﻜﻢ
ﺍﺟﻪ ﺯﻭﺝ ﻋﻤﺘﻲ ﻛﻮﺍﻛﺐ ﺍﺳﻤﻌﻪ ﺍﺧﺬﻫﻢ ﻋﻠﻰ ﺻﻔﺤﻪ ﻭﺭﺍﻫﺎ ﻋﺎﻓﻮﻩ ﻭﺭﺍﺣﻮﺍ ﻭﺍﺟﻪ ﺍﺧﺬ ﻫﺎﺷﻢ ﻋﻠﻰ ﺻﻔﺤﻪ ﻭﻛﺎﻡ ﻳﺴﻮﻟﻒ ﻭﻳﺎﻩ
ﺍﻧﻲ ﺑﺎﻟﻲ ﻣﻮ ﻭﻳﻪ ﺍﻟﺤﺠﻲ ﺑﺎﻟﻲ ﺑﺤﺒﻴﺐ ﻗﻠﺒﻲ ﺍﺍﻟﻲ ﻣﺎ ﺍﻋﺮﻑ ﺧﺒﺮﻩ ﻟﺴﻪ ﺍﺭﻳﺪ ﺍﺷﻮﻓﻪ ﻗﻠﺒﻲ ﻧﺎﺭ ﻋﻠﻴﻪ .. ﻳﺎ ﺭﺑﻲ ﺑﺮﺩ ﻗﻠﺒﻲ ﻋﻠﻴﻪ
ﻣﺎ ﺧﻠﻴﺖ ﺩﻋﺎﺀ ﻭﺍﻳﻪ ﺗﻌﺘﺐ ﻋﻠﻴﻪ ﻭﺍﻟﺒﺠﻲ .. ﺗﺄﺧﺮ ﺑﺎﺑﺎ ﻳﻠﻪ ﺍﺟﻪ ﻛﺎﻝ
.. ﺑﻨﻴﺘﻲ ﻛﻮﻣﻲ ﺣﺠﻴﺖ ﻭﻳﻪ ﺍﻟﻄﺒﻴﺐ ﺑﺲ ﺧﻠﻲ ﺗﺨﻒ ﺍﻟﺰﻟﻢ ﺍﻟﻠﻲ ﺑﺎﻟﺒﺎﺏ ﻭﻧﻄﺐ
.. ﺑﺎﺑﺎ ﺷﻠﻮﻧﻪ ﺷﻜﻠﺞ
.. ﻳﻜﻮﻝ ﺍﻟﻀﺮﺑﻪ ﻣﻮ ﻗﻮﻳﻪ ٥ ﺯﺭﺍﺭﺍﺕ ﺑﺲ ﻳﺨﺎﻓﻮﻥ ﻋﻠﻴﻪ ﻻ ﻳﺼﻴﺮ ﻋﻨﺪﻩ ﻧﺰﻳﻒ ﺩﺍﺧﻠﻲ ﻓﻤﺨﻠﻴﻪ ﺗﺤﺖ ﺍﻟﻤﺮﺍﻗﺒﻪ
ﺷﺒﻜَﺘﻪ ﻭﺍﺑﺠﻲ ﻧﺰﻟﻨﻪ ﺟﻮﻩ ﻭﻛﻌﺪﻧﻪ ﻉ ﻛﺮﺍﺳﻲ ﺍﻻﻧﺘﻈﺎﺭ ﻛﺘﻠﻪ ﻭﺍﻧﻲ ﺍﻣﺴﺢ ﺑﺪﻣﻮﻋﻲ
.. ﺑﺎﺑﺎ ﺷﻠﻮﻥ ﺻﺎﺭﺕ ﺍﻟﺴﺎﻟﻔﻪ ﻣﺎ ﻓﻬﻤﺖ ؟
.. ﺍﻟﻠﻲ ﻓﻬﻤﺘﻪ ﺍﻧﻪ ﻫﺎﺷﻢ ﺭﺍﻛﺾ ﻟﺒﻴﺖ ﻋﻘﻴﻞ ﺭﺍﺩ ﻳﺴﺤﻠﻪ ﻣﻦ ﺍﻟﺒﻴﺖ ﻳﺒﺴﻄﻪ ﻻﻛﻴﻪ ﺑﺎﻟﺸﺎﺭﻉ ﻭﺍﻛﻒ ﻭﻳﻪ ﺟﻤﺎﻋﺘﻪ ﺗﻼﺛﻪ .... ﺟﺎﻱ ﻋﻠﻴﻪ ﺿﺎﺭﺑﻪ ﺑﻮﻛﺲ ﻭﺫﺍﻙ ﻛﺎﻳﻢ ﺿﺎﺭﺑﻪ ﻣﺘﻼﻃﻤﻴﻦ ﻟﺤﻜﻪ ﻫﺠﺮﺱ ﺭﺍﻳﺪ ﻳﻔﺎﻛﻜﻬﻢ ﻫﻮ ﻭﻋﻤﺞ ﻣﺎ ﻛﺪﺭﻭﺍ ﺟﻤﺎﻋﺘﻪ ﻫﻢ ﻫﺪﻭﺍ ﻋﻠﻰ ﻫﺠﺮﺱ ﻭﻋﻤﺞ ﻣﺘﻀﺎﺭﺑﻴﻦ ﺍﺧﺮ ﺷﻲ ﻋﻘﻴﻞ ﺳﺎﺣﻞ ﺗﻮﺛﻴﻪ ﻣﻦ ﺑﻴﺘﻬﻢ ﻭﺍﺟﻪ ﺭﺍﺩ ﻳﻀﺮﺏ ﻫﺎﺷﻢ ﺑﺲ ﻫﺠﺮﺱ ﺣﻤﺎﻩ ﻭﻭﻛﻌﺖ ﺑﺮﺍﺳﻪ ﻭﻫﺎﺷﻢ ﻣﺸﺘﻜﻲ ﻋﻠﻴﻪ ﻭﺫﺍﺑﻪ ﺑﺎﻟﺤﺒﺲ ﻟﻌﻘﻴﻞ
ﺷﻬﻜﺖ ﻭﺭﺟﻌﺖ ﺩﻣﻮﻋﻲ ﺗﺠﺮﻱ ... ﺩﻙ ﺗﻠﻔﻮﻧﻲ ﺟﺎﻧﺖ ﻓﻄﻮﻡ ﺟﺎﻭﺑﺘﻬﺎ ﻭﺍﻧﻲ ﺍﺑﺠﻲ
.. ﺍﻟﻮ ﻫﺎ ﻓﻄﻮﻡ
.. ﻫﺎ ﺣﺒﻮﺑﻪ ﺟﻮﻳﻠﻪ .. ﺷﻠﻮﻧﻪ ﺑﻨﻴﻲ
ﻛﻤﺖ ﺍﺑﺠﻲ ﺣﻴﻞ
.. ﺑﻴﺒﻲ ﻳﻜﻮﻟﻮﻥ ﺍﻟﻀﺮﺑﻪ ﻣﻮ ﻗﻮﻳﻪ ﺑﺲ ﻳﺨﺎﻓﻮﻥ ﻻ ﻳﺼﻴﺮ ﻋﻨﺪﻩ ﻧﺰﻳﻒ ﺩﺍﺧﻠﻲ ﻟﺴﻪ ﻣﺎ ﺷﻔﻨﺎﻩ ﺍﻟﻤﺴﺘﺸﻔﻰ ﻣﻜﻠﻮﺑﻪ ﺯﻟﻢ ﻭﺷﺮﻃﻪ
ﺑﻴﺒﻲ ﻛﺎﻡ ﺗﺪﻙ ﻭﺗﺒﺠﻲ
.. ﻳﻤﻪ ﻭﻟﻴﺪﻱ ﻫﺠﺮﺱ ﻳﻤﻪ ﺣﺒﻴﺐ ﻛَﻠﺒﻲ ﻻ ﺗﺮﺍﻭﻳﻨﻲ ﺑﻴﻪ ﻣﻜﺮﻭﻩ
ﺍﺧﺬﺕ ﻓﻄﻮﻣﻪ ﺍﻟﻤﻮﺑﺎﻳﻞ ﻣﻦ ﺑﻴﺒﻲ
.. ﺟﻴﻼﻥ ﺍﺣﺠﻴﻠﺞ ﺣﺠﺎﻳﻪ ﺑﻴﻬﺎ ﺣﻆ ﻟﺒﻴﺒﻲ ﺭﺍﺡ ﺗﻤﻮﺕ .. ﻓﺪﻭﻩ ﺣﺘﻰ ﺗﺨﺮﺑﻄﺖ ﻋﻠﻴﻨﻪ .. ﺣﺘﻰ ﺍﻣﻲ ﻣﺎ ﺍﻛﺪﺭ ﺍﺧﺎﺑﺮﻫﺎ ﺑﺲ ﺗﻌﺮﻑ ﺗﻮﻛﻊ ﻣﻦ ﻃﻮﻟﻬﺎ
ﺍﻧﻲ ﺑﺲ ﺍﺑﺠﻲ ﺍﺣﺲ ﺍﻳﺪﻳﻪ ﻣﺮﺑﻄﻪ ﻭﺍﻟﻠﻪ ﺍﺣﺲ ﺭﺍﺡ ﺍﻭﻛﻊ ﺑﺲ ﻣﻦ ﺍﻟﺨﺮﻋﻪ ﻭﺍﻟﻬﻮﺳﻪ ﻛﻠﺸﻲ ﻣﺎ ﻣﻔﺘﻬﻤﻪ ﻣﻦ ﺍﻟﻮﺿﻊ ﻭﻗﻠﺒﻲ ﻧﺎﺭ ﺑﺲ ﺍﺭﻳﺪ ﺍﺷﻮﻓﻪ
ﺳﺪﻳﺘﻪ ﻣﻨﻬﺎ ﺍﺟﻪ ﺑﺎﺑﺎ ﻭﺟﻬﻪ ﺍﺻﻔﺮ ﺍﻧﻮﺏ ﺧﻔﺖ ﻉ ﺑﺎﺑﺎ ﻟﺰﻣﺘﻪ
.. ﺑﺎﺑﺎ ﺣﺒﻴﻲ ﺷﺒﻴﻚ .. ﺗﻌﺎﻝ ﺍﻛﻌﺪ
ﻟﺰﻡ ﺍﻟﻜﺮﺳﻲ ﻭﻛﻌﺪ ﻛﺘﻠﻪ ﻭﺩﻣﻮﻋﻲ ﻣﺎ ﻭﻛﻔﺖ
.. ﺳﻮﺩﻩ ﻋﻠﻴﻪ ﺣﺒﻴﺒﻲ ﺗﻌﺒﺘﻚ ﻭﺟﺒﺘﻚ ﻭﺍﻧﺖ ﻣﺮﻳﺾ
.. ﻻ ﺣﺒﻴﺒﻲ ﻫﺴﻪ ٥ ﺩﻗﺎﻳﻖ ﻭﺍﺧﺬﺝ ﺗﺸﻮﻓﻴﻪ ﺍﻟﺰﻟﻢ ﺷﻮﻳﻪ ﺗﻔﺮﻗﻮﺍ
.. ﺍﻧﻲ ﺍﺭﻭﺡ ﺑﺎﺑﺎ ﻻ ﺗﻜﻮﻡ
.. ﻻ ﻛﻌﺪﻱ ﻫﺴﻪ ﺷﻮﻳﻪ ﻭﻧﺮﻭﺡ ﺍﻧﻲ ﻭﻳﺎﺝ
ﺳﻜﺘﺖ ﺍﺧﺬﺕ ﺍﻳﺪﻩ ﺍﻓﺮﻛﻬﺎ ﺍﻟﻪ ﺣﺘﻰ ﻳﺮﺗﺎﺡ ﺷﻮﻳﻪ ﻭ ﺑﻘﻴﻨﻪ ﻛﺎﻋﺪﻳﻦ ٥ ﺩﻗﺎﻳﻖ ﺗﻘﺮﻳﺒﺎ ﻛﺎﻡ ﻭﻛﺎﻝ
.. ﻳﻠﻪ ﺑﺎﺑﺎ ﻛﻮﻣﻲ
ﺳﻨﺪﺗﻪ ﻭﻛﻤﺖ ﻟﻜﻴﺘﻪ ﺑﺲ ٢ ﺯﻟﻢ ﺑﺎﻟﺒﺎﺏ ﻭﻗﺎﺳﻢ ﺍﺑﻦ ﻋﻤﺘﻲ ﻛﻮﺍﻛﺐ ﺍﺟﻪ ﻳﺮﻛﺾ
.. ﻫﺎ ﺧﺎﻟﻲ
.. ﺧﺎﻟﻲ ﺧﻠﻲ ﺟﻴﻼﻥ ﺗﻄﺐ ﺗﺸﻮﻑ ﺭﺟﻠﻬﺎ ﺷﻮﻳﻪ ﻭﺗﻄﻠﻊ
.. ﺗﻌﺎﻱ ﺧﻮﻳﻪ
ﻓﺘﺢ ﺍﻟﺒﺎﺏ ﻭﻟﻔﻴﺖ ﻧﻔﺴﻲ ﻭﻓﺘﺖ ﻭﺍﺥ ﺭﻳﺘﻨﻲ ﻣﺎ ﻓﺘﺖ ﻭﺷﻔﺘﻪ
ﺫﺍﻙ ﺍﻟﺤﻠﻮ ﺍﻟﻤﺘﺮﻭﺱ ﻫﻴﺒﻪ ﻭﻭﺟﻬﻪ ﺍﺣﻤﺮ .. ﻧﺎﻳﻢ ﻭﺩﺷﺪﺍﺷﺘﻪ ﻛﻠﻬﺎ ﺩﻡ ﻭﺭﺍﺳﻪ ﻣﻠﻔﻮﻑ ﻭﺍﻟﻮﺟﻬﻪ ﺍﺻﻔﺮ ﻭﺷﻔﺘﻪ ﻣﻦ ﺟﻮﻩ ﺑﻴﻬﺎ ﺩﻡ ﻭﺍﻟﺼﻮﻧﺪﻩ ﺑﺄﻳﺪﻩ ..... ﻛﻌﺪﺕ ﻳﻢ ﺍﻳﺪﻩ ﺍﺧﺬﺗﻬﺎ ﻛﻤﺖ ﺍﺑﻮﺱ ﺑﻴﻬﺎ ﻭﺍﺑﺠﻲ
.. ﻫﺠﺮﺱ ﺣﺒﻴﺒﻲ .. ﻻ ﺗﻤﻮﺕ ﻭﺍﻟﻘﺮﺍﻥ ﺍﻣﻮﺕ ﻭﺭﺍﻙ ... ﺷﺘﺮﻳﺪ ﺍﻛﻮﻟﻚ .. ﺍﻧﺖ ﺣﺒﻴﺒﻲ .. ﺍﻛﻠﻚ ﺍﻧﺖ ﺭﻭﺣﻲ .. ﺍﻛﻠﻚ ﺍﻧﻲ ﺍﺣﺒﻚ ﻭﺍﻟﺪﻧﻴﺎ ﻣﺎ ﺗﺴﻮﻩ ﺷﻲ ﺑﺪﻭﻧﻚ 
ﻣﺎ ﻛﺪﺭﺕ ﺍﻛﻤﻞ ﻧﻤﺖ ﻋﻠﻰ ﺻﺪﺭﻩ ﻭﺍﺷﻢ ﺑﺪﺷﺪﺍﺷﺘﻪ ﻭﻋﻄﺮﻩ ﻭﺍﻣﺴﺢ ﺩﻣﻮﻋﻲ ﺑﻴﻬﺎ ﻛﻤﺖ ﺍﺑﺠﻲ ﺍﻛﺜﺮ
.. ﻻ ﺗﻌﻮﻓﻨﻲ ... ﻫﺠﺮﺱ ﻻ ﺗﻌﻮﻑ ﺣﺒﻴﺒﺘﻚ .. ﻭﺍﻟﻠﻪ ﺍﻧﻲ ﺍﺣﺒﻚ ﻭﺍﻋﺸﻖ ﺗﺮﺍﺏ ﺭﺟﻠﻴﻚ .. ﺑﺲ ﻛَﻮﻣﻠﻲ .. ﺷﺘﺮﻳﺪ ﺍﺳﻮﻳﻠﻚ .. ﺍﻧﻲ ﺍﺳﻔﻪ ﻋﻠﻰ ﻛﻠﺸﻲ ﺳﻮﻳﺘﻪ ﻭﻳﺎﻙ ﻗﺒﻞ ... ﻻ ﺗﺨﻠﻲ ﺭﻭﺣﻲ ﻣﻜﺴﻮﺭﻩ ﺑﻐﻴﺎﺑﻚ .. ﺍﻓﺘﺢ ﻋﻴﻮﻧﻚ ﻭﺷﻮﻓﻨﻲ ... ﻭﺍﺍﻟﻪ ﺑﺲ ﺗﺮﺟﻊ ﺍﻋﻮﺿﻚ ﻋﻦ ﻛﻞ ﺫﻳﺞ ﺍﻻﻳﺎﻡ
ﺑﻬﺎﻻﺛﻨﺎﺀ ﺩﺧﻞ ﺑﺎﺑﺎ ﺳﺤﺒﻨﻲ ﻣﻦ ﺻﺪﺭﻩ ﻭﻛﺎﻝ
.. ﺑﺎﺑﺎ ﺍﻧﻌﻠﻲ ﺍﻟﺸﻴﻄﺎﻥ ﺻﺪﻙ ﺗﺤﺠﻴﻦ ﺍﻟﺮﺟﺎﻝ ﻣﺮﻳﺾ ﻫﻮ ﻫﻴﺞ ﻛﺘﻠﺞ ﺷﻮﻓﻴﻪ ﻣﺎ ﻛﺘﻠﺞ ﺍﻧﺼﺒﻲ ﻣﻨﺎﺣﻪ
ﺭﺍﺩ ﻳﺴﺤﺒﻨﻲ ﺩﻧﻜﺖ ﻉ ﻭﺟﻬﻪ ﻭﺑﺴﺘﻪ ﺑﺨﺪﻩ ﻭﺟﻨﺖ ﻻﺑﺴﻪ ﻛَﻼﺩﻩ ﺑﻴﻬﺎ ﺍﻳﺔ ﺍﻟﻜﺮﺳﻲ ﻧﺰﻋﺘﻬﺎ ﻭﻟﻔﻴﺘﻬﺎ ﺩﺍﻳﺮ ﻣﺪﺍﻳﺮ ﺍﻳﺪﻩ ﻭﻛﺘﻠﻪ
.. ﺍﻳﺔ ﺍﻟﻜﺮﺳﻲ ﺗﺤﻔﻈﻚ ﻭﺗﻜﻮﻣﻚ ﺍﻟﻲ ﺑﺎﻟﺴﻼﻣﻪ ﻳﺎ ﺭﻭﺣﻲ
ﺍﺧﺬﻧﻲ ﺑﺎﺑﺎ ﻭﻃﻠﻌﻨﻪ ... ﺑﺎﺑﺎ ﺣﺠﻪ ﻛﻢ ﻛﻠﻤﻪ ﻭﻳﻪ ﻫﺎﺷﻢ ﻭﻛﺎﻝ ﺍﻧﺘﻈﺮﻱ ﻫﻨﺎ ﺭﺍﺣﻮﺍ ﺷﻮﻳﻪ ﻭﺍﺟﻪ ﻛﺎﻝ
.. ﺳﺎﻟﻨﻪ ﺍﻟﺪﻛﺘﻮﺭ ﻛﺎﻝ ﻣﺎ ﺑﻴﻪ ﺷﻲ ﺍﻥ ﺷﺎﺀ ﺍﻟﻠﻪ ﺍﻟﻀﺮﺑﻪ ﻣﻮ ﺑﺎﻟﻤﻜﺎﻥ ﺍﻟﺨﻄﺮ ﺑﺎﻟﺮﺍﺱ ﺑﺲ ﻳﺨﺎﻓﻮﻥ ﻣﻦ ﺍﻟﻨﺰﻳﻒ ﺍﻟﺪﺍﺧﻠﻲ ﺭﺍﺡ ﻳﺒﻘﻮﻩ ﺍﻟﻠﻴﻠﻪ ﻫﻨﺎ ﻭﻳﺴﻮﻭﻟﻪ ﻣﻔﺮﺍﺱ ﻭﺍﺫﺍ ﻣﺎ ﺑﻴﻪ ﺷﻲ ﺍﻟﺼﺒﺢ ﻳﻄﻠﻌﻮﻩ
ﺷﻮﻳﻪ ﻧﻔﺴﻲ ﻫﺪﺃﺕ ﻭﺍﺭﺗﺎﺣﻴﺖ ﺍﻟﻒ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﺭﺑﻲ ﻭﻧﺰﻟﻨﻪ
ﺑﺒﺎﺏ ﺍﻟﻤﺴﺘﺸﻔﻰ ﺑﺎﺑﺎ ﺩﺍﺥ ﻭﻭﻛﻊ ﺻﺤﺖ
.. ﺑﺎﺑﺎﺍﺍﺍﺍﺍﺍﺍﺍﺍﺍﺍ
ﻛﻤﺖ ﺍﺻﻴﺢ
.. ﻳﺎ ﻋﺎﻟﻢ ﺍﻟﺤﻜﻮﻧﻴﻴﻴﻴﻴﻴﻴﻴﻴﻴﻲ ... ﺍﺑﻮﻳﻴﻴﻴﻴﻴﻴﻲ
ﺍﺟﻮﻱ ﺯﻟﻢ ﺷﺎﻟﻮ ﺑﺎﺑﺎ ﻭﺍﺧﺬﻭﻩ ﻟﻠﻄﻮﺍﺭﺉ ﺷﻔﻨﻪ ﻫﺎﺷﻢ ﻣﻦ ﺑﻌﻴﺪ ﺍﺟﻪ ﻳﺮﻛﺾ ﻭﻳﺼﻴﺢ
.. ﺷﻜﻮ ... ﺷﺼﺎﻳﺮ
.. ﺑﺎﺑﺎ ﻭﻛﻊ ﻭﺗﺨﺮﺑﻂ
.. ﺍﻧﺘﻲ ﻟﻴﺶ ﺟﺒﺘﻲ ﺍﺑﻮﺝ ﻗﻨﺪﺭﻩ ... ﻣﺎ ﺗﺸﻮﻓﻴﻪ ﺷﻠﻮﻥ ﺗﻌﺒﺎﻥ
.. ﻛﺎﻓﻲ ﻫﺎﺷﻢ ﻭﺍﻟﻘﺮﺍﻥ ﺍﻛﺘﻞ ﺭﻭﺣﻲ ﻭﺍﺧﻠﺺ
.. ﺍﻧﺠﺒﻲ ﺍﻣﺸﻲ ﻛﻌﺪﻱ ﻫﻨﺎﻙ
ﺭﺣﺖ ﻛﻌﺪﺕ ﻉ ﺍﻟﻜﺮﺍﺳﻲ ﻭﺍﻧﻲ ﺍﻟﻄﻢ ﻉ ﺭﺍﺳﻲ ﻭﺧﺪﻱ ﻭﺍﻧﻮﺡ .. ﻳﺎ ﺭﺑﻲ ﻻ ﺗﺮﺍﻭﻳﻨﻲ ﺑﺒﺎﺑﺎ ﻣﻜﺮﻭﻩ ﻭﻻ ﺑﻬﺠﺮﺱ ﻭﺍﺣﺪ ﺍﻏﻠﻰ ﻣﻦ ﺍﻟﺜﺎﻧﻲ ﺍﺧﺬ ﻣﻦ ﻋﻤﺮﻱ ﻭﺍﻧﻄﻴﻬﻢ ﻗﺎﺑﻠﻪ ﺍﻣﻮﺕ ﻧﺎﻗﺼﺔ ﻋﻤﺮ ﺑﺲ ﻻ ﺗﺤﺮﻣﻨﻲ ﻣﻨﻬﻢ
ﻭﺭﻩ ﺛﻠﺚ ﺳﺎﻋﻪ ﻣﻦ ﺍﻟﻘﻬﺮ ﻭﺍﻟﻈﻴﻢ ﻭﺍﻻﻧﺘﻈﺎﺭ ﻃﻠﻊ ﻫﺎﺷﻢ ﺳﺎﻧﺪ ﺑﺎﺑﺎ
ﺭﺣﺖ ﺍﺭﻛﺾ ﺍﻟﻬﻢ
.. ﻫﺎ ﻳﺎ ﺭﻭﺣﻲ ﺷﻠﻮﻥ ﺻﺮﺕ
ﻛﺎﻝ ﻫﺎﺷﻢ
.. ﺷﻮﻳﻪ ﺿﻐﻄﻪ ﻣﺮﺗﻔﻊ ﺍﻣﺸﻲ ﺍﻭﺻﻠﻜﻢ ﻭﺍﺭﺟﻊ
ﺑﻬﺎﻻﺛﻨﺎﺀ ﺍﺟﻪ ﺍﺑﻮ ﻣﺎﻟﻚ ﺯﻭﺝ ﺑﺸﺮﻯ ﺷﺎﻓﻨﻪ ﺍﺟﻪ ﻳﺮﻛﺾ
.. ﻫﺎ ﻳﻤﻌﻮﺩﻳﻦ ﺑﺸﺮﻭﺍ ﺷﻠﻮﻧﻪ ﺍﺑﻮ ﻛﺮﻡ ‏( ﺍﻟﻨﺎﺱ ﺗﻠﻘﺐ ﻫﺠﺮﺱ ﺑﺄﺑﻮ ﻛﺮﻡ ‏)
.. ﻭﺍﻟﻠﻪ ﺑﻌﺪﻩ ﻓﺪﻭﻩ ﺍﺑﻮ ﻣﺎﻟﻚ ﺭﻭﺡ ﻳﻤﻬﻢ ﻋﻠﻰ ﻣﺎ ﺍﻭﺩﻱ ﻋﻤﻲ ﺗﺨﺮﺑﻂ ﻭﺍﺟﻲ
.. ﻻ ﺭﻭﺡ ﺍﻧﺖ ﺍﻧﻲ ﺍﺧﺬﻫﻢ ﻭﺍﺭﺟﻌﻠﻚ
.. ﻣﺎﺷﻲ
ﺳﻨﺪ ﺍﺑﻮ ﻣﺎﻟﻚ ﺑﺎﺑﺎ ﻭﺻﻌﺪﻧﻪ ﺑﺴﻴﺎﺭﺗﻪ ﻭﻋﻔﺖ ﺭﻭﺣﻲ ﻳﻤﻪ ﻭﻣﺸﻴﻨﻪ
ﺭﺟﻌﻨﻪ ﻟﻠﺒﻴﺖ ﻟﻜﻴﺘﻪ ﻋﻤﺘﻲ ﻛﻮﺍﻛﺐ ﻭﺑﺸﺮﻯ ﻭﺣﻮﺭﻳﻪ ﻭﻧﺴﻮﺍﻥ ﺍﺛﻨﻴﻦ ﻣﻦ ﺍﻟﻤﻨﻄﻘﻪ ... ﺑﻴﺒﻲ ﺗﻠﻜﺘﻨﻪ ﻭﻭﺟﻬﻪ ﺍﺣﻤﺮ ﻣﻦ ﺍﻟﺪﻙ ﻭﻧﺎﺯﻋﻪ ﺷﻴﻠﺘﻬﺎ
ﻭﺻﺎﺣﺖ
.. ﻭﻟﻜﻢ ﻛﻠﻮﻟﻲ ﻫﺠﻴﺮﺱ ﺷﻠﻮﻧﻪ
ﺑﺸﺮﻯ ﻛﺎﻟﺖ
.. ﺍﺧﻴﻲ ﺷﻠﻮﻧﻪ ﺟﻮﻟﻲ
ﻛﺘﻠﻬﺎ
.. ﺑﻴﺒﻲ ﻣﺎ ﺑﻴﻪ ﺷﻲ ﺍﻟﺪﻛﺘﻮﺭ ﻃﻤﻨﻪ ﻋﻠﻴﻪ ﻛﺎﻝ ﺍﻥ ﺷﺎﺀ ﺍﻟﻠﻪ ﺑﺴﻴﻄﻪ
.. ﺍﻛﻠﻲ ﻣﻄﻲ ﺍﻧﺘﻲ ﺗﺠﺬﺑﻴﻦ ﻋﻠﻴﻪ ﺟﺎ ﻟﻴﺶ ﻣﺎ ﻃﻠﻊ
.. ﺑﻴﺒﻲ ﻭﺍﻟﻠﻪ ﺍﻟﺪﻛﺘﻮﺭ ﻛﺎﻝ ﺍﻟﻀﺮﺑﻪ ﻣﻮ ﺑﻤﻜﺎﻥ ﺧﻄﺮ ﺑﺲ ﻳﺨﺎﻓﻮﻥ ﻋﻠﻴﻪ ﻻ ﻳﺼﻴﺮ ﻋﻨﺪﻩ ﻧﺰﻳﻒ ﺩﺍﺧﻠﻲ ﻛﺎﻟﻮ ﺑﺲ ﺍﻟﻠﻴﻠﻪ ﻧﺒﻘﻴﻪ ﺍﺫﺍ ﻣﺎ ﺑﻴﻪ ﺷﻲ ﺍﻟﺼﺒﺢ ﻳﻄﻠﻊ
ﻋﻔﺘﻬﺎ ﺗﺪﻙ ﻉ ﺭﺟﻠﻬﺎ ﻭﺑﺸﺮﻯ ﻛﺎﻟﺘﻠﻬﺎ
.. ﺑﻴﺒﻲ ﻛﻮﻟﻲ ﻳﺎ ﺍﻟﻠﻪ ﻣﺎ ﺑﻴﻪ ﺷﻲ ﺍﻥ ﺷﺎﺀ ﺍﻟﻠﻪ
.. ﻭﻟﺞ ﺍﺑﻴﺞ ﺷﻤﺎﻟﻪ
ﻛﻠﻠﻬﺎ ﺑﺎﺑﺎ
.. ﻳﻤﻪ ﺷﻮﻳﻪ ﺭﺍﺳﻲ ﻭﺟﻌﻨﻲ ﻣﺎ ﺑﻴﻪ ﺷﻲ
ﺑﻬﺎﻻﺛﻨﺎﺀ ﺍﺟﺖ ﻋﻤﺘﻲ ﺗﺮﻛﺾ ﻭ ﺗﺼﻴﺢ
.. ﻭﻟﻴﺪﻱ ﻫﺠﺮﺱ ﻭﻟﻜﻢ ﺷﺒﻴﻪ
ﻛﻌﺪﺕ ﺑﺎﻟﻜﺎﻉ ﺗﺪﻙ ﻭﺗﻠﻄﻢ ﻭﻳﺒﺠﻦ ﻫﻲ ﻭﺑﻴﺒﻲ ﻭﻋﻤﺘﻲ ﻛﻮﺍﻛﺐ
ﺍﻧﻲ ﻋﻔﺘﻬﻦ ﻭﺭﺣﺖ ﻧﻴﻤﺖ ﺑﺎﺑﺎ ﺑﻔﺮﺍﺷﻪ ﻭﺍﻧﻄﻴﺘﻪ ﺩﻭﺍﻩ ﻭﺻﻌﺪﺕ ﻟﻐﺮﻓﺘﻲ ﻃﻠﻌﺖ ﻫﺪﻭﻣﻪ ﻭﻛﻤﺖ ﺍﺷﻢ ﺑﻴﻬﻦ ﻭﺍﺑﺠﻲ ... ﻫﺠﺮﺱ ﻣﺎ ﺍﻛﺪﺭ ﺍﺗﺤﻤﻞ ﻓﺮﺍﻛﻚ ﻻ ﺗﻌﻮﻓﻨﻲ ﻳﺎ ﻋﻤﺮﻱ ﻓﺪﻭﻩ ﺭﺣﺖ ﻟﻄﻮﻟﻚ ﻭﺿﺤﻜﺘﻚ ﺍﻟﺤﻠﻮﻩ ﻻ ﺗﻌﻮﻓﻨﻲ ﻭﺍﻟﻠﻪ ﺍﺣﺲ ﻧﻔﺴﻲ ﺑﺄﻣﺎﻥ ﻭﺭﺍﺣﻪ ﻭﺍﻧﺖ ﻣﻮﺟﻮﺩ
ﻛﻤﺖ ﺗﻮﺿﻴﺖ ﻭﻛﻌﺪﺕ ﺍﺻﻠﻲ ﻭﺍﺩﻋﻲ ﻣﺎ ﺧﻠﻴﺖ ﺩﻋﺎﺀ ﻭﺍﻳﻪ ﺍﻻ ﻭﻗﺮﻳﺘﻬﻦ ... ﻛﻤﺖ ﺑﺎﻝ١٢ ﺑﺎﻟﻠﻴﻞ ﻣﻦ ﺍﻟﺴﺠﺎﺩﻩ ﺍﺧﺬﺕ ﺟﻬﺎﺯﻱ
ﺧﺎﺑﺮﺕ ﻫﺎﺷﻢ
ﺟﺎﻭﺑﻨﻲ ﺑﺼﻮﺕ ﺗﻌﺒﺎﻥ
.. ﻫﺎ ﺟﻴﻼﻥ
.. ﺑﺸﺮ ﺷﻠﻮﻧﻪ ﻫﺠﺮﺱ
.. ﻛﻌﺪ ﺷﻮﻳﻪ ﻭﺷﺮﺑﺘﻪ ﻣﻲ ﻭﻛﺎﻡ ﻳﻮﻥ ﻣﻦ ﺭﺍﺳﻪ ﻭﺭﺟﻊ ﻧﺎﻡ
ﻧﺰﻟﺖ ﺩﻣﻌﺘﻲ
.. ﻳﺎ ﻋﻤﺮﻱ ... ﺳﻮﻭﻟﻪ ﻣﻔﺮﺍﺱ ﻟﻮ ﻻ ؟
.. ﺍﻱ ﺳﻮﻭﻟﻪ ﻗﺒﻞ ﺷﻮﻳﻪ ﺍﻟﺤﻤﺪ ﻟﻠﻪ ﻣﺎﻛﻮ ﺷﻲ
.. ﺍﻟﻒ ﺍﻟﺤﻤﺪ ﻟﻠﻪ ﻭﺍﻟﺸﻜﺮ
ﺭﺩﺕ ﺍﻃﺒﻜﻪ ﻛﺎﻝ
.. ﺟﻴﻼﻥ
.. ﻫﺎ
ﻛﺎﻡ ﻳﺒﺠﻲ
.. ﻻ ﺗﻀﻮﺟﻴﻦ ﻣﻨﻲ .. ﻫﺬﺍ ﺍﺧﻮﻱ ﻭﺣﺰﺍﻡ ﻇﻬﺮﻱ ﻗﺒﻞ ﻻﻳﻜﻮﻥ ﺯﻭﺟﺞ ﻭﺍﺑﻦ ﻋﻤﺞ .. ﻟﻮ ﺟﻨﺖ ﺍﺩﺭﻱ ﺍﻛﻮ ﺿﺮﺑﻪ ﺭﺍﺡ ﻳﺘﻠﻜَﺎﻫﺎ ﺑﺪﻝ ﻣﻨﻲ ﻭﻳﺤﻤﻴﻨﻲ ﻣﺎ ﺳﻮﻳﺖ ﻛﻞ ﻫﺎﻱ ﺍﻟﻬﻮﺳﻪ ﻭﺟﺎﻥ ﺗﻨﺎﺯﻟﺖ ﺣﺘﻰ ﻋﻦ ﺣﻮﺭﻳﻪ ﺭﻭﻳﺤﺘﻲ ﻭﻻ ﺍﺷﻮﻓﻪ ﻳﻨﺨﺪﺵ
.. ﻭﺍﻧﺖ ﻫﻢ ﻻ ﺗﻀﻮﺝ ﻣﻨﻲ ﺍﻧﻲ ﺟﻨﺖ ﻣﻘﻬﻮﺭﻩ ﻭﺿﺮﺑﺘﻚ
.. ﺗﻤﻮﻧﻴﻦ ﺍﻡ ﻛﺮﻡ
ﺳﻜﺘﺖ ﻣﺎ ﺟﺎﻭﺑﺘﻪ ﺑﺲ ﻛﺘﻠﻪ
.. ﺷﻜﺮﺍ ... ﺍﻟﻠﻪ ﻳﺸﺎﻓﻴﻪ ﺑﺲ ﺍﺑﻘﻪ ﻳﻤﻪ ﻻ ﺗﻔﺎﺭﻛﻪ ﻫﺎﺷﻢ .. ﻭﺍﻟﻠﻪ ﻋﻠﻴﻚ ﻛﻞ ﺷﻮﻳﻪ ﺍﺩﻙ ﻋﻠﻴﻚ ﺟﺎﻭﺑﻨﻲ ﻭﺑﺮﺩﻟﻲ ﻛًﻠﺒﻲ ﺣﺒﺎﺏ
.. ﺍﻥ ﺷﺎﺀ ﺍﻟﻠﻪ .. ﺍﻛﻮﻟﺞ ﺭﺍﺡ ﺍﺩﺯ ﺍﺑﻮ ﻣﺎﻟﻚ ﺩﺯﻳﻠﻲ ﺑﻴﺪﻩ ﺩﺷﺪﺍﺷﻪ ﻧﻈﻴﻔﻪ ﻟﻬﺠﺮﺱ ﻭﻻﺑﻮﻱ ﻭﻣﺸﻂ ﻭﺑﻄﺎﻧﻴﻪ ﻭﻣﺨﺪﻩ ﺟﺮﺟﻒ
.. ﻣﺎﺷﻲ ﻫﺴﻪ ﺍﺣﻀﺮﻫﻦ
.. ﻳﻠﻪ ﻓﻲ ﺍﻣﺎﻥ ﺍﻟﻠﻪ
.. ﺍﻟﻠﻪ ﻭﻳﺎﻙ
ﺳﺪﻳﺘﻪ ﻭﺍﺧﺬﺕ ﻣﻼﺑﺴﻪ ﻭﺍﻟﻐﺮﺍﺽ ﺍﻟﻜﻠﻲ ﻋﻠﻴﻬﻦ ﻭﻧﺰﻟﺘﻬﻦ ﺟﻮﻩ ﻭﻭﺻﻴﺖ ﺑﺸﺮﻯ ﺗﻨﻄﻴﻬﻦ ﻟﺮﺟﻠﻬﺎ ﻭﺭﺣﺖ ﻟﺒﺎﺑﺎ ﺷﻔﺘﻪ ﻧﺎﻳﻢ ﻭﻋﺮﻛﺎﻥ ﻣﺴﺤﺖ ﻛﺼﺘﻪ ﻭﺑﻘﻴﺖ ﻳﻤﻪ ﺷﻮﻳﻪ ﻭﻛﻤﺖ ﺭﺟﻌﺖ ﻟﻐﺮﻓﺘﻲ ﺍﺧﺬﺕ ﻣﻼﺑﺴﻪ ﺍﺷﻢ ﺑﻴﻬﻦ ﻭﺍﺑﺠﻲ ﻟﻤﻦ ﻏﻔﻴﺖ ﻭﺍﻧﻲ ﻣﺎ ﺍﺩﺭﻱ
ﻛﻌﺪﺕ ﺍﻟﺼﺒﺢ ﻉ ﺍﻳﺪ ﺗﻬﺰﻧﻲ ﺍﺑﺎﻭﻉ ﻫﺎﻱ ﺣﻮﺭﻳﻪ ﺍﻟﻮﺟﻬﻪ ﺍﺻﻔﺮ ﻭﺍﻟﺪﻣﻮﻉ ﺗﺠﺮﻱ ... ﻛﻌﺪﺕ ﻣﺨﺘﺮﻋﻪ
.. ﺣﻮﺭﻳﻪ .. ﺷﻜﻮ ﺷﺒﻴﻪ ﻫﺠﺮﺱ
ﻛﺎﻟﺖ
.. ﻻ ﻻ ﺗﺨﺎﻓﻴﻦ ﻫﺠﺮﺱ ﺷﻮﻳﻪ ﻭﻳﻄﻠﻌﻮﻩ ﺧﺎﺑﺮﻧﺎﻫﻢ
.. ﺍﻟﺤﻤﺪ ﻟﻠﻪ ﺑﻴﺶ ﺍﻟﺴﺎﻋﻪ ﻫﺴﻪ
.. ﺏ٧ .. ﺟﻴﻼﻥ ؟
.. ﻫﺎ ﻳﺎ ﺭﻭﺣﻲ
ﺫﺑﺖ ﻧﻔﺴﻬﺎ ﺑﺤﻀﻨﻲ ﻭﻛﺎﻡ ﺗﺒﺠﻲ
.. ﻻ ﺗﻀﻮﺟﻴﻦ ﻣﻨﻲ ﻭﺍﻟﻠﻪ ﻣﺎ ﺭﺩﺕ ﻫﻴﺠﻲ ﻳﺼﻴﺮ .. ﺟﺎﻥ ﻛﻞ ﻫﻤﻲ ﺍﺷﻜﻲ ﻟﻬﺎﺷﻢ ﺍﻟﺼﺎﺭ ﻭﻳﺎﻱ ﺑﻠﻜﺖ ﻳﻠﻜﻪ ﺣﻠﻪ .. ﻣﺎ ﻋﺒﺎﻟﻲ ﻳﺘﻬﻮﺭ ﻭﻳﺮﻭﺡ ﻳﺘﻌﺎﺭﻙ ﻭﻳﺎﻩ
ﻻ ﺗﺒﺠﻴﻦ ﻳﺎ ﻋﻤﺮﻱ ﺍﻟﺤﻤﺪ ﻟﻠﻪ ﻣﻦ ﻃﻠﻊ ﻫﺠﺮﺱ ﺑﺨﻴﺮ ﻭﺍﻥ ﺷﺎﺀ ﺍﻟﻠﻪ ﺑﻠﻜﺖ ﻳﻠﻜﻮﻥ ﺣﻞ ﻟﺴﺎﻟﻔﺘﻜﻢ
.. ﺍﻥ ﺷﺎﺀ ﺍﻟﻠﻪ ﻳﺎ ﺭﺏ ﻭﺍﻟﻠﻪ ﺍﻣﻮﺕ ﺭﻭﺣﻲ ﺍﺫﺍ ﺯﻭﺟﻮﻧﻲ ﻟﻌﻘﻴﻞ
.. ﺍﺳﻢ ﻉ ﻛﻠﺒﺞ ﺣﺒﻴﺒﻪ ﻻ ﺗﺤﺠﻴﻦ ﻫﻴﺞ .. ﻛﻮﻣﻲ ﺧﻠﻲ ﻧﺘﺮﻳﻚ ﻫﻢ ﻳﻠﻪ ﺧﺎﻑ ﻳﺠﻮﻥ ﺍﻟﺰﻟﻢ
ﺭﺣﺖ ﻏﺴﻠﺖ ﻭﺟﻬﻲ ﻭﻧﺰﻟﺖ ﻟﻜﻴﺖ ﺍﻟﻜﻞ ﺩﺍ ﻳﺘﺮﻳﻚ ﻛﻠﺖ
.. ﺻﺒﺎﺡ ﺍﻟﺨﻴﺮ
.. ﺻﺒﺎﺡ ﺍﻟﻨﻮﺭ
ﺭﺣﺖ ﻋﻠﻰ ﻏﺮﻓﺔ ﺑﺎﺑﺎ ﻣﺎ ﻟﻜﻴﺘﻪ ﻛﺘﻠﻬﻢ
.. ﺑﺸﺮﻯ ﻭﻳﻦ ﺑﺎﺑﺎ
.. ﺭﺍﺡ ﺍﻟﻬﻢ ﻣﻦ ﺍﻟﺼﺒﺢ ﻳﻜﻮﻝ ﻭﺍﻟﻠﻪ ﺍﻟﻠﻴﻞ ﻛﻠﻪ ﻣﺎ ﻧﻤﺖ ﺑﺲ ﺍﻓﻜﺮ ﺑﻴﻪ
ﻛﺎﻟﺖ ﻋﻤﺘﻲ
.. ﻛﻠﻬﺎ ﺍﻟﻠﻴﻞ ﻣﺎ ﻧﺎﻳﻤﺘﻪ ﻭﺗﻔﻜﺮ ﺑﺎﻟﺼﺎﺭ ﺍﻻ ﺍﻧﺘﻲ ﺭﺣﺘﻲ ﺍﻧﻄﻤﺮﺗﻲ ﻭﻻ ﺑﺒﺎﻟﺞ ﺭﺟﻠﺞ
ﺻﺎﺣﺖ ﺑﻴﻬﺎ ﻛﻮﺍﻛﺐ
.. ﺍﻡ ﺣﺴﻦ ﺷﺎﻟﻘﺼﻪ ﺍﻟﺒﻨﻴﻪ ﺍﻟﺒﺎﺭﺣﻪ ﻣﺎ ﻫﺠﻌﺖ ﺭﻭﺣﻬﺎ ﺷﺎﻃﺖ ﺑﺲ ﻭﺍﻛﻔﻔﻪ ﻭﻳﺎﻫﻢ ﺑﺎﻟﻤﺴﺘﺸﻔﻰ ﻗﺎﺑﻞ ﺷﻔﺘﻴﻬﺎ ﺗﺘﻤﻀﺤﻚ ﺍﺷﻮ ﻭﺟﻬﻬﺎ ﺟﻨﻪ ﻧﻮﻣﻴﻪ ﺧﻄﻴﻪ ﻣﻦ ﺍﻟﺼﺒﺢ ﺗﻌﺎﻱ ﻋﻤﻪ ﺍﻛﻠﻴﻠﺞ ﻟﻜﻴﻤﻪ
ﻣﺎ ﺟﺎﻭﺑﺘﻬﻦ ﺟﺎﻥ ﺑﺎﻟﻲ ﻛﻠﻪ ﻳﻢ ﻫﺠﺮﺱ ﻛﻌﺪﺕ ﻣﺎ ﺍﻛﺪﺭ ﺍﻛﻞ ﺷﻲ ﺍﺣﺲ ﻧﻔﺴﻲ ﻣﺴﺪﻭﺩﻩ ﺑﺲ ﺷﺮﺑﺖ ﺟﺎﻱ ﻭﻛﻤﺖ
ﺭﺣﺖ ﻟﻐﺮﻓﺔ ﺑﻴﺒﻲ ﻟﻜﻴﺘﻬﺎ ﺷﺎﺩﻩ ﺭﺍﺳﻬﺎ ﻭﺗﻮﻥ ﺍﺟﻴﺖ ﻛﻌﺪﺕ ﻳﻤﻬﺎ
.. ﺷﺒﻴﺞ ﺑﻴﺒﻲ
.. ﺍﻭﻭﻭﻑ ﺣﺒﻮﺑﻪ ﻭﻛﻌﺖ ﻫﺠﺮﺱ ﻃﻴﺤﺘﻨﻲ .. ﻭﻋﻠﻲ ﺣﺒﻮﺑﻪ ﺗﻜﻮﻝ ﻭﺍﺣﺪ ﺩﺍﻋﻲ ﻋﻠﻴﻪ ﻭﻋﺎﻓﻴﺘﻲ ﻣﺜﻞ ﺑﻮﻝ ﺍﻟﺒﻌﻴﺮ ﻛﻠﻤﺎ ﺟﺎﻫﺎ ﺗﺮﺟﻊ ﻟﻴﻮﺭﻩ .. ﺭﺍﺳﻲ ﻃﺒﻞ ﻭﺭﺟﻠﻴﻪ ﺗﻜﻮﻝ ﺧﻴﻮﻁ ... ﻫﺪ ﺣﻴﻠﻲ ﻫﺠﺮﺱ
.. ﺑﻴﺒﻲ ﺍﻟﺤﻤﺪ ﻟﻠﻪ ﻣﻦ ﻛﺎﻡ ﺑﺎﻟﺴﻼﻣﻪ ﻻ ﺗﻔﺎﻭﻟﻴﻦ ﻋﻠﻴﻪ
.. ﺍﻟﺤﻤﺪ ﻟﻠﻪ
ﺑﺎﻭﻋﺘﻠﻲ
.. ﻭﻟﺞ ﻳﺎ ﺍﻟﻌﻮﺑﻪ ﺷﻤﺎﻟﺞ ﻻﺑﺴﻪ ﻫﺎﻱ ﺍﻟﺨﻼﻛﻴﻦ ﻭﻭﺟﻬﺞ ﺍﺻﻔﺮ ﻛﺮﻛﻢ ﻛﻮﻣﻲ ﺑﺪﻟﻲ ﺭﺍﺡ ﻳﺠﻲ ﺯﻟﻤﺘﺞ ﻳﺮﻳﺪ ﻳﺸﻮﻑ ﻭﺟﻬﻪ ﻳﻄﻴﺒﻪ ﻣﻮ ﻳﺠﻲ ﻫﻨﺎ ﻭﻳﺒﺎﻭﻉ ﺍﻟﻮﺟﻮﻩ ﻣﺼﻔﺮﺟﻪ ﺗﻜﻮﻝ ﻛﺎﻋﺪ ﺑﺒﺴﺘﺎﻥ ﻣﺎﻝ ﻧﻮﻣﻲ .. ﻛﻮﻣﻲ ﻣﻦ ﺟﺪﺍﻣﻲ ﻳﻠﻪ ﻛﻮﻣﻲ
ﺍﺑﺘﺴﻤﺖ ﺑﺘﻌﺐ ﺷﻮﻑ ﺳﻮﺍﻟﻒ ﺑﻴﺒﻲ ﺍﻧﻲ ﺑﻴﺎ ﺣﺎﻝ ﻭﻫﻲ ﺗﻔﻜﺮ ﺑﻬﺠﺮﺱ ﻳﺸﻮﻓﻨﻲ ﺣﻠﻮﻩ ﻟﻮ ﻻ
ﻧﻈﻔﺖ ﺍﻟﺒﻴﺖ ﻭﺍﻻﺳﺘﻘﺒﺎﻝ ﻭﺑﺸﺮﻯ ﺍﺟﺖ ﺳﺎﻋﺪﺗﻨﻲ ﻓﺮﺷﺘﻠﻪ ﻓﺮﺍﺵ ﻛﺎﻟﺖ ﺧﺎﻑ ﺯﻟﻢ ﻳﺠﻮﻥ ﻳﺸﻮﻓﻮﻩ
ﻧﺰﻟﺖ ﻛﻤﺖ ﺍﺳﻮﻱ ﻭﻳﺎﻫﻦ ﺍﻟﻐﺪﺍ ﺏ١٠ ﺗﻘﺮﻳﺒﺎ ﺍﺟﺖ ﺍﻟﺴﻴﺎﺭﺍﺕ ﻭﻛﻔﺖ ﺑﺎﻟﺒﺎﺏ ﻭﺯﻟﻢ ﻧﺒﺎﻭﻉ ﻣﻦ ﺷﺒﺎﺝ ﺍﻟﻤﻄﺒﺦ ﻛﻠﺸﻲ ﻣﺎ ﻧﺸﻮﻑ ﺑﺲ ﺍﺟﻪ ﻫﺎﺷﻢ ﻳﺮﻛﺾ ﺍﺧﺬ ﺳﺠﻴﻨﻪ ﻭﻃﻠﻊ ﺫﺑﺤﻮﻟﻪ ﻓﺪﻭﻩ
ﺷﻔﺘﻪ ﻣﻦ ﺑﻌﻴﺪ ﻳﻤﻪ ﻓﺪﻭﻩ ﺭﺣﺖ ﻟﻬﺎﻟﻮﺟﻪ ﺟﺎﻥ ﺭﺍﺳﻪ ﻣﻠﻔﻠﻒ ﻭﺳﺎﻧﺪﻳﻨﻪ ﻫﺎﺷﻢ ﻭﻋﻤﻲ ﻣﻨﺎ ﻭﻣﻨﺎ ﺟﺎﻥ ﻛﻮﻩ ﻳﺒﺘﺴﻢ ﻟﻠﻨﺎﺱ ﺍﻟﻠﻲ ﺗﺴﻠﻢ ﻋﻠﻴﻪ
ﺩﺧﻠﻮﻩ ﻟﻼﺳﺘﻘﺒﺎﻝ ﻣﺎ ﻟﺤﻜﻨﻪ ﻧﺴﻠﻢ ﻋﻠﻴﻪ ﻭﻣﺮﻯ ﻋﻤﻲ ﻛﺎﻣﺖ ﺗﺒﺠﻲ ﻣﻦ ﺷﺎﻓﺘﻪ ﻭﺍﻟﻜﻞ ﻧﺰﻟﺖ ﺩﻣﻮﻋﻪ
ﺍﻻ ﺍﻧﻲ ﺍﺣﺲ ﺍﻛﻮ ﻏﺼﻪ ﺑﻘﻠﺒﻲ ﺧﻮﻓﻪ ﺻﺎﺭﺕ ﺑﻴﻪ ﻋﻠﻴﻪ ﺍﺣﺲ ﻛﻠﺸﻲ ﺑﺠﺴﻤﻲ ﺻﺎﺭ ﻧﺤﻼﻥ ﺣﺘﻰ ﺍﻟﺪﻣﻌﻪ
ﺑﻘﻴﻨﻪ ﻧﺴﻮﻱ ﺑﺎﻟﻐﺪﻩ ﻭﺍﻟﺠﺎﻱ ﻟﻠﺨﻄﺎﺭ ﻭﻫﺎﺷﻢ ﻭﺭﺟﻞ ﺑﺸﺮﻯ ﻳﻨﻜﻠﻮﻥ ﻣﻲ ﻭﺟﺎﻱ ﻟﻠﻌﺎﻟﻢ ﻭﻋﻤﻲ ﺟﺎﺏ ﻛﻮﻣﻪ ﻣﺴﻮﺍﻙ ﻭﻛﻼﺻﺎﺕ ﻣﻲ ﻭﺛﻠﺞ ﻳﻌﻨﻲ ﺍﻟﺒﻴﺖ ﺑﺼﺮﺍﺣﻪ ﺻﺎﺭ ﻫﻮﺳﻪ ﻣﺎ ﻧﻠﺤﻚ ﻧﻜﻌﺪ
ﻝ١٢ ﺗﻘﺮﻳﺒﺎ ﻛﺎﻟﻮ
.. ﺻﺒﻮﺍ ﻏﺪﻩ
ﺻﺒﻴﻨﻪ ﺗﻐﺪﻭﺍ ﻭﺧﻠﺼﻮﺍ ﻭﺍﻟﻨﺴﻮﺍﻥ ﺗﻐﺪﻥ ﺍﻧﻲ ﻣﺎ ﺣﻄﻴﺖ ﻟﻜﻤﻪ ﺑﺤﻠﻜﻲ ﻣﺘﻠﻬﻔﻪ ﻟﺤﻀﻦ ﺍﻟﻐﺎﻟﻲ ﻭﻟﺸﻮﻓﺘﻪ ﻣﺎ ﺍﺭﻳﺪ ﺷﻲ ﻣﻦ ﺍﻟﺪﻧﻴﺎ ﺑﻌﺪ
ﻏﺴﻠﻨﻪ ﺍﻟﻤﻮﺍﻋﻴﻦ ﺳﻮﻳﻨﻪ ﺟﺎﻱ ﻭﻧﻈﻔﻨﻪ ﺍﻟﻤﻄﺒﺦ ﺻﻌﺪﺕ ﻓﻮﻙ ﺳﺒﺤﺖ ﻉ ﺍﻟﺴﺮﻳﻊ ﻭﺑﺪﻟﺖ ﺩﺷﺪﺍﺷﺘﻲ ﻟﺒﺴﺖ ﺩﺷﺪﺍﺷﻪ ﺑﻴﻀﻪ ﻭﻣﺸﺠﺮﻩ ﺗﺸﺠﻴﺮﺍﺕ ﻫﻮﺍﻱ ﺑﻠﻮﻥ ﺍﻟﻮﺭﺩﻱ ﻭﺍﻟﺴﻤﺎﺋﻲ ﻭﻃﻠﻌﺖ ﻣﺸﻄﺖ ﻭﺗﻌﻄﺮﺕ ﻭﻟﺒﺴﺖ ﺷﺎﻟﻲ ﻭﻧﺰﻟﺖ
ﻟﻜﻴﺘﻬﻦ ﻛﺎﻋﺪﺍﺕ ﻳﻢ ﺑﻴﺒﻲ ﺑﺎﻭﻋﺖ ﻣﻦ ﺷﺒﺎﺝ ﺍﻟﻤﻄﺒﺦ ﺍﺧﺮ ﺧﻄﺎﺭ ﻭﺩﻋﻪ ﻫﺎﺷﻢ ﻻﻥ ﻣﺎﻛﻮ ﺑﻌﺪ ﺷﺤﺎﻃﺎﺕ ﻏﺮﻳﺒﻪ ﺑﺒﺎﺑﺎ ﺍﻻﺳﺘﻘﺒﺎﻝ ﺭﻛﻀﺖ ﻳﻢ ﺑﻴﺒﻲ
ﺍﻧﻔﺘﺢ ﺑﺎﺏ ﺍﻻﺳﺘﻘﺒﺎﻝ ﻭﺍﺟﻪ ﻫﺎﺷﻢ ﺳﺎﻧﺪ ﻫﺠﺮﺱ ﻛﻮﻩ ﻳﻤﺸﻲ ﻛﺎﻣﺖ ﺍﻣﻪ ﻭﺧﻮﺍﺗﻪ ﻭﻋﻤﺘﻲ ﻛﻮﺍﻛﺐ ﺑﻮﺳﻨﻪ ﻭﻫﻮ ﻳﺒﻮﺱ ﺑﻴﻬﻦ ﻭﻫﻦ ﻳﺒﺠﻦ ﻭﻣﺮﺓ ﻋﻤﻲ ﺧﻄﻴﻪ ﻗﻬﺮﺗﻨﻲ ﻻﺯﻣﺘﻪ ﻣﻦ ﺭﻛَﺒﺘﻪ ﻭﺗﺒﺠﻲ ﻭﻫﻮ ﻳﻜﻠﻬﺎ
.. ﻳﻤﻪ ﻛﻮﻟﻲ ﻳﺎ ﺍﻟﻠﻪ ﻫﺎﻱ ﻛﺪﺍﻣﺞ ﺻﺪﻙ ﺟﺬﺏ
ﻭﻫﻲ ﺗﺼﺮﺥ ﻭﺗﻜﻠﻪ
.. ﻳﻤﻪ ﺍﻟﺒﻴﺖ ﺍﻇﻠﻢ ﺑﺪﻭﻧﻚ
ﺑﺎﺱ ﺭﺍﺳﻬﺎ ﻭﻫﺎﺷﻢ ﺳﺎﻧﺪﻩ
ﺩﻣﻮﻋﻨﻪ ﺗﺠﺮﻱ ﺑﺪﻭﻥ ﻣﺎ ﻧﺤﺲ ﻛﺎﻟﻠﻬﺎ ﻫﺎﺷﻢ
.. ﻳﻤﻪ ﺑﺲ ﺧﻠﻲ ﺍﺧﺬﻩ ﻳﺴﻠﻢ ﻋﻠﻰ ﺣﺒﻮﺑﺘﻲ
ﻭﺧﺮﻥ ﺍﻟﻨﺴﻮﺍﻡ ﻋﻨﻪ ﻭﻫﺎﺷﻢ ﺳﺎﻧﺪﻩ ﻛﻌﺪﻩ ﻳﻢ ﺑﻴﺒﻲ ﻭﻫﻲ ﻓﺤﻄﺖ ﺑﺠﻲ
.. ﻳﻤﻪ ﻫﺠﻴﺮﺱ ﻳﺎ ﺭﻭﻳﺤﺘﻲ ﻟﻴﺶ ﻫﻴﺠﻲ ﻭﻛَﻌﺖ ﻛَﻠﻴﺒﻲ ﺷﻠﻮﻥ ﻛَﻠﺒﻚ ﺍﻧﻄﺎﻙ ﺗﻌﻮﻑ ﺣﺒﻮﺑﺘﻚ ﻭﻣﺎ ﺗﻨﺸﺪ ﻋﻠﻴﻬﺎ
.. ﺣﺒﻮﺑﻪ ﺟﺎ ﺍﻧﻪ ﻟﻮ ﺑﻴﺪﻱ ﺍﻋﻮﻓﻨﺞ ﺍﻧﺘﻲ ﻣﻦ ﺍﺳﻤﺞ ﺿﻮﻩ .. ﻻ ﺗﺨﺎﻓﻴﻦ ﻳﺎ ﻋﻤﺮﻱ ﻫﺎﻱ ﺍﻧﻪ ﺟﺪﺍﻣﺞ
.. ﻻ ﺍﻧﺖ ﺗﺮﻳﺪ ﺗﺠﻠﻄﻨﻲ ﻭﺗﻤﻮﺗﻨﻲ ﺣﺘﻪ ﺗﺎﺧﺬﻭﻥ ﺍﻟﻮﺭﺙ ﻣﺎﻟﺘﻲ
ﺿﺤﻜﻨﻪ ﻋﻠﻴﻪ
ﺍﺑﺘﺴﻢ ﺑﺘﻌﺐ ﻭﺑﺎﺱ ﺍﻳﺪﻫﺎ ﻭﺭﺍﺳﻬﺎ ﺑﺎﻭﻉ ﻟﺠﻬﺘﻲ ﺷﺎﻓﻨﻲ ﺍﺑﺘﺴﻢ ﺑﺘﻌﺐ ﻭﺟﺎﻧﺖ ﺑﻌﻴﻮﻧﻪ ﻧﻈﺮﺓ ﺣﻨﻴﻪ ﻛﺎﻝ
.. ﺗﻌﺎﻱ ﺟﻮﻟﻲ
ﺍﺟﻴﺖ ﻛﻌﺪﺕ ﻳﻤﻪ ﻭﺩﻣﻮﻋﻲ ﻛﺎﻣﺖ ﺗﺼﺐ ﻛﺘﻠﻪ
.. ﺷﻠﻮﻥ ﺻﺮﺕ ﻳﺎ ﺭﻭﺣﻲ
.. ﺍﻟﺤﻤﺪ ﻟﻠﻪ
ﺍﺧﺬ ﺭﺍﺳﻲ ﺑﺎﺳﻬﺎ ﻭﺑﻘﻰ ﺍﻳﺪﻩ ﻣﺤﺎﻭﻁ ﺑﻴﻬﺎ ﺟﺘﻔﻲ ﻭﺍﻻﻳﺪ ﺍﻟﺜﺎﻧﻴﻪ ﻻﺯﻡ ﺑﻴﻬﺎ ﺍﻳﺪ ﺑﻴﺒﻲ
ﺑﺎﻭﻉ ﻟﻠﺠﻬﻪ ﺛﺎﻧﻴﻪ ﻭﺍﻛﻔﻪ ﺣﻮﺭﻳﻪ ﻭﺗﺒﺠﻲ ﻭﺗﺸﻬﻚ ﺑﺼﻮﺕ ﻣﺴﻤﻮﻉ ﻛﺎﻟﻠﻬﺎ
.. ﺣﻮﺭﻳﻪ ﻟﻴﺶ ﺗﺒﺠﻴﻦ
ﻣﺎ ﺟﺎﻭﺑﺘﻪ ﻫﺎﺷﻢ ﺑﺎﻭﻉ ﻟﺠﻬﺔ ﺣﻮﺭﻳﻪ ﻋﺎﻓﻨﻪ ﻭﻃﻠﻊ ﻫﻲ ﻭﺍﻛﻔﻪ ﺑﺲ ﺗﺒﺠﻲ ﺍﺷﺮﻟﻬﺎ
.. ﺗﻌﺎﻱ ﻳﻤﻲ
ﺍﺟﺖ ﺍﺧﺬﺕ ﺍﻳﺪﻩ ﺭﺍﺩﺕ ﺗﺒﻮﺳﻬﺎ ﺳﺤﺒﻬﺎ ﺑﺴﺮﻋﻪ ﻭﺍﺧﺬ ﺭﺍﺳﻬﺎ ﺑﺎﺳﻪ ﻭﻫﻲ ﺗﺒﺠﻲ ﻛﺎﻟﺘﻠﻪ
.. ﻭﺍﻟﻠﻪ ﻣﺎ ﺟﺎﻥ ﻗﺼﺪﻱ ﺗﺘﺄﺫﻩ ﺑﻴﻪ ﻭﻻ ﺑﻴﻚ ﺧﻮﻳﻪ
.. ﺍﺷﺸﺸﺶ ﺍﻧﻲ ﺍﺧﻮﺝ ﻭﺳﻨﺪﺝ ﻻ ﺗﺤﺠﻴﻦ ﻫﻴﺞ ﺍﻱ ﺷﻲ ﺗﺤﺘﺎﺟﻴﻪ ﺗﺠﻴﻨﻲ
ﻫﺰﺕ ﺭﺍﺳﻬﺎ ﻭﺍﺑﺘﺴﻤﺖ
ﺍﺟﻪ ﺑﺎﺑﺎ ﻭﺟﺪﻱ ﻛﻌﺪﻭﺍ ﻉ ﺍﻟﺠﺮﺑﺎﻳﻪ ﺍﻟﻠﻲ ﺑﻐﺮﻓﺔ ﺑﻴﺒﻲ ﻫﻮ ﺍﺳﺘﺤﻪ ﻣﻨﻬﻢ ﻧﺰﻝ ﺍﻳﺪﻩ ﻋﻨﻲ ﺍﻧﻲ ﻫﻢ ﺧﻠﻴﺖ ﻭﻛﻤﺖ
ﻛﺎﻟﺘﻠﻪ ﺑﻴﺒﻲ
.. ﺟﺎ ﺣﺒﻮﺑﻪ ﺷﻨﻬﻲ ﺭﺍﺡ ﺗﺴﻜﺖ ﻋﻦ ﻫﺬﺍ ﺳﻠﻴﻤﺔ ﺍﻟﺒﻴﻦ ﺍﻟﻄﻜﺎﻙ
ﺑﺎﻭﻋﻨﻪ ﻟﻌﻤﺘﻲ ﻛﻮﺍﻛﺐ ﺳﻜﺘﺖ ﻭﺩﻧﻜﺖ ﻛﺎﻟﻠﻬﺎ ﻫﺠﺮﺱ
.. ﻋﻤﻪ ﺍﻧﺘﻲ ﻣﺎﻟﺞ ﻋﻼﻗﻪ ﺑﺎﻟﺼﺎﺭ ﺍﻟﺤﺠﻲ ﻣﻮ ﻳﻤﻜﻢ .... ﺍﻟﺤﺠﻲ ﻳﻢ ﺍﺑﻦ ﺣﻤﺎﺝ ... ﻻﺯﻡ ﻫﺎﺷﻢ ﻣﺎ ﻳﺘﻨﺎﺯﻝ ﻋﻨﻪ ﻟﺤﺪ ﻣﺎ ﺍﻛﻮﻟﻪ ﺍﻟﺸﻐﻠﻪ ﺻﺎﺭ ﺑﻴﻬﺎ ﻃﻚ ﻭﻋﻨﺎﺩ ... ﻭﻫﻮ ﺍﺧﺬ ﺷﻲ ﻣﻮ ﻣﻦ ﺣﻘﻪ .. ﻭﻻﺯﻡ ﻳﺮﺟﻊ
ﻟﺰﻡ ﺭﺍﺳﻪ ﻭﻛﺎﻝ ﺑﻮﻧﻴﻦ
.. ﺍﺥ ﺭﺍﺳﻲ ﺍﺭﻳﺪ ﺍﻛﻮﻡ ﺍﺭﺗﺎﺡ ﺑﻐﺮﻓﺘﻲ
ﻛﺎﻟﺖ ﺑﻴﺒﻲ
.. ﻛﻮﻣﻲ ﺣﺒﻮﺑﻪ ﺟﻮﻳﻠﻪ ﺳﻨﺪﻱ ﺭﺟﻠﺞ ﻭﺍﺧﺬﻳﻪ ﻟﻐﺮﻓﺘﻪ ﺧﻠﻲ ﻳﺎﺧﺬﻟﻪ ﻛﺴﺮﻩ ‏( ﻳﻨﺎﻡ ‏)
ﺣﻂ ﺍﻳﺪﻩ ﻉ ﻣﺘﻨﻲ ﻭﺟﺪﻱ ﺳﻨﺪﻩ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﻭﻛﻮﻣﻨﺎﻩ .. ﻣﺸﻴﻨﻪ ﺍﻧﻲ ﻭﻳﺎﻩ ﺍﺟﻪ ﻫﺎﺷﻢ ﺳﻨﺪﻩ ﻭﻳﺎﻱ ﻭﺻﻌﺪﻧﺎﻩ ﺍﻟﺪﺭﺝ ﻻﻥ ﺟﺎﻥ ﺩﺍﻳﺦ ﻛﻠﺶ ﺧﻄﻴﻪ
ﻭﺻﻠﻨﺎﻩ ﻟﻠﻔﺮﺍﺵ ﻫﺎﺷﻢ ﺩﻧﻚ ﻉ ﺍﻳﺪﻩ ﺑﺎﺳﻬﺎ ﻭﻛﻠﻪ
.. ﺍﻟﻠﻪ ﻻ ﻳﺤﺮﻣﻨﻲ ﻣﻨﻚ ﻳﺎ ﺣﺰﺍﻡ ﻇﻬﺮﻱ ﻭﺗﺎﺝ ﺭﺍﺳﻲ
ﺍﺑﺘﺴﻢ ﻭﺿﺮﺑﻪ ﻋﻠﻰ ﺭﺍﺳﻪ ﻭﻛﻠﻪ
.. ﺍﻧﺖ ﺍﺧﻮﻱ ﻭﻟﻚ ... ﺻﺢ ﻣﺨﺒﻞ ﻣﺮﺍﺕ ﻭﻋﻨﺪﻙ ﺳﻮﺍﻟﻒ ﻣﻜﺴﺮﻩ ﺑﺲ ﺍﺣﺒﻚ
ﺍﺑﺘﺴﻢ ﺑﻘﻬﺮ ﺭﺍﺩ ﻳﻄﻠﻊ ﻛﻠﻪ
.. ﺍﻭﻛﻒ ... ﺍﺳﻤﻌﻨﻲ ﻻ ﺗﻀﻮﺝ .. ﺍﻥ ﺷﺎﺀ ﺍﻟﻠﻪ ﺣﻮﺭﻳﻪ ﺍﻟﻚ ﻭﻣﺎ ﺗﺼﻴﺮ ﻟﻐﻴﺮﻙ
ﺭﺟﻊ ﻫﺎﺷﻢ ﺑﺎﺳﻪ ﻣﻦ ﺭﺍﺳﻪ ﻭﻣﺘﻨﻪ ﻭﻃﻠﻊ ﺭﺣﺖ ﻗﻔﻠﺖ ﺍﻟﺒﺎﺏ ﻭﺭﺍﻩ ﺍﻧﺪﺍﺭﻳﺖ ﻟﻜﻴﺘﻪ ﻳﺒﺎﺭﻭﻋﻠﻲ ﺑﺸﻮﻙَ ﻓﺘﺤﻠﻲ ﺍﻳﺪﻳﻪ ﻛﺎﻝ
.. ﺗﻌﺎﻱ ﻳﺎ ﺭﻭﺣﻲ
ﺍﻧﻲ ﻧﺰﻟﺖ ﺩﻣﻮﻋﻲ ﻭﺭﺣﺖ ﺫﺑﻴﺖ ﻧﻔﺴﻲ ﺑﺤﻀﻨﻪ
mariam#