"ساقت الأقدارُ حبك نحوَ أرضي"

" الجـــزء الــتــاســع عــشــر "

لكنني فقدت دهشتي بك، انطفئت رغبتي بك تمامًا ، تمنيت أن تدوم طويلًا، حاولت دائمًا، حاولت طوال أيامي معك ألا تصبح عابرًا في حياتي، ألا تكون كأي شخص آخر لم يتعمق بي، لم يلمسني من الداخل، لكنك لم تأبه لمحاولاتي قط، آسف أنت شخص رائع لشخص آخر غيري وانا استسلم من محاولات جعلك تدوم

بس أنتي تخافين منه وش اللي خلاك تروحين معاه وتتركيني مثل الاطرش بالزفه
تحاول تخرج الكلام من فمها لكن خايفه لوهله تذكرت كوابيسها ودم اخوها
فاهد:اشوف اكل القطو لسانك ولا رجعتي طرماء ي بنت ابوك؟
رسيل تضرب كتف فاهد:هي انت بالهداوه عالبنت شوي وتاكلها بقشورها فاهد اهدى خل نفهم وش اللي خلاها تركب مع ابوي "لفت على امل وحطت يدها بيد امل"أموله حبيبتي علميني انا اسمعك اهدي واذكري الله وروقي ليه خفتي من ابوي صاير شي؟حصل شي هددك؟
رفعت أمل راسها واول م طاحت عينها على فاهد هزت راسها بالرفض:
رسيل:أجل؟ليه رحتي معه
أمل تحاول تنطق الكلام:أخخخ....ااف...مس...وي ششيء لل...أبب..ووي
رسيل تضغط ع يدها بالهداوه:وأبوك وينه ليه م جاء يوم ملكتك؟
أمل:مم..أعرر...فف هوو..مم..ن.....و...قتتت اأخ...ذني ابـ...وكم ماا...عرررف شي عن...ه
رسيل لفت على فاهد:الظاهر في سالفه ابوك مخبيها
فاهد يناظر أمل وهي ترجف وغصب الكلام يطلع منها :أعطيها مويه رسيل وخليها تهدى انا طالع
رسيل:تمام بينا إتصال

:دخلت بعد م غيرت لبسها وعدلت من مكياجها شافته قاعد على الجوال وبنفسها"اف اف اف كريه م تنلام مرته يوم طلبت الطلاق":احم
انتبه عليها فهد دخل جواله بجيبه:اهلاً وين عمي؟
عهود بتلميح:راح يرتاح تعرف ظهر وكذا
فهد برفعه حاجب:واذا ظهر شعلي؟
عهود تحاول ترقع:ولاشي ...كيفها ميلا ليش م جبتها وياك اتعرف عليها؟
فهد استانس انها سألت عن ميلا:زينه الحمدلله كانت نايمه وم حبيت اصحيها المره الجايه اجيبها وياي
عهود:امم والنوري وخالتي كيفهم ركيف النقل معهم؟
فهد:م عليهم بخير وقاعدين يأثثون جناحي
عهود بعفويه:وانت بزر عشان تخلي امك واختك يأثثون لك؟
فهد:عهود؟!!
عهود وهي تاكل من كاسه الحلا:همممم
فهد يناظرها وهي تاكل ومو يمه ابد:شقلتي تو؟
عهود بفهاوه:وش قلت
فهد بضحكه:انتي فاهيه كذا دوم؟
عهود لفت عليه:كيف؟
فهد :خلصتي اغراضك ناقصك شي
عهود ترشف من فنجالها:لا باقي لي اشياء
فهد بتحشير:وشهي الاشياء؟
عهود:محد قال لك انك ملقوف؟
فهد:انتي اول وحده قلتي لي
عهود:اعتذر على بجاحتي بس صدق تراك ملقوف
فهد وقف:اذا انا ملقوف انتي ملسونه ولسانك يبي له قص
عهود:وم انخلق اللي يقصه
فهد ب إبتسامه حلوه:انخلق وهذا هو واقف قدامك