حب هجرسي (مكتمله)

12

بارت١٢

ﻛﻤﺰﺕ ﻣﻦ ﻣﻜﺎﻧﻲ ﻭﻭﻛﻌﺖ ﻣﻦ ﺍﻟﺠﺮﺑﺎﻳﻪ ﺻﺤﺖ ﺑﺼﻮﺕ ﺿﻌﻴﻒ
.. ﺍﺍﺍﻩ
ﺍﺟﺎﻧﻲ ﻳﺮﻛﺾ ﻣﻦ ﺍﻟﺠﻬﻪ ﺍﻟﺜﺎﻧﻴﻪ
.. ﺍﻟﻠﻪ ﺍﻟﻠﻪ ... ﺧﻮ ﻣﺎ ﺗﺄﺫﻳﺘﻲ
ﺩﻓﻌﺖ ﺍﻳﺪﻩ ﺑﻨﺘﺮ ﻭﻛﺘﻠﻪ ﺑﻌﺼﺒﻴﻪ
.. ﻣﺎ ﺑﻴﻪ ﺷﻲ ﻣﺎ ﺍﻟﻚ ﻋﻼﻗﻪ ﺑﻴﻪ
.. ﺟﻴﻼﻥ ﻭﺣﻖ ﺍﻟﻌﺒﺎﺱ ﻣﺎ ﺟﺎﻥ ﻗﺼﺪﻱ ﺍﺳﻮﻱ ﺑﻴﺞ ﻫﻴﺞ ﺑﺲ ﺍﻧﺘﻲ ﺟﺒﺮﺗﻴﻨﻲ
.. ﻋﻠﻰ ﺷﻨﻮ ﺟﺒﺮﺗﻚ .. ﺟﺒﺮﺗﻚ ﻋﻠﻰ ﺍﺫﻳﺘﻲ ؟
.. ﺍﻧﻲ ﻛﻮﻩ ﺻﺎﺑﺮ ﻭﻣﺘﺤﻤﻞ ﻣﺎ ﺍﺗﻘﺮﺑﻠﺞ ﻭﺍﺀﺫﻳﺞ ﻭﺍﻧﺘﻲ ﻓﻮﻛﺎﻫﺎ ﺟﺎﻳﻪ ﻭﻻﺑﺴﻪ ﻫﺎﻟﺸﻜﻞ ﻛﺘﻠﺞ ﺍﻧﻌﻠﻲ ﺍﻟﺸﻴﻄﺎﻥ ﻭﺍﻧﺰﻋﻴﻪ ﺑﺲ ﺍﻧﺘﻲ ﻋﻨﻮﺩﻳﻪ
ﺭﺩﺕ ﺍﻛﻮﻡ ﻣﺎ ﻛﺪﺭﺕ ﺭﺍﺩ ﻳﻜﻮﻣﻨﻲ ﺩﻓﻌﺘﻪ ﻭﺻﺤﺖ ﺑﻴﻪ
.. ﻭﺧﺮ ﻋﻨﻲ ﻣﺎ ﺍﺭﻳﺪ ﺍﺷﻮﻓﻚ
ﻫﻮ ﺑﺎﻭﻋﻠﻲ ﺑﻌﺼﺒﻴﻪ ﺑﺲ ﺳﻜﺖ ﻛﺄﻧﻪ ﺗﻔﻬﻢ ﻣﻮﻗﻔﻲ
ﺳﻨﺪﺕ ﻧﻔﺴﻲ ﻉ ﺍﻟﺠﺮﺑﺎﻳﻪ ﻭﻛﻤﺖ ﺣﻄﻴﺖ ﺭﺍﺳﻲ ﻉ ﺍﻟﻤﺨﺪﻩ ﺷﻔﺘﻪ ﻓﺎﺭﺵ ﻓﺮﺍﺵ ﺟﻮﻩ ﺑﺎﻟﻜﺎﻉ ﻛﺎﻡ ﻭﺭﺍﺡ ﻃﻔﻪ ﺍﻟﻀﻮﻩ ﻭﺗﻐﻄﻪ ﻭﻧﺎﻡ ﺍﻧﻲ ﺍﺣﺲ ﺭﺍﺳﻲ ﺑﺪﻩ ﻳﻮﺟﻌﻨﻲ ﺑﺴﺮﻋﻪ ﻧﻤﺖ
ﻛﻌﺪﺕ ﺍﻟﺼﺒﺢ ﺍﺣﺲ ﻧﺎﺭ ﺑﺨﺸﻤﻲ ﻭﺭﺍﺳﻲ ﻣﺴﻄﻮﺭ ﻭﺑﻼﻋﻴﻤﻲ ﻣﻄﺒﻜﻪ ﻭﺍﻟﻢ ﺧﻔﻴﻒ ﺑﺒﻄﻨﻲ ﺻﺪﻙ ﺟﺬﺏ ﻫﺎﻱ ﺷﺒﻴﻪ ﺍﻟﻴﻮﻡ
ﺑﺎﻭﻋﺖ ﻟﻔﺮﺍﺵ ﻫﺠﺮﺱ ﻣﺎﻛﻮ ﻣﺪﻳﺖ ﺍﻳﺪﻱ ﻟﺠﻬﺎﺯﻱ ﺑﺎﻭﻋﺖ ﻟﻠﺴﺎﻋﻪ ﺏ١٠
ﻛﻮﻩ ﺳﻨﺪﺕ ﻧﻔﺴﻲ ﻭﻛﻤﺖ ﻟﺒﺴﺖ ﺩﺷﺪﺍﺷﺘﻲ ﻭﺣﺠﺎﺑﻲ ﻭﺭﺣﺖ ﻟﻠﺤﻤﺎﻡ ﻛﻮﻩ ﺍﻣﺸﻲ ﻏﺴﻠﺖ ﻭﺟﻬﻲ ﻭﻓﺮﺷﺖ ﺍﺳﻨﺎﻧﻲ ﻭﻧﺰﻟﺖ ﻟﻜﻴﺖ ﺍﻟﻜﻞ ﻃﺎﻟﻊ ﻋﺪﺍ ﻋﻤﺘﻲ ﻭﺑﻴﺒﻲ ﻭﻓﻄﻮﻡ ﺩﺍ ﺗﺘﺮﻳﻚ
mariam-alwsawi
ﻛﺘﻠﻬﻢ ﺑﺼﻮﺕ ﻣﺒﺤﻮﺡ
.. ﺻﺒﺎﺡ ﺍﻟﺨﻴﺮ
.. ﺻﺒﺎﺡ ﺍﻟﻨﻮﺭ
ﻛﺎﻟﺖ ﺑﻴﺒﻲ
.. ﻳﺎ ﺣﺒﻮﺑﻪ ﺷﻤﺎﻟﻪ ﻭﺷﺞ ﺟﻨﻪ ﻧﻮﻣﻴﻪ
.. ﻣﺎ ﺍﻋﺮﻑ ﺑﻴﺒﻲ ﻳﻤﻜﻦ ﺑﺪﺍﻳﺔ ﻧﺸﻠﻪ
ﻋﻤﺘﻲ ﺟﺎﻧﺖ ﺑﺎﻟﻤﻄﺒﺦ ﺍﺟﺖ ﻭﻛﺎﻟﺖ
.. ﻫﺎ ﻳﺎ ﺍﻟﻌﺮﻭﺱ ﻣﺎ ﺗﻤﺪﻳﻦ ﺍﻳﺪﺝ ﻭﻳﺎﻧﻪ ﺑﺎﻟﺸﻐﻞ ﻟﻮ ﺟﻨﺞ ﻛﻴﻔﺘﻲ ﻋﻠﻰ ﺍﻟﺨﺪﺭ
ﻛﺎﻟﺘﻠﻬﺎ ﺑﻴﺒﻲ
.. ﺳﻌﻴﺪﻩ ﺑﻄﻠﻲ ﺳﻮﺍﻟﻔﺞ ﺍﻟﺒﺖ ﺑﻌﺪﻫﻲ ﻋﺮﻭﺱ ﺧﻠﻲ ﺗﺨﻠﺺ ﺍﻟﺴﺒﻌﻪ ﻭﺗﻜﻮﻡ ﻭﻳﺎﺝ ﻟﻮ ﺑﺲ ﺍﻧﺘﻲ ﺑﻌﺮﺳﺞ ﺑﻘﻴﺘﻲ ﻟﻼﺭﺑﻌﻴﻦ ﺟﻨﺞ ﻭﺣﺪﻩ ﻧِﻔْﺴﻪ ‏( ﺍﻟﻨﻔﺎﺱ ‏) ﻳﺼﻴﺮ ﺍﻧﺘﻲ ﺑﻨﺖ ﺍﻟﻌﺒﺎﺩﻱ ﻭﺍﻧﻪ ﻣﺎ ﺍﺩﺭﻱ ؟ !
ﺷﺎﻭﺭﺕ ﻓﻄﻮﻡ
.. ﻓﺎﻃﻤﻪ ﺍﺧﻮﺝ ﻭﻳﻦ ؟
.. ﻣﻨﻮ ﻣﻨﻬﻢ
.. ﻳﻌﻨﻲ ﻋﻠﻰ ﻣﻨﻮ ﺍﺳﺎﻝ ؟
.. ﺍﺫﺍ ﺗﻘﺼﺪﻳﻦ ﻋﻠﻰ ﻫﺠﺮﺱ ﺭﺍﺡ ﻟﻠﻤﺤﻞ
.. ﺷﻌﺠﺐ .. ﻣﻮ ﻋﻠﻰ ﺍﺳﺎﺱ ﻣﺎ ﻳﻄﻠﻊ ﻟﻠﺴﺒﻌﻪ
ﺍﺑﺘﺴﻤﺖ ﻓﻄﻮﻣﻪ ﺑﻤﻜﺮ
.. ﺷﻨﻮ ﺍﺷﺘﺎﻗﻴﺘﻴﻠﻪ ؟
.. ﺍﻧﺠﺒﻲ ﻻ ﺍﻃﻠﻊ ﺣﺮﻛَﺔ ﺍﺧﻮﺝ ﺑﻴﺞ
.. ﺟﺎﻳﺘﻬﻢ ﺑﻀﺎﻋﻪ ﻭﻻﺯﻡ ﻫﻮ ﻳﺤﺎﺳﺒﻬﻢ ﺭﺍﺡ ﺣﺘﻪ ﻳﺴﺘﻠﻤﻬﺎ ﻣﻨﻬﻢ
.. ﻭﺍﺑﻮﻱ ﻭﻳﻦ ؟
ﺳﻜﺘﺖ ﺷﻮﻳﻪ ﻭﻛﺎﻟﺖ
.. ﺍﺑﻮﺝ ﺍﻋﺘﻘﺪ ﺍﻟﻴﻮﻡ ﻣﻮﻋﺪ ﺍﻟﺠﻠﺴﻪ ﺍﻟﺜﺎﻧﻴﻪ ﻣﺎﻝ ﺟﺮﻋﺔ ﺍﻟﻜﻴﻤﻴﺎﻭﻱ
ﺻﺪﻙ ﺷﻠﻮﻥ ﻧﺴﻴﺖ ﺑﺎﻭﻋﺖ ﻟﺒﻴﺒﻲ
.. ﺑﻴﺒﻲ ﻟﻴﺶ ﻣﺎ ﻛﻌﺪﺗﻮﻧﻲ ﺍﺭﻭﺡ ﻭﻳﻪ ﺑﺎﺑﺎ
.. ﺣﺒﻮﺑﻪ ﻣﺎ ﺗﺸﻮﻓﻴﻦ ﺭﻭﺣﺞ ﺷﻠﻮﻥ ﻏﺎﺩﻳﻪ ﻭﻳﻨﺞ ﻭﻳﻦ ﺍﻟﺮﻭﺣﻪ
ﻭﻏﻤﺰﺗﻠﻲ ﻋﻮﺩ ﺗﺬﻛﺮﻧﻲ ﺍﻧﻪ ﺍﻧﻲ ﺗﻌﺒﺎﻧﻪ ﻣﻦ ﺍﻟﺼﺎﺭ ﺍﻟﺒﺎﺭﺣﻪ ﻛﺘﻠﻬﺎ
.. ﺑﻴﺒﻲ ﺣﺘﻰ ﻟﻮ ﻣﻴﺘﻪ ﻫﻢ ﺍﺯﺣﻒ ﻭﺍﺭﻭﺡ ﻭﻳﺎﻩ
.. ﺣﺒﻮﺑﻪ ﻋﻤﺞ ﺣﺴﻦ ﻭﺟﺪﺝ ﺭﺍﺣﻮﺍ ﻭﻳﺎﻩ ﻻ ﻳﻀﻞ ﺑﺎﻟﺞ .. ﺗﺮﺣﻴﻦ ﺷﺘﺴﻮﻳﻦ ﻭﻳﺎﻩ
.. ﺑﻴﺒﻲ ﻫﺬﺍ ﺍﺑﻮﻱ ﺗﻌﺮﻓﻴﻦ ﺷﻨﻮ ﺍﺑﻮﻱ
ﻛﻮﻩ ﺳﻨﺪﺕ ﻧﻔﺴﻲ ﻭﻛﻤﺖ ﺍﺣﺲ ﻛﻠﺸﻲ ﻳﻮﺟﻌﻨﻲ ﻣﻦ ﺍﻟﺼﺎﺭ ﺍﻟﺒﺎﺭﺣﻪ ﻭﺍﻧﻮﺏ ﺍﻟﻨﺸﻠﻪ ﻣﺎﻝ ﺍﻟﻴﻮﻡ ﺻﻜﻄﺖ ﺟﺴﻤﻲ
ﻛﺎﻟﺖ ﺑﻴﺒﻲ
.. ﻣﺎ ﺗﺮﻳﻜﺘﻲ ﺣﺒﻮﺑﻪ
.. ﻣﺎ ﺍﺷﺘﻬﻲ
ﻋﻔﺘﻬﺎ ﻭﺻﻌﺪﺕ ﺍﺧﺬﺕ ﺟﻬﺎﺯﻱ ﻭﺩﻛﻴﺖ ﻋﻠﻰ ﻋﻤﻮ ﺷﺎﻟﻪ
.. ﺍﻟﻮ
.. ﻫﺎ ﻋﻤﻮ ﺷﻠﻮﻧﻚ
.. ﻫﻠﻪ ﻋﻤﻲ ﻫﻠﻪ ﺑﻴﺞ
.. ﺑﺸﺮ ﺷﻠﻮﻧﻪ ﺑﺎﺑﺎ
.. ﻭﺍﻟﻠﻪ ﻳﺎ ﻋﻤﻲ ﻃﻠﻌﻨﺎﻩ ﺷﻮﻳﻪ ﺗﻌﺒﺎﻥ ﻣﺎﻟﻪ ﺧﻠﻚ ﻫﺴﻪ ﺟﺎﻳﻴﻦ ﺑﺎﻟﻄﺮﻳﻖ .. ﻣﺤﺘﺎﺟﻪ ﺷﻲ ؟
ﻧﺰﻟﺖ ﺩﻣﻌﺘﻲ ﻭﻛﺘﻠﻪ
.. ﺳﻼﻣﺘﻚ ﻋﻤﻲ
ﺳﺪﻳﺘﻪ ﻣﻨﻪ ﻭﻛﻌﺪﺕ ﻛﻤﺖ ﺍﺑﺠﻲ ﺣﺴﻴﺖ ﺑﺄﻟﻢ ﺧﻔﻴﻒ ﺑﺒﻄﻨﻲ ﺍﺧﺬﺕ ﺣﻔﺎﻇﺎﺕ ﻭﺩﺧﻠﺖ ﻟﻠﺤﻤﺎﻡ ﻟﻜﻴﺖ ﻧﻔﺲ ﺍﻟﻨﺰﻳﻒ ﻻ ﻗﻞ ﻭﻻ ﺍﺑﺪ
ﻳﺎ ﺭﺏ ﺷﻠﻮﻥ ﺳﺎﻟﻔﻪ ﻓﻮﻙ ﻗﻬﺮﻱ ﻭﺿﻴﻤﻲ ﻧﻈﻔﺖ ﻧﻔﺴﻲ ﻭﻃﻠﻌﺖ ﻟﻔﻴﺖ ﻧﻔﺴﻲ ﺑﺎﻟﺒﻄﺎﻧﻴﻪ ﻭﺍﻧﻲ ﺍﺭﺟﻒ ﻭﺍﺣﺲ ﺍﻻﻟﻢ ﻣﺎﻝ ﺑﻄﻨﻲ ﺷﻮﻳﻪ ﺷﻮﻳﻪ ﺑﺪﻩ ﻳﺰﻳﺪ
ﺑﻘﻴﺖ ﺑﺎﻟﻔﺮﺍﺵ ﻭﺍﻟﺮﺟﻔﻪ ﺑﺠﺴﻤﻲ ﻭﺍﻻﻟﻢ ﺑﺮﺍﺳﻲ ﺧﻠﻠﻨﻲ ﻣﺎ ﺍﺷﻮﻑ ﺷﻲ
ﻭﺭﻩ ﺳﺎﻋﻪ ﺗﻘﺮﻳﺒﺎ ﺍﺟﺖ ﻓﻄﻮﻣﻪ ﺩﻛﺖ ﺍﻟﺒﺎﺏ ﻣﺎ ﻛﺪﺭﺕ ﺍﻛﻮﻡ ﺍﻓﺘﺤﻪ ﺟﺴﻤﻲ ﻋﺒﺎﻟﻚ ﺟﺜﻪ ﻭﺍﻟﻢ ﺑﻄﻨﻲ ﻛﻄﻌﻨﻲ ﻭﺍﻟﻨﺰﻑ ﻣﺎ ﻭﻛﻒ
ﺩﺧﻠﺖ ﻭﺷﺎﻓﺘﻨﻲ ﻫﺎﻟﺸﻜﻞ ﺍﺧﺘﺮﻋﺖ ﻛﺎﻟﺖ
.. ﺟﻮﻟﻲ ﺣﺒﻴﺒﻲ ﺷﺒﻴﺞ ؟
ﺑﺲ ﺍﺭﺟﻒ ﻣﺎ ﺍﻛﺪﺭ ﺍﺟﺎﻭﺑﻬﺎ ﻃﻔﺖ ﺍﻟﺴﺒﻠﺖ ﻭﺭﺍﺣﺖ ﻧﺰﻟﺖ ﻭﺭﻩ ﺷﻮﻳﻪ ﺍﺟﺖ ﻭﻛﺎﻟﺖ
.. ﺟﻮﻟﻲ ﺣﺒﻴﺒﻲ ﻛﻮﻣﻲ ﺧﺎﺑﺮﺕ ﻫﺠﺮﺱ ﺟﺎﻱ ﺑﺎﻟﻄﺮﻳﻖ ﺭﺍﺡ ﻳﺎﺧﺬﺝ ﻟﻠﻄﺒﻴﺐ ﻫﻮ ﻭﻋﻤﺘﻲ ﺍﻡ ﻗﺎﺳﻢ
ﺍﺳﻤﻌﻬﺎ ﺑﺲ ﻣﺎ ﺍﻛﺪﺭ ﺍﺟﺎﻭﺑﻬﺎ ﺍﺣﺲ ﺭﻭﺣﻲ ﻛﻠﻬﺎ ﻣﺎﺗﺖ ﻳﺎ ﺭﺑﻲ ﺷﺒﻴﻪ ﺍﺭﺟﻒ ﻭﺍﻭﻥ ﻫﻲ ﺗﺘﻠﻤﺲ ﺑﻴﻪ ﻭﺍﺳﻤﻊ ﺑﻴﺒﻲ ﺗﺼﺎﻳﺤﻬﺎ ﻣﻦ ﺟﻮﻩ ﻫﻲ ﻋﺎﻓﺘﻨﻲ ﻭﺗﺤﺠﻲ ﻭﻳﺎﻫﺎ ﻣﻦ ﻳﻢ ﺍﻟﺪﺭﺝ
mariam-almusawi
ﺍﺟﺖ ﻋﻤﺘﻲ ﻛﻮﺍﻛﺐ ﻭﺭﻩ 5 ﺩﻗﺎﻳﻖ
.. ﻫﺎ ﻋﻤﻪ ﺟﻴﻼﻥ ﺷﺒﻴﺞ ﻳﺎ ﺭﻭﺣﻲ
ﺑﻮﻧﻴﻦ ﻭﺻﻮﺕ ﻳﺮﺟﻒ ﻛﻮﻩ ﺟﺎﻭﺑﺘﻬﺎ
.. ﻋﻤﻪ ... ﺍﺍﺍﺍ .... ﺍﻟﻨﺰﻳﻒ ﻣﻮﺗﻨﻲ .... ﻣﻦ ﺍﻟﺒﺎﺭ .... ﻣﻦ ﺍﻟﺒﺎﺭﺣﻪ ﻟﻠﻴﻮﻡ ... ﻭﺟﺴﻤﻲ ﻳﻮﺟﻌﻨﻲ ... ﻭﺍﻝ ..... ﻭﺍﻟﻔﻼﻭﻧﺰﺍ ﻣﻮ .... ﻣﻮﺗﺘﻨﻲ
.. ﻭﻟﺞ ﻓﻄﻴﻢ ﺧﺎﺑﺮﻱ ﺍﺧﻮﺝ ﺍﺷﻮ ﺗﺄﺧﺮ
.. ﺍﻱ ﻋﻤﻪ
ﺭﺟﻌﺖ ﻓﺎﻃﻤﻪ ﺩﻛﺖ ﻋﻠﻴﻪ
.. ﺍﻟﻮ .. ﻫﺠﺮﺱ ﻭﻳﻨﻚ .... ﺷﻠﻮﻧﻬﺎ ﻳﻌﻨﻲ ﻛﻠﺶ ﻣﺘﺨﺮﺑﻄﻪ ﺑﺴﺮﻋﻪ ﺣﺒﺎﺏ .. ﻳﻠﻪ ﻣﺎﺷﻲ
.. ﻫﺎ ﻋﻤﻪ ﺷﻴﻜﻮﻝ ؟
.. ﻳﻜﻮﻝ 5 ﺩﻗﺎﻳﻖ ﻭﺍﻧﻲ ﻳﻤﻜﻢ
ﺑﻘﺖ ﻋﻤﺘﻲ ﺗﻔﺮﻙ ﺑﺄﻳﺪﻱ ﻭﺍﻧﻲ ﺍﻭﻥ ﻭﻣﺘﺄﺫﻳﻪ ﻭﺍﻻﻟﻢ ﻳﺎﻛﻞ ﺑﺠﺴﻤﻲ ﻣﺎ ﺍﻋﺮﻑ ﺷﺼﺎﺭ ﺑﻠﺤﻈﻪ ﻭﺣﺪﻩ ﺍﻧﻬﺎﺭﻳﺖ
ﻭﺭﻩ ﺷﻮﻳﻪ ﺳﻤﻌﺖ ﺩﺭﺟﺎﺕ ﺳﺮﻳﻌﻪ ﻉ ﺍﻟﺪﺭﺝ ﻭﻫﺠﺮﺱ ﺩﺧﻞ ﺍﻟﻐﺮﻓﻪ ﺍﺟﻪ ﻳﻤﻲ ﻣﺨﺘﺮﻉ ﻭﺍﻟﺴﺆﺍﻝ ﺑﻌﻴﻨﻪ
.. ﺷﺒﻴﺞ ﺟﻴﻼﻥ ... ﺷﺒﻴﻬﺎ؟
ﻛﺎﻟﺖ ﻋﻤﺘﻲ ﻭﻫﻲ ﺗﻜﻮﻡ ﻋﻨﻲ ﻣﻦ ﺍﻟﺠﻬﻪ ﺍﻟﺜﺎﻧﻴﻪ
.. ﻭﺍﻟﻠﻪ ﻳﺎ ﻋﻤﻪ ﻣﺎ ﺍﻋﺮﻑ ﺷﺒﻴﻬﺎ ﺑﺲ ﺗﻮﻥ ﻭﻣﺼﺨﻨﻪ ﺩﺍﻭﻳﻪ ﻧﺎﺭ
ﺣﻂ ﺍﻳﺪﻩ ﻉ ﻛﺼﺘﻲ ﻭﺣﺎﺟﺎﻧﻲ
.. ﺟﻴﻼﻥ ﺟﺎﻭﺑﻴﻨﻲ ﺷﺘﺤﺴﻴﻦ؟
ﺍﻭﻥ ﺍﺭﻳﺪ ﺍﻛﻮﻟﻪ ﺍﻟﻴﻮﺟﻌﻨﻲ ﻧﺴﻴﺖ ﻛﻞ ﺯﻋﻠﻲ ﺑﺲ ﺍﺭﻳﺪﻩ ﻳﺨﻠﺼﻨﻲ ﻣﻦ ﺍﻻﻟﻢ ﻣﺎ ﺍﻛﺪﺭ .. ﻛﺎﻝ
.. ﺟﻴﺒﻮﻟﻬﺎ ﻋﺒﺎﺗﻬﺎ
ﻟﺒﺴﻨﻲ ﺍﻟﻌﺒﺎﻳﻪ ﻭﺷﺎﻟﻨﻲ ﺑﺤﻀﻨﻪ ﻭﻻ ﻋﺒﺎﻟﻚ ﺷﺎﻳﻠﻪ ﺑﺸﺮ ﻭﻋﻈﻤﻪ ﺛﻜَﻴﻞ ﺟﻨﺖ ﺑﺤﻀﻨﻪ ﺑﺨﻒ ﺍﻟﺮﻳﺸﻪ ﻧﺰﻝ ﺑﻴﻪ ﺍﻟﺪﺭﺝ ﻳﺮﻛﺾ ﻛﺎﻟﺘﻠﻪ ﺑﻴﺒﻲ
.. ﺣﺒﻮﺑﻪ ﻫﺠﺮﺱ ﺩﻳﺮﺑﺎﻟﻚ ﻋﻠﻴﻬﺎ ﺑﻌﺪ ﺑﻴﺘﻲ
.. ﺣﺒﻮﺑﻪ ﺟﺎ ﺗﻮﺻﻴﻨﻲ ﺑﺮﻭﺣﻲ
ﻭﻋﺎﻓﻬﺎ ﻭﻃﻠﻊ ﺷﺎﻳﻠﻨﻲ ﻳﺮﻛﺾ ﻭﻋﻤﺘﻲ ﻭﺭﺍﻩ ﺣﻄﻨﻲ ﺑﺎﻟﻮﺭﻩ ﻭﻋﻤﺘﻲ ﺧﻠﺖ ﺭﺍﺳﻲ ﺑﺤﻀﻨﻬﺎ ﻭﺍﻧﻲ ﺍﻭﻥ ﻭﺍﺣﺲ ﺍﻻﻟﻢ ﻛﻠﻤﺎ ﺍﺟﺎﻟﻪ ﻳﺰﻳﺪ ﻫﻮ ﻳﻤﺸﻲ ﺑﺴﺮﻋﻪ ﻭﻣﺎ ﺧﻠﻪ ﻭﺍﺣﺪ ﻣﺎ ﺳﺒﻪ ﺑﺎﻟﻄﺮﻳﻖ
ﻭﺻﻠﻨﻪ ﺍﻟﻤﺴﺘﺸﻔﻰ ﻭﻛﻒ ﺍﻟﺴﻴﺎﺭﻩ ﻭﻧﺰﻝ ﻓﺘﺢ ﺍﻟﺒﺎﺏ ﺍﻟﻴﻤﻲ ﻭﺷﺎﻟﻨﻲ ﻭﺭﻛﺾ ﺑﻴﻪ ﻟﻠﻄﻮﺍﺭﺉ ﻭﻋﻤﺘﻲ ﺗﺮﻛﺾ ﻭﺭﺍﻧﻪ ﺣﻄﻨﻲ ﻉ ﺍﻟﺴﺪﻳﻪ ﻭﺍﻧﻲ ﺍﻭﻥ ﻛﺎﻝ ﺍﻟﺪﻛﺘﻮﺭ
.. ﺷﺒﻴﻬﺎ
.. ﺭﺟﺎﺀﺍ ﺑﻌﺪﻫﻲ ﻋﺮﻭﺱ ﻭﻧﺮﻳﺪ ﺩﻛﺘﻮﺭﻩ ﻧﺴﺎﺋﻴﻪ
.. ﻋﺰﻳﺰﻱ ﻫﺎﻱ ﻃﻮﺍﺭﺉ ﻫﺬﻳﺞ ﺍﻻﺳﺘﺸﺎﺭﻳﻪ ﺭﻭﺣﻠﻬﺎ ﺑﻴﻬﺎ ﺩﻛﺘﻮﺭﻩ
ﺻﺎﺡ ﺑﻴﻪ ﻫﺠﺮﺱ
.. ﻣﺮﺗﻲ ﺭﺍﺡ ﺗﻤﻮﺕ ﺷﻨﻮ ﺍﺳﺘﺸﺎﺭﻳﻪ ﻣﺎ ﺍﻋﺮﻑ ﺍﺧﺬﻫﺎ ﻋﻴﺎﺩﻩ ﻏﻴﺮ ﺷﻐﻠﺘﻬﺎ ﺑﻌﺪ ﻣﺎ ﺗﺘﺤﻤﻞ ﻟﻠﻌﺼﺮ ﻭﺟﺒﺘﻬﺎ ﻟﻠﺼﺨﺎﻡ ﻭﺍﻻ ﺍﻧﻲ ﺍﻟﻔﻲ ﻟﻬﺎﻱ ﺍﻟﻤﺴﺘﺸﻔﻴﺎﺕ ﺍﻟﺰﺑﺎﻟﻪ
.. ﺍﺣﺘﺮﻡ ﻧﻔﺴﻚ ﻭﻳﻠﻪ ﺍﺧﺬﻫﺎ ﻭﺍﻃﻠﻊ
ﻟﺰﻡ ﺍﻟﺪﻛﺘﻮﺭ ﻣﻦ ﻳﺎﺧﺘﻪ ﻭﺭﺍﺩ ﻳﻀﺮﺑﻪ ﻋﻤﺘﻲ ﺩﻓﻌﺘﻪ ﻟﻬﺠﺮﺱ ﻭﻭﺧﺮﺗﻪ ﻋﻨﻪ ﻭﺍﻟﻨﺎﺱ ﻛﺎﻡ ﺗﻔﺎﻛﻚ ﺑﻴﻬﻢ ﻫﺬﺍ ﺍﻟﺤﺠﻲ ﺍﻧﻲ ﺍﻭﻥ ﺑﺲ ﻛﻮﻩ ﻣﻔﺘﺤﻪ ﻋﻴﻮﻧﻲ ﻭﺍﺷﻮﻑ ﺍﻟﺼﺎﺭ ﻛﺒﺎﻟﻲ
ﻛﺎﻟﺘﻠﻪ ﻋﻤﺘﻲ
.. ﻋﻤﻪ ﺻﺪﻙ ﺗﺤﺠﻲ ﺍﻣﺸﻴﻨﻪ ﻟﻼﺳﺘﺸﺎﺭﻳﻪ ﺟﺎ ﻧﺴﻮﻱ ﻫﺬﺍ ﺣﺎﻝ ﺍﻟﻔﻘﻴﺮ ﺑﺎﻟﻌﺮﺍﻕ
.. ﻋﻤﻪ ﺍﻧﻪ ﻣﻮ ﻓﻘﻴﺮ ﺍﻧﻲ ﻫﺴﻪ ﺍﺧﺬﻫﺎ ﻻﺣﺴﻦ ﻣﺴﺘﺸﻔﻰ ﺑﺲ ﺣﺎﻟﺘﻬﺎ ﻣﺎ ﺗﺘﺤﻤﻞ ﺍﻧﺘﻈﺮ
.. ﻋﻤﻪ ﻫﺴﻪ ﻣﺮﻳﺘﻚ ﺭﺍﺡ ﺗﻮﻛﻊ ﻋﻠﻴﻨﻪ ﻋﻮﻑ ﺍﻟﻌﺮﻙ ﻭﺍﻟﺴﻮﺍﻟﻒ ﻭﺍﻣﺸﻴﻨﻪ
.. ﺍﻧﻲ ﺍﻋﻠﻤﻬﻢ
ﺷﺎﻟﻨﻲ ﻭﺭﺣﻨﻪ ﻟﻼﺳﺘﺸﺎﺭﻳﻪ ﻛﻌﺪﻧﻲ ﻉ ﺍﻟﻜﺮﺳﻲ ﻭﻋﻤﺘﻲ ﻛﻌﺪﺕ ﻳﻤﻲ ﺭﺍﺡ ﻛﺺ ﺑﺎﺹ ﻭﺟﺎﺏ ﻭﺍﺣﺪ ﻳﻌﺮﻓﻪ ﺩﺧﻠﻨﻪ ﺑﺴﺮﻋﻪ ﻟﻠﺪﻛﺘﻮﺭﻩ ﺍﻻﺧﺼﺎﺋﻴﻪ ﻭﻫﻮ ﺍﻧﺘﻈﺮﻧﻪ ﺑﺮﻩ
ﻛﺎﻟﺖ ﺍﻟﺪﻛﺘﻮﺭﻩ
.. ﻛﻮﻟﻲ ﻣﺎﻣﺎ ﺷﻌﻨﺪﺝ
ﺟﺎﻭﺑﺘﻬﺎ ﻋﻤﺘﻲ
.. ﺩﻛﺘﻮﺭﻩ ﻫﺎﻱ ﻗﺒﻞ ٥ ﺍﻳﺎﻡ ﺟﺎﻥ ﻋﺮﺳﻬﺎ ﻭﺭﺟﻠﻬﺎ ﺍﻟﺒﺎﺭﺣﻪ ﺧﺬﺍﻫﺎ ﻭﻇﻠﺖ ﺍﻟﺒﺖ ﺗﻨﺰﻑ ﻣﻦ ﺍﻟﺒﺎﺭﺣﻪ ﻭﺍﻟﻴﻮﻡ ﻭﺻﺒﺤﺖ ﺍﻟﻴﻮﻡ ﻣﺼﺨﻨﻪ ﻭﻓﻼﻭﻧﺰﺍ ﻭﺗﺮﺟﻒ ﺭﺟﻴﻒ
.. ﻛﻮﻣﻲ ﻣﺎﻣﺎ ﺧﻠﻲ ﺍﻓﺤﺼﺞ
ﻟﺰﻣﺖ ﺍﻳﺪ ﻋﻤﺘﻲ ﺑﻀﻌﻒ ﺍﻭﻝ ﻣﺮﻩ ﺍﺗﻌﺮﺽ ﻟﻬﻴﺞ ﻣﻮﻗﻒ ﺑﻌﻤﺮﻱ ﺟﻨﺖ ﺍﺳﺘﺤﻲ ﻛﻠﺶ ﻭﺧﺎﻳﻔﻪ ﻣﻦ ﺍﻟﻔﺤﺺ ﻛﺎﻟﺖ ﻋﻤﺘﻲ
.. ﻛﻮﻣﻲ ﻋﻤﻪ ﻻ ﺗﺨﺎﻓﻴﻦ ﻣﺎ ﻳﻮﺟﻊ
ﺷﺎﻭﺭﺕ ﻋﻤﺘﻲ ﺑﻀﻌﻒ
.. ﻋﻤﻪ .. ﻣﻮ ﺍﻟﻨﺰﻳﻒ ﺧﺎﻑ .... ﻳﻌﻨﻲ
.. ﻣﺎﻟﺞ ﻏﺮﺽ ﻫﻲ ﺗﻌﺮﻑ
ﺳﻨﺪﺗﻨﻲ ﻋﻤﺘﻲ ﻭﻧﻴﻤﺘﻨﻲ ﻉ ﺍﻟﺴﺪﻳﻪ ﻛﺘﻠﻬﺎ
.. ﻋﻤﻪ ﻋﻮﻓﻴﻨﻲ ﺍﻧﻲ ﺍﻧﺰﻉ
ﻋﺎﻓﺘﻨﻲ ﻋﻤﺘﻲ ﻭﻛﻌﺪﺕ ﻳﻢ ﺍﻟﺪﻛﺘﻮﺭﻩ ﻛﻮﻩ ﻧﺰﻋﺖ ﻻﻥ ﺟﺴﻤﻲ ﻳﺮﺟﻒ ﻭﻧﺤﻼﻧﻪ ﻭﺭﺟﻌﺖ ﻧﻤﺖ mariam-almusawi
ﺍﺟﺖ ﺍﻟﺪﻛﺘﻮﺭﻩ ﺳﺪﺕ ﺍﻟﺴﺘﺎﺭﻩ ﻭﺑﺪﺕ ﺗﻔﺤﺺ ﻭﺍﻧﻲ ﺍﺗﺄﻟﻢ ﺟﻨﺖ ﻛﻠﺶ ﻣﺘﺄﺫﻳﻪ ﻭﻣﺴﺘﺤﻴﻪ ﺑﻨﻔﺲ ﺍﻟﻮﻗﺖ
ﻛﻤﻠﺖ ﻓﺤﺺ ﻭﻧﺰﻋﺖ ﺍﻟﺠﻔﻮﻑ ﻭﻛﺎﻟﺖ
.. ﺍﻟﺒﺴﻲ ﻣﺎﻣﺎ
ﻟﺒﺴﺖ ﻭﻃﻠﻌﺖ ﻛﺎﻟﺖ ﺍﻟﺪﻛﺘﻮﺭﻩ ﻭﻫﻲ ﺗﻜﺘﺐ
.. ﻻ ﺗﺨﺎﻓﻴﻦ ﻣﺎ ﻋﺪﻫﺎ ﺷﻲ ﺟﺮﺡ ﺑﺴﻴﻂ
ﻛﺎﻟﺘﻠﻬﺎ ﻋﻤﺘﻲ
.. ﺩﻛﺘﻮﺭﻩ ﺟﺎ ﻭﺍﻟﻨﺰﻑ ﻫﺬﺍ ﻣﻦ ﺍﻟﺼﺒﺢ ﻟﺴﻪ ﺷﻨﻮ
.. ﺍﻟﺠﺮﺡ ﻳﺴﻮﻱ ﻧﺰﻳﻒ ﺑﺲ ﻫﺴﻪ ﺣﺎﻟﻴﺎ ﺍﺟﺘﻬﺎ ﺍﻟﺪﻭﺭﻩ ﻓﺎﻟﺪﻡ ﺍﻟﻠﻲ ﺩﺍ ﻳﻨﺰﻝ ﻣﻨﻬﺎ ﻫﻮﺍﻱ ﻫﺬﺍ ﺩﻡ ﺍﻟﺤﻴﺾ ﻭﺍﻻﻟﻢ ﻣﻨﻬﺎ ﻻ ﺗﺨﺎﻓﻮﻥ ﺟﺮﺣﻬﺎ ﺑﺴﻴﻂ ﺭﺍﺡ ﺍﻛﺘﺒﻠﻬﺎ ﺍﺩﻭﻳﻪ ﺗﺎﺧﺬﻫﻦ ﻭﻣﺎﻛﻮ ﺭﺟﺎﻝ ﻣﻨﺎ ﻝ١٠ ﺍﻳﺎﻡ ﺍﻗﻞ ﺷﻲ
.. ﻭﺍﻟﻔﻼﻭﻧﺰﺍ ﺍﻛﺘﺒﻴﻠﻨﻪ ﻭﻳﺎﻫﺎ ﻓﺪﻭﻩ ﺩﻛﺘﻮﺭﻩ
ﻛﺘﺒﺖ ﺍﻟﺪﻛﺘﻮﺭﻩ ﻋﻼﺟﺎﺕ ﻣﻦ ﺍﻟﻤﺴﺘﺸﻔﻰ ﻭﻣﻦ ﺑﺮﻩ ﻛﺎﻟﺖ
.. ﺍﻛﻮ ﺍﺑﺮ ﺭﺍﺡ ﺍﻛﺘﺒﻬﻦ ﺍﻟﻬﺎ ﻣﻦ ﺍﻟﻤﺴﺘﺸﻔﻰ ﺗﻀﺮﺑﻬﻦ ﻳﻠﻪ ﺗﺎﺧﺬﻭﻫﺎ
.. ﻣﺎﺷﻲ ﺩﻛﺘﻮﺭﻩ
ﻃﻠﻌﻨﻪ ﺍﺟﻪ ﻫﺠﺮﺱ ﻋﻠﻴﻨﻪ ﻭﺳﺄﻝ ﺑﺨﻮﻑ
.. ﻫﺎ ﺑﺸﺮﻱ ﻋﻤﻪ
.. ﻣﺎﻛﻮ ﺷﻲ ﺍﻥ ﺷﺎﺀ ﺍﻟﻠﻪ ﺟﺮﺡ ﺑﺴﻴﻂ ﺑﺲ ﻫﺴﻪ ﻋﻠﻴﻬﺎ ﺍﻟﺪﻭﺭﻩ ﻭﺍﻓﻼﻭﻧﺰﺍ ﻗﻮﻳﻪ ﺟﻴﺒﻠﻬﺎ ﺫﻧﻲ ﺍﻟﻐﺮﺍﺽ ﻣﻦ ﺍﻟﺼﻴﺪﻟﻴﻪ ﻣﺎﻝ ﺍﻟﻤﺴﺘﺸﻔﻰ ﻭﺍﻟﻠﻲ ﺑﺎﻟﻜَﻔﻪ ﻣﻦ ﺑﺮﻩ
ﺍﻧﻲ ﺍﺣﺲ ﺍﻟﺨﺠﻞ ﺍﻛﻠﻨﻲ ﻣﺎ ﻣﺘﻌﻮﺩﻩ ﺍﺣﺪ ﻳﺤﺠﻲ ﺑﻬﺎﻱ ﺍﻟﺴﻮﺍﻟﻒ ﻛَﺪﺍﻣﻲ
ﺭﺍﺡ ﻟﻠﺼﻴﺪﻟﻴﻪ ﻣﺎﻝ ﺍﻟﻤﺴﺘﺸﻔﻰ ﺟﺎﺏ ﺍﻻﺑﺮ ﻭﺍﺟﻪ ﻻﺯﻡ ﺍﻳﺪﻱ ﺳﻨﺪﻧﻲ ﺻﺢ ﻛﻨﺖ ﻣﺘﻀﺎﻳﻘﻪ ﻣﻨﻪ ﻭﻣﺎ ﺍﺣﺎﺟﻴﻪ ﺑﺲ ﺟﻨﺖ ﺗﻌﺒﺎﻧﻪ ﻣﺎﻟﻲ ﺧﻠﻚ ﺍﻋﺎﻧﺪﻩ
ﺭﺣﻨﻪ ﻟﻐﺮﻓﺔ ﺍﻟﻤﻤﺮﺿﺎﺕ ﺿﺮﺑﻨﻲ ﺍﺑﺮﺗﻴﻦ ﺑﺲ ﺻﺪﻙ ﻳﻮﺟﻌﻦ
ﻃﻠﻌﻨﻪ ﻭﺍﻧﻲ ﺍﻓﺮﻙ ﺑﻤﻜﺎﻥ ﺍﻻﺑﺮ ﻻﻥ ﻳﻮﺟﻌﻦ ﻭﻛﻮﻩ ﺍﻣﺸﻲ ﺗﻘﺮﺏ ﻣﻨﻲ ﻭﺳﺄﻟﻨﻲ
.. ﺟﻮﻟﻲ ﺗﻜﺪﺭﻳﻦ ﺗﻤﺸﻴﻦ ﻟﻮ ﺍﺷﻴﻠﺞ
ﻛﺘﻠﻪ ﺑﺘﻌﺐ
.. ﺍﺭﻳﺪ ﺍﻛﻌﺪ ﺩﺧﺖ
ﺭﺍﺩ ﻳﺸﻴﻠﻨﻲ ﺩﻓﻌﺖ ﺍﻳﺪﻩ ﺑﻀﻌﻒ
.. ﺍﺭﻳﺪ ﺍﻛﻌﺪ
ﺳﻨﺪﻧﻲ ﻭﻛﻌﺪﻧﻪ ﺷﻮﻳﻪ ﻭﺣﻄﻴﺖ ﺭﺍﺳﻲ ﻋﻠﻰ ﻋﻤﺘﻲ ﻭﺗﺴﻮﻟﻒ ﻫﻲ ﻭﻫﺠﺮﺱ ﺑﺲ ﺟﻨﺖ ﺩﺍﻳﺨﻪ ﻣﺎ ﺍﻛﺪﺭ ﺍﺳﻤﻌﻬﻢ
ﻭﺭﻩ ﺷﻮﻳﻪ ﻛﺎﻟﺖ ﻋﻤﺘﻲ
.. ﻫﺎ ﻋﻤﻪ ﺟﻮﻟﻲ ﻧﻜﻮﻡ ؟
ﻫﺰﻳﺘﻠﻬﺎ ﺭﺍﺳﻲ ﺳﻨﺪﻭﻧﻲ ﻫﻲ ﻭﻳﺎﻩ ﻭﻛﻤﻨﺎ ﻛﺎﻝ ﻫﺠﺮﺱ
.. ﻋﻤﻪ ﺭﺍﺡ ﺍﺭﻭﺡ ﻟﻠﺼﻴﺪﻟﻴﻪ ﺍﺟﻴﺐ ﺍﻻﺩﻭﻳﻪ ﻭﺍﺟﻲ ﻫﺎﺝ ﺳﻮﻳﺞ ﺍﻟﺴﻴﺎﺭﻩ ﻣﻨﺎ ﺩﻭﺳﻴﻬﺎ ﻭﺻﻌﺪﻭﺍ ﻛﺪﺍﻣﻲ
ﺍﺧﺬﺕ ﺍﻟﻤﻔﺎﺗﻴﺢ ﻣﺎﻝ ﺍﻟﺴﻴﺎﺭﻩ ﻭﺭﺣﻨﻪ ﻫﻲ ﺻﻌﺪﺕ ﺑﺎﻟﻜﺪﺍﻡ ﻭﺍﻧﻲ ﺻﻌﺪﺕ ﻧﻤﺖ ﺑﺎﻟﻮﺭﻩ ﺍﻭﻝ ﻣﺎ ﺣﻄﻴﺖ ﺭﺍﺳﻲ ﻏﻔﻴﺖ
ﻣﺎ ﺍﻋﺮﻑ ﺷﻜﺪ ﻣﺮ ﻣﻦ ﺍﻟﻮﻗﺖ ﺑﺲ ﺑﻴﻦ ﻣﺪﻩ ﻭﻣﺪﻩ ﺟﻨﺖ ﺍﺣﺲ ﺑﺸﻲ ﺑﺎﺭﺩ ﻋﻠﻰ ﺟﺴﻤﻲ ﺍﻭﻋﻠﻰ ﻛﺼﺘﻲ ﻭﺍﻳﺪﻱ ﻟﻮ ﺍﺣﺲ ﺑﻮﺍﺣﺪ ﻳﺒﻮﺳﻨﻲ ﺑﺮﺍﺳﻲ ﻟﻮ ﻳﻠﻌﺐ ﺑﺸﻌﺮﻱ
ﻣﺮﻩ ﻣﻨﻬﻦ ﺣﺴﻴﺖ ﺑﻴﻪ ﻫﺠﺮﺱ ﺑﺲ ﻣﺎ ﺑﻴﻪ ﻗﻮﻩ ﺍﺑﻌﺪﻩ .. . ﻭﻣﺮﻩ ﻣﻨﻬﻦ ﺳﻤﻌﺖ ﺻﻮﺕ ﺑﺎﺑﺎ ﻓﺘﺤﺖ ﻋﻴﻮﻧﻲ ﻭﺭﺟﻌﺖ ﺳﺪﻳﺘﻬﻦ ﻣﻦ ﺍﻟﺘﻌﺐ ﻛﻨﺖ ﻛﻠﺶ ﺗﻌﺒﺎﻧﻪ ﻣﺎ ﺍﻛﺪﺭ ﺍﻛﻮﻡ
ﻓﺘﺤﺖ ﻋﻴﻮﻧﻲ ﺑﺎﻭﻋﺖ ﻟﻠﺸﺒﺎﺝ ﻳﻤﻜﻦ ﺍﻟﺪﻧﻴﺎ ﻟﻴﻞ ﺑﺎﻭﻋﺖ ﻟﻠﺴﺎﻋﻪ ﺏ٧ ﺣﻴﻞ ﻟﻌﺪ ﺷﻜﺪ ﻧﺎﻳﻤﻪ ﺳﻨﺪﺕ ﻧﻔﺴﻲ ﻭﺭﺩﺕ ﺍﻛﻮﻡ ﺷﻔﺖ ﻫﺠﺮﺱ ﺩﺧﻞ ﻭﺟﺎﻳﺐ ﺻﻴﻨﻴﻪ ﺑﻴﻬﺎ ﺷﻮﺭﺑﻪ ﺳﺪ ﺍﻟﺒﺎﺏ ﻭﺍﺟﻪ ﻛﻌﺪ ﻳﻤﻲ
ﻛﺎﻝ
.. ﺷﻠﻮﻥ ﺻﺮﺗﻲ
ﻫﺰﻳﺘﻠﻪ ﺭﺍﺳﻲ ﺑﻤﻌﻨﻰ ﺍﺣﺴﻦ ﺣﻂ ﺍﻳﺪﻩ ﻋﻠﻰ ﻛﺼﺘﻲ ﻛﺎﻝ
.. ﺷﻮﻳﻪ ﺣﺮﺍﺭﺗﺞ ﺍﺣﺴﻦ ﻫﺴﻪ
ﻣﺎ ﺟﺎﻭﺑﺘﻪ mariam-almusawi
ﻋﻔﺘﻪ ﻭﺭﺩﺕ ﺍﻛﻮﻡ ﺍﺟﻪ ﺭﺍﺩ ﻳﺴﻨﺪﻧﻲ ﺑﻌﺪﺕ ﻧﻔﺴﻲ ﻋﻨﻪ ﻭﺍﺧﺬﺕ ﻏﺮﺍﺿﻲ ﻟﻠﺤﻤﺎﻡ ﺳﺒﺤﺖ ﻭﺑﺪﻟﺖ ﻭﻃﻠﻌﺖ ﺍﺣﺲ ﺟﺴﻤﻲ ﻣﻴﺖ ﻭﺭﺍﺳﻲ ﻳﻮﺟﻌﻨﻲ
ﺩﺧﻠﺖ ﺍﻟﻐﺮﻓﻪ ﻟﻜﻴﺘﻪ ﻛﺎﻋﺪ ﻉ ﺍﻟﻠﻌﺒﻪ ﺷﺎﻓﻨﻲ ﺍﺟﻴﺖ ﻋﺪﻝ ﺍﻟﻔﺮﺍﺵ ﻭﺍﻟﻤﺨﺎﺩﻳﺪ ﺍﻧﻲ ﻫﻢ ﺭﺣﺖ ﻧﻤﺖ ﻭﻏﻄﻴﺖ ﺭﺍﺳﻲ ﻛﺎﻝ
.. ﺟﻴﻼﻥ ﺍﻛﻌﺪﻱ ﺍﻛﻠﻴﻠﺞ ﻟﻜَﻤﻪ
.. ﻣﺎ ﺍﺭﻳﺪ
.. ﻋﻨﺪﺝ ﺩﻭﻩ ﻭﻻﺯﻡ ﺗﺒﻠﻌﻴﻦ ﻋﻮﻓﻲ ﺍﻟﻌﻨﺎﺩ ﺷﻮﻳﻪ
.. ﻋﻮﻓﻨﻲ ﻣﺎ ﺍﺭﻳﺪ
ﺭﻓﻊ ﺍﻟﻐﻄﺎ ﻋﻦ ﺭﺍﺳﻲ ﻭﻛﺎﻝ
.. ﺟﻴﻼﻥ ﻟﻴﺶ ﻫﻴﺠﻲ ﺗﺴﻮﻳﻦ ﻭﻳﺎﻱ ﻳﻌﻨﻲ ﺗﺰﻭﺟﺖ ﺣﺘﻰ ﺍﺭﺗﺎﺡ ﻟﻮ ﺣﺘﻰ ﺍﺗﻌﺬﺏ
ﺳﻜﺘﺖ ﻣﺎ ﺟﺎﻭﺑﺘﻪ ﻛﺎﻝ
.. ﻛﻮﻣﻲ ﻟﺨﺎﻃﺮ ﺍﺑﻮﺝ ﻣﻮ ﻟﺨﺎﻃﺮﻱ ﺍﻛﻠﻴﻠﺞ ﻟﻜَﻤﻪ ﻣﺎ ﺍﺭﻳﺪ ﺷﻲ ﻣﻨﺞ ﻭﺍﻟﻠﻪ ﻭﺍﺫﺍ ﻉ ﺍﻟﺼﺎﺭ ...... ‏( ﺩﻧﻚ ﻋﻠﻰ ﺭﺍﺳﻲ ﺑﺎﺳﻪ ‏) ﺍﻧﻲ ﺍﺳﻒ ﺑﺲ ﻻ ﺗﺒﻘﻴﻦ ﻫﻴﺞ ﻧﺎﻳﻤﻪ ﻭﺍﻟﻠﻪ ﻣﺎ ﻳﻬﻮﻥ ﻋﻠﻴﻪ ﺍﺷﻮﻓﺞ ﺗﻌﺒﺎﻧﻪ
ﻣﺎ ﻛﺪﺭﺕ ﺍﺭﺩﻩ ﻻﻥ ﺣﻠﻔﻨﻲ ﺑﺒﺎﺑﺎ ﻛﻌﺪﺕ ﻭﺍﺧﺬﺕ ﺍﻟﺼﻴﻨﻴﻪ ﻛﻤﺖ ﺍﻛﻞ ﻭﻫﻮ ﻳﺒﺎﻭﻋﻠﻲ
ﺍﺣﺲ ﻧﻈﺮﺍﺗﻪ ﺍﻟﻲ ﻛﻠﻬﺎ ﺣﺐ ﻭﺣﻨﻴﻪ ... ﺍﺣﺲ ﺑﻴﻪ ﻣﺘﻨﺪﻡ ﻣﺎ ﺍﻋﺮﻑ ﻫﻮ ﻳﺤﺒﻨﻲ ﺻﺪﻙ ؟ ! ﺑﺲ ﺷﻮﻛﺖ ﺣﺒﻨﻲ ؟؟؟؟
ﻳﺠﻮﺯ ﺍﻧﻲ ﺍﺗﺨﻴﻞ ﺣﺒﻪ ﺑﺲ ﺗﺼﺮﻓﺎﺗﻪ ﻛﻠﻬﺎ ﺗﻮﺣﻲ ﺍﻧﻪ ﻫﻮ ﻳﺤﺒﻨﻲ ﺑﺲ ﺍﻧﻲ ﻣﺎ ﺩﺍ ﺍﻛﺪﺭ ﺍﺗﻘﺒﻠﻪ ﺭﺑﻲ ﺳﺎﻋﺪﻧﻲ ﻻﺯﻡ ﺗﻠﻜﺎﻟﻲ ﺣﻞ ﻟﻮ ﺗﺨﻠﻴﻪ ﻳﻄﻠﻜﻨﻲ ﻟﻮ ﺗﺨﻠﻴﻨﻲ ﺍﺣﺒﻪ
ﻛﺎﻝ
.. ﻭﻳﻦ ﺻﺎﻓﻨﻪ
.. ﻣﺎ ﺍﻋﺘﻘﺪ ﺍﻟﻚ ﻋﻼﻗﻪ ؟
ﺍﺑﺘﺴﻢ
.. ﺟﻴﻼﻥ ﻟﻴﺶ ﺗﻜﺮﻫﻴﻨﻲ
.. ﺑﺴﺒﺐ ﺗﺼﺮﻓﺎﺗﻚ ﺍﻟﻬﻢ ......
ﺳﻜﺘﺖ
ﺍﺑﺘﺴﻢ ﺑﺘﻌﺐ
.. ﺍﻟﻬﻤﺠﻴﻪ ﻛﻤﻠﻴﻬﺎ ﻋﺎﺩﻱ ﺗﻌﻮﺩﺕ ﺍﺻﻴﺮ ﻫﻤﺠﻲ ﺑﻨﻈﺮﺝ
ﺍﻧﻄﻴﺘﻪ ﺍﻟﺼﻴﻨﻴﻪ ﻭﻛﺘﻠﻪ
.. ﺷﺒﻌﺖ ﺍﺭﻳﺪ ﺍﻧﺎﻡ
ﺍﻧﻄﺎﻧﻲ ﺍﻟﺪﻭﻩ ﺑﻠﻌﺘﻪ ﻭﺭﺟﻌﺖ ﻏﻄﻴﺖ ﺭﺍﺳﻲ ﺳﻤﻌﺘﻪ ﻧﺰﻝ ﻭﺭﻩ ﺩﻗﺎﻳﻖ ﻭﺻﻌﺪ ﻟﻠﻐﺮﻓﻪ ﻭﻛﻌﺪ ﻳﻤﻲ ﻉ ﺍﻟﺠﺮﺑﺎﻳﻪ ﻳﺒﺎﻭﻉ ﻟﻠﻌﺒﻪ
ﺍﺭﻳﺪ ﺍﻏﻔﻪ ﻣﺎ ﺍﻛﺪﺭ ﺑﺴﺒﺐ ﻗﺮﺑﻪ ﻣﻨﻲ ﻣﺎ ﺍﻋﺮﻑ ﺑﺴﺒﺐ ﺍﻟﻤﺮﺽ ﺑﺲ ﺑﻘﻴﺖ ﻋﻠﻰ ﻧﻔﺲ ﻭﺿﻌﻴﺘﻲ ﺑﺎﻟﻔﺮﺍﺵ ﻣﻦ ﺍﻟﻤﺮﺽ ﻣﺎ ﺍﻛﺪﺭ ﺍﺗﻜﻠﺐ
ﻭﺭﻩ ﺗﻘﺮﻳﺒﺎ ﺳﺎﻋﻪ ﺷﺎﻝ ﺍﻟﻐﻄﻪ ﻋﻦ ﺭﺍﺳﻲ ﺍﻧﻲ ﺳﻮﻳﺖ ﻧﻔﺴﻲ ﻧﺎﻳﻤﻪ ﻫﻮ ﺣﻂ ﺍﻳﺪﻩ ﻉ ﻛﺼﺘﻲ ﻭﺣﺴﻴﺖ ﺑﻴﻪ ﻗﺮﻳﺐ ﻋﻠﻴﻪ ﺑﺲ ﻣﺎ ﺭﺩﺕ ﺍﺣﺮﻙ ﺳﺎﻛﻦ ﻭﺑﺎﺱ ﺧﺪﻱ ﺑﻮﺳﻪ ﺧﻔﻴﻔﻪ ﻭﺑﺪﻩ ﻳﻤﺴﺢ ﻋﻠﻰ ﺷﻌﺮﻱ ﻭﻛﺎﻝ ﺑﺼﻮﺕ ﺿﻌﻴﻒ ﻛﺄﻧﻪ ﺩﺍ ﻳﺤﺠﻲ ﻭﻳﻪ ﻧﻔﺴﻪ
.. ﻭﺍﻟﻠﻪ ﺍﺣﺒﺞ ﺷﻮﻛﺖ ﺗﻔﻬﻤﻴﻦ ﻫﺎﻟﺸﻲ ﺷﻮﻛﺖ ﺗﻔﻬﻤﻴﻦ ﺣﺒﺞ ﻋﺸﻌﺶ ﺑﻘﻠﺒﻲ ﻣﻦ ﺍﻟﺼﻐﺮ ﺷﻜﺪ ﺣﺎﻭﻟﺖ ﺍﻃﻠﻌﻪ ﺑﺴﺒﺐ ﻋﻨﺎﺩﺝ ﻣﺎ ﻛﺪﺭﺕ .. ﺗﻤﻨﻴﺖ ﺗﺒﻴﻨﻠﻲ ﻭﻟﻮ ﺷﻮﻳﻪ ﺍﻫﺘﻤﺎﻡ ﺣﺘﻰ ﺍﻋﺘﺮﻓﻠﺞ ﺑﺤﺒﻲ ﺑﺲ ......
ﺑﻬﺎﻻﺛﻨﺎﺀ ﺩﻙ ﺟﻬﺎﺯﻩ ﻫﻮ ﺑﺴﺮﻋﻪ ﺍﺧﺬﻩ ﻭﻃﻠﻊ ﺣﺘﻰ ﻣﺎ ﺍﺳﻤﻊ ﺻﻮﺕ ﺍﻟﻨﻐﻤﻪ ﻭﺍﻛﻌﺪ
ﺍﻧﻲ ﺑﺼﺮﺍﺣﻪ ﺍﻧﺼﺪﻣﺖ ﺻﺪﻣﺔ ﻋﻤﺮﻱ ﻫﺠﺮﺱ ﻳﺤﺒﻨﻲ ﻣﻦ ﺍﻟﺼﻐﺮ؟؟؟ !!!!!! ﻟﻬﺎﻟﺪﺭﺟﻪ ﺟﻨﺖ ﻋﻤﻴﻪ ﻭﻣﺎ ﺍﺷﻮﻑ ﺣﺒﻪ
ﺯﻳﻦ ﻟﻴﺶ ﻣﻦ ﻛﻠﻪ ﺟﺪﻱ ﺭﺍﺡ ﺗﺘﺰﻭﺝ ﺑﻨﺖ ﻋﻤﻚ ﻣﺎ ﻗﺒﻞ ﻭﻛﺎﻡ ﻳﺼﻴﺢ ؟ ﺷﻨﻮ ﻫﺎﻟﺘﻨﺎﻗﺾ ﺑﺘﺼﺮﻓﺎﺗﻪ ﻭﻛﻼﻣﻪ ﺑﺲ ﻧﻈﺮﺍﺗﻪ ﺗﻜﻮﻝ ﻓﻌﻼ ﻳﺤﺒﻨﻲ ؟ ......!
ﺍﻧﺪﻛﺖ ﺍﻟﺒﺎﺏ ﻭﺍﻧﻔﺘﺢ ﺑﺎﻭﻋﺖ ﻟﻜﻴﺖ ﻓﻄﻮﻡ ﺩﺧﻠﺖ
.. ﻫﺎ ﻳﺎ ﺣﻠﻮ ﺷﻨﻮ ﺍﻟﻘﺼﻪ ﻣﻌﻘﻮﻟﻪ ﻫﺬﺍ ﺍﻟﻌﺮﺱ ﻫﻴﺞ ﻳﺴﻮﻱ ﺑﺎﻟﻮﺣﺪﻩ
.. ﺍﻧﺠﺒﻲ ﺗﻌﺎﻟﻲ ﻛﻮﻟﻴﻠﻲ ﻫﺠﺮﺱ ﻭﻳﻦ
.. ﺩﺍ ﻳﺴﻮﻟﻒ ﻭﻳﻪ ﺍﺑﻮﻱ ﻉ ﺍﻟﺸﻐﻞ
.. ﻓﻄﻮﻣﻪ ﺑﺎﺑﺎ ﺷﻠﻮﻧﻪ ﺟﺴﻤﻲ ﻣﻜﺴﺮ ﻣﺎ ﺍﻛﺪﺭ ﺍﻧﺰﻝ ﺍﻟﺪﺭﺝ
.. ﻭﺍﻟﻠﻪ ﻋﻤﻮ ﺫﺑﻼﻥ ﺧﻄﻴﻪ ﻭﻭﺟﻬﻪ ﻛﻠﺶ ﺗﻌﺒﺎﻥ ﺍﻧﻮﺏ ﺿﻐﻄﻪ ﺗﺨﺮﺑﻂ ﻣﻦ ﺳﻤﻊ ﺑﻴﺞ ﻣﺮﻳﻀﻪ ﻭﻣﺎﺧﺬﻳﺞ ﻟﻠﻤﺴﺘﺸﻔﻰ ﻛﻮﻩ ﺻﻌﺪﻟﺞ ﻭﺍﻧﺘﻲ ﻧﺎﻳﻤﻪ ﻭﺷﺎﻓﺞ ﺧﻄﻴﻪ ﻛﺎﻡ ﻳﺒﺠﻲ ﻣﻦ ﺷﺎﻓﺞ
ﺍﻧﻲ ﺳﻤﻌﺖ ﺑﺒﺎﺑﺎ ﻧﺰﻟﺖ ﺩﻣﻌﺘﻪ ﻭﺍﻧﻲ ﺍﻟﺪﻣﻮﻉ ﻛﺎﻡ ﺗﺠﺮﻱ ﻣﺎ ﺍﻋﺮﻑ ﺷﺒﻴﻪ ﻛﻤﺖ ﻭﺳﻨﺪﺗﻨﻲ ﻓﻄﻮﻣﻪ
.. ﻭﻳﻦ ﺭﺍﻳﺤﻪ ﺟﻴﻼﻥ
ﻣﺎ ﺟﺎﻭﺑﺘﻬﺎ ﺍﺧﺬﺕ ﺷﺎﻟﻲ ﻭﻛﻮﻩ ﺍﻣﺸﻲ ﻻﻥ ﺟﺴﻤﻲ ﻣﻜﺴﺮ
ﻧﺰﻟﺖ ﺍﻟﺪﺭﺝ ﻣﺴﺤﺖ ﺩﻣﻮﻋﻲ ﻣﺎ ﺭﺩﺕ ﺍﺑﻴﻨﻠﻪ ﺿﻌﻔﻲ ﻟﻜﻴﺘﻬﻢ ﻣﻠﺘﻤﻴﻦ ﻛﻠﻬﻢ ﺑﻐﺮﻓﺔ ﺑﻴﺒﻲ ﻋﺪﺍ ﻫﺎﺷﻢ ﻭﺯﻧﻮﺑﻪ ﺍﻟﻠﻲ ﺑﻐﺮﻓﻬﻢ ﺑﺎﻭﻋﺖ ﻟﻬﺠﺮﺱ ﻛﺎﻋﺪ ﻳﻢ ﺑﺎﺑﺎ ﺗﻔﺎﺟﺄ ﺑﻴﻪ ﻫﺠﺮﺱ ﺷﻨﺰﻟﻨﻲ
ﺑﺎﺑﺎ ﺍﻧﺪﺍﺭ ﻋﻠﻴﻪ ﺍﺑﺎﻭﻋﻠﻪ ﺍﻟﻮﺟﻪ ﺿﻌﻔﺎﻥ ﻛﻠﺶ ﻭﺫﺑﻼﻥ ﺷﺎﻓﻨﻲ ﺑﺎﺑﺎ ﺍﺑﺘﺴﻢ ﻭﺍﻟﻔﺮﺣﻪ ﺑﻴﻨﺖ ﺑﻌﻴﻮﻧﻪ ﻭﻛﺎﻝ
.. ﻫﻠﻪ ﺑﺎﺑﺎ ﺗﻌﺎﻱ ﻳﻤﻲ .. ﺷﻠﻮﻥ ﺻﺮﺗﻲ
.. ﺍﻟﺤﻤﺪ ﻟﻠﻪ ﺍﻧﺖ ﺷﻠﻮﻥ ﺻﺮﺕ
.. ﺑﺮﺣﻤﺔ ﺭﺑﺞ
ﻛﺎﻟﺖ ﺑﻴﺒﻲ
.. ﺷﻠﻮﻥ ﺻﺮﺗﻲ ﺣﺒﻮﺑﻪ ﺟﻮﻳﻠﻪ
.. ﺍﻟﺤﻤﺪ ﻟﻠﻪ ﺑﻴﺒﻲ ﺍﺣﺴﻦ ﻣﻦ ﺍﻟﺼﺒﺢ
ﻛﺎﻝ ﻫﺠﺮﺱ ﻭﺍﻧﻲ ﺍﻛﻌﺪ ﻳﻢ ﺑﺎﺑﺎ
.. ﺷﻨﺰﻟﺞ ﻣﻮ ﺗﻌﺒﺎﻧﻪ
.. ﺭﺩﺕ ﺍﺷﻮﻑ ﺑﺎﺑﺎ ﺿﻞ ﻛَﻠﺒﻲ ﻳﻤﻪ
ﺍﺑﺘﺴﻤﻠﻲ ﺑﺎﺑﺎ ﻭﺑﺎﺱ ﺭﺍﺳﻲ
ﻛﺎﻟﺖ ﺑﻴﺒﻲ
.. ﺣﺒﻮﺑﻪ ﺟﺎ ﺍﻧﺘﻲ ﻳﺎ ﺣﻈﻲ ﺩﻭﺭﻩ ﻣﺎﻝ ﻧﺴﻮﺍﻥ ﻣﺎ ﺣﻤﻠﺘﻲ ﻭﺟﻌﻬﺎ ﺟﺎ ﺷﻠﻮﻥ ﺑﺎﺟﺮ ﻋﻜَﺒﻪ ﺗﺤﻤﻠﻴﻦ ﻭﺟﻊ ﺍﻟﻄﻠﻮﻙَ .. ﺍﻭﻭﻭﻭﻭ ﻭﺟﻌﺔ ﺍﺑﻴﻲ ﻛﻮﻥ
ﻋﺰﻩ ﻫﺎﻱ ﺷﺒﻴﻬﺎ ﺑﻴﺒﻲ ﻭﺍﻟﻘﺮﺍﻥ ﺭﺩﺕ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﻣﻦ ﺍﻟﺨﺠﻞ ﻛﻠﻬﻢ ﺳﻜﺘﻮﺍ ﻭﻏﻠﺴﻮﺍ ﺍﺑﺎﻭﻉ ﻟﻬﺠﺮﺱ ﺑﻄﺮﻑ ﺷﻔﺘﻪ ﺍﺑﺘﺴﺎﻣﻪ ﺧﻔﻴﻔﻪ ﺑﺴﻴﻄﻪ ﺗﻀﺤﻚ ﻋﻠﻴﻪ ﺍﻧﻲ ﺍﻋﻠﻤﻚ
ﻛﺎﻝ ﺟﺪﻭ
.. ﺍﻛﻠﺞ ﺍﻡ ﺣﺴﻦ ﺍﻻﻭﺭﺍﻕ ﺍﻻﻧﻄﻴﺘﺠﻴﺎﻫﻦ ﺍﻟﻴﻮﻡ ﻭﻳﻦ ﺧﻠﻴﺘﻴﻬﻦ ﺍﻟﺼﺒﺢ
.. ﻫﻮ ﺍﻧﻲ ﺍﺫﻛﺮ ... ﻫﺎﻱ ﺍﻟﺪﻭﺭﻩ ﻣﺎﻟﺘﻬﺎ ﺧﻠﺘﻨﻲ ﺍﺷﻮﻓﻦ ﺩﺭﺑﻲ ﺍﻟﻴﻮﻡ
ﺍﺑﺎﻭﻉ ﻟﻔﺎﻃﻤﻪ ﻭﺍﻛﻔﻪ ﺑﺎﻟﺼﺎﻟﻪ ﻭﺧﺮﺑﺎﻧﻪ ﺿﺤﻚ ﻋﻠﻴﻪ .. ﻋﺰﻩ ﻫﺎﻱ ﺷﻴﺴﻜﺘﻬﺎ ﺑﻴﺒﻲ .... ﻛﺎﻟﻠﻬﺎ ﺟﺪﻭ
.. ﻛﻮﻣﻲ ﺩﻭﺭﻳﻠﻴﺎﻫﻦ
.. ﻫﺴﻪ ﻣﻦ ﺍﻛﻮﻣﻦ ﻟﻜَﺒﺘﻲ ‏( ﻏﺮﻓﺘﻲ ‏) ﻋﻮﺩ ﺍﺷﻮﻓﻦ ﻭﻳﻦ ﺧﻠﻴﺘﻬﻦ
ﻛﺎﻝ ﻋﻤﻮ
.. ﺑﻮﻳﻪ ﻫﺠﺮﺱ ﺑﺎﺟﺮ ﺍﺫﺍ ﺻﺎﺭﺕ ﻣﺮﻳﺘﻚ ﺯﻳﻨﻪ ﺍﺧﺬﻫﺎ ﻭﺍﻃﻠﻌﻮﺍ ﺍﻓﺘﺮﻭﺍ ﺯﻭﺭﻭﺍ ﺧﻄﻴﻪ ﻣﻦ ﺗﺰﻭﺟﺘﻮﺍ ﻟﻠﻴﻮﻡ ﻣﺎ ﻃﻠﻌﺘﻮﺍ
ﻛﺎﻟﺖ ﺑﻴﺒﻲ
.. ﻻ ﻭﻳﻦ ﻳﺰﻭﺭﻫﺎ ﺟﺎ ﻣﻮ ﺍﻟﺪﻭﺭﻩ ﻋﻠﻴﻬﺎ
ﻣﺎ ﺍﺣﺲ ﻏﻴﺮ ﻫﺠﺮﺱ ﻃﻜﻬﺎ ﺿﺤﻜﻪ ﻭﺍﻟﺒﻘﻴﻪ ﺑﺪﻭﺍ ﻳﺒﺘﺴﻤﻮﻥ ﺑﺨﺠﻞ ﻭﺍﻧﻲ ﺍﺣﺲ ﺻﺮﺕ ﻃﻤﺎﻃﻴﻪ ﻣﻦ ﺍﻟﺨﺠﻞ ﻋﻔﺘﻬﻢ ﻭﻛﻤﺖ ﻟﻠﺼﺎﻟﻪ ﻳﻢ ﻓﺎﻃﻤﻪ ﺍﻟﻠﻲ ﻧﺎﻳﻤﻪ ﺑﺎﻟﻜﺎﻉ ﻣﻦ ﺍﻟﻀﺤﻚ
ﺍﺟﻴﺖ ﺩﻓﺮﺗﻬﺎ ﺑﺨﺎﺻﺮﺗﻬﺎ
.. ﻭﻭﺟﻊ ﺷﺒﻴﺞ ﺍﻧﺘﻲ ﻭﺑﻴﺒﺘﺞ ﺍﻟﻴﻮﻡ ﻋﻠﻴﻪ
.. ﺍﺍﺍﺥ ﻭﻟﺞ ﺿﺎﻭﻳﻪ ﺍﻟﻴﻮﻡ ﻣﻮ ﺑﺲ ﻃﻠﻌﺖ ﺭﻭﻥ ﺳﺎﻳﺪ ﻭﻟﺞ ﺣﺘﻪ ﺍﻟﺒﻨﻴﺪ ﺷﺎﻟﺘﻪ ﻣﻦ ﺍﻟﺘﺠﻔﺺ
.. ﻻ ﻭﺍﻟﻠﻪ ﻣﺘﻌﻤﺪﻩ ﻭﻳﺎﻱ ﺍﻧﻲ ﺍﻋﻠﻤﻬﺎ ﺷﻠﻮﻥ ﻓﺸﻠﺘﻨﻲ
.. ﻭﺩﺍﻋﺘﺞ ﻻ ﻓﺸﻠﻪ ﻭﻻ ﺷﻲ ﺷﻐﻠﻪ ﻋﺎﺩﻳﻪ
.. ﺍﻭﻛﻲ ﺍﻣﺸﻲ ﻳﻤﻬﻢ ﺧﻠﻲ ﻧﺴﺘﻠﻤﺞ ﺍﻧﻲ ﻭﺿﺎﻭﻳﻪ ﻣﺎ ﺩﺍﻡ ﻣﺎ ﺑﻴﻬﺎ ﺷﻲ
.. ﺧﺎﻳﺒﻪ ﺍﻧﺠﺒﻲ ... ﺷﻨﻮ ﻫﻴﺞ ﺑﺎﻳﻌﻪ ﺭﻭﺣﻲ ﺍﻧﻲ ﻟﻀﺎﻭﻳﻪ ... ﺳﻮﺩﻩ ﺑﻔﻜَﺮﻱ
ﻓﺠﺄﻩ ﺣﺴﻴﺖ ﺑﺎﻟﻢ ﺑﻈﻬﺮﻱ ﻣﻮ ﻃﺒﻴﻌﻲ ﻭﺑﺠﺴﻤﻲ ﺗﻌﺐ ﻣﻮ ﻣﺎﻝ ﻭﻛﻔﻪ ﻛﻌﺪﺕ ﻉ ﺍﻟﺪﺭﺝ ﻭﺣﻄﻴﺖ ﺍﻳﺪﻱ ﻋﻠﻰ ﺭﺍﺳﻲ ﺷﻔﺖ ﻫﺠﺮﺱ ﺍﺟﻪ ﻭﺑﺎﻭﻋﻠﻲ ﺑﺘﺴﺎﺅﻝ
.. ﺷﺒﻴﺞ ﺟﻮﻟﻲ
.. ﺗﻌﺒﺎﻧﻪ ﻛﻠﺶ
.. ﺍﺷﻴﻠﺞ
ﺳﻜﺘﺖ ﻣﺎ ﺟﺎﻭﺑﺘﻪ ﺑﺴﺮﻋﻪ ﺭﻓﻌﻨﻲ ﻭﺻﻌﺪ ﺑﻴﻪ ﺍﻟﺪﺭﺝ ﺷﻤﻴﺖ ﻋﻄﺮﻩ ﻭﺍﻟﻠﻪ ﺣﻠﻮ ﻋﻄﺮﻩ ﻋﺎﺟﺒﻨﻲ ﻛﻠﺶ ﻫﺎﻱ ﺷﺒﻴﻪ ﺍﻧﻲ ﻣﻮ ﻻﺯﻡ ﺍﺯﻋﻞ ﻭﻣﺎ ﺍﺣﺠﻲ ﻭﻳﺎﻩ ﻟﻴﺶ ﻫﻴﺠﻲ ﺗﺄﺛﺮﺕ ﺑﻌﻄﺮﻩ ؟ ﺍﻱ ﺍﻧﻲ ﻣﺎ ﺍﺣﺒﻪ ﺑﺲ ﺍﺣﺐ ﻋﻄﺮﻩ ﺧﺮﺍﻓﻲ ﻭﻳﺸﺮﺡ ﺍﻟﺼﺪﺭ
Mariam-almusawi
يتبعتكملة١٢
ﺣﻄﻨﻲ ﻉ ﺍﻟﺠﺮﺑﺎﻳﻪ ﻭﺑﻘﻪ ﻣﺪﻧﻚ ﻋﻠﻴﻪ ﻭﻳﺒﺎﻭﻉ ﻟﺸﻔﺘﻲ ﻭﻟﻌﻴﻮﻧﻲ ﺍﻧﻲ ﻣﺪﻧﻜﻪ ﺑﺲ ﺍﺣﺲ ﺑﻨﻈﺮﺍﺗﻪ ﺷﻔﺖ ﺗﻨﻔﺴﻪ ﺗﺨﺮﺑﻂ ﺑﺴﺮﻋﻪ ﻭﺧﺮ ﻋﻨﻲ ﻭﻏﻄﺎﻧﻲ
ﻭﻛﺎﻝ
.. ﻳﻠﻪ ﻧﺎﻣﻴﻠﺞ ﺷﻮﻳﻪ ﺍﻧﺘﻲ ﻣﺮﻳﻀﻪ
ﺷﻔﺘﻪ ﻧﺰﻉ ﺍﻟﺪﺷﺪﺍﺷﻪ ﻭﺍﺧﺬ ﺍﻟﺨﺎﻭﻟﻲ ﻭﻃﻠﻊ ﺭﺍﺡ ﻟﻠﺤﻤﺎﻡ
ﻛﻌﺪﺕ ﺍﺑﺠﻲ ﻳﺎ ﺭﺑﻲ ﺳﺎﻋﺪﻧﻲ ﻟﻮ ﺗﻬﺪﻱ ﻗﻠﺒﻲ ﻳﺤﺒﻪ ﻟﻮ ﺗﺒﻌﺪﻩ ﻋﻨﻪ ﻣﺎ ﺍﺭﻳﺪ ﺍﺗﻌﺬﺏ ﻭﺍﻋﺬﺑﻪ ﻭﻳﺎﻱ ﺑﻘﻴﺖ ﺍﺑﺠﻲ ﻟﻤﻦ ﺳﻤﻌﺖ ﺑﺎﺏ ﺍﻟﺤﻤﺎﻡ ﺍﻧﻔﺘﺢ ﻣﺴﺤﺖ ﺩﻣﻮﻋﻲ ﻭﺳﻮﻳﺖ ﻧﻔﺴﻲ ﻧﺎﻳﻤﻪ
ﺍﺟﻪ ﺑﺪﻝ ﻣﻼﺑﺴﻪ ﻭﺭﺍﺡ ﻟﻔﺮﺍﺷﻪ ﺟﺎﻥ ﺣﺎﻃﻪ ﺑﺎﻟﻜﻨﺘﻮﺭ ﻃﻠﻌﻪ ﻭ ﻓﺮﺷﻪ ﺟﻮﻩ ﻭﻧﺎﻡ ﺑﻘﻴﺖ ﺍﺣﻮﺱ ﺑﻔﺮﺍﺷﻲ ﻻﻥ ﺟﻨﺖ ﻧﺎﻳﻤﻪ ﺍﻟﻨﻬﺎﺭ ﻛﻠﻪ ﻓﺘﺤﺖ ﺍﻟﻔﻴﺴﺒﻮﻙ ﻭﺑﻘﻴﺖ ﺍﻛَﻠﺐ ﺑﻴﻪ
ﻣﺎ ﺍﻋﺮﻑ ﺷﻨﻮ ﺍﻟﺨﻼﻧﻲ ﺍﺩﺧﻞ ﻉ ﺻﻔﺤﺔ ﻫﺠﺮﺱ ﻭﺍﻛَﻠﺐ ﺑﺼﻮﺭﻩ ﻭﻣﻨﺸﻮﺭﺍﺗﻪ
ﻭﺣﺪﻩ ﻣﻦ ﺻﻮﺭﻩ ﺍﻟﻠﻲ ﻛﺎﻥ ﺣﺎﻃﻬﺎ ﺻﻮﺭﻩ ﺷﺨﺼﻴﻪ ﻃﺎﻛَﻬﺎ ﺑﺎﻟﺸﻤﺎﻝ ﻳﻢ ﺍﻟﺸﻼﻻﺕ
ﻛﺎﻥ ﻻﺑﺲ ﺗﻴﺸﻴﺮﺕ ﺍﺣﻤﺮ ﻭﺭﺍﻓﻊ ﺑﻨﻄﺮﻭﻧﻪ ﻣﻦ ﻳﻢ ﺍﻟﻜﻌﺐ ﺷﺒﺮ ﺗﻘﺮﻳﺒﺎ ﻭﻻﺑﺲ ﻧﻈﺎﺭﺍﺕ ﻭﻣﻘﺮﻓﺺ ﻭﺿﺎﺣﻚ ﻣﺎ ﺍﻋﺮﻑ ﺷﻨﻮ ﺧﻼﻧﻲ ﺍﻓﺘﺢ ﺍﻟﺼﻮﺭﻩ ﻭﺍﻛﺒﺮﻫﺎ ﺍﺑﺎﻭﻉ ﻟﻀﺤﻜﺘﻪ ﺷﻜﺪ ﺣﻠﻮﻩ
ﻫﺠﺮﺱ ﺣﻠﻮ ﻃﺎﻟﻊ ﻋﻠﻰ ﺍﻣﻪ ﺑﺲ ﻣﺎﺧﺬ ﻣﻠﻮﺣﺔ ﺑﺎﺑﺎ ﻭﺟﺪﻭ ﻛﺎﻥ ﻣﻦ ﻳﻀﺤﻚ ﺗﺘﻐﻴﺮ ﻛﻞ ﻣﻌﺎﻧﻲ ﺍﻟﺼﺮﺍﻣﻪ ﻭﺍﻟﺤﺪﻳﻪ ﺍﻟﻠﻲ ﺑﻮﺟﻬﻪ
ﻃﻠﻌﺖ ﻣﻦ ﺍﻟﺼﻮﺭﻩ ﺑﺴﺮﻋﻪ ﻫﺎﻱ ﺍﻧﻲ ﺷﺪﺍ ﺍﺳﻮﻱ ﺑﺲ ﺍﺣﺲ ﺍﻛﻮ ﺷﻲ ﺑﺪﺍﺧﻠﻲ ﻳﺮﻳﺪ ﻳﻨﻄﻲ ﻫﺠﺮﺱ ﻓﺮﺻﻪ ﻣﻤﻜﻦ ﺗﻜﻮﻥ ﻓﻜﺮﺗﻲ ﻛﻠﻬﺎ ﻏﻠﻂ ﻋﻨﻪ ﻭﻳﺠﻮﺯ ﺗﺼﺮﻓﺎﺗﻪ ﻧﺎﺑﻌﻪ ﻣﻦ ﺍﻻﺷﻴﺎﺀ ﺍﻻﺳﺘﻔﺰﺍﺯﻳﻪ ﺍﻟﻠﻲ ﺍﺳﻮﻳﻬﺎ ﺍﻧﻲ
ﻗﺮﺭﺕ ﺍﻧﻪ ﺍﻧﻄﻲ ﻓﺮﺻﻪ ﺑﺲ ﺑﻌﺪ ﻣﺎ ﻳﺮﺿﻴﻨﻲ ﻭﻳﻌﺘﺬﺭ ﻋﻦ ﺍﻟﺴﻮﺍﻩ ﻭﻳﺎﻱ
ﺍﻟﻰ ﻣﺘﻰ ﺍﺑﻘﻪ ﻫﻴﺞ ﺍﺗﺼﺮﻑ ﻭﻳﺎﻩ ﺣﺘﻰ ﺍﻧﻲ ﺗﻌﺒﺖ ﻣﻦ ﺍﻟﻤﺸﺎﻛﻞ ﻭﺍﻟﻌﺮﻙ ﻭﻳﺎﻩ ﻳﺒﻘﻰ ﺍﺳﻤﻪ ﺯﻭﺟﻲ ﻭﺭﺍﺡ ﻧﻌﻴﺶ ﺍﻧﻲ ﻭﻳﺎﻩ ﻃﻮﻝ ﺍﻟﻌﻤﺮ ﻻﺯﻡ ﻧﻠﻜﻪ ﺣﻞ .........
# mariam-almusawi