"ساقت الأقدارُ حبك نحوَ أرضي"

" الــجــزء الــواحـــد والـــعــشــرون "

وماذا الان هل تشافت جراحنا ام تقيحت مع الوقت
وماذا عني هل نسيتني ام تناسيتني؟
ولماذا كل هذا؟فلقد التهبت جراحي وباتت مصابيحي لاتومض
فلماذا؟ احن إليك واتوق لحديثك ألي؟

لبست فستان اسود حطت ميكب ناعم سوت شعرها من اسفل ويفي خفيف اعطاها شكل حلو وناعم انتبهت على دق الباب الا وهي امها تقول يلا الناس ينتظرون
دخلت مع امها بعد م سلمت على امه واخته انتبهت ل امه كبيره بالسن واخته كذلك مبين عليها نفس عمر امها طلعت امها وسألتها اخته:تدرسين؟
رغد بهدوء:قدمت على القدرات  وتعرفين التحصيلي والقدرات لازم تكون مرتفعه وان شاءالله تكون كويسه
شيخه: بس سيف قال لنا انك م تبين تكملين جامعه
رغد بصدمه: قال لكم؟
شيخه بتكمل دخلت ام رغد :معليش ...رغد ماما تعالي ابيك
وقفت رغد واستئذنتهم:هلا امي وشفيك
ام رغد:الرجال ينتظر بسرعه خذي الصينيه اللي فيها كوبين عصير وقدميها له واقعدي شوي واطلعي
رغد بتوتر:ماما م ابغى اروح تكفين
ام رغد بشده:عن الدلع واخلصي انا بروح الحريم لوحدهم دخلت ام رغد عند اخت سيف وامه
رغد بدون حيله دخلت المطبخ واخذت الصينيه اللي جاهزه فيها العصير وطلعت وصلت لصاله الثانيه واخذت نفس عميق وهي تعد من واحد حتى ١٠ بعد م خلصت عد ودخلت شافت م في الا شخص حاط رجل على رجل ويناظر ناحييتها ب انتصار:اهلاً اهلاً زوجتي وحبيبتي
رغد برجفه بلعت ريقها وتقدمت ناحيته بتحط العصير على الطاوله بس م انتبهت ل ايده وهو يسحبها تقعد بجنبه
رغد :وجع؟؟؟؟؟؟؟؟؟
سيف:تو تو مو عيب تقولين وجع لزوجك وبعدين وشفيك عادي بتصيري زوجتي ليه الحياء ذا؟
رغد:واثق من نفسك ماشاءالله؟
سيف بتعجرف:واثق الخطىء يمشي ملكاً مو؟
رغد تدف ايده وتقعد بعيد عنه
سيف:وليه م لبستي الفستان الازرق؟
رغد:م اتوقع لك دخل
سيف:ترا انا حبوب حالياً لكن لا تخليني اعصب اخليك تتمني م انخلقتي ع وجه الارض
رغد ب استفزاز: م تسوي شي هديها فلا تحاول تسيطر عالامور
سيف : انا مسيطر واكبر دليل خليتك توافقي علي وانتي م تشوفي الطريق
رغد: راح اشوف نهايتها معك ولا شغل الابتزاز ذا م اطيقه ولا احبه "وقفت بتطلع "تذكرت الايام اللي عانت فيها بسببه رجعت وسحبت كاسه عصير وكبتها فوقه وطلعت بسرعه

دخل الفله بعصبيه وهو ينادي على ابوه:يبه يبه يبه
طلعت امه:ورع وشفيك تنادي ابوك كذا صاير شي اختك صاير لها شي؟
طنش امه ودخل المكتب م حصله فيه طلع فوق لجناح ابوه شافه قاعد يقرا كتاب :يبه
ابو فهد:وحطبه "بعد الكتاب عن وجهه"انا ربيتك كثور او أدمي!!
فاهد: يبه وش...
قاطعه ابو فهد وهو يرمي عليه الكتاب:لا اصغر عيالك انا هاه
فاهد بتعب من التفكير:يبه رجيتك البنيه وش ذنبها تخليها تبعد عني قول خلاص انا ابيها زوجتي ليه هالتصرفات
ابو فهد:البنت م راح تكون زوجتك ي فاهد تسمعني والزواجه ذي على الورق حتى احصل صرفه
فاهد يقعد عند اقدام ابوه:يبه عمري م طلبتك وترجيتك عشان شي كل شي سم وامر وابشر هالحين ابي البنت لي تكفى يبه لاترفض انا شاريها وم راح اتعبث واسال عن اهلها كلش وانا من يدك ذي للثانيه بس ليه تمنعني عنها
ابو فهد :مقدر انفذ غايتك ي فاهد
فاهد:ليه طيب عطني سبب
ابو فهد:مو لازم ابرر لك واعطيك الاسباب البنت م راح تقعد طول العمر عندي والحين اطلع برا عني ولو اشوفك معتب القسم الخاص فيها وقسم بالله تندم عطني الكتاب وانقلع عني برا
فاهد بصدمه من كلام ابوه يعني وين بياخذها ويبعدها عنه  سحب الكتاب واعطى ابوه وطلع وقفل وراه الباب شاف قدامه امه :خير يمه وشفيه وجهك مخطوف
فاهد يهز راسه :ولاشي يمه بدخل جناحي عن اذنك