حب هجرسي (مكتمله)

31*32*33*34*35*36*37 والاخيررر

بارت٣١

ﻛﻌﺪ ﻫﺠﺮﺱ ﻉ ﺻﻴﺎﺣﻲ ﻣﺨﺮﻭﻉ ﻭﻫﻮ ﻳﺤﻀﻦ ﺑﻴﻪ ﻭﻳﺼﻴﺢ
.. ﺟﻴﻼﻥ .. ﺟﻴﻼﻥ ﺷﺒﻴﺞ .... ﺟﻴﻼﺍﺍﺍﺍﺍﺍﺍﺍﺍﻥ
ﻭﺍﻧﻲ ﻓﺎﻗﺪﻩ ﺑﺲ ﺍﺻﺮﺥ ﻭﺍﻟﺒﺎﺏ ﻣﺎﻝ ﺍﻟﻐﺮﻓﻪ ﺗﻜﺴﺮﺕ .... ﺍﻟﺒﻴﺖ ﻛﻠﻪ ﻛﻌﺪ ﺑﺤﻴﺚ ﻫﺠﺮﺱ ﺍﻧﺨﺒﺺ ﻭﺑﻌﺪ ﻣﺎ ﻳﺸﻮﻑ ﺩﺭﺑﻪ
ﻛﺎﻡ ﺑﻄﺮﻙَ ﺍﻟﺸﻮﺭﺕ ﻓﺘﺢ ﺍﻟﻀﻮﻩ ﻭﻓﺘﺤﻠﻬﻢ ﺍﻟﺒﺎﺏ ... ﻭﺍﻧﻲ ﺟﻨﺖ ﻻﺑﺴﻪ ﺑﺲ ﺳﻴﺖ ﺍﻟﻨﻮﻡ ﺩﺧﻠﺖ ﺣﻮﺭﻳﻪ ﺭﻛﺾ ﻏﻄﺘﻨﻲ ﺑﺎﻟﺒﻄﺎﻧﻴﻪ ﻭﺩﺧﻠﻮﺍ ﻋﻤﻲ ﻭﻫﺎﺷﻢ ﻭﺍﻧﻲ ﺍﺻﺮﺥ
ﻫﺠﺮﺱ ﻟﺒﺲ ﺑﺠﺎﻣﺘﻪ ﻭﺍﺟﻪ ﻳﺼﻴﺢ
.. ﺷﺒﻴﺞ ﺑﻮﻳﻪ ﺷﻮ ﺑﺎﻭﻋﻴﻠﻲ ﻻ ﺗﺨﺒﻠﻴﻨﻴﻴﻴﻴﻴﻴﻲ
ﻛﺎﻝ ﻫﺎﺷﻢ
.. ﻫﺠﺮﺱ ﺷﺒﻴﻬﺎ ﻓﻬﻤﻨﻪ
ﺻﺎﺡ ﺑﻴﻪ
.. ﻫﻮ ﺍﻧﻲ ﻣﻔﺘﻬﻢ ﺍﻟﺴﺎﻟﻔﻔﻔﻔﻔﻔﻪ ﺣﺘﻰ ﺍﻓﻬﻤﻚ
ﻛﻌﺪﺕ ﺣﻮﺭﻳﻪ ﻳﻤﻲ ﺗﻔﺮﻙ ﺑﺄﻳﺪﻱ ﻭﺍﻧﻲ ﺍﺻﺮﺥ ﺍﺭﻳﺪ ﺍﺣﺠﻲ ﻣﺎ ﺍﻛﺪﺭ ﺣﺘﻰ ﺑﻴﺒﻲ ﺻﻌﺪﺕ
.. ﻭﻟﻜﻢ ﺷﺼﺎﻳﺮ ﻟﻴﺶ ﻣﺤﺪ ﻳﺮﺩ ﻋﻠﻴﻪ
ﻭﻫﻮ ﺣﺎﺿﻨﻨﻲ .. ﺍﺟﻪ ﻋﻤﻲ ﻳﻤﻲ ﺍﺧﺬ ﺩﻭﻟﻜﺔ ﺍﻟﻤﻲ ﻭﺍﺧﺬ ﻣﻨﻬﺎ ﻣﻲ ﺷﻮﻳﻪ ﻭﻣﺴﺢ ﻭﺟﻬﻲ ﻭﺑﻴﺒﻲ ﺗﻜﻮﻝ
.. ﻭﻟﻜﻢ ﺍﻟﻔﺮﺧﻪ ﺻﺎﺭﺕ ﺻﻔﺮﻩ ﺭﺍﺡ ﺗﻤﻮﺕ
Mariam-almusawi
ﻭﺍﻧﻲ ﺍﺭﺟﻒ ﻭﺍﺑﺠﻲ ﺑﺤﻀﻦ ﻫﺠﺮﺱ ﻳﺮﺩﻭﻥ ﻳﻔﺘﻬﻤﻮﻥ ﻣﻨﻲ ﻣﺎﻛﻮ ﺩﺍﻓﻨﻪ ﻭﺟﻬﻲ ﺑﺼﺪﺭ ﻫﺠﺮﺱ ﻭﻫﻮ ﻳﻤﺴﺢ ﻋﻠﻰ ﺷﻌﺮﻱ ﺍﻧﺘﺒﻪ ﻋﻠﻰ ﺷﻌﺮﻱ ﻃﺎﻟﻊ ﺍﺷﺮ ﻟﺤﻮﺭﻳﻪ ﺗﺠﻴﺒﻠﻲ ﺷﺎﻟﻲ .. ﺟﺎﺑﺘﻪ ﻭﺣﻄﺘﻪ ﻉ ﺭﺍﺳﻲ
ﻛﺎﻝ ﻋﻤﻲ
.. ﺑﻮﻳﻪ ﺟﻴﻼﻥ ﺷﺸﻔﺘﻲ ﺷﻮ ﺑﺎﻭﻋﻴﻠﻨﻪ
ﺗﺬﻛﺮﺕ ﺍﻟﺼﺎﺭ ﺣﻀﻨﺖ ﻫﺠﺮﺱ ﺣﻴﻞ ﻭﺭﺟﻌﺖ ﺍﺻﺮﺥ ﻭﻭﺟﻬﻲ ﺑﺼﺪﺭﻩ .... ﺍﻟﻠﻲ ﺷﻔﺘﻪ ﻣﺎ ﻳﺘﺴﻮﻟﻒ .... ﻭﻳﻪ ﻧﻔﺴﻲ ﺧﺎﻳﻔﻪ ﺍﺣﺠﻴﻪ
ﻛﺎﻟﺖ ﺑﻴﺒﻲ
.. ﺣﺒﻮﺑﻪ ﺗﻌﻮﺫﻱ ﻣﻦ ﺍﻟﺸﻴﻄﺎﻥ .. ﻫﺠﺮﺱ ﺍﻗﺮﻩ ﻋﻠﻴﻬﺎ ﺍﻗﺮﻱ ﺍﻳﺔ ﺍﻟﻜﺮﺳﻲ ﺑﻠﻜﺘﻦ ﺗﺮﺗﺎﺡ ﺷﻮﻳﻪ
ﻛﺎﻟﺖ ﻣﺮﺓ ﻋﻤﻲ
.. ﻋﻮﻓﻮﻫﺎ ﻳﺠﻮﺯ ﺷﺎﻳﻔﻪ ﺣﻠﻢ ﻭﺧﺒﺼﺘﻨﻪ ﺧﺒﻴﺼﻪ ﺑﻨﺺ ﻫﺎﻟﻠﻴﻞ
ﺑﺎﻭﻋﻠﻬﺎ ﻫﺠﺮﺱ ﻭﻋﻤﻲ ﺧﺰﺭﻫﺎ ﻭﺑﻴﺒﻲ ﻛﺎﻟﺘﻠﻬﺎ
.. ﺳﻌﻴﺪﻩ ﻟﻮ ﺗﺤﺠﻴﻠﺞ ﺣﺠﺎﻳﻪ ﺑﻴﻬﺎ ﺣﻆ ﻟﻮ ﺗﻮﻟﻴﻦ ﺗﻨﻄﻤﺮﻳﻦ
ﻛﺎﻝ ﻫﺎﺷﻢ
.. ﺍﻧﻲ ﺍﻛﻮﻝ ﺍﻃﻠﻌﻮﺍ ﺧﻠﻮﺍ ﻫﺠﺮﺱ ﻭﻳﺎﻫﺎ ﺍﺫﺍ ﺍﺣﺘﺎﺟﻨﻪ ﺍﺣﻨﻪ ﻳﻤﻪ ﻳﺠﻮﺯ ﺗﺴﺘﺤﻲ ﺗﺤﺠﻲ ﻛﺪﺍﻣﻨﻪ .. ﻳﻠﻪ ﺣﺒﻮﺑﻪ .. ﻳﻠﻪ ﺑﻮﻳﻪ .. ﺣﻮﺭﻳﻪ
ﺑﻴﺒﻲ ﻛﺎﻟﺘﻠﻪ
.. ﻳﺎ ﻭﻳﻦ ﺍﻋﻮﻓﻦ ﺑﻨﻴﺘﻲ .. ﻏﻴﺮ ﺍﻋﺮﻑ ﺷﺒﻴﻬﺎ
ﻛﻠﻬﺎ ﻫﺎﺷﻢ
.. ﺣﺒﻮﺑﻪ ﻫﺠﺮﺱ ﺑﺲ ﻳﻔﺘﻬﻢ ﻣﻨﻬﺎ ﻳﻨﺰﻝ ﻳﻔﻬﻤﻨﻪ .. ﺧﻠﻴﻬﺎ ﺗﺮﺗﺎﺡ ﻳﻠﻪ ﺧﻄﻴﻪ
ﻃﻠﻌﻮﺍ ﻭﺑﻴﺒﻲ ﺍﺟﺖ ﺑﺎﺳﺖ ﺭﺍﺳﻲ
.. ﺣﺒﻮﺑﻪ ﻛﻮﻟﻲ ﻳﺎ ﺍﻟﻠﻪ ﻻ ﺗﺨﺎﻓﻴﻦ ﻫﺎﻱ ﻛﻠﻨﻪ ﻳﻤﺞ ﻭﻫﺬﺍ ﻫﺠﺮﺱ ﻳﻤﺞ ﻭﺍﺫﺍ ﺗﺨﺎﻓﻴﻦ ﺗﻌﺎﻱ ﻧﺎﻣﻲ ﺣﺬﺍﻱ ﺑﺎﻟﻐﺮﻓﻪ ﺍﻧﻲ ﺑﻌﺪﻧﻲ ﻭﺍﻋﻴﻪ
ﻋﺎﻓﺘﻨﻲ ﻭﻃﻠﻌﺖ ﻭﺣﻮﺭﻳﻪ ﻛﺎﻟﺖ
.. ﻫﺠﺮﺱ ﺍﺫﺍ ﺍﺣﺘﺎﺟﻴﺖ ﺷﻲ ﺩﻙ ﺍﻟﺒﺎﺏ ﻋﻠﻴﻪ ﺍﻧﻲ ﺑﻌﺪ ﻣﺎ ﺍﻧﺎﻡ
.. ﻣﺸﻜﻮﺭﻩ ﺣﻮﺭﻱ
ﻋﺎﻓﻮﻧﻪ ﻭﻃﻠﻌﻮﺍ ﻭﺳﺪﻭﺍ ﺍﻟﺒﺎﺏ ﻫﺠﺮﺱ ﺑﻌﺪ ﺍﻟﺒﻄﺎﻧﻴﻪ ﻭﺍﻟﺸﺎﻝ ﻋﻨﻲ ﻭﺍﻧﻲ ﻣﻠﺰﻣﻪ ﺑﻴﻪ ﻭﺩﻣﻮﻋﻲ ﺗﺠﺮﻱ
.. ﺟﻮﻟﻲ .. ﺑﻨﻴﺘﻲ ... ﺍﺷﻮ ﺍﻧﻄﻴﻨﻲ ﻣﺠﺎﻝ ﺧﻠﻲ ﺍﻓﺘﻬﻢ ﻣﻨﺞ .. ﺷﺸﻔﺘﻲ؟
ﺟﻨﺖ ﺍﺷﻬﻚ ﻣﺎ ﺍﻛﺪﺭ ﺍﺣﺠﻲ ﺍﻟﺼﺎﺭ ﺍﻟﻪ ﺍﺧﺬ ﺍﻟﻤﻲ ﻣﻦ ﻉ ﺍﻟﻤﻴﺰ ﻭﺑﻌﺪﻧﻲ ﺷﻮﻳﻪ ﻋﻨﻪ ﺷﺮﺑﻨﻲ ﻣﻲ ﻭﻏﺴﻞ ﻭﺟﻬﻲ ﻭﻫﻮ ﻳﻘﺮﻩ ﺁﻳﺎﺕ ﻭﺍﻧﻲ ﺍﺭﺟﻒ ﺭﺟﻴﻒ ﺣﺴﻴﺖ ﺭﺍﺡ ﺍﻧﺸﻤﺮ ﻣﻦ ﻭﺭﺍﻩ
بيج قصص عراقيه حقيقيه من واقعنا.روعه الطائي
ﻣﺮﻳﻢ ﺍﻟﻤﻮﺳﻮﻱ ‏)
ﺭﺟﻊ ﺍﺧﺬﻧﻲ ﻟﺤﻀﻨﻪ ﻭﻳﻘﺮﻩ ﺍﻳﺎﺕ ﻭﻳﺒﻮﺱ ﺑﺮﺍﺳﻲ ﺷﻮﻳﻪ ﺷﻮﻳﻪ ﻫﺪﺃﺕ ﻭﺍﻟﺮﺟﻔﻪ ﺗﻮﻗﻔﺖ ﻭﻧﻔﺴﻲ ﻫﺪﺃ ﻭﻭﺟﻬﻲ ﺭﺟﻊ ﺑﻴﻪ ﺍﻟﺪﻡ
ﺑﻌﺪﻧﻲ ﺷﻮﻳﻪ ﻋﻨﻪ ﻭﺑﻌﺪ ﺍﻟﺸﻌﺮ ﻋﻦ ﻭﺟﻬﻲ ﻭﺑﺎﻭﻉ ﺑﻮﺟﻬﻲ
ﺑﻘﻠﻖ ﻭﺣﻨﻴﻪ
.. ﻫﺎ ﻳﺎ ﺭﻭﺣﻲ ﺷﻠﻮﻥ ﺻﺮﺗﻲ ؟
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﺣﺴﻦ ﻛﺎﻝ
.. ﺗﻜﺪﺭﻳﻦ ﺗﺤﺠﻴﻦ ﺍﻟﺼﺎﺭ
ﺳﻜﺘﺖ ﻣﺎ ﺟﺎﻭﺑﺘﻪ ﺑﺲ ﻏﻤﻀﺖ ﻋﻴﻮﻧﻲ ﺣﻀﻨﻨﻲ ﻭﻧﻴﻤﻨﻲ ﻉ ﺍﻳﺪﻩ
.. ﺗﻌﺎﻱ ﻋﻮﻓﻴﻪ ﺍﻟﻤﻮﺿﻮﻉ ﻳﺠﻮﺯ ﺣﻠﻤﺘﻲ ﺣﻠﻢ ﻣﻮ ﺯﻳﻦ ﻭ ......
.. ﻻ ﻣﻮ ﺣﻠﻢ ﺷﻔﺘﻬﺎ ﻫﻨﺎ
ﻭﻛﻤﺖ ﺍﺑﺠﻲ .. ﻛﺎﻝ
.. ﺷﻨﻮ ﻫﻲ ﺭﻭﻳﺤﺘﻲ ؟ ﺷﻨﻮ ﺍﻟﺸﻔﺘﻴﻪ؟
.. ﻣﺮﻳﻪ ..... ﻣﺮﻳﻪ ﻛﺎﻋﺪﻩ ﻫﻨﺎ .. ﺣﺎﻃﻪ ﻃﻔﻠﻪ ﺑﺤﻀﻨﻬﺎ .... ﺷﺎﻓﺘﻨﻲ ﺍﺧﺬﺕ ﺍﻟﻄﻔﻠﻪ ..... ﻭ ...... ﻭﻃﻠﻌﺖ ﻣﻦ ﺑﺎﺏ ﺍﻟﻐﺮﻓﻪ
.. ﺣﺒﻴﺒﻲ ﺣﻠﻢ ﻣﻮ .....
ﺻﺤﺖ ﺑﻴﻪ
.. ﻭﺍﻟﻠﻪ ﻣﻮ ﺣﻠﻢ ﻭﺍﻟﻘﺮﺍﻥ ﺷﻔﺘﻬﺎ
.. ﻫﺎﻱ ﻣﻮ ﻛﺪﺍﻣﺞ ﻓﺘﺤﺖ ﺍﻟﺒﺎﺏ ... ﻣﻮ ﺟﺎﻥ ﻣﻘﻔﻮﻝ .. ﻣﻨﻴﻦ ﻃﻠﻌﺖ؟
.. ﻣﺎ ﺍﺩﺭﻱ ﺑﺲ ﻭﺭﻭﺡ ﺑﺎﺑﺎ ﻣﻮ ﺣﻠﻢ ﻭﺷﻔﺘﻬﺎ ﺣﻘﻴﻘﻪ ﺟﺎﻥ ﺷﻜﻠﻬﺎ ﻳﺨﻮﻑ ﻭ ..........
ﺣﻀﻨﻨﻲ ﻭﻛﺎﻝ
.. ﺍﺷﺸﺸﺶ ﺗﻌﺎﻱ ﺗﻌﺎﻱ ﻣﺎﻛﻮ ﺷﻲ ﺍﻧﻲ ﻳﻤﺞ
ﺑﻘﻰ ﻳﺒﻮﺱ ﺑﺮﺍﺳﻲ ﻭﻳﻘﺮﺍﻟﻲ ﺍﻳﺎﺕ ﻭﺍﻧﻲ ﻣﻠﺰﻣﻪ ﺑﻴﻪ ﻭﺧﺎﻳﻔﻪ ﻛﻠﺶ ﻟﻤﻦ ﻏﻔﻴﺖ
ﻛﻌﺪﺕ ﺑﺎﻝ ٧ ﺍﺣﺲ ﺍﻟﻢ ﻗﻮﻱ ﺑﺒﻄﻨﻲ ﻛﻄﻊ ﺍﻣﻌﺎﺋﻲ ﺑﺎﻭﻋﺖ ﻫﺠﺮﺱ ﻧﺎﻳﻢ ﺧﻄﻴﻪ ﺣﺴﻴﺖ ﺷﻲ ﻣﺒﻠﻞ ﺟﻮﺍﻱ ﺭﻓﻌﺖ ﺍﻟﺒﻄﺎﻧﻴﻪ ﻭﺍﺷﻮﻑ ﺍﻟﺠﺮﺑﺎﻳﻪ ﻏﺮﻛَﺎﻧﻪ ﺩﻡ ﺍﺣﺲ ﺍﻟﺪﻧﻴﺎ ﻭﻛَﻔﺖ ﺑﻌﻴﻨﻲ ﺑﺲ ﻣﻨﻈﺮ ﺍﻟﺪﻡ ﺑﻌﻴﻨﻲ
.. ﻩ .... ﻫﺞ ..... ﻫﺠﺮﺱ .. ﻫﺠﺮﺱ
ﻛﻌﺪ ﺧﻄﻴﻪ ﻣﺨﺘﺮﻉ ﻫﻮ ﺷﺎﻑ ﺍﻟﺪﻡ ﻭﻫﻮ ﺻﺎﺡ
.. ﺩﺧﻴﻠﻚ ﺭﺑﻲ ﺷﻨﻮ ﻫﺎﻱ ﺟﻴﻼﻥ
ﺍﺑﺎﻭﻋﻠﻪ ﻭﻣﺎ ﺍﺗﻨﻔﺲ ﺑﺲ ﺍﻟﻌﻴﻮﻥ ﺗﺒﺎﻭﻉ ﺑﺘﻮﺳﻞ ﺍﻟﻪ ﻭﺗﺴﺘﻨﺠﺪ ﺑﻴﻪ
.. ﻫﺠﺮﺱ ﺍﻟﺤﻜَﻨﻲ
ﻛَﺎﻡ ﺭﻛﺾ ﻟﺒﺲ ﺩﺷﺪﺍﺷﺘﻪ ﻭﻟﺒﺴﻨﻲ ﻣﻼﺑﺴﻲ ﻭﻫﻮﻳﻜﻮﻝ ﺑﺨﻮﻑ ﻭﺍﻳﺪﻳﻪ ﺗﺮﺟﻒ
.. ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ ﺭﻭﻳﺤﺘﻲ ﻻ ﺗﺨﺎﻓﻴﻦ
ﺟﻠﺒﺖ ﺩﺷﺪﺍﺷﺘﻲ ﺑﺄﻳﺪﻱ ﻭﻫﻮ ﻳﻠﺒﺴﻨﻲ ﺻﺎﺡ
.. ﻧﻌﻠﻌﻼ ﺍﺑﻮﻫﺎ ... ﺟﻴﻼﻥ ﺷﺘﺤﺴﻴﻦ ﺣﺒﻴﺒﺘﻲ
ﺍﺑﺎﻭﻋﻠﻪ ﻭﺩﻣﻮﻋﻲ ﺗﺠﺮﻱ
.. ﻫﺠﺮﺱ ﺍﻣﻮﺕ ﻭﻻ ﺑﻨﺘﻲ ﻳﺼﻴﺮ ﺑﻴﻬﺎ ﺷﻲ
.. ﻣﺎﻛﻮ ﺷﻲ ﻻ ﺗﺨﺎﻓﻴﻦ .... ﺍﻧﺘﻲ ﻭﺑﻨﻴﺘﻲ ﻣﺎ ﺑﻴﻜﻢ ﺷﻲ
ﺑﺴﺮﻋﻪ ﻟﺒﺴﻨﻲ ﺍﻟﺸﺎﻝ ﻭﻓﺘﺢ ﺍﻟﺒﺎﺏ ﻭﺻﺎﺡ
.. ﺣﻮﺭﻳﻪ .. ﺣﻮﺭﻳﻴﻴﻴﻴﻴﻴﻪ
ﺍﺟﺖ ﺣﻮﺭﻳﻪ ﺗﻠﺒﺲ ﺑﺸﺎﻟﻬﺎ ﺗﺮﻛﺾ ﻫﻲ ﻭﻫﺎﺷﻢ
.. ﺍﻟﺒﺴﻲ ﻋﺒﺎﺗﺞ ﻭﺗﻌﺎﻱ ﻭﻳﺎﻧﻪ ﺭﻛﺾ
ﻫﻲ ﺩﺧﻠﺖ ﻭﺷﺎﻓﺖ ﺍﻟﺪﻡ ﻟﻄﻤﺖ ﻉ ﻭﺟﻬﻬﺎ ﻭﺻﺎﺣﺖ
.. ﺻﺨﺎﻡ ﺍﻟﺼﺨﻤﻨﻲ .. ﻭﻟﺞ ﺷﻨﻲ ﻫﺎﻱ ﺟﻴﻼﻥ
ﺻﺎﺡ ﻫﺎﺷﻢ
.. ﺍﺭﻛﻀﻴﻴﻴﻴﻲ .. ﻣﻮ ﻭﻛﺖ ﺗﻠﻄﻤﻴﻦ
Mariam-almusawi
ﺭﺍﺣﻮﺍ ﺭﻛﺾ ﻟﺒﺴﻮﺍ ﻣﻼﺑﺴﻬﻢ ﻭﻫﺠﺮﺱ ﺷﺎﻟﻨﻲ ﻟﻠﺴﻴﺎﺭﻩ ﻭﻳﻜﻮﻝ
.. ﺩﺧﻴﻠﻚ ﺭﺑﻲ .. ﺩﺧﻴﻠﻚ ﺭﺑﻲ .. ﻻ ﺗﺮﺍﻭﻳﻨﻲ ﺑﻴﻬﺎ ﻣﻜﺮﻭﻩ
ﻭﺍﻧﻲ ﺍﺣﺲ ﺍﻟﻢ ﺑﺒﻄﻨﻲ ﻣﺜﻞ ﺍﻟﺴﺠﺎﺟﻴﻦ ﺑﻴﺒﻲ ﺷﺎﻓﺘﻨﻪ ﻭﺻﺎﺣﺖ
.. ﻳﺒﻮﻭﻭﻭﻭ ﺷﺒﻴﻬﺎ ﺟﻮﻳﻠﻪ ﻭﻟﻜﻢ ﺣﺎﺟﻮﻧﻲ
ﻣﺤﺪ ﺟﺎﻭﺑﻬﺎ ﺍﺧﺬﻧﻲ ﻳﺮﻛﺾ ﻟﻠﺴﻴﺎﺭﻩ ﻭﻫﺎﺷﻢ ﻭﺣﻮﺭﻳﻪ ﻭﺭﺍﻩ .... ﻃﻠﻊ ﻋﻤﻲ ﻭﺭﺍﻧﻪ ﻫﻮ ﻭﻣﺮﺓ ﻋﻤﻲ ﺳﺄﻟﻮﻫﻢ ﻣﺎ ﺟﺎﻭﺑﻬﻢ ﺍﺣﺪ ﺷﻐﻠﻨﻪ ﻭﻣﺸﻴﻨﻪ
بيج قصص عراقيه حقيقيه من واقعنا.روعه الطائي
ﺣﻄﻴﺖ ﺭﺍﺳﻲ ﺑﺤﻀﻦ ﺣﻮﺭﻳﻪ ﻭﺍﺻﻴﺢ
.. ﺍﺍﺍﺍﺍﺍﺍﺍﻩ ﺑﻄﻨﻴﻴﻴﻴﻴﻴﻴﻲ .. ﻫﺠﺮﺭﺭﺭﺭﺭﺭﺱ ﺭﺍﺡ ﺍﻣﻮﻭﻭﻭﻭﻭﻭﻭﻭﺕ
.. ﻫﺴﻪ ﺣﺒﻴﺒﻪ ﻫﺴﻪ ﺭﺍﺡ ﻧﻮﺻﻞ ﻣﺎ ﺑﻘﻪ ﺷﻲ ﻻ ﺗﺨﺎﻓﻴﻦ
ﺻﺎﺡ ﺑﻴﻪ ﻫﺎﺷﻢ
.. ﻫﺠﺮﺱ ﻳﻤﻌﻮﺩ ﻻ ﺗﺪﻋﻤﻨﻪ ﻭﻛﻔﻬﺎ ﻫﻨﺎ ﺷﻮ ﻭﻛﻔﻬﺎ
ﻭﻛﻒ ﺍﻟﺴﻴﺎﺭﻩ ﻫﺠﺮﺱ ﻭﻫﺎﺷﻢ ﻧﺰﻝ ﻭﺍﻧﺪﺍﺭﻟﻪ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﻧﺰﻝ ﻫﺠﺮﺱ ﻭﺻﻌﺪ ﺑﺎﻟﺼﺪﺭ ﻣﺎ ﺍﻛﺪﺭ ﺍﺷﻮﻑ ﻛﻠﺸﻲ ... ﺑﺲ ﺍﻻﻟﻢ ﻣﻮﺗﻨﻲ ... ﻣﺎ ﺍﻋﺮﻑ ﺣﺘﻰ ﻟﻴﺶ ﻫﺠﺮﺱ ﻣﺎ ﻛﺪﺭ ﻳﺴﻮﻕ
ﻭﺻﻠﻨﻪ ﻟﻠﻤﺴﺘﺸﻔﻰ ﺍﺟﻪ ﻫﺠﺮﺱ ﺭﺍﺩ ﻳﻨﺰﻟﻨﻲ ﻣﺎ ﻗﺒﻠﺖ ﺷﻔﺘﻪ ﺗﻌﺒﺎﻥ ﺧﻄﻴﻪ ﺳﻨﺪﻭﻧﻲ ﻫﻮ ﻭﺣﻮﺭﻳﻪ ﻭﻭﻛﻔﺖ ﺍﺣﺲ ﺑﺎﻟﺪﻡ ﻳﻨﺰﻝ ﺑﺲ ﻣﺎ ﻛﺪﺭﺕ ﺍﺣﺠﻴﻠﻪ ﻻﻥ ﺷﻔﺘﻪ ﻭﺟﻬﻪ ﺍﺻﻔﺮ ﻭﻋﻴﻮﻧﻪ ﺣﻤﺮ ﺑﺲ ﻻﺯﻣﻪ ﺍﻳﺪﻩ ﻭﺍﻋﺼﺮ ﺑﻴﻬﺎ
ﻭﺻﻠﻨﻪ ﻟﻠﺮﺩﻫﻪ ﻣﺎﻝ ﺍﻟﻄﻮﺍﺭﺉ ﻛﺎﻥ ﺍﻟﺪﻭﺍﻡ ﻫﺴﺘﻮﻩ ﺑﺎﺩﻱ ﻣﺎﻝ ﻛﺎﺩﺭ ﺍﻟﻤﺴﺘﺸﻔﻰ ... ﺷﻔﻨﻪ ﻫﺎﺷﻢ ﺭﻛﺾ ﺟﺎﺑﻠﻨﻪ ﻛﺮﺳﻲ ﺣﻄﻨﻲ ﺑﻴﻪ ﻭﺩﻓﻌﻪ ﻭﺻﻠﻨﻪ ﻟﻠﺴﺪﻳﻪ ﺻﻌﺪﺕ ﻋﻠﻴﻬﺎ ﻭﻫﺎﺷﻢ ﺭﺍﺡ ﺭﻛﺾ ﺻﺎﺡ ﻟﻠﺪﻛﺘﻮﺭﻩ ﺍﺟﻦ ﺍﻟﻤﻤﺮﺿﺎﺕ ﻃﻠﻌﻦ ﺍﻟﺰﻟﻢ ﺑﺮﻩ ﻭﺍﺟﺖ ﺍﻟﺪﻛﺘﻮﺭﻩ ﻓﺤﺼﺘﻨﻲ ﻛﺎﻟﺖ
.. ﺣﺒﻴﺒﺘﻲ ﻫﺬﺍ ﺍﻟﻄﻔﻞ ﻣﻴﺖ ﺑﺒﻄﻨﺞ
ﻫﻲ ﻛﺎﻟﺖ ﻫﻴﺞ ﻟﻮ ﺍﻧﻲ ﺍﺣﺲ ﻭﺍﺣﺪ ﺿﺮﺑﻨﻲ ﻉ ﺭﺍﺳﻲ ﺣﻮﺭﻳﻪ ﻭﺍﻛﻔﻪ ﻳﻢ ﺭﺍﺳﻲ ﻭﺗﺒﺠﻲ ﻛﺎﻟﺖ
.. ﻻﺯﻡ ﻧﺴﻮﻳﻠﺞ ﻛﻮﺭﺩﺍﺵ .. ﺍﻛﻮ ﺍﺣﺪ ﻭﻳﺎﺝ ﻳﻮﻗﻊ ﻉ ﺍﻟﻌﻤﻠﻴﻪ
ﻛﺎﻟﺘﻠﻬﺎ ﺣﻮﺭﻳﻪ
.. ﺍﻱ ﺩﻛﺘﻮﺭﻩ ﺯﻭﺟﻬﺎ
.. ﻣﺎﺷﻲ ﺧﻠﻲ ....
ﺻﺤﺖ ﺑﻴﻬﺎ
.. ﻣﺎ ﺗﻨﺰﻟﻴﻬﺎ .. ﺑﻨﻴﺘﻲ ﻣﺎ ﺗﻨﺰﻟﻴﻬﺎ
.. ﺣﺒﻴﻴﺘﻲ ﺷﻨﻮ ﻣﺎ ﺗﻨﺰﻟﻴﻬﺎ ﻣﻮ ﺯﻳﻦ ﻋﻠﻴﺞ
.. ﻋﻮﻓﻮﻧﻲ
ﻛﻤﺖ ﺍﺻﺮﺥ ﻭﺍﺑﺠﻲ ﻛﺎﻟﺖ
.. ﻗﻨﻌﻮﻫﺎ ﻳﻠﻪ ﺍﺷﺘﻐﻞ
ﻋﺎﻓﺘﻨﻪ ﻭﻃﻠﻌﺖ ﻭﺍﻧﻲ ﺍﺑﺠﻲ ﺍﺟﻪ ﻫﺠﺮﺱ ﻭﻋﻴﻮﻧﻪ ﺩﻡ ﻋﺎﻓﺘﻨﻪ ﺣﻮﺭﻳﻪ ﻭﺭﺍﺣﺖ ﻳﻢ ﻫﺎﺷﻢ ﺳﺪ ﺍﻟﺴﺘﺎﺭﻩ ﻭﺣﻀﻨﻨﻲ
.. ﺟﻴﻼﻥ ﺑﻨﻴﺘﻲ .. ﺍﻟﻄﻔﻠﻪ ﻣﺎﺗﺖ ﺑﻌﺪ .. ﺍﻟﻠﻪ ﻳﻌﻮﺿﺞ ﺑﻤﻜﺎﻧﻬﺎ .. ﺻﺤﺘﺞ ﺍﻫﻢ
ﺍﺑﺎﻭﻋﻠﻪ ﻭﺩﻣﻮﻋﻲ ﺗﺠﺮﻱ
.. ﺍﻣﻮﺕ ﻭﺭﺍﻫﺎ
.. ﺍﺷﺸﺶ ﺟﻴﻼﻥ ﻣﻨﻮ ﺍﻟﻲ ﺍﻧﻲ ﺍﺫﺍ ﺭﺣﺘﻲ .. ﻭﺍﻟﻠﻪ ﺍﺳﻮﻳﻠﺞ ﻏﻴﺮﻩ ﺑﺲ ﻻ ﺗﻘﻬﺮﻳﻦ ﺭﻭﺣﺞ .. ﻛﻠﺸﻲ ﻳﺘﻌﻮﺽ ﺑﺲ ﺍﻧﺘﻲ ﻣﺎ ﺗﺘﻌﻮﺿﻴﻦ
ﺑﻌﺪﻧﻲ ﻭﻧﻴﻤﻨﻲ ﻭﻏﻄﺎﻧﻲ ﻋﺪﻝ ﻭﺑﺎﺱ ﻛﺼﺘﻲ
.. ﻳﻠﻪ ﺣﺒﻴﺒﺘﻲ ﻛﻠﺸﻲ ﻳﺼﻴﺮ ﻭﻳﺎﺝ ﻛﻮﻟﻲ ﺍﻟﺤﻤﺪ ﻟﻠﻪ ﻋﻠﻴﻪ ... ﺍﻟﻠﻪ ﺍﻋﻠﻢ ﺑﻤﺼﻠﺤﺘﻨﻪ ... ﻳﺠﻮﺯ ﺭﺏ ﺍﻟﻌﺎﻟﻤﻴﻦ ﻣﺎ ﺭﺍﺩﻧﻪ ﻧﺘﻌﺬﺏ ﺑﻴﻬﺎ ﻛﻠﺸﻲ ﺟﻌﻞ ﺍﻟﻪ ﺳﺒﺐ .. ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﻉ ﻛﻠﺸﻲ ﻓﺄﺫﺍ ﺍﺻﺎﺑﺘﻬﻢ ﻣﺼﻴﺒﻪ ﻗﺎﻟﻮ ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﻟﺮﺍﺟﻌﻮﻥ
ﺑﻘﺖ ﺩﻣﻮﻋﻲ ﺗﻨﺰﻝ ﻭﺑﺎﺱ ﺍﻳﺪﻱ ﻭﻃﻠﻊ .... ﺍﺑﺎﻭﻉ ﻻﻳﺪﻱ ﻣﺒﻠﻠﻪ ﺑﺲ ﻣﺎ ﺷﻔﺖ ﺩﻣﻮﻋﻪ ﻣﻨﻴﻦ ﺍﺟﻪ ﻫﺬﺍ ﺍﻟﻤﻲ .. ﻳﺠﻮﺯ ﻳﺒﺠﻲ ﻭﻣﺎ ﺍﻧﺘﺒﻬﺘﻠﻪ ﺍﻻﻟﻢ ﺑﺒﻄﻨﻲ ﺯﺍﺩ ﺍﺟﺖ ﺣﻮﺭﻳﻪ ﻳﻤﻲ ﺗﻮﺍﺳﻲ ﺑﻴﻪ ﻭﺍﻧﻲ ﺑﺲ ﺍﻟﺪﻣﻮﻉ ﻛﺎﻧﺖ ﻛﻠﻤﺎﺗﻲ
Mariam-almusawi
ﺍﺟﺖ ﺍﻟﺪﻛﺘﻮﺭﻩ ﻭﺑﺪﺕ ﺍﻟﻌﻤﻠﻴﻪ ﺑﺪﻭﻥ ﺑﻨﺞ ﺍﺣﺲ ﺭﻭﺣﻲ ﻃﻠﻌﺖ ﻣﻠﺰﻣﻪ ﺑﺄﻳﺪ ﺣﻮﺭﻳﻪ ﻭﺍﺻﺮﺥ ﻭﺍﺑﺠﻲ ﻳﻤﻜﻦ ﺍﻟﻠﻲ ﺗﻄﻠﻚَ ﻣﻮ ﻣﺜﻠﻲ
ﻭﺭﻩ ﻧﺺ ﺳﺎﻋﻪ ﺧﻠﺼﺘﻨﻲ ﻋﺪﻟﺘﻨﻲ ﺍﻟﺪﻛﺘﻮﺭﻩ ﻭﻛﺘﺒﺘﻠﻲ ﻋﻠﻰ ﺍﺩﻭﻳﻪ ﺍﺑﺎﻭﻉ ﻟﺒﻄﻨﻲ ﻭﺍﺑﺠﻲ ﺍﺟﺖ ﺍﻟﻤﻤﺮﺿﻪ ﺿﺮﺑﺘﻨﻲ ﺍﺑﺮﺗﻴﻦ ﻣﻘﻮﻳﻪ ﻭﻣﺎﻝ ﺍﻻﻡ ﻭﻃﻠﻌﻨﻪ
ﺗﻠﻜﺎﻧﻪ ﻫﺠﺮﺱ ﺍﻟﻌﻴﻮﻥ ﺣﻤﺮ ﺍﻟﻈﺎﻫﺮ ﺑﺎﺟﻲ ﻟﻤﻦ ﻋﻴﻮﻧﻪ ﻣﻮﺭﻣﺎﺕ ﺳﻨﺪﻧﻲ ﻭﻛﺎﻝ
.. ﻫﺎ ﻳﺎ ﺭﻭﻳﺤﺘﻲ .. ﺍﺫﻭﺝ؟
بيج قصص عراقيه حقيقيه من واقعنا.روعه الطائي
ﻣﺎ ﺟﺎﻭﺑﺘﻪ ﻛﺎﻧﺖ ﺍﻟﺪﻣﻮﻉ ﻛﻔﻴﻠﻪ ﺑﺠﻮﺍﺑﻲ .. ﻃﻠﻌﻨﻪ ﻛﺮﻫﺖ ﺭﻭﺣﻲ ﻭﻛﺮﻫﺖ ﺍﻟﺤﻴﺎﺓ ﺩﻣﻮﻋﻲ ﻣﺎ ﺗﻮﻗﻔﺖ ﻟﺤﻈﻪ ﻋﺒﺎﻟﻚ ﻓﺎﻗﺪﻩ ﻃﻔﻞ ﻋﻤﺮﻩ ﺳﻨﻴﻦ ﺍﺣﺲ ﻓﺮﺣﺖ ﺣﻴﺎﺗﻲ ﻃﺎﺭﺕ ﻭﻛﺴﺮﺓ ﻗﻠﺒﻲ ﻣﺎ ﺗﻨﺠﺒﺮ
ﺻﻌﺪﻧﻪ ﺑﺎﻟﺴﻴﺎﺭﻩ ﻭﺣﻮﺭﻳﻪ ﻛﻌﺪﺕ ﻳﻤﻲ ﻭﻻﺯﻣﺘﻨﻲ ﻭﻫﺎﺷﻢ ﻳﺴﻮﻕ ﻭﻫﺠﺮﺱ ﺑﺎﻟﺼﺪﺭ ﻭﻻﺯﻡ ﺍﻳﺪﻱ ﻳﺴﺄﻟﻨﻲ ﻣﺎ ﺍﺳﻤﻌﻪ ﺑﺲ ﻋﻴﻨﻲ ﻉ ﺍﻟﺠﺎﻣﻪ ﻭﺍﻟﺪﻣﻮﻉ ﺗﺼﺐ
ﻣﺤﺪ ﺣﺠﻪ ﺷﻲ ﺑﺲ ﺣﻮﺭﻳﻪ ﺣﺎﺿﻨﺘﻨﻲ ﻭﺗﺒﺠﻲ ﻭﻫﺠﺮﺱ ﻻﺯﻡ ﺍﻳﺪﻱ ﻭﺻﻠﻨﻪ ﺳﻨﺪﻭﻧﻲ ﺗﻠﻜﺘﻨﻪ ﻋﻤﺘﻲ
.. ﻫﺎ ﻳﻤﻪ ﺷﻠﻮﻧﻬﺎ
ﻣﺎ ﺟﺎﻭﺑﻬﺎ ﻫﺠﺮﺱ ﻭﻫﺎﺷﻢ ﺍﺷﺮﻟﻬﺎ ﺑﻤﻌﻨﻰ ﺍﺳﻜﺘﻲ ﻋﻤﻲ ﺗﻠﻜﺎﻧﻲ
.. ﺣﻤﺪ ﺍﻟﻠﻪ ﻉ ﺳﻼﻣﺘﺞ ﻋﻤﻲ .. ﺍﻟﺒﻴﺖ ﻣﻮ ﺣﻠﻮ ﺑﺪﻭﻧﺞ
ﺑﻴﺒﻲ ﺗﻠﻜﺘﻨﻲ ﺍﻟﺪﻣﻮﻉ ﺗﺠﺮﻱ
.. ﻳﺎ ﺣﺒﻮﺑﻪ ﺗﻌﺎﻱ ﻟﻴﻪ ... ﻛﻮﻥ ﺍﻟﺼﺎﺭ ﺑﻴﺞ ﺑﻌﺪﻭﻳﻨﺞ ﻭﺍﻟﻴﻜﺮﻫﻮﺝ .. ﺍﻧﻌﻞ ﺍﺑﻮ ﺍﻟﺒﺰﺭ .. ﻭﺍﻟﻠﻪ ﺭﻭﺣﻲ ﺷﺎﻏﺖ ﻋﻠﻴﺞ ﻣﻦ ﺍﻣﺲ ﻟﻠﻴﻮﻡ
ﻫﻢ ﻳﺤﺠﻮﻥ ﺍﺷﻜﺎﻝ ﺑﺲ ﺍﻧﻲ ﺩﻣﻮﻋﻲ ﺗﺠﺮﻱ ﻭﺑﻐﻴﺮ ﻋﺎﻟﻢ ﻛﺎﻟﻬﺎ ﻫﺠﺮﺱ
.. ﺣﺒﻮﺑﻪ ﺧﻠﻲ ﻧﺼﻌﺪﻫﺎ ﺗﺮﺗﺎﺡ ﺑﻐﺮﻓﺘﻬﺎ
.. ﻭﺩﻳﻬﺎ ﺣﺒﻮﺑﻪ ﻭﺩﻳﻬﺎ ﺳﻮﺩﻩ ﺑﻮﺟﻬﻲ .. ﻣﻨﻴﻦ ﺍﺟﺘﺞ ﻫﺎﻱ ﺍﻟﺴﺎﻟﻔﻪ
ﺭﺍﺩ ﻳﺼﻌﺪﻧﻲ ﻃﻠﻊ ﺟﺪﻱ ﻭﻫﻮ ﻳﺴﻨﺪ ﻧﻔﺴﻪ ﻉ ﺍﻟﺒﺎﺏ ﺭﻛﻀﻠﻪ ﻋﻤﻲ ﻛﺎﻝ ﺑﺼﻮﺕ ﺗﻌﺒﺎﻥ
.. ﺗﻌﺎﻱ ﻟﻴﻪ ﺟﺪﻱ ﺻﺎﺭ ﺳﺎﻋﻪ ﺍﺻﻴﺤﻦ
ﺍﻧﻲ ﺷﻔﺖ ﺟﺪﻱ ﻭﺍﻧﻲ ﺗﺬﻛﺮﺕ ﺑﺎﺑﺎ ﺭﺣﺖ ﺑﺨﻄﻮﺍﺕ ﻣﺮﻳﻀﻪ .. ﻫﻮ ﻛﻌﺪﺕ ﺍﻟﻜﺮﺳﻲ ﺍﻟﻴﻢ ﺍﻟﺒﺎﺏ ﻭﺍﻧﻲ ﺫﺑﻴﺖ ﻧﻔﺴﻲ ﺑﺤﻀﻨﻪ ﻭﺍﺑﺠﻲ ﻭﻫﻮ ﻳﺒﺠﻲ
ﻛﺎﻝ
.. ﺑﻨﻴﺘﻲ ﻻ ﺗﻀﻮﺟﻴﻦ ﻋﺴﻰ ﺍﻥ ﺗﺤﺒﻮﺍ ﺷﻴﺌﺎ ﻭﻫﻮ ﺷﺮ ﻟﻜﻢ .. ﻳﺠﻮﺯ ﻫﺬﻩ ﺍﻟﻄﻔﻠﻪ ﻟﻮ ﺟﺎﻳﺘﺞ ﻫﻲ ﺗﺘﺄﺃﺫﻩ ﺍﻛﺜﺮ ﻣﺎ ﺍﻧﺘﻲ ﺗﺘﺎﺫﻳﻦ .. ﻳﺠﻮﺯ ﺗﻄﻠﻊ ﻣﺮﻳﻀﻪ ﻳﺠﻮﺯ ﻣﻌﻮﻗﻪ ﻳﺠﻮﺯ ﻣﺸﻮﻫﻪ ﻭﺭﺑﺞ ﻣﺎ ﺣﺐ ﺍﻟﺞ ﻫﺎﻟﻘﺴﻤﻪ .. ﺿﺎﻣﻠﺞ ﺍﻻﺣﺴﻦ ﺍﻧﻲ ﻣﺘﺄﻛﺪ ﻣﻦ ﻫﺎﻟﺸﻲ
ﻛﻮﻣﻨﻲ ﻫﺠﺮﺱ ﻭﺻﻌﺪﻧﻲ ﻟﻠﻐﺮﻓﻪ ﻟﻜﻴﺖ ﻣﻨﻈﻔﻴﻦ ﺍﻟﻐﺮﻓﻪ ﻣﻌﻘﻮﻟﻪ ﻣﺮﺓ ﻋﻤﻲ .. ﻣﺎ ﺍﻫﺘﻤﻴﺖ ﺣﻄﻴﺖ ﺭﺍﺳﻲ ﻉ ﺍﻟﻤﺨﺪﻩ ﺭﺍﺩ ﻳﻨﺰﻋﻨﻲ ﻫﺠﺮﺱ ﺩﻓﻌﺖ ﺍﻳﺪﻩ ﻭﺗﻐﻄﻴﺖ ﺑﺎﻟﺒﻄﺎﻧﻴﻪ ﻫﻮ ﺳﻜﺖ ﺑﺎﺱ ﺍﻳﺪﻱ ﺍﻟﻄﺎﻟﻌﻪ ﺷﻮﻳﻪ ﻣﻦ ﺍﻟﺒﻄﺎﻧﻴﻪ ﻭﻃﻔﻪ ﺍﻟﻀﻮﻩ ﻭﺭﺍﺡ ﺍﻧﻲ ﺑﺴﺮﻋﻪ ﻧﻤﺖ ﻋﺒﺎﻟﻚ ﺣﺎﻃﻴﻠﻲ ﻣﻨﻮﻡ
ﻛﻌﺪﺕ ﺗﻘﺮﻳﺒﺎ ﻭﺭﻩ ﺳﺎﻋﻪ ﻟﻜﻴﺖ ﻫﺠﺮﺱ ﻧﺎﻳﻢ ﻳﻤﻲ ﻣﺎ ﺍﻋﺮﻑ ﺷﺒﻴﻪ ﻛﺮﻫﺘﻪ ﻭﻛﺮﻫﺖ ﻛﻞ ﺣﻴﺎﺗﻲ ﺍﺑﺎﻭﻋﻠﻪ ﺑﻐﻀﺐ ﻭﺩﻣﻮﻋﻲ ﺗﺠﺮﻱ ﺣﺲ ﻋﻠﻰ ﺣﺮﻛﺘﻲ ﻣﻦ ﺍﻟﺠﺮﺑﺎﻳﻪ ﻛﻌﺪ ﻣﺨﺘﺮﻉ
.. ﻫﺎ ﻫﺎ ﺣﺒﻴﺒﻲ ﻣﺤﺘﺎﺟﻪ ﺷﻲ
ﺍﻧﺪﺍﺭﻳﺖ ﻋﻠﻴﻪ ﻭﺩﻓﻌﺘﻪ ﻣﻦ ﺍﻟﺠﺮﺑﺎﻳﻪ ﻭﻛﻊ ﺍﻧﻀﺮﺏ ﻇﻬﺮﻩ ﺑﻤﻴﺰ ﺍﻟﻤﺮﺍﻳﻪ ﺷﻔﺘﻪ ﺗﺄﺫﻩ ﺑﺲ ﻣﺎ ﺍﻫﺘﻤﻴﺖ ﻭﺻﺤﺖ
.. ﻋﻮﻓﻮﻧﻴﻴﻴﻴﻴﻴﻲ ... ﻋﻮﻓﻮﻧﻨﻴﻴﻴﻴﻴﻴﻴﻴﻲ ... ﺍﺭﻳﺪ ﺍﻣﻮﻭﻭﻭﻭﻭﻭﺕ
ﻏﻤﺾ ﻋﻴﻮﻧﻪ ﻭﻟﺰﻡ ﻇﻬﺮﻩ ﻭﻛﺎﻡ ﻛﺎﻝ
.. ﺭﺍﺡ ﺍﻋﺒﺮﻫﺎ ﺍﻟﺞ ﻻﻥ ﺍﻧﺘﻲ ﻫﺴﻪ ﻣﺘﻬﺴﺘﺮﻩ ﻋﻠﻰ ﺑﻨﺘﺞ .. ﺑﺲ ﻻﺯﻡ ﺗﺘﻘﺒﻠﻴﻦ ﺍﻟﻮﺍﻗﻊ ﺍﻟﻠﻪ ﻣﺎ ﻛﺎﺗﺒﻠﻨﻪ ﻳﺼﻴﺮ ﻋﺪﻧﻪ ﺷﻨﻮ ﺍﻭﻝ ﺑﺸﺮ ﻣﺎ ﻳﺼﻴﺮ ﻋﺪﻫﻢ ﺗﺮﻩ ﻣﺎ ﺻﺎﺭﻟﻨﻪ ﺳﻨﻪ
ﻋﻔﺘﻪ ﻭﺭﺟﻌﺖ ﺍﺑﺠﻲ ﺑﻔﺮﺍﺷﻲ ﻭﺍﺻﻴﺢ ﻫﻮ ﻃﻠﻊ ﻭﺭﺟﻊ ﻭﺭﻩ ﻧﺺ ﺳﺎﻋﻪ ﺟﺎﻳﺐ ﺗﺸﺮﻳﺐ ﺩﺟﺎﺝ ﻭﺗﻤﻦ ﻭﺩﺧﻠﺖ ﻭﻳﺎﻩ ﻓﻄﻮﻣﻪ ﻛﺎﻟﺖ
.. ﺟﻮﻟﻲ ﺣﺒﻴﺒﺘﻲ .. ﻭﺍﻟﻘﺮﺍﻥ ﻣﺘﺖ ﻗﻬﺮ
ﻭﺣﻀﻨﺘﻨﻲ ﻭﺍﻧﻲ ﻣﺘﺨﺸﺒﻪ ﻣﺎ ﺍﺩﺭﻱ ﺷﺒﻴﻪ ﺗﺨﺒﻠﺖ ﺳﺎﻋﺘﻬﺎ ﻣﺎ ﺍﺭﻳﺪ ﺑﺸﺮ ﻛﺘﻠﻬﺎ
.. ﺟﺎﻳﻪ ﺗﺘﺸﻤﺘﻴﻦ ﺑﻴﻪ ﻻﻥ ﺍﻧﺘﻲ ﺣﺎﻣﻞ ﻭﺍﻧﻲ ﺑﻨﺘﻲ ﺭﺍﺣﺖ
بيج قصص عراقيه حقيقيه من واقعنا.روعه الطائي
ﻫﻲ ﺧﻄﻴﻪ ﺻﻔﻨﺖ ﻋﻠﻴﻪ ﻛﺎﻟﺖ ﺑﺄﺭﺗﺒﺎﻙ
.. ﻻ ﻭﺍﻟﻠﻪ ﻳﺎ ﺭﻭﺣﻲ .. ﺷﺘﺘﻮﻗﻌﻴﻦ ﺍﻧﻲ ﺍﺗﺸﻤﺖ ﺍﺟﻴﺖ ﺍﺷﻮﻓﺞ ﻭ .....
ﺻﺤﺖ ﺑﻴﻬﺎ
.. ﺍﻃﻠﻌﻲ ﺑﺮﺭﺭﺭﺭﺭﺭﺭﺭﻩ
ﻫﻲ ﺧﻄﻴﻪ ﺧﺎﻓﺖ ﺷﻠﺖ ﺍﻟﺘﺤﻔﻴﻪ ﻳﻤﻲ ﺭﺩﺕ ﺍﺭﻛﻌﻬﺎ ﺷﺮﺩﺕ ﻫﺠﺮﺱ ﺍﺧﺬﻫﺎ ﻣﻨﻲ ﻭﺻﺎﺡ
.. ﺑﺴﺴﺴﺴﺴﺴﺲ ﺷﺒﻴﺞ ﺗﺨﺒﻠﺘﻲ
.. ﺍﻱ ﺗﺨﺒﻠﺖ ﻣﻦ ﺍﻟﺒﺪﺍﻳﻪ ﻣﺎ ﺭﺩﺗﻮﻧﻲ ﻣﻦ ﺩﺧﻠﺖ ﻫﺬﺍ ﺍﻟﺒﻴﺖ ﺑﺎﻻﺧﺺ ﺍﻧﺖ ﺗﻤﻮﺕ ﻣﻨﻲ ﺍﻧﺖ ﻭﺍﻣﻚ ﻭﺳﻮﻳﺖ ﺭﻭﺣﻚ ﺗﺤﺒﻨﻲ ﻣﻦ ﺩﺭﻳﺖ ﺑﺄﺑﻮﻱ ﻣﺮﻳﺾ ﺍﻧﻜﺴﺮ ﺧﺎﻃﺮﻙ ﻋﻠﻴﻪ ﺗﺎﻟﻲ ﻃﻠﻊ ﻋﻨﺪﻙ ﻛﻠﻪ ﺳﻮﺍﻟﻒ ﺑﻨﺎﺕ ﻗﺒﻞ ﻻ ﺗﺎﺧﺬﻧﻲ ﻭ .........
.. ﻛﺎﺍﺍﺍﺍﺍﺍﺍﺍﺍﺍﻓﻴﻴﻴﻴﻴﻴﻴﻴﻲ ﺟﻴﻼﺍﺍﺍﺍﺍﺍﺍﺍﺍﺍﺍﺍﺍﺍﺍﻥ ﻭﻟﺞ ﺷﺒﻴﺞ
ﺩﻓﻌﺘﻪ ﺭﺩﺕ ﺍﻃﻠﻊ ﻟﺰﻣﻨﻲ ﻣﻦ ﺯﻧﺪﻱ ﺭﺩﺕ ﺍﺩﻓﻌﻪ ﻣﺮﻩ ﺛﺎﻧﻴﻪ ﺿﺮﺑﻨﻲ ﺭﺍﺷﺪﻱ ﻭﻛﻌﻨﻲ ﻉ ﺍﻟﺠﺮﺑﺎﻳﻪ ﻭﻧﺎﻡ ﻓﻮﻛﺎﻱ ﻭﺣﻂ ﺍﻳﺪﻳﻪ ﻣﻦ ﺍﻟﺠﻬﺘﻴﻦ ﻭﺻﺎﺡ ﺑﻮﺟﻬﻲ
.. ﺍﺻﺤﻲ ﺍﺻﺤﻲ ﻛﺎﻓﻲ .. ﺗﻌﺒﺘﻴﻨﻲ .. ﺍﻟﻠﻲ ﺭﺍﺣﺖ ﻣﻮ ﺑﺲ ﺑﻨﺘﺞ ﺑﻨﺘﻲ ﻫﻢ .. ﺑﺲ ﻣﻮ ﻣﻌﻨﺎﻫﺎ ﻧﺘﺨﺒﻞ ‏( ﺻﻮﺗﻪ ﻫﺪﺃ ﺷﻮﻳﻪ ﻭﺣﻀﻨﻨﻲ ‏) ﺷﺒﻴﺞ ﺣﺒﻴﺒﺘﻲ .. ﻭﺍﻟﻠﻪ ﻛَﻠﺒﻲ ﺗﺪﻣﻪ ﻣﻦ ﺷﻔﺘﺞ ﻣﺪﻣﺎﻳﻪ ﺑﻴﻦ ﺍﻳﺪﻳﻪ .. ﺗﻤﻨﻴﺖ ﺍﻟﻠﻲ ﺭﺍﺡ ﺍﻧﻲ ﻭﻻ ﺑﻨﺘﺞ ﺍﻋﺮﻑ ﺷﻜﺪ ﺗﻌﻠﻘﺘﻲ ﺑﻴﻬﺎ .. ﺑﺲ ﻫﺬﺍ ﻗﺪﺭ ﺭﺑﺞ ﻭﺍﻟﺤﻤﺪ ﻟﻠﻪ ﻣﺎ ﻛﺒﺮﺕ ﻭﺭﺑﻴﺘﻴﻬﺎ ﻭﺭﺍﺣﺖ ﺟﺎﻥ ﺷﺼﺎﺭ ﺑﻴﺞ ﺳﺎﻋﺘﻬﺎ .. ﺟﻴﻼﻥ ﺍﻧﻲ ﻣﺤﺘﺎﺟﺞ
ﺍﺣﺲ ﺭﺟﻌﺖ ﻟﻮﻋﻴﻲ ﻟﻤﻴﺖ ﻧﻔﺴﻲ ﺟﻮﻩ ﻭﻛﻤﺖ ﺍﺑﺠﻲ ﺑﻘﻬﺮ ﻧﺎﻡ ﺑﺼﻔﻲ ﺣﻀﻨﻨﻲ ... ﺍﻟﻠﻲ ﺍﻧﻜﺴﺮ ﺑﺪﺍﺧﻠﻲ ﺟﺒﻴﺮ ﻣﺎ ﺍﻛﺪﺭ ﺍﻭﺻﻔﻪ .. ﻛﺄﻧﻪ ﻭﺍﺣﺪ ﺻﻌﺪﺝ ﻓﻮﻙ ﻋﻤﺎﺭﻩ ﻋﺎﻟﻴﻪ ﻭﺫﺑﺎﺝ ﻣﻦ ﺍﻋﻠﻰ ﻃﺎﺑﻖ ﻫﻴﺞ ﺍﻣﻠﻲ ﻭﺍﻣﻨﻴﺘﻲ ﻛﻠﻬﺎ ﺍﺧﺘﻔﺖ ﻭﺭﺍﺣﺖ ﺑﻠﻤﺤﺔ ﺑﺼﺮ
ﺑﺎﻭﻋﺘﻠﻪ ﻭﺩﻣﻮﻋﻲ ﺗﺠﺮﻱ ﻛﺘﻠﻪ ﻭﺍﻧﻲ ﺍﻧﺎﺷﻎ
.. ﻟﻴﺶ ﻫﺠﺮﺱ ﻟﻴﺶ ﻣﺎ ﻋﻨﺪﻱ ﺣﻆ ﺑﻬﺎﻟﺪﻧﻴﺎ .. ﻛﻞ ﺍﻻﺣﺒﻬﻢ ﻳﺮﺣﻮﻥ ﻣﻨﻲ
.. ﺣﺒﻴﺒﺘﻲ ﺍﺑﺪ ﻻ ﺗﻌﺘﺮﺿﻴﻦ ﻋﻠﻰ ﺣﻜﻢ ﺭﺑﺞ ﺷﻤﺎ ﻳﺼﻴﺮ ﺑﻴﺞ ..
ﻭﻋﻴﻮﻧﺞ ﻣﺎ ﺍﻋﻮﻓﺞ ﺑﺲ ﺗﻜﻮﻣﻴﻦ ﺑﺎﻟﺴﻼﻣﻪ ﻭﺗﺎﺧﺬﻳﻦ ﻛﻢ ﺷﻬﺮ ﺭﺍﺣﻪ ﺍﺧﻠﻴﺞ ﺗﺴﻮﻳﻦ ﺗﻮﻡ ﺑﻤﻜﺎﻧﻪ
ﺑﺎﻭﻋﺘﻠﻪ ﻭﻋﻴﻮﻧﻲ ﺗﺼﺐ ﻭﻛﻠﻬﻦ ﺍﻣﻞ
.. ﻭﺍﻟﻠﻪ ﻫﺠﺮﺱ
.. ﻭﻋﻴﻮﻧﺞ ﺍﻟﺤﻠﻮﺍﺕ
ﺣﻀﻨﺘﻪ ﻭﺣﻄﻴﺖ ﺍﻳﺪﻱ ﻉ ﻇﻬﺮﻩ ﻭﻓﺮﻛﺖ ﻇﻬﺮﻩ :
.. ﺍﺫﻳﺘﻚ ﻣﻮ ؟؟؟؟
.. ﻟﻮ ﺗﻤﻮﺗﻴﻨﻲ ﻣﺎ ﺍﻫﺘﻢ ﺑﺲ ﺍﻟﻤﻬﻢ ﺍﺷﻮﻓﺞ ﺑﻌﺎﻓﻴﻪ ﻛﺪﺍﻣﻲ
.. ﺧﻄﻴﻪ ﻓﻄﻮﻣﻪ ﺍﺫﻳﺘﻬﺎ ﺑﺤﺠﻴﻲ
.. ﻣﺎ ﺗﺰﻋﻞ ﻣﻨﺞ ﻓﻄﻮﻣﻪ .. ﻛَﻠﺒﻬﺎ ﺟﺒﻴﺮ .. ﺍﻧﺘﻲ ﺑﺲ ﺍﺭﺟﻌﻴﻠﻨﻪ ﻣﺜﻞ ﺍﻭﻝ
ﺑﺴﺘﻪ ﺑﺨﺪﻩ ﻭﺭﺟﻌﺖ ﺣﻀﻨﺘﻪ
ﺑﻘﻴﺖ ١٠ ﺍﻳﺎﻡ ﺍﺗﻜﺄﺏ ﻭﺣﺪﻱ ﻭﺗﺠﻴﻨﻲ ﺣﺎﻻﺕ ﺍﻛﻌﺪ ﺍﺑﺠﻲ ﻭﻣﺎ ﺍﺭﻳﺪ ﺍﺣﺪ ﺑﺲ ﻫﺠﺮﺱ ﻣﺎ ﻋﺎﻓﻨﻲ .. ﺣﺘﻰ ﺍﻟﻤﺤﻞ ﻋﺎﻓﻪ ﻟﻮ ﻳﻄﻠﻌﻨﻲ ﻟﻮ ﻳﺎﺧﺬﻧﻲ ﻣﻄﺎﻋﻢ ﻟﻮ ﻧﻜﻌﺪ ﻳﻢ ﺑﻴﺒﻲ ﺍﻟﻠﻲ ﺗﻬﺰﻝ ﻭﺗﻀﺤﻚ
ﻋﻤﺘﻲ ﺑﻌﺪ ﻣﺎ ﺍﻟﻬﺎ ﻋﻼﻗﻪ ﺑﻴﻪ ﻭﻻ ﻓﺘﺤﺖ ﺍﻟﻤﻮﺿﻮﻉ ﺍﻟﻈﺎﻫﺮ ﻫﺠﺮﺱ ﻭﺑﻴﺖ ﺟﺪﻱ ﻛﻠﻬﻢ ﻣﺤﺎﺟﻴﻬﺎ ﻣﺎ ﺣﺎﺟﺘﻨﻲ ﻭﻻ ﻛﺎﻟﺘﻠﻲ ﺑﻌﺪ ﻋﻦ ﻫﺬﺍ ﺍﻟﻤﻮﺿﻮﻉ ﺷﻲ
ﻓﻄﻮﻡ ﺑﺴﺎﻋﺘﻬﺎ ﺻﺎﻟﺤﺘﻬﺎ ﻭﺧﻄﻴﻪ ﻛﺎﺑﻠﺘﻨﻲ ﺗﺒﺠﻲ ﻭﻛﺎﻟﺘﻠﻲ ﺧﻔﺖ ﻋﻠﻴﺞ ﻛﻠﺶ ﻭﺣﻮﺭﻳﻪ ﻣﺎ ﻋﺎﻓﺘﻨﻲ ﺍﻻﻛﻞ ﻭﺍﻟﺨﺪﻣﻪ ﺗﻜﻮﻝ ﻭﺣﺪﻩ ﻫﺴﺘﻮﻫﺎ ﺟﺎﻳﺒﻪ ﺭﻏﻢ ﺧﻄﻴﻪ ﺗﺮﻳﺪ ﺗﺪﺧﻞ ﺑﺸﻬﺮ ﺍﻟﺴﺎﺑﻊ
Mariam-almusawi
ﻣﺮ ﺗﻘﺮﻳﺒﺎ ﺷﻬﺮ ﻉ ﻫﺎﻱ ﺍﻟﺤﺎﺩﺛﻪ ﺍﺟﺎﻧﻲ ﻳﻮﻡ ﻫﺠﺮﺱ ﺍﻟﻌﺼﺮ ﻛﺎﻝ
.. ﺟﻮﻟﻲ ﺣﺒﻴﺒﻲ ﻛﻮﻣﻲ ﺑﺪﻟﻲ
.. ﻭﻳﻦ ؟
بيج قصص عراقيه حقيقيه من واقعنا.روعه الطائي
ﺳﺤﺒﻨﻲ ﻣﻦ ﺍﻳﺪﻱ ﻭﻛﺎﻝ
.. ﺑﺎﻋﻴﻠﻲ ﺍﻧﺘﻲ ﻣﻮ ﻗﺒﻞ ﻣﺪﻩ ﻛﻌﺪﺗﻲ ﺗﺼﺮﺧﻴﻦ ﻻﻥ ﺷﻔﺘﻲ ﻣﺮﻳﻪ ﺑﺎﻟﺤﻘﻴﻘﻪ ﻣﺪﺭﻱ ﺑﺎﻟﺤﻠﻢ ﻭﺧﻔﺘﻲ ﻣﻨﻬﺎ
ﺍﺭﺗﺒﻜﺖ ﻣﻦ ﻛﻠﻲ ﻫﻴﺞ ﻭﺩﻧﻜﺖ ﺧﺎﻳﻔﻪ ﻛﺎﻝ
.. ﻻ ﺗﺨﺎﻓﻴﻦ ﺣﺒﻴﺒﻲ .. ﺍﻧﻲ ﻋﺎﺩﻱ ﺍﺳﻮﻟﻒ ﻭﻳﻪ ﺍﺑﻮ ﻋﻠﻲ ﺻﺎﺣﺒﻲ ﻋﻦ ﺍﻱ ﺷﻲ ﻳﺨﻮﻓﻨﻲ ﺍﻭ ﻣﺎ ﻣﺮﺗﺎﺣﻠﻪ ﺑﺤﻴﺎﺗﻲ ﻻﻥ ﻫﻮ ﻛﻠﺸﻲ ﻳﻌﺮﻑ ﻋﻨﻲ ﻣﺎ ﺍﺿﻢ ﻋﻨﻪ ﺍﻱ ﺷﻲ ... ﺳﻮﻟﻔﺘﻠﻪ ﺍﻟﺤﻠﻢ ﻣﺎﻟﺘﺞ ﻭﻛﺘﻠﻪ ﻫﻲ ﺷﺎﻓﺘﻬﺎ ﺑﺎﻟﺤﻘﻴﻘﻪ ﻧﺒﻬﻨﻲ ﻟﺸﻐﻠﻪ ﻛﻠﻲ ﻳﺠﻮﺯ ﺳﺒﺐ ﺍﻻﺳﻘﺎﻁ ﺯﻭﺟﺘﻚ ﺩﺍﻳﺴﻪ ﺍﻭ ﻣﻌﻤﻮﻟﻬﺎ ﻋﻤﻞ
ﺳﻜﺘﺖ ﻣﺎ ﺟﺎﻭﺑﺘﻪ ﻳﺠﻮﺯ ﺻﺤﻴﺢ ﻟﺰﻡ ﺍﻳﺪﻱ ﻭﺑﺎﺳﻬﺎ ﺑﺎﻭﻋﺘﻠﻪ ﻛﺎﻝ
.. ﻳﺎ ﺭﻭﺣﻲ ﺍﻧﻲ ﻭﻳﺎﺝ ﻣﺎ ﺍﻋﻮﻓﺞ ﺧﻠﻲ ﻧﺘﻮﻛﻞ ﻋﻠﻰ ﺍﻟﻠﻪ ﻭﻧﻄﻠﻊ ﻫﺴﻪ ﻧﺮﻭﺡ ﻻﺑﻮ ﻓﺎﺿﻞ ﺍﺭﻳﺪ ﺍﺑﺎﺕ ﻳﻤﻪ ﻭﺑﺎﺟﺮ ﻣﻦ ﺍﻟﺼﺒﺢ ﻧﺮﻭﺡ ﻟﺴﺎﺩﻩ ﻫﻨﺎﻙ ﺑﻜﺮﺑﻼ ﺩﻻﻧﻲ ﻋﻠﻴﻬﻢ ﻛﺎﻝ ﺍﻳﺪﻫﻢ ﻋﺎﻓﻴﻪ ﻭﺑﺎﻟﻤﻜﺎﻥ ... ﻫﺎ ﺣﺒﻴﺒﺘﻲ ﺷﻜﻠﺘﻲ ؟
ﻫﺰﻳﺖ ﺭﺍﺳﻲ ﺑﺄﻱ ﺍﺑﺘﺴﻤﻠﻲ ﻭﺑﺎﺳﻨﻲ ﻭﻛﺎﻝ
.. ﻳﻠﻪ ﻛﻮﻣﻲ ﻻ ﺗﺨﺎﻓﻴﻦ ﺍﺑﻮ ﻓﺎﺿﻞ ﺍﻟﻠﻲ ﻃﻠﺒﺘﺞ ﻣﻦ ﻋﻨﺪﻩ ﻣﺎ ﻳﺮﺩﻧﻲ ﺍﺫﺍ ﺩﻛﻴﺖ ﺑﺎﺑﻪ ﻣﺮﻩ ﺛﺎﻧﻴﻪ
ﺍﺑﺘﺴﻤﺘﻠﻪ ﻭﻛﻤﺖ ﺑﺪﻟﺖ ﻭﺍﺧﺬﺕ ﻛﻢ ﻗﻄﻌﺔ ﻣﻼﺑﺲ ﻭﻃﻠﻌﻨﻪ ﻛﺎﻝ ﻫﺠﺮﺱ
.. ﺑﻮﻳﻪ ﺍﺣﻨﻪ ﺭﺍﻳﺤﻴﻦ ﻧﺒﺎﺕ ﺑﻜﺮﺑﻼ ﻻ ﻳﻀﻞ ﺑﺎﻟﻜﻢ ﻋﻠﻴﻨﻪ
ﺻﺎﺣﺘﻠﻲ ﺑﻴﺒﻲ
.. ﺟﻮﻳﻠﻪ ﺗﻌﺎﻱ
ﺍﺟﻴﺖ ﻳﻤﻬﺎ ﺣﻄﺖ ﺑﺄﻳﺪﻱ ﻋﻠﻚ ﻭﺷﺎﻭﺭﺗﻨﻲ
.. ﺣﺒﻮﺑﻪ ﺍﻭﻝ ﻣﺎ ﺗﺮﺣﻴﻦ ﺗﺰﻭﺭﻳﻦ ﺍﺑﺎ ﻋﺒﺪ ﺍﻟﻠﻪ ﺣﺎﻓﻴﻪ ﻭﺗﺮﺟﻌﻴﻦ ﻣﻦ ﻋﻨﺪﻩ ﻻﺑﻮ ﻓﺎﺿﻞ ﻫﺬﺍ ﺍﻟﻌﻠﻚَ ﻣﻦ ﺗﻮﺻﻠﻴﻦ ﻳﻢ ﺷﺒﺎﺟﻪ ﺷﺪﻳﻬﺎ ﺑﺒﺎﺑﻪ ﻭﺍﻭﻛﻔﻲ ﺟﻮﻩ ﺍﻟﻜﺒﻪ ﻣﺎﻟﺘﻪ ﺑﺪﺍﺧﻞ ﺍﻟﻀﺮﻳﺢ ﻭﻛﻠﻴﻠﻪ ﻳﺎ ﺍﺑﻮ ﻓﺎﺿﻞ ﺍﻧﻲ ﺟﺎﻱ ﺩﺍﻛﻪ ﺑﺎﺑﻚ ﻭﺟﺎﻳﺒﻪ ﻭﻳﺎﻱ ﺍﺑﺎ ﻋﺒﺪ ﺍﻟﻠﻪ ﻣﺸﺎﻳﻪ ﻋﻠﻴﻚ ﻣﺎ ﺍﺭﻳﺪﻙ ﺗﺮﺩﻧﻪ ﺍﺭﻳﺪﻥ ﻋﺎﻓﻴﺘﻲ ﻣﻦ ﻋﻨﺪﻙ ﻭﺍﻧﺖ ﺗﻬﻴﺄﻟﻲ ﺍﻟﺴﺒﺐ ﻭﺍﻟﻨﺎﺱ ﻭﺗﺤﻠﻔﻴﻪ ﺑﺴﺘﺮ ﺯﻳﻨﺐ ﻭﺗﻄﻠﻌﻴﻦ ﻭﻣﺎﻟﺞ ﺷﻐﻠﻪ ﻭﺍﺩﻋﻴﻠﻨﻪ ﻭﻳﺎﺝ
ﻧﺰﻟﺖ ﺩﻣﻌﺘﻲ ﻣﻦ ﻛﺎﻟﺖ ﻫﺎﻟﻜﻼﻡ ﺑﺴﺘﻬﺎ ﺑﺮﺍﺳﻬﺎ ﻭﻛﺘﻠﻬﺎ
.. ﺍﻟﻠﻪ ﻳﻄﻮﻝ ﺑﻌﻤﺮﺝ ﻳﻤﻪ .. ﺍﻧﺘﻲ ﺍﻣﻲ
ﻭﻋﻔﺘﻬﺎ ﻭﻛﻤﺖ ﻟﺒﺴﺖ ﻋﺒﺎﺗﻲ ﻭ ﻃﻠﻌﺖ ﻭﻫﻲ ﻛﺎﻡ ﺗﺒﺠﻲ ﻭﺭﺍﻱ ﻫﺠﺮﺱ ﻃﻠﻊ ﻭﺭﺍﻱ ﺻﻌﺪﺕ ﺑﺎﻟﺴﻴﺎﺭﻩ ﺍﺧﺬﺕ ﻛﻠﻴﻨﻴﺲ ﻭﺍﻣﺴﺢ ﺑﺪﻣﻮﻋﻲ ﺍﺟﺎﻧﻲ ﻫﺠﺮﺱ ﻛﻌﺪ ﺑﻤﻜﺎﻧﻪ ﻭﻛﺎﻝ
.. ﺗﺪﺭﻳﻦ ﺷﺴﻮﻳﺘﻲ ﺑﺤﺒﻮﺑﺘﻲ ﻻﻥ ﻛﺘﻴﻠﻬﺎ ﻳﻤﻪ .. ﺭﺟﻌﺘﻴﻠﻬﺎ ﻛﻞ ﺫﻛﺮﻳﺎﺗﻬﺎ ﻭﻳﻪ ﻋﻤﻲ ﺍﻟﻠﻪ ﻳﺮﺣﻤﻪ ﻻﻥ ﺟﺎﻥ ﻣﻮ ﺍﺑﻨﻬﺎ ﻭﻳﻜﻠﻬﺎ ﻳﻤﻪ ﻭﻫﻮ ﺩﻭﻡ ﻳﻜﻠﻬﺎ ﺍﻧﺘﻲ ﺍﻣﻲ
ﺳﻜﺘﺖ ﻣﺎ ﺟﺎﻭﺑﺘﻪ ﺷﻐﻞ ﺍﻟﺴﻴﺎﺭﻩ ﻭﺍﻧﻄﻠﻘﻨﻪ ﻭﺻﻠﻨﻪ ﻛﺮﺑﻼ .. ﻭﻛﻔﻨﻪ ﺍﻟﺴﻴﺎﺭﻩ ﻭﻧﺰﻟﻨﻪ ﻛﺎﻧﺖ ﺍﻟﺪﻧﻴﺎ ﻣﻐﺮﺏ ﻛﻠﺶ . ﻟﺰﻡ ﻛﻒ ﺍﻳﺪﻱ ﺍﻳﺪﻱ ﺑﺎﻭﻋﺘﻠﻪ ﺍﺑﺘﺴﻤﻠﻲ ﻭﻣﺸﻴﻨﻪ
ﻭﺻﻠﻨﻪ ﻗﺮﻳﺐ ﻉ ﺍﻻﻣﺎﻡ ﺷﻔﺖ ﺍﻟﻘﺒﻪ ﻣﺎﻟﺘﻪ ﻋﺒﺎﻟﻚ ﻭﺍﻛﻒ ﻫﻮ ﻛﺒﺎﻟﻲ ﻣﻮ ﻗﺒﺘﻪ ﻛﻤﺖ ﺍﻣﺸﻲ ﻭﺩﻣﻮﻋﻲ ﺗﺠﺮﻱ ﻫﺠﺮﺱ ﺷﺎﻓﻨﻲ ﻣﺎ ﺣﺠﻪ ﺷﻲ ﺑﺲ ﺿﻢ ﺍﻳﺪﻱ ﺟﻮﻩ ﺍﻳﺪﻩ ﻭﻋﺼﺮﻫﺎ ﺣﻴﻞ ﻛﺄﻧﻪ ﺩﺍ ﻳﻮﺍﺳﻴﻨﻲ
ﻭﺻﻠﻨﻪ ﻟﻠﺘﻔﺘﻴﺶ ﺯﺭﻧﻪ ﺍﺑﺎ ﻋﺒﺪ ﺍﻟﻠﻪ ﻭﺭﺟﻌﻨﻪ ﻟﻠﻌﺒﺎﺱ ﻓﺪﻭﻩ ﻻﺳﻤﻪ ﻛﺎﻝ
.. ﺣﺒﻴﺒﻲ ﺑﻌﺪ ﺳﺎﻋﻪ ﺍﻧﺘﻈﺮﺝ ﻫﻨﺎ ﺑﻨﻔﺲ ﺍﻟﻤﻜﺎﻥ
ﺑﺎﻭﻋﺘﻠﻪ ﻭﻛﺘﻠﻪ
.. ﺣﺒﻴﺒﻲ ﺍﻧﺖ ﻗﻠﺒﻚ ﻧﻈﻴﻒ ﺍﺩﻋﻴﻠﻲ ﻭﻳﺎﻙ
.. ﻣﺎ ﻳﺤﺘﺎﺝ ﺍﺩﻋﻴﻠﺞ ﺍﻧﺘﻲ ﻛَﻠﺒﻲ .. ﺍﻧﺘﻲ ﺑﺤﻀﺮﺓ ﺍﺑﻮ ﺍﻟﻔﻀﻞ ﻻ ﺗﺨﺎﻓﻴﻦ ﻭﻻ ﺗﺸﻜﻴﻦ ﺑﻴﻪ ﻟﺤﻈﻪ
ﺍﺑﺘﺴﻤﺖ ﻭﻭﺩﻋﺘﻪ ﻭﺩﺧﻠﺖ ﺍﻭﻭﻭﻑ ﻳﺎ ﺍﻟﺮﺍﺣﻪ ﺍﻟﻨﻔﺴﻴﻪ ﺑﺤﻀﺮﺗﻪ ﺍﺣﺲ ﺭﻭﺣﻲ ﺑﺎﻟﺠﻨﻪ ﺩﺧﻠﺖ ﻛﻤﺖ ﺍﺑﺠﻲ ﺣﺴﻴﺘﻪ ﺍﺑﻮﻱ ﻭﺟﺎﻱ ﺍﺷﻜﻲ ﻫﻤﻲ ﻳﻤﻪ
بيج قصص عراقيه حقيقيه من واقعنا.روعه الطائي
. ﺑﺠﻴﺖ ﻭﻧﺨﻴﺘﻪ ﻣﺎ ﺍﺗﺬﻛﺮ ﺍﻟﻜﻼﻡ ﻻﻥ ﻛﺎﻥ ﺑﺮﺉ ﻭﻧﺎﺑﻊ ﻣﻦ ﺍﻟﻘﻠﺐ ﻭﺣﺒﻴﺖ ﻳﺒﻘﻰ ﺳﺮ ﺑﻴﻨﻲ ﻭﺑﻴﻦ ﺍﻻﻣﺎﻡ ﺑﺲ ﻧﺨﻴﺘﻪ ﻭﻃﻠﺒﺖ ﻣﻨﻪ ﻣﺜﻞ ﻣﺎ ﻛﺎﻟﺖ ﺑﻴﺒﻲ ﻭﺻﻠﻴﺖ ﺭﻛﻌﺘﻴﻦ ﻭﺯﺭﺕ ﺍﻟﺰﻳﺎﺭﻩ ﻣﺎﻟﺘﻪ ﻭﺑﻘﻴﺖ ﻧﺺ ﺳﺎﻋﻪ ﺍﺑﺎﻭﻉ ﻟﺤﻀﺮﺗﻪ ﻭﺩﻣﻮﻋﻲ ﺗﺠﺮﻱ ﺍﻛﻮﻝ ﺳﺒﺤﺎﻧﻚ ﺭﺑﻲ ﺍﻟﻠﻲ ﺧﻠﻖ ﺟﺰﺀﻣﻦ ﺍﻟﺠﻨﻪ ﺑﺎﻟﻜﺎﻉ ﺷﻨﻮ ﻫﺎﻟﻤﻜﺎﻥ ﺍﻟﻠﻲ ﻣﻦ ﺗﺪﺧﻠﻪ ﺗﺤﺲ ﺍﻟﺮﻳﺤﻪ ﻭﺍﻟﻤﻜﺎﻥ ﻭﺍﻝ .........
ﺑﻬﺎﻻﺛﻨﺎﺀ ﻣﺮﻩ ﺑﻜﺪ ﺑﻴﺒﻲ ﺣﻠﻮﻩ ﺟﺎﻥ ﻣﺒﻴﻦ ﻋﻠﻴﻬﺎ ﺍﻟﻮﻗﺎﺭ ﻭﺍﻻﻳﻤﺎﻥ ﻭﺍﻟﺒﺮﺍﺀﻩ ﻛﺎﻋﺪﻩ ﻳﻤﻲ ﻛﺎﻟﺘﻠﻲ
.. ﻟﻴﺶ ﺗﺒﺠﻴﻦ ﻳﻤﻪ .... ﺍﻥ ﺷﺎﺀ ﺍﻟﻠﻪ ﺣﺎﺟﺘﺞ ﻣﻜﻀﻴﻪ
.. ﺍﻥ ﺷﺎﺀ ﺍﻟﻠﻪ ﺧﺎﻟﻪ
.. ﺑﻌﻴﻮﻧﺞ ﺣﻴﺮﻩ ﻭﺩﻣﻊ ﺍﺭﻳﺪ ﺍﺳﺄﻟﺞ ﺳﺆﺍﻝ
.. ﺗﻔﻀﻠﻲ
.. ﺍﻧﺘﻲ ﻳﺘﺮﺍﻭﻟﺞ ﺍﻭ ﺗﺤﻠﻤﻴﻦ ﺑﻤﺮﻩ ﺍﻭ ﻭﺍﺣﺪ ﺷﻜﻠﻪ ﻣﻮ ﺣﻠﻮ ﺍﻭ ﻣﻮ ﺯﻳﻦ ؟
ﺳﻜﺘﺖ ﻭﻛﻤﺖ ﺍﺭﺟﻒ ﻳﺎ ﺭﺑﻲ ﺧﺎﻑ ﻫﺎﻱ ﺗﻌﺮﻓﻨﻲ ﺷﻠﻮﻥ ﺍﺟﺎﻭﺑﻬﺎ ﻟﻮ ﻻ
ﺍﺑﺘﺴﻤﺘﻠﻲ ﻭﻛﺎﻟﺖ
.. ﻣﺎ ﻳﺤﺘﺎﺝ ﺗﺠﺎﻭﺑﻴﻨﻲ .. ﻋﺮﻓﺖ ﺍﻟﺠﻮﺍﺏ .. ﺷﻮﻓﻲ ﻣﻦ ﺗﻄﻠﻌﻴﻦ ﻣﻨﺎ ﻛﻠﻲ ﻟﺮﺟﻠﺞ ﻳﺮﻭﺡ ﻟﻠﻜَﻴﻢ ‏( .......... ‏) ﻛَﻮﻟﻴﻠﻪ ﺩﺯﺗﻨﻲ ﻓﺎﻃﻤﻪ ﺧﻠﻲ ﻳﻨﻄﻴﺞ ﻣﻲ ﻣﻦ ﺟﻮﻩ ﻗﺒﺮ ﺍﻟﻌﺒﺎﺱ ﻭﺗﺴﺒﺤﻴﻦ ﺑﻴﻪ ﻛﻞ ﻳﻮﻡ ﻗﺒﻞ ﻣﺼﻴﻔﺮﺍﻥ ﺍﻟﺸﻤﺲ
.. ﺯﻳﻦ ﺍﻧﺘﻲ ﺷﻤﺪﺭﻳﺞ
ﺩﺧﻠﺖ ﻣﺮﻩ ﺗﺼﻴﺢ ﺩﺧﻴﻠﻚ ﻳﺎ ﺍﺑﻮ ﻓﺎﺿﻞ ﺍﺭﻳﺪﻫﺎ ﻣﻨﻚ ﺑﻨﻴﺘﻲ ﺑﻌﺎﻟﻲ ﺻﻮﺗﻬﺎ ﺍﻧﺪﺍﺭﻳﺖ ﻭﺭﺟﻌﺖ ﺍﺭﻳﺪ ﺍﺳﻮﻟﻒ ﻭﻳﻪ ﺍﻟﻤﺮﻩ ﻣﺎ ﻟﻜﻴﺘﻬﺎ
ﺑﺎﻭﻋﺖ ﺩﺍﻳﺮ ﻣﺪﺍﻳﺮﻱ ﻛﻤﺖ ﺍﺩﻭﺭ ﻋﻠﻴﻬﺎ ﻣﺎﻛﻮ ﻳﺎ ﺭﺑﻲ ﺩﺧﻴﻠﻚ ﻣﻨﻮ ﻫﺎﻱ
Mariam-almusawi
ﻃﻠﻌﺖ ﻭﺍﻧﻲ ﻓﻜﺮﻩ ﺗﺠﻴﺒﻨﻲ ﻭﻓﻜﺮﻩ ﺗﻮﺩﻳﻨﻲ ﻣﻨﻮ ﻫﺎﻱ ﻭﻟﻴﺶ ﺍﺳﻤﻬﺎ ﻓﺎﻃﻤﻪ ﻭﺷﻤﺪﺭﻳﻬﺎ ﺑﺎﻟﺪﺍﻳﺼﻴﺮ ﻭﻳﺎﻱ ﺟﺴﻤﻲ ﺍﺣﺴﻪ ﻛﻠﻪ ﻛﺎﻡ ﻳﺮﺟﻒ ﺧﻔﺖ ﻛﻠﺶ ﺷﻔﺖ ﻫﺠﺮﺱ ﻣﻦ ﺑﻌﻴﺪ ﻭﺍﻛﻒ ﻭﻳﻔﺮ ﺑﺴﺒﺤﺘﻪ ﺷﺎﻓﻨﻲ ﺍﺑﺘﺴﻤﻠﻲ .... ﺍﺧﺘﻔﺖ ﺍﺑﺘﺴﺎﻣﺘﻪ ﻣﻦ ﺷﺎﻑ ﻭﺟﻬﻲ ﻛﺎﻝ
.. ﺷﺒﻴﻪ ﻭﺟﻬﺞ ﺍﺻﻔﺮ ؟
ﻣﺎ ﺟﺎﻭﺑﺘﻪ ﻟﺰﻡ ﺍﻳﺪﻱ ﻟﻜﺎﻫﺎ ﺗﺮﺟﻒ
.. ﺟﻮﻟﻲ ﺣﺒﻴﺒﻲ .. ﺷﻮ ﺑﺎﻋﻴﻠﻲ ؟
ﺑﺎﻭﻋﺘﻠﻪ ﺩﻣﻮﻋﻲ ﺗﺠﺮﻱ ﻟﺰﻣﻨﻲ ﻣﻦ ﺍﻳﺪﻱ ﻭﻛﻌﺪﻧﻲ
.. ﺗﻌﺎﻱ ﺍﻛﻌﺪﻱ ﺗﻌﺎﻱ ..
ﺑﺎﻭﻋﻠﻲ ﺑﻌﺼﺒﻴﻪ
.. ﺍﺣﺪ ﺗﺤﺎﺭﺵ ﺑﻴﺞ؟؟؟؟
ﻫﺰﻳﺖ ﺭﺍﺳﻲ ﺑﻼ
.. ﻟﻌﺪ ﺷﺒﻴﺞ ﺟﺎﻭﺑﻴﻨﻲ
ﺍﺷﺮﺕ ﻉ ﻣﻜﺎﻥ ﻳﻤﻲ ﻛﻌﺪ .... ﺍﺧﺬﺕ ﻧﻔﺲ ﻭﺳﻮﻟﻔﺘﻠﻪ ﻛﻠﺸﻲ ﻭﺩﻣﻮﻋﻲ ﺗﺠﺮﻱ ﻫﻮ ﻳﺴﻤﻊ ﻭﻓﺎﺗﺢ ﺣﻠﻜﻪ ﻛﺘﻠﻪ
.. ﻫﺠﺮﺱ ﻣﻌﻘﻮﻟﻪ ؟
.. ﺍﻱ ﺣﺒﻴﺒﻲ ﺍﻧﺘﻲ ﻛَﻠﺒﺞ ﺍﺑﻴﺾ ﻭﻧﻴﺘﺞ ﺻﺎﻓﻴﻪ ﻭﻣﻦ ﺩﺧﻠﺘﻴﻠﻪ ﻣﺎ ﺭﺩﺝ ﺩﺧﻴﻞ ﺍﺳﻤﻪ ﻛﻮﻣﻲ ﻧﺮﻭﺡ ﻟﻠﻜَﻴﻢ ﺍﻟﻜَﻠﺘﻠﺞ ﻋﻠﻴﻪ
ﻛﻮﻣﻨﻲ ﻭﻟﺒﺴﻨﻪ ﺍﺣﺬﻳﺘﻨﻪ ﺭﺩﻧﻪ ﻧﻤﺸﻲ ﻟﺰﻣﻨﻲ ﻭﻭﻛﻔﻨﻲ ﻭﻛﺎﻝ
.. ﺟﻴﻼﻥ ﻭﺣﻚَ ﻫﺬﺍ ﺍﺑﻮ ﻓﺎﺿﻞ ﺍﻋﺸﻜَﺞ ﻭﻣﺎ ﺍﺣﺐ ﻏﻴﺮﺝ ﻃﻮﻝ ﻋﻤﺮﻱ
ﺍﺑﺘﺴﻤﺘﻠﻪ ﻭﻛﺘﻠﻪ
.. ﺷﻨﻮ ﻣﻨﺎﺳﺒﺔ ﻫﺎﻟﺤﺠﻲ
.. ﻫﻴﺞ ﻳﻠﻪ ﺍﻣﺸﻲ
ﻣﺸﻴﻨﻪ ﻭﺭﺣﻨﻪ ﺳﺄﻟﻨﻪ ﻉ ﺍﻟﺮﺟﺎﻝ ﺩﻟﻮﻧﻪ ﻋﻠﻴﻪ ﻭﺻﻠﻨﻪ ﻳﻤﻪ ﻛﺎﻥ ﺭﺟﺎﻝ ﻛﺒﻴﺮ ﺑﺎﻟﻌﻤﺮ ﺑﺲ ﻣﺒﻴﻨﻪ ﺍﻟﻄﻴﺒﻪ ﻭﺍﻟﺴﻤﺎﺣﻪ ﺑﻮﺟﻬﻪ ﺳﻠﻤﻨﻪ ﻋﻠﻴﻪ ﻭﺳﻮﻟﻔﻨﺎﻟﻪ ﺍﻟﺴﺎﻟﻔﻪ ﺍﺑﺘﺴﻢ ﻣﺎ ﺣﺠﻪ ﻭﻻ ﻛﻠﻤﻪ ﻭﻛﺎﻝ
.. ﻫﻼ ﺑﺰﻭﺍﺭ ﻓﺎﻃﻤﻪ ﻉ
ﺩﺧﻠﻨﻪ ﻟﺴﺮﺩﺍﺏ ﺗﺤﺖ ﺍﻟﻘﺒﺮ ﻭﺍﻛﻮ ﻣﻜﺎﻥ ﻧﺰﻝ ﺑﻴﻪ ﺍﻛﺜﺮ ﺑﺲ ﻫﻮ ﻣﺎ ﻗﺒﻞ ﻧﻨﺰﻝ ﻭﻳﺎﻩ ﺟﺎﺑﻠﻨﻪ ﺑﺒﻄﻞ ﻣﻠﻴﺎﻥ ﺍﺗﺸﻜﺮﻧﻪ ﻣﻨﻪ ﻭﻃﻠﻌﻨﻪ ﺑﺎﻟﻄﺮﻳﻖ ﻛﺎﻝ ﻫﺠﺮﺱ
.. ﻣﺎ ﻳﺤﺘﺎﺝ ﺑﻌﺪ ﻧﺮﻭﺡ ﻟﺬﻭﻟﻪ ﺍﻟﺴﺎﺩﻩ ﺍﻥ ﺷﺎﺀ ﺍﻟﻠﻪ ﺷﻐﻠﺘﺞ ﺍﻧﺤﻠﺖ ﻳﻢ ﺍﻫﻞ ﺍﻟﺒﻴﺖ
.. ﺍﻱ ﺍﻥ ﺷﺎﺀ ﺍﻟﻠﻪ
.. ﻫﺴﻪ ﻧﺮﻭﺡ ﻧﺘﻌﺸﻪ ﻭﻧﺤﺠﺰ ﻏﺮﻓﻪ ﺑﻔﻨﺪﻕ ﻭﺑﺎﺟﺮ ﻧﻔﺘﺮ ﺑﻜﺮﺑﻼ ﻭﺍﻟﻌﺼﺮ ﻧﺮﺟﻊ
ﺭﺣﻨﻪ ﻟﻤﻄﻌﻢ ﻧﺰﻟﻨﻪ ﻗﻮﺯﻱ ﺗﻤﻦ ﻋﻠﻰ ﻣﺮﻙً ﻭﻧﺴﻮﻟﻒ ﻭﻧﻀﺤﻚ ﺍﺣﺲ ﻧﻔﺴﻲ ﺍﺗﺎﺣﻴﺖ ﻛﻠﺶ
ﻭﺭﺍﻫﺎ ﺭﺣﻨﻪ ﺍﺷﺘﺮﻳﻨﻪ ﺣﺒﺸﻜﻼﺕ ﻟﻠﻴﻞ ﺣﻠﻮﻳﺎﺕ ﻭﻛﻴﻚ ﻭﺑﺒﺴﻲ ﻭﺭﺣﻨﻪ ﻟﻠﻔﻨﺪﻕ ﺣﺠﺰﻧﻪ ﻏﺮﻓﻪ ﻛﺎﻧﺖ ﻏﺮﻓﻪ ﺣﻠﻮ ﻛﺒﻴﺮﻩ ﺑﻴﻬﺎ ﺳﺮﻳﺮ ﻛﺒﻴﺮ ﻭﺗﺨﻢ ﻭﺗﻠﻔﺰﻳﻮﻥ ﻭﺛﻼﺟﻪ ﻭﺳﺒﻠﺖ ﻭﺑﺎﺏ ﻟﻠﺤﻤﺎﻡ ﻭﻛﻨﺘﻮﺭ ﺍﺑﻮ ﺑﺎﺑﻴﻦ ﺣﻠﻮ ﻭﺑﻴﻪ ﻣﺮﺍﻳﻪ
ﺧﻠﻪ ﻫﺠﺮﺱ ﺍﻟﺠﻨﻄﻪ ﻉ ﺍﻟﺠﺮﺑﺎﻳﻪ ﻭﺭﺍﺡ ﻟﻠﺘﻠﻔﺰﻳﻮﻥ ﻭﺍﻧﻲ ﻧﺰﻋﺖ ﻋﺒﺎﺗﻲ ﻭﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻡ ﻋﻠﻜﺘﻬﻦ ﻭﻧﺰﻋﺖ ﻓﺘﺤﺖ ﺍﻟﺪﻭﺵ ﺍﺭﻳﺪ ﺍﺳﺒﺢ ﺩﺧﻞ ﻫﺠﺮﺱ ﺍﻧﻲ ﺷﻬﻜﺖ ﻭﺳﺤﺒﺖ ﺍﻟﺨﺎﻭﻟﻲ ﺍﺿﻢ ﺑﺠﺴﻤﻲ
ﺟﺮ ﺍﻟﺨﺎﻭﻟﻲ ﻣﻦ ﺍﻳﺪﻱ ﻭﻋﺾ ﺷﻔﺘﻪ ﻛﺘﻠﻪ ﺑﺘﻮﺳﻞ ﻭﺍﻧﻲ ﺍﺿﻢ ﺑﺠﺴﻤﻲ
.. ﺣﺒﺎﺏ ﻫﺠﺮﺱ ﻭﺍﻟﻠﻪ ﺍﺳﺘﺤﻲ ﺍﻟﻠﻪ ﻳﺨﻠﻴﻚ ﺍﻃﻠﻊ
ﺿﺤﻚ ﺿﺤﻜﺘﻪ ﺍﻟﺤﻠﻮﻩ ﻓﺪﻭﻩ ﺷﻜﺪ ﻣﺸﺘﺎﻗﺘﻠﻬﺎ ﻭﺳﺤﺒﻨﻲ ﺍﻟﻪ ﻛﺎﻝ
.. ﻫﺎﻱ ﻣﻨﻮ ﺍﻟﺘﺴﺘﺤﻲ ﺍﻡ ﺍﻟﻮﻛﺎﺣﻪ
ﺩﻧﻜﺖ ﻭﺩﻓﻌﺘﻪ ﺑﺨﻔﻪ ﻭﻫﻮ ﻳﺼﻴﺢ
.. ﺑﺲ ﺍﻭﻛﻔﻲ ﻋﻨﺪﻱ ﺳﺎﻟﻔﻪ ﻭﻳﺎﺝ
ﻃﻠﻌﺘﻪ ﻭﻗﻔﻠﺖ ﺍﻟﺒﺎﺏ ﻭﺍﻧﻲ ﺍﺿﺤﻚ ﻳﺎﺑﻪ ﺍﺣﺲ ﺟﺴﻤﻲ ﻧﺎﺭ ﺭﻏﻢ ﻋﻼﻗﺘﻨﻪ ﺍﻧﻲ ﻭﻫﺠﺮﺱ ﻭﺣﻴﺎﺗﻨﻪ ﺍﻟﺤﻠﻮﻩ ﺑﺲ ﺍﺣﺲ ﻟﺤﺪ ﺍﻻﻥ ﺍﻛﻮ ﺷﻐﻼﺕ ﻣﺎ ﺍﺳﻮﻳﻬﺎ ﻛﺪﺍﻣﻪ ﻭﺍﺳﺘﺤﻲ ﻣﻨﻪ
ﺳﺒﺤﺖ ﻭﻟﺒﺴﺖ ﺳﻴﺖ ﻧﻮﻡ ﻟﻮﻧﻪ ﻭﺭﺩﻱ ﻉ ﺍﻟﺒﺼﻠﻲ ﻣﺨﺼﺮ ﻭﻃﻮﻳﻞ ﻭﻓﻮﻛﺎﻩ ﺭﻭﺏ ﺍﺑﻴﺾ ﻭﺑﻴﻪ ﻭﺭﺩ ﻧﻔﺲ ﺍﻟﻠﻮﻥ ﻃﻠﻌﺖ ﻟﻜﻴﺘﻪ ﻳﻄﻠﻊ ﺑﻬﺪﻭﻣﻪ ﻣﻦ ﺍﻟﺠﻨﻄﻪ ﺷﺎﻓﻨﻲ ﺻﻮﻓﺮ ﻭﺗﻘﺮﺏ ﻣﻨﻲ
.. ﺷﻨﻮ ﻫﺎﻟﺤﻼ ﻳﺎ ﻣﺰﻳﻮﻥ
ﺍﺑﺘﺴﻤﺖ ﺑﺎﺱ ﺧﺪﻱ ﻭﻛﺎﻝ
.. ﻧﻌﻴﻤﺎ ﺭﻭﻳﺤﺘﻲ
.. ﺍﻟﻠﻪ ﻳﻨﻌﻢ ﻋﻠﻴﻚ ﺣﺒﻴﺒﻲ .. ﻳﻠﻪ ﺭﻭﺡ ﻃﺐ ﺍﺳﺒﺢ
‏( ﻣﺮﻳﻢ ﺍﻟﻤﻮﺳﻮﻱ ‏)
ﺍﺧﺬ ﻣﻼﺑﺴﻪ ﻭﺩﺧﻞ ﻳﺴﺒﺢ ﻭﺍﻧﻲ ﻃﻠﻌﺖ ﻣﺸﻄﻲ ﻣﺸﻄﺖ ﻭﺗﻌﻄﺮﺕ ﻭﺩﺍ ﺍﺣﻂ ﻣﻜﻴﺎﺝ ﺑﺎﻟﻠﻤﺴﺎﺕ ﺍﻻﺧﻴﺮﻩ ﻃﻠﻊ ﻳﺠﻔﻒ ﺑﺸﻌﺮﻩ ﻭﻻﻑ ﺍﻟﺨﺎﻭﻟﻲ ﻉ ﺧﺼﺮﻩ ﺷﺎﻓﻨﻲ ﻉ ﺃﻟﻤﺮﺍﻳﻪ ﺍﻋﺪﻝ ﺍﺟﻪ ﻳﻤﻲ ﻭﻛﺎﻡ ﻳﺒﻮﺱ ﺑﺮﻛَﺒﺘﻲ ﺍﺣﺲ ﺟﺴﻤﻲ ﻛﺰﺑﺮ
ﺩﺍﺭﻧﻲ ﻋﻠﻴﻪ ﻭﺑﻌﺪ ﺍﻟﺸﻌﺮ ﻋﻦ ﻭﺟﻬﻲ ﺟﺴﻤﻲ ﺭﺟﻒ ﻻﻥ ﺻﺎﺭﻟﻨﻪ ﺍﺷﻬﺮ ﻣﺎ ﻣﺘﻘﺮﺑﻠﻲ ﺑﺴﺒﺐ ﺍﻟﻄﻔﻞ .. ﻭﺭﺍﻫﺎ ﺻﺎﺭﺕ ﻗﺼﺔ ﺍﻻﺳﻘﺎﻁ ﺑﻘﻴﺖ ﺷﻬﺮ ﻻﺯﻡ ﻣﺎ ﻳﺘﻘﺮﺑﻠﻲ ﻓﺄﺣﺲ ﺑﺨﻮﻓﻪ ﺑﺠﺴﻤﻲ
ﻛﺎﻝ ﻭﻋﻴﻮﻧﻪ ﺑﻌﻴﻨﻲ ﻛﻠﻬﺎ ﺷﻬﻮﻩ ﻭﻳﺒﻠﻌﻢ
.. ﺟﻴﻼﻥ . ﻣﺎ ﺍﻛﺪﺭ ﺍﻋﺒﺮﻟﺞ ﻋﻦ ﺍﺷﺘﻴﺎﻗﻲ ﺑﻬﺎﻟﻠﺤﻈﻪ ...... ﻭﺧﻮﻓﻲ ﺑﻨﻔﺲ ﺍﻟﻮﻗﺖ .... ﺍﺣﺲ ﻧﻔﺴﻲ ﺍﺫﺍ ﺗﻘﺮﺑﻠﺘﺞ ﻫﺴﻪ ﺍﻧﻬﺎﺭ ﻭﺍﻭﻛﻊ .. ﻣﺎ ﺍﻛﺪﺭ ﺍﺗﺤﻤﻞ ﺟﻤﺎﻟﺞ ﺍﻟﻤﻔﺎﺭﻛﻨﻲ ﺻﺎﺭﻟﻪ ﺍﺷﻬﺮ
ﺩﻧﻜﺖ ﻭﺧﺠﻠﺖ ﻣﻦ ﻛﻼﻣﻪ ﺗﻘﺮﺏ ﻣﻦ ﺷﻌﺮﻱ ﺷﻤﻪ ﻭﺭﺟﻒ ﻧﺰﻋﻨﻲ ﺍﻟﺮﻭﺏ ﻭﺑﺎﺱ ﺭﻛًﺒﺘﻲ ﻃﻠﻊ ﻣﻨﻲ ﺍﻧﻴﻦ ﺧﻔﻴﻒ ... ﺳﺤﺒﻨﻲ ﻣﻦ ﺍﻳﺪﻱ ﻃﻔﻪ ﺍﻟﻀﻮﻩ ﻭﺍﺧﺬﻧﻲ ﻟﻠﺠﺮﺑﺎﻳﻪ ﺍﻧﻄﺮﺡ ﻭﺳﺤﺒﻨﻲ ﻓﻮﻛَﺎﻩ
ﻛﺎﻝ ﺑﺼﻮﺕ ﻛﻠﻪ ﺧﺪﺭ ﻭﺍﺷﺘﻴﺎﻕ
.. ﺟﻴﻼﻥ ﺍﻧﻲ ﺗﻌﺒﺎﻥ ﺑﺪﻭﻧﺞ ﺣﻴﻞ ﺗﻌﺒﺎﻥ
.. ﺳﻼﻣﺘﻚ ﻣﻦ ﺍﻟﺘﻌﺐ ﻳﺎ ﺭﻭﺣﻲ .. ﺷﻨﻮ ﺍﻟﻤﺘﻌﺒﻚ ؟
.. ﺑﻌﺪﺝ ﻋﻨﻲ .. ﺟﻤﺎﻟﺞ ﺍﻟﻜﺘﻠﻨﻲ ﺍﻟﻠﻲ ﻣﺨﻠﻲ ﻗﻠﺒﻲ ﻧﺎﺭ ﻉ ﺍﻱ ﻭﺍﺣﺪ ﻳﺒﺎﻭﻋﻠﺞ ﺑﻘﺼﺪ ﻭﺑﺪﻭﻥ ﻗﺼﺪ .. ﺍﺣﺒﺞ ﻭﺍﻏﺎﺭ ﻋﻠﻴﺞ ﺣﺘﻰ ﻣﻦ ﺍﻫﻠﻲ
ﺑﺪﻳﺖ ﺍﻣﺮﺭ ﺍﻳﺪﻱ ﻉ ﺟﺴﻤﻪ ﺑﻔﻄﺮﻳﻪ ﻭﻫﻮ ﻳﺴﻮﻟﻒ ﻭﻳﺎﻱ ﺣﺴﻴﺖ ﺑﻴﻪ ﻏﻤﺾ ﻋﻴﻮﻧﻪ ﻭﺭﺟﻒ ﻭﻛﺎﻝ
.. ﺍﻱ ﺟﻴﻼﻥ ﻫﻴﺞ ﺍﻱ ﺍﻱ ﺍﻩ
ﺑﺎﻭﻋﺘﻠﻪ ﻣﺴﺘﻐﺮﺑﻪ ﻣﺎ ﺳﻮﻳﺘﻠﻪ ﺷﻲ ﻋﺮﻓﺖ ﻫﺠﺮﺱ ﻣﻨﺘﻬﻲ ﻉ ﺍﻻﺧﻴﺮ ﺗﻘﺮﺑﺖ ﻣﻨﻪ ﻭﺑﺴﺘﻪ ﺑﻮﺳﻪ ﺧﻔﻴﻔﻪ ﺑﺸﻔﺘﻪ ﻓﺘﺢ ﻋﻴﻨﻪ ﻭﺳﺤﺒﻨﻲ ﻗﻮﻱ ﻋﻠﻴﻪ ﻭﺍﺧﺬ ﺷﻔﺘﻲ ﺑﻴﻦ ﺷﻔﺎﻳﻔﻪ ﺗﻔﻨﻦ ﺑﻴﻬﻦ ﻭﻫﻮ ﻣﻠﺰﻡ ﺑﺸﻔﺎﻳﻔﻲ ﻛَﻠﺒﻨﻲ ﻉ ﻇﻬﺮﻱ ﻭﺑﻌﺪ ﺍﻟﺨﺎﻭﻟﻲ ﺷﺎﻑ ﺍﻟﻮﺣﻤﻪ ﺍﻟﻠﻲ ﺑﻤﺘﻨﻲ ﺍﺧﺬﻫﺎ ﺑﻴﻦ ﺷﻔﺎﻳﻔﻪ ﻭﺑﺲ ﺍﻧﻴﻦ ﺍﺻﻮﺍﺗﻨﻪ ﻳﻨﺴﻤﻊ ﻉ ﺿﻮﻩ ﺍﻟﺘﻠﻔﺰﻳﻮﻥ ﺍﻟﻠﻲ ﻛﺎﻥ ﺷﺎﻫﺪ ﻉ ﻗﺼﺔ ﺣﺒﻨﻪ ﻭﺍﺷﺘﻴﺎﻗﻨﻪ
# Mariam-almusawi
بارت٣٢