حب هجرسي (مكتمله)

16*17

بارت١٦

.. ﻟﻴﺶ ﺷﺒﻴﻪ ﻟﺒﺴﻲ ؟
.. ﺑﺎﺑﺎ ﻟﺒﺴﺞ ﻛَﺼﻴﺮ ﻳﺒﻴﻦ ﻣﻦ ﺟﻮﻩ ﺍﻟﻌﺒﺎﻳﻪ ﻟﺒﺴﻲ ﺷﻲ ﻓﻮﻛﺎﻩ
.. ﺷﻨﻮ ﺍﻟﺒﺲ ﺷﻲ ﻓﻮﻛﺎﻩ . ﻟﻌﺪ ﻋﻠﻰ ﺷﻨﻮ ﻻﺑﺴﺘﻪ
.. ﺟﻮﻟﻲ ﻋﻴﻮﻧﻲ ﺑﻴﺖ ﻋﻤﺘﻲ ﻋﺪﻫﻢ ﻭﻟﺪ ﻫﻨﺎﻙ ﻭﺍﻟﻌﺒﺎﻳﻪ ﺍﺻﻼ ﺧﻔﻴﻔﻪ ﻳﻌﻨﻲ ﻳﺒﻴﻨﻦ ﺭﺟﻠﻴﺞ ﻣﻨﻬﻦ
ﺍﻧﻲ ﺍﻧﺼﺪﻣﺖ
.. ﻫﺎﻱ ﺻﺪﻙ ﺗﺤﺠﻲ ﺷﻨﻮ ﻗﺎﺑﻞ ﻋﺪﻫﻢ ﺳﻮﻧﺎﺭ ... ﺍﺣﻨﻪ ﻧﻄﺐ ﻭﻧﻜﻌﺪ
.. ﻫﺴﻪ ﻳﺎ ﻋﻴﻨﻲ ﻗﺎﺑﻞ ﻋﻤﺘﻲ ﻛﻮﺍﻛﺐ ﻏﺮﻳﺒﻪ ﻟﻮ ﺣﻮﺭﻳﻪ ﻭﻻﺑﺴﻪ ﻫﻴﺞ ... ﺍﻟﺒﺴﻲ ﻫﺴﻪ ﺷﻲ ﻃﻮﻳﻞ ﻫﻮ ﺍﻧﺘﻮ ﺭﺍﻳﺤﻴﻦ ﺧﻄﻮﺑﻪ ﻧﺴﻮﺍﻥ ﻳﻌﻨﻲ ﻣﻮ ﺣﻔﻠﻪ ﻭﺧﻠﻲ ﻟﺒﺴﺞ ﻫﺬﺍ ﻏﻴﺮ ﻣﺮﻩ ﺍﻟﺒﺴﻴﻪ
ﺍﻧﻲ ﺻﺪﻙ ﺣﺴﻴﺖ ﺍﻟﻨﺎﺭ ﻛَﺒﺖ ﻋﻄﺖ ﺑﻴﻪ
.. ﺻﺪﻙ ﺗﺤﺠﻲ ﻭﺍﻟﻠﻪ ﻛﺮﻫﺘﻨﻲ ﺑﺤﻴﺎﺗﻲ ﻻ ﺗﻠﺒﺴﻴﻦ ﻭﻻ ﺗﻄﻠﻌﻴﻦ ﻭﺍﻟﺒﺴﻲ ﻫﺬﺍ ﻭﻻ ﺗﻠﺒﺴﻴﻦ ﺫﺍﻙ ﻛﺎﻓﻲ ... ﺣﺘﻰ ﺍﻟﻠﺒﺲ ﻛﻤﺖ ﺗﻠﺒﺴﻨﻲ ﻉ ﺫﻭﻗﻚ ﺟﺰﻋﺘﻨﻲ
.. ﺣﺴﺞ ﻧﺼﻴﻪ
.. ﻣﺎ ﺍﻧﺼﻴﻪ ﻛﺎﻓﻴﻴﻴﻲ ﺟﺰﻋﺘﻨﻴﻴﻴﻴﻲ
ﻧﺰﻋﺖ ﺍﻟﺜﻮﺏ ﻭﺷﻜَﻴﺘﻪ ﻭﻛﻤﺖ ﺍﻧﺰﻉ ﺑﺎﻻﻛﺴﺴﻮﺍﺭﺍﺕ ﻭﺍﺑﺠﻲ ﻭﺍﺻﻴﺢ ﻭﺍﺫﺏ ﺑﺎﻟﻜﺎﻉ ﻭﻧﺰﻋﺖ ﺍﻟﺤﺬﺍﺀ ﺷﻤﺮﺗﻬﺎ ﻉ ﺍﻟﻜﻨﺘﻮﺭ ﺑﻜﻞ ﻗﻮﺗﻲ ﻭﺻﺤﺖ
.. ﺍﺍﺍﺍﺍﺍﺍﺍﺍﺍﺍﺍﺍﺍﺥ ﻳﺎ ﺭﺑﻲ ﺗﻌﺒﺒﺒﺒﺒﺒﺒﺖ
ﺍﺟﻪ ﺣﻂ ﺍﻳﺪﻩ ﻉ ﺣﻠﻜﻲ ﻭﻛﺎﻝ
.. ﺍﺷﺸﺸﺸﺶ ﻛﺎﻓﻲ ﻋﻤﻲ ﻃﺒﺞ ﻃﻮﺏ ﻋﺴﻰ ﻣﺎ ﺗﻄﻠﻌﻴﻦ ﻣﺼﻠﺨﻪ ﺑﺲ ﻛﺎﻓﻲ
ﺩﻓﻌﺘﻪ ﻭﻛﺘﻠﻪ
.. ﻭﺧﺮ ﻋﻨﻲ
ﻟﺰﻡ ﺣﻨﺠﻲ ﺣﻴﻞ ﻭﻛﺎﻝ
.. ﻭﻭﺟﻊ ﺷﺒﻴﺠﺠﺠﺠﺠﺞ .... ﺍﻧﻲ ﺻﻮﺟﻲ ﻣﺤﺘﺮﻣﺞ
ﻋﺎﻓﻨﻲ ﻭﺿﺮﺏ ﺍﻟﻤﻴﺰ ﻣﺎﻝ ﺍﻟﺠﺮﺑﺎﻳﻪ ﺑﺮﺟﻠﻪ ﻛَﻠﺒﻪ ﻭﻟﺒﺲ ﺩﺷﺪﺍﺷﺘﻪ ﻭﺍﺧﺬ ﻣﻔﺎﺗﻴﺢ ﺍﻟﺴﻴﺎﺭﻩ ﻭﻃﻠﻊ
ﻛﻌﺪﺕ ﺑﻤﻜﺎﻧﻲ ﻛﻤﺖ ﺍﺑﺠﻲ ﺍﺑﺎﻭﻉ ﻟﺮﻭﺣﻲ ﺑﺎﻗﻴﻪ ﺑﺎﻟﺪﺍﺧﻠﻴﺎﺕ ﻛﺪﺍﻣﻪ ﻭﻣﺎ ﺣﺴﻴﺖ ﻋﻠﻰ ﻧﻔﺴﻲ ﺑﻘﻴﺖ ﺍﺑﺠﻲ ﺑﺎﻟﻐﺮﻓﻪ
ﺍﺟﺖ ﻓﻄﻮﻣﻪ ﻛﺎﻟﺖ
.. ﻫﺎ ﺟﻮﻝ .......
ﺗﻔﺎﺟﺄﺕ ﺑﺎﻟﺼﺎﻳﺮ ﺑﻴﻪ ﻭﺑﺎﻟﻐﺮﻓﻪ ﺍﺟﺖ ﻣﺨﺘﺮﻋﻪ
.. ﻳﺎ ﻫﺎﻱ ﺷﺒﻴﺞ ﻭﻟﺞ ...
ﻛﺘﻠﻬﺎ ﻭﺍﻧﻲ ﺍﺑﺠﻲ
.. ﻣﺎ ﺑﻴﻪ ﺷﻲ ... ﻛﻮﻟﻴﻠﻬﻢ ﺟﻴﻼﻥ ﻣﺎ ﺗﺮﻭﺡ ﻋﺪﻫﺎ ﺷﻐﻠﻪ ﻭﻻ ﺗﻜﻮﻟﻴﻠﻬﻢ ﻟﻜﻴﺘﻬﺎ ﺗﺒﺠﻲ ﺍﻓﺘﻬﻤﺘﻲ
.. ﻭﺍﺫﺍ ﻛﺎﻟﺖ ﺑﻴﺒﻲ ﺷﻨﻮ ﺍﻟﺸﻐﻠﻪ
.. ﻛﻮﻟﻴﻠﻬﺎ ﻫﻲ ﻭﻫﺠﺮﺱ .. ﺍﻣﺸﻲ ﻓﺎﻃﻤﻪ ﻻ ﺗﺨﻠﻴﻨﻲ ﺍﻃﻠﻊ ﺣﺮﻛَﺔ ﺍﺧﻮﺝ ﺑﻴﺞ
ﻫﻲ ﺧﺎﻓﺖ ﻋﺎﻓﺘﻨﻲ ﻭﻃﻠﻌﺖ ﺍﻧﻲ ﻛﻤﺖ ﻭﺭﺍﻫﺎ ﻗﻔﻠﺖ ﺍﻟﺒﺎﺏ ﻟﺒﺴﺖ ﺗﺮﺍﻙ ﻭﻋﺪﻟﺖ ﺍﻟﻐﺮﻓﻪ ﻭﻟﻤﻠﻤﺖ ﺍﻟﻐﺮﺍﺽ ﻭﺭﺣﺖ ﺍﻧﻄﺮﺣﺖ ﺑﺎﻟﻔﺮﺍﺵ ﻭﺍﺑﺠﻲ mariam-almusawi
ﻓﺠﺄﻩ ﺣﺴﻴﺖ ﺍﻟﺒﺎﺏ ﺗﻨﺪﻙ ﻛﻠﺖ
.. ﻣﻨﻮ ....
.. ﺍﻧﻲ ﺑﺎﺑﺎﺗﻲ ﺍﻓﺘﺤﻲ
ﻋﺰﻩ ﻫﺬﺍ ﺑﺎﺑﺎ ﻛﻤﺖ ﻣﺴﺤﺖ ﻭﺟﻬﻲ ﻉ ﺍﻟﺴﺮﻳﻊ ﻭﻋﺪﻟﺖ ﻧﻔﺴﻲ ﺣﺘﻪ ﻣﺎ ﺍﺑﻴﻦ ﺑﺎﺟﻴﻪ ﻭﺭﺣﺖ ﻓﺘﺤﺘﻠﻪ ﺍﻟﺒﺎﺏ ﻭﺍﺑﺘﺴﻤﺖ
.. ﻫﻠﻮ ﺣﺒﻴﺒﻲ
.. ﺷﺒﻴﺞ ﺣﺒﻴﺒﻲ؟ ﻓﻄﻮﻡ ﻛﺎﻟﺖ ﻣﺎ ﺗﺮﻭﺡ ﻭﻳﺎﻧﻪ ﻻﻥ ﺗﻌﺒﺎﻧﻪ ﺷﻮﻳﻪ
.. ﺍﻱ ﻭﺍﻟﻠﻪ ﺑﺎﺑﺎ ﺭﺍﺳﻲ ﺷﻮﻳﻪ ﻣﺎ ﺍﻋﺮﻑ ﺷﺒﻴﻪ
.. ﺷﺒﻴﺞ ﺣﺒﻴﺒﺘﻲ ﺍﺧﺬﺝ ﻟﻠﻄﺒﻴﺐ ؟
.. ﻻ ﻳﺎ ﺭﻭﺣﻲ ﻳﻤﻜﻦ ﻣﻌﻮﺯﻩ ﻧﻮﻡ ﺻﺎﻳﺮ ﻧﻮﻣﻲ ﻣﺨﺮﺑﻂ ﻫﺎﻟﻤﺪﻩ ﻻﻥ ﺗﻐﻴﺮ ﻋﻠﻴﻪ ﺍﻟﻤﻜﺎﻥ ﺟﻨﺖ ﻣﺘﻌﻮﺩﻩ ﻋﻠﻰ ﻏﺮﻓﺘﻲ ﻭﻓﺮﺍﺷﻲ ﻓﺠﺎﻱ ﻛﺎﻡ ﻳﺼﻴﺮ ﻋﻨﺪﻱ ﺍﺭﻕ
ﺭﻭﺣﻲ ﺑﺎﺑﺎ ﻧﺎﻣﻴﻠﺞ ﺷﻮﻳﻪ ﻣﺎ ﻋﻨﺪﺝ ﻏﻴﺮ ﺍﻟﻌﺎﻓﻴﻪ
.. ﺍﻟﻠﻪ ﻳﻌﺎﻓﻴﻚ ﻳﺎ ﺭﻭﺣﻲ .. ﻣﺤﺘﺎﺝ ﻣﻨﻲ ﺷﻲ ؟
.. ﺳﻼﻣﺘﺞ ﺣﺒﻴﺒﺘﻲ
ﻋﺎﻓﻨﻲ ﻭﻃﻠﻊ ﻭﺍﻧﻲ ﺳﺪﻳﺖ ﺍﻟﺒﺎﺏ ﻭﺭﺍﻩ ﻭﺭﺟﻌﺖ ﺑﻔﺮﺍﺷﻲ ﻛﻤﺖ ﺍﺑﺠﻲ ﻟﻤﻦ ﺗﻌﺒﺖ ﻭﻧﻤﺖ
ﻭﺭﻩ ﻣﺪﻩ ﻣﺎ ﺍﻋﺮﻑ ﺷﻜﺪ ﺣﺴﻴﺖ ﺑﺸﻲ ﻳﻤﺴﺢ ﻉ ﺷﻌﺮﻱ ﻋﺮﻓﺘﻪ ﻫﻮ ﻣﺎ ﻓﺘﺤﺖ ﻋﻴﻮﻧﻲ ﻛﺎﻝ ﺑﺼﻮﺕ ﺗﻌﺒﺎﻥ ﻭﻣﻘﻬﻮﺭ
.. ﺍﺩﺭﻱ ﺑﻴﺞ ﻛﺎﻋﺪﻩ ... ﻟﻴﺶ ﻫﻴﺠﻲ ﺟﻴﻼﻥ ؟ .... ﻟﻴﺶ ﻛﻠﺸﻲ ﺗﺴﻮﻳﻬﺎ ﻣﺸﻜﻠﻪ ... ﻳﻌﻨﻲ ﺑﺸﺮﻓﺞ ﺍﻧﻲ ﻃﻠﺒﺖ ﻣﻨﺞ ﻃﻠﺐ ﺗﻐﻴﺮﻳﻦ ﺍﻟﺜﻮﺏ ﻻ ﺟﺒﺮﺗﺞ ﻭﻻ ﻏﺼﺒﺘﺞ ﻟﻴﺶ ﻋﺼﺒﺘﻲ ﻭﻛﻤﺘﻲ ﺗﻌﻴﻄﻴﻦ ﻭﺳﻮﻳﺘﻬﺎ ﻋﺮﻛﻪ ﺗﺴﻮﻩ ؟؟ ..... ﻟﻮ ﻛﺎﻳﻠﺘﻠﻲ ﻣﺎ ﺍﻛﺪﺭ ﺍﻟﺒﺲ ﺷﻲ ﻓﻮﻛﺎﻫﺎ ﺑﺲ ﻭﺻﻠﻨﻪ ﺍﻧﺖ ﻟﺒﻴﺖ ﻋﻤﺘﻲ ﻭﺍﻟﻠﻪ ﻣﺎ ﺍﻛﻮﻝ ﺷﻲ ... ﻣﺎ ﻳﺼﻴﺮ ﺗﺤﺠﻴﻠﺞ ﺣﺠﺎﻳﻪ ﻃﻴﺒﻪ ؟ .. ﺗﻤﻨﻴﺘﺞ ﺗﺤﺠﻴﻬﺎ ... ﻛﻞ ﻫﺎﻟﻐﻴﺮﻩ ﻭﺍﻟﺤﺐ ﻣﻮ ﺑﻌﻴﻨﺞ ..... ﻭﺍﻟﻠﻪ ﻃﻠﻌﺖ ﻣﻨﺎ ﻭﻧﺎﺭ ﺑﺼﺪﺭﻱ ﻣﺎ ﺍﻋﺮﻑ ﻭﻳﻦ ﺍﻧﻄﻲ ﻭﺟﻬﻲ ﻣﺎ ﺧﻠﻴﺖ ﻭﺍﺣﺪ ﻣﺎ ﺷﺘﻤﺘﻪ ﻣﻦ ﻭﺭﺍﺝ .... ﺗﺮﻩ ﺗﻌﺒﺖ ﻣﻦ ﺍﺳﻠﻮﺑﺞ ﺍﻟﺠﺎﻑ ﻭﺍﻟﻌﻨﺎﺩ ﻣﺎﻟﺘﺞ ... ﺍﻧﻲ ﺭﺟﺎﻝ ﺗﺰﻭﺟﺖ ﺣﺘﻰ ﺍﺭﺗﺎﺡ ﻭﻣﺎ ﺣﺎﺭﻣﺞ ﻣﻦ ﺷﻲ ... ﻛﻞ ﺍﻟﻠﻲ ﺗﺮﻳﺪﻳﻪ ﻳﺠﻲ ﻛﺪﺍﻣﺞ ﻭﻣﺎ ﺍﻧﻄﻲ ﺑﻴﺞ ﻛﺪﺍﻡ ﺍﺣﺪ ﺣﺘﻰ ﺣﻘﻮﻗﻲ ﺍﻟﺸﺮﻋﻴﻪ ﺗﻨﺎﺯﻟﺖ ﻋﻨﻬﺎ ﻟﺨﺎﻃﺮﺝ ﻭﻛﻠﺖ ﺧﻠﻴﻬﺎ ﻋﻠﻰ ﺭﺍﺣﺘﻬﺎ ﺗﺘﻘﺒﻠﻨﻲ ﻳﻠﻪ ﺍﺗﺪﻧﺎﻟﻬﺎ ...... ﻣﺎ ﺍﺭﻳﺪ ﺍﻏﺼﺒﻬﺎ ﻋﻠﻰ ﺷﻲ ﺍﻭ ﺍﺟﺒﺮﻫﺎ ﻋﻠﻰ ﺣﺒﻲ ... ﺗﺎﻟﻴﺘﻬﺎ ﻋﻠﻰ ﺷﻲ ﺗﺎﻓﻪ ﻛﻤﺘﻲ ﺗﺼﻴﺤﻴﻦ ﻭﺗﻌﻠﻴﻦ ﺻﻮﺗﺞ ؟ ... ﺟﻨﺖ ﺍﻛﺪﺭ ﺍﺿﺮﺑﺞ ﺑﻮﻛﺘﻬﺎ ﻋﻠﻰ ﺣﺴﺞ ﻭﺭﻋﻮﻧﻴﺘﺞ ﻫﺎﻱ ﺑﺲ ﺍﻧﻲ ﺣﺎﻟﻒ ﻣﺎ ﺍﻣﺪ ﺍﻳﺪﻱ ﻋﻠﻰ ﻣﺮﻩ .. ﺑﻌﺪ ﻣﻨﺎ ﻭﻫﻴﺞ ﻳﺎ ﺟﻴﻼﻥ ﻋﺴﻰ ﻣﺎ ﺗﻄﻠﻌﻴﻦ ﻣﻔﺮﻋﻪ ﺑﺎﻟﺸﺎﺭﻉ ﻣﺎﻟﻲ ﻋﻼﻗﻪ ﺑﻴﺞ ﻟﻬﻨﺎ ﻭﺍﻧﺘﻬﺖ ﻭﻳﺎﺝ .... ﻻﻥ ﺗﻌﺒﺖ ﻛﻠﺶ ﻣﻨﺞ
ﻭﻋﺎﻓﻨﻲ ﻭﻛﺎﻡ ﻃﻠﻊ ﺍﻧﻲ ﺣﺴﻴﺖ ﻋﻠﻰ ﻧﻔﺴﻲ ﺻﺪﻙ ﺍﻧﻲ ﻋﻮﺩ ﺷﺴﻮﻳﺖ ؟؟
ﺍﺣﺲ ﺭﻭﺣﻲ ﺟﻨﺖ ﻣﺜﻞ ﺍﻟﻤﺨﺒﻠﻪ ﺑﺴﺎﻋﺘﻬﺎ ... ﻋﻠﻰ ﺷﻨﻮ ﻋﺼﺒﺖ ﺻﺪﻙ ﻣﺎ ﺗﺴﻮﻩ
ﻟﻴﺶ ﻣﺎ ﺣﺎﺟﻴﺘﻪ ﺑﻄﻴﺐ ﻫﻮ ﺍﺻﻼ ﻣﺎ ﺣﺠﻪ ﺷﻲ ﺍﻭ ﻏﺼﺒﻨﻲ ﻉ ﺷﻲ ﻛﺎﻥ ﺍﺳﻠﻮﺑﻪ ﻛﻠﺶ ﺣﻠﻮ ﻭﻳﺎﻱ ﺟﺎﻥ ﻉ ﺍﻻﻗﻞ ﺑﺲ ﺯﻋﻠﺖ ﻟﻴﺶ ﻛﻤﺖ ﺍﺻﻴﺢ ؟
ﻛﻌﺪﺕ ﻉ ﺍﻟﺠﺮﺑﺎﻳﻪ ﻭﻫﻮ ﻣﺎﻛﻮ ﺻﺪﻙ ﺣﺴﻴﺖ ﻧﻔﺴﻲ ﺣﻘﻴﺮﻩ ﻭﻗﻬﺮﺗﻪ ﻉ ﺷﻲ ﺗﺎﻓﻪ ﻣﺎ ﻳﺴﺘﺎﻫﻞ ﻫﺎﻟﺘﺼﺮﻓﺎﺕ ﻣﻨﻲ
ﺍﻧﻲ ﺍﺣﺲ ﺍﻛﻮ ﺷﻲ ﺧﺎﻧﻜﻨﻲ ﺑﺤﻴﺎﺗﻲ ﻣﺎ ﺍﻋﺮﻑ ﺷﻨﻮ ﻫﻮ ؟ ﺍﺣﺲ ﺍﻛﻮ ﺷﻲ ﻣﻘﻴﺪﻧﻲ ﻋﻨﻪ .. ﺧﻄﻴﻪ ﺧﻠﻲ ﺍﺭﻭﺡ ﺍﺭﺍﺿﻴﻪ
ﻛﻤﺖ ﻧﺰﻋﺖ ﺗﺮﺍﻛﻲ ﻭﻟﺒﺴﺖ ﺩﺷﺪﺍﺷﻪ ﻭﺷﺎﻝ ﺟﺎﻧﺖ ﺍﻟﺪﻧﻴﺎ ﻣﻐﺮﺏ ﻭﻧﺰﻟﺖ
ﺭﺣﺖ ﻟﻠﺼﺎﻟﻪ ﻟﻜﻴﺖ ﺍﻟﻜﻞ ﻛﺎﻋﺪ ﻳﺼﻠﻲ ﻋﺪﺍ ﻫﻮ ﻣﺎﻛﻮ ﻭﻓﺎﻃﻤﻪ ﻭﻋﻤﺘﻲ ﺑﺎﻟﻤﻄﺒﺦ
ﻛﺎﻟﺖ ﺑﻴﺒﻲ
.. ﻳﺎ ﻭﻟﺞ ﺟﻮﻳﻠﻪ ﻟﻴﺶ ﻣﺎ ﻣﺸﻴﺘﻲ ﻭﻳﺎﻧﻪ ﻟﺒﻴﺖ ﻋﻤﺘﺞ
.. ﺑﻴﺒﻲ ﺟﺎﻥ ﺭﺍﺳﻲ ﻛﻠﺶ ﻳﻮﺟﻌﻨﻲ
.. ﻳﺎ ﻭﻟﺞ ﺧﺎﻑ ﺩﺍﻳﺴﻪ
.. ﻭﻳﻦ ﺩﺍﻳﺴﻪ ﺑﻴﺒﻲ ؟
.. ﻭﻟﺞ ﻳﻌﻨﻲ ﺭﺍﻛﺒﺞ ﺟﻨﻲ
ﺿﺤﻜﻮﺍ ﻛﺎﻟﻠﻬﺎ ﻫﺎﺷﻢ
.. ﺷﻨﻮ ﻫﺎﻟﺴﻮﺍﻟﻒ ﺿﺎﻭﻳﻪ ﻳﻌﻨﻲ ﻛﻞ ﻭﺍﺣﺪ ﺭﺍﺳﻪ ﻳﻮﺟﻌﻪ ﺻﺎﺭ ﺑﻴﻪ ﺟﻨﻲ
.. ﺍﻧﺖ ﺍﻛﻞ ﻣﻄﻲ .. ﺷﻐﻠﻪ ﻣﺎ ﺗﻌﺮﻑ ﺑﻴﻪ ﻻ ﺗﺤﻂ ﺧﺸﻤﻚ ﺑﻴﻬﺎ ﺗﻌﺎﻟﻲ ﻟﻴﻪ ﺣﺒﻮﺑﻪ
ﺭﺣﺖ ﻳﻤﻬﺎ ﺣﻄﺖ ﺍﻳﺪﻫﺎ ﻉ ﺭﺍﺳﻲ ﻭﻛﺎﻡ ﺗﻘﺮﺍﻟﻲ ﻗﺮﺍﻥ ﻛﺎﻟﻠﻬﺎ ﻫﺎﺷﻢ
.. ﻫﺴﻪ ﻏﻴﺮ ﺗﻜﻌﺪ ﺭﺍﺣﻪ ﺍﺑﻮ ﺛﻘﺐ
ﺍﺑﺘﺴﻤﺘﻠﻪ ﺑﻘﻬﺮ ﻭﺍﻧﻲ ﺭﺍﺳﻲ ﺑﺤﻀﻦ ﺑﻴﺒﻲ ﻭﻋﻴﻮﻧﻲ ﺗﺪﻭﺭ ﻋﻠﻴﻪ ﺍﺣﺲ ﻏﺼﻪ ﺑﺤﻠﻜَﻲ ﺍﺣﺲ ﺑﺘﺄﻧﻴﺐ ﺿﻤﻴﺮ ﻣﻮ ﻃﺒﻴﻌﻲ
ﺍﺟﺖ ﻓﻄﻮﻡ ﺷﺎﻓﺘﻨﻲ ﻣﺎ ﺗﻜﺪﺭ ﺗﺤﺠﻲ ﺑﺲ ﻛﺎﻟﺘﻠﻲ
.. ﺷﻠﻮﻥ ﺻﺮﺗﻲ ﺟﻮﻟﻲ
.. ﺍﺣﺴﻦ ﺣﺒﻴﺒﺘﻲ
ﺑﺎﺑﺎ ﺧﻠﺺ ﺻﻼﻩ ﻭﺍﺟﻪ ﻳﻤﻲ
.. ﻫﺎ ﻳﺎ ﺭﻭﺣﻲ ﺑﻌﺪﺝ ﺗﻌﺒﺎﻧﻪ
.. ﻻ ﺑﺎﺑﺎ ﺯﻳﻨﻪ ﺑﺲ ﺗﻌﺮﻑ ﺑﻴﺒﻲ ﺍﻻ ﺗﻘﺮﻩ ﻋﻠﻰ ﺭﺍﺳﻲ
ﺑﻴﺒﻲ ﺩﻣﻐﺖ ﺭﺍﺳﻲ ﻭﻛﺎﻟﺖ
.. ﺍﻟﺼﻤﻲ ﺣﻠﻜﺞ ﺟﺎﻱ ﺍﺭﻗﻴﺞ
ﺳﻜﺘﺖ ﻭﺑﺎﺑﺎ ﺍﺑﺘﺴﻢ ﻛﺎﻝ
.. ﺑﺎﺑﺎ ﻗﺒﻞ ﺷﻮﻳﻪ ﺧﺎﺑﺮﺕ ﻫﺠﺮﺱ ﺑﺎﺟﺮ ﻋﺪﻛﻢ ﻣﻮﻋﺪ ﻳﻢ ﺍﻟﻄﺎﺑﻮ ﺑﺒﻐﺪﺍﺩ ﻋﻠﻤﻮﺩ ﺗﺒﺼﻤﻴﻦ ﻉ ﺍﻟﺒﻴﺖ ﺣﺘﻰ ﻳﺤﻮﻟﻮﻩ ﺑﺎﺳﻤﺞ ﻭﺍﻧﻲ ﺣﺎﺟﻴﺖ ﻫﺠﺮﺱ ﻭﻛﺎﻝ ﺍﺩﻟﻞ ﻋﻤﻲ ﺑﺎﺟﺮ ﺍﺧﺬﻫﺎ ﻭﻧﺮﻭﺡ ﺑﺲ ﻛَﻞ ﻟﺠﻴﻼﻥ ﺣﺘﻰ ﺗﺤﻀﺮ ﻧﻔﺴﻬﺎ ﻻﻥ ﺍﻧﻲ ﺍﺗﺎﺧﺮ ﻭﺧﺎﻑ ﺗﻨﺎﻡ
.. ﺑﺲ ﺑﺎﺑﺎ ﻫﺬﺍ ﺑﻴﺘﻚ ﻭﺗﻌﺐ ﺳﻨﻴﻨﻚ
.. ﻫﻮ ﺷﺒﺎﻗﻲ ﻣﻦ ﺍﻟﻌﻤﺮ ﺑﺎﺑﺎ .. ﻛﻠﺸﻲ ﺍﻣﻠﻜﻪ ﻫﻮ ﻣﻠﻜﺞ ﻳﺎ ﺭﻭﺣﻲ
ﺑﻴﺒﻲ ﺩﻣﻐﺘﻨﻲ ﻣﺮﻩ ﺛﺎﻧﻴﻪ ﻭﻫﻲ ﺗﻘﺮﻩ ﻋﻠﻤﻮﺩ ﺍﺳﻜﺖ ﺳﻜﺘﺖ ﻭﺑﺎﺑﺎ ﻫﻢ ﺩﺍﺭ ﻭﺟﻬﻪ ﻉ ﺍﻟﺘﻠﻔﺰﻳﻮﻥ ﻭﺳﻜﺖ
ﻛﻤﺖ ﺻﻠﻴﺖ ﻭﺧﻠﺼﺖ ﻭﺭﺣﺖ ﺳﺎﻋﺪﺗﻬﻦ ﺑﺎﻻﻛﻞ ﺻﺒﻴﻨﻪ ﺍﻟﻌﺸﺎ ﻭﻫﺠﺮﺱ ﻣﺎﻛﻮ
ﺣﺘﻰ ﺟﺪﻭ ﺳﺎﻝ ﻋﻨﻪ ﻭﻛﺘﻠﻪ ﻣﺎ ﺍﺩﺭﻱ ﺻﺪﻙ ﻛَﻠﺒﻲ ﺿﻞ ﻳﻤﻪ
ﺗﻌﺸﻮﺍ ﻫﻢ ﺍﻧﻲ ﻛﺘﻠﻬﻢ ﻣﻦ ﻳﺠﻲ ﻫﺠﺮﺱ ﻧﺎﻛﻞ ﺳﻮﻩ ﻻﻥ ﻧﻔﺴﻲ ﻣﺴﺪﻭﺩﻩ ﻭﺑﺎﻟﻲ ﻛﻠﻪ ﻳﻤﻪ ﺻﻌﺪﺕ ﻟﻠﻐﺮﻓﻪ ﺍﺧﺬﺕ ﺟﻬﺎﺯﻱ ﻭﺩﻛﻴﺖ ﻋﻠﻴﻪ ﻣﻐﻠﻖ ﻳﺎ ﺭﺑﻲ ﻫﺬﺍ ﻭﻳﻨﻪ
ﺧﻠﺼﻮﺍ ﻋﺸﺎ ﻭﺷﺮﺑﻮﺍ ﺟﺎﻱ ﻭﺻﺎﺭﺕ ﺏ١٠ ﻭﻫﻮ ﻣﺎﻛﻮ ﺍﻧﻲ ﺍﻟﻨﺎﺭ ﻛﺎﻡ ﺗﺎﻛﻠﻨﻲ ﻳﺎ ﺭﺑﻲ ﺧﺎﻑ ﺻﺎﻳﺮ ﺑﻴﻪ ﺷﻲ .. ﺧﺎﻑ ﺧﺎﻃﻔﻴﻪ .. ﺧﺎﻑ ..... ﺍﻟﻒ ﻓﻜﺮﻩ ﺍﺟﺖ ﺑﺮﺍﺳﻲ ﻭﺍﻟﺘﻔﻜﻴﺮ ﺍﻛﻠﻨﻲ ﺍﻛﻞ
ﺟﻨﺖ ﺑﻐﺮﻓﺘﻲ ﻭﺍﻛﻔﻪ ﻭﺍﺩﻙ ﻋﻠﻴﻪ ﺍﺟﺖ ﻓﻄﻮﻡ
.. ﻫﺎ ﻭﻟﺞ ﺗﻌﺎﻱ ﺳﻮﻟﻔﻴﻠﻲ ﺷﺒﻴﺞ ﺍﻟﻴﻮﻡ
.. ﻣﺎ ﺑﻴﻪ ﺷﻲ ﻓﻄﻮﻡ ﺍﺧﻮﺝ ﻭﻳﻦ .. ﻣﻦ ﺍﻟﻤﻐﺮﺏ ﻟﺴﻪ ﻣﺎﻛﻮ
.. ﺷﻤﺪﺭﻳﻨﻲ ﺍﻟﻌﺼﺮ ﻣﻦ ﺭﺟﻌﻨﻪ ﺷﻔﺘﻪ ﻛﺎﻋﺪ ﺑﺎﻟﺤﺪﻳﻘﻪ ﻭﻳﻨﻔﺦ ﺟﻜﺎﻳﺮ ﺍﻧﻲ ﺍﻋﺮﻑ ﻣﺘﻌﺎﺭﻛﻴﻦ ﻓﻤﺎ ﺳﺎﻟﺘﻪ ﺑﺲ ﺑﻴﺒﻲ ﺳﺄﻟﺘﻪ ﻣﺎ ﺟﺎﻭﺑﻬﺎ ﻋﺎﻓﻬﺎ ﻭﻃﻠﻊ
ﺻﺪﻙ ﺍﻧﻘﻬﺮﺕ ﻋﻠﻴﻪ ﻣﻦ ﺳﻮﻟﻔﺘﻠﻲ ﻓﺎﻃﻤﻪ ﻳﺎ ﺭﺑﻲ ﻭﺍﻟﻠﻪ ﺳﺎﻋﺔ ﻋﺼﺒﻴﻪ ﻣﺎ ﻛﺎﻥ ﻗﺼﺪﻱ ﺍﺀﺫﻳﻪ ﻧﺰﻟﺖ ﺩﻣﻌﺘﻲ ﻛﺎﻟﺖ ﻓﻄﻮﻣﻪ
.. ﻳﺎ ﺷﺒﻴﺞ ﺟﻴﻼﻥ
ﺫﺑﻴﺖ ﻧﻔﺴﻲ ﺑﺤﻀﻦ ﻓﻄﻮﻣﻪ ﻭﻛﻤﺖ ﺍﺑﺠﻲ ﺭﺩﺕ ﺑﺲ ﻭﺍﺣﺪ ﺍﺷﻜﻴﻠﻪ ﺍﻟﻴﻮﺟﻌﻨﻲ ﻭﺍﻟﻠﻲ ﺑﻴﻪ ﻛﻤﺖ ﺍﺑﺠﻲ ﺑﺼﻮﺕ ﻋﺎﻟﻲ
.. ﻓﻄﻮﻣﻪ ... ﻭﻟﺞ ﻣﺎ ﺍﻋﺮﻑ ﺷﺒﻴﻪ ﺭﺍﺡ ﺍﻣﻮﻭﻭﻭﻭﻭﻭﻭﺕ ﻣﺨﺘﻨﻜَﻪ
ﺧﻄﻴﻪ ﻓﻄﻮﻣﻪ ﻛﻠﺶ ﺧﺎﻓﺖ
.. ﺍﺳﻢ ﺍﻟﻠﻪ ﺍﻟﺮﺣﻤﻦ ... ﺷﺒﻴﺞ ﺣﺒﻴﺒﺘﻲ ؟
.. ﻣﺎ ﺍﻋﺮﺭﺭﺭﺭﻑ ﺭﻭﺣﻲ ﺗﺮﻳﺪ ﺗﻄﻠﻠﻠﻠﻠﻠﻠﻠﻊ ﻣﺘﻀﺎﻳﻘﻪ ﻛﻠﺸﺸﺸﺶ
ﻟﻤﺘﻨﻲ ﻟﺤﻀﻨﻬﺎ ﻭﺍﻧﻲ ﺍﺑﺠﻲ ﺑﺄﻟﻢ ﺍﺣﺲ ﺍﻛﻮ ﺷﻲ ﻗﺎﺑﺾ ﺭﻭﺣﻲ ﺍﻛﻮ ﺷﻲ ﺟﺎﻱ ﻳﺪﻣﺮﻧﻲ ﻣﻦ ﻳﻮﻡ ﺍﻟﻌﻘﺪ ﻟﺤﺪ ﺍﻻﻥ ﺍﺣﺲ ﻧﻔﺴﻲ ﻣﺎ ﻣﺮﺗﺎﺣﻪ ﻛﺎﻟﺖ
.. ﺟﻮﻟﻲ ﺍﺻﻴﺤﻠﺞ ﺑﻴﺒﻲ
ﻫﺰﻳﺖ ﺭﺍﺳﻲ ﺑﻼ ﻭﺍﻧﻲ ﺍﻧﺎﺷﻎ ﻭﺣﺎﻃﻪ ﺭﺍﺳﻲ ﺑﺤﻀﻨﻬﺎ ﻭﺍﺑﺠﻲ ﺑﻬﺎﻻﺛﻨﺎﺀ ﺩﺧﻞ ﻫﺠﺮﺱ
ﺑﺎﻭﻋﻠﻲ ﺑﺼﺪﻣﻪ
.. ﻫﺎﻱ ﺷﻜﻮ ؟
ﻭﺍﺟﻪ ﻳﺮﻛﺾ ﻟﻤﻨﻲ ﻟﺤﻀﻨﻪ ﻭﺍﻧﻲ ﺷﻤﻴﺖ ﻋﻄﺮﻩ ﻭﺍﻧﻲ ﺍﺣﺲ ﺭﻭﺣﻲ ﺭﺟﻌﺘﻠﻲ ﺻﺎﺡ ﺑﻔﺎﻃﻤﻪ
.. ﺷﺒﻴﻬﺎ ؟
.. ﻣﺎ ﺍﻋﺮﻑ ﺷﺒﻴﻬﺎ ﺑﺲ ﺗﺒﺠﻲ ﻭﺗﺼﻴﺢ ﺭﻭﺣﻲ ﺗﺮﻳﺪ ﺗﻄﻠﻊ
.. ﺍﻃﻠﻌﻲ ﻓﺎﻃﻤﻪ ﻭﺳﺪﻱ ﺍﻟﺒﺎﺏ ﻭﺭﺍﺝ
ﻃﻠﻌﺖ ﻓﺎﻃﻤﻪ ﻭﺍﻧﻲ ﺣﻀﻨﺘﻪ ﻭﺍﺑﺠﻲ ﺻﺪﻙ ﺑﺴﺎﻋﺘﻬﺎ ﺣﺴﻴﺖ ﺑﻘﻴﻤﺘﻪ ﻭﺍﻧﻪ ﺍﻧﻲ ﺟﻨﺖ ﻣﺎﺧﺬﻩ ﻓﻜﺮﻩ ﻛﻠﻬﺎ ﻏﻠﻂ ﻋﻨﻪ ﻛﻤﺖ ﺍﺩﻋﻲ ﻋﻠﻰ ﻧﻔﺴﻲ ﻋﻠﻰ ﻛﻞ ﺍﻓﻜﺎﺭﻱ ﺍﻟﺤﻘﻴﺮﻩ ﺑﺨﺼﻮﺻﻪ
ﺑﻌﺪﻧﻲ ﻋﻨﻪ ﻭﻛﺎﻝ
.. ﺷﺒﻴﺞ .. ﻟﻴﺶ ﺗﺒﺠﻴﻦ ؟
ﺍﺧﺬﺕ ﺍﻳﺪﻩ ﺑﺴﺘﻬﺎ ﻭﺩﻣﻮﻋﻲ ﺗﺠﺮﻱ
.. ﺍﺳﻔﻪ ﻫﺠﺮﺱ ﻭﺍﻟﻠﻪ ﻣﺎ ﻗﺼﺪﻱ ﺍﻋﻴﻂ ﺑﻮﺟﻬﻚ ﻻ ﺗﺎﺧﺬ ﻋﻠﻰ ﺧﺎﻃﺮﻙ ﻣﻨﻲ
ﺳﻜﺖ ﻣﺎ ﺟﺎﻭﺑﻨﻲ ﺑﺲ ﻟﺰﻡ ﺭﺍﺳﻪ ﻭﻛﺎﻝ
.. ﻣﺎ ﺻﺎﺭ ﺷﻲ
.. ﺷﺒﻴﻚ
.. ﺗﻌﺒﺎﻥ ﺭﺍﺳﻲ ﺭﺍﺡ ﻳﻨﻔﺠﺮ
.. ﺳﻼﻣﺘﻚ ﺧﻠﻲ ﺍﺭﻭﺡ ﺍﺟﻴﺒﻠﻚ ﻋﺸﻪ ﻭﺣﺒﺎﻳﻪ ﺑﺮﺍﺳﻴﺘﻮﻝ
ﺭﺩﺕ ﺍﻛﻮﻡ ﻟﺰﻡ ﺍﻳﺪﻱ
.. ﻣﺎ ﺍﺭﻳﺪ ﻋﺸﻪ ﺑﺲ ﺗﻌﺎﻱ ﻧﻴﻤﻴﻨﻲ ﺑﺤﻀﻨﺞ
ﺗﻔﺎﺟﺄﺕ ﺑﻄﻠﺒﻪ ﺑﺲ ﺑﺴﺮﻋﻪ ﺗﻮﺟﻬﺖ ﻉ ﺍﻟﺠﺮﺑﺎﻳﻪ ﺳﻨﺪﺕ ﻧﻔﺴﻲ ﻉ ﺗﺎﺝ ﺍﻟﺠﺮﺑﺎﻳﻪ ﻭﻣﺪﺩﺕ ﺭﺟﻠﻴﻪ ﻭﻛﺘﻠﻪ
.. ﺗﻌﺎﻝ
ﺍﺟﻪ ﺣﻂ ﺭﺍﺳﻪ ﺑﺤﻀﻨﻲ .... ﻛﻤﺖ ﺍﻟﻌﺐ ﺑﺸﻌﺮﻩ ﻭﻛﺎﻝ ﺑﺘﻌﺐ
.. ﺍﺍﺍﺍﺍﺍﺍﻩ .. ﺗﻌﺒﺎﻥ ﺭﺍﺳﻲ ﺭﺍﺡ ﻳﻨﻔﺠﺮ ﺟﻴﻼﻥ
.. ﺳﻼﻣﺘﻚ ﺍﺳﻔﻪ ﻭﺍﻟﻠﻪ
ﺩﻧﻜﺖ ﻉ ﻛﺼﺘﻪ ﺑﺴﺘﻪ ﻫﻮ ﻏﻤﺾ ﻋﻴﻮﻧﻪ ﻭﺳﻜﺖ ﻭﺭﻩ ﺛﻮﺍﻧﻲ ﺣﺴﻴﺖ ﺗﻨﻔﺴﻪ ﺍﻧﺘﻈﻢ ﺍﻛﻴﺪ ﻧﺎﻡ
ﺑﻘﻴﺖ ﺍﺑﺎﻭﻉ ﻟﺘﻘﺎﺳﻴﻢ ﻭﺟﻬﻪ ﺷﻜﺪ ﺣﻠﻮﻩ .... ﺍﺥ ﻳﺎ ﻫﺠﺮﺱ ﺷﻜﺪ ﺟﻨﺖ ﻇﺎﻟﻤﺘﻚ ﻭﺷﻜﺪ ﺟﻨﺖ ﻣﺎﺧﺬﻩ ﻓﻜﺮﻩ ﺧﺎﻃﺌﻪ ﻭﺣﻘﻴﺮﻩ ﻋﻨﻚ ﺛﺒﺘﺘﻠﻲ ﺍﻟﻌﻜﺲ ﺑﻴﻬﺎ ﺑﻌﻄﻔﻚ ﻭﺣﻨﺎﻧﻚ ﺍﻟﻈﺎﻫﺮ ﻗﻠﺒﻲ ﺗﻌﻠﻖ ﺑﻴﻚ ﺑﺪﻭﻥ ﻣﺎ ﺍﺣﺲ
ﺑﻘﻴﺖ ﺍﺑﺎﻭﻋﻠﻪ ﻭﺍﻓﻜﺮ ﻭﺍﺳﻮﻟﻒ ﻭﻳﻪ ﻧﻔﺴﻲ ﺍﻟﻰ ﺍﻥ ﺳﻨﺪﺕ ﻧﻔﺴﻲ ﻉ ﺗﺎﺝ ﺍﻟﺠﺮﺑﺎﻳﻪ ﻭﻧﻤﺖ
ﻛﻌﺪﺕ ﺍﻟﺼﺒﺢ ﻟﻜﻴﺖ ﻫﺠﺮﺱ ﻣﺎﻛﻮ ﺍﺧﺘﺮﻋﺖ ﺑﺎﻭﻋﺖ ﻟﻠﺠﻬﺎﺯ ﺏ 5 ﻭﻧﺺ ﻟﺒﺴﺖ ﺣﺠﺎﺑﻲ ﻭﻃﻠﻌﺖ ﻟﻜﻴﺘﻪ ﺩﺍ ﻳﻐﺴﻞ ﻭﺟﻬﻪ ﻭﻳﺘﻮﺿﻰ ﻛﺘﻠﻪ
.. ﺻﺒﺎﺡ ﺍﻟﺨﻴﺮ
ﺧﻠﺺ ﻭﺿﻮﺀ ﻭﻛﺎﻝ
.. ﺻﺒﺎﺡ ﺍﻟﻨﻮﺭ
.. ﺷﻠﻮﻧﻚ ﺍﻟﻴﻮﻡ
.. ﺍﺣﺴﻦ
ﻛﺎﻥ ﻭﺟﻬﻪ ﺛﻜَﻴﻞ ﻣﺴﺢ ﻭﺟﻬﻪ ﻭﻛَﺎﻝ
.. ﺣﻀﺮﻱ ﻧﻔﺴﺞ ﺏ٦ ﻧﻄﻠﻊ ﻟﺒﻐﺪﺍﺩ ﻧﺮﻭﺡ ﻟﻠﻄﺎﺑﻮ
ﻭﻋﺒﺮ ﻣﻦ ﻳﻤﻲ ﻭﺭﺍﺡ ﻟﻠﻐﺮﻓﻪ ﻣﺎ ﺣﺠﻪ ﺷﻲ ﺻﺪﻙ ﺍﻧﺼﺪﻣﺖ ﺍﻭﻝ ﻣﺮﻩ ﻫﺠﺮﺱ ﻳﺘﻌﺎﻣﻞ ﻭﻳﺎﻱ ﺑﺒﺮﻭﺩ ﻣﻊ ﺍﻟﻌﻠﻢ ﺍﻋﺘﺬﺭﺗﻠﻪ ﻣﻮ ﺳﺎﻣﺤﻨﻲ ﺍﻟﺒﺎﺭﺣﻪ ﻟﻮ ﺍﻧﻲ ﻣﺘﻮﻫﻤﻪ
ﺭﺣﺖ ﺍﺭﻳﺪ ﺍﺣﺎﺟﻴﻪ ﺟﺎﻥ ﻣﺎﺩ ﺍﻟﺴﺠﺎﺩﻩ ﻭﻭﺍﻛﻒ ﻛﺒﺮ
.. ﺍﻟﻠﻪ ﺍﻛﺒﺮ ..............
ﻭﺑﺪﻩ ﻳﺼﻠﻲ ﻋﻔﺘﻪ ﻭﺍﻟﻨﺎﺭ ﺗﺎﻛﻞ ﺑﻜَﻠﺒﻲ ﻫﺬﺍ ﻟﻴﺶ ﻫﺎﻣﻠﻨﻲ ﺑﺴﻴﻄﻪ ﺍﻧﻲ ﺍﻋﺮﻑ ﺷﻠﻮﻥ ﺍﺟﻴﺒﻚ ﻟﻠﺪﺭﺏ
ﻧﺰﻟﺖ ﻟﻜﻴﺖ ﺑﺲ ﺑﻴﺒﻲ ﻛﺎﻋﺪﻩ ﻛﺘﻠﻬﺎ
.. ﺻﺒﺎﺡ ﺍﻟﺨﻴﺮ ﺑﻴﺒﻲ
.. ﺻﺒﺎﺡ ﺍﻟﻌﻮﻳﻔﻴﻪ ﺣﺒﻮﺑﻪ .. ﺷﻌﺪﺝ ﻭﺍﻋﻴﻪ ﻣﻦ ﻏﺒﺸﻪ ؟
.. ﺑﻴﺒﻲ ﺍﻧﻲ ﻭﻫﺠﺮﺱ ﻋﺪﻧﻪ ﻣﻌﻤﻠﺔ ﺗﺤﻮﻳﻞ ﺍﻟﻄﺎﺑﻮ ﺑﺒﻐﺪﺍﺩ ﻭﻻﺯﻡ ﻧﺮﻭﺡ ﻣﻦ ﺍﻟﺼﺒﺢ
.. ﻣﻬﻮﻧﻪ ﺍﻥ ﺷﺎﺀ ﺍﻟﻠﻪ
.. ﺍﺳﻮﻳﻠﺞ ﺭﻳﻮﻙ ﺑﻴﺒﻲ
.. ﻻ ﻣﺎﻟﺞ ﺷﻐﻞ ﺑﻴﻪ ﺗﺮﻳﻜﻮﺍ ﻭﺗﻮﻛﻠﻮﺍ ﺍﻧﻲ ﺍﺭﻳﺪ ﺍﺭﺟﻊ ﺍﺧﺬﻟﻲ ﻏﻔﻪ
ﻋﻔﺘﻬﺎ ﻭﺭﺣﺖ ﺳﻮﻳﺖ ﺭﻳﻮﻙ ﻭﺻﻌﺪﺗﻪ ﻟﻜﻴﺘﻪ ﻣﻜﻤﻞ ﺣﻄﻴﺖ ﺍﻟﺮﻳﻮﻙ ﻛﺪﺍﻣﻪ ﻭﺭﺣﺖ ﻃﻠﻌﺖ ﻣﻼﺑﺴﻲ ﻛﺎﻝ
.. ﺗﻌﺎﻱ ﺗﺮﻳﻜﻲ
.. ﺍﺭﻳﺪ ﺍﺭﻭﺡ ﺍﺳﺒﺢ ﻫﻢ ﻳﻠﻪ
.. ﺑﻌﺪ ﻭﻛﺖ ﺗﻌﺎﻱ
.. ﻻ ﻳﺎ ﻋﻴﻨﻲ ﺍﻛﻞ .. ﺍﻧﻲ ﻧﻘﺸﺖ ﻛﻢ ﻟﻜﻤﻪ ﻭﺍﻧﻲ ﺍﺣﻀﺮﻩ
ﻋﻔﺘﻪ ﻭﺭﺣﺖ ﺳﺒﺤﺖ ﻭﻟﺒﺴﺖ ﻛﻴﻠﻮﺕ ﻭﺭﺩﻱ ﻭﺻﺦ ﻭﺟﺎﻛﻴﺖ ﻗﺼﻴﺮ ﺭﺩﺍﻥ ﻃﻮﻳﻠﻪ ﺍﺳﻮﺩ ﻭﺟﻮﺍﻩ ﺑﺪﻱ ﺍﺳﻮﺩ ﻭﺑﻴﻪ ﻭﺭﺩ ﻭﺭﺩﻱ ﻭﻃﻠﻌﺖ
ﻟﻜﻴﺘﻪ ﺩﺍ ﻳﻄﻠﻊ ﺑﻬﺪﻭﻣﻪ ﺷﺎﻓﻨﻲ ﺍﻧﺼﺪﻡ ﻉ ﺍﻟﻼﺑﺴﺘﻪ ﺷﻔﺖ ﻋﻴﻮﻧﻪ ﺧﺪﺭﺕ ﺑﺴﺮﻋﻪ ﺗﻼﺣﻚ ﻧﻔﺴﻪ ﻭﺩﺍﺭ ﻭﺟﻬﻪ ﻭﺭﺟﻊ ﻳﺪﻭﺭ ﺍﺟﻴﺘﻪ ﻛﺘﻠﻪ
.. ﻭﺧﺮ ﻋﻴﻨﻲ ﺍﻧﻲ ﺍﻃﻠﻌﻠﻚ ﻫﺪﻭﻣﻚ
ﻣﺎ ﺟﺎﻭﺑﻨﻲ ﻋﺎﻓﻨﻲ ﻭﺭﺍﺡ ﻟﻠﺤﻤﺎﻡ ﻳﻐﺴﻞ ﻃﻠﻌﺘﻠﻪ ﻗﻤﻴﺺ ﻭﺑﻨﻄﺮﻭﻥ ﻭﺟﻮﺍﺭﻳﺐ ﻣﺸﻄﺖ ﺷﻌﺮﻱ ﻭﻟﻔﻴﺘﻪ ﻭﻟﺒﺴﺖ ﺷﺎﻟﻲ
ﻃﻠﻊ ﻫﻮ ﻻﻑ ﺍﻟﺨﺎﻭﻟﻲ ﻋﻠﻰ ﺧﺼﺮﻩ ﻟﺒﺲ ﻣﻼﺑﺴﻪ ﻭﺍﻧﻲ ﺣﻄﻴﺖ
ﻛﻢ ﻗﻄﻌﺔ ﺛﻮﺏ ﺑﺎﻟﺠﻨﻄﻪ ﻣﻦ ﺿﻤﻨﻬﻦ ﺍﻟﺪﺷﺪﺍﺷﻪ ﺍﻟﺤﻤﺮﻩ ﺍﻟﻠﻲ ﺍﺧﺬﻧﻲ ﺑﻴﻬﺎ .. ﻭﺩﺷﺪﺍﺷﻪ ﻧﻴﻠﻲ ﻣﺎ ﺗﺘﺨﻴﺮ ﻋﻨﻬﺎ ﻭﺍﺧﺬﺕ ﺍﻟﺨﻠﺨﺎﻝ ﺍﻟﺠﺎﺑﻪ ﺍﻟﻲ ﺍﻧﻲ ﺍﻋﺮﻑ ﺷﻠﻮﻥ ﺍﺭﺟﻌﻚ ﺍﻟﻲ
mariam-almusawi
يتبع