حب هجرسي (مكتمله)

10

بارت١٠

ﺍﻧﻲ ﻛَﻤﺖ ﺍﺑﻠﻌﻢ ﺷﺄﻛﻮﻟﻠﻬﺎ ﻛﺎﻟﺖ ﺑﻴﺒﻲ
.. ﻣﺎﻟﺞ ﺷﻐﻞ ﺑﻴﻬﺎ ﺍﻧﻄﺘﻨﻴﺎﻫﺎ ﻭﺿﻤﻴﺘﻬﺎ
.. ﻭﻳﻦ ﺿﻤﻴﺘﻴﻬﺎ ﻋﻤﻪ ﺍﻧﻲ ﺍﻣﻪ ﻭﻣﻦ ﺣﻘﻲ ﺍﺷﻮﻓﻬﺎ
.. ﺍﻟﺼﻤﻲ ﺣﻠﻜَﺞ ﻻ ﻭﺭﻭﺡ ﺍﻣﻲ ﺍﻛَﻮﻣﻦ ﺍﻛﺴﺮﺝ ﺟﻌﻮﺑﺞ ﺷﻨﻮ ﻣﻮ ﺑﻌﻴﻨﺞ ﺍﻧﻲ ﻳﻠﻪ ﻭﻟﻲ ﻣﻦ ﺟﺪﺍﻣﻲ
ﻫﻲ ﺧﺰﺭﺗﻨﻲ ﺑﻘﻬﺮ ﻭﺭﺍﺣﺖ ﺍﻧﻲ ﺷﻠﺖ ﺍﻟﺼﻴﻨﻴﻪ ﻭﺭﺣﺖ ﻟﻠﻐﺮﻓﻪ ﻧﺰﻋﺖ ﺣﺠﺎﺑﻲ ﻭﺣﻄﻴﺖ ﺍﻭﺭﺍﻗﻲ ﺍﻟﺴﻨﺪ ﻭﺍﻟﺪﻓﺘﺮ ﻉ ﺍﻟﻤﻴﺰ ﺍﺟﻪ ﻫﺠﺮﺱ ﺩﺧﻞ ﻭﻭﻛﻌﺪ ﻳﻤﻲ ﻉ ﺍﻟﺼﻴﻨﻴﻪ ﻣﺎ ﺣﺠﻪ ﺍﻱ ﺷﻲ ﺑﻘﻪ ﻳﺎﻛﻞ ﻭﻫﻮ ﺳﺎﻛﺖ ﺍﺣﺴﻦ ﺍﻧﻲ ﻫﻢ ﻣﺎﻟﻲ ﺧﻠﻜﻪ
ﻛﻤﻞ ﻓﻄﻮﺭ ﻭﻛﺎﻡ ﻃﻠﻊ ﻟﻠﺤﻤﺎﻡ ﺍﻟﻴﻤﻨﻰ ﻏﺴﻞ ﺻﺎﺡ
.. ﺟﻴﻼﻥ ﺟﻴﺒﻴﻠﻲ ﺧﺎﻭﻟﻲ
ﻛﻤﺖ ﺍﺩﺭﺩﻡ ﺑﻴﻨﻲ ﻭﺑﻴﻦ ﻧﻔﺴﻲ
.. ﺍﻱ ﺧﺪﺍﻣﺔ ﺍﻟﺨﻠﻔﻮﻙ ﺟﻴﻼﻥ
ﺍﺧﺬﺗﻠﻪ ﺍﻟﺨﺎﻭﻟﻲ ﻭﺍﻧﻄﻴﺘﻬﻴﺎﻩ ﻣﺎ ﺍﺧﺬﻩ ﻣﻨﻲ ﺑﻘﻪ ﻳﻐﺴﻞ ﺑﺤﻠﻜﻪ ﻭﻭﺟﻬﻪ ﺍﻧﻲ ﻫﻢ ﻣﺎﻟﻲ ﺧﻠﻜﻪ ﻋﻠﻜﺘﻪ ﻳﻤﻪ ﻉ ﺍﻟﻤﻐﺴﻠﻪ ﻭﺭﺟﻌﺖ ﻟﻐﺮﻓﺘﻲ ﻃﻠﻌﺖ ﺩﺭﺍﻋﻪ ﺣﻠﻮﻩ ﻛﺮﻳﻤﻲ ﻭﺑﻴﻬﺎ ﺫﻫﺒﻲ
ﺩﺧﻞ ﻫﻮ ﻳﻤﺴﺢ ﺑﻮﺟﻬﻪ ﻭﺍﻧﻲ ﺍﺧﺬﺕ ﻣﻼﺑﺴﻲ ﻭﺭﺩﺕ ﺍﻃﻠﻊ ﺳﺪ ﺍﻟﺒﺎﺏ ﻛﺎﻝ
.. ﻭﻳﻦ ﺭﺍﻳﺤﻪ
.. ﺍﺭﻳﺪ ﺍﺑﺪﻝ ﺑﺎﻟﺤﻤﺎﻡ
ﺍﺑﺘﺴﻢ ﺑﺄﺳﺘﻬﺰﺍﺀ
.. ﻻ ﺑﻠﻪ ﺧﺎﻑ ﻣﺎ ﺗﻘﺒﻠﻴﻦ ﻭﻟﻴﺶ ﻣﺎ ﺗﺒﺪﻟﻴﻦ
.. ﺷﻨﻮﻭﻭﻭ؟ ﻋﻴﺐ ﺍﺳﺘﺤﻲ ﻫﺠﺮﺱ
ﻫﻮ ﻗﻔﻞ ﺍﻟﺒﺎﺏ ﺑﺎﻟﻤﻔﺘﺎﺡ ﻭﺍﺧﺬ ﺍﻟﻤﻔﺘﺎﺡ ﺑﺄﻳﺪﻩ ﺻﺤﺖ ﺑﻴﻪ
.. ﺷﺪﺍ ﺗﺴﻮﻱ ﻫﺠﺮﺱ
.. ﺟﻴﻼﻥ ﻫﺎﻱ ﻏﺮﻓﺘﺞ ﻭﺗﻌﻠﻤﻲ ﺑﺪﻟﻲ ﺑﻴﻬﺎ
.. ﻫﺠﺮﺱ ﺍﺳﺘﺤﻲ ﺷﻨﻮ ﻫﺎﻟﺤﺠﻲ
.. ﺗﻌﻠﻤﻲ ﻣﺤﺪ ﻃﻠﻊ ﻣﻦ ﺑﻄﻦ ﺍﻣﻪ ﻳﻌﺮﻑ
ﺫﺑﻴﺖ ﺍﻟﻤﻼﺑﺲ ﻉ ﺍﻟﺠﺮﺑﺎﻳﻪ ﻭﻛﺘﻠﻪ
.. ﻣﺎ ﺍﺭﻳﺪ ﺍﺑﺪﻝ ﺑﻄﻠﺖ ﺍﻧﻄﻴﻨﻲ ﺍﻟﻤﻔﺘﺎﺡ ﺍﺭﻳﺪ ﺍﻃﻠﻊ ﻳﻢ ﺑﻴﺒﻲ
ﻣﺎ ﺟﺎﻭﺑﻨﻲ ﺭﺍﺡ ﺍﺧﺬ ﺍﻻﻭﺭﺍﻕ ﺍﻟﻠﻲ ﻉ ﺍﻟﻤﻴﺰ ﻗﺮﺍﻫﻦ ﻭﺑﺎﻭﻋﻠﻲ ﻣﺴﺘﻐﺮﺏ ﻛﺎﻝ
.. ﺷﻨﻮ ﻫﺎﻱ
ﻛﺘﻠﻪ ﺑﺤﺰﻥ
.. ﺑﺎﺑﺎ ﺳﺠﻞ ﺍﻟﺒﻴﺖ ﺑﺄﺳﻤﻲ ﻭﺑﺎﻉ ﺍﻟﺴﻴﺎﺭﻩ ﻭﺣﻂ ﻓﻠﻮﺳﻬﺎ ﺑﺤﺴﺎﺑﻲ ﻫﺪﻳﺔ ﺯﻭﺍﺟﻲ
ﺑﺎﻭﻋﻠﻲ ﺑﻘﻬﺮ ﻭﺳﻜﺖ ﻣﺎ ﺟﺎﻭﺑﻨﻲ ﺭﺍﺡ ﻟﻠﺒﺎﺏ ﻓﺘﺤﻬﺎ ﻭﻃﻠﻊ ﺍﻧﻲ ﺍﺳﺘﻐﺮﺑﺖ ﻣﻦ ﺗﺼﺮﻓﻪ ... ﻗﻔﻠﺖ ﺍﻟﺒﺎﺏ ﻭﺭﺍﻩ ﻭﺑﺪﻟﺖ ﻭﺳﺤﺒﺖ ﺷﻌﺮﻱ ﺑﺎﻟﻜﺎﺍﻭﻳﻪ ﻭﺗﻤﻜﻴﺠﺖ ﺳﻤﻌﺖ ﻫﻼﻫﻞ ﻭﺭﻩ ﺷﻮﻳﻪ ﺍﻧﺪﻛﺖ ﺍﻟﺒﺎﺏ ﻛﻠﺖ
.. ﻣﻨﻮ
.. ﺍﻧﻲ ﺣﻮﺭﻳﻪ
ﺭﺣﺖ ﻓﺘﺤﺖ ﺍﻟﺒﺎﺏ ﺑﻮﺳﺘﻬﺎ ﻭﺍﻧﻲ ﻓﺮﺣﺎﻧﻪ ﺑﺠﻴﺘﻬﺎ ﻛﺎﻟﺖ
.. ﻣﺒﺮﻭﻙ ﺟﻮﻟﻲ ﺣﺒﻴﺒﻲ .. ﻃﺎﻟﻌﻪ ﺗﺨﺒﻠﻴﻦ
.. ﺷﻜﺮﺍ ﺣﻮﺭﻳﺘﻲ ﻳﻮﻡ ﺍﻻﻟﺞ ﺍﻧﺘﻲ ﻭﻫﺎﺷﻢ
ﺩﻧﻜﺖ ﺧﺠﻼﻧﻪ ﻭﻛﺎﻟﺖ
.. ﺷﻜﺮﺍ
ﺑﺎﻭﻋﺘﻠﻲ ﻭﻛﺎﻟﺖ
.. ﺷﻠﻮﻧﻪ ﻫﺠﺮﺱ ﻭﻳﺎﺝ ﺣﺒﺎﺏ
ﻣﺎ ﺍﻋﺮﻑ ﺷﻌﺪﻫﺎ ﺍﻟﻌﺎﻟﻢ ﺗﺴﺄﻟﻨﻲ ﻉ ﻫﺠﺮﺱ ﻭﻳﺎﻱ ﺣﺒﺎﺏ ﻟﻮ ﻻ ﻳﺠﻮﺯ ﺣﺴﻮﺍ ﺑﻌﺮﻛﺘﻨﻪ ﺍﻟﺒﺎﺭﺣﻪ ﺍﺑﺘﺴﻤﺘﻠﻬﺎ ﻭﻛﻠﺘﻠﻬﺎ
.. ﺍﻱ ﺣﺒﺎﺏ
ﺑﻬﺎﻻﺛﻨﺎﺀ ﺍﺟﺖ ﻓﻄﻮﻡ ﻛﺎﻟﺖ
.. ﻫﻠﻮ ﺷﺒﺎﺏ ﺷﻠﻮﻧﻜﻢ
ﻭﺳﺪﺕ ﺍﻟﺒﺎﺏ ﻭﻛﻌﺪﺕ ﺍﻟﺠﺮﺑﺎﻳﻪ ﻭﻛﺎﻟﺖ ﺑﺤﻤﺎﺱ
.. ﺍﻱ ﺟﻮﻟﻲ ﺍﺣﺠﻴﻠﻨﻪ ﺑﺸﺮﻓﺞ ﺷﻠﻮﻧﻬﺎ ﻟﻴﻠﺔ ﺍﻟﺪﺧﻠﻪ
ﻛﺎﻟﺘﻠﻬﺎ ﺣﻮﺭﻳﻪ ﻭﻭﺟﻨﺎﺗﻬﺎ ﺣﻤﺮ
.. ﻋﺰﻩ ﻭﻟﺞ ﻋﻴﺐ ﺷﻨﻮ ﻫﺎﻟﺤﺠﻲ
.. ﺧﺎﻳﺒﻪ ﺍﻧﺠﺒﻲ ﺗﻜﻠﻲ ﻋﻴﺐ .. ﻣﺎﻟﺞ ﺷﻐﻞ ﺑﻴﻬﺎ ﺟﻮﻟﻲ ﺑﺪﺍﻋﺔ ﺿﺎﻭﻳﻪ ﺍﺣﺠﻲ
ﻛﺘﻠﻬﺎ
.. ﻭﻟﺞ ﺗﺄﺩﺑﻲ ﻓﺎﻃﻤﻪ ﺍﺷﻮ ﺍﻧﺘﻲ ﻃﺎﻟﻌﻪ ﻋﻴﻨﺞ
.. ﻫﺎ ﻫﺴﻪ ﺻﺮﺕ ﻃﺎﻟﻌﻪ ﻋﻴﻨﻲ ﺷﻨﻮ ‏( ﻭﻏﻤﺰﺗﻠﻲ ‏) ﺍﻟﻈﺎﻫﺮ ﻋﺮﻑ ﺍﻟﻤﺴﻮﺩﻥ ﻳﺠﻴﺒﺞ ﻟﻠﺪﺭﺏ ﻣﻮ ﻗﺒﻞ ﻳﻮﻣﻴﻦ ﺗﺴﻮﻳﻦ ﺍﻭﻉ ﻭﻛﺨﻪ ﺷﻌﺪﺍ ﻣﺎ ﺑﺪﻩ
.. ﻭﻟﺞ ﺍﻧﺠﺒﻲ ﻓﻀﺤﺘﻴﻨﻪ
.. ﺍﻟﻠﻪ ﻛﺮﻳﻢ ﺟﻴﻼﻥ ﺍﻋﺮﺱ ﻟﻮ ﻻ ﻋﻮﺩﻥ ﻭﺗﻌﺎﻟﻲ ﻭﺳﺄﻟﻴﻨﻲ ﺍﺫﻛﺮﺝ ﺑﻴﻬﺎ
.. ﺍﻭﻝ ﻣﺮﻩ ﻋﺮﺳﻲ ﻭﻓﻀﻴﻨﻪ ﻭﺑﻌﺪﻳﻦ ﺍﻟﻐﻲ ﻣﻨﺘﻈﺮﻩ ﺍﻟﻔﺎﺭﺱ ﻳﺠﻴﺞ ﻉ ﺍﻟﻤﻄﻲ
.. ﻳﺠﻴﻨﻲ ﻉ ﺍﻟﻤﻄﻲ ﻭﺍﺣﺒﻪ ﻭﻻ ﻳﺠﻴﻨﻲ ﻉ ﺍﻟﺤﺼﺎﻥ ﻭﺍﻛﺮﻫﻪ
ﺑﻬﺎﻻﺛﻨﺎﺀ ﺍﻧﺪﻛﺖ ﺍﻟﺒﺎﺏ ﻛﻠﺖ
.. ﻣﻨﻮ
.. ﺍﻧﻲ ﻫﺎﺷﻢ
ﺣﻄﻴﺖ ﺷﺎﻝ ﻉ ﺭﺍﺳﻲ ﻭﺭﺣﺖ ﻓﺘﺤﺖ ﺍﻟﺒﺎﺏ ﻛﺘﻠﻪ
.. ﺗﻔﻀﻞ ﻫﺸﻮﻣﻲ
ﻛﺎﻥ ﻣﺒﺒﻦ ﻋﻠﻴﻪ ﻋﺼﺒﻲ
.. ﻻ ﺑﺲ .........
ﻗﺎﻃﻌﺘﻪ ﻓﺎﻃﻤﻪ ﺑﺴﺮﻋﻪ ﻭ ﻛﺎﻟﺖ ﻟﺤﻮﺭﻳﻪ
.. ﺭﻭﺣﻲ ﺣﻮﺭﻳﻪ ﺍﻣﻲ ﺗﺼﻴﺤﺞ .. ﺍﻟﻴﻮﻡ ﺍﻣﻲ ﻋﺼﺒﻴﻪ ﻣﺒﻴﻨﻪ ﺗﻌﻮﺩﻧﻪ ﺣﺒﻴﺒﺘﻲ
ﺍﻧﻲ ﻃﻜﻴﺘﻬﺎ ﺿﺤﻜﻪ ﻭﻫﻮ ﺧﻄﻴﻪ ﺣﺴﻴﺘﻪ ﺻﺎﺭ ﻧﺎﺭ ﻭﻋﺎﻓﻨﻪ ﻭﺭﺍﺡ ﻟﻐﺮﻓﺘﻪ ﺍﻧﺪﺍﺭﺗﻠﻬﺎ ﺣﻮﺭﻳﻪ
.. ﻭﻟﺞ ﻟﻴﺶ ﻛﺴﺮﺗﻲ ﺧﺎﻃﺮﻩ
.. ﺧﺎﺏ ﺩﻭﻟﻲ ﻫﻮ ﺩﻭﻟﺠﻪ ﻭﻛﺴﺮﺕ ﺧﺎﻃﺮﻩ ﺯﻟﻤﻪ ﻭﻣﺸﻮﺭﺏ ﻭﻫﻮ ﻫﺎﺷﻢ ﻫﻢ ﻳﻨﻜﺴﺮ ﺧﺎﻃﺮﻩ ﺍﻋﺘﻘﺪ ﺍﻟﻠﻪ ﺧﻠﻘﻪ ﺑﺪﻭﻥ ﺍﺣﺴﺎﺱ
.. ﺍﻧﺠﺒﻲ ﻣﺎ ﺍﺳﻤﺤﻠﺞ
.. ﺑﺮﻭﺡ ﺍﻟﺤﻤﺰﻩ ﺣﻮﺭﻳﻪ ﻫﻮﻳﻨﻪ ﻭﻭﻟﻲ ﻟﻬﺸﻮﻣﻴﺞ ﻭﺧﻠﻴﻨﻲ ﺍﻓﺘﻬﻢ ﻣﻦ ﺟﻴﻼﻥ ﺳﺎﻟﻔﺔ ﻋﺮﺳﻬﺎ
ﻋﺎﻓﺘﻨﻪ ﻭﻃﻠﻌﺖ ﻭ ﺳﺪﻳﺖ ﺍﻟﺒﺎﺏ ﻭﺭﺍﻫﺎ ﻭﺍﻧﻲ ﺧﺮﺑﺎﻧﻪ ﺿﺤﻚ ﻋﻠﻰ ﺳﻮﺍﻟﻒ ﻓﺎﻃﻤﻪ
ﺣﻮﺭﻳﻪ
ﻛﻌﺪﻧﻪ ﺍﻟﺼﺒﺢ ﺣﻮﺍﻟﻲ ﺏ٨ ﻭﻧﺺ ﻭﺣﻀﺮﻧﻪ ﻧﻔﺴﻨﻪ ﻧﺮﻳﺪ ﻧﺮﻭﺡ ﻟﺒﻴﺖ ﺟﺪﻭ ﺣﺘﻰ ﻧﺒﺎﺭﻙ ﻟﻬﺠﺮﺱ ﻭﺟﻴﻼﻥ ﺑﺲ ﺍﻧﻲ ﻛﻠﻬﺎ ﺑﺠﻔﻪ ﻭﺷﻮﻓﺔ ﻣﺤﺒﻮﺑﻲ ﺑﺠﻔﻪ
ﺩﺍ ﺍﺑﺪﻝ ﻭﺳﻤﻌﺖ ﺍﻟﺒﺎﺏ ﺍﻧﺪﻙ ﺭﺣﺖ ﻟﻠﻤﻄﺒﺦ ﺭﺩﺕ ﺍﻓﺘﺢ ﺍﻟﺒﺎﺏ ﻛﺎﻝ ﻗﺎﺳﻢ
.. ﺍﻭﻛﻔﻲ ﻟﺤﻈﻪ ﺍﻧﻲ ﺍﺷﻮﻑ ﻣﻨﻮ ﺑﺎﻟﺒﺎﺏ ؟
ﻭﺭﻩ ﺷﻮﻳﻪ ﺩﺧﻠﺖ ﺯﻭﺟﺔ ﻋﻤﻲ ﺻﺎﺣﺐ ‏( ﺍﻡ ﻋﻘﻴﻞ ‏) ﻭﻋﻤﻲ ﺻﺎﺣﺐ ﻭﻋﻘﻴﻞ ﺍﺑﻨﻬﻢ ﺳﻠﻤﺖ ﻋﻠﻰ ﻣﺮﺓ ﻋﻤﻲ ﺑﺴﺮﻋﻪ ﻭﺩﺧﻠﺖ ﻟﻐﺮﻓﺘﻲ ﺣﺘﻰ ﻋﻤﻲ ﻣﺎ ﺳﻠﻤﺖ ﻋﻠﻴﻪ ﻣﺎ ﺭﺩﺕ ﻋﻘﻴﻞ ﻳﺸﻮﻓﻨﻲ
ﻛﻤﻠﺖ ﺗﺒﺪﻳﻞ ﻭﺑﻘﻴﺖ ﻛﺎﻋﺪﻩ ﺍﻛَﻠﺐ ﺑﺎﻟﺘﻠﻔﻮﻥ ﺫﻭﻟﻪ ﺷﻌﺪﻫﻢ ﻣﻦ ﺍﻟﺼﺒﺢ ﻟﻴﺶ ﻟﺴﻪ ﻣﺎ ﺭﺍﺣﻮﺍ ﺍﺟﺖ ﺍﻣﻲ ﻓﺘﺤﺖ ﺑﺎﺏ ﻏﺮﻓﺘﻲ
.. ﻳﻠﻪ ﺣﻮﺭﻳﻪ ﻣﺎ ﺗﻤﺸﻴﻦ ؟
.. ﺷﻨﻮ ﻳﻤﻪ ﻭﻳﻦ ﻣﺎ ﻳﺮﺣﻮﻥ ﻟﺒﻴﺘﻬﻢ ﺑﻴﺖ ﻋﻤﻲ ؟
.. ﻻ ﻳﻤﻪ ﻣﺮﻭﺍ ﺑﻴﻨﻪ ﺣﺘﻰ ﻧﺮﻭﺡ ﻛﻠﻴﺎﺗﻨﻪ ﻟﺒﻴﺖ ﺟﺪﺝ ﻳﺮﺩﻭﻥ ﻳﺒﺎﺭﻛﻮﻥ ﻟﻠﻌﺮﺳﺎﻥ
ﺍﻧﻲ ﺍﻧﺼﺪﻣﺖ ﺷﻠﻮﻥ ﺑﻴﻪ ﺍﻧﻲ ﻭﻋﺪﺕ ﻫﺎﺷﻢ ﻣﺎ ﺍﻧﻄﺦ ﺑﻴﻪ ﻛﺘﻠﻬﺎ
.. ﻳﻤﻪ ﻣﺎ ﺍﺭﻭﺡ ﺭﻭﺣﻮﺍ ﺍﻧﺘﻮﺍ
.. ﻳﺎﺍﺍﺍ ﺷﺒﻴﺞ ﻭﻟﺞ ﻣﻮ ﻣﺒﺪﻟﻪ ﺷﻨﻬﻲ ﻣﺎ ﺗﺮﺣﻴﻦ
.. ﻳﻤﻪ ﻣﻌﺪﺗﻲ ﻭﺟﻌﺘﻨﻲ ﺷﻮﻳﻪ
.. ﻳﺠﻮﺯ ﻫﺎﻱ ﺍﻟﻤﻜَﻠﻮﻋﻪ ﺗﺮﻳﺪ ﺗﺠﻴﺞ ﻛﻮﻣﻲ ﻫﻨﺎﻙ ﺍﻧﻄﻴﺞ ﺣﺒﺎﻳﻪ
ﺑﻠﻪ ﻫﺴﻪ ﻫﺎﻱ ﺷﻠﻮﻥ ﺍﻓﻬﻤﻬﺎ ﻛﺘﻠﻬﺎ
.. ﻳﻤﻪ ﻣﺎ ﺍﺭﻭﺡ ﻭﺧﻠﺺ
.. ﺷﻨﻲ ﻣﺎ ﺗﺮﺣﻴﻦ ﻭﺍﻟﻌﺒﺎﺱ ﺍﻛﻄﻊ ﺍﻟﺨﻴﺰﺭﺍﻧﻪ ﻋﻠﻴﺞ ﺷﻨﻲ ﺗﻀﻠﻴﻦ ﻭﺣﺪﺝ
.. ﺧﻠﻲ ﻳﻤﻲ ﺣﻤﺰﻩ ‏( ﺍﺧﻮﻱ ﺍﻟﺼﻐﻴﺮ ﻋﻤﺮﻩ ٨ ﺳﻨﻮﺍﺕ ‏)
.. ﺣﻤﺰﻩ ﺭﺍﺡ ﺍﺧﺬﻩ ﻭﻳﺎﻱ
.. ﻗﺎﺳﻢ ﺭﺍﺡ ﻳﺒﻘﻰ ﺑﺎﻟﺒﻴﺖ
.. ﻗﺎﺳﻢ ﻋﻨﺪﻩ ﺷﻐﻠﻪ ﺭﺍﺡ ﻳﻄﻠﻊ ﻻ ﺗﺄﺧﺮﻳﻨﻪ
.. ﻳﻤﻪ ﻣﺎ ﺍﺭﻭﺡ
.. ﺍﻛﻠﻬﺎ ﻛﻮﻣﻲ ﺟﺪﺍﻣﻲ
ﺍﺟﺖ ﺳﺤﺒﺘﻨﻲ ﻣﻦ ﺍﻳﺪﻱ ﻭﺍﺧﺬﺕ ﻋﺒﺎﺗﻲ ﺑﺎﻳﺪﻫﺎ ﻭﻃﻠﻌﺘﻨﻲ ﻟﻜﻴﺖ ﻋﻤﻲ ﻭﻋﻘﻴﻞ ﻛَﺒﺎﻟﻲ ﺭﺣﺖ ﺳﻠﻤﺖ ﻋﻠﻰ ﻋﻤﻲ ﻭﻣﺎ ﺳﻠﻤﺖ ﻋﻠﻰ ﻋﻘﻴﻞ ﻛﺎﻝ
.. ﺣﻮﺭﻳﻪ ﺗﺮﻩ ﺍﻧﻲ ﻫﻨﺎ ﺧﺎﻑ ﻣﺎ ﺗﺸﻮﻓﻴﻦ .. ﺷﻠﻮﻧﺞ
ﻛﺘﻠﻪ ﻣﻦ ﻭﺭﻩ ﺧﺸﻤﻲ
.. ﺯﻳﻨﻪ
ﻭﻟﺒﺴﺖ ﻋﺒﺎﺗﻲ ﻭﻃﻠﻌﺖ ﻛَﺪﺍﻣﻬﻢ ﻫﺎﻱ ﺷﻠﻮﻥ ﻭﺭﻃﻪ ﻳﺎ ﺭﺑﻲ .... ﻛﺎﻧﻮ ﺑﻴﺖ ﺟﺪﻭ ﻗﺮﻳﺒﻴﻦ ﻋﻠﻴﻪ ﻳﻌﻨﻲ ٣ ﺩﻗﺎﻳﻖ ﻣﺸﻲ ﻋﻨﻬﻢ ﻭﻧﻮﺻﻠﻬﻢ
ﻃﻠﻌﻨﻪ ﺍﻧﻲ ﻛﻤﺖ ﺍﻣﺸﻲ ﻳﻢ ﺍﻣﻲ ﻭﺍﻣﻪ ﻫﻮ ﺍﺟﻪ ﻭﺻﻔﻂ ﻧﻔﺴﻪ ﻳﻤﻲ ﺗﺄﺧﺮﺕ ﺑﺎﻟﻤﺸﻲ ﺷﻮﻳﻪ ﺍﺳﺘﻐﻠﻬﺎ ﻓﺮﺻﻪ ﻭﺍﺟﻪ ﻳﻤﻲ ﻛﺎﻡ ﻳﺤﺠﻲ
.. ﻟﻴﺶ ﻣﺎ ﺗﺤﺠﻴﻦ ﻭﻳﺎﻱ ﺣﻮﺭﻳﻪ
ﺗﺄﻓﻔﺖ ﻭﻣﺸﻴﺖ ﺣﻴﻞ ﺳﺤﺒﻨﻲ ﻣﻦ ﺍﻳﺪﻱ ﻭﺭﺟﻌﻨﻲ ﻭﺭﻩ ﺍﻫﻠﻲ ﻭﺧﻼﻧﻲ ﺍﻣﺸﻲ ﺑﺼﻔﻪ ﺍﺭﻳﺪ ﺍﻫﺪ ﺍﻳﺪﻱ ﻣﻦ ﺍﻳﺪﻩ ﻣﺎ ﺍﻛﺪﺭ ﻛﺎﻥ ﻣﺤﻜﻢ ﻗﺒﻀﺘﻪ ﻛﺘﻠﻪ ﺑﺼﻮﺕ ﻧﺎﺻﻲ
.. ﻫﺪﻱ ﺍﻳﺪﻱ
.. ﺟﺎﻭﺑﻴﻨﻲ ﻭﺍﻫﺪﺝ ﺍﻧﺘﻲ ﻟﻴﺶ ﻣﺎ ﺗﺤﺒﻴﻦ ﺗﺤﺠﻴﻦ ﻭﻳﺎﻱ
.. ﻣﺎ ﺍﺭﻳﺪﻙ ﻭﺧﺮ ﺍﻳﺪﻙ
.. ﺣﻮﺭﻳﻪ .......
ﺭﺍﺩ ﻳﺤﺠﻲ ﺍﻣﻲ ﺍﻧﺪﺍﺭﺕ ﻋﻠﻴﻨﻪ ﻫﻮ ﺑﺴﺮﻋﻪ ﻭﺧﺮ ﺍﻳﺪﻩ ﺍﻧﻲ ﺍﺳﺘﻐﻠﻴﺘﻬﺎ ﻓﺮﺻﻪ ﻭﺭﺣﺖ ﺍﻣﺸﻲ ﺑﻴﻦ ﻣﺎﻣﺎ ﻭﻣﺮﺓ ﻋﻤﻲ
ﻭﺻﻠﻨﻪ ﻟﺒﻴﺖ ﺟﺪﻭ ﺷﻔﻨﻪ ﻧﺎﺱ ﻫﻮﺍﻱ ﺑﺎﻟﺒﺎﺏ ﺍﻟﺰﻟﻢ ﺭﺍﺣﻮﺍ ﺩﺧﻠﻮﺍ ﺑﺎﻻﺳﺘﻘﺒﺎﻝ ﻭﺍﺣﻨﻪ ﺭﺣﻨﻪ ﻣﻦ ﻣﻦ ﺟﻬﺔ ﺍﻟﻤﻄﺒﺦ ﻟﻜﻴﻨﻪ ﺑﺸﺮﻯ ﻭﻛﻢ ﻣﺮﻳﻪ ﻣﻦ ﺍﻟﻤﻨﻄﻘﻪ ﺩﺧﻠﺖ ﻣﺎﻣﺎ ﺗﻬﻠﻬﻞ ﻭﺍﻟﻨﺴﻮﺍﻥ ﻛﺎﻣﻦ ﺍﻟﻬﺎ ﺳﻠﻤﻨﻪ ﻋﻠﻴﻬﻢ ﻭﺍﻧﻲ ﺭﺣﺖ ﺑﺴﺮﻋﺔ ﻟﻐﺮﻓﺔ ﺟﻮﻟﻲ ﺩﻛﻴﺖ ﺍﻟﺒﺎﺏ ﺩﻛﻴﺘﻪ ﺳﻠﻤﺖ ﻋﻠﻴﻬﺎ ﻭﺑﺎﺭﻛﺘﻠﻬﺎ ﻭﻣﻦ ﻛﺎﻟﺘﻠﻲ ﻳﻮﻡ ﺍﻻﻟﺞ ﺍﻧﺘﻲ ﻭﻫﺎﺷﻢ ﻛﺎﻧﺖ ﻓﺮﺣﺘﻲ ﻣﺎ ﺗﻨﻮﺻﻒ
ﻭﺭﺍﻫﺎ ﺍﺟﺖ ﻓﻄﻮﻣﻪ ﻭﻛﺎﻣﺖ ﺗﺴﻮﻟﻒ ﻭﻳﻪ ﺟﻴﻼﻥ ﺗﺮﻳﺪ ﺗﻌﺮﻑ ﻣﻨﻬﺎ ﺳﻮﺍﻟﻒ ﻟﻴﻠﺔ ﺍﻟﺪﺧﻠﻪ ﺍﻧﻲ ﺻﺪﻙ ﺍﺳﺘﺤﻲ ﻣﻦ ﻫﺎﻱ ﺍﻟﺴﻮﺍﻟﻒ ﺻﺢ ﺍﻧﻲ ﻭﻫﺎﺷﻢ ﺩﺍﺋﻤﺎ ﻧﺴﻮﻟﻒ ﺑﺎﻟﻤﻮﺑﺎﻳﻞ ﺑﺲ ﻣﺠﺮﺩ ﺣﺒﺠﻴﺎﺕ ﻭﻋﻦ ﺣﻴﺎﺗﻨﻪ ﺍﻟﻴﻮﻣﻴﻪ ﻭﻣﻦ ﻧﺘﻼﻛَﻪ ﻳﺤﺎﻭﻝ ﻳﺘﻮﺩﺩﻟﻲ ﺩﺍﺋﻤﺎ ﺑﺲ ﻣﺠﺮﺩ ﺑﻮﺳﻪ ﻭﺣﻀﻨﻪ ﻭﺑﺲ ﻣﺎ ﻣﺘﻌﻤﻘﻪ ﻭﻳﺎﻩ ﺑﺎﻟﺴﻮﺍﻟﻒ ﻋﻦ ﻟﻴﻠﺔ ﺍﻟﺪﺧﻠﻪ ﻭﺍﺻﻼ ﺍﻣﻮﺕ ﺧﺠﻞ ﻣﻦ ﺍﺣﺪ ﻳﺠﻴﺐ ﻃﺎﺭﻳﻬﺎ
ﺑﻬﺎﻻﺛﻨﺎﺀ ﺍﻧﺪﻛﺖ ﺍﻟﺒﺎﺏ ﺍﺟﻪ ﻫﺎﺷﻢ ﻛﺎﻥ ﻣﺒﻴﻦ ﻋﻠﻴﻪ ﻋﺼﺒﻴﻪ ﻛﺎﻡ ﺗﻬﺰﻝ ﻋﻠﻴﻪ ﻓﻄﻮﻣﻪ ﺻﺢ ﺿﺠﺖ ﻣﻨﻬﺎ ﺑﺲ ﺍﻋﺮﻑ ﻃﺒﻊ ﻓﻄﻮﻣﻪ ﺷﻨﻮ ﺑﺲ ﺿﻞ ﺑﺎﻟﻲ ﻋﻠﻰ ﻫﺎﺷﻢ ﺷﺒﻴﻪ
ﻃﻠﻌﺖ ﻭﺭﺣﺖ ﻟﻐﺮﻓﺘﻪ ﺍﺭﻳﺪ ﺍﺩﻙ ﺍﻟﺒﺎﺏ ﺳﺤﻠﻨﻲ ﻣﻦ ﺍﻳﺪﻱ ﻭﺩﺧﻠﻨﻲ ﻭﺳﺪ ﺍﻟﺒﺎﺏ ﻭﺩﻓﻌﻨﻲ ﻉ ﺍﻟﺒﺎﺏ ﺻﺮﺕ ﻣﻘﺎﺑﻴﻠﻪ ﻛﺎﻧﺖ ﺷﻔﺎﻳﻔﻪ ﺗﺮﺟﻒ ﻭﻋﻴﻮﻧﻪ ﺣﻤﺮ ﻛﺎﻝ
.. ﻫﺬﺍ ﺷﻌﺪﻩ ﺟﺎﻱ ﻭﻳﺎﻛﻢ
.. ﺍﺍﺍﺍﺍ ... ﻣﻤﻤﺎﺍ .. ﻣﺎ ﺍﻋﺮﻑ ... ﻫﻮ ﻭ .... ﻭﺍﻫﻠﻪ .. ﺍﺟﺠﺞ ...
ﺻﺎﺡ
.. ﺍﺣﺠﻲ ﻋﺪﺩﺩﺩﺩﺩﻝ؟
ﻧﺰﻟﺖ ﺩﻣﻌﺘﻲ
.. ﻫﻮ ﻭﺍﻫﻠﻪ ﺍﺟﻮﻱ ﻭﻳﺎﻧﻪ ﻳﺮﺩﻭﻥ ﻳﺠﻮﻥ ﻳﺒﺎﺭﻛﻮﻥ ﻟﻬﺠﺮﺱ ﻭﻳﻨﻄﻮﻫﻢ ﻭﺍﺟﺐ
.. ﻭﻫﺬﺍ ﻫﻢ ﺳﻮﻟﻒ ﻭﻳﺎﺝ
ﺟﺬﺑﺖ ﻋﻠﻴﻪ ﻭﻫﺰﻳﺖ ﺭﺍﺳﻲ ﺑﻼ ﻣﺎ ﺭﺩﺕ ﺍﺳﻮﻱ ﻣﺸﻜﻠﻪ ﻛﺎﻝ
.. ﺣﻮﺭﻳﻪ ﺍﺣﺠﻴﻠﻲ ﺍﻟﺼﺪﻙ ﺑﺎﻟﻘﺮﺁﻥ ﺍﺳﻮﻳﻬﺎ ﺩﻣﺎﻳﻪ ﺍﺫﺍ ﻣﺴﻮﻟﻒ ﻟﻮ ﺣﺎﺟﻲ ﻭﻳﺎﺝ
.. ﺻﺪﻛﻨﻲ ﻣﺎ ﺣﺎﺟﻲ ﻭﻳﺎﻱ ﺍﻧﻲ ﻣﻮ ﻭﻋﺪﺗﻚ ﻣﺎ ﺍﺣﺠﻲ ﻭﻳﺎﻩ ﻭﺍﻟﻠﻪ ﻣﺎ ﺣﺠﻴﺖ ﻭﻳﺎﻩ
ﻫﺪﺃ ﺷﻮﻳﻪ ﻭﻛﺎﻝ
.. ﻣﻦ ﻳﺮﺣﻮﻥ ﺍﻫﻠﺞ ﻭﻳﺎﻫﻢ ﻛﻠﻴﻠﻬﻢ ﺍﺭﻳﺪ ﻳﺒﻘﻰ ﻳﻢ ﻓﺎﻃﻤﻪ ﻭﺟﻴﻼﻥ .... ﺍﻟﻌﺼﺮ ﻋﻮﺩ ﺍﺟﻲ .. ﻣﺎ ﺗﺮﺟﻌﻴﻦ ﻭﻳﺎﻩ ﺍﻓﺘﻬﻤﺘﻲ
ﻫﺰﻳﺖ ﺭﺍﺳﻲ ﺑﺄﻱ ﻭﺩﻣﻮﻋﻲ ﺗﺠﺮﻱ ﻫﻮ ﺍﻧﺪﺍﺭ ﻋﻨﻲ ﻭﻫﻮ ﻳﻠﻬﺚ ﻭﻣﺴﺢ ﺷﻌﺮﻩ ﺑﻌﺼﺒﻴﻪ ﻭﻣﺴﺢ ﻭﺟﻬﻪ ﻭﺍﺧﺬ ﻧﻔﺲ ﻫﺪﺃ ﻧﻔﺴﻪ ﺑﻴﻪ ﻭﺍﻧﺪﺍﺭﻟﻲ ﺣﻀﻨﻨﻲ ﻭﺑﺎﺱ ﺭﺍﺳﻲ
.. ﻻ ﺗﺒﺠﻴﻦ ﻳﺎ ﺑﻌﺪ ﻫﻠﻲ ﻛﻠﻬﻢ ..
ﺑﻘﻴﺖ ﺣﺎﻃﻪ ﺭﺍﺳﻲ ﻭﺍﻧﺎﺷﻎ ﻭﻫﻮ ﻳﺒﻮﺱ ﺑﺮﺍﺳﻲ ﻭﻳﺤﺠﻲ ﻛﻼﻡ ﺣﻠﻮ ﺑﺄﺫﺍﻧﻲ ﻫﺪﺃﺕ ﺷﻮﻳﻪ ﻭﻏﻤﻀﺖ ﻋﻴﻮﻧﻲ ﺍﺗﺤﺴﺲ ﻧﺒﻀﺎﺕ ﻗﻠﺒﻪ ﻭﻋﻄﺮﻩ ﻓﺠﺄﻩ ﻭﻋﺎﻧﻲ ﺻﻮﺗﻪ ﻭﻫﻮ ﻳﻀﺤﻚ
.. ﺷﻨﻮ ﻧﻤﺘﻲ ... ﻻ ﺗﺴﺒﻠﻴﻦ ﻋﻠﻰ ﻗﻤﻴﺼﻲ
ﻭﺧﺮﺕ ﻋﻨﻪ ﻭﺩﻓﻌﺘﻪ
.. ﻭﺧﺮﺭ ﺳﺨﻴﻒ ﻣﻮ ﻣﺎ ﺍﺣﺎﺟﻴﻚ
ﺭﺩﺕ ﺍﻃﻠﻊ ﺿﺤﻚ ﻭﺳﺤﺒﻨﻲ
.. ﺧﻠﺺ ﺧﻠﺺ ﻭﺍﻟﻠﻪ ﺍﺗﺸﺎﻗﻪ ﻭﻳﺎﺝ
.. ﻻ ﺑﺲ ﺍﺭﻳﺪ ﺍﻃﻠﻊ ﻻ ﻳﺠﻲ ﺍﺣﺪ
.. ﻭﻳﻦ ﺗﺮﺣﻴﻦ
.. ﻳﻢ ﺍﻟﺒﻨﺎﺕ
.. ﺷﻌﻨﺪﺝ ﻳﻤﻬﻦ ﺧﻠﻲ ﻧﺒﻘﻰ ﻫﻨﺎ ﻧﺘﺴﺎﻣﺮ ﺍﻧﻲ ﻭﻳﺎﺝ ﻭﻏﻤﺰﻟﻲ
.. ﺍﻧﺖ ﻃﺎﻟﻌﻪ ﻋﻴﻨﻚ ﻫﺎﻻﻳﺎﻡ
.. ﻋﺎﺩﻱ ﺍﻧﺘﻲ ﻃﺒﺒﻴﻬﺎ ﻗﺎﺑﻞ
ﻓﺘﺤﺖ ﻋﻴﻨﻲ ﻉ ﻭﺳﻌﻬﻦ ﻫﻮ ﺗﻘﺮﺏ ﻣﻨﻲ ﻭﺣﻂ ﺍﻳﺪﻩ ﻉ ﺍﻟﺒﺎﺏ ﺍﻟﻮﺭﺍﻱ ﻭﻭﺟﻬﻪ ﻗﺮﻳﺐ ﻉ ﺧﺪﻱ ﻏﻤﺾ ﻋﻴﻮﻧﻪ ﻭﺍﺧﺬ ﺧﺼﻠﺔ ﺷﻌﺮ ﺷﻤﻬﺎ ﻛﺎﻝ
.. ﺍﻓﻴﻴﻴﻴﺶ ﻳﺎ ﺭﻳﺤﺔ ﻫﻠﻲ ... ‏( ﺑﺎﻭﻋﻠﻲ ‏) ﺣﻮﺭﻳﺘﻲ ﻣﺎ ﺍﺻﺒﺮ ﺑﻌﺪ ﺑﺲ ﻳﺨﻠﺺ ﺍﺳﺒﻮﻉ ﻫﺠﺮﺱ ﺍﺧﻄﺒﺞ ﻭﺗﺼﻴﺮﻳﻦ ﺣﻼﻟﻲ ﺗﺮﻩ ﺗﻌﺒﻨﻲ ﺣﺒﺞ
ﺩﻧﻜﺖ ﺧﺠﻞ ﻛﻠﺶ ﺍﺳﺘﺤﻲ ﻣﻦ ﻛﻼﻣﻪ ﺍﺧﺬ ﺭﺍﺳﻲ ﻭﺑﺎﺱ ﻛﺼﺘﻲ ﺑﻘﻮﻩ ﻭﻫﻮ ﻳﻠﻬﺚ ﻛﺎﻝ
.. ﺍﻃﻠﻌﻲ ﻣﻦ ﻛﺪﺍﻣﻲ ﺭﻭﺣﻲ ﻳﻢ ﺍﻟﺒﻨﺎﺕ ﺑﺴﺮﻋﻪ
ﺍﻧﻲ ﻋﺮﻓﺖ ﺍﻧﻪ ﺑﻌﺪ ﻣﺎ ﻳﻜﺪﺭ ﻳﻠﺰﻡ ﻧﻔﺴﻪ ﻋﻨﻲ ﺑﺴﺮﻋﻪ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺳﺪﻳﺖ ﺍﻟﺒﺎﺏ ﻭﺭﺍﻱ ﻭﺍﻧﻲ ﺍﺣﺲ ﻗﻠﺒﻲ ﻳﺪﻙ ﺍﻟﻒ ﺑﺎﻟﺜﺎﻧﻴﻪ
ﺟﻴﻼﻥ
ﻧﺰﻟﺖ ﻟﻜﻴﺖ ﻛﻮﻣﻪ ﻧﺴﻮﺍﻥ ﻛﺎﻋﺪﺍﺕ ﺑﺎﻟﺼﺎﻟﻪ ﻛﺎﻣﻦ ﻳﻬﻠﻬﻦ ﻣﻦ ﻧﺰﻟﺖ ﺑﻮﺳﺘﻬﻦ ﻭﻟﻜﻴﺖ ﺑﺸﺮﻯ ﻫﻢ ﺟﺎﻳﻪ ﺑﻮﺳﺘﻨﻲ ﻭﺑﺎﺭﻛﺘﻠﻲ
ﻛﺎﻟﺖ ﻭﺣﺪﻩ ﻣﻨﻬﻦ
.. ﺷﻨﻬﻲ ﻫﺎﻟﺤﺴﻦ ﻫﺬﺍ ﻣﻨﻴﻠﻜﻢ ﻫﺎﻟﻤﻼﻙ
ﻛﺎﻟﺘﻠﻬﺎ ﺑﻴﺒﻲ
.. ﻋﻴﻦ ﺍﻟﻤﺎ ﺻﻠﺖ ﻉ ﺍﻟﻨﺒﻲ ﺍﻟﺤﻤﺰﻩ ﻳﻄﻔﻴﻬﺎ .. ﺷﻤﺎﻟﺞ ﻭﻳﻪ ﺍﻟﻔﺮﺧﻪ
.. ﻻ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﻣﺎ ﻣﺒﻴﻨﻪ ﻣﻨﺎ ﺣﻠﻮﻩ ﻫﺎﻟﺒﻨﻴﻪ
.. ﻫﺎﻱ ﺑﻨﻴﺔ ﻋﺪﻧﺎﻥ ﺍﻣﻬﺎ ﻣﻮﺵ ﻣﻨﺎ
.. ﻳﺎﺍﺍﺍﺍ ﺻﻠﻮﺍﺕ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ .. ﺍﻛﻠﻠﺞ ﻣﺎ ﻋﻨﺪﺝ ﺍﺧﺖ ﻻﺑﻨﻲ
ﻛﺎﻟﺖ ﺑﻴﺒﻲ
.. ﻛﻮﻣﻲ ﺑﻴﺒﻲ ﺟﻴﺒﻲ ﺍﻟﺸﺮﺑﺖ ﻟﻠﻨﺴﻮﺍﻥ .. ﺍﻟﻈﺎﻫﺮ ﺣﻠﻜﻬﺎ ﻳﺎﺑﺲ ﻣﻦ ﺍﻟﻄﺮﻳﺞ ‏( ﺍﻟﻄﺮﻳﻖ ‏)
.. ﺷﺠﺎﺝ ﻳﺎ ﺍﻡ ﺣﺴﻦ ﻫﺎﻱ ﺑﺪﺍﻝ ﻣﺎ ﺗﺸﻮﻓﻴﻦ ﻣﺮﻩ ﻻﺑﻨﻲ ﺍﺣﺴﺎﻥ
.. ﺧﺎﻳﺒﻪ ﻛﺎﻉ ﺍﻟﻠﻪ ﺟﺒﻴﺮﻩ ﻭﺭﻭﺣﻲ ﺑﺤﻮﺷﻲ ﻋﻠﻰ ﺑﺖ ﺍﻟﺤﻼﻝ ﺍﻭ ﺍﻛﻠﻠﺞ ﺍﻧﻄﻴﺞ ﻓﻄﻴﻢ ﺍﻟﺨﺒﻠﻪ ﻭﺍﻟﻌﺒﺎﺱ ﺗﺨﻠﻴﺞ ﺗﺤﻮﺷﻴﻦ ﺗﺒﻦ ﻭﺗﺎﻛﻠﻴﻦ ﻣﻦ ﺍﻟﻐﻬﺮ ﻣﻦ ﻭﺭﺍﻫﺎ
ﺟﺎﻧﺖ ﻓﻄﻮﻣﻪ ﻛﺎﻋﺪﻩ ﻛﺎﻟﺘﻠﻬﺎ
.. ﻳﺎ ﺑﻴﺒﻲ ﺻﺪﻙ ﺗﺤﺠﻴﻦ ﻫﺎﻱ ﺍﻧﻲ ﻫﻴﺞ
.. ﺍﻱ ﺑﺎﻟﻌﺒﺎﺱ ﻣﻮ ﺍﺳﻮﻟﻔﻠﻬﻢ ﻋﻠﻰ ﺩﻛﺎﻳﻜﺞ ﻭﺣﺪﻩ ﻣﺼﺨﻤﻪ ﺍﻛﺜﺮ ﻣﻦ ﺍﻟﺜﺎﻧﻴﻪ
.. ﻭﺍﻟﻌﺒﺎﺱ ﺍﺗﺒﺮﻩ ﻣﻨﻜﻢ ﺍﺷﺮﻓﻠﻲ ﺷﻨﻮ ﻣﻦ ﻭﺿﻌﻴﻪ
ﻋﺎﻓﺘﻬﺎ ﻭﻛﺎﻣﺖ ﺯﻋﻼﻧﻪ ﻛﺎﻟﺖ ﻭﺣﺪﻩ ﻣﻦ ﺍﻟﻨﺴﻮﺍﻥ
.. ﻳﺎ ﺍﻡ ﺣﺴﻦ ﺷﺠﺎﺝ ﻭﻳﺎﻫﺎ ﺑﻌﺪﻫﻲ ﺟﺎﻫﻠﻪ ﺗﻌﺮﺱ ﻭﺗﻌﻘﻞ
.. ﻫﻮ ﺍﻧﻲ ﺍﺭﻳﺪﻧﻬﺎ ﺗﻌﻘﻞ ﻗﺒﻞ ﺍﻟﻌﺮﺱ ﺟﺎ ﻣﻨﻮ ﻳﻨﻔﻜَﻬﺎ ﺗﻀﻞ ﻋﻠﻰ ﻛَﻠﺒﻲ ﻭﺗﺸﻠﻊ ﺍﻓﺎﺩﻱ
ﺿﺤﻜﻦ ﺍﻟﻨﺴﻮﺍﻥ ﻛﻤﺖ ﺭﺣﺖ ﻟﻠﻤﻄﺒﺦ ﺍﺭﻳﺪ ﺍﺟﻴﺐ ﺍﻟﻌﺼﻴﺮ ﻟﻜﻴﺖ ﻋﻤﺘﻲ ﻛﻮﺍﻛﺐ ﻭﻧﺴﻮﺍﻥ ﻛﺮﺍﻳﺒﻨﻪ ﺑﺎﻟﻤﻄﺒﺦ ﻭ ﻋﻤﺘﻲ ﻭﺍﻛﻔﻪ ﻳﻢ ﻫﺠﺮﺱ ﺑﺒﺎﺏ ﺍﻟﻤﻄﺒﺦ ﻭﺗﻜﻠﻪ
.. ﻫﺎﻱ ﺗﺎﻟﻴﺘﻬﺎ ﻳﺒﻦ ﺑﻄﻨﻲ ﺗﻨﻄﻲ ﺍﻟﻨﻴﺸﺎﻥ ﻟﺤﺒﻮﺑﺘﻚ ﻭﺗﻀﻤﻪ ﻋﻦ ﺍﻣﻚ ﺍﻟﺮﺑﺘﻚ ﺑﻌﺪﻙ ﻣﻦ ﺍﻭﻝ ﻟﻴﻠﻪ ﺗﻘﻠﺒﻚ ﻋﻠﻴﻪ
.. ﻳﻤﻪ ﺑﺮﻭﺡ ﺍﻟﺤﺴﻴﻦ ﺭﻭﺣﻲ ﻃﺎﻟﻌﻪ ﻣﻦ ﺍﻟﺼﺒﺢ ﺷﻨﻮ ﺍﻟﻔﺮﻕ ﺍﻧﺘﻲ ﻟﻮ ﺑﻴﺒﻲ ﺍﻟﻤﻬﻢ ﺍﻟﺸﻐﻠﻪ ﻓﻀﺖ ﻭﺭﺍﺣﺖ ﺍﻻ ﺗﺸﻮﻓﻴﻨﻬﺎ؟ .. ﺍﻧﻄﻴﻨﻲ ﺍﻟﺠﺎﻱ ﺧﻠﻲ ﺍﻭﻟﻲ ..
.. ﺍﻱ ﻃﺒﻌﺎ ﻣﻄﻠﻌﻪ ﺭﻭﻳﺤﺘﻚ ﺑﻌﺪﻙ ﺑﺄﻭﻝ ﺍﻳﺎﻡ ﻭﺟﺰﻋﺘﻚ ﺍﺩﺭﻱ ﺑﻴﻬﺎ ﺑﺖ ﺁﺯﺍﺩﻱ ﺑﻮﻣﻪ ﻣﺜﻞ ﺍﻣﻬﺎ
.. ﺍﻭﻫﻮﻭﻭﻭﻭﻭ .... ﻫﺎﻱ ﻣﺎ ﺗﻔﺾ ... ﺍﻛﻠﺞ ﺍﺭﻭﺡ ﺍﺷﻮﻑ ﻫﺬﺍ ﺍﻟﻌﺎﺭ ﻫﺎﺷﻢ ﻭﻳﻦ ﻭﻟﻪ ﻫﻮ ﺧﻞ ﻳﺠﻴﺒﻪ
ﺩﺧﻠﺖ ﻟﻠﻤﻄﺒﺦ ﺷﺎﻓﻨﻲ ﻫﺠﺮﺱ ﺑﻘﻪ ﻳﺒﺎﻭﻋﻠﻲ ﻟﺤﻈﺎﺕ ﻭﻟﻤﺤﺖ ﺍﺑﺘﺴﺎﻣﻪ ﺧﻔﻴﻔﻪ ﺑﺸﻔﺘﻪ ﻭﺭﺍﻫﺎ ﺍﻧﺪﺍﺭ ﻭﺭﺍﺡ ﻟﻼﺳﺘﻘﺒﺎﻝ .. ﺍﻣﻪ ﺍﻧﺪﺍﺭﺕ ﺷﺎﻓﺘﻨﻲ ﻛﺎﻟﺖ
.. ﺷﻮﻓﻲ ﻭﻟﺞ ﺍﺫﺍ ﻃﻠﻊ ﻣﺎ ﻣﺎﺧﺬﺝ ﻭﺍﻟﻌﺒﺎﺱ ﺍﻛَﻠﺐ ﺍﻟﺪﻧﻴﺎ ﻋﻠﻴﺠﺔ
.. ﻭﺍﻟﻠﻪ ﻋﻤﻪ ﺍﻋﺘﻘﺪ ﻭﺻﻠﺞ ﺍﻟﺠﻮﺍﺏ ﻣﻦ ﺍﺑﻨﺞ ﺑﻘﺖ ﻳﻤﺞ ﺗﺮﺩﻳﻦ ﺗﺼﺪﻛﻴﻨﻪ ﺍﻭ ﺗﺠﺬﺑﻴﻨﻪ ﺑﻜﻴﻔﺞ
ﺭﺣﺖ ﻟﻠﻜﻼﺻﺎﺕ ﺭﺗﺒﺘﻬﻦ ﺍﺟﺖ ﻋﻤﺘﻲ ﻛﻮﺍﻛﺐ ﺗﺴﺎﻋﺪﻧﻲ ﻛﺎﻟﺖ
.. ﻋﻤﻪ ﻻ ﺗﺮﺩﻳﻦ ﻋﻠﻰ ﻣﺮﺓ ﻋﻤﺞ ﻫﻴﺞ ﻋﻴﺐ ﺗﺒﻘﻰ ﻣﺮﻩ ﺟﺒﻴﺮﻩ ﻋﻮﻓﻴﻬﺎ ﺗﺤﺠﻲ ﻟﻮ ﻛﻠﻲ ﻟﺤﺒﻮﺑﺘﺞ ﻭﻻ ﺗﻜﻠﻴﻦ ﻟﺮﺟﻠﺞ ﻻﻥ ﻫﻲ ﺍﻣﻪ ﻭﺍﻧﺘﻲ ﻣﺮﺗﻪ ﺍﺛﻨﻴﻨﻜﻢ ﻣﺎ ﻳﻜﺪﺭ ﻳﻨﻄﻲ ﺑﻴﻜﻢ
.. ﺍﻥ ﺷﺎﺀ ﺍﻟﻠﻪ ﻋﻤﻪ
.. ﺭﻭﺣﻲ ﻫﺴﻪ ﻳﻢ ﺍﻟﻨﺴﻮﺍﻥ ﺍﻧﻲ ﺍﺻﻴﺤﻦ ﺣﻮﺭﻳﻪ ﺗﺤﻀﺮﻫﻦ
ﺭﺣﺖ ﻛﻌﺪﺕ ﻳﻢ ﺍﻟﻨﺴﻮﺍﻥ ﺟﺎﺑﺖ ﺣﻮﺭﻳﻪ ﺍﻟﻌﺼﻴﺮ ﻭﻭﺯﻋﺘﻪ ﻟﻠﻨﺴﻮﺍﻥ ﻛﺎﻟﺖ ﻭﺣﺪﻩ ﻣﻦ ﺍﻟﻨﺴﻮﺍﻥ
.. ﻳﺎ ﺻﻠﻮﺍﺕ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﻫﺎﻱ ﻣﻮﺵ ﺑﺖ ﻛﻮﺍﻛﺐ
ﻛﺎﻟﺖ ﺑﻴﺒﻲ
.. ﺍﻱ ﻫﺎﻱ ﺣﻮﺭﻳﻪ
.. ﺻﻠﻮﺍﺕ ﻛﺒﺮﺍﻧﻪ ﻭﻟﺞ ﻭﺻﺎﻳﺮﻩ ﻣﺮﻩ ﻣﺎﻝ ﺍﺧﻄﺒﻨﺞ ﻻﺑﻨﻲ
.. ﻻ ﻋﻴﻨﻲ ﺣﻮﺭﻳﻪ ﺣﺎﺟﺰﻳﻬﺎ ﻟﻬﻮﻳﺸﻢ .. ﺧﻴﻪ ﺷﻨﻬﻲ ﺍﺷﻮ ﺍﻧﺘﻲ ﺣﺎﻃﻪ ﻋﻴﻨﺞ ﻋﻠﻰ ﺣﻼﻟﻨﻪ .. ﺍﺫﺍ ﺗﺮﺩﻳﻠﺞ ﻣﺮﻩ ﻻﺑﻨﺞ ﺍﻟﻤﻨﻐﻮﻟﻲ ﻣﺎ ﻋﺪﻧﻪ ﻏﻴﺮ ﺍﻟﺨﺒﻠﻪ ﻓﻄﻴﻢ ﺍﺧﺬﻳﻬﺎ ﻭﺧﻠﺼﻴﻨﻪ ﻣﻨﻬﺎ
.. ﻻ ﺧﻴﻪ ﻓﻄﻴﻢ ﻣﺎ ﺗﻔﻴﺪﻳﻨﻲ
ﻭﺿﺤﻜﺖ ﻭﻛﺎﻣﺖ ﻭﻛﺎﻣﻦ ﺍﻟﻨﺴﻮﺍﻥ ﻭﻳﺎﻫﺎ ﺍﻧﻄﻦ ﻟﺒﻴﺒﻲ ﻭﺍﺟﺐ ﻭﺍﻟﻲ ﻭﻃﻠﻌﻦ
ﺑﻬﺎﻻﺛﻨﺎﺀ ﺍﺟﺖ ﻓﻄﻮﻡ ﻟﺒﻴﺒﻲ
.. ﺿﺎﻭﻳﻪ ﻭﺍﻟﻌﺒﺎﺱ ﺍﺫﺍ ﻣﺎ ﺑﻄﻠﺘﻲ ﺳﺎﻟﻔﺔ ﺍﻟﺨﺒﻠﻪ ﻛﺪﺍﻡ ﺍﻟﻨﺴﻮﺍﻥ ﺍﻋﻮﻓﻠﺞ ﺍﻟﺒﻴﺖ ﻭﺍﻫﺞ
ﺑﻴﺒﻲ ﺷﻤﺮﺕ ﺍﻟﻌﺼﺎ ﻣﺎ ﻭﻛﻌﺖ ﺑﻴﻬﺎ
.. ﻳﺎ ﺍﻟﺒﺎﻳﺮﻩ ﺗﺮﺩﻳﻦ ﺗﻬﺠﻴﻦ ﻭﺗﻔﻀﺤﻴﻨﻪ .. ﻭﻳﺎﻣﻦ ﺗﺮﺩﻳﻦ ﺗﻨﻬﺒﻴﻦ
.. ﺑﻴﺒﻲ ﻣﻮ ﻭﻳﻪ ﺍﺣﺪ ﺑﺲ ﻭﺍﻟﻠﻪ ﺧﺮﻗﺘﻴﻬﺎ ﺷﻨﻮ ﺗﻜﻮﻟﻴﻠﻬﻦ ﺑﺲ ﻓﻄﻴﻢ ﺍﻟﺨﺒﻠﻪ ﻋﺪﻧﻪ ﺗﻌﺎﻟﻮ ﺍﺧﺬﻭﻫﺎ
.. ﻭﻟﺞ ﺍﺫﺍ ﺍﻧﺘﻲ ﺳﻮﺩﻧﺘﻴﻨﻲ ﺷﺮﺩﺗﻲ ﺍﻟﺰﻟﻢ ﻳﺎﻫﻮ ﺍﻟﻴﺠﻴﺞ ﻣﺎ ﺗﺮﺿﻴﻦ ﺑﻴﻪ ﺍﻟﻤﻦ ﻣﺘﺎﻧﻴﻪ
.. ﻣﺎ ﻣﺘﺎﻧﻴﻪ ﺍﺣﺪ ﻭﻻ ﺍﺭﻳﺪ ﺍﻋﺮﺱ ﻭﻻ ﺍﺭﻳﺪ ﺍﺣﺠﻲ ﻭﻳﺎﺝ ﺑﻌﺪ ﻟﻬﻨﺎ ﻭﺗﻨﺘﻬﻲ ﻋﻼﻗﺘﻲ ﺑﻴﺞ ﺑﻴﺒﻲ
.. ﺍﻱ ﻣﻮ ﺍﻧﺎ ﺭﺟﻠﺞ ﺑﺖ ﺍﻟﻘﻨﺪﺭﻩ ﺍﺭﻳﺪ ﺍﺷﻮﻓﻦ ﺷﻠﻮﻥ ﺗﻨﻬﻴﻬﺎ
ﺑﻬﺎﻻﺛﻨﺎﺀ ﺩﺧﻠﻮﺍ ﺍﻟﺰﻟﻢ ﺟﺪﻭ ﻭﺑﺎﺑﺎ ﻭﻫﺎﺷﻢ ﻭﺷﺎﻓﻮﺍ ﺍﻟﻌﺮﻛﻪ ﻛﺎﻝ ﺟﺪﻭ
.. ﻫﺎ ﻫﺎ ﺷﻜﻮ ﺷﺼﺎﻳﺮ
ﻛﺎﻟﺖ ﻓﻄﻮﻣﻪ
.. ﺟﺪﻱ ﺗﺮﺿﻪ ﺑﻴﺒﻲ ﺗﻜﻞ ﻟﻠﻨﺴﻮﺍﻥ ﻣﺎ ﻋﻨﺪﻩ ﻏﻴﺮ ﻫﺎﻱ ﺍﻟﻤﺨﺒﻠﻪ ﻓﻄﻴﻢ ﺍﺧﺬﻭﻫﺎ ﻭﺧﻠﺼﻮﻧﻲ ﻣﻨﻬﺎ
.. ﻻ ﺍﻡ ﺣﺴﻦ ﻟﻴﺶ ﻫﻴﺠﻲ ﻫﻲ ﺍﻛﻮ ﺍﺣﻠﻰ ﻣﻦ ﻓﻄﻮﻣﻪ ﺍﺣﻨﻪ ﻣﺎ ﻧﻨﻄﻴﻬﺎ ﻧﺮﻳﺪ ﻭﺍﺣﺪ ﻳﻘﺪﺭﻫﺎ ﻭﺑﻌﺮﻑ ﺛﻤﻨﻬﺎ ﻻﻧﻬﺎ ﻏﺎﻟﻴﻪ
.. ﺷﻔﺘﻲ ﺿﺎﻭﻳﻪ ﺗﻌﻠﻤﻲ ﺷﻮﻳﻪ ﺍﻟﻜﻼﻡ ﺍﻟﺤﻠﻮ ﻣﻦ ﺟﺪﻭ ﻟﻮ ﺑﺲ ﺿﺎﻟﻪ ﻓﺸﺎﻳﺮ ﻭﻏﻠﻂ
ﺷﺎﻟﺖ ﺍﻟﺪﻭﻟﻜﻪ ﺍﻟﻔﺎﻓﻮﻥ ﻣﺎﻝ ﺍﻟﻤﻲ ﺍﻟﻴﻤﻬﺎ ﻭﺭﻛﻌﺖ ﻓﺎﻃﻤﻪ ﺑﺮﺟﻠﻴﻬﺎ ﻭﻫﺎﻱ ﺻﺮﺧﺖ
.. ﺍﺍﺍﺍﺍﺍﺍﺍﻱ ﺍﺣﺘﺮﻛﺖ ﻓﺎﻃﻤﻪ ﻭﺧﻠﺼﺖ ﻣﻦ ﻫﺎﻟﻌﻴﺸﻪ ﻭﻳﻪ ﺿﺎﻭﻳﻪ ﻭﺍﻟﻠﻪ ﺍﻻ ﺍﻫﺞ ﻭﺍﻋﻮﻓﻠﺞ ﺍﻟﺒﻴﺖ
.. ﺍﻡ ﺷﺨﻪ ﺗﻌﻠﻤﻨﻲ ﺗﺎﻟﻲ ﻋﻤﺮﻫﺎ ﺍﺫﺍ ﻣﺎ ﺍﺭﺑﻴﺞ ﻣﻦ ﺟﺪﻳﺪ ﻣﺎ ﺍﺗﺴﻤﻪ ﺿﺎﻭﻳﻪ
ﺿﺤﻜﻨﻪ ﻭﻓﻄﻮﻣﻪ ﺭﺍﺣﺖ ﺯﻋﻼﻧﻪ ﻟﻐﺮﻓﺘﻬﺎ ﺍﺟﻪ ﺟﺪﻭ ﻭﻃﻠﻊ ﻣﻦ ﺟﻴﺐ ﻇﺮﻑ ﺣﺎﻁ ﺑﻴﻪ ﻓﻠﻮﺱ ﻛﺎﻝ
.. ﺟﺪﻱ ﺟﻴﻼﻥ ﻫﺎﻱ ﺻﺒﺎﺣﻴﺔ ﻋﺮﺳﺞ ﻣﻨﻲ ﻭﻣﻦ ﻋﻤﺞ ﺣﺴﻦ ﺻﺢ ﻫﻲ ﻗﻠﻴﻠﻪ ﺑﺲ ﺍﻥ ﺷﺎﺀ ﺍﻟﻠﻪ ﺍﻧﺘﻲ ﺑﻨﻴﺘﻨﻪ ﻭﻣﻮﺵ ﻏﺮﻳﺒﻪ
.. ﺟﺪﻭ ﺍﻧﻲ ﻳﻜﻔﻲ ﺍﻧﺘﻮ ﺑﺤﻴﺎﺗﻲ ﻭﺳﺎﻧﺪﻳﻦ ﺑﺎﺑﺎ ﺑﻤﺤﻨﺘﻪ ﻭﻣﺎ ﻋﻔﺘﻮﻧﻪ ﺑﺸﺪﺗﻨﻪ ﻫﺎﻱ ﻋﻨﺪﻱ ﺗﺴﻮﻯ ﻓﻠﻮﺱ ﺍﻟﺪﻧﻴﺎ
ﺍﺑﺘﺴﻤﻠﻲ ﺑﺎﺑﺎ ﺍﻧﻲ ﺩﻣﻌﺖ ﻋﻴﻮﻧﻲ
ﺟﺪﻭ ﺑﺎﺳﻨﻲ ﻭﻛﺎﻝ
.. ﻫﻮ ﺍﺑﻨﻲ ﺑﭽﺮﻱ ﻭﺍﻧﺘﻲ ﺑﻨﻴﺘﻪ ﻭﺣﻴﺪﺗﻪ ﻭﻣﻌﺰﺗﺞ ﻣﻦ ﻣﻌﺰﺗﻪ
ﺍﺧﺬﺕ ﺍﻟﻈﺮﻑ ﻣﻨﻪ ﻭﺗﺸﻜﺮﺗﻪ ﻛﺎﻝ ﺑﺎﺑﺎ
.. ﺍﻧﻲ ﺭﺍﻳﺢ ﺍﻧﻄﺮﺡ ﺷﻮﻳﻪ ﻣﻦ ﺭﺧﺼﺘﻜﻢ ﺗﻌﺒﺎﻥ ﻻ ﺗﻜﻌﺪﻭﻧﻲ ﻟﻠﻐﺪﺍ ﺷﻮﻛﺖ ﻣﺎ ﺍﻛﻌﺪ ﺍﺗﻐﺪﻩ
ﺭﺍﺡ ﻟﻠﻐﺮﻓﻪ ﺭﺣﺖ ﻭﺭﺍﻩ ﻟﻜﻴﺘﻪ ﻣﻨﻄﺮﺡ ﺑﻔﺮﺍﺷﻪ ﻓﺘﺢ ﻋﻴﻮﻧﻪ ﺷﺎﻓﻨﻲ ﺭﺟﻊ ﻏﻤﺾ ﻛﺘﻠﻪ
.. ﺣﺒﻴﺒﻲ ﺍﻛﻮ ﺷﻲ ﻳﻮﺟﻌﻚ
.. ﻻ ﻳﺎ ﻋﻤﺮﻱ ﺑﺲ ﻧﺤﻼﻥ ﺍﺭﻳﺪ ﺍﻧﺎﻡ
.. ﺑﻠﻌﺖ ﺩﻭﺍﻙ
.. ﻻ
ﺭﺣﺖ ﺟﺒﻠﺘﻪ ﺍﻟﻤﻲ ﻭﺍﻟﺪﻭﻩ ﻭﻏﻄﻴﺘﻪ ﻭﺑﻘﻴﺖ ﻛﺎﻋﺪﻩ ﻳﻢ ﺭﺍﺳﻪ ﺍﺑﺎﻭﻉ ﻟﻮﺟﻬﻪ ﺑﻴﻪ ﻣﻌﺎﻧﻲ ﺍﻟﻢ ﺑﺲ ﺍﺩﺭﻱ ﺑﻴﻪ ﺩﺍ ﻳﻜﺎﺑﺮ ﻭﻣﺎ ﻳﻘﺒﻞ ﻳﺤﺠﻴﻠﻲ ﺑﻘﻴﺖ ﺍﻣﺴﺢ ﻉ ﺭﺍﺳﻪ ﺷﻮﻳﻪ ﻫﺪﺃ ﺑﺎﻭﻋﺖ ﻻﻳﺪﻱ ﻭﺍﻧﻲ ﺍﻣﺴﺢ ﻉ ﺷﻌﺮﻩ ﻟﻜﻴﺖ ﻗﻄﻌﻪ ﻣﻦ ﺷﻌﺮﻩ ﺻﺎﺭﺕ ﺑﺄﻳﺪﻱ ﻧﺰﻟﺖ ﺩﻣﻮﻋﻲ ﻭﺑﻘﻴﺖ ﺍﺑﺠﻲ ﺑﺼﻮﺕ ﺿﻌﻴﻒ ﻳﻤﻪ ﺣﺘﻰ ﻣﺎ ﻳﺴﻤﻌﻨﻲ
ﻣﺎ ﺗﺤﻤﻠﺖ ﺍﻛﺜﺮ ﻃﻠﻌﺖ ﻣﻦ ﺍﻟﻐﺮﻓﻪ ﻣﺎﻝ ﺑﺎﺑﺎ ﻭﺭﻛﻀﺖ ﻟﻐﺮﻓﺘﻲ ﻭﺍﻧﻲ ﺍﺑﺠﻲ ﺩﺧﻠﺖ ﻭﺫﺑﻴﺖ ﻧﻔﺴﻲ ﻉ ﺍﻟﺠﺮﺑﺎﻳﻪ ﻭﺣﻄﻴﺖ ﺷﻌﺮﻩ ﻉ ﺧﺸﻤﻲ ﻭﺍﺑﺠﻲ ﺑﺼﻮﺕ ﻗﻮﻱ ﺑﻬﺎﻻﺛﻨﺎﺀ ﺍﻧﻔﺘﺤﺖ ﺍﻟﺒﺎﺏ ﻭﺍﺟﺖ ﻓﻄﻮﻣﻪ ﺗﺮﻛﺾ
.. ﺟﻮﻟﻲ ﺣﺒﻴﺒﺘﻲ ﺷﺒﻴﺞ
ﻣﺎ ﺟﻨﺖ ﺍﻛﺪﺭ ﺍﺟﺎﻭﺑﻬﺎ ﺑﺲ ﺍﺑﺠﻲ ﻭﻛﻮﻩ ﺍﺷﻬﻚ ﻫﻲ ﺭﻛﻀﺖ ﻧﺰﻟﺖ ﺍﻟﺪﺭﺝ ﻭﺭﻩ ﺩﻗﺎﻳﻖ ﺍﺟﻪ ﻫﺠﺮﺱ ﻳﺮﻛﺾ ﻫﻮ ﻭﻓﺎﻃﻤﻪ ﻭﻋﻤﺘﻲ ﻛﻮﺍﻛﺐ ﻭﺣﻮﺭﻳﻪ ﻭﺭﺍﻩ
ﺣﻂ ﺍﻳﺪﻩ ﻉ ﺭﺍﺳﻲ
.. ﺟﻴﻼﻥ ﺷﺒﻴﺞ ﺷﻮ ﺑﺎﻭﻋﻴﻠﻲ
ﻛﺎﻟﺖ ﻋﻤﺘﻲ
.. ﻋﻤﻪ ﺑﺮﻭﺡ ﺍﻟﺤﺴﻴﻦ ﻻ ﺗﻮﻛﻌﻴﻦ ﻛًﻠﻮﺑﻨﻪ ﺷﻤﺎﻟﺞ
ﻣﺎ ﺟﺎﻭﺑﺘﻬﻢ ﺑﺲ ﺍﺑﺠﻲ ﻭﺍﺳﻤﻊ ﺻﻮﺕ ﺑﻴﺒﻲ ﻣﻦ ﺟﻮﻩ ﺗﺼﺎﻳﺤﻬﻢ ﺗﺮﻳﺪ ﻭﺍﺣﺪ ﻳﺠﺎﻭﺑﻬﺎ ﻛﺎﻝ ﻫﺠﺮﺱ
.. ﻋﻤﻪ ﻣﻦ ﺭﺧﺼﺘﺞ ﺍﺧﺬﻱ ﺍﻟﺒﻨﺎﺕ ﻭﻃﻠﻌﻲ ﻫﺴﻪ ﺍﻋﺮﻑ ﺷﺒﻴﻬﺎ ﻳﺠﻮﺯ ﻣﺎ ﺗﻜﺪﺭ ﺗﺤﺠﻲ ﻛﺪﺍﻣﺠﻦ
.. ﺍﻱ ﻋﻤﻴﻤﻪ .. ﻳﻠﻪ ﻳﻤﻪ ﺍﻣﺸﻦ
ﻃﻠﻌﻦ ﻭﺳﺪﻥ ﺍﻟﺒﺎﺏ ﻭﺍﻧﻲ ﺍﺑﺠﻲ ﺷﺎﻟﻨﻲ ﻣﻦ ﺍﻟﺠﺮﺑﺎﻳﻪ ﻭﺿﻤﻨﻲ ﻟﺼﺪﺭﻩ ﻭﺍﻧﻲ ﺍﻧﺎﺷﻎ
.. ﺟﻴﻼﻥ ﺷﻮ ﺑﺎﻋﻴﻠﻲ ... ﺷﺒﻴﺞ ﺭﻭﻳﺤﺘﻲ ..... ﻻ ﺗﺨﻮﻓﻴﻨﻲ ﻋﻠﻴﺞ
ﺍﻧﻲ ﺍﺭﻳﺪ ﺍﺟﺎﻭﺑﻪ ﻣﺎ ﺍﻛﺪﺭ ﺑﺲ ﺍﺷﻬﻚ ﻭﺍﻟﺪﻣﻮﻉ ﺗﺠﺮﻱ ﺑﻠﻠﺖ ﺩﺷﺪﺍﺷﺘﻪ ﻫﻮ ﺑﻘﻪ ﻳﻤﺴﺢ ﻉ ﺷﻌﺮﻱ ﻭﻳﻘﺮﻩ ﻗﺮﺁﻥ ﻉ ﺭﺍﺳﻲ ﺣﺘﻰ ﺍﻫﺪﺃ ﺷﻮﻳﻪ ﺷﻮﻳﻪ ﺑﺪﻳﺖ ﺍﺳﺘﺮﺧﻲ ﺑﺤﻀﻨﻪ ﻭﺟﺴﻤﻲ ﻧﺤﻞ ﻭﻋﻴﻮﻧﻲ ﻧﻌﺴﻦ ﻏﻔﻴﺖ ﺑﺤﻀﻨﻪ ﻭﺍﻧﻲ ﻣﺎ ﺍﺩﺭﻱ
💕mariam