روايه: الجريمه والعذاب

البارت العشرين

#روايه_الجريمه_والعذاب
............................

والمادروا گالوا تخسره
وانا شنهي الماخسرته وحتى اخسره

كاظم اسماعيل الگاطع

..................

سد التلفون

ام جساس ، احجي گلبي راح يوكف

جر نفس
ابو جساس ، طلعو مخربطين بواحد يشبها وجساس مختفي صارله اربع ايام ورجع اليوم وكايليله انو مخبرينه هو ميت ومتخبل عليهم ورجعو خابروني وطلع واحد يشبها

بجت امي
ام جساس ، يمه الف الحمد لله والشكر احمدك ربي على هل نعمه الف حمدلله

جمانه ، وفلوس الفاتحه صارلنه تلث ايام نطبخ ونستقبل ناس راسي صار دنبگ

غمتني
ام جساس ، لا بارك الله بالسانج

باوعت بطرف عيني وكمت شفت الساعه
ب ٤ الفجر

گبر الگبرهم الله يااخذهم على هل خرعه بس يلا الحمد لله ماكو شي

صعدت للغرفه لكيت تلفوني دايدك شفته رقم غريب مجاوبت

طفى ورجع دگ هم مجاوبت سويته صامت ودانام بأثناء هذا الوكت ندزت رساله

،، فتحي اني صامدد
ورأسََا دگ

اوع هذا شمعرفه برقمي والله لو يدرون اخواني يببوو اجاوب لو لا ضليت اغد بأصابعي العشره اجاوي لو لا وصارت على الماجاوب

قبل لاينسد الخط فتحته
جمانه ، الو

صامد ، شلونچ

جمانه ، زينه الحمدلله وانته الاوضاع يمكنم شلونها انته يم اخواني

صامد ، الاوضاع موزينه داتروح منا كومه ناس تعبت جمانه اصدقائي كدام عيني دايموتون بالقنابل كدامي وبالرشاشات ومابيدي شي غير الحقد يزيد وبم

تنهدت
جمانه ، يلا ان شاء الله تفض على ايدكم انتو سباع مينخاف عليكم والي استشهدوا راحوا للجنه يم رب احسن مني ومنك احسنن ممايضلون يلمون ذنوب

صامد ، اخوانج مو ويايه بس كلهم بخير بغير مناطق

جمانه ، الحمدلله ياربي

سكتت وهو هم سكت رجعت حجيت
جمانه ، تريد شي حروح انام

صامد ، لا

جمانه ، بايباي

انتظرته يجاوب مجاوب سديته عوذه هم داگ وهم صلف ميسلم اوي شعليه خل انام

حطيت راسي على المخده وطار النوم صبح الصبح واني مفنجله عيوني

طلع الصبح عليه واني منايمه

فزيت من صفنتي على صوت مسج باوعت منو طلع صامد

صامد ، كاعده جمانه؟