"ساقت الأقدارُ حبك نحوَ أرضي"

"الــجــزء الــخــامــس والـــثـــلاثـــون"

‏اللهم إنك عفوُ كريمٌ تحب العفو فاعفو عنا اللهم أعتق رقابنا ورقاب والدينا من النار اللهم أغفر لنا ذنوبنا وتخطى عن سيئاتنا اللهم أرحم موتانا وبرد قبورهم وأجعلهم ضاحكين مستبشرين يالله أغفر لنا وأرحمنا وعافنا وأرزقنا ❤️❤️
•
•
•
•
•
•
•

دخل عليها وكانت الدنيا مو سايعته من الفرحه بيجيه طفل شافته داخل والابتسامه شاقه وجهه حطت يدها على وجهها وبدت تبكي استعجل بخطواته لها وكان منخرش من وضعها وش اللي قلب حالها سحب يدها من على وجهها وبهدوء :مبروك ي احلى ام
علياء تصد بوجهها عنه بدون كلام م تبي تناظره م تبي تشوفه ولا تسمع حسه مشاعرها متلخبطه بين مستانسه وبين الخوف ماكل قلبها
لف وجهها :ليه تحرميني من عيونك ليه تصدين عني علميني
علياء: بتحرمني منه صح؟
ناصر استغرب وم فهم يحرمها من مين؟
علياء ببكى :لاتسوي نفسك غبي ترا اعرف انك تبي الطفل عشان يُسر صح تبي تقتل ولدي وتخلي بنتك عايشه م عندك قلب انت كيف تسوي فيني كذا
انصدم من تفكيرها وسحبها لحضنه:والله انك غبيه كيف اسوي بك كذا وانا من عرفت انك حامل مددت اجازتي وبنقعد هنا حتى يستقر وضع الجنين كيف تبيني افرط ب شي فيه منك ي ادميه افهمي "بعدها عنه بهدوء وحاوط وجهها"تراي ميتن بك وطايحن على وجهي والله اني احبك ي بنت بس نفورك هو اللي مخليني اقلب بين فتره وفتره عطيني فرصه اعوضك عن كل شي عطيني فرصه ابدل حزنك ل فرح وسعاده

حست رقبتها بتنكسر من نومتها فتحت عينها بثقل وهي تمسج رقبتها وانصدمت من المكان اللي هي فيه كانت بطياره وبجنبها سيف يطقطق بالايباد رمشت اكثر من مره على اساس تستوعب المكان اللي هي فيه والخدعه اللي حبكها لها لفت عليه وقت م تكلم:صح النوم ي حلوه نمت وصحيت وانتي توك تصحين؟
رغد:اش صار وين حنا تكلم؟
سيف :حالياً عندي رحله عمل ب جنيف وبعدها امري تدللي ي عروستي بالاماكن اللي تبينها
رغد مسكت على راسها :انت مجنون علمني وش تقول كيف سافرنا وامي وابوي م اشوفهم خصوصاً ابوي وحالته اللي مو عارفه عنها شي
سيف تافف:هفففف ردينا على طير يلي اهلك انسيهم بح اخذتك انا يعني انا اهلك ناسك انا كل حياتك
رغد بصراخ:ي مجنون ي متخلف اهلي ذول كيف انساهم صارحني بك قل صح ؟اخذتك وانت مجنون وجنونك قاعد تطلعه علي
سيف فتح الدرج اللي جنبه وطلع ابره وقف متوجهه لها:م احب استخدم الاسلوب ذا بس انتي تجبريني
رغد ب انهيار تحاول تهرب منه:لا لا الله يخليك لا فكني ابي اهلي اتركني ساعدوني الله يخليكم
كتفها وغرز الابره ب كتفها ماهي لحظات الا وهي بدت تغط بنومه ومو حاسه باللي حولها اخذ نفس وهو يحاول يطير تأنيب الضمير اللي عايش جواته هو يبي ينتقم منها منها وبس يبي ياخذ حق اخوه وينتقم منها انتبه للمضيفه اللي تناظر بخوف للي سواه برغد سيف بحده:اذهبي الى عملك فوراً