حب هجرسي (مكتمله)

9

بارت٩

ﻛﺎﻟﺘﻠﻪ ﺑﻴﺒﻲ
.. ﻭﻟﻚ ﺍﻧﻲ ﻣﻮﺵ ﺑﻌﻴﻨﻚ
ﺿﺤﻚ ﺑﺎﺑﺎ ﻭﻛﺎﻟﻬﺎ
.. ﻳﻤﻪ ﺍﻧﺘﻲ ﺍﻟﺨﻴﺮ ﻭﺍﻟﺒﺮﻛﻪ
ﻭﺑﺎﺱ ﺭﺍﺳﻬﺎ
ﺩﺧﻞ ﻫﺠﺮﺱ ﺗﻔﺎﺟﺄﺕ ﺑﺠﻤﺎﻟﻪ ﻭﺍﻧﺎﻗﺘﻪ ﻛﺎﻥ ﻻﺑﺲ ﻗﺎﻁ ﺍﺳﻮﺩ ﻭﻗﻤﻴﺺ ﺍﺑﻴﺾ ﻭﺭﺑﺎﻁ ﺍﺳﻮﺩ ﻭﻣﺰﻳﻦ ﻭﻣﺴﻮﻱ ﻟﺤﻴﻪ ﺧﻔﻴﻔﻪ ﻭﻛﺎﻟﺐ ﺷﻌﺮﻩ ﻭﺳﺒﺤﺘﻪ ﻭﻋﻄﺮﻩ ﺍﻟﻴﺴﻄﺮ ﻭﻛﺎﻥ ﻣﺒﻴﻦ ﻋﻠﻰ ﻭﺟﻬﻪ ﺍﻟﻔﺮﺣﻪ ﺻﺪﻙ ﻛﺎﻥ ﻃﺎﻟﻊ ﺣﻠﻮ ﺑﺲ ﻫﺎﻟﺸﻲ ﺧﻮﻓﻨﻲ ﺍﻛﺜﺮ ﻣﻤﺎ ﻓﺮﺣﻨﻲ
ﺩﺧﻞ ﺳﻠﻢ ﻉ ﺑﺎﺑﺎ ﻭﺑﺎﺱ ﺍﻳﺪﻩ ﺑﺎﺑﺎ ﻛﻠﻪ
.. ﻫﺎﻱ ﻋﻴﻮﻧﻲ ﺍﺫﺍ ﺍﺫﻳﺘﻬﺎ ﺑﻴﻮﻡ ﻣﻌﻨﺎﻫﺎ ﻋﻤﻴﺖ ﻋﻴﻮﻧﻲ
.. ﺑﻌﻴﻮﻧﻲ ﺍﺣﻄﻬﺎ ﻋﻤﻲ ﺷﺘﺤﺠﻲ ﺷﻜﻢ ﺟﻴﻼﻥ ﻋﺪﻧﻪ ... ﺍﺀﻣﻦ ﻣﺎ ﻳﺠﺮﺍﻟﻚ ﻏﻴﺮ ﺍﻟﻠﻲ ﺗﺮﻳﺪﻩ ﻭﺟﻴﻼﻥ ﻉ ﺭﺍﺳﻲ ﺍﺣﻄﻬﺎ
.. ﺳﺎﻟﻢ ﺭﺍﺳﻚ ﺣﺒﻴﺒﻲ
ﺗﻘﺪﻣﻠﻲ ﻭﺑﺎﺱ ﺭﺍﺳﻲ ﻭﻏﻄﺎﻧﻲ ﻋﺪﻝ ﻭﺣﻂ ﺍﻟﻌﺒﺎﻳﻪ ﻋﻠﻰ ﻣﺘﻮﻧﻲ ﻭﻛﺎﺩﻧﻲ ﻭﻃﻠﻌﻨﻪ ﺍﻧﻲ ﻛﻨﺖ ﻛﻠﺸﻲ ﻣﺎ ﺍﺷﻮﻑ ﻣﻦ ﺍﻟﻄﺮﻳﻖ ﻻﻥ ﻭﺟﻬﻲ ﻣﻐﻄﻴﺘﻪ ﺑﺲ ﻫﻮ ﻣﺎ ﻋﺎﻓﻨﻲ ﻭﻭﻳﺎﻱ ﺧﻄﻮﻩ ﺑﺨﻄﻮﻩ ﻭﺭﺍﻓﻊ ﺑﺪﻟﺘﻲ ﺷﻮﻳﻪ ﻫﻤﺰﻳﻦ ﻻﺑﺴﻪ ﺳﺘﺮﻳﺞ ﺟﻮﻩ
ﺻﻌﺪﻧﻪ ﺑﺎﻟﺴﻴﺎﺭﻩ ﻛﺎﻥ ﻫﺎﺷﻢ ﻳﺴﻮﻕ ﺑﺴﻴﺎﺭﺓ ﻫﺠﺮﺱ ﻭﺻﻌﺪ ﺟﺪﻭ ﺑﺎﻟﺼﺪﺭ ﻭﺍﺣﻨﻪ ﺑﺎﻟﻮﺭﻩ ﻛﺎﻧﺖ ﺳﻴﺎﺭﺍﺕ ﻛﻠﺶ ﻫﻮﺍﻱ ﺟﺎﻳﻪ
ﺑﺎﻟﻄﺮﻳﻖ ﻟﺰﻡ ﺍﻳﺪﻱ ﻭﺷﺎﻭﺭﻧﻲ
.. ﺭﻏﻢ ﻣﺘﻀﺎﻳﻖ ﻣﻨﺞ ﻛﻠﺶ ﺑﺲ ﻃﺎﻟﻌﻪ ﺗﺨﺒﻠﻴﻦ ﺍﻭﻝ ﻣﺮﻩ ﺑﺤﻴﺎﺗﻲ ﺍﺷﻮﻑ ﺑﻨﻴﻪ ﻫﻴﺞ ﺟﻤﺎﻟﻬﺎ
ﻫﺎﻟﻜﻼﻡ ﺑﺪﻝ ﻣﺎ ﻳﺮﻳﺤﻨﻲ ﺍﺭﺑﻜﻨﻲ ﻛﻠﺶ ﻭﺧﻮﻓﻨﻲ ﻭﻛﻤﺖ ﺍﺑﺠﻲ ﺑﺼﻤﺖ ﺟﻮﻩ ﺍﻟﻄﺮﺣﻪ ﺍﻭﻝ ﻣﺮﻩ ﺍﺧﺎﻑ ﻫﺎﻟﺸﻜﻞ ﺍﺣﺲ ﻧﻔﺴﻲ ﻭﺭﻃﺖ ﺭﻭﺣﻲ ﺑﺎﻟﻤﻮﺍﻓﻘﻪ ﻋﻠﻴﻪ ﺑﺲ ﺍﻟﻤﺼﻴﺒﻪ ﺍﻧﻲ ﻫﺴﻪ ﺑﻴﻦ ﻧﺎﺭﻳﻦ ﻧﺎﺭ ﻣﺮﺽ ﺍﺑﻮﻱ ﻭﻧﺎﺭ ﻫﺠﺮﺱ ﻭﺍﺛﻨﻴﻨﻬﻦ ﺩﺍ ﻳﺤﺮﻛﻨﻲ
ﻭﺻﻠﻨﻪ ﻟﻠﻔﻨﺪﻕ ﺻﻌﺪﻭﻧﻪ ﻟﻠﻐﺮﻓﻪ ﺍﺟﺖ ﻭﻳﺎﻧﻪ ﻋﻤﻪ ﻛﻮﺍﻛﺐ ﻭﺑﺸﺮﻯ ﺟﺎﺑﻦ ﺟﻨﻄﻪ ﻣﺎﻝ ﺳﻔﺮ ﺣﺎﻃﺎﺕ ﺑﻴﻬﺎ ﻛﻞ ﻏﺮﺍﺿﻨﻪ ﺍﻧﻲ ﻭﻫﺠﺮﺱ ﺍﻟﻠﻲ ﻧﺤﺘﺎﺟﻬﺎ ﻭﻭﺻﻨﻲ ﻋﻠﻰ ﻛﻢ ﺷﻐﻠﻪ ﻭﺭﻩ ١٠ ﺩﻗﺎﻳﻖ ﺻﻌﺪ ﻫﺠﺮﺱ ﺳﻠﻤﻦ ﻋﻠﻴﻪ ﻭﺑﻮﺳﻨﻨﻪ ﻭﺑﺎﺭﻛﻠﻪ ﻭﺭﺍﺣﻦ ﻭﻫﻮ ﻗﻔﻞ ﺍﻟﺒﺎﺏ ﻭﺭﺍﻫﻦ
♡..............................
ﻗﻔﻞ ﺍﻟﺒﺎﺏ ﻭﺍﻧﺪﺍﺭﻟﻲ ﻭﺍﻧﻲ ﺟﺴﻤﻲ ﻛﻠﻪ ﻳﺮﺟﻒ ﺍﺣﺲ ﻧﻔﺴﻲ ﺭﺍﺡ ﺗﺼﻴﺮ ﺑﻴﻪ ﺳﻜﺘﻪ ﻣﻦ ﺍﻟﺮﺟﻴﻒ ﻫﻮ ﻓﺘﺢ ﺩﻛﻢ ﺳﺘﺮﺗﻪ ﻭﺗﻘﺮﺏ ﻛﻌﺪ ﻳﻤﻲ ﻉ ﺍﻟﺠﺮﺑﺎﻳﻪ ﺍﻧﻲ ﺍﺩﻧﻴﺖ ﺷﻮﻳﻪ ﻋﻨﻪ ﺍﺑﺘﺴﻢ ﺑﺘﻌﺐ ﻭﻟﺰﻡ ﺍﻳﺪﻱ ﺑﺎﺳﻬﺎ ﺳﺤﺒﺘﻬﺎ ﻣﻨﻪ ﺑﺴﺮﻋﻪ ﺑﺎﻭﻋﻠﻲ ﻭﺍﺑﺘﺴﻢ ﺑﻘﻬﺮ
.. ﺟﻴﻼﻥ ... ﻻ ﺗﺨﺎﻓﻴﻦ ﺍﻧﻲ ﺍﻟﻴﻮﻡ ﻣﺎ ﺟﺒﺘﺞ ﻫﻨﺎ ﻋﻠﻤﻮﺩ ﺍﺗﺪﻧﺎﻟﺞ ﻭﺍﺷﺒﻊ ﺭﻏﺒﺘﻲ .. ﺍﻧﻲ ﺟﺒﺘﺞ ﺣﺘﻰ ﻧﻜﻌﺪ ﻧﺴﻮﻟﻒ ﻭﻧﺤﻂ ﺍﻟﻨﻘﻂ ﻉ ﺍﻟﺤﺮﻭﻑ ﻭﺍﺷﻮﻑ ﻣﻦ ﺷﻨﻮ ﺍﻧﺘﻲ ﺧﺎﻳﻔﻪ ﻣﻨﻲ ﻭﻟﻴﺶ ﻣﺎ ﻣﺘﻘﺒﻠﺘﻨﻲ ﺑﺤﻴﺎﺗﺞ .. ﻣﺎﺷﻲ ؟
ﺳﻜﺘﺖ ﻣﺎ ﺟﺎﻭﺑﺘﻪ ﻛﺎﻝ
.. ﻛﻮﻣﻲ ﺍﺳﺒﺤﻲ ﻭﺍﺭﺗﺎﺣﻲ ﻭﻟﻮ ﺍﻧﺘﻲ ﻫﻴﺞ ﺗﺨﺒﻠﻴﻦ ﺑﺲ ﺍﺭﻳﺪ ﺷﻮﻳﻪ ﺗﺮﺗﺎﺣﻴﻦ ﻭﺗﻌﺎﻟﻲ ﻧﺘﻌﺸﻪ ﻭﻭﺭﺍﻫﺎ ﺍﺣﺠﻴﻠﻲ ﻛﻠﺸﻲ ﻣﻀﺎﻳﻘﺞ
ﺷﻮﻳﻪ ﻫﺪﺃﺕ ﻣﻦ ﻛﺎﻝ ﻫﻴﺞ ﺭﺩﺕ ﺍﻛﻮﻡ ﻛﺎﻡ ﻗﺒﻠﻲ ﻭﻛﻮﻣﻨﻲ ﻭﻫﻮ ﻳﺒﺘﺴﻢ ﻛﺎﻝ
.. ﺭﺍﺡ ﺍﻃﻠﻊ ﺍﺷﺮﺏ ﺟﻜﺎﺭﻩ ﻭﺍﺟﻴﺐ ﻋﺸﻪ ﻧﺺ ﺳﺎﻋﻪ ﻭﺍﺟﻴﺞ
ﻋﺎﻓﻨﻲ ﻭﻃﻠﻊ
ﺣﻮﺭﻳﻪ
ﺑﻌﺮﺱ ﺟﻴﻼﻥ ﺭﺣﺖ ﻟﻠﺼﺎﻟﻮﻥ ﻭﻳﻪ ﻣﺎﻣﺎ ﻣﺸﺘﺮﻳﻪ ﺑﺪﻟﻪ ﺳﻤﺎﺋﻲ ﻭﺭﺩﺍﻧﻬﺎ ﺑﻴﻬﺎ ﺗﻮﺭ ﻣﺨﺼﺮﻩ ﻭﻃﻮﻳﻠﻪ ﻭﺳﻮﻳﺖ ﺷﻌﺮﻱ ﺑﺮﻡ ﻭﺣﻄﻴﺖ ﻣﻜﻴﺎﺝ ﺧﻔﻴﻒ ﻭﺍﺟﻪ ﺍﺧﻮﻱ ﻗﺎﺳﻢ ﻉ ﺍﺳﺎﺱ ﻳﺎﺧﺬﻧﻪ ﺑﺎﻭﻋﺖ ﻫﺬﺍ ﺑﺎﻟﺼﺪﺭ ﺻﺎﻋﺪ ﺍﺑﻦ ﻋﻤﻲ ﻋﻘﻴﻞ ﺍﺧﺬﻭﻧﻪ ﺍﻧﻲ ﻭﻣﺎﻣﺎ ﻣﻨﺎﻙ ﺍﻧﻲ ﻛﻨﺖ ﺍﻛﺮﻩ ﻋﻘﻴﻞ ﻻﻥ ﻋﻴﻨﻪ ﺯﺍﻳﻐﻪ ﻟﻔﻴﺖ ﻧﻔﺴﻲ ﻋﺪﻝ ﻭﺻﻌﺪﺕ ﺍﻧﺪﺍﺭ ﻋﻠﻴﻨﻪ
.. ﺷﻠﻮﻧﺞ ﻋﻤﻪ
.. ﻫﻠﻪ ﻋﻤﻪ ﻫﻠﻪ ﺑﻴﻚ ﺷﻠﻮﻧﻚ .. ﺍﻣﻚ ﺷﻠﻮﻧﻬﺎ
.. ﺑﺨﻴﺮ .. ﺷﻠﻮﻧﺞ ﺣﻮﺭﻳﻪ
ﻣﺎﺭﺩﻳﺖ ﻛﺎﻝ
.. ﻋﻤﻪ ﻫﺎﻱ ﻣﻮ ﺣﻮﺭﻳﻪ ؟
.. ﺍﻱ ﻫﺎﻱ ﺣﻮﺭﻳﻪ ﻭﻟﺞ ﺳﻠﻤﻲ ﻋﻠﻰ ﺍﺑﻦ ﻋﻤﺞ
ﻛﺘﻠﻪ
.. ﻫﻠﻪ ﺑﻴﻚ
ﺍﻧﺪﺍﺭ ﻉ ﻣﺎﻣﺎ
.. ﻫﺎﻱ ﺷﺒﻴﻬﺎ ﺑﻨﺘﺞ ﻣﻐﺸﺎﻳﻪ ﻋﻨﻲ
.. ﺗﺴﺘﺤﻲ ﻣﻨﻚ ﻋﻤﻪ
.. ﻫﺎ ﺍﺫﺍ ﻫﻴﺞ ﺣﻘﻬﺎ ﺣﻼﺓ ﺍﻟﺒﻨﻴﻪ ﺣﻴﺎﺀﻫﺎ
ﻳﺎﺭﺑﻲ ﺷﻜﺪ ﻣﺎ ﻳﻨﺠﺮﻉ ﺍﻟﻄﺮﻳﻖ ﻛﻠﻪ ﺩﺍﻳﺮ ﻭﺟﻬﻪ ﻋﻠﻴﻨﻪ ﻭﺑﺤﺠﺔ ﻳﺴﻮﻟﻒ ﻭﻳﻪ ﺍﻣﻲ ﻳﺒﺎﻭﻋﻠﻲ ﻭﺍﻧﻲ ﺣﺎﻃﻪ ﺍﻟﻌﺒﺎﻳﻪ ﻋﻠﻰ ﻭﺟﻬﻲ ﺣﺘﻰ ﻣﺎ ﻳﺸﻮﻓﻨﻲ
ﻭﺻﻠﻨﻪ ﺑﻴﺖ ﺟﺪﻭ ﻟﻜﻴﻨﻪ ﺯﻟﻢ ﺑﺎﻟﺒﺎﺏ ﻭﻫﺎﺷﻢ ﻳﻤﻬﻢ .... ﻭﺍﻟﺤﻆ ﺍﻻﻏﺒﺮ ﻛﻌﺪ ﻭﻳﺎﻱ ﻭﺧﻠﻪ ﻫﺎﺷﻢ ﻳﻨﺪﺍﺭ ﻭﻳﺸﻮﻑ ﻋﻘﻴﻞ ﻳﺒﺎﻭﻋﻠﻲ ﻭﻳﻀﺤﻚ ﺣﺴﻴﺖ ﻋﻴﻮﻧﻪ ﻃﻠﻌﺖ ﻣﻦ ﻣﻜﺎﻧﻬﻢ ﺑﺲ ﻣﺎ ﻛﺪﺭ ﻳﺴﻮﻱ ﺷﻲ ﺍﻧﻲ ﺑﺴﺮﻋﻪ ﻟﻔﻠﻔﺖ ﻧﻔﺴﻲ ﻭﻧﺰﻟﺖ ﺩﺧﻠﺖ ﻟﻠﺒﻴﺖ
ﻟﻜﻴﺖ ﺟﻴﻼﻥ ﻛﺎﻋﺪﻩ ﻓﺪﻭﻩ ﺗﻜﻮﻝ ﻣﻼﻙ ﻭﻛﺎﻋﺪ ﻫﻨﻴﺎﻟﻬﺎ ﻉ ﻫﺬﺍ ﺍﻟﺠﻤﺎﻝ ﺍﻟﺸﺎﻳﻠﺘﻪ ﺑﻘﻴﺖ ﺍﺿﺤﻚ ﻭﺍﺳﻮﻟﻒ ﻭﻳﻪ ﺟﻴﻼﻥ ﻭﻓﺎﻃﻤﻪ ﻭﺍﻟﻤﻠﻪ ﺟﻠﺖ ﺍﻟﻌﺮﻭﺱ ﺍﺣﻨﻪ ﻟﺰﻣﻨﻪ ﺍﻟﻄﺮﺣﻪ ﻭﺩﻋﻴﺖ ﺟﻮﻩ ﺍﻟﺠﻠﻮﻩ ﻛﻮﻥ ﻳﺴﺘﻌﺠﻠﻠﻨﻪ ﺭﺑﻲ ﺑﺰﻭﺍﺟﻲ ﻣﻦ ﻫﺎﺷﻢ
ﺣﺴﻴﺖ ﺑﺎﻟﺠﻬﺎﺯ ﺑﻴﺪﻱ ﻳﻬﺘﺰ ﺑﺎﻭﻋﺖ ﺍﻟﻤﺘﺼﻞ ﺣﺒﻴﺒﻲ ﻫﺎﺷﻢ ﺍﻧﻄﻴﺖ ﺍﻟﻄﺮﺣﻪ ﻟﻮﺣﺪﻩ ﻭﺭﺣﺖ ﻟﻠﺤﻤﺎﻡ
.. ﺍﻟﻮ
.. ﺗﻌﺎﻟﻲ ﻟﻠﺤﺪﻳﻘﻪ ﻣﻨﺘﻈﺮﺝ ﻳﻢ ﺍﻟﻨﺒﻜَﻪ
.. ﻫﺎﺷﻢ ﻭﻳﻦ ﺍﺟﻲ ﺗﺤﺠﻲ ﺻﺪﻙ
.. ﺍﺫﺍ ﻣﺎ ﺍﺟﻴﺘﻲ ﺍﻃﺒﻠﺞ ﺑﻨﺺ ﺍﻟﻨﺴﻮﺍﻥ ﺍﺳﺤﻠﺞ
ﺧﻔﺖ ﻣﻨﻪ ﺍﻭﻝ ﻣﺮﻩ ﻳﺤﺎﺟﻴﻨﻲ ﻫﺎﻟﺸﻜﻞ ﺷﺎﻭﺭﺕ ﺟﻴﻼﻥ ﻛﺘﻠﻬﺎ
.. ﻫﺴﻪ ﺷﻮﻳﻪ ﻭﺍﺟﻲ ﻫﺎﺷﻢ ﻳﺼﻴﺤﻨﻲ
ﺍﺑﺘﺴﻤﺖ ﻋﻔﺘﻬﺎ ﻭﻟﺒﺴﺖ ﺷﺎﻟﻲ ﻋﻠﻰ ﺷﻌﺮﻱ ﻭﻣﺘﻮﻧﻲ ﻭﻃﻠﻌﺖ ﻛﺎﻧﺖ ﺣﺪﻳﻘﺘﻬﻢ ﻭﺭﻩ ﺍﻟﺒﻴﺖ ﻭﺑﻴﻬﺎ ﻣﻤﺮ ﻳﻢ ﺍﻟﺒﻴﺖ ﺗﻄﻠﻊ ﻟﻌﺘﺒﺔ ﺍﻟﺒﺎﺏ ﻟﻜﻴﺘﻪ ﻭﺍﻛﻒ ﻳﻢ ﺍﻟﻨﺒﻜَﻪ ﻋﻴﻮﻧﻪ ﺗﺠﺪﺡ ﻣﻦ ﺍﻟﻐﻀﺐ ﺍﻗﺘﺮﺏ ﻣﻨﻲ ﺑﻌﺼﺒﻴﻪ ﻭﻟﺰﻣﻨﻲ ﻣﻦ ﺯﻧﺪﻱ ﺳﺤﺒﻨﻲ ﻭﺳﻨﺪﻧﻲ ﻉ ﺍﻟﺠﺬﻉ
.. ﻫﺬﺍ ﺍﻟﻌﺎﺭ ﺷﻌﻨﺪﻩ ﻭﻳﺎﺝ
.. ﻣﻤﻤﻢ ... ﻣﻨﻮ ﻗﺼﺪﻙ
ﺻﺎﺡ ﺑﻮﺟﻬﻲ
.. ﺍﻟﻜﻠﺐ ﺍﺑﻦ ﻋﻤﺞ ﺷﻌﺪﻩ ﻳﺘﺒﺎﻭﻋﻠﺞ ؟
ﻛﻤﺖ ﺍﺭﺟﻒ ﻭﺍﺣﺠﻲ
.. ﺍﻧﻲ ﺷﻔﺘﻨﻲ ﻭﺍﻟﻠﻪ ﺩﺍﻳﺮﻩ ﻭﺟﻬﻲ ﻋﻨﻪ ﻭﻣﻐﺸﺎﻳﻪ ﻫﻮ ﺑﺤﺠﺔ ﻳﺴﻮﻟﻒ ﻭﻳﻪ ﺍﻣﻲ ﻭﻳﺒﺎﻭﻋﻠﻲ
ﺿﺮﺏ ﺍﻟﺠﺬﻉ ﻣﺎﻝ ﺍﻟﻨﺒﻜَﻪ ﺑﺄﻳﺪﻩ ﺑﻌﺼﺒﻴﻪ
.. ﻭﺍﻧﺘﻲ ﺷﻌﻨﺪﺝ ﺻﺎﻋﺪﻩ ﻭﻳﺎﻩ
.. ﻟﻌﺪ ﻣﻨﻮ ﻳﺠﻴﺒﻨﻪ ﻣﻦ ﺍﻟﺼﺎﻟﻮﻥ
.. ﺟﺎﻥ ﺧﺎﺑﺮﺗﻴﻨﻲ ﺍﻧﻲ ﺍﺟﻴﺞ
.. ﻣﺎﻣﺎ ﻫﻲ ﺧﺎﺑﺮﺕ ﻗﺎﺳﻢ ﻭﺻﺎﺩﻑ ﺍﺟﻪ ﻭﻳﺎﻩ
.. ﺑﺴﻴﻄﻪ ﺍﻧﻲ ﺍﻋﻠﻤﻪ
ﺭﺍﺩ ﻳﻌﻮﻓﻨﻲ ﻭﻳﺮﻭﺡ ﺍﻟﻪ ﻟﺰﻣﺖ ﺍﻳﺪﻩ ﺑﺘﻮﺳﻞ ﻭﺍﻟﺪﻣﻮﻉ ﻧﺰﻟﺖ ﺧﻮﻑ ﻋﻠﻴﻪ
.. ﻫﺎﺷﻢ ﺍﺑﻮﺱ ﺍﻳﺪﻙ ﻋﻮﻓﻪ ﻻ ﺗﺴﻮﻳﻠﻨﻪ ﺳﺎﻟﻔﻪ ﻫﺴﻪ ﻭﺍﺧﻮﻙ ﻓﺮﺣﺎﻥ ﺑﻌﺮﺳﻪ
ﺷﻔﺘﻪ ﻏﻤﺾ ﻋﻴﻮﻧﻪ ﺑﻌﺼﺒﻴﻪ
.. ﺣﺒﺎﺏ ﻟﺨﺎﻃﺮﻱ ﺧﻴﻮﻟﻲ ﻭﺍﻧﻲ ﺑﻌﺪ ﺍﺻﻼ ﻣﺎ ﺍﺷﻮﻓﻪ ﻭﻻ ﺍﺧﻠﻴﻪ ﻳﺸﻮﻓﻨﻲ ﻭﺍﻟﻠﻪ ﺍﻧﺘﻬﺖ ﺑﺲ ﻻ ﺗﺮﻭﺣﻠﻪ
ﺷﻔﺘﻪ ﺍﺧﺬ ﺷﻬﻴﻖ ﻭﺯﻓﺮ ﺑﻘﻮﻩ ﻭﺣﻂ ﻛﺼﺘﻪ ﻉ ﻣﺘﻨﻲ ﻭﺍﻧﻲ ﻻﺯﻣﻪ ﺍﻳﺪﻩ ﻛﺎﻝ ﺑﺘﻌﺐ
.. ﺣﻮﺭﻳﺘﻲ ﺍﻧﺘﻲ ﺑﺲ ﺍﻟﻲ .... ﺍﻣﻮﺕ ﺍﺫﺍ ﻭﺍﺣﺪ ﻏﻴﺮﻱ ﺣﻂ ﻋﻴﻨﻪ ﻋﻠﻴﺞ
ﻛﺘﻠﻪ
.. ﺣﺒﻴﺒﻲ ﺍﻧﻲ ﺍﻟﻚ ﻭﺑﺲ ﻣﺎ ﺍﺻﻴﺮ ﻟﻐﻴﺮﻙ ﻭﺍﻟﻠﻪ
ﻓﺠﺄﻩ ﻭﺧﺮ ﻋﻨﻲ ﻭﺑﺎﻭﻋﻠﻲ ﻣﻦ ﻓﻮﻙ ﻟﺠﻮﻩ
.. ﺑﻌﺪﻳﻦ ﺗﻌﺎﻱ ﺷﻄﺎﻟﻌﻪ ﺍﻟﻴﻮﻡ ﻭﻟﺞ
ﺿﺤﻜﺖ ﻭﻫﻮ ﻳﻌﺪﻝ ﺍﻟﺸﺎﻝ ﻉ ﺭﺍﺳﻲ ﻭﻣﺘﻨﻲ ﻛﺎﻝ
.. ﻟﻴﺶ ﻃﺎﻟﻌﻪ ﺑﺪﻭﻥ ﻋﺒﺎﻳﻪ ﻣﻮ ﺍﻛﺴﺮ ﺭﺟﻠﻴﻨﺎﺗﺞ
.. ﻏﻴﺮ ﺍﻧﺖ ﺻﺤﺘﻨﻪ ﻣﺴﺘﻌﺠﻞ ﻭﺗﺼﻴﺢ
.. ﻻ ﺗﺨﺒﻠﻴﻨﻲ ﻭﺗﺨﻠﻴﻨﻲ ﻫﺴﻪ ﺍﻛﻞ ﺣﺸﻴﺶ ﻣﻦ ﻭﺭﺍﺝ
ﺿﺤﻜﺖ ﻛﺘﻠﻪ
.. ﺧﻼﺹ ﻫﺴﻪ ﺭﺍﻳﺤﻪ ﺍﻃﺐ
.. ﻣﻮ ﻗﺒﻞ ﻣﺎ ﺗﻨﻄﻴﻨﻲ ﺣﺼﺘﻲ
ﺩﻧﻜﺖ ﻭﺣﺴﻴﺖ ﻭﺟﻬﻲ ﺻﺎﺭ ﺍﺣﻤﺮ ﻫﻮ ﺳﻨﺪ ﺍﻳﺪﻩ ﻉ ﺍﻟﺸﺠﺮﻩ ﻭﻗﺮﺏ ﻭﺟﻬﻪ ﻣﻨﻲ ﺑﺎﺱ ﺧﺪﻱ ﻭﺭﺍﺩ ﻳﺒﻮﺱ ﺷﻔﺘﻲ ﺑﺴﺮﻋﻪ ﺩﻓﻌﺘﻪ ﻭﺷﺮﺩﺕ ﻭﻫﻮ ﻛﺎﻡ ﻳﺼﻴﺢ
.. ﻣﻨﻌﻮﻟﺔ ﺍﻟﺼﻔﺤﻪ ﺍﻟﺰﻣﺞ ﻟﻮ ﻻ ﺑﺴﻴﻄﻪ
ﺿﺤﻜﺖ ﻭﺩﺧﻠﺖ ﻟﻠﺒﻴﺖ
ﺟﻴﻼﻥ
ﺳﺒﺤﺖ ﻏﺴﻠﺖ ﺑﺲ ﺟﺴﻤﻲ ﻻﻥ ﺣﺮﺍﻣﺎﺕ ﺍﻟﻤﻜﻴﺎﺝ ﻣﺎﻝ ﺍﻡ ﺍﻟﺼﺎﻟﻮﻥ ﻛﻠﺶ ﻛﺎﻥ ﻋﺎﺟﺒﻨﻲ ﻓﻤﺎ ﻏﺴﻠﺖ ﺭﺍﺳﻲ ﻭﻓﺘﺤﺖ ﺍﻟﺘﺴﺮﻳﺤﻪ ﻭﻣﺸﻄﺖ ﺷﻌﺮﻱ ﺑﺎﻭﻋﺖ ﺣﺎﻃﻴﻠﻲ ﺍﻟﺴﻴﺖ ﺍﻻﺑﻴﺾ ﺻﺢ ﻃﻮﻳﻞ ﺑﺲ ﻓﺘﺤﺔ ﺻﺪﺭﻩ ﺟﺒﻴﺮﻩ ﻭﻣﻔﻀﻮﺣﻪ ﻭﺍﻟﺼﺪﺭ ﻧﺼﻪ ﻃﺎﻟﻊ ﻟﺒﺴﺘﻪ ﻭﺣﻄﻴﺖ ﺍﻟﺸﺎﻝ ﻓﻮﻙ ﻓﺘﺤﺔ ﺍﻟﺼﺪﺭ ﻭﺣﻄﻴﺘﻠﻪ ﺩﻧﺒﻮﺱ
ﻭﺭﻩ ﻣﺪﻩ ﺩﺧﻞ ﻭﺷﺎﻳﻞ ﻋﻼﻛﻪ ﺷﺎﻓﻨﻲ ﺍﺑﺘﺴﻢ ﻗﻔﻞ ﺍﻟﺒﺎﺏ ﻭﺣﻂ ﺍﻟﻌﻼﻛﻪ ﻉ ﺍﻟﻤﻴﺰ ﻛﺎﻝ
.. ﺗﻌﺎﻟﻲ ﺧﻠﻲ ﻧﺎﻛﻞ
.. ﻣﺎ ﺍﺷﺘﻬﻲ
ﺑﺎﻭﻋﻠﻲ ﺑﺄﺳﺘﻐﺮﺍﺏ ﺑﻌﺪﻳﻦ ﺍﺑﺘﺴﻢ ﺍﺟﻪ ﻟﺰﻡ ﺍﻳﺪﻱ ﻭﺳﺤﺒﻨﻲ ﻛﻌﺪﻧﻲ ﻉ ﺍﻟﻜﺮﺳﻲ ﻭﻓﺘﺢ ﺍﻟﻌﻼﻛﻪ ﻛﺎﻥ ﺟﺎﻳﺐ ﻛﺒﺎﺏ ﻭﺩﺟﺎﺟﻪ ﺷﻮﻱ ﻭﻟﻔﺎﺕ ﻛﺺ ﻭﺑﺒﺴﻲ ﺣﻀﺮﻫﻦ ﻭﻛﺎﻝ
.. ﻣﺪﻱ ﺍﻳﺪﺝ
ﺟﺴﻤﻲ ﻛﻠﻪ ﻳﺮﺟﻒ ﻛﺘﻠﻪ
.. ﻣﺎ ﺍﺷﺘﻬﻲ ﻭﺍﻟﻠﻪ
.. ﺧﻼﺹ ﺍﻧﻲ ﺟﻮﻋﺎﻥ ﺑﺲ ﻣﺎ ﺭﺍﺡ ﺍﻛﻞ ﻟﻤﻦ ﺗﻤﺪﻳﻦ ﺍﻳﺪﺝ ﻭﻳﺎﻱ
ﺟﺘﻒ ﺍﻳﺪﻳﻪ ﻭﺑﻘﻪ ﻳﺒﺎﻭﻋﻠﻲ ﺍﻧﻲ ﺍﺳﺘﺤﻴﺖ ﻣﻦ ﻧﻈﺮﺍﺗﻪ ﺭﺩﺗﻪ ﺑﺲ ﻳﻮﺧﺮ ﻧﻈﺮﻩ ﻋﻨﻲ ﺍﺧﺬﺕ ﻟﻔﺔ ﺍﻟﻜﺺ ﻭﻛﻤﺖ ﺍﻛﻞ ﻫﻮ ﺍﺑﺘﺴﻢ ﻭﻣﺪ ﺍﻳﺪﻩ ﺑﺪﻩ ﻳﺎﻛﻞ ﺍﻭﻝ ﻣﺮﻩ ﺍﺷﻮﻑ ﺍﺑﺘﺴﺎﻣﺘﻪ ﺟﺎﻧﺖ ﻛﻠﺶ ﺣﻠﻮﻩ ﻭﺟﻬﻪ ﻳﻄﻠﻊ ﻏﻴﺮ ﺷﻜﻞ ﻣﻦ ﻳﺒﺘﺴﻢ ﺗﻨﻜَﻠﺐ ﻛﻞ ﻣﻌﺎﻧﻲ ﺍﻟﺼﺮﺍﻣﻪ ﻭﺗﺤﻞ ﻣﺤﻠﻬﺎ ﻣﻌﺎﻧﻲ ﺍﻟﺤﻨﻴﻪ ﺍﻧﺘﺒﻪ ﻋﻠﻴﻪ ﺍﺑﺎﻭﻋﻠﻪ ﺑﺴﺮﻋﻪ ﺩﻧﻜﺖ ﻭﻛﻤﻠﺖ ﺍﻛﻠﻲ
ﺧﻠﺼﺖ ﻛﻤﺖ ﻛﺎﻝ
.. ﻭﻳﻦ ﻛﻤﻠﻲ ﺍﻛﻠﺞ
.. ﺷﺶ .. ﺷﺒﻌﺖ
.. ﻋﻠﻰ ﺭﺍﺣﺘﺞ ﺍﻻﻛﻞ ﻣﻮﺟﻮﺩ ﺷﻮﻛﺖ ﻣﺎ ﺗﺠﻮﻋﻴﻦ
ﻋﻔﺘﻪ ﻭﺭﺣﺖ ﻏﺴﻠﺖ ﺑﺎﻟﺤﻤﺎﻡ ﻭﺍﻧﻲ ﺍﺭﺟﻒ ﻏﺴﻠﺖ ﻭﺍﺟﻴﺖ ﻛﻌﺪﺕ ﻉ ﺍﻟﺠﺮﺑﺎﻳﻪ ﻫﻮ ﻫﻢ ﻛﺎﻡ ﻏﺴﻞ ﻭﺍﺟﻪ ﻧﺰﻉ ﻣﻼﺑﺴﻪ ﺑﺴﺮﻋﻪ ﺩﻧﻜﺖ ﻫﻮ ﻟﺒﺲ ﺩﺷﺪﺍﺷﺘﻪ ﻭﻛﺎﻡ ﺻﻠﻰ ﺍﻧﻲ ﻣﺎ ﻛﻨﺖ ﻣﺘﻮﺿﻴﻪ ﻛﻠﺖ ﺑﻌﺪﻳﻦ ﺍﺻﻠﻴﻬﺎ ﺧﻠﺺ ﻭﺍﺟﻪ ﻛﻌﺪ ﻳﻤﻲ ﻉ ﺍﻟﺠﺮﺑﺎﻳﻪ ﻋﺪﻝ ﻣﺨﺎﺩ ﺍﻟﺠﺮﺑﺎﻳﻪ ﻭﺳﻨﺪ ﻇﻬﺮﻩ ﻋﻠﻴﻬﻦ ﻭﻣﺪﺩ ﺭﺟﻠﻴﻪ ﻛﺎﻝ
.. ﺗﻌﺎﻱ ﻛﺎﺑﻠﻴﻨﻲ ﻭﻛﻌﺪﻱ
ﻟﻤﻴﺖ ﺭﺟﻠﻴﻪ ﺟﻮﺍﻱ ﻭﻋﺪﻟﺖ ﺍﻟﺮﻭﺏ ﻭﻛﻌﺪﺕ ﻣﻘﺎﺑﻠﻪ ﻛﺎﻝ
.. ﺳﻮﻟﻔﻲ
.. ﺷﺄﺳﻮﻟﻒ
.. ﻟﻴﺶ ﺗﻜﺮﻫﻴﻨﻲ ؟
.. ﺍﺍﺍﺍ .. ﺍﻧﻲ ﻣﺎ ﺍﻛﺮﻫﻚ
.. ﺯﻳﻦ ﻟﻴﺶ ﻣﺎ ﺗﺤﺒﻴﻨﻲ
.. ﻣﺎ ﺍﺣﺒﻚ ﻭﺧﻼﺹ ﻫﺠﺮﺱ ﻫﻲ ﻛﻮﻩ
.. ﺟﻴﻼﻥ ... ﺍﻋﺘﺒﺮﻳﻨﻲ ﺷﺨﺺ ﻣﻘﺮﺏ ﻭﺩﺍ ﺗﺴﻮﻟﻔﻴﻦ ﻭﻳﺎﻩ ﻻ ﺗﻌﺘﺒﺮﻳﻨﻲ ﻫﺠﺮﺱ ﻛﺪﺍﻣﺞ ﺍﺭﻳﺪ ﺍﺳﻮﻟﻒ ﻭﻳﺎﺝ ﺍﺭﻳﺪ ﺍﻓﺘﻬﻢ ﻣﻨﺞ
.. ﻫﺠﺮﺱ ﺷﺘﻔﺘﻬﻢ ﺩﺍ ﺍﻛﻮﻟﻚ ﻣﺎ ﺍﺣﺒﻚ ﻣﺎ ﺍﺭﻳﺪﻙ ﺍﻧﻲ ﺍﻧﺠﺒﺮﺕ ﻋﻠﻴﻚ ﻭﻭﻓﻘﺖ ﻟﺨﺎﻃﺮ ﺑﺎﺑﺎ ﻭﺍﻻ ﻣﻮ ﺍﻧﺖ ﺍﻟﺸﺨﺺ ﺍﻟﻠﻲ ﺟﻨﺖ ﺍﺗﻤﻨﺎﻩ ﻭﺍﺭﻳﺪﻩ ﺑﺤﻴﺎﺗﻲ
ﻟﺰﻡ ﺯﻧﺪﻱ ﺑﻘﻮﻩ ﻭﺳﺤﺒﻨﻲ ﻣﻦ ﺍﻳﺪﻱ ﺣﻴﻞ ﻋﻠﻴﻪ ﻭﻗﺮﺏ ﻭﺟﻬﻪ ﻣﻨﻲ ﻭﺣﺠﻪ ﺑﻌﺼﺒﻴﻪ
.. ﻟﻌﺪ ﻣﻨﻮ ﺍﻟﻠﻲ ﺟﻨﺘﻲ ﺗﺘﻤﻨﻴﻪ .. ﺍﺣﺠﻴﻴﻴﻴﻲ
.. ﻋﻮﻓﻨﻲ ﻫﺪ ﺍﻳﺪﻱ ﻭﺟﻌﺘﻨﻲ
.. ﻣﺎ ﺍﻋﻮﻓﺞ ﻛﻮﻟﻴﻠﻲ ﺷﻨﻮ ﺟﻨﺘﻲ ﺗﺤﺒﻴﻦ ﻭﺍﺣﺪ ﻗﺒﻠﻲ
.. ﻟﻴﺶ ﻫﻮ ﺍﻧﻲ ﺣﺒﻴﺘﻚ ﺣﺘﻰ ﺍﺣﺐ ﻗﺒﻠﻚ
.. ﻣﺎ ﺍﻋﻮﻓﺞ ﺍﺣﺠﻲ ﻣﺎﻛﻮ ﺳﺒﺐ ﻳﺨﻠﻴﺞ ﺗﻜﺮﻫﻴﻨﻲ ﻏﻴﺮ ﻫﺬﺍ
.. ﻟﻬﺬﺍ ﺍﻟﺴﺒﺐ ﺍﻛﺮﻫﻚ ﻣﻦ ﻭﺭﻩ ﻫﺎﻱ ﻫﻤﺠﻴﺘﻚ
ﻟﺰﻡ ﻓﻜﻲ ﺣﻴﻞ ﻭﺍﻧﻲ ﻻﺯﻣﻪ ﺍﻳﺪﻩ ﺍﺭﻳﺪ ﺍﻭﺧﺮﻫﺎ ﻣﻦ ﻭﺟﻬﻲ ﻣﺎ ﺍﻛﺪﺭﻟﻪ ﺣﺠﻪ ﻣﻦ ﺑﻴﻦ ﺳﻨﻮﻧﻪ
.. ﻣﻨﻮ ﺍﻟﻬﻤﺠﻲ ﻭﻟﺞ ... ﺍﻧﺘﻲ ﻣﺎ ﺗﺒﻄﻠﻴﻦ ﻫﺎﻱ ﺳﺎﻟﻔﺔ ﺍﻟﺘﺠﺎﻭﺯ ﻭﻟﺴﺎﻧﺞ ﺍﻟﺰﻓﺮ ﻣﺎ ﺗﻌﺮﻓﻴﻦ ﺗﻀﺒﻴﻪ
ﻛﻮﻩ ﻭﺧﺮﺕ ﺍﻳﺪﻩ ﻭﺻﺤﺖ
.. ﺍﺍﺍﺍﺍﺥ ﻭﺧﺮ ﻋﻨﻲ ﺣﻘﻴﺮ ﺷﺤﺎﺟﻴﺘﻚ ﺍﻧﻲ
.. ﻫﺴﻪ ﺍﻋﻠﻤﺞ ﺍﻟﻬﻤﺠﻲ ﻣﻨﻮ
ﻫﻮ ﻋﺒﺎﻟﻚ ﺗﺨﺒﻞ ﻫﺠﻢ ﻋﻠﻴﻪ ﻭﺍﻧﻲ ﺍﺻﻴﺢ ﻭﺧﺮ ﺍﻟﺸﺎﻝ ﻋﻨﻲ ﻭﺑﺪﻩ ﻳﺒﻮﺱ ﺑﺮﻗﺒﺘﻲ ﻭﻭﺧﺮ ﺍﻟﺤﻤﺎﻻﺕ ﻣﺎﻝ ﺍﻟﻤﺘﻦ ﻭﺑﺪﻩ ﻳﺒﻮﺱ ﺑﻤﺘﻨﻲ ﻭﺻﺪﺭﻱ ﻭﺭﺟﻊ ﻟﺸﻔﺘﻲ ﺍﺫﺍﻫﺎ ﻓﺠﺄﻩ ﺗﻮﻗﻒ ﻭﺑﺎﻭﻋﻠﻲ ﺑﺼﺪﻣﻪ ﻋﺒﺎﻟﻚ ﺟﺎﻥ ﻓﺎﻗﺪ ﻭﺍﻧﻲ ﺩﻣﻮﻋﻲ ﺗﺠﺮﻱ ﻭﺍﺑﺠﻲ .... ﻭﺧﺮ ﻋﻨﻲ ﻭﻣﺴﺢ ﺷﻌﺮﻩ ﺑﻌﺼﺒﻴﻪ ﻭﺍﺧﺬ ﺟﻜﺎﻳﺮﻩ ﻭﻣﻮﺑﺎﻳﻞ ﻭﺍﻟﺴﻮﻳﺞ ﻭﻃﻠﻊ ﺭﻛَﻊ ﺍﻟﺒﺎﺏ ﺣﻴﻞ ﻭﺭﺍﻩ ﻭﻗﻔﻠﻬﺎ
ﺑﻘﻴﺖ ﺍﺑﺠﻲ ﻭﺍﻧﺎﺷﻎ ﻭﺍﻟﻤﻠﻢ ﺑﻤﻼﺑﺴﻲ ﺻﺪﻙ ﺣﺴﻴﺖ ﻧﻔﺴﻲ ﺭﺧﻴﺼﻪ ﺑﺴﺎﻋﺘﻬﺎ ﺣﺘﻰ ﻟﻮ ﺯﻭﺟﻲ ﺑﺲ ﻣﺎ ﻣﻦ ﺣﻘﻪ ﻳﺘﻬﺠﻢ ﻋﻠﻴﻪ ﻫﺎﻟﺸﻜﻞ ﺻﺪﻙ ﺍﺛﺒﺖ ﺍﻧﻪ ﻫﻮ ﻫﻤﺠﻲ
ﻛﻤﺖ ﻏﺴﻠﺖ ﻭﺟﻬﻲ ﻭﺭﺟﻌﺖ ﻧﻔﺲ ﺩﻣﻮﻋﻲ ﺭﺩﺕ ﺍﺧﺎﺑﺮ ﺑﺎﺑﺎ ﺑﺲ ﻣﺎ ﻛﺪﺭﺕ ﺍﺀﺫﻳﻪ ﻭﺍﺧﻮﻓﻪ ﺑﻬﺎﻟﻠﻴﻞ ﺍﻟﻤﻦ ﺍﺧﺎﺑﺮ ﻫﺴﻪ ﻭﻳﻨﺞ ﻳﺎ ﺍﻣﻲ ﺻﺪﻙ ﻋﺮﻓﺖ ﺣﺎﺟﺘﺞ ﻫﺴﻪ ﺑﻘﻴﺖ ﺍﺑﺠﻲ ﻟﻤﻦ ﻧﻤﺖ
ﻛﻌﺪﺕ ﺑﺎﻟﻠﻴﻞ ﻟﻜﻴﺘﻪ ﻧﺎﻳﻢ ﻳﻤﻲ ﻭﻣﻨﻄﻴﻨﻲ ﻇﻬﺮﻩ ﺟﻨﺖ ﻧﻌﺴﺎﻧﻪ ﻛﻠﺶ ﻣﺎﻟﻲ ﺧﻠﻚ ﺍﺗﻌﺎﺭﻙ ﻭﻳﺎﻩ ﺭﺟﻌﺖ ﻧﻤﺖ
ﻛﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﻳﻤﻲ ﻓﺘﺤﺖ ﻋﻴﻮﻧﻲ ﻟﻜﻴﺘﻪ ﺩﺍ ﻳﻠﺒﺲ ﺑﺎﻟﺒﻨﻄﺮﻭﻥ ﻭﺣﺎﻁ ﺍﻟﻘﻤﻴﺺ ﻋﻠﻰ ﻣﺘﻨﻪ ﺷﺎﻓﻨﻲ ﻛﻌﺪﺕ ﻛﺎﻝ
.. ﻛﻮﻣﻲ ﺑﺪﻟﻲ ﺧﻞ ﻧﺮﺟﻊ ﻟﻠﺒﻴﺖ
ﺑﺎﻭﻋﺖ ﻟﻠﺴﺎﻋﻪ ﺏ٧ ﻛﺘﻠﻪ
.. ﻭﺷﻌﻨﺪﻙ ﻛَﺎﺏ ﻣﻦ ﺍﻟﺼﺒﺢ ﺍﻛﻮ ﻋﺮﺳﺎﻥ ﻳﻜﻌﺪﻭﻥ ﻣﻦ ﺍﻟﺼﺒﺢ
ﺍﻧﺪﺍﺭ ﻋﻠﻴﻪ ﻭﻋﻴﻮﻧﻪ ﺗﺠﺪﺡ
.. ﻛﺘﻠﺞ ﻛﻮﻣﻲ
ﺳﻜﺘﺖ ﻭﻛﻤﺖ ﻭﻫﻮ ﻳﺪﺭﺩﻡ ﻭﺭﺍﻱ ﻭﻳﻠﺒﺲ ﺑﻘﻤﻴﺼﻪ ﻭﻳﻜﻮﻝ
.. ﻫﻢ ﻣﺤﺴﺒﻮﻳﻦ ﻉ ﺍﻟﻌﺮﺳﺎﻥ ﺍﺣﻨﻪ .. ﻓﻮﻛﺎﻫﺎ ﺗﺤﺠﻲ ﻫﺴﻪ ﺍﻟﺼﻤﻲ ﺣﻠﻜﺞ .. ﺷﻠﻮﻥ .... ﺍﻟﺦ
ﻋﻔﺘﻪ ﻭﺭﺣﺖ ﻟﻠﺠﻨﻄﻪ ﻃﻠﻌﺖ ﺍﻟﻜﻮﺳﺘﻢ ﻣﺎﻟﺘﻲ ﻛﺎﻥ ﻭﺭﺩﻱ ﺣﻠﻮ ﻭﺟﻮﺍﻩ ﺳﺘﺮﺍﺑﻠﺲ ﺍﺑﻴﺾ ... ﺭﺣﺖ ﻟﻠﺤﻤﺎﻡ ﺳﺒﺤﺖ ﻭﻟﺒﺴﺘﻪ ﻃﻠﻌﺖ ﻛﺎﻥ ﺍﻟﺴﺒﻠﺖ ﻣﻔﺘﻮﺡ ﺑﺮﺩﺕ ﺭﺣﺖ ﺍﺭﻳﺪ ﺍﻃﻔﻴﻪ ﻣﺎ ﺍﻋﺮﻓﻠﻪ ﻛﺎﻝ
.. ﺷﺪﺍ ﺗﺴﻮﻳﻦ
.. ﺑﺮﺩﺕ ﺍﺭﻳﺪ ﺍﻃﻔﻴﻪ
ﺍﺟﻪ ﺳﺤﺐ ﺍﻟﺮﻳﻤﻮﻧﺖ ﻣﻨﻲ ﻭﺳﺪﻩ ﺭﺣﺖ ﻣﺸﻄﺖ ﺷﻌﺮﻱ ﻭﻟﺒﺴﺖ ﺣﺠﺎﺑﻲ ﻫﻮ ﺳﺪ ﺍﻟﺠﻨﻄﻪ ﻭﺍﺧﺬﻫﺎ ﻭﻃﻠﻊ ﻛﺪﺍﻣﻲ ﻣﺎ ﺍﻋﺮﻑ ﻟﻴﺶ ﺿﺠﺖ ﻣﻦ ﺗﺼﺮﻓﻪ ﻣﻦ ﻋﺎﻓﻨﻲ ﻭﺣﺪﻱ ﺑﺎﻟﻐﺮﻓﻪ
ﻟﺒﺴﺖ ﺍﻟﻌﺒﺎﻳﻪ ﻣﺎﻟﻲ ﺧﻠﻚ ﺍﻟﻤﺸﺎﻛﻞ ﻭﻳﺎﻩ ﻣﻦ ﺍﻟﺼﺒﺢ ﻭﻗﻔﻠﺖ ﺍﻟﻐﺮﻓﻪ ﻭﻧﺰﻟﺖ ﻟﻜﻴﺘﻪ ﻣﻨﺘﻈﺮﻧﻲ ﺟﻮﻩ ﺣﺎﺳﺐ ﻣﻮﻇﻒ ﺍﻟﻔﻨﺪﻕ ﻭﺻﻌﺪﻧﻪ ﺑﺎﻟﺴﻴﺎﺭﻩ ﻃﻮﻝ ﺍﻟﻄﺮﻳﻖ ﺑﺲ ﻳﻨﻔﺦ ﺟﻜﺎﻳﺮ ﻭﻳﺴﻮﻕ ﻣﺎ ﺣﺠﻴﻨﻪ ﻭﻻ ﻛﻠﻤﻪ ﺍﻧﻲ ﻭﻳﺎﻩ
ﻗﺮﻳﺐ ﻻ ﻧﻮﺻﻞ ﻛﺎﻝ ﺑﺤﺪﻩ
.. ﺭﺍﺡ ﻧﻮﺻﻞ ﻣﺎ ﺍﺭﻳﺪ ﻛﻠﻤﻪ ﺗﻄﻠﻊ ﻋﻦ ﺍﻟﺼﺎﺭ ﺍﺣﻨﻪ ﻣﺘﺰﻭﺟﻴﻦ ﻫﺴﻪ ﻭﺍﻱ ﺷﻲ ﻳﺼﻴﺮ ﻳﺒﻘﻰ ﺑﻴﻨﻨﻪ ﻣﺤﺪ ﻳﻌﺮﻑ ﺑﻴﻪ ﺍﻭﻝ ﺷﻲ ﻋﻴﺐ ﻭﺛﺎﻧﻲ ﺷﺮ ﻣﺎ ﻧﺮﻳﺪ ﺍﺑﻮﺝ ﻳﺘﺄﺫﻩ
.. ﺍﻧﻲ ﺍﻋﺮﻑ ﻫﺎﻟﺸﻲ ﻛﻠﺶ ﺯﻳﻦ ﻣﺎ ﻳﺤﺘﺎﺝ ﺗﻌﻠﻤﻨﻲ ﺷﺄﻛﻮﻝ ﻟﺒﺎﺑﺎ ﺭﺍﺩ ﻳﻐﺘﺼﺒﻨﻲ؟ !
ﺑﺎﻭﻋﻠﻲ ﺑﻐﻀﺐ ﺑﺲ ﻣﺎ ﻟﺤﻚ ﻳﺤﺠﻲ ﺷﻲ ﻻﻥ ﻭﺻﻠﻨﻪ ﻭﻟﻜﻴﻨﺎﻫﻢ ﻛﻠﻬﻢ ﺑﺎﻟﺒﺎﺏ ﻭﺍﻛﻔﻴﻦ ﺍﻟﻈﺎﻫﺮ ﻫﺠﺮﺱ ﻣﺨﺎﺑﺮﻫﻢ ﻗﺒﻞ ﻻ ﻧﺠﻲ
ﻧﺰﻟﻨﻪ ﻣﻦ ﺍﻟﺴﻴﺎﺭﻩ ﺍﺑﺘﺴﺎﻣﻪ ﺟﺬﺏ ﻋﻠﻰ ﻭﺟﻮﻫﻨﻪ ﻣﺎ ﺭﺩﻧﻪ ﻧﺒﻴﻦ ﻻﺣﺪ ﻣﺸﺎﻛﻠﻨﻪ ﻛﺎﻧﻮ ﻣﻨﺘﻈﺮﻳﻨﻪ ﺑﺎﻟﻄﺎﺭﻣﻪ ﻭﻫﺎﺷﻢ ﻻﺯﻡ ﺍﻟﺪﺟﺎﺟﻪ ﻳﺮﻳﺪ ﻳﺬﺑﺤﻬﺎ ﺟﻮﻩ ﺭﺟﻠﻴﻪ ﻭﻋﻤﻮ ﺑﺎﻟﺒﺎﺏ ﺳﻠﻢ ﻋﻠﻴﻨﻪ ﻭﺑﺎﺭﻛﻠﻨﻪ
ﻫﺎﺷﻢ ﻭﺍﻛﻒ ﻭﺷﺎﻳﻞ ﺍﻟﺪﺟﺎﺟﻪ ﻛﺎﻝ
.. ﻫﻠﻪ ﺑﺎﻟﻌﺮﺳﺎﻥ ﺳﺎﻟﻔﺔ ﺍﻟﻤﺼﺮﻳﻴﻦ ﺻﺒﺎﺣﻴﻪ ﻣﺒﺎﺭﻛﻪ ﻳﺎ ﻋﺮﻳﺲ .. ﺍﻛﻠﻜﻢ ﻳﻌﻨﻲ ﻧﺎﺱ ﻣﺘﻮﻧﺴﻪ ﻭﻋﻴﻦ ﺍﻟﻠﻪ ﻋﻠﻴﻬﺎ ﻭﻛﺎﻇﻴﺘﻬﺎ ﺑﺎﻟﻔﻨﺪﻕ ﺍﻟﺪﺟﺎﺟﻪ ﺷﻌﻠﻴﻬﺎ ﻭﺗﺪﻓﻊ ﺍﻟﺜﻤﻦ
ﺻﺎﺣﺘﻠﻪ ﺑﻴﺒﻲ ﻣﻦ ﺍﻟﺒﻴﺖ
.. ﻳﺎ ﺍﻟﻤﺼﻮﻣﺦ ﺗﺬﺑﺤﻬﺎ ﻟﻮ ﺍﺟﻲ ﺍﻣﻄﻠﻚ ﺑﻤﻜﺎﻧﻬﺎ
.. ﺻﺎﺭ ﺿﺎﻭﻳﻪ ﺑﺲ ﺧﻄﻴﺘﻬﺎ ﺑﺮﻛﺒﺘﺞ
ﺿﺤﻜﻨﻪ ﻣﺪﻳﺖ ﺭﺟﻠﻲ ﺑﺲ ﺟﻨﺖ ﻛﻠﺶ ﺧﺎﻳﻔﻪ ﻻﻥ ﺍﻧﻲ ﺍﺧﺎﻑ ﻣﻦ ﻫﻴﺞ ﺳﻮﺍﻟﻒ ﺫﺑﺢ ﻭﺩﻡ ﻳﻄﻔﺮ ﻭ ... ﻣﺎ ﺣﺴﻴﺖ ﻏﻴﺮ ﻫﺠﺮﺱ ﺳﺤﺒﻨﻲ ﻭﺣﻂ ﺭﺍﺳﻲ ﻉ ﺻﺪﺭﻩ ﺣﺘﻰ ﻣﺎ ﺍﺷﻮﻑ ﻣﻨﻈﺮ ﺍﻟﺬﺑﺢ ﺑﺲ ﺣﺴﻴﺖ ﺑﺮﺟﻠﻴﻦ ﺍﻟﺪﺟﺎﺟﻪ ﺗﻄﺦ ﺑﺮﺟﻠﻴﻪ ﻭﻫﻲ ﺗﺮﺍﻓﺲ
ﻭﺧﺮ ﺭﺍﺳﻲ ﻣﻦ ﺻﺪﺭﻩ ﺷﻔﺖ ﻫﺎﺷﻢ ﺷﺎﻝ ﺍﻟﺼﻴﻨﻴﻪ ﺍﻟﻠﻲ ﺑﻴﻬﺎ ﺍﻟﺪﺟﺎﺟﻪ ﻭﺭﺍﺡ ﺻﺎﺭ ﻛَﺒﺎﻟﻲ ﺑﺎﺑﺎ ﺑﺴﺮﻋﻪ ﺭﻛﻀﺖ ﻭﻧﺰﻋﺖ ﺍﻟﻌﺒﺎﻳﻪ ﻭﺫﺑﻴﺖ ﻧﻔﺴﻲ ﻋﻠﻴﻪ ﻭﺍﻧﻲ ﺍﺑﺠﻲ ﻣﺎ ﺍﻋﺮﻑ ﻟﻴﺶ ﺻﺎﻳﺮﻩ ﻣﻦ ﺍﺷﻮﻓﻪ ﺍﺑﺠﻲ ﺳﻮﺩﻩ ﻋﻠﻴﻪ ﻣﻨﻈﺮﻩ ﺟﺎﻱ ﻳﺄﺫﻳﻨﻲ ﻳﻮﻡ ﻋﻦ ﻳﻮﻡ ﻛﺎﻋﺪ ﻳﺬﺑﻞ ﻛﺪﺍﻣﻲ ﻭﻣﺎ ﺑﻴﺪﻱ ﺷﻲ ﺍﺳﻮﻳﻪ
ﺑﺎﺱ ﺭﺍﺳﻲ ﻭﻛﺎﻝ
.. ﻣﺒﺮﻭﻙ ﻳﺎ ﺍﻟﺤﻨﻴﻨﻪ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺴﻌﺪﺝ ﻭﺍﺷﻮﻑ ﺍﻟﻔﺮﺣﻪ ﺑﻌﻴﻮﻧﺞ ﺩﻭﻡ
.. ﺍﻟﻠﻪ ﻳﺒﺎﺭﻙ ﺑﻴﻚ ﺣﺒﻴﺒﻲ
ﺍﺑﺘﺴﻤﺖ ﻭﻫﻮ ﻣﺴﺢ ﺩﻣﻮﻋﻲ ﺍﺟﻪ ﺟﺪﻭ ﺑﺎﺱ ﺭﺍﺳﻲ ﻭﻛﺎﻝ
.. ﻣﺒﺮﻭﻙ ﺟﺪﻳﺪﻱ ﻋﺴﺎﻫﺎ ﺯﻭﺍﺟﺔ ﺍﻟﺪﻫﺮ
.. ﺷﻜﺮﺍ ﺟﺪﻭ
ﺍﻣﻪ ﺟﺎﻧﺖ ﺑﺒﺎﺏ ﺍﻟﻤﻄﺒﺦ ﺷﺎﻓﺘﻨﻲ ﻣﺎ ﺑﺎﺭﻛﺘﻠﻲ ﺭﺍﺣﺖ ﻟﻬﺠﺮﺱ ﺑﻮﺳﺘﻪ ﻭﺗﺤﻀﻦ ﺑﻴﻪ ﺍﺟﺘﻲ ﻓﻄﻮﻣﻪ ﺗﺮﻛﺾ ﺣﻀﻨﺘﻨﻲ
.. ﺟﻮﻟﻲ ﺟﻮﻟﻲ ﻣﺮﺓ ﺍﺧﻲ ﺿﻠﻌﺘﻲ
ﺑﻮﺳﺘﻨﻲ ﻛﺎﻟﺖ ﺑﻴﺒﻲ
.. ﻭﻟﺞ ﻓﻄﻴﻢ ﺗﻮﺧﺮﻱ ﻋﻨﻬﺎ ﻣﺎﻝ ﺍﻟﻮﺟﻌﻪ ... ﺗﻌﺎﻟﻲ ﻟﻴﻪ ﺣﺒﻮﺑﻪ ﻳﻮﻡ ﺍﻟﻤﺒﺎﺭﻙ ﻣﻨﻪ ﺍﻟﻤﺎﻝ ﻭﻣﻨﺞ ﺍﻟﻌﻴﺎﻝ
ﺑﻮﺳﺘﻨﻲ ﻭﻛﺎﻟﺖ ﺗﻌﺎﻱ ﻋﻨﺪﻱ ﺳﺎﻟﻔﻪ ﻭﻳﺎﺝ ﻛﺎﻟﻠﻬﺎ ﻫﺠﺮﺱ
.. ﻫﻮﺑﺞ ﺣﺒﻮﺑﻪ ﻭﻳﻦ ﻣﺎﺧﺬﺗﻬﺎ
ﺍﻟﻈﺎﻫﺮ ﻫﺠﺮﺱ ﻳﻌﺮﻑ ﺑﺴﻮﺍﻟﻒ ﺑﻴﺒﻲ ﺭﺍﺡ ﺗﺴﺄﻟﻨﻲ ﻉ ﺷﻲ ﻭﺭﺍﺩ ﻳﺘﻼﺣﻜﻬﺎ ﺑﺎﻭﻋﺘﻠﻪ ﺻﻔﺢ ﻭﻛﺎﻟﺘﻠﻪ
.. ﺍﻭﻭﻭﻭ ﺍﻟﻐﺴﻞ ﻭﺍﻧﺖ ﺷﻌﻠﻴﻚ ﻋﻮﺩ ﺻﺎﺭﺕ ﻣﺮﻳﺘﻪ ﻭﻛﺎﻡ ﻳﻬﻮﺑﺰ ﻋﻠﻴﻪ ﻣﺎﻟﻚ ﺷﻐﻞ ﺳﻮﺍﻟﻒ ﻧﺴﻮﺍﻥ
ﺳﺤﺒﺘﻨﻲ ﻣﻦ ﺍﻳﺪﻱ ﻭﺩﺧﻠﺘﻨﻲ ﻏﺮﻓﺘﻬﺎ ﻭﺩﺍﺭﺕ ﻭﺟﻬﻬﺎ ﻋﻠﻴﻪ ﻭﻫﻲ ﻭﺍﻛﻔﻪ ﻉ ﺍﻟﻌﺼﺎ ﻣﺎﻟﺘﻬﺎ ﻛﺎﻟﺖ
.. ﻫﺎ ﺣﺒﻮﺑﻪ ﺑﺸﺮﻱ
ﺍﻧﻲ ﺗﻔﺎﺟﺄﺕ ﺷﺘﻘﺼﺪ ﻛﺘﻠﻬﺎ
.. ﺷﻨﻮ ﺑﻴﺒﻲ ﺷﺄﺑﺸﺮ ؟
.. ﺍﻭﻭﻭﻭ ﺻﺠﻴﺠﻪ ﺑﺸﺮﻱ ﺍﻟﻤﺴﻮﺩﻥ ﻫﺬﺍ ﺧﺬﺍﺝ ﻟﻮ ﻻ ؟
ﻫﻢ ﻣﺎ ﻓﻬﻤﺖ ﻛﻼﻣﻬﺎ ﺷﺘﻘﺼﺪ ﻛﺘﻠﻬﺎ
.. ﺑﻴﺒﻲ ﻭﻳﻦ ﻳﺎﺧﺬﻧﻲ ؟
.. ﻳﺎ ﻫﺎﻱ ﺷﻤﺎﻟﻬﺎ ﺍﻟﻔﺮﺧﻪ ﻋﻘﻠﻬﺎ ﺻﺎﻳﺮ ﺑﻴﻪ ﻗﻮﻟﻮﻥ ﻭﻣﺤﺠﺮ .. ﻭﻟﺞ ﻧﺎﻡ ﻭﻳﺎﺝ ﻟﻮ ﻻ
ﺍﻧﻲ ﺷﻬﻜَﺖ ﻭﺩﻧﻜَﺖ ﺣﺴﻴﺖ ﻭﺟﻨﺎﺗﻲ ﺻﺎﺭﻥ ﺣﻤﺮ ﺳﻜﺘﺖ ﻣﺎ ﺟﺎﻭﺑﺘﻬﺎ ﻫﻲ ﺻﻔﻜﺖ ﺍﻳﺪﻫﺎ ﻭﻏﻤﺘﻨﻲ ﻭﻛﺎﻟﺖ
.. ﺍﻭﻫﻤﺪﺍﺝ ﻳﺎ ﺍﻟﻔﺎﻫﻴﻪ ﻋﺮﻓﺘﺞ ﻣﺎ ﺗﺪﺑﺮﻳﻨﻬﺎ
ﺳﻜﺘﺖ ﺷﺄﺭﻳﺪ ﺍﺟﺎﻭﺑﻬﺎ ﺭﺍﺣﺖ ﻟﻜﻨﺘﻮﺭﻫﺎ ﻃﻠﻌﺖ ﻣﻦ ﺟﻮﻩ ﻫﺪﻭﻣﻬﺎ ﺻﺮﻩ ﻭﻓﺘﺤﺘﻬﺎ ﻭﻛﺎﻟﺖ
.. ﺗﻌﺎﻟﻲ ﺣﺬﺍﻱ
‏( ﻳﻌﻨﻲ ﺗﻌﺎﻟﻲ ﻳﻤﻲ ﺗﻘﺮﺑﺖ ﻳﻤﻬﺎ ‏) ﻛﺎﻟﺖ
.. ﻣﺪﻱ ﺍﻳﺪﺝ ﻟﺸﻮﻑ
ﻣﺪﻳﺖ ﺍﻳﺪﻱ ﻭﻫﻲ ﻓﺘﺤﺖ ﺍﻟﺼﺮﻩ ﻭﺗﻔﺎﺟﺄﺕ ﺑﺎﻟﺒﻴﻪ ﻛﺎﻥ ﻋﺒﺎﺭﻩ ﻋﻦ ﺻﺮﻩ ﺟﺒﻴﺮﻩ ﻣﻠﻴﺎﻧﻪ ﺫﻫﺐ ﻣﻦ ﻫﺬﺍ ﺍﻟﻘﺪﻳﻢ ﻭﺍﻟﺜﻜَﻴﻞ ﻃﻠﻌﺖ ﺳﻮﺍﺭ ﺛﻜﻴﻞ ﻛﻠﺶ ﻭﻟﺒﺴﺘﻨﻴﺎﻩ ﻛَﺎﻟﺖ
.. ﻫﺎﻱ ﺻﺒﺎﺣﻴﺘﺞ ﻣﺎﻝ ﺍﻟﻌﺮﺱ
.. ﺑﺐ ﺑﺲ ﺑﻴﺒﻲ ﻫﺎﻱ ﻫﻮﺍﻱ
.. ﻣﺎ ﺗﻐﻼ ﻋﻠﻴﺞ ﺣﺒﻮﺑﻪ ﺑﺲ ﺍﺭﻳﺪﻥ ﻣﻨﺞ ﺗﺤﻄﻴﻦ ﻫﺠﺮﺱ ﺑﻌﻴﻮﻧﺞ ﻭﻣﺎ ﺗﺰﻋﻠﻴﻨﻪ ﻳﻮﻡ ﻫﺎﻟﺘﺸﻮﻓﻴﻨﻪ ﻳﺠﻌﺮ ‏( ﻳﺼﻴﺢ ‏) ﺑﺲ ﻫﻮ ﺣِﻨﻴﻦ ﺍﻟﺼﻮﺕ ﻋﺎﻟﻲ ﻭﺍﻟﻜَﻠﺐ ﺧﺎﻟﻲ
ﻫﺰﻳﺖ ﺭﺍﺳﻲ ﺑﺄﻱ ﻭﺑﺎﺳﺖ ﺭﺍﺳﻲ ﻭﻃﻠﻌﻨﻪ ﻟﻜﻴﻨﻪ ﺍﻟﺰﻟﻢ ﺑﺎﻻﺳﺘﻘﺒﺎﻝ ﻻﻥ ﺟﺎﻳﻴﻬﻢ ﻧﺎﺱ ﻳﺒﺎﺭﻛﻮﻟﻬﻢ ﺑﺲ ﺍﻟﻨﺴﻮﺍﻥ ﺑﺎﻟﺼﺎﻟﻪ ﻛﺎﻟﺘﻠﻪ ﻓﻄﻮﻡ
.. ﺿﺎﻭﻳﻪ ﺍﺷﻮ ﺍﻭﻝ ﻣﺎ ﺍﺟﺘﻲ ﺧﺬﺗﻴﻬﺎ ﻟﻠﻐﺮﻓﻪ ﺷﻨﻮ ﺍﻧﺘﻲ ﺭﺟﻠﻬﺎ ﻟﻮ ﻫﺠﺮﺱ
.. ﻣﻮ ﺍﻛَﻮﻡ ﺍﻛﺴﺮﺝ ﺑﺎﻟﻌﺼﺎ ﻳﺎ ﺍﻟﺒﺎﻳﺮﻩ
.. ﻭﺍﻟﻠﻪ ﻳﺼﻴﺤﻮﻟﻲ ﺑﺎﻳﺮﻩ ﻭﻻ ﺍﺻﺒﺢ ﺑﻮﺟﻬﻪ ﻭﺍﺣﺪ ﻳﺴﺒﻞ ﻭﻳﺸﻮﺧﺮ
ﺿﺤﻜﻨﻪ ﻛﺎﻟﺖ ﺑﻴﺒﻲ
.. ﻛﻮﻣﻦ ﻭﻟﺠﻦ ﻭﺣﺪﻩ ﺑﻴﺠﻦ ﺗﺴﻮﻱ ﺭﻳﻮﻙَ ﻟﺬﻭﻟﻪ ﺍﻟﻤﺴﺎﭼﻴﻦ ﻣﻦ ﺍﻟﺼﺒﺢ ﻋﻠﻰ ﻟﺤﻢ ﺑﻄﻨﻬﻢ
ﺍﺟﺖ ﺑﺸﺮﻯ ﺧﺒﺼﺖ ﺍﻟﺒﻴﺖ ﺑﺎﻟﻬﻼﻫﻞ ﺑﻮﺳﺘﻨﻲ ﻭﺑﺎﺭﻛﺘﻠﻲ ﻭﺷﺎﻳﻠﻪ ﻣﺎﻟﻚ ﻭﻫﻮ ﺻﺎﻓﻦ ﻋﻠﻴﻬﺎ ﺑﻌﺪ ﺍﻣﻪ ﺍﺧﺬﺗﻪ ﻣﻨﻬﺎ ﺍﺑﻮﺱ ﺑﻴﻪ ﻭﺭﺍﺣﺖ ﺗﺤﻀﺮﻟﻠﻨﻪ ﺭﻳﻮﻙ ﻛﻌﺪﺕ ﻳﻤﻲ ﻓﻄﻮﻣﻪ ﻭﻛﺮﺻﺘﻨﻲ
.. ﻭﻟﺞ ﺍﺷﻮ ﻻﺑﺴﺘﻨﻲ ﻣﻦ ﺍﺧﺬﺗﻲ ﺍﺧﻮﻱ ﻟﺴﻪ ﻻ ﻋﺒﺎﻟﺞ ﺍﺧﺬﺝ ﻣﻨﻲ ﺗﺮﻩ ﺍﺳﻮﻳﻠﻜﻢ ﺳﺤﺮ ﺍﺧﻠﻴﻪ ﻳﺸﻮﻓﺞ ﻣﺜﻞ ﺳﻠﻴﻤﺔ ﺍﻟﺒﻴﻦ ﻭﺗﺮﺟﻌﻴﻠﻲ
.. ﻳﺎ ﺭﻳﺖ
ﺑﺎﻭﻋﺘﻠﻲ ﺑﺼﺪﻣﻪ
.. ﻟﻴﺶ ﻳﺎ ﺭﻳﺖ ﻭﻟﺞ ﻣﺎ ﺗﺮﺩﻳﻦ ﺍﺧﻮﻱ
.. ﻻ
.. ﺍﻭ ﺻﺨﻮﻧﻪ ﺍﻧﺘﻲ ﻣﻮ ﻭﺟﻪ ﻧﻌﻤﻪ
ﺑﻬﺎﻻﺛﻨﺎﺀ ﺩﺧﻞ ﺑﺎﺑﺎ ﻟﻠﺼﺎﻟﻪ ﺍﺑﺘﺴﻤﺘﻠﻪ ﻛﺎﻝ ﺑﺎﺑﺎ
.. ﺗﻌﺎﻟﻲ ﺑﺎﺑﺎ ﺟﻴﻼﻥ ﺷﻮﻳﻪ ﻟﻠﻐﺮﻓﻪ
ﺑﺴﺖ ﻣﺎﻟﻚ ﻭﺣﻄﻴﺘﻪ ﺑﺤﻀﻦ ﻓﻄﻮﻣﻪ ﻭﻛﻤﺖ ﺩﺧﻠﻨﻪ ﻟﻠﻐﺮﻓﻪ ﺳﺪﻫﺎ ﻭﺭﺍﺡ ﻟﻠﻜﻨﺘﻮﺭ ﺩﻭﺭ ﺑﺎﻟﻐﺮﺍﺽ ﻭﺳﺄﻟﻨﻲ
.. ﺑﺎﺑﺎ ﺷﻠﻮﻧﻪ ﻫﺠﺮﺱ ﻭﻳﺎﺝ ﺍﻟﺒﺎﺭﺣﻪ
ﻣﺎ ﺭﺩﺕ ﺍﺿﺎﻳﻘﻪ ﺍﺑﺘﺴﻤﺖ ﻭﻛﺘﻠﻪ
.. ﻫﺠﺮﺱ ﺣﺒﺎﺏ ﺑﺎﺑﺎ ﻻ ﻳﻀﻞ ﺑﺎﻟﻚ
ﺷﻮﻳﻪ ﻭﻃﻠﻊ ﺍﻭﺭﺍﻕ ﻭﻓﺘﺤﻬﻦ ﻭﺣﻄﻬﻦ ﺑﺄﻳﺪﻱ ﺑﺎﻭﻋﺘﻠﻪ ﺑﺎﻟﺒﺪﺍﻳﻪ ﻣﺎ ﻓﻬﻤﺖ ﺑﺲ ﻛﺎﻥ ﻣﻜﺘﻮﺏ ﺍﺳﻤﻲ ﻭﻋﻘﺎﺭ ﻓﻮﻙ ﻭﺩﻓﺘﺮ ﺻﻐﻴﺮ ﺑﻴﻪ ﺣﺴﺎﺏ ﺑﺎﻭﻋﺘﻠﻪ ﺑﺄﺳﺘﻐﺮﺍﺏ ﻛﺘﻠﻪ
.. ﺷﻨﻮ ﻫﺬﺍ ﺑﺎﺑﺎ ؟
.. ﺳﺠﻠﺖ ﺑﻴﺘﻨﻪ ﺍﻟﻠﻲ ﺑﺒﻐﺪﺍﺩ ﺑﺄﺳﻤﺞ ﻭﺑﻌﺖ ﺍﻟﺴﻴﺎﺭﻩ ﻭﺣﻄﻴﺖ ﻓﻠﻮﺳﻬﺎ ﺑﺤﺴﺎﺑﺞ ﺑﺎﻟﻤﺼﺮﻑ ﺍﻋﺘﺒﺮﻳﻬﺎ ﻫﺪﻳﺔ ﺯﻭﺍﺟﺞ
ﺍﻧﻲ ﺩﻣﻮﻋﻲ ﺟﺮﺕ ﻭﻛﻌﺪﺕ ﺑﺎﻟﻜﺎﻉ ﻛﻤﺖ ﺍﺑﺠﻲ ﺍﺟﻪ ﻛﻌﺪ ﻳﻤﻲ
.. ﻟﻴﺶ ﺑﺎﺑﺎ ﺗﺴﻮﻳﻦ ﻫﺎﻟﺸﻜﻞ
.. ﺑﺎﺑﺎ ﺍﻧﻲ ﻣﺎ ﺍﺭﻳﺪ ﺷﻲ ﻣﻦ ﻫﺎﻟﺪﻧﻴﺎ ﺑﺲ ﺍﻧﺖ ﺍﺑﻮﺱ ﺍﻳﺪﻙ ﺍﺧﺬ ﻛﻞ ﻫﺎﻱ ﺍﻟﻔﻠﻮﺱ ﻭﻧﻜﻌﺪ ﺍﻳﺠﺎﺭ ﺑﺲ ﺗﺮﺟﻊ ﺣﻴﺎﺗﻲ ﻭﻳﺎﻙ
.. ﺑﺎﺑﺎ ﻻﺯﻡ ﺗﺼﻴﺮﻳﻦ ﻗﻮﻳﻪ ﻣﺎ ﻋﺮﻓﺘﺞ ﺿﻌﻴﻔﻪ ﺑﻴﻮﻡ .. ﺍﺫﺍ ﺍﻟﻠﻪ ﻛﺎﺗﺒﻠﻲ ﺍﻣﻮﺕ ﻟﻮ ﺍﺑﻴﻊ ﺍﻟﺠﻮﺍﻱ ﻭﺍﻟﻔﻮﻛﺎﻱ ﺍﻣﻮﺕ ﻭﺍﺫﺍ ﺍﻟﻠﻪ ﻛﺎﺗﺒﻠﻲ ﺍﻋﻴﺶ ﻣﺎ ﺍﺩﻓﻊ ﻭﻻ ﻓﻠﺲ ﻭﻫﻮ ﺍﻟﻤﺸﺎﻓﻲ ﺧﻠﻴﻬﺎ ﻋﻠﻰ ﺍﻟﻠﻪ ﻭﻛﻮﻟﻲ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﻋﻠﻰ ﻛﻠﺸﻲ
.. ﺑﺲ ﺑﺎﺑﺎ ﺭﺏ ﺍﻟﻌﺎﻟﻤﻴﻦ ﻛﺎﻝ ﻳﺎ ﻋﺒﺪ ﺍﺳﻌﻰ ﻭﺍﻧﻲ ﺍﺳﻌﻰ ﻣﻌﺎﻙ
.. ﻭﺍﻧﻲ ﻣﺎ ﺳﺎﻛﺖ ﺩﺍ ﺍﺭﺍﺟﻊ ﻭﺍﻋﺎﻟﺞ ﻛﻴﻤﻴﺎﻭﻱ ﺍﻥ ﺷﺎﺀ ﺍﻟﻠﻪ ﺍﺻﻴﺮ ﺯﻳﻦ ﻋﻠﻴﻪ ﻭﺍﺫﺍ ﺍﻟﻠﻪ ﺍﺧﺬ ﺍﻣﺎﻧﺘﻪ ﺍﺭﻳﺪﺝ ﺗﺮﻓﻌﻴﻦ ﺭﺍﺳﻲ ﻛﺪﺍﻡ ﺯﻭﺟﺞ ﻭﻋﻴﺎﻟﺞ ﻣﺎ ﺍﺭﻳﺪ ﻳﻜﻮﻟﻮﻥ ﺑﻨﺖ ﺁﺯﺍﺩﻱ ﺍﻭ ﺑﻨﺖ ﻋﺪﻧﺎﻥ ﻣﺎ ﻋﺮﻓﻮﺍ ﻳﺮﺑﻮﻫﺎ ﺍﻭ ﺗﺠﻴﺞ ﺣﺠﺎﻳﻪ ﻣﻮ ﺣﻠﻮﻩ ﺑﺤﻘﻲ ﻟﻮ ﺑﺤﻖ ﺍﻣﺞ
ﻓﻌﻼ ﺍﻧﻲ ﻃﻮﻝ ﻫﺎﻟﺴﻨﻴﻦ ﻭﺍﻻﻳﺎﻡ ﻣﺎ ﻓﻜﺮﺕ ﺍﻧﻪ ﺍﻟﻨﺎﺱ ﻣﻤﻜﻦ ﺗﺤﺠﻲ ﻉ ﻣﺎﻣﺎ ﺍﻟﻠﻪ ﻳﺮﺣﻤﻬﺎ ﺍﻭ ﻉ ﺗﺮﺑﻴﺔ ﺑﺎﺑﺎ ﺍﻟﻠﻲ ﺿﺤﻪ ﺑﺤﻴﺎﺗﻪ ﻋﻠﻤﻮﺩﻱ .... ﺍﺟﻪ ﻟﺰﻣﻨﻲ ﻣﻦ ﺍﻳﺪﻱ ﻛﻮﻣﻨﻲ ﻭﺣﻀﻨﻨﻲ ﺍﺟﺖ ﺑﺸﺮﻯ ﺩﻛﺖ ﺍﻟﺒﺎﺏ ﻛﺎﻝ ﺑﺎﺑﺎ
.. ﻣﻨﻮ ؟
.. ﺍﻧﻲ ﺑﺸﺮﻯ ﻋﻤﻮ ﺧﻠﻲ ﺟﻮﻻﻥ ﺗﺠﻲ ﺗﺘﺮﻳﻚ ﻫﻲ ﻭﻫﺠﺮﺱ
.. ﻣﺎﺷﻲ ﺟﺎﻳﻴﻦ ﻋﻤﻮ
ﺍﺧﺬﻧﻲ ﻭﻃﻠﻌﻨﻪ ﻛﺎﻟﺖ ﺑﻴﺒﻲ
.. ﺗﻌﺎﻱ ﺣﺒﻮﺑﻪ ﺷﻴﻠﻲ ﺍﻟﺼﻴﻨﻴﻪ ﻭﺭﻭﺣﻲ ﻟﻐﺮﻓﺘﺞ ﺣﺘﻰ ﻳﺠﻲ ﺭﺟﻠﺞ ﻭﺗﺎﻛﻠﻮﻥ ﺳﻮﻩ
ﺍﺟﻴﺖ ﺍﺭﻳﺪ ﺍﺷﻴﻞ ﺍﻟﺼﻴﻨﻴﻪ ﺍﺟﺖ ﻋﻤﺘﻲ ﻛﺎﻟﺖ
.. ﺟﻴﻼﻥ
.. ﻧﻌﻢ ﻋﻤﻪ
.. ﻭﻳﻦ ﺍﻟﻨﻴﺸﺎﻥ ﻣﺎﻝ ﻋﺮﺳﺞ
.. ﻳﺎ ﻧﻴﺸﺎﻥ
.. ﺍﻟﻮﺻﻠﻪ ﻣﺎﻝ ﺍﻟﺪﺧﻠﻪ ﻭﻳﻨﻬﺎ
mariam#