حب هجرسي (مكتمله)

19*20*21

ﺭﻭﺣﻲ ﺻﺒﺎﺡ ﺍﻟﺨﻴﺮ
.. ﺻﺒﺎﺡ ﺍﻟﻌﺎﻓﻴﻪ ﺣﺒﻴﺒﺘﻲ
.. ﺷﻠﻮﻧﻚ ﺍﻟﻴﻮﻡ
.. ﺍﻟﺤﻤﺪ ﻟﻠﻪ ﺍﺣﺴﻦ ﻣﻦ ﺍﻟﻴﻮﻣﻴﻦ ﺍﻟﺮﺍﺣﻦ
.. ﺗﻜﻮﻡ ﺗﺘﺮﻳﻚ ﻟﻮ ﺗﺒﻘﻰ ﻧﺎﻳﻢ
.. ﻻ ﻛﺎﻳﻢ ﺣﺒﻴﺒﺘﻲ
ﻛﻮﻣﺘﻪ ﻭﺭﺗﺒﺖ ﻓﺮﺍﺷﻪ ﻭﺭﺣﺖ ﺳﻮﻳﺖ ﺭﻳﻮﻙ ﺍﻟﻪ ﻭﻟﻬﺠﺮﺱ ﻫﻮ ﺭﺍﺡ ﻛﻌﺪ ﻳﻢ ﺑﻴﺒﻲ ﻭﺟﺪﻭ
ﺟﺒﺖ ﺍﻻﻛﻞ ﺣﻄﻴﺘﻪ ﻛﺪﺍﻣﻬﻢ ﻭﺻﻌﺪﺕ ﻟﻜﻴﺖ ﻫﺠﺮﺱ ﻉ ﻧﻔﺲ ﻧﻮﻣﺘﻪ ﺍﻟﻠﻔﺎﻑ ﺷﺎﻟﻪ ﻣﻦ ﺭﺍﺳﻪ ﺑﺲ ﺑﻘﺖ ﺍﻟﺨﻴﺎﻃﺎﺕ ﺑﺮﺍﺳﻪ ﻛﺎﻟﻮﻟﻪ ﻓﺪ ﺍﺳﺒﻮﻉ ﻭﺷﻴﻠﻬﻦ
ﺗﻘﺮﺑﺖ ﻳﻤﻪ ﻭﻛﺘﻠﻪ ﺑﻬﻤﺲ
.. ﻫﺠﺮﺱ .. ﻫﺠﻮ .. ﺍﻛﻌﺪ ﺗﺮﻳﻚ ﺣﺒﻴﺒﻲ
ﺑﺴﺮﻋﻪ ﺳﺤﺒﻨﻲ ﻭﺣﻄﻨﻲ ﺟﻮﺍﻩ ﻭﺻﺎﺭ ﻓﻮﻛﺎﻱ ﻛﺘﻠﻪ ﻭﺍﻧﻲ ﺍﺿﺤﻚ
.. ﻫﺠﺮﺭﺭﺭﺭﺱ ﻫﺎﻱ ﺷﺪﺍ ﺗﺴﻮﻱ
ﺍﺑﺎﻭﻋﻠﻪ ﻓﻮﻛﺎﻱ ﻣﺜﻞ ﺍﻟﻤﻼﻙ ﻭﻳﺒﺎﻭﻋﻠﻲ ﺑﻌﻴﻮﻥ ﺧﺪﺭﺍﻧﻪ
.. ﻣﺸﺘﺎﻗﻠﺞ .. ﻣﻴﺖ ﻋﻠﻴﺞ ﺟﻮﻟﻲ ﺣﺒﻴﺒﻲ
ﺍﺑﺘﺴﻤﺖ ﺑﺨﺠﻞ
.. ﻫﺎﻱ ﻣﻨﻴﻦ ﺍﺟﺎﺝ ﺍﻟﺨﺠﻞ ﺍﻡ ﺍﻟﻮﻛﺎﺣﻪ
.. ﺍﻧﻲ ﺍﻡ ﺍﻟﻮﻛﺎﺣﻪ ﺑﺴﻴﻄﻪ
ﺭﺩﺕ ﺍﻛﻮﻡ ﻛﺎﻡ ﻳﻀﺤﻚ ﻭﺭﺟﻊ ﻧﺎﻡ ﺑﺼﻔﻲ ﻭﺍﺧﺬﻧﻲ ﻟﺤﻀﻨﻪ
.. ﺍﺗﺸﺎﻗﻪ ﻭﻳﺎﺝ ﻭﺍﻟﻠﻪ .. ﻭﺍﻟﻠﻪ ﻟﻮ ﻣﺎ ﺍﻟﻢ ﺭﺍﺳﻲ ﺟﺎﻧﺖ ﻋﻠﻤﺘﺞ ﺍﻟﻮﻛﺎﺣﻪ ﺷﻠﻮﻥ
ﺣﻀﻨﺘﻪ ﻭﻛﺘﻠﻪ
.. ﻫﺠﺮﺱ ﺷﺮﺍﺡ ﺗﺴﻮﻱ ﻋﻠﻤﻮﺩ ﻫﺎﺷﻢ ﺍﻟﻴﻮﻡ
ﻋﺎﻑ ﺣﻀﻨﻲ ﻭﻛﺎﻡ .. ﻛﺎﻝ
.. ﺍﻟﻠﻪ ﻛﺮﻳﻢ ﺍﻥ ﺷﺎﺀ ﺍﻟﻠﻪ ﺗﻨﺤﻞ
ﺍﺧﺬ ﺍﻟﺨﺎﻭﻟﻲ ﻭﺭﺍﺡ ﻟﻠﺤﻤﺎﻡ ﻣﺎ ﺍﻋﺮﻑ ﺑﺸﻨﻮ ﺗﻔﻜﺮ ﻳﺎ ﻫﺠﺮﺱ
ﻛﻤﺖ ﺭﺗﺒﺖ ﺍﻟﻐﺮﻓﻪ ﻭﻧﺰﻟﺖ ﻛﻌﺪﺕ ﻉ ﺍﻟﺼﻴﻨﻴﻪ ﺷﻮﻳﻪ ﻭﺍﺟﻪ ﻫﺠﺮﺱ ﺻﺒﺢ ﻋﻠﻴﻬﻢ ﻭﻛﻌﺪﻧﻪ ﻧﺘﺮﻳﻚ
Mariam-almusawi
ﻧﺰﻝ ﻫﺎﺷﻢ ﻭﺿﻌﻪ ﻣﻮ ﻃﺒﻴﻌﻲ ﺍﻟﻌﻴﻮﻥ ﺣﻤﺮ ﻭﺍﻟﻮﺟﻬﻪ ﺍﺻﻔﺮ ﺻﺎﺭﻟﻪ ﻛﻢ ﻳﻮﻡ ﺣﻘﻪ ﻣﻮ ﻫﻴﻦ ﻋﻠﻴﻪ ﺑﻠﻴﻠﻪ ﻭﻳﻮﻡ ﻳﺎﺧﺬﻭﻥ ﺣﻮﺭﻳﻪ ﻣﻨﻪ
ﻛﺎﻟﺘﻠﻪ ﺑﻴﺒﻲ
.. ﺗﻌﺎﻝ ﺣﺒﻴﺒﻲ ﻫﺸﻮﻣﻲ ﺍﻛﻠﺞ ﻟﻜَﻴﻤﻪ
.. ﻣﺎ ﺍﺭﻳﺪ ﺳﻢ ﺍﻟﻬﺎﺭﻱ
.. ﻳﺎﺍﺍ ﺣﺒﻴﺐ ﺻﺎﺭﻟﻚ ﻳﻮﻣﻴﻦ ﻣﺎ ﺣﺎﻁ ﺷﻲ ﺑﺒﻄﻨﻚ
ﺻﺎﺡ ﺑﻴﻬﺎ
.. ﻣﺎ ﺍﺭﻳﺪ ﺯﻗﻨﺒﻮﺕ ﺍﺭﻳﺪ ﺍﻣﻮﺕ ﻭﺍﺭﺗﺎﺡ ... ﻋﻮﻓﻮﻧﻲ
ﻋﺎﻓﻬﺎ ﻭﺿﺮﺏ ﺑﺎﺏ ﺍﻟﺼﺎﻟﻪ ﺑﺎﻳﺪﻩ ﻭﻃﻠﻊ
ﻋﻤﺘﻲ ﻧﺰﻟﺖ ﺩﻣﻌﺘﻬﺎ ﻋﻠﻴﻪ ﻭﻛَﺎﻟﺖ
.. ﻳﻤﻪ ﻭﻟﻴﺪﻱ .. ﻭﻟﻴﺪﻱ ﺷﻮ ﺷﺮﺍﺡ ﻳﺼﻴﺮ ﺑﻴﻪ .. ﻋﺴﺎﻫﺎ ﺑﻌﺎﻓﻴﺘﻚ ﻳﺎ ﻋﻘﻴﻞ ﺍﺑﻦ ﺯﺍﻫﺪﻩ ﻋﺒﻦ ﺣﺮﻛَﺖ ﺍﺑﻨﻲ ﻭﺧﻠﻴﺖ ﻫﺎﻟﺒﻨﻴﻪ ﺣﺴﺮﻩ ﺑﻜَﻠﺒﻪ
ﻛﺎﻟﻠﻬﺎ ﺟﺪﻱ
.. ﻻ ﺗﺪﻋﻴﻦ ﻉ ﺍﻟﻮﻟﺪ ﻓﻮﻙ ﻣﺎﻫﻮ ﺑﺎﻟﺴﺠﻦ ... ﻫﺎﻱ ﺑﻌﺪ ﻛﻮﻟﻲ ﻛﻠﺸﻲ ﻗﺴﻤﻪ ﻭﻧﺼﻴﺐ ﻭﻫﺎﻟﺒﻨﻴﻪ ﻣﻮﺵ ﻗﺴﻤﺘﻪ
ﻛﺎﻝ ﻋﻤﻲ
.. ﺍﻟﻴﻮﻡ ﺏ٤ ﻳﺠﻮﻥ ﺍﺭﻳﺪ ﺍﻃﻠﻊ ﻟﻠﺴﻮﻙ ﺷﺘﺮﺩﻭﻥ ﻏﺮﺍﺽ
ﻛﻌﺪﺕ ﻋﻤﺘﻲ ﺗﻤﺴﺢ ﺑﺪﻣﻌﺘﻬﺎ ﻭﺗﻮﺻﻴﻪ ﻭﻫﺠﺮﺱ ﻋﺎﻓﻬﻢ ﻭﻛﺎﻡ ﻟﻼﺳﺘﻘﺒﺎﻝ ﻳﺨﺎﺑﺮ ﺑﺠﻤﺎﻋﺘﻪ ﻭﻳﺘﻔﻖ ﻭﻳﺎﻫﻢ ﻋﻠﻤﻮﺩ ﺍﻟﻤﺸﻴﻪ ﺍﻟﻴﻮﻡ
ﻋﻔﺘﻬﻢ ﻭﺭﺣﺖ ﻧﻈﻔﺖ ﺍﻟﺒﻴﺖ ﺭﺣﺖ ﻟﻔﻄﻮﻣﻪ ﻛﻌﺪﺗﻬﺎ
.. ﻓﻄﻮﻣﻪ .. ﻓﻄﻮﻣﻪ ﻛﻮﻣﻲ ﻭﻟﺞ ﺳﺎﻋﺪﻳﻨﻲ ﺑﺎﻟﺘﻨﻈﻴﻒ
.. ﻳﻮﻭﻭ ﻋﻮﻓﻴﻨﻲ ﺟﻴﻼﻥ ﻭﺍﻟﻠﻪ ﻧﻌﺴﺎﻧﻪ
ﺍﻧﻲ ﻋﺮﻓﺖ ﻣﻦ ﺣﻮﺭﻳﻪ ﻭﻣﻦ ﻛﻼﻣﻬﺎ ﻣﺮﺍﺕ ﺍﻧﻪ ﻫﻲ ﻣﻌﺠﺒﻪ ﺑﻘﺎﺳﻢ ﺍﺑﻦ ﻋﻤﻪ ﻛﻮﺍﻛﺐ ﺑﺲ ﻫﻲ ﻣﺎ ﻣﺴﻮﻟﻔﺘﻠﻲ ﻛﺘﻠﻬﺎ
.. ﻓﻨﺞ ﻣﻨﻮ ﻫﻨﺎ ﺟﻮﻩ ... ﻗﺎﺳﻢ ﺍﺑﻦ ﻋﻤﻪ ﻛﻮﺍﻛﺐ
ﻫﻲ ﻛﻤﺰﻩ ﻫﻲ ﺭﻛﻀﻪ ﻟﻠﻜﻨﺘﻮﺭ ﻫﻲ ﺭﺍﺩﺕ ﺗﻄﻠﻊ ﻟﻠﺤﻤﺎﻡ ﺷﺎﻓﺘﻨﻲ ﺧﺮﺑﺎﻧﻪ ﺿﺤﻚ ﻟﺰﻣﺖ ﺍﻟﻘﻨﺪﺭﻩ ﻳﻤﻬﺎ ﻣﺎﻟﺘﻬﺎ ﺷﻤﺮﺗﻬﺎ ﻋﻠﻴﻪ ﻭﺍﻧﻲ ﺧﺮﺑﺎﻧﻪ ﺿﺤﻚ
ﻛﺘﻠﻬﺎ
.. ﺗﻌﺎﻱ ﺍﺩﺑﺴﺰ ﻋﺎﺷﻜَﻪ ﻭﻭﻟﻬﺎﻧﻪ ﻭﻣﺎ ﺗﺴﻮﻟﻔﻴﻠﻲ ﺍﻓﻀﺤﺞ ﻓﻀﻴﺤﻪ ﻫﺴﻪ ﺍﺫﺍ ﻣﺎ ﺍﻗﺮﻳﺘﻲ ﻭﺍﻋﺘﺮﻓﺘﻲ
ﺫﺑﺖ ﻣﻼﺑﺴﻬﺎ ﻉ ﺍﻟﺠﺮﺑﺎﻳﻪ ﻭﺍﺟﺖ ﻛﻌﺪﺕ
.. ﺍﻭﻭﻭﻭﻑ ﺷﺄﺣﺠﻴﻠﺞ ﻭﺍﻟﻠﻪ ﻛَﻠﺒﻲ ﻣﺸﺘﻌﻞ ﻧﺎﺭ ﻭﻟﺞ ﻫﻮ ﻣﻦ ﻧﻮﻉ ﺛﻜَﻴﻞ ﻭﻣﺎ ﺍﻛﺪﺭ ﺍﺗﺠﺎﻭﺯ ﺍﻟﺘﻘﺎﻟﻴﺪ ﻭﺍﻋﺘﺮﻓﻠﻪ ﺍﺧﺎﻑ ﻳﺼﺪﻧﻲ
.. ﺷﻠﻮﻥ ﺣﺒﻴﺘﻴﻪ ﺷﻮﻛﺖ ؟
.. ﺍﻧﻲ ﺟﻨﺖ ﻣﻌﺠﺒﻪ ﺑﺸﺨﺼﻴﺘﻪ ﻣﻦ ﺍﻟﻤﺮﺍﻫﻘﻪ ﺍﺑﺪ ﻣﺎ ﻳﺮﻓﻊ ﻋﻴﻨﻪ ﻭﻳﺒﺎﻭﻋﻠﻲ ﻣﻦ ﻳﺴﻠﻢ ﻛﻠﻪ ﻣﺪﻧﻚ ﻓﺪﻳﺖ ﻋﻤﺘﻲ ﻋﻠﻰ ﻫﺎﻟﺘﺮﺑﻴﻪ
.. ﺍﻱ ﺍﻱ ﻛﻤﻠﻲ
ﺍﻟﻤﻬﻢ ﺫﺍﻙ ﺍﻟﻴﻮﻡ ﺍﺟﻪ ﻟﻠﺒﺎﺏ ﻛﻠﺖ ﻣﻦ ﻭﺭﻩ ﺍﻟﺒﺎﺏ ﻣﻨﻮ ﻛﺎﻝ ﺍﻧﻲ ﻗﺎﺳﻢ ﻓﺘﺤﺖ ﺍﻟﺒﺎﺏ ﻭﻋﺴﺎﻧﻲ ﻣﺎ ﻓﺘﺤﺖ ﺍﻟﺒﺎﺏ ﻋﻄﺮﻩ ﻛﻔﺦ ﺧﺸﻤﻲ ﻭﺍﻟﻨﻈﺎﻓﻪ ﺗﻜﻮﻝ ﻣﻜﻌﺪﻳﻪ ﺑﺠﺎﻡ ﺧﺎﻧﻪ ﻭﻟﺞ ﺍﻧﺴﻄﺮﺕ ﺍﻟﻮﻟﺪ ﻳﺴﻮﻟﻒ ﻭﻳﺎﻱ ﻭﺍﻧﻲ ﻓﺎﻛﻪ ﺣﻠﻜﻲ ﻛﺘﻠﻪ
.. ﻫﺎ ﺷﻨﻮ ﺷﺘﻜﻮﻝ
.. ﺍﻣﻲ ﺍﻣﻲ ﺻﻴﺤﻴﻬﺎ .. ﺍﺑﻮﻱ ﻳﺮﻳﺪﻫﺎ
.. ﺍﻱ ﻫﺴﻪ ..... ﻛﻠﺖ ﻓﺮﺻﺘﻲ ﻻﺯﻡ ﺍﺧﻠﻲ ﻳﺸﻮﻓﻨﻲ ﻭﺍﻭﻛﻌﻪ ﺑﺤﺒﻲ ﻋﺪﻟﺖ ﻧﻔﺴﻲ ﻭﺭﻩ ﺍﻟﺒﺎﺏ ﻭﻋﺪﻟﺖ ﺷﺎﻟﻲ ﻭﺳﻮﻳﺖ ﻧﻔﺴﻲ ﻣﺎﻋﺖ ﺭﻭﺣﻲ ﻫﻮ ﺣﺲ ﺑﺸﻲ ﻭﻛﻊ ﻳﻢ ﺍﻟﺒﺎﺏ ﺑﺎﻭﻉ ﺷﺎﻓﻨﻲ ﻭﻟﺞ ﺍﺧﺬﻧﻲ ﺑﺤﻀﻨﻪ ﻣﻮ ﺗﻜﻮﻟﻴﻦ ﺣﻀﻦ ﺟﻮﻟﻲ ﺗﻜﻮﻟﻴﻦ ﺩﻭﺷﻚ ﺍﺑﻮ ﻧﻔﺮﻳﻦ
.. ﺍﻱ
.. ﻭﻟﺞ ﺍﺍﺍﺍﺥ ﻭﻋﻄﺮﻩ ﻭﺍﻟﻠﻪ ﺍﻧﻌﻞ ﺍﺑﻮ ﻋﻄﻮﺭ ﺍﻟﻤﺎﺭﻛﻪ ﺍﺫﺍ ﺗﻠﺤﻚ ﻋﻄﺮﻩ
.. ﻳﺎ ﻳﺎ ﺻﺨﺎﻡ ﻫﺎﻱ ﺍﻧﺘﻲ ﻭﺍﻛﻌﻪ ﻭﻛﻌﻪ ﻋﻠﻰ ﻭﺟﻬﺞ ﻣﺎ ﺑﻴﺞ ﻛﻮﻣﻪ ﺍﻱ ﺍﻟﻤﻬﻢ ﻛﻤﻠﻲ
.. ﺍﻟﻤﻬﻢ ﺑﻘﻪ ﻳﻀﺮﺏ ﻋﻠﻰ ﻭﺟﻬﻲ ﺍﻧﻲ ﻣﻮﺗﺖ ﺭﻭﺣﻲ ﻓﺪﻧﻮﺏ .. ﺭﺍﺩ ﻳﻜﻮﻡ ﻭﻳﺼﻴﺢ ﻭﺍﺣﺪ ﻣﻦ ﺍﻟﺒﻴﺖ ﻛﻠﺖ ﺻﺨﺎﻡ ﺭﺍﺡ ﺍﻧﻜﺸﻒ ﺟﻠﺒﺖ ﺑﺪﺷﺪﺍﺷﺘﻪ ﻭﺳﻮﻳﺖ ﺭﻭﺣﻲ ﻛﻌﺪﺕ ﺍﺑﺎﻭﻋﻠﻪ ﻭﺟﻬﻪ ﺻﺎﺭ ﺍﺻﻔﺮ ﻛﺎﻝ ﻫﺎ ﻓﻄﻮﻣﻪ ﺷﻠﻮﻥ ﺻﺮﺗﻲ ... ﻳﻤﻪ ﺭﻳﺖ ﻓﻄﻮﻣﻪ ﺗﺮﻭﺣﻠﻚ ﻓﺪﻭﺍﺕ ﻣﻮ ﻓﺪﻭﻩ ﺍﻭﻝ ﻣﺮﻩ ﺍﻋﺮﻑ ﺍﺳﻤﻲ ﻫﻴﺞ ﺣﻠﻮ
ﺿﺤﻜﺖ ﻉ ﺣﺠﻴﻬﺎ ﻛﺘﻠﻬﺎ
.. ﻭﻟﺞ ﺍﺣﺠﻲ ﺑﺴﺮﻋﻪ ﻭﺭﺍﻱ ﺷﻐﻞ
.. ﺍﻭﻭﻭﻑ ﻭﻟﺞ ﺑﻘﻪ ﻳﺒﺎﻭﻋﻠﻲ ﺑﻨﻈﺮﺍﺕ ﻟﻮ ﺑﻴﺪﻱ ﺍﺧﺬ ﻫﺎﻱ ﺍﻟﻨﻈﺮﺍﺕ ﻭﺍﺿﻤﻬﺎ ﺑﻘﻮﻃﻴﻪ ... ﺍﺷﻮ ﻭﺿﻌﻪ ﺗﺨﺮﺩﻝ ﺑﺴﺮﻋﻪ ﻋﺪﻟﻨﻲ ﻭﺭﺟﻊ ﺩﻧﻚ ﻭﻃﻠﻊ ﺣﺘﻰ ﻋﻤﺘﻲ ﻣﺎ ﺍﺧﺬﻫﺎ ﻭﻣﻦ ﺍﻫﺪﻫﺎ ﻳﺎ ﺟﻮﻟﻲ ﺑﻨﺖ ﻋﻤﺞ ﻓﻄﻮﻡ ﻣﺜﻞ ﺍﻟﻤﻄﻲ ﻣﺎ ﺗﻨﺪﻝ ﺩﺭﺑﻬﺎ ﻭﻳﻦ
ﺿﺤﻜﺖ ﻭﻛﺘﻠﻬﺎ
.. ﻭﺍﻟﺤﺴﻴﻦ ﺍﻧﺘﻲ ﺧﺒﻠﻪ ﻣﻮ ﺻﺎﺣﻴﻪ .. ﻭﻫﺎﻱ ﺳﺎﻟﻔﺔ ﺗﻀﻤﻴﻦ ﻋﻠﻴﻪ ﻣﻌﺠﺒﻪ ﺑﻴﻪ ﻣﻦ ﺍﻟﻤﺮﺍﻫﻘﻪ ﻟﺴﻪ ﺍﻧﻲ ﺍﻃﻠﻌﻬﺎ ﻣﻨﺞ
ﻛﺮﺻﺘﻬﺎ ﺣﻴﻞ ﻭﻫﻲ ﺻﺎﺣﺖ ﻋﻔﺘﻬﺎ ﻭﻃﻠﻌﺖ ﺧﺮﺑﺎﻧﻪ ﺿﺤﻚ ﻋﻠﻴﻬﺎ ﺍﻟﻠﻪ ﻳﺨﻠﻴﻪ ﻣﻦ ﻧﺼﻴﺒﺞ ﻳﺎ ﺭﻭﺣﻲ ﺗﺴﺘﺎﻫﻠﻴﻦ ﻛﻞ ﺧﻴﺮ
ﺭﺣﺖ ﻧﻈﻔﺖ ﺍﻟﺒﻴﺖ ﻭﻓﻄﻮﻣﻪ ﺳﺎﻋﺪﺗﻨﻲ ﺑﻴﻪ ﻭﻓﺮﺷﻨﻪ ﺍﻻﺳﺘﻘﺒﺎﻝ ﻭﺍﺧﺬﺕ ﺍﻟﻬﺪﻭﻡ ﺣﻄﻴﺘﻬﻦ ﺑﺎﻟﻐﺴﺎﻟﻪ ﻭﺯﻳﻨﺐ ﻏﺴﻠﺖ ﺍﻟﻄﺎﺭﻣﻪ ﻋﻤﻲ ﻛﺎﻝ ﻻ ﺗﺴﻮﻭﻥ ﻏﺪﻩ ﺍﻧﻲ ﺭﺍﺡ ﺍﺟﻴﺐ ﺳﻤﺞ ﺷﻮﻱ ﻓﻤﺎ ﻃﺒﺨﻨﻪ
ﺭﺣﺖ ﻟﻠﻐﺮﻓﻪ ﻟﻜﻴﺖ ﻫﺠﺮﺱ ﻧﺎﻳﻢ ﻋﻠﻰ ﺑﻄﻨﻪ ﻓﺘﺤﺖ ﺍﻟﻜﻨﺘﻮﺭ ﻭﺍﺧﺬﺕ ﻣﻼﺑﺴﻲ ﻭﺧﺎﻭﻟﻲ ﺑﺴﺮﻋﻪ ﺣﺘﻰ ﻣﺎ ﻳﺤﺲ ﻋﻠﻴﻪ ﻭﻃﻠﻌﺖ
ﺳﺒﺤﺖ ﻭﺑﺪﻟﺖ ﺩﺷﺪﺍﺷﻪ ﺻﻠﻮﺥ ﻣﺨﺼﺮﻩ ﻉ ﺍﻟﺠﺴﻢ ﻗﻤﺎﺷﻬﺎ ﻓﺎﻧﻴﻠﻪ ﺑﻴﺠﻴﻪ ﻭﺑﻴﻬﺎ ﻭﺭﺩ ﺳﻤﺎﺋﻲ ﻃﻮﻳﻠﻪ ﻭﻟﺒﺴﺖ ﺭﻭﺏ ﻓﻮﻛﺎﻫﺎ ﻭﻭﻟﻔﻴﺖ ﺷﻌﺮﻱ ﻭﻃﻠﻌﺖ
ﻃﺒﻴﺖ ﻟﻠﻐﺮﻓﻪ ﻟﻜﻴﺖ ﻫﺠﺮﺱ ﺣﺎﻁ ﺍﻟﺤﺎﺳﺒﻪ ﻭﻳﺸﺘﻐﻞ ﺑﺎﻭﻋﻠﻲ ﺻﻮﻓﺮ ﻭﻛﺎﻝ
.. ﻫﺎﻱ ﺷﻨﻮ ﻭﻟﻚ .. ﻧﻌﻴﻤﺎ
.. ﺍﻟﻠﻪ ﻳﻨﻌﻢ ﻋﻠﻴﻚ ﻳﺎ ﺭﻭﺣﻲ
ﻧﺰﻋﺖ ﺍﻟﺮﻭﺏ ﺳﺪ ﺍﻟﻼﺑﺘﻮﺏ ﻭ ﺍﺷﺮﻟﻲ ﻉ ﻣﻜﺎﻥ ﺟﻮﻩ ﺍﻟﺒﻄﺎﻧﻴﻪ ﻳﻤﻪ ﺍﺧﺬﺕ ﺍﻟﻤﺸﻂ ﻭﺭﺣﺖ ﻳﻤﻪ ﻛﺘﻠﻪ
.. ﺷﻨﻮ ﺍﻧﺖ ﻣﺎ ﺟﻨﺖ ﻧﺎﻳﻢ ﻗﺒﻞ ﺷﻮﻳﻪ
.. ﻻ ﻛﺎﻋﺪ ﺳﻤﻌﺘﺞ ﻣﻦ ﺍﺟﻴﺘﻲ ﺍﺧﺬﺗﻲ ﻣﻼﺑﺴﺞ
.. ﻋﺒﺎﻟﻲ ﻧﺎﻳﻢ
Mariam-almusawi
ﻧﺰﻋﺖ ﺍﻟﺨﺎﻭﻟﻲ ﻭﻛﻤﺖ ﺍﻣﺸﻂ ﺷﻌﺮﻱ
.. ﺍﻟﻒ ﻓﻜﺮﻩ ﺑﺒﺎﻟﻲ ﺷﺎﻏﻼﺗﻨﻲ ﻭﺍﻧﻮﺏ ﺑﺎﺟﺮ ﻻﺯﻡ ﺍﻃﻠﻊ ﺍﺳﺘﻠﻢ ﺑﻀﺎﻋﻪ ﺟﺎﻳﺘﻨﻪ
.. ﺷﻠﻮﻥ ﺗﻄﻠﻊ ﻭﺭﺍﺳﻚ ﺑﻌﺪﻩ ﻫﻴﺞ ﺧﻠﻲ ﻳﺠﻴﺒﻬﺎ ﻫﻨﺎ ﻟﻠﺒﻴﺖ ﺍﺳﺘﻠﻤﻬﺎ ﻧﻔﺲ ﺍﻟﺸﻲ
.. ﻻ ﺑﺎ ﺭﻭﺣﻲ ﺍﻧﻲ ﺍﺭﻳﺪ ﺍﻃﻠﻊ ﻣﺨﺘﻨﻚ .... ﻭﺍﻟﻠﻪ ﻛﻌﺪﺕ ﺍﻟﺒﻴﺖ ﻛﺴﺮﺗﻨﻲ ﻣﺎ ﻣﺘﻌﻮﺩ ﻫﻴﺞ ﺍﻛﻌﺪ .. ﻭﺑﻌﺪﻳﻦ ﺍﻧﻲ ﻫﺴﻪ ﺍﺣﺴﻦ ﻣﻦ ﻗﺒﻞ
ﺑﺎﻭﻋﻠﻲ ﻭﻛﺎﻝ
.. ﺟﻴﺒﻲ ﺍﻟﻤﺸﻂ ﺧﻠﻲ ﺍﻣﺸﻄﻠﺞ
ﺍﺑﺘﺴﻤﺖ ﺍﻧﻄﻴﺘﻬﻴﺎﻩ ﻫﻮ ﻛﺎﻡ ﻳﻤﺸﻂ ﻭﺍﻧﻲ ﺍﻛﻮﻟﻪ
.. ﺍﺥ ﺷﻌﺮﻱ ﻋﻠﻰ ﻛﻴﻔﻚ ﺑﻌﺪﻫﻦ ﻣﺸﺮﺑﻜﺎﺕ ﺍﻟﺸﻌﺮﺍﻳﺎﺕ ﻣﻦ ﺍﻟﻐﺴﻞ
.. ﺷﻤﺪﺭﻳﻨﻲ ﻫﺎﻱ ﻛﻠﻬﺎ ﻻﺯﻡ ﺍﺻﻴﺮ ﺣﻨﻴﻦ ﻭﻳﺎﻫﺎ ﺣﺘﻪ ﺍﻟﺸﻌﺮﺍﻳﺎﺕ ﻋﻤﺔ ﺩﺍﺭ ﺍﻟﺒﺎﻧﻴﻪ ﺍﻟﺘﻨﻔﺦ
ﺿﺤﻜﺖ ﺑﻘﻪ ﻳﻤﺸﻄﻠﻲ ﻟﻤﻦ ﺧﻠﺺ ﺣﻀﻨﻨﻲ ﻣﻦ ﻭﺭﻩ ﻭﺳﺤﺒﻨﻲ ﺍﻟﻪ ﻭﺩﻓﻦ ﻭﺟﻬﻪ ﺑﺮﻛَﺒﺘﻲ ﻭﻛﺎﻡ ﻳﺒﻮﺱ ﺑﻴﻬﺎ ﻛﺎﻝ ﺑﺸﻮﻙ
.. ﻣﺸﺘﻬﻴﺞ ‏( ﺍﺳﻔﻪ ﻉ ﺍﻟﻤﺼﻄﻠﺢ ﺑﺲ ﻫﻮ ﻫﺬﺍ ﺍﻟﻮﺻﻠﻨﻲ (😂
ﺧﺠﻠﺖ ﻣﻦ ﻛﻠﻤﺘﻪ ﺩﺍﺭﻧﻲ ﻋﻠﻰ ﺟﻬﺘﻪ ﻭﺻﺎﺭ ﻭﺟﻬﻪ ﺑﻮﺟﻬﻲ ﻭﻛﺎﻝ
.. ﻣﻴﺖ ﻋﻠﻴﺞ ﺟﻮﻟﻲ ﻭﺭﻳﺤﺘﺞ ﺗﺨﺪﺭ
ﺩﻧﻪ ﺍﻟﺪﺷﺪﺍﺷﻪ ﻣﻦ ﻋﻠﻰ ﻣﺘﻨﻲ ﺷﻮﻳﻪ ﻭﺑﺎﺱ ﺍﻟﻮﺣﻤﻪ ﻭﺍﻟﺸﺎﻣﻪ ﺍﻟﻠﻲ ﺑﻤﺘﻨﻲ ﺑﻘﻮﻩ ﻛﺘﻠﻪ ﺑﺼﻮﺕ ﻳﺮﺟﻒ
.. ﻫﺠﺮﺱ ﻣﻮ ﺍﻧﺖ ﺗﻌﺒﺎﻥ ﻭﻣﺮﻳﺾ ﻣﺎ ﻳﺼﻴﺮ ﺧﺎﻑ ﺗﺘﺄﺫﻩ
.. ﺷﺴﻮﻱ ﻳﻜﻠﻚ ﺍﻟﻤﺜﻞ ﺍﻧﻄﻲ ﺍﻟﻤﺘﻌﻠﻢ ﻭﻋﻮﻑ ﺍﻟﻤﺤﺘﺎﻡ
.. ﻫﻬﻬﻬﻪ ﺍﻱ ﻭﺷﺘﺮﻳﺪ ﻫﺴﻪ ﻳﺎ ﺍﻟﻤﺘﻌﻠﻢ ﺍﻛﻌﺪ ﺭﺍﺣﻪ ﺍﺑﻮ ﺍﻟﻮﻛﺎﺣﻪ
.. ﺩﺗﻌﺎﻱ
ﺍﺧﺬ ﺷﻔﺘﻲ ﺑﻴﻦ ﺷﻔﺎﻳﻔﻪ ﻭﺟﺎﻧﺖ ﻟﻬﻔﺘﻪ ﻭﻭﺍﺷﺘﻴﺎﻗﻪ ﻣﺎ ﻳﻨﻮﺻﻒ ﺳﺎﻋﺘﻬﺎ ﺑﺤﻴﺚ ﺣﺘﻪ ﺧﻔﺖ ﻋﻠﻴﻪ ﻣﻦ ﻛﺜﺮ ﺍﻟﺸﻬﻮﻩ ﺍﻟﺸﻔﺘﻬﺎ ﺑﻌﻴﻮﻧﻪ
ﺻﺎﺭ ﺍﻟﻌﺼﺮ ﺏ٤ ﺍﻟﻜﻞ ﻣﺘﺤﻀﺮ ﻟﻠﻤﺸﻴﻪ ﻭﻫﺎﺷﻢ ﺣﺎﻟﺘﻪ ﺣﺎﻟﻪ ﺧﻄﻴﻪ ﻳﻄﺐ ﻭﻳﻄﻠﻊ ﻣﺜﻞ ﺍﻟﻤﻴﺖ ﻳﻤﺸﻲ ﺑﻼ ﺭﻭﺡ
ﺍﺟﺖ ﺯﻟﻢ ﻫﻮﺍﻱ ﻣﻌﻜﻠﻪ ﻭﺍﻫﻞ ﻗﻮﻁ ﻭﺳﺎﺩﻩ ﺩﺧﻠﻮﺍ ﻟﻼﺳﺘﻘﺒﺎﻝ ﻭﺍﺣﻨﻪ ﻫﻢ ﺣﺎﻃﻴﻦ ﻛﺮﺍﺳﻲ ﺑﺎﻟﺒﺎﺏ ﺧﺎﻑ ﻣﺎ ﺗﻜﻔﻲ ﻭﺑﺪﻭﺍ ﻳﻨﻘﻠﻮﻥ ﻫﺎﺷﻢ ﻭﺍﺑﻮ ﻣﺎﻟﻚ ﻭﻋﻤﻲ ﺍﻟﻤﻲ ﻭﻗﻮﺍﻃﻲ ﺍﻟﻌﺼﺎﻳﺮ
Mariam-almusawi
ﺧﻠﺼﻮﺍ ﺍﺣﻨﻪ ﺍﻟﻨﺴﻮﺍﻥ ﺭﺣﻨﻪ ﺣﻄﻴﻨﻪ ﺍﺫﺍﻧﻪ ﻉ ﺍﻟﺒﺎﺏ ﻭﻛﺎﻧﺖ ﻋﻤﺘﻲ ﻛﻮﺍﻛﺐ ﻭﺍﻣﻲ ﺍﻛﺜﺮ ﺷﻲ ﻗﺮﻳﺒﺎﺕ ﻉ ﺍﻟﺒﺎﺏ ﻧﺮﻳﺪ ﻧﺴﻤﻊ ﺍﻟﻴﺼﻴﺮ ﺣﺠﻪ ﺳﻴﺪ ﺟﺒﻴﺮ ﻣﻨﻬﻢ ﺍﻟﻤﻘﺪﻣﻪ ﻭﻛﻠﻴﺸﺔ ﺍﻟﻤﻘﺪﻣﻪ
ﺍﻟﻤﻬﻢ ﺣﺠﺎﻳﻪ ﻣﻨﺎ ﺣﺠﺎﻳﻪ ﻋﻼ ﺍﻟﺼﻮﺕ ﻭﺯﻭﺝ ﻋﻤﺘﻲ ﻛﻮﺍﻛﺐ ﻳﻬﺪﻱ ﺑﺬﻭﻟﻚ ﻭﺟﺪﻱ ﻳﻬﺪﻱ ﺑﺬﻭﻟﻪ ﺍﺧﺮ ﺷﻲ ﺷﻴﺨﻬﻢ ﻛﺎﻟﻠﻬﻢ ﺷﺘﻔﺼﻠﻮﻥ ﺍﺣﻨﻪ ﻧﻠﺒﺲ ﺍﺑﻨﻨﻪ ﻃﺎﻙ ﻭﺍﺑﻨﻜﻢ ﺍﻟﻤﻄﻜﻮﻙ ﻭﺷﺘﺄﻣﺮﻭﻥ ﺍﺣﻨﻪ ﺣﺎﺿﺮﻳﻦ
ﺗﻔﺎﺟﺄﻧﻪ ﺑﻬﺠﺮﺱ ﺍﻟﻠﻲ ﺣﺠﻪ ﻭﻛﺎﻝ
.. ﻣﻦ ﺭﺧﺼﺔ ﺟﺪﻱ ﻭﺍﺑﻮﻱ ﻭﺍﻟﻜﺒﺎﺭ ﺍﻟﻜﺎﻋﺪﻳﻦ ﺍﻧﺘﻮ ﻛﻠﻜﻢ ﺷﻴﻮﺥ ﻭﺳﺎﺩﻩ ﻭﺟﻴﺘﻜﻢ ﻋﻠﻰ ﺭﺍﺳﻲ ﺍﻧﻲ ﻣﺎ ﺍﻃﻠﺐ ﻻ ﻓﻠﻮﺱ ﻭﻻ ﺩﻡ .... ﻭﺍﺫﺍ ﺍﻧﺘﻮ ﺟﻴﺘﻜﻢ ﺭﺍﻳﺪﻳﻦ ﺑﻴﻬﺎ ﺧﻴﺮ ﻭﺗﺮﺩﻭﻥ ﺗﻄﺮﻭﻥ ﺍﻟﻔﺘﻨﻪ ﺑﻴﻬﺎ ..... ﺍﻧﻲ ﺍﻃﻠﺐ ﻣﻨﻜﻢ ﻃﻠﺐ ﺗﻮﺍﻓﻘﻮﻥ ﺗﻨﻄﻮﻥ ﺑﻨﻴﺔ ﺣﺎﺗﻢ ‏( ﻳﻘﺼﺪ ﺣﻮﺭﻳﻪ ‏) ﻻﺧﻮﻱ ﻫﺎﺷﻢ ﻭﻳﺎ ﺩﺍﺭ ﻣﺎ ﺩﺧﻠﺞ ﺷﺮ ﺍﻟﻮﻟﺪ ... ﺭﺍﻳﺪﻫﺎ ﻭﺍﻟﺒﻨﻴﻪ ﻣﻮﺍﻓﻘﻪ ﻋﻠﻴﻪ ﻭﺭﺍﻳﺪﺗﻪ .... ﻭﻫﺎﻱ ﻛﺪﺍﻡ ﻫﺎﻱ ﺍﻟﻌﻜَﻞ ﻛﻠﻬﺎ ﺍﺧﻄﺒﻬﺎ ﻻﺧﻮﻱ ﻭﻣﻮ ﻣﻦ ﺷﻴﻤﻜﻢ ﺗﺮﺩﻭﻥ ﺍﻟﺪﺍﻙ ﺑﺎﺑﻜﻢ
ﺍﻟﺪﻳﻮﺍﻥ ﻛﻠﻪ ﺳﻜﺖ .... ﺳﻤﻌﻨﻪ ﺻﻮﺕ ﺯﻟﻢ ﺧﻔﻴﻒ ﺍﻟﻈﺎﻫﺮ ﻳﺘﺸﺎﻭﺭﻭﻥ ﺑﻴﻨﻬﻢ ﻛﻠﻪ ﻭﺍﺣﺪ ﻣﻨﻬﻢ ﻛﺎﻝ
.. ﺍﺑﻮ ﻛﺮﻡ ﺑﺲ ﻣﻮ ﻫﻠﻲ ﺍﻟﺴﺎﻧﻴﻪ ﺍﻟﻤﺘﻌﺎﺭﻑ ﻋﻠﻴﻬﺎ ﺑﺎﻟﻌﺸﺎﻳﺮ
.. ﺍﻋﺮﻑ ﺧﻮﻳﻪ ﻭﺍﻧﻲ ﻣﺎ ﺟﺎﻱ ﺍﻣﺸﻲ ﻉ ﺍﻟﺴﺎﻧﻴﻪ ﺍﻧﻲ ﺟﺎﻱ ﺍﺧﻄﺐ ﺑﺖ ﻋﻤﻲ ﺣﺎﺗﻢ ﻣﻦ ﻫﺎﻱ ﺍﻟﺰﻟﻢ ﺍﻟﻤﺸﻮﺭﺑﻪ ﺍﻟﻜﺎﻋﺪﻩ ﻭﺍﻟﺸﻴﻮﺥ
ﻭﺍﺣﺪ ﻣﻨﻬﻢ ﻛﺎﻝ
.. ﺯﻳﻦ ﺧﻮﻳﻪ ﻧﻨﻄﻴﻜﻢ ﻣﺮﻩ ﻋﻠﻮﻳﻪ ﻣﻦ ﺍﻟﺴﺎﺩﻩ ‏( ..... ‏)
ﻗﺎﻃﻌﻪ ﻫﺠﺮﺱ
.. ﺍﻗﺎﻃﻌﻚ ﺑﺨﻴﺮ ﺧﻮﻳﻪ ﻗﺒﻞ ﻻ ﺗﻜﻤﻞ ﻫﺪﻳﺘﻜﻢ ﻋﻠﻰ ﻋﻴﻨﻲ ﻭﺭﺍﺳﻲ ﻭﻣﺎ ﻳﺮﺩ ﺍﻟﻜﺮﻳﻢ ﺍﻻ ﺍﻟﺒﺨﻴﻞ ﺑﺲ ﺍﻟﻘﻠﺐ ﻭﻣﺎ ﻳﻬﻮﻯ ﺍﻧﻲ ﻣﺎ ﺟﺎﻱ ﺍﺟﺒﺮﻛﻢ ﺗﻨﻄﻮﻧﻬﺎ ﻻﺧﻮﻱ ﺟﺒﺮ . ﺟﺎﻱ ﺍﺧﻄﺒﻬﺎ ﻭﺍﻃﻠﺒﻬﺎ ﻣﻨﻜﻢ ﻃﻠﺐ ﻭﺍﻧﺘﻮ ﺍﺻﺤﺎﺏ ﻛﺮﻡ ﻭﺷﻴﻢ ﻭﻛﻠﻜﻢ ﺗﻌﺮﻓﻮﻥ ﺍﺧﻮﻱ ﻭﺍﺧﻼﻗﻪ
يتبع