"ساقت الأقدارُ حبك نحوَ أرضي"

" الجـزء السـادس عـشـر "

‏" محزن جدًا أن تبقى في علاقة لفترة طويلة وبعدها تكتشف أنك لم تترك أثر، وجودك وعدمه لا يُشكِّلان فارقًا، من السهل الاستغناء عنك، كل الذي فعلته سدى، الطرف الآخر يجعلك في عداد العاديين جدًا في حين أنه أهم شخص في حياتك. الإفراط في التوهم والتوقع مؤذي ومؤسف ويورث البؤس والخيبة "

مستسلمه للمنظر اللي تشوفه يتهاوشون بين المؤيد والرافض على وجودها هي واخوها ي ترى لو كان ابوها عايش كان بيرفضون زواجه ب امها او بيحملون امها سبب زواج اخوهم بها تشوف عمها المسمى ب جابر كان مختلف عن ابوها واعمامها ببشرته المايله للسمره والبطن الممتلى واللحيه الطويله بلونها البرتقالي المايل للحمره وحجم طوله الصغير عكس تماماً عمها خالد اللي كان اطول منه وببياض بشرته مع لحيه قصيره اللي واضحه فيها الشيب وتجاعيد وجهه المليانه التفت على عمتها ثريا اللي قال لها ابوها انها تؤام له م في شبه يوضح انهم توام ابوها ملامحه مملوحه عكس عمتها اللي كانت عاديه جداً حجمها الصغير ونحفها مع وضوح شعرها الطويل من تحت الشيله كانت بيضاء عكس بشره ابوها القمحيه كانت ملامحها م تدل ان عمرها ب نهايه ٤٠ تدل على انها اصغر من كذا انتبهت ليد حاتم وهو يلكزها:تيماء شوبك مغطيه وشك
جت تتكلم دخلو اربع شباب فايع سعيد محمد عبدالوهاب توجهو كلهم وحبو راس عمهم خالد وقعدو بجنب ثريا
فايع يلكز عبدالوهاب:ابلش عمك شكله متزوج وذي زوجته الثانيه عزلله ذبحته النسره
عبدالوهاب:شف ولد عمنا شزينه ماشاءالله زين زين خل يعدل النسل
سعيد بهمس: م ودك انت وياه تنطمون خل نفهم وشعندهم
عبدالوهاب:ابد م في شي يحتاج الفهم ذي مره عمكم
وذا ولد العم شزينه
خالد يضرب بعصاته على الارض وبعصبيه:جابر انا من سابع المستحيلات ارمييهم عشان خوفك من كلام القبيله
جابر وقف:اجل تبيهم بكل مجلس يقولون والله احمد ماخذن وحده مي من سلومنا ولا نعرفها وتجي وحده تقول انهم بنت اخونا ومعها اخو؟وين حن فيه
ثريا : وانا شعلي فيهم؟انت م تفهم ذول قطعه من الغالي يكفي انه مات وانا مشتاقه له وابي اشوفه
عبدالوهاب:اوله ذي بنت عمي احمد؟!!!!
خالد:واحنا م راح نعترف فيهم حتى نسوي تحليل الDNA
جابر ؛لامن عرفتو انها كذوبه بلغوني العينات ذي اعرفها تحب تسترزق على ظهورنا عينه وصخه ومالها قيمه انهى النقاش بخروجه السريع
هرولت ثريا صوب تيماء وحاتم:م عليكم منه انتو عيال احمد انا متاكده فيكم من ريحته دمه يمشي بعروقكم انتو عياله"وتحضن حاتم وتمسك يد تيماء"
خالد :اسف على اللي سمعتوه ي بنتي "لف على الشباب" محمد ابيك تحدد لنا موعد فحص DNA ب اقرب وقت
محمد:ابشر ي عمي
فايع بدفاشه:تدري ي عمي ع بالي ماخذن وحده غير عمتي
عبدالوهاب يلكزه بكوعه وبهمس:اسكت ي مال البعر اسكت
خالد بحده:شرايك تبلع لسانك قبل اخليك تبلعه بطريقتي قم انقلع لا بارك الله بوجهك
فايع وقف وبهروله طلع من المجلس
خالد يناظر ب محمد وعبدالوهاب وسعيد:وانتو
كلهم بخوف:سم
خالد:شعندكم منثبرين هنا؟قمو انقلعو م وراكم اشغال برا